رواية عوده للانتقام الفصل الخامس عشر 15 - بقلم جهاد محمد

#عوده_للانتقام/الفصل الخامس عشر

جلست مريم علي كرسيها بجوار عمرو وهيا شاردة في حديث عاشور معاها

وضع عمرو يده علي يداها ثم سألها :
في حاجة يا مريم

ابتسمت مريم رغم عنها ثم قالت :
ابدا يا حبيبي " تعبانة شواية "ارهاق اليوم انت عارف أن كان يوم صعب جدا

عمرو: اه عارف " طيب انتي لسه حاسة بحاجة

مريم :, لا يا حبيبي انا تمام

رافت: يا عيني يا عيني علي الحب " ايه رومنسية دي

عمرو: كل وانت ساكت وخليك في طبقك

عبير: صحيح يا رافت خليك في حالك

رافت: لا الاحسن نمشي بقي عشان منبقاش عزول

عمرو: انت بتفهم اهو

سميرة: عزول ازاي " هو انت لسه كتبت عليها

عمرو: وهو ينظر لمريم ' كلها بكرا ونكتب كتاب

مريم: عن ازنكم انا هدخل اوطي عشان أنام
بجد تعبانة

عمرو: استني " انا خليت الخادمين يجهزو غرفة ليكي
فوق

مريم: ليه بس انا مرتاحة تحت في بدرون

عمرو: لا طبعا مفيش بدرون تاني تحت لخدمين وبعدين انتي مكانك فوق وجمبي يا مريم

مريم: ربنا يخليك ليا يا عمرو

ابتسمت روان وهيا تقوم ' طيب يا جماعة احنا مفرود نمشي لازم ترتاحو

عمرو: انتي رايحة فين انتي مش هتمشي من هنا

روان: يعني ايه

عمرو: انا بعت سواق يدفع حساب الفندق ويجب حجتك كلها " وغرفتك فوق جاهزة

روان: ليه بس يا عمرو بجد ملهوش داعي

عمرو: لا ليه طبعا يا روان " بيتي هو بيتك وبعدين مفيش حد غريب ماما ومريم بس يعني خدي رحتك

دفعت مريم يد عمرو عنها ثم قامت بغضب

عمرو: رايحة فين يا مريم

مريم : رايحة في داهية عن ازنك ثم ذهبت

جلست روان بخجل ' عمرو بليز خليني امشي مش عايزة اعمل مشكلة بينك وبينها

عمرو؛ انا اسف يا روان "مريم متعرفش طبيعة العلاقة بنا
هيا فاهمة غلط خالص

روان: انا عارفة عشان كده خليني امشي

عمرو : مش هتمشي وده قرار اخير" ثم نده علي الخادمة لكي توصل روان الي غرفتها

جلس رافت مكان روان ثم قال:
هتتنفخ يا معلم " مريم شكلها مش طيقة البنت دي

عمرو: مش طيقاها بس شكلها هتولع فيها وفيا

رافت: طيب ليه تجيب المشاكل لنفسك " خليها تمشي

عمرو: يا رافت روان دي وقفت جمبي كتير لولاها مكنتش وصلت لوصلتله دلوقتي " ليها افضال كبيرة عليا

رافت: طيب انا همشي وانت اطلع رديها بكلمتين مريم بتحبك اوي يا عمرو

عمرو: وانا كمان بحبها يا رافت

رافت: ربنا يخليكم لبعض ويهديك ديما كده

عمرو: اه بالحق كنت عيزك توصل رسالة لدكتور يوسف صحبك

رافت: يوسف "ليه مالو

عمرو: الاستاذ بيحوم حولين مريم ' نبه يا رافت احسن مخليه عبرة لناس كلها

رافت: لا يا عمرو يوسف ولد طيب " انا هتكلم معاه

عمرو: تمام

قام رافت وعبير ثم ذهبوا " تنهد عمرو ثم قام ليذهب لمريم

خرج عمرو في الحديقة ثم جلس بجوارها وهو يضحك

نظرت مريم لعمرو بغيظ ثم قالت بغضب:
ممكن اعرف جاي بتضحك علي ايه

عمرو: بضحك عليكي يا مجنونة ممكن اعرف مالك

مريم: يعني بزمتك مش عارف مالي

عمرو: مريم انا وروان مفيش حاجة بنا والله

مريم: والله لا ماهو باين " خايف عليها حضرتك وكمان فتحلها بيتك

عمرو: عشان لازم اعمل معاها كده هيا وقفت جمبي كتير وبعدين هيا زي اختي

مريم: بس هيا مش معتبراك كده يا عمرو

عمرو: انتي بتقولي ايه لا طبعا انا زي اخوها .

مريم:عمرو انا بنت وبفهم البنات الي قدامي البنت دي بتحبك

ضحك عمرو بقوة ثم قال:
غيرتك الزيادة الي وهماكي بكده

مريم: بكرا الايام هتسبت ليك أن كلامي صح

عمرو:سيبك بقي من الكلام ده وقومي ارتاحي

قامت مريم وهيا تنظر له بغيظ :
تصبح علي خير يا بتاع روان "ثم ذهبت

ظل عمرو يضحك علي غيرتها اللذيذه

....................

جلس عاشور في صالون ينتظر مكلمة مريم

وبعد دقائق رن هاتفه "كانت مريم *وضع الهاتف علي ازنيه
عاشور: وحشتيني

مريم: انت مش طلقتني عايز مني ايه تاني

عاشور: انا عارف أن غلط يا مريم بس كان غصب عني

مريم: اه غصب عنك " ولما بعتني لعمرو كان غصب عنك

عاشور: عمرو سبب هو الي خلاني اعمل فيكي كده
مريم اسمعيني " لازم تساعديني نخلص عليه

مريم: بغضب " انت مجنون تخلص علي مين

عاشور: انا عارف كل حاجة عملها فيكي " صدقيني هنتقم منه وهرجع كل حاجة شركة والفيلا والعربيات

مريم: انسي يا عاشور انا مش هرجعلك لو انطبقت سما علي الأرض " ومهما عمل فيا عمرو هيكون احسن من العيشة معاك " انا بكرهك فاهم بكرهك

عاشور: اسمعي يا مريم انا مش باخد رايك " هنرحع يعني هنرجع

مريم: انا هتجوز عمرو يا عاشور فاهم هتجوزه

صرخ عاشور بغضب:
نعم يا ختي هتجوزي مين "عمرو

مريم: اه وياريت تطلع من حياتي وحياتة للابد

عاشور: يعني كلام غير الي قلته زينب " انتي عايشة مع البيه بتاعك قصة حب بقي

مريم: للآخر مره بحظرك ابعد عني وعن حياتي
فاهم

عاشور: لا مش فاهم واسمعي انتي بقي الي عندي
انتي مستحيل اخليكي تجوزيه مهما حصل " انا هخربها علي راسك

مريم؛ ها ولا يهمني عمرو عرف كل حاجة وصدقني وسمحني كمان

عاشور: بضحكة سخرية " وياتري عرف انك كنتي متجوزاني عرفي

قفلت مريم الهاتف في وجه ثم رمت الهاتف بغضب
وضعت يداها علي وجها لينطلق دموعها بخوف

طرق عمرو الباب " ثم دلف لداخل

مسحت مريم دموعها سريعا ثم ارسمت ابتسامة مزيفة علي وجها ' عمرو

عمرو: نمتي

مريم: لا مجليش نوم "في حاجة

اقترب عمرو ثم جلس علي فراش بجوارها وهو يضع الغطاء عليهم " ابدا وحشتيني

ابتسمت مريم رغم عنها ثم قالت:
ايه الي مصحيك يا عمرو انت وراك شغل كتير

عمرو: اعمل ايه مش عارف انام وانا بعيد عنك وبعدين بفكر في الي حصل النهاردة

مريم: ندمان يا عمرو

مسك يداها ثم رفع أمام شفتيه ليطبع قبلة خفيفة ' بحبك

مريم : وانا بعشقك مش بحبك بس

ظل عمرو ينظر في عيناها ثم اقترب من شفتيها

ابتعدد مريم عنه وهيا تمنعه بايداها من الاقتراب ' لا

عمرو: ليه بس

مريم: عمرو متنساش ان مفيش علاقة رسمية بنا

عمرو: بس في مشاعر وبعدين بكرا هتبقي مراتي

مريم: غلط يا عمرو " قربك ليا بشكل ده في الحرام و
غلط " مش عايزين نوصل لشكل ده "الحرام والغلط
بيجر غلط وحرام

عمرو: عندك حق " طيب يا ستي نستحمل لحد بكرا وامرنا الله

مريم: في موضوع كنت عايزة اكلمك فيه

عمرو: اتفضلي

مريم: ممكن تأجل جوزنا شهر واحد

عمرو: شهر ليه يا مريم

مريم: انا تعبانة ومرهقة وغير أن مجهزتش اي حاجة ليا
عمرو انا نفسي افرح بجوزنا عايزة احس ان عروسة من اول وجديد ' ارجوك وافق

عمرو: أيوة بس هفضل شهر بعيد عنك

مريم: لو بتحبني هتستحمل 'عشان خطري

ابتسم عمرو بحزن مصطنع :
ماشي يا ستي خلاص عشان خاطرك بعد شهر

مريم : والله بحبك

عمرو : والله انا بموت فيكي

مريم : طيب يلا بقي علي اوطك " ورانا شغل كتير

عمرو: انتي لسه مصممة تنزلي شغل معايا

مريم : أيوة مصممة مش هسيبك لا هنا ولا في البيت علي قلبك ' عندك مانع

عمرو: انا خايف عليكي والله " بس برحتك انزلي يا ستي

مريم: لازم اسعدك الفترة الي جاية انت محتاج حد معاك وانا بحكم خبرتي في شركة هقدر اسعدك " وبعدين في حفلة افتتاح الشركة وسفقات كتير غير انك لازم تسافر
بعد يومين بالچيكا " عشان تمشي العقد مع الجروب هناك

عمرو: بس دول مش يومين ده اكتر من اسبوع وانا كنت ناوي اخدك وتقضي شهر العسل هناك

مريم : تتعوض يا حبيبي

عمرو: ماشي يا مريم انا مش عايز اضغط عليكي عشان عارف انك الفترة دي مريتي بحاجات كتير وانا جيت عليكي '
هسيبك تستعدي "عشان تكوني مرتاحة اكتر
بس مش عايزين نتطول يا مريم انا نفسي نرجع زي زمان نفسي في بيبي الحلو كده زيك يشيل اسمي " نفسي ابقي اب يا مريم ده حلمي الوحيد دلوقتي

مريم: ربنا يخليك ليا يارب " وحقق حلمك يا حبيبي

عمرو: ويخليكي ليا يا مريم "

وضعت مريم رأسها علي الوسادة ثم اغمضت عيونها برتياح
وأمان وهو بجوارها ' قبل عمرو رأسها ثم قام لغرفته

لينعم ببعض راحة

...................

ذهبت مريم في صباح الي موستشفي لتقابل رافت ويوسف " استأزنت من عمرو انها علي موعد بعبير
وأنها تأتي بعده الي شركة هكذا فهمته مريم

جلست بجوار رافت وهيا تمنع دموعها من الهبوط

نظر لها يوسف بغضب:
مبروك عرفت انك هتجوزيه النهاردة

مريم: انا أجلت الموضوع شهر

رافت:, ليه كده يا مريم احنا لما صدقنا

مريم: كنت لازم اعمل كده "مقدرش اتجوزه الا لما اخلص من مشكلي ومصيبي

رافت: مشاكل ايه بس يا بنتي

مريم : اولا لازم اتعالج الاول لازم استغل فترات سفره
في العلاج

رافت: طيب دي عرفناها " مصيبة ايه بقي

مريم : عاشور رجع تاني مصر

رافت: يادي المصائب الي مبتخلصش

مريم: عاشور بيهددني أن يوري ورقة الجواز العرفي لعمرو

يوسف: طيب ميوريها لعمرو " انتي خايفة من ايه
كل حاجة دي قديمة وهو فتح صفحة جديدة معاكي يعني ملهوش فيه اصلا

مريم: ازاي بس يا يوسف " عمرو لو عرف هتبقي مصيبة

رافت: لازم يعرف ولازم تقليلو بنفسك مفيش مفر

مريم : هقلو والله بس مش قبل متعالج يا رافت
انا نفسي ابقي ست طبيعية نفسي أخف واعيش معاه حياتي الجاية نفسي احقق حلمة واجيب ولد او بنت تشيل أسمة تبقي حته منه "نفسي ابقي ام

نظر رافت ويوسف لبعض بحزن عليها
لاحظت مريم نظرات لبعض ثم سألتهم بقلق " هو في ايه
انتم مخبيين عني حاجة

رافت: برتباك "ابدا يا مريم

مريم : لا فيه ' اتكلم يا يوسف في ايه

يوسف: بصي يا مريم في حاجة كان رافت لازم يقلك عليها

مريم : حاجة ايه " اوعي تقول مفيش امل في العلاج

يوسف: لا انا لسه عند كلامي في امل وامل كبير كمان
خصوصا أن الفترة دي هتمري بافترة نفسية كويسه
عشان استاذ عمرو جمبك

مريم:* امال ايه بقي " اتكلم يا يوسف

يوسف : وهو ينظر لرافت " انا هقلها "لازم تعرف

رافت : يوسف 'بعدين

مريم : مفيش بعدين اتكلم يا يوسف طمني الله يخليك

يوسف:,بصي يا مريم انتي طبعا اتغضعتي للكيماوي
لفترة كبيرة " فترة دي ممكن تسببلك مشكلة بعد كده
حتي لو خفيتي

مريم: مشكلة ايه

يوسف : في نسبة كبيرة ممكن يعني

مريم : اتكلم يا يوسف

يوسف : انك متقدريش تخلفي يا مريم ........
#انا عارفة أن رواية حزينة جدا وان مفهاش رومنسية كتير
ناس كتير بتشتكي "بس يا جماعة مش كل قصة لازم تكون زي تانية انا قبل كده نزلت قصص مفهاش حزن كده "عشان كده قولت في الاول رواية حزييينة مش معني كده انها هتفضل الأحداث
حزن ونكد" لا طبعا في موافق واحداث جاية حلوا جدا
فا ياريت الصبر احنا لسه بنقول يا هادي وعلي فكرة انا ممكن اخلصها في حلقة العشرين واعمل جزء ثاني بأحداث مختلفة
وتطورات كبيرة بعدين أو هكمل علي كده بس هتبقي طويلا جدا فا ياريت بلاش سؤال هتخلص أمتي لو زهقنين منها اوقفها عادي ' واسفة جدا علي تأخير القصتين
#دمتم_بخير
#جهاد_محمد
#عودة_للانتقام