رواية عندما يكون العشق صوفيا الفصل التاسع والعشرون 29 - بقلم ruqaya H algurtani

واصِل الـتجوال ، رغمَ أنّه لا مكَانَ لكي تصِل.
جلال الدين الرومي

طلع علي من السجن كانو طلع من الموت بااعجوبة..
مثل مامتعودين سوينا غدة
ع سلامتة..
شاركتهم طبعا.. وحضرنا الاكل وعمي ذبح ذبايح لوجه الله ع طلعة علي..

اغلب اقاربنا اجوي.. والكل هنوني.. واللي صبرني وعينهة عين شماتة..
مجنت اسمع.. بس جنت اسوي الواجب النفاق الاجتماعي.. اللي لازم اسوي.. والنسوان الكبار يكولون لجناينهم باوعو هي هاي النسوان طلعت رجلهة من الموت..
داست ع كلبهة وطلعت ابو جهالهة..
ويباركون خالتي ويهنوهة ع طلعة علي وانيالج ع هيج جنة..
عجيبة جكد ظليت ثابتة وواكفة ع رجلية.. وماانهزيت...
كلها كم ساعة واجة حسين.. وسمعت الهلاهل من الباب.. اجة علي..
ردت اهرب من المواجهة مو خوف.. ولاحب..
لكن.. مااريد احد يحس الاحساس.. الحاستة اتجاهة بذيج اللحظة..
هربت.. بحجة اغسل وجهي.. مااريد يشوفني حزينة وتعبانة ولااخلي يحس اني مكسورة..
صعدت بركضة فتحت الباب المشترك ويا بيت اهل علي..
فتت للحمام اخذت ملابسي.. كملت تبديل سمعت صوت الباب انفتح..
احم.. احم..
اندكت باب الحمام..
حسيت كل شي تخربط بية..
كلبي يدك بسرعة ووجهي صار نار..

علي: شهد ادخل...
شهد: دقايق.. طالعة..
علي: خلص.. منتظرج..
شهد؛ يعني اني شورطت روحي.. لو باقية جوا احسن...
جكد غبية اني.. شلون هسة..
خلص  اصير قوية.. اني شقررت..
خلص انتهى.. انتهى...

اندكت الباب مرة ثانية...
شهد رح ادخل ونتناقش سوا شنو رايج..
ترة تعبت.. من الوكفة.. اني فايت..
شهد: لااااا..
بكمزة ردت افتح الباب واطلعَ..
مااعرف شون صرت بااحضان علي..
وماحسيت شون فقدت كل قوتي واني اريد امنعة يسيطر علية...
علي: شكد مشتاقلج.. ميت شوك.. الج.. حبيبتي...
خلص.. شهد تبخرت قراراتها بلحظة..
مكدرت احجي ولا كلمة.. بس اكو شي داخلي تغير.. معدت حاسة برفض لعلي.. بالعكس حسيت محتاجة اكثر.. محتاجة احس هالاحساس ميختفي..
لمساتة وحجية.. هاي الايد الي جانت تدفعة كل ماجاء يقترب مني.. صارت تسحبة..
وحال ماتخلص هاي الدقايق..
..........
شهد: خل افوت اسبح بسرعة.. الناس جوا عيب...
علي: اسحب ايدهة.. باردة مابيهة لهفة ولاكأنو هي نفسها هاي المرة الي كلهة رغبة بية.. باردة حتة ملامحهة ناشفة..

ضحكت.. خلص بالليل اصالحها.. وانسيها كل الزعل.. عهد علية ماازعلها.. بعدها..

شهد: باوعت بروحي بالمراية باوعت بركبتي.. معقولة ياشهد شبيج.. شبيج.. انتي ضعفتي كدامة... مو حلفتي مو قررتي.. وين انتقامج.. وينة..

خلص.. اني هم جنت محتاجة.. حقوقي بعد.. نشفت.. شعري... بدلت فات علي...
هاااا.. كملتي....

شهد: اي كملت.. هسة اجيبلك منشفة لزم ايدي..
شهد.. تعالي غسليلي..
علي: كافي.. صغير اغسل لروحك..
نازلة للعالم عيب....

علي: ميخالف.. اثقل.. اثكل احبك هيج...
شهد: ضحكت... وفريت راسي وطلعت..

مشطت شعري وحطيت مكياج خفيف.. اندكت الباب..
فتحتة..
هااا.. زيون.. شنو هذا ثوبج..
زينة: ماما.. هذا... واحد من الجهال.. وكعني بالطين..
دتعالي.. تعالي.. خ نغسل بالمطبخ..

علي: ويامن تحجين شهد...
شهد.. هاي مو بت.. شجابها هنا... فؤاد جاي.. اله عين بعد السوا..

شهد... زيونة.. فوتي للحمام.. يلا.. ماما..
اشرت لعلي دقايق..
غسلتلهة.. بدلتلهة مشطت شعرهة..
تعالي.. زيونة يلة نزلي جوا.. هسة جاية وراج حبيبتي..
حاضر ماما...

سديت الباب...
علي: هااا.. راحت.. فهميني.. شنو سالفة زينة شنو سالفة ماما..

شهد: ماكو سالفة ولا شي اني قررت اتبناها لزينة واربيها ويا جهالي...
......
علي: لا تشاقين.. شهد.. انتي تحجين صدك.. اذا مفكرة انتقامج..
شهد: اوكف.. اوكف.. اني اربيها لان اريد اربيها.. مو لااجل شي ثاني..

علي: بس مااخذتي رأي...
شهد: وع شنو اخذة.. زينة باقية...
اني نازلة.. تاخرت عيب...
علي: شهد فكرتي هاي البنية كل مااشوفها.. راح اذكر صار بينا..
علاقتنا.. كلهة..
شهد: قصدك تحس بتانيب الضمير اتجاهي... ياترى همام بهالحالة.. وين نودي زينة عدهة اب وبيبية.. بس همام خطية وين يروح..
علي: شهد.. ابني وين يروح هذا بيتة..
وضميرك علي.. هم رح يوجعك كل ماتشوف ابنك تعوق بسببك.. خسر كليتة بسببك.. رح تكون مرتاح....

اكول انسى.. واحجينا.. هواي خل يروحون.. ونكمل..
شهد : اني عرفت.. داخلي حقد وكراهية جبيرة.. اني مكارهة نفسي ابد..
بس وجود زينة وهمام.. عقاب لعلي..
واني مرح اكدر انسى حجي هذا لارتبتة.. ولامحضر.. بس روحي.. هي الحجت.. وفرغت. كل مكنوناتها.. بدون ماتحس بالالم.. بدون مااكره جسمي.. اكدر اوصف شعوري بهاللحظة داخلي ابتسامة واني افسرة لروحي..
بس اكدر اكول.. احساسي.. احساس عريس ظفر بعروستة.. ونازل يتباهة برجولتة.. بس اني كان العكس.. وياي..
صدك ارتسمت ع وجهي.. ابتسامة.. وزمن.. ضحكت بوجهي.. ها ولج..
انتي شنو.. مية رأي عندج شحجيتي...
ونازلة.. والكل يعرف... شصار.. فوك. النسوان كلهم يتبسبسون عليج..

شهد: ليش الفوك.. مو اسمة زوجي..

زمن: زوجج.. زوجج.. بس الليل شنو فائدتة..
شهد: رب العالمين يكول.. (نسائكم حرث لكم فأتو حرثكم انى شئتم)
وعلي رجال متدين وميهمة احد..
زمن :شهد..
شكو.. رجلج.. نزل....
شهد: بربج.. هلهلي..
زمن: شهد.. انتي مو طبيعية..
شهد: دهلهلي.. هلهلي..

زمن: شهد.. حرام اذا انتي صاحية..
شهد: حطيت ايدي ع حلكي.. ههنههه..

علي: باوع علية بنظرة...
زمن: حمدالله ع سلامتك علي..
الله يسلمج...
شهد: هههههه..
علي: حسابج.. بعدين..

شهد: مااااشي..
علياء: شههههد.. اكو.. ناس جاييين عليج..
شهد: هاااج جووي العرف..
زمن: عازمة احد غريب..
شهد :خ نشوف منوووو..
انصدمت لمن شفت نازدار.. واخوها جاييين..
شهد: هلللللووو.. شونج حبي..
تفضلي ليش واكفة.. بالباب... واخوج خلي يتفضل...
يمكن اني مجنونة.. اي مجنونة.. بس اكو نظرية دائما يكولها علماء النفس يكولوها..
المجنون هو الي فهم الحياة.. صح..
فااعتدل..
اني فهمت هاي الدنيا صح..
ظلت نازدار.. مذهولة.. بااستقبالي...
تفضلي شبيج..
تعالي.. مااعرف تعرفين عمتج.. لو لا...
هاي خالتي ام علي..
خالة ام علي.. تفضلي هاي ضرتي.. اقصد جنتج..
خالتي ماعرفت شسوي.. يمكن انحرجت يمكن خافت علية لااكون مخبلة مصدومة..
سلمت عليهة ببرود..
علياء.. جرتني.. شهد. شبيج...
اصحي.. ولج شون سوين هيج..

شهد: خالة.. امانة عرفيها عالنسوان..
علياء: زمن اخذيها لهالمخبلة.. خ تغسل وجهه.. بلكي تصحى..

اجة مرتضى..
يوووم.. هاي يارجال واكف بالباب..
عمار صاحني..
شهد؛ عيب نسيبكم بالباب..
مرتضى:ياااانسيب... منو هاي البنية..
علياء: اخذيهة زمن..
ام علي: مرتضى تعال يمة... وصيح اخوك.. عيب رجال واكف بالباب..
يااارجااال.. فهميني...
بس صيحة وتعال...
تفضلي يمة نازدار...
علي: شكو.. يمة.. منو؟
ناااازدار شجابج هنا...
ام علي: تعال يمة فوت الولد عيب.. منا العالم...
علي: طلعنا بالطرمة.. يمة منو جابهة.. هاي..
ام علي: مرتك عزمتهم...
علي: جذب..
عيب يمة بعد هالعمر اجذب شهد عازمتهم..
لاتسوي مشكلة لما هم جان ماطلعت..
فوت الرجال عرفة ع عمامك..
ماااشي..
قيصر: السلام عليكم..
علي؛ وعليكم السلام.. تفضل قيصر..
اني.. اخت شهد لحت.. عمود اجي.. ونازدار هم.. لهذا جيت ولا اني جان عندي حجي ويا اهلك ع السويتة..

مرتضى:عمي تفضل وحكك علينا..
فات قيصر واشرلي مرتضى.. اهدى..
واستهدى برحمانك..
ابوعلي.. ياهو هذا..
مرتضى:لزمت ايد ابوية عمود اهدي لاكدام العالم.. يثور..
يااابة.. شهد.. كالت لازم نشكر قيصر ع وكفتة لمن شهد لعلي... بالمحكمة..
انت.. قيصر اخووو...
قيصر: اي حجي.. اني جان الي وياك حجي بس صار الصار.. واخت شهد مشكورة موقفها جان احسن بهواي من علي..
حسين: يابة تفضل.. وانسى.. احنا مجمعين بفرح.. وانت صرت من الاهل.. الكل مستغرب شوكت زوج.. شو ماحجة..
مرتضى: يابة علي جان رايد يكللكم.. بس صارت وفاة عمي وجرت وراها.. محجة..
قيصر راد يحجي..
مرتضى وحسين اشرولة يسكت لان عيبة ع اختة بالسر كل هالوقت...
ابو جاسم: عمي بالخير عليك هم طلعتك من السجن.. وهم زواجك..
ومرتك شهد.. خوش مرة وبنت اصول..
جاسم؛ جا..  خوش  مو مثل نسوانة وحدتهم بس تسمع لا تشتم ريحة تزوج..
تكلب الشهرة ووتسويلك مية مصيبة...
واحنا اشررررد منكدر.. نتنفس..
والله عمي تخوف. علي.
ابو جاسم: خاب دكوم.. صدك المثل يكول من السكوتي موتي ومن المطكطك  خلي وفوتي..
كل الكاعدين ضحكو....
ماعدا ابوية.. وحسين ابتسم مجاملة..
ومرتضى هز راسة..
علي: يابة.. عمي من رخصتكم.. صرت مزقة المجلس ردت الزم شهد واخنكهة...

زمن: تعالي.. ولج....تعاي..غسلي وجهج.. غبية اكو واحد يسوي سوايتج..
شهد:كلبت لوجهي الجدي..
كااااافي.. هديني.. مو الكل جان يشكي من شهد البجاية شهد الدراما وكافي لاتزيديهة خطية علي مسكين علي... كاااافي..
زمن: حطيت.. ايدي ع حلكها.. اشششش..
منا العالم سكتي..
علي: يوووم.. وين شهد..
شوي.. زمن اخذتها دتغسل..
زمن خلص اهدي كااافي.. حقج علية..

علي: زمن.. من رخصتج.. عوفينا شوي..
زمن: علي.. عوفها علي شهد تعبانة...
ماشي.. بس عوفينا.. شوي..
علي؛ سديت الباب..
شهد.. شكلها.. محتقنة.. ووجهة ميتفسر..

علي؛ ممكن اعرف ليش هيجي سويتي..
شهد؛ بكل هدوء.. شسويت..

علي؛ شهد رجعنا لخبالاتج..
شهد: يا خبالات..
علي؛ شهههههد..
نعععععم.. بس لاقصدك.. ع ناز.. واخوها..
والله عندك نسيب.. ينشد بي الظهر.. ماشاء الله.. يعني انتاجك.. فد شي رح يطلع...
شههههههد.. ولج.. شهد.. اصحي.. اني.. غلطت.. والله اعرف.. اني غلطت بحقج وبحق همام واهلي.. حتى سهى.. اني قصرت وياها..

بس مااتحمل سوين هيج سوين بية.. صيحي.. عيطي.. هاج جيبي ايدج ضربيني.. شتميني.. ابجي.. بس لادمرين روحج هيج.. لاسوين هيج..

شهد: جنت كاعده مقابيلة.. ايدة لازمة قبضة ايدي..
داخلي وجع.. صرخة.. كنت اريد اموتة لعلي باايدي.. موجوعة كلش.. ضليت اباوع ع زرع تعبت بي.. قويتة طلعتة من ذيج الغرفة الجان حابس روحة بيهة..
ذاك الملاك الطاهر جانت كعدتي ويا افضل علاج روحاني..
شو.. حاسة اتجاهة.. شوو..
اني ماحاسة بشي...
اني.. اكرهك.. اكرهك.. مثل مااكره كل شي بحياتي..
سحبت ايدي وكمت..
يلا علي.. خ نلحك عالغدا عيب..
وقيصر غريب.. ميعرف عاداتنا...
علي: خلص اني.. لو عادميني احسن من هالعيشة والله.. حسبي الله ونعم الوكيل..

خلصت العززيمة..
والكل راااح..
واخيرا جتي نازدار.. دسلم علية..
شكرا شهد السويتي ويايا مااانسى الج طول عمري.. ربي يسترهة وياج مثل ماسترتيني.. ربي يرجعلج ابنج مشافى معافى..
وان شاءالله حبايب... واخوات.. الله شاهد كلشي مااريد.. بس الستر..
ام علي: هاي بنتي ترباة ايدي.. بارك الله بيج يمة... بنت اصول.. وبنت حلال.. وعقلها يوزن بلد..
شهد: طبطبت ع جتافي.. ليش حجيكم ميطيب ولا جرح من جروحي بالعكس تجرحوني اكثر.. ليش افهم حجيكم..
مغفلة.. غبية.. مالج غير طريق مالج غير منفى.. منفاج علي.. وبس..
هومحور حياتج هذا الي متكدرين بليا وتكرهي بنفس الوقت..
قيصر: اخت شهد.. وكفتج.. وكفة زلم.. وكل الاكدر اكولج يا.. اذا بيوم اختي عالت بيج.. عليج بهاللحية.. والله احطها جوا رجلج..
شهد: ماكو داعي.. قيصر صرنا اهل...
وعلي..ان شاء الله ميقصر.. ويا ناز..
قيصر؛ هااا عرفتي الدلع..
يلا نترخص..
شهد: يلا.. علي نوصلهم..
الكل.. مذهول.. والي مقهور ويتحسف..
واللي يكول هاي شدسوي بروحهة..
وصلناهم للباب..
وفتت.. جرني علي...
اتمنى الحجيتي ماتتندمين علي.. لمن يصيرالتمثيل حقيقة.. ويوم يمج ويوم يمهة..

شهد: اخذ كل ايام الاسبوع.. عادي.. عوضها..
فتت وظل هو يصفك ايد باايد..
بقينا بس احنا.. وبيت عمي خلدون..
علياء وزمن.. قصي مموجود ويا امه بيت خاله..
خلدون:  اي عمو.. هاي راح الكل.. ومبقة احد غريب..
والي سويتي محد يسوي.. وعداج العيب..
بس اذا احد جابرج علي.. او عبالج مااعندج ظهر.. ترة احنة عمومتج والي منرضى ع بناتنا منرضى الج..
لاتكولين راح ابوي.. مالي ظهر.. اني عمج خاف ابو علي يميل لاابنه..
ابو علي: شهالحجي.. خلدون.. هذا بيتهة..
وهي شهد.. مرة بمية رجال.. وحلت مشاكل رجلهة بعقل ووفرت علي وعلينا كوم مشاكل..
واذا علي.. عوج وياها.. انا ابوهة.. وسجين خاصرة كدام علي..

علي: هاي انتو قسمتو وفصلتو وصلختو وذبحتو.. من غير ماتسمعون السالفة..
علي: يابة اني هاي المرة.. لبسوني بيهة كلاو..
واكلتة وسكتت..
شهد: دام حجي بي طعن باعراض الناس كايمة..
اروح لجهالي احسن..
علي؛ كعدي انتي لازم سمعين..
جر ايدي.. عمود اكعد..

شهد:اني مااريد اسمعك.. ماااااررررريد..
كافي.. سمعتك هواي اذيتني هواي..
وهسة.. بس اريدك تتركني وحدي.. تريد تطلك تزوج.. ميهمني..
ميهمني فهمت...
شهد: عفتهم ورحت.. شلت همام وجريت عمار  و زينة..
عفتهم يتناقشون..
كان نفسي ابجي.. نفسي افضفض..
بس مكدرت..
الكل راااح..
نومت جهالي.. ونمت وياهم.. فرشت فرااش بالكاع.. ونومتهم ع جرابيهم..

شهد؛ يلا.. ماما.. نامو.. شوي تعبنا..
مدت راسهة زينة..
ماما.. انتي ليش نايمة بالكاع..
لعد وين انام ست زينة...
نامي بغرفتج.. مو عندج جرباية..
شهد:اني احب انام هنا اطمن عليكم.. اكثر..
همام؛ قصدج تطمنين.. علية.. خاف اموت بلا متحسين..
فزيت من مكاني وكمزت يمة.. ماما شهالحجي صمالله.. انت عمرك طويل تعيش بكدي وبكد عشيرتي هم... لاتحجي هالكلمة...
حضنتة.. وخفت..
عمار: لاتخاف.. اني اموت قبلك لان قرد واكمز ع الجيران شوف هذا.. صمالله ماما لاتحجي هيج..
زينة: لا.. اخواني ان شاء الله تعيشون طويل..
لان البنات يموتون قبل..
اني اذا متت اكلهم انطو رجليني لهمام..
وعقلي لعمار.. عمود يفكر..
يمة ولكم ليش تحجون هالحجي كااافي تعالو كلكم بحضني.. صمالله عليكم كلكم حبايبي.. يومي قبل يومكم..
زينة..
خلص ماما.. نقرب الجرابي ونام كلنا سواا...
شهد؛ خوش فكرة.. يلا تعالو..
هذا المشهد ظل يتكرر.. بحياتي..
ظلينا هيج نام سوا..
واذا حسيت رغبة علي بية.. مااتردد ويمكن اذا احتاجيت جهزت روحي..
الة...
صار روتين.. اسقاط فرض انتقام بصورة ثانية لعلي.. بس يكمل.. اغسل واروح انام يم اولادي..
هواي نتعارك.. وميشوف فائدة بالحجي ماعندي حل وسط لو قالب ثلج لو شعلة نار تطفى بس يخلص غازهة...

لحد مااجة يوم.. علي سحب فراشة.. وكام ينام بالصالة.. وحدة وايام يقفل ع روحة خوفا لايضعف كدامي واني مااخلي شي مااسوي كدامة عمود يجي يتقربلي واتركة وهو بعز رغبتة الي..
ونتعارك.. ويخلص يزيد عصبية وتوتر.. حصل شغل بشركة سياحية يشتغل حملدار.. ينظم رحلات لاايران والعكس.. سياحة داخلية غير حياتة لبسة حجية.. نمط حياتة.. كله تغير.. حتة حجية..
طبعا احنا متاخرين باادخال هالتقنية بيتنا..  مرتضى جابنا حاسبة.. ويا هوسة مواقع التفاعل الاجتماعي.. علي لكى منفى.. صار ميحجي ويانا اصلا..
عمي خلدون تنازلي عن حصتة بالبيت..
واني رفضت.... وبالاخير قنعني اسدد حصتة بالاقساط..
اهلي بهالفترة قررو يبيعون بيتهم وسلمت هالمهمة لحسين..
كان طلبي.. فؤاد يتنازل عن بنتة نهائيا ويمنح حضانتها كاملة الي.. عمود يسهل علية هواي اجراات..
واني اتنازل عن حصتي الة رافت كب وضاج واشتغل حرام وميصير ولازم تردين الولد لاابو حرااام..
بالنهاية اتفقنا فؤاد.. مفكر بالهجرة..
ارتاحيت شوي..
ولضمان عدم تكرار هالشي..
وقعت فؤاد ع كومبيالات.. اذا طالب بزينة..
بيت رافت اخذو فلوسهم وسافرو تركيا.. بقت امي الي صارت مثل الطوبة اخواني واحد يشمرهة عالثاني..
وبالاخير قررت تبقى وياي وطبعا علي شجع عمود تبقى ويا خالتي الي صحتها تعبت اخر شي.. ظلت ماتحجي وياي وتعقب هواي ع حياتي..
بس بالاخير تقبلتني واعرف داخلهة تحبني..
بس تبقى امي مثل ماهي..
يحيا.. هم لكة طريقة.. من سافر عمان.. واشتغل بااختصاصة.. نتواصل بدون ماعلي يدري وتواصلنا كلة يدور عمود زينة..
علي.. تقريبا فصلنا عن حياتة.. همام سويتلة عمليتين وكام يمشي الحمدلله..
طبعا بمساعدة الهام اخت يحيا وبفضل معارف زوجهة وزوجتة بتركيا.. وكام يمشي ع رجلي.. بس يكزل.. يعني نصف البلاء ولا البلاء كلة.. مااعرف حياتي خلال هالسنين جانت تدور حول اولادي وشغلي بعد ماانعرفت والزم قضايا طلاق.. رعاية وحضانة.. صرت اختصاص..
اكثر شي جنت محتاجة اعرفة زينب.. جانت حقيقة او وهم.. بديت اراجع طبيب نفسي.. طبعا ويا متابعتي لحالة همام.. وروحتي لبغداد بضيافة زمن وعمتهة..
جنت اروح ويا زمن..  سويتلهة واهس عمود ناخذ علاج نفسي..
ولكينا روحنا ماشين بمراحل بالجنون..
طبعا بسرية تامة..
على الرغم اني جنت ناوية.. اعزل حياتي عن علي.. مظهر اجتماعي.. بس افتقد حماسة ورغبتة بية متعودت اشوفة هيج..
مشت سنين حالتي احسن والفلوس باايدي كامت تمشي..
رغم حبي لااولادي وحرصي عليهم جنت دايما اشوف بعيون عمار عتب ومرات يثور ويكول افرق بينة وبين اخو..
مرات اريد اكلة اخوك مريض.. ومرات يثيرني اريد اكلة بسببك الاكي  همام يتصرف تصرفات عقلانية.. يبين لااخو حبة وانو هو احسن وافضل منة لان عندة صحة ويكدر يطلع ويطب..
زينة مثل النسمة.. حيل تحب اخوتهة..
وكل ماتكبر تحلو.. واشوف نظرات عمار الهة تختلف..
بس انجذابها لهمام وعنايتها بي خلة عمار دايما ياذيهم اثنينهم..
وظليت مشغولة بيهم ونسيت المصيبة الاكبر.. بيوم تعبت بالمحكمة وحسيت بالاجهاد..
رجعت للبيت.. الجهال مدارس..
فتت للبيت كالعادة.. علي ماعندة شي..
يكعد واذا اكو سفرة يسافر..
فتت للبيت.. وسمعت صوتة يحجي ويا وحدة لهجتهة مصرية لبنانية.. كل الكان بالي.. انو علي جايب وحدة وديخوني بيتنا.. رغم نازدار طلكها بمزاجة بعد ماكان زواجهم كلة قصة انلافت ع علي.. وخلصت..
محسيت بروحي.. شون فتحت الباب بلا وعي ومستعدة ارتكب جريمة.. لكيت زوجي كاعد عالابتوب وديمارس العادة السرية ويا بنية من مواقع التعارف الاجتماعي..
ظليت مصدومة من هول الصدمة وهو تفاجى وسد الشاشة..
لبس هدومة..
اني سديت الباب وطلعت..
اي.. صدمة.. صدمة كلش جبيرة وضربة قوية الي هواي يكولون الخيانة الإلكترونية متعتبر خيانة..
طيب الواحد اذا كان عندة رغبة ليش ميفرغها ويا زوجتة حلالة..
دائما العذر مال رياجيل.. انتي مسوين واهس..
طيب الواحد شيحس.. وهو نايم ويا صورة..
استغفر الله قلبو الحديث الي يكول ناقصات عقل ودين..
طيب والمصايب الي ديسووهة الرياجيل..
هاي.. مو نقص عقل ودين..
سديت الباب ع روحي..
وهم ردت ابجي مكدرت..
وراد علي يبرر مكدر..
ظليت مصدومة وهو يحجي... واني مااريد اسمع كارثة ثانية..
دك.. تلفوني...
الووو..
الوووو.. عيني انتي ام همام..
اي اني..
ام همام.. ابنج تخربط ونقلنا للطوارئ..

شنووووو... ابني..
للقصة بقية...

🌸🌸🌸🌸🌸🌸
لاتنسوني من فضل تعليقاتكم والتصويت على البارت إذا اعجبكم..
فضلا وليس امرا..
تحياتي..

نازك الملائكة