رواية عندما يكون العشق صوفيا الفصل السادس والثلاثون 36 - بقلم ruqaya H algurtani

انا انسان مهدم انسان تلقى ضرباتة من اقرب مقربين الة اهلي زَوجي صديقتي وبما اني بعدني عايشة المفروض اكون مستعدة ميهمني كائن من يكون اني قوية بس اول مسمعت صوتة تزلزل شكَو شي داخلي..
وكاني انضرل الضربة الأولى.. بحياتي..
سديت التلفون..
شهد؛ ولج.. زينة هاي اخرتها..
اخرة ثقتي بيج.. ولج ليش ماما ليش..
ماما.. انت فاهمة غلط عمو يحيي راد ينقذني ويطلعني من هالمصيبة بلا متتاذون..
مو كتلج اني احلها لاتخافين..
ماما.. محمد كال الجمعة يجيب شيوخ وياخذني رضيتي ولا مرضيتي.. واني خفت حيل...
ولج من شنو تخافين..
اني مااخلي احد يتقربلج فهمتي..
بعد خفت ماما.. ماعرف شسوي..
وعمو يحيى كالي روحي بيت خالة الهام..لما نلكي حل..
وبضنج هذا حل تهربين من اهلج..
ويا واحد غريب..
ماما والله مقبلت.. مقبلت..
شهد؛ والموبايل الضميتي.. لج نايمة يمي.. وضامتة.. شون احجيلي شوكت شفتي شوكت انطاج الموبايل..
ماما.. مو زعلين وتتعصبين..
احجي.. يلا..

قبل شهرين...
لطمت ع خدي وهي غطت وجهه..
شهرين ومتحجين وين لكيتي.. جنت راجعة من المدرسة وشفتة وسالني عن احوالي.. وشونة ع البيت الجديد..
ووو...

وشنو.. متحجين..

صارتلي مشكلة بالمدرسة.. ورادو ولي امري..
وانتي جنتي ملتهية ويا خالي..
لهذا كتلة.. وهو اجة.. وحلها..
شهد؛ اويلي.. يابة كل هذا يطلع منج..
زينة؛ مو باايدي ماما..
خالة علا تكلي.. عمتج حاطتج خدامة ومن تتبرعين لهمام ترجعين بيتنا..
اويلي يابة..
ولج انتي مشتغلة شي.. لج مخليتج محتاجة شي..
شون صدكين بالعالم... ومصدكيني..
مااعرف ماما خفت وخلص..
ظلت تبجي حضنتني واني طمنتهة..
نامت..
ظليت لازمة التلفون.. وممصدكة كل بالي يحيا يريد يضحك ع زينة ويقشمرها..
فتحت التلفون ودزيت اول رسالة تخطر ببالي..
ممصدكة حجي زينة..
هلوووو..
باجر نتشاوف..
رجعلي مسج..

ياريت.. اشوفج.. تعرفين جكد مشتاقلج..
عصبني..
عرفت والله.. عرفت ذولة الرياجيل ميتامنون..
ورا شوي دز مسج.. زين اني شرح ينومني لما يجي باجر كلبي دكاتة صارت سريعة.. وانتي شحاسة..
شمرت التلفون..

اجتي مسج ثاني..
باجر نتشاوف بمطعم...... ورا متخلصين دوامج..
نسدت حواسي كلها بعد مااكدر افكر كل بالي بس يجي باجر وانتف شعرات يحيى شون يضحك ع زينة ميستحي ع روحة..

ظليت اتكلب الليل كلة.. ردت انام مكدرت... كعدت حطيت ريوك لرافت..
وانطيتة دوا.. واليوم المفروض ينام مستشفى عمود الجرعة..
انتبه اني تعبانة وضايجة..
رافت؛ شبيج شهد.. لايظل بالج.. ان شاءالله الجرعة اذا متصحيني تموتني..
وبالحالتين ترتاحين..
شهد؛ رافت لاتحجي هالحجي الله يخليك.. والله واكفة ع شعراية..

رافت؛ دا اشاقة وياج.. شبيج..
شهد؛ محلو هالشقة وياريت تكوم تغسل وتبدل.. دنروح..
اروح اكعد همام هو الثاني هم يشلع كلبي يلا يكعد..
بسرعة كملنا اجراات.. وفتنا لازم ندير دم يلا ياخذ الجرعة.. وقبل كل جرعة يوصيني ع روحي وع الجهال

ماشي.. ماشي..
صارت ساعة 12:30اجة حسين عفتة ويا همام وطلعت.. متحضرة شكو كلمة مسبة محضرتها ليحيى..
وصلت للمطعم لكيتة قبلي كاعد.. بس لاتفاجا ولاانصدم.. بالعكس ابتسم.. ووكف.. ع حيلة..

شهد: طبعا انصدمت.. ممتحضر ع جيتي..
جنت تتوقع احد ثاني..
يحيي؛ ليش اتوقع واني اعرف منو رح يجي..
شهد؛ حلو.. حلو.. تلكة حجج.. تداري ع سوالفك..
شون تضحك ع طفلة.. وصلت بيك هيج تضحك ع زينة لان اني كتلك لا متوقعتها منك يايحيي.. واني اكول انت غير.. طلعت نفس الكل...

يحيي؛ كملتي.. يلا شربي مي سيادة المحامية..
شهد؛ شنو.. مو حقيقة..
يحيي: اي حقيقة.. زينة بنتي..
شنووو.. يحيى..
والله بنتي..
شهد: يحيي.. مو ناقصة صدمات شدتحجي..
يحيي؛ زينة.. مقام بنتي ومرح تكون غير هيج..
شهد: والله عبالي صدك بنتك..
يحيى: ههههه.. والله متاثرة بالمسلسلات..
شهد: اني جيت ارجعلك تلفونك.. ومعليك بزينة.. يحيى.. رجاءا الي بية مكفيني دخيلك..
مع السلامة..

اخذت جنطتي.. ودا اعوفة..
يحيي: انتي مافتحتي التلفون..
شهد ميحتاج.. لحكني وكف كدامي..
يحيى؛ دتشوفين.. ماكو يوم مجنتي انتي مو جزء من محادثاتي..
طول الوقت اني وياج.. خ اشوفج..
باوعي.. هاي اول ماطلعين البيت.. وتاخذين نفس طويل تعبانة مو مرتاحة..
لزمت التلفون مالتة.. صور طلعتي رجعتي مرافعاتي.. طلعتلي من المكتب..

اخذت التلفون.. وكعدت اتفرج متفاجاة..

هاي وين اخذتهة.. شوكت وشون..
شون منتبهت..
يحيى: انت بكل الاماكن حولي بكل كتابة وبكل حديث فلَمن اكتب كسر القلم ومزق الورق..
ظليت اباوع بالتلفون والصور..
وهو يحجي بااذني حديث الروح الي كنت اتمنى موسيقى تلامس جروحة وتشافيهة..
يحيى : صح انتي كلتي لأ، بس اني فهمتهة ابقى لاتروح..

شهد.. اني ماعفتج.. اني وياج.. بكل تفصيلة وياج..
ويايا.. مو.. عفتني سنتين..
ماعفتج والله، بس انطيتج مجال تختارين، وبعدني انتظر..
شهد: يحيا.. الله يخليك.. اني..
يحيا: شهد.. الله يخليج.. كاافي..
بس اتركي كل شي الية..
يحيى.. تعبانة حيل.. احس روحي رح انهار...
بس ثقي بية.. ولاتخافين..
شهد: شون تنحل كلي..
شون اخلص زينة.. اني اجة بالي اخذهة وانهزم.. بس خفت.. عليهة وع روحي مااريد.. تشوه سمعتنا..

يحيي؛ مو حل هذا هاي عفتي كربلاء وجيتي..
لعد شنو الحل.. كلي رح ينفجر راسي..
يحيى؛ صماللله يمعودة صوتج هسة يعتقلونا والله مناقصين هههه.

شهد؛ مو وكت شقاك..
يحيي؛ ويطلعون جناسينا الموصل راسا يكولون داعش كبل 4ارهاب..

شهد؛ يحيييى..
خلص.. بطلت.. الحل بسيط.. زينة بنتي اني..
يحيا..
شنو.. والله بنتي.. بهالحالة محد اله حق غيري..
شهد؛ يحيى، ميخالف فهمني اني غبية ميخالف.. فهمني..
يحيى؛ نتغدة اول وبعدين افهمج..
شهد: ياغدة.. عفية يحيى.. والله مالي نفس.. عفت اخوية بالمستشفى وجيتك..

لهالدرجة جنتي شايشة علية..
شهد؛ تعرف.. جهالي خط احمر.. كلة ولا احد يمسهم..
يحيى:تنهد.. واااني.. شهد شوكت تشمليني برحمتج.. تبنيني والله خوش ولد اني..
شهد: يحيى.. بلة سوالفك.. كلش حاقدة عليك اني..
ميخالف راضي.. احقدي زعلي واني ارضيج بس خليني حواليج مااريد شي والله،
شهد؛ يحيى..
ها.. حبيبتي...
يحيى.. تعبت.... اااااه..

سلامتك.. من الاااه.. سلامتك من الاااه قبل لاتنزل صدرك.. احسها بصدري والله..
شهد: مااكدرلك اني وين اكدر ع لسانك..
اني.. يحيى دبرني.. اول شون..

كملي اكلج.. ضعفانة..
شهد: غير كبرت اني..
يحيى : اذا انتي كبرتي.. لعد اني يحولوني ع دار العجزة..
شهد: هههههه..
فدوة.. للضحكة وصاحبتها..
شهد: شوف.. شون نسيتني السالفة الاصلية..

احسن.. انتي انسي كل شي ويايا معليج بالباقي..

يحيى.. بس وياك.. احس اني بدون هموم بدون مسؤولية.. انت شنو..

يحيي: اني الجني مالج.. بس مسحي المصباح اجيج اكلج شبيك لبيك..
تنهدت وسكتت.. خايفة.. خايفة انصدم..

يحيى؛ انتي نعمة.. نعمة بحياتي.. والنعمة الميقدرهة يعمة..

احس طيبة الدنيا كلها مجتمعة بيج..
انتي فد شي نظيف وصافي ممتلوث بالحوالي..

غيرج وحدة شايلة عالناس كلها.. بس انتي ولا عبالك.. كلشي نسيتي..

شهد: لاعبالك نسيت.. حاقدة عليك.. اني ماانسى.. حتة معاتبتني.. ليش..
يحيى: لان الشي الي يرضيج يرضيني واني كل ظني رح ترجعين لعلي..

شهد: تريد الصدك..
اعرف شهد.. اعرف.. وهذا الشي خلاني اتمسك اكثر.. بس اني اقدر اختيارج وخوفج من الناس والحواليج..
لهذا ابتعدت عسى ولعل ترجعيلي..

بس مكدرت.. ولكيت روحي قريب منج..

شهد؛ صدك تعال كولي انت متابعني وانت بصوب واني بصوب..
يحيي؛ مو بعيد الصوب مالي عنج عشر دقايق..
صدك.. يحيى.. انت بنفس المنطقة وياي..
ولاشفتك ولالمحتك..
يحيي: عالاساس انتي طالعة.. متطلعين الاللشديد القوي..
واني بشغلي..
لكيت شغل..
اي.. اكو احد عطف علية وشغلني مدير شركة..
هاي نكتة لو صدك..

لا.. صدك يابة.. رحت للامارات 6اشهر وهناك تعرفت ع ولد مقيم كالي يريد يفتح فرع للشركة مالتهم ببغداد وعرض علية.. ووافقت..
ياشركة.. قصدك..
شركة مال برمجيات والكترونيات..
اسمها شركة.....
بالكرادة..
شهد؛ زين امورك استعدلت سيد يحيى..

اي صح بعد يحتاجلي اربعة..

شهد؛ اربعة شنو؟
اربع نسوان اوزع عليهم ايام الاسبوع..
هههه، وبقية ايام الاسبوع شون تكضيهة..
بسيطة.. يوم استراحة من الغضب العندي.. واليوم الثاني اشوف اصدقاء سوء الم الهم..
واليوم الثالث اشحن طاقة ارجع للدورة السابقة..
شهد: يلة الله يكون بعونك..
يحيى : شوف هاي صدكت.. اني اريد احضالي بوحدة.. وكل شي مااريد من الدنيا..
شهد؛ عزة.. شوف بيش الساعة تاخرت يحيي.. شون بيك..
ساعة اربعة.. اروح للمستشفى..يلة..
يحيي:جاية بسيارتج..
شهد؛ بعد.. تعرف عندي سيارة..
يحيي؛ شعبالج لعد..
ماجايبتهة ظلت يم همام..
خلص.. تعاي اوصلج..
خاف احد يشوفنا..
يحيى: عبالك طالع ويا وحدة مراهقة مهزومة من اهلها..
امشي.. منو يشوفج..
يلة تعالي..
خ نشغل... مسجل.. يالله..
شهد: ههه..
ابتسملي.. بلحظات.. نسيت الدنيا.. كلها.. يمكن داخلي طير.. يريد يطلع ويرفرف.. بس اتذكر اولادي والناس حوالية.. ارجع شهد المعقدة..
جنت انتبه لوجه يحيي.. واسال روحي.. معقولة الي عايشتة صدك مو كذب لايكون يحيا يضحك علية.. واني مصدكة.. وجان فرحان ومكيف.. ويردد.. ورا الاغنية..
بهاي اللحظة كان بنفسي اكون سعيدة..
بس مكدرت.. سيطر علية الخوف ومفرحت..
وصلنا للمستشفى..
شهد؛ فتحت الباب.. ورجعت تذكرت..
صدك انت مكلتلي شرح نسوي عمود زينة..
شهد: دام كلت هالحجي.. اني مطمنة...
يلة باي..
دا انزل لزم ايدي..
يحيى: تعرفين شنو الفرحة داخلي لان كعدنا وسولفنا.. امانة شهد.. امانة انتي دير بالج ع نفسج.. عمودي..
شهد: ماشي.. ممكن تعوف ايدي اريدهة..
عصر ايدي اكثر.. واني احس برغبات قوية داخلة رادني احس بيهة. بلحظة..
باوع علية وعيونة كلها حب ورجاء..
انتبهت اكو حلقة باايدة اليمنى.. لفتت نظري خلتني ارجع بتفكيري.. هي سنتين معقولة كل تفكيرة بية.. لايكون خاطب.. ولمن شافني.. صار كدام الامر الواقع..
اخ شهد.. متكليلي وين كاعد حضج..
صارت ساعة خمسة..
وصلت للردهة جان رافت صاحي.. وشوي تعبان..
وحسين وهمام وعمار جايب زينة وجاي عمود لتبقى وحدهة..

وبالاضافة إلى علي الي لازم يدخل بكل شي يخصني..

علي؛ هاي توج شرفتي خاتون بعد وكت..
متعلمة يحجي اسكت..
مرات عمار يردلة..
زينة عينها علية تريد تعرف جواب..
عمار: ها.. ماما.. منتظريج دنرجع..
شهد؛ يلة.. رأفت بيك حيل تكوم..
رافت؛ شوي دايخ..
عمار جيب لخالك كرسي..
اي ماما.. هسة اكمل اجراات التخريج واجيج..
شهد؛ يلة خ ننتظرالطبيب عمود ينطيني وصايا..

واكفة واجاني مسج..
لاتنسين دير بالج ع روحج من ترجعين للبيت دزيلي مسج ولاتنسين تنامين اريد اعوض حجي مال سنتين..
ابتسمت..
علي؛ هاا خير.. المسج بي نكتة..
شهد: اي.. بي عندك شي تحجي بعد..
علي؛ منا العالم ميكولون ليش تضحك ويا نفسها..
شهد: بكيفي.. مخبلة.. انت شعليك..
علي: صوتج منا الناس..
وانت شعليك.. شعليك..
حسين : شكو شبيكم..
شهد؛ مابينا.. بس كول لاابن عمك يركز بمرتة بدل ماحاير ينتقد خطواتي.. افهم انت مو رجلي.. فاهم طلكنا انتهينا..
شهد؛ عفتة وانداريت واسمعة يدردم ويا حسين.. اخذت راحتهة طالع صوتهة
طالعة عينها..
هاي اول مرة اردلة هالرد..
طلعنا للبيت وظل حسين وعلي باتو يمنا..
جتي زينة.. شاورتني..
ها ماما.. شكلج عمو يحيا..
بعدين زينة بعدين تعاي خ نخلص العشا..
ومن نصعد نحجي..
ماشي ماما..
يحيا؛ جكاعد سوين.. ادك عليج هسة..
رجعتلة مسج..
عندي خطار..
دزلي سمايلات 🤔🙄
شهد؛ اخوية وحسين ابن عمي.... وووو علي..
يحيا: هااااااا...
اسف عالازعاج..
شهد؛ انت اخر واحد يسببلي ازعاج..
رجع دزلي مسج..
لعد ماطول هيج استلمي ازعاج مني..
ابتسمت..
وهم صار علي بوجهي..
علي: شنو.. موضوع زينة..
شهد؛ ماكو موضوع..
محمد يريدهةوهي متريدة..
علي؛ ع شنو مجلب لعد..
عالماشي غير مالتكم..
الماشي مالتنا.. شنو..
ابن العم لبنت العم.. ظالين عهالسالفة..
علي؛ بس اني كايللهم زينة لهمام..
شهد؛ هاي اول مرة احس علي مهتم بزينة ويهمة امرهة، فرحت..
مو مسالة لهمام ولا غيرة بعدها صغيرة تكمل دراسة وهي تختار..
علي؛ تختار شنو.. هو ابن عمتها وهي كالت اني اتبرع لهمام.. اذا زوجت همام شنو مصيرة..
شهد: يعني انت كل هامك منو يتبرع لهمام وين رحت انت اني.. شنو مشتريهة انت..
حسين: هاي شبيكم يمعودين اليوم كلة عراك..
شهد؛ رجاء ا اني تعبت.. حسين ابن عمك لايطاق ياريت تفهمة.. يرجع شوية لقبل.. يعني ابن عمك صفر انسانية فد نوب..
ميصير.. هيج..
علي؛ مو رح تزوج ابني..
شهد؛ لاابنك ولاغيرة زينة وكت مايجي وقت زواجها تزوج الي تختارة هي..
مفهوم وعلى جثتي احد يطخهة فهمت
حسين؛ مو هذا الماشي عدنا..
الماشي.. وينة بنت عمك.. مو طلكتها.. وانت سيد علي.. مو بنت عمك طلكتها ورحت زوجت وحدة مادري مين جايبها..
علي؛ بدينا الغيرةوشغل النسوان..
شهد؛ علي.. ليش تصخم هالليلة..
دك.. تلفوني يحيا..
وخر من يمي.. عوذة منك ومن الماخذهة امداني اذا اغار..
يحيا؛ هاا شهد.. مكدرت ماادك كلت اسوي مسكول.. اذا شلتي احجي واذا مشلتي ماادك..
شهد؛ مو مشكلة.. اجة بوكتة..
يحيى؛ زين الحمدلله..
باوعي شهد.. اني رح اخذ زينة وياي..
واذا سالوج.. كليلهم راحت ويا ابوهة.. والباقي علية..
يحيا شتحجي رح يجون زلم وعمي وعمام ابوية هيج اكللهم سلمت بنتكم لليحيا..
انتي تثقين بية..
شو سكتي.. تثقين بية..
اي.. اي اثق بيك..
خلص لاتخافين باجر زينة سافر ويا اخوتها للشمال..
والجمعة اجي اسويلهم عرس لان متهجمين ع بنتي..
شهد؛ والله اني خايفة منك.. بس خ نشوف تاليها..

يلة بالليل اكملج.. تكدرين لو علي ميقبل..

يحيا.. جنت زين ليش ضوجني..
هسة صعدت بمغثة من علي.. وجاوبتك..
يحيي: تعرفين شون ترديلة المغثة.
شووون..
تزوجيني..

للقصة بقية....
🌸🌸🌸🌸🌸
لاتنسوني من فضل تعليقاتكم وتصويتكم عالبارت فضلا وليس امرا
تحياتي الكم...
نازك الملائكة