رواية عندما يكون العشق صوفيا الفصل الثالث والثلاثون 33 - بقلم ruqaya H algurtani

العشق هو ترك الاختيار....
جلال الدين الرومي

كاني عايشة بدوامة والي دااشوفة مو حقيقي..
معقولة هيج علي يسوي هيج
معقولة هذا الانسان بيوم جنت شايفتة دنيا معقولة اخلاقة كلها انقلبت بلحظة ممكن ملاك يتحول بليلة ويوم الى ابليس..
شوكت صار هالشي واني وين جنت..
معقولة مشفت هالشي.. جنت بعالم ثاني واني اشوف عمار يرادد ابو وهماَم يهدي الطرفين بس الي شفتة فرحني هواي ماشاء الله ولدي كبرو ولدي يدافعون عني..
وكفو سد كدامي عمود ابوهم ميمد ايدة علية..
هي هاي النعمة الحقيقية هو هذا الجزاء الي انتظرة..
وعاني صوت عمي التعبان وهو يحجي ع علي.. هو هذا الشي الي تعجب علي هو هم التغير بوضع علي..
واكثر شي صدمني لمن عمي عرض علي يرجعني مقبل.. وصاح بعلو صوتة طبعا لأ...
ابو علي: خلص مالك علاقة بيهة دبارهة يمي.. انت رجال غريب بالنسبة الهة..
علي؛ يابة العالم تحجي علية تكلي مرتك.. ومرتك..
ابو علي : خلص كللهم طلكتها.. ومالك علاقة..
علي: يابة شون مالي علاقة مو ام اولادي الله يسلم...

همام: خلص.. مالك علاقة احنا اولادهة وراضين.. ابعد عنة مو جنت بنصنا مالك علاقة..
كمل للنهاية وانسانا...
بعدين عمود نوفر عليك.. احنا رح نتحول لبغداد هيج اخذ راحتك.. محد يعرفنا هناك..
واني هم مااريد بعد حجي ينحجي ع امي وهي حايرة بينا وانت حاير بونستك..

علي: هاي هي كملت.. روحي هناك والعبي شاطي باطي ولج شهد.. هاي فكرتج مو.. غسلتي عقول ولدج ضحكتي عليهم.. مو..

عمار دفع ابو..
كتلك مالك شغل باامي.. فاهم عندك حجاية احجي ويانا اني وهمام..

شهد: ياااربي.. شو هذا الي شايفتة...
كرم.. من عندك.. احساس بتانيب الضمير هم لان ضعفت وردت اعيش تجربة معشتها واكثر شي تفاجئت بي موقف همام من كال نتحول بغداد.. مجان بالي.. ابد.. ولاكايلتلة..

كعدت من الصدمة مامتحملة.. وعمي كاللهم للولد اكعدو متحترمون كاعد اني..
عمار: جدو.. مو احنا المقللين احترام باوع ع ابنك.. لايوصل امنة ابد..
نسيت الدنيا وظليت اباوع ع اولادي..
شون كبرو.. صارو اطول مني.. واني حاسبتهم جهال.. شون مقدرين تعبي عليهم وعمار وحدة فد شي..

جنت خايفة لايوكف صف ابو..
بس شفتة وصل بصفي..

ورا كل هذا الحجي... حسيت انتصرت وعلي مكدر ياخذ شي بس كسران الوجه..

رجعنا بيتنا رغم الولد موقفهم وياي..
بس اخذو موقف زعلانين.
فتت لغرفتي ومااعرف شنو بالي
نزعت ملابسي ونمت ردت انسى كل الصار انسى ذيج الايام عشتها واني روحي جبر متوجهة ليحيا، وروحي تنازع شون عيب جهالي اخسرهم لا مشفت شون وكفو سد بوجه ابوهم..
انسي شهد انسي راح وكتج..
زين شااكلة ليحيى.. كل شي بي جان يكول احبج رح اكدر انسى..
اي انسي.. انسي شهد وتفرغي لااولادج..
حاسة روحي تعبانة زينة قامت بالبيت بغيابي واني دخلت كأبة..
ظليت اسبوع يحيا يدكلي واني مااجاوب دزلي كوم رسايل مرديت اريد يعرف خلص انتهى البينة..
دموعي تنزل واني اقنع روحي..
ورا الاسبوع.. زينة دخلتلي..
ماما..
جاوبتها بتعب.. هااا زيونة..
شتريدين..
زينة: ماما.. رح ظلين حابسة روحج الكل يسال عنج..

شهد: تعبانة زيونة.. تعبانة حيل..
زينة: ماما.. انتي مو تعبانة انتي متريدين شوفين احد..
ليش خاتلة.. احنا شسوينة.. صار كم شهر انتي شغل وبيت وكل تفكرين بي احنا.. نسيتي روحج..

شهد؛ اخذت بنتي بحضني..
انتي شوكت كبرتي...
زينة: يووو.. ماما.. صار جكد.. كبرت باعي.. صرت مرة..

يمة فديت الانسة الحلوة.. تعبتج هالاسبوع..
كلة عليج.. وعندج دراسة..
ماما اذا تريدين ابطل واكعد اداريج..

شهد: اش.. لاتحجين هالكلمة.. انتي متبطلين، وتكملين شهادة مفهوم.. دير بالج تفكرين شهادتج درعج كدام العالم..
ان شاء الله بس يطيني عمر واربيكم واكبركم..

زينة: يو.. ماما.. تحجين مثل العجايز.. بعدج صغيرة..
شهد: صحيح.. عجوزة اني.. وكبرت قبل اواني .. يلة ناخذ عمر فوك عمرنا..

زينة؛ ماما.. انتي غلطانة..
شهد: شنو غلطانة..
ماما.. عمو يحيى يحبج ويحبني..
ولج سكتي شلج بهالسوالف.. عيب..

ماما.. مشفتي  عمو يحيى.. شصار بي من اتخربطتي من خابر جدو حار شسوة..

سكتي ماما.. اني وعمو يحيي اصدقاء..
وهو يحبج ويعزج هواي..

ماما.. غلطانة.. هو يحبج.. مسمعتي من اجة يكلج شبيج حبيبتي..

شهد: اسكتي.. لاتحجين هالحجي لاواحد من اخوتج يسمعون.. مناقصة..

ماما.. ليش منروح زيارة..
شهد: ذكرتيني.. صار جكد مرايحة...
زينة؛ خلص رح اكمل الغدا واخابر الولد ونروح..

شهد: انتظري.. خل اساعدج..
زينة: كومي غسلي وبدلي..
يتحملوني هاليوم.. هم.. ياكلون.. البركة بيج... باجر انتي طبخينا..

شهد: باوعت ع بنتي.. كبرت وماخذة مكاني.. ابد مو ندمانة.. ابد هم فرحتي وسعادتي مااريد شي من الدنيا غيرهم

كملنا وزينة خابرت اخوانه عمار طالع ويا جماعتة..
وهمام يتاخر لما يرجع..
اخذنا تكسي ونزلنا مسافة تمشينا.. حسيت خطواتي خطوات امراة عجوز.. متعبة.. بالكوة وصلت الحضرة... فتنا.. كعدنا صلينا وقرينا الدعاء والقران جت بالي زينب.. صار كومة عهالحجي.. اكيد ماكو هيج صدفة يمكن نفسيتي جانت تعبانة وزينب طيف حضر من خيالي..
كملنا ورجعنا وبالليل زينة قنعت الولد  يجون يجروني عمود نتعشى سوا..
وصيت زينة وفتت كعدت امسح المسجات كلها...
ندكت الباب..
هااا زيونة ماما تعالي..
عمار فتح الباب.. هاي شنو همام اكو منافس جديد اغار منة..
ماما.. مفرقجية..
شهد: اسكت ولك...
همام: اني الكمت اغار ولج زيون  تعالي اليوم كتلتج كتلة شعبي..
زينة : شكو.. شبيكم كتلكم صيحو امي هيج سوون.. هوسة..
همام هااا عمار نكتلهة..

عمار :لا منكتلهة عندي فكرة احسن.. تعال ندغدغها..يلة همام..

زينة : خرب ابليسكم.. هههنه.. لك عمار همام..
خرب.. ماما.. الحكيلي...
جنتي ركضت بحضني..
ماما.. ولج الحكيلي ذولة ولدج المخابيل..

شهد؛ ولكم عوفوها..
عمار؛ مفرقجية.. وانتي هم لازم تدغدغين.. يلة همام استلم امي.. يلة ماما..
ولكم خرب ابليسكم..
ولكم عوفوني خرب..
لحظات السعادة التجمعني بااولادي تعادل دنيا بحالهة الحمد لله لم شملنا ورجعنا والقلوب صافت..
كعدنا ع صفرة.. وثاني يوم.. رجعت لشغلي..
غركت روحي بالشغل مخليت اي فراغ.. مرافعات ودعاوي طلاق وزواج حضانة رعاية اجتماعية..
ارجع للبيت حتى مااباوع ع التلفون.. اكمل شغل البيت وانام، علي رجع لحياتة يسافر ويرجع.. وسمعت ناوي يزوج.. معاد يهمني بس ردت اعرف هو ليش فجاة تغير.. يمكن زواجنا كلة كان هيج بدون حب رغبة يمكن ومن كبرت معاد يهمة.. صرت محلوة جبيرة.. الحمل والولادة غيرو شكلي.. مااعرف بس شنو خلا يحيى يحبني.. مااعرف شنو اخبار يحيي.. ومعاد يتصل ولا يراسلني حتة الهام..
خاف.. صار بي شي.. اخابر اطمن..
لا.. شهد شكلنا.. انسي.. اولادج..
خلي يعيش حياتة.. شنو يخلي يزوج وحدة مطلقة وبركبتها 3اطفال..يمكن علاقتة بية عمود زينة..
اووف.. صدك مااجة بالة يسال على زينة..
مااعرف.. ماعدت اثق احد يبقى عمود احد حتى الميت يومين وينسي..

ويحيى نساني مثل علي..
صح ليش اعتب علي اذا علي ابن عمي وزوجي وعندي أطفال تركني.. بدون سبب..
نمت.. وهوسة وتشويش براسي..
مر كم يوم.. شهر كامل مر...
واني انغمست بنص شغلي المعتاد الصبح للظهر بالمحكمة.. والعصر ويا الجهال لو مطبخ لو اروح زمن او تجي يمي هي هم احسهة تغيرت وابتعدت..
علاقتي بااهل ابوية بس ويا حسين.. وعمو خلدون صحتة بالنازل وتعبان.
بس سمعت علياء وحسين كابة بينهم لمن كاشف علياء تاخذ حبوب منع حمل عمود لاتحمل منة..
وجتي زعلانة بيت اهلها.. مرات تشمر احجي اسمعها تكول من ورى ذيج طيحت حضنا وهي تدعي علية وعلى اخوية.. حرمت حتة ولدهة علينة..
بهالفترة مرتضى اجة.. وطلب من الولد يصالحون ابوهم لان صحتة هم مو تمام..
اني كتلهم هذا ابوكم مالكم علاقة بالي يصير بينا..
بيوم واني كاعدة اندكت باب بيت عيالي.. بيت عمي..
اجة عمار كالي ماما.. عمو حسين وويا رجال جايين بيت جدو وابوية كلب الدنيا عبالي حسين جايب السيد عمود يطلك علياء..
بس تفاجات عمي.. دز علية عمود اجي..
لبست ربطتي.. ودخلت منزلة راسي... مااعرف.. منو جاي..
رفعت عيني لمن سمعت صوت يحيى..
رد السلام  فرحت.. ورجعت كتمت فرحتي.. لمن شفت.. علي.. وجهة يطلع شرار..
ظليت واكفة.. وعمي كالي كعدي عمي.. كعدي..
احجي عمي يحيى.. شتريد..

حجي اني جاي.. اريد ابين سوء الفهم واكو حجي جان لازم ينحجي بوكتة بس مصار راح ويا الراحو..

اشجان بنت خالتي رادت تورط شهد.. وتسي الهة بسبب عمتة سراب لمن عرفت هي بنت منو..

واشجان طلبت مني.. ان.....
علي: اسكت لك اسكت لاتحجي ولا كلمة...
ابو علي؛ اسكت خ نسمع الولد..
لو اطلع برة..
ولك يابة شيحجي كسران الوجه اني كايم..
يحيى: علي.. انت اكثر واحد لازم تسمع...
اشجان الله يرحمهة كالت لعلي شهد غلطت وياي..
لان الصار بذيج الغرفة.. بس اني وشهد جنا موجودين.. بي..
شهد: رجعني.. يحيى لذيج اللحظة وجنت مراهقة وخايفة واتمنى تصير معجزة..
عمود تنجيني..
كمل يحيى..
شهد وكتهة.. كالتلي تموت روحهة ولا تكسر وجهكم.. ع الرغم جانت صغيرة بس مقبلت واني شفتها مكان اخواتي.. وعفتها وماتقربتلهة..
  ومن رجعت اشجان.. جانت لازمة مستمسك ع علي.. متزوج بنية اسمها نازدار.. صديقة طلب يتعرف عليها..
ورا اسبوعين لان اشجان بيهة سولة تعرف كل شي..
وشافت نازدار طالعة شقة علي وتهددة تكول لشهد..
تذكرين شهد بيوم الي دلتج علي.. اشجان ورحتي تعاركتي ويا علي بيومهة وصار الي صار..
وراهة اشجان كامت تهدد علي.. تكلج.. وتعارك وياهة..
وظل ينطيهة فلوس عمود لاتكلج.. وسفر خالد واشجان فكرتة..

علي؛ جذب.. جذب.. امشي لك.. اطلع برة..
يحيي: مو جذاااب.. هسة انطيكم دليل..
ابو علي: اكعد.. اكعد علي خ يكمل الولد..
خ نشوف شنو المضموم..

شهد.. اني اسف مو قصدي اجرحج.. بس مااريدج تعيشين بدور المذنبة...
انتي مالج ذنب.. هو الصوج كلة.. من علي..
شهد: نافورة دموع.. واحس اكو اشياء تكسرت داخلي..
حسين : هسة شتريد انت يحيي..
بعدني مكملت..
خالد ميعرف بكل هذا..
فواد يدري بكم شغلة..
علي: يحيى.. اطلع برة... اطلع..
شهد : ليش يطلع.. ليش خلي يكمل.. خل يكشفك ع حقيقتك..
بعد خ يبين حقيقة السيد.. الي كدام الناس ميغلط اريد افهم شون كدررت تمثل علية شون تقشمرني..
يحيي.. اني اكدر افتح ملف قضية اشجان.. واثبت انت الك ايد بمقتلها..
بس اعرف الي رح يتاذى شهد واولادها والي سويتة اعرف قصدك تخوفهة بس الجماعة الهددوهة مجان قصدهم يخوفوها جان قصدهم ينزلون القصاص مثل ماانت وغيرك تحكمون وتقضون ونسيتو من قتل نفسا بغير نفس او فسادا بالارض فكانما قتل الناس جميعا..

علي؛ منو انت عمود تحجي بالدين.. انت واحد..
صح واحد عندي ذنوب هواي بالدنيا بس تبت.. تبت.. والله التواب الرحيم والفضل لشهد..

بس مخليت ديني ستار لااعمال مالها علاقة بالدين متشتغل قاضي..

دع الخلق للخالق...

شهد.. اني فكرت هواي قبل لااجي بس خلص معاد تفكرين روحج مذنبة.. بقت شغلة وحيدة مفهمتها علي جان داز جماعة ع فؤاد.. وكت مرجعت اشجان

هدده بيها.. بس اني اعرف..
ابو علي: احجي.. انت ماخليت ستر ماكشفتة..
يحيي: لا عمي.. بنت اخوك ظلت سنين عايشة بذنب مسوتة..
وابنك كبرة لحد مخلاهة مهزوزة..
اني عمودهة جاي وبس..

جاي من الباب رامي حمولي وجايكم..
عمي.. اني جاي اطلب ايد بنتك.. اعرف انت بمقام ابوهة لشهد... ع سنة الله ورسولة.. واتمنى ماتردني..

علي :كولو.. هاي الهوسة كلها.. عمود تعرسون.. كتلك يابة من الاول مصدكتني..
اجة تقدم بااتجاهي يريد يهدد ويمد ايدة.. وكف يحيا ساتر بينا..
يحيى: مالك علاقة بيهة..
علي: هسة ادز ع جماعة يذبوك ورا الشمس..
ابو علي: علللللي... عندك عين تهدد..
الولد كاعد بيتي بعدني ممتت.. تهدد.. بي.. يابة يحيى.. امسحهة بلحيتي... حجاها باانكسار..
انت دست بيتي.. وجيت صفيت ذمة بنتي.. والي يدخل بيتي يدخل بحمايتي سمعت علي.. يعني اذا ريشة طخت يحيا لاانت ابني ولااريد اعرفك..
وبخصوص طلبك اني ماعندي مانع.. البنية الك دام بينت حسن نيتك..
شهد: هنا.. كان لازم اختار والكرة بملعبي اختار يحيى واعيش حياتي ويا واكمل..
لو اختار اولادي واروح مكان بعيد عن هاي البيئة الملوثة..

اعرف علي وامثال علي الي سوو مغسول دماغهم بي هم حاسين روحهم صح والباقي ع ظلالة.. فاهمين روحهم مصلحين وهو يثيرون بالارض فسادا..

ورا كل هالحجي جان واكف وعينة ماتنكسر.. اني مصدومة كيف الانسان الضرووف تحولة هيج.. شخص سي... وين دينة وين اخلاقة ليش تحولت....

شهد: من رخصتك.. عمي.. اني مااكدر اوافقك الراي...
يحيي: شكرا لكل شي سويتة وياي.. بس مااكدر اقبل.. اسفة..

كان مصدوم بردي.. بس سلم عالكل.. وطلع..
اعرف رح اتاذى هواي ببعادك.. بس اتمنى تشوف حياتك وتنساني..
اني خلصت حياتي..
خلصت من زمان.. صعب اشوفك تروح وماكادرة اكلك جكد احبك.. جكد محتاجتك.. خلص انسدت الباب، ودعت اخر امل الي بالسعاده..

ظليت اقنع بنفسي خلص دام اولادي موجودين مااريد شي..
ردت ابجي.. احس بثقل بجسمي.. بس لملمت روحي خلص شهد اوكفي لاتنهزين بعد الدرب طويل..
ابو علي: عفية عليج عمو.. دومج ست العاقلين..
البركة بااولادج..
مرتضى: عفية عليج شهد.. دومج سبعة..
حسين: شهد هذا المرجي منها.. عمرها مازلت.. بس للاسف درة....

علي: بعد.. بعد.. صفكولها..
اصلا دايما انتي تريدين تطلعيني مو زين..
انتي السبعة القوية الشخصية..
واني الموخوش...

شهد: حاولت التزم بهدوئي.. والملم روحي.. اخذت نفس..

عمي... اني ماوافقت.. بس من رخصتك عمي.. اني رح اخذ اولادي بعد الامتحانات ونتحول لبغداد..

علي: شننننووووو.. بكيفج..
شهد: اي.. علي بكيفي.. خلص خليني اطلع من هالكابوس العيشتني بي..
انت اخذت مني عمر دمرت كل شي حلو بحياتي..
من وراك ابني ع حافة الموت كل دقيقة..

روحي وحدج.. ولدي ميروحون لغير مكان..

شهد :انت تعرف هسة ولا بعد كم سنة رح اخذهم واروح..
بس خليني اتذكرك بالخير كافي الي سويتة لحد هسة..
خليني اذكرك بالخير.. واولادك هم..
علي: امشي لبيتنا نتفاهم..
نتفاهم.. بيتنا.. هو بقة بيت بقى تفاهم.. علي.. اني كل الي مهون علية اولادي..
احمد ربك.. انو عدنا اولاد بس اريد اسوي شي بيك هم يوكفوني..

ابو علي: مرتضى روح شوف امك شتريد..
حسين انت هم كوم اخذ مرتك وفهمهة انت شنو..
عمو شهد.. الي تردي يجرالج.. بس اسمعي من علي.. حتى المحكوم بالاعدام اكو استئناف ينظر باامرة..

شهد: حاضر.. عمو بس اريد اعرف كم شغلة.. من علي..
يلة عمو من رخصتج.. وانت كمل وتعال احاسبك..
شهد: تركونا وحدنا..
اجة كعد يمي...
شهد.. احنا مرينا بمشاكل.. وضرووف صعبة وتجاوزناهة.. وابتعدنة وشفنة جكد تعذبنا، وتبهذلنا.. بس تعالي ننسى كل شي..
تعاي ننطي نفسنا فرصة عمود الجهال..
تعرفين جكد جنت احبج.. احجي ليش ساكتة..

شهد: مشاكل ضرووف صعبة بس اني عشتهة.. اني الدمرت وحدي..
اني الواجهت العالم وحدي.. انت جان بحياتك دايما بديل تتحجج بي.. دايما تطلعني غلطانة..
اني المقصرة... واني مصدكة..
تعرف جنت كل ليلة ابجي والوم روحي ع تقصيري وياك..

وانت تزيدة علية.. اني عشت الوحدة والالم الخيانة.. كل ليلة عايشة بكابوس اخسر ابني.. بس كلة مو مهم اريد افهم شنو كلبك علية الي حاستة، الي بينا مو  لان اطلكنا.. اكو شي تحول فجاة ممكن
اعرفة.. ريحني وكولة..

علي: اني.. غلطت وياج.. بس انطينا فرصة.. خليني اكدر اتقبل الصار... ونكمل مين مابدينا..

شهد؛ شنو.. صار.. انت ليش متفهمني..
شنو تتقبلة..
شهد.. مدا اكدر اتقبل انتي..
زمن كالتلي..
شهد؛ شكلتلك..
للقصة بقية..
🌸🌸🌸🌸🌸🌸🌸
شنو توقعاتكم للبارت الجاي.. شنو قرار شهد وتعتقدون يحيى طلع من حياة شهد لو اكو خط رجعة.. تابعوني..
تحياتي..
نازك الملائكة
ولاتنسون التصويت عالبارت فضلاً وليس امرا