رواية عروس البيت الاسود الفصل الخامس 5 - بقلم لارا سالم

ملاحضه :
مدا تنطوني رأيكم و مدا اعرف القصه عاجبتكم او لا
اتمنى تعلقون على البارتات علمود اعرف استمر او لا ❤️

............................

بليل شاهين عرف من مهدي انو شفت امي علساس وكف ينصحه
شاهين ماسمعه صعد بعصبيه يهطر الباب
حسيت باب الغرفه حتنفجر من التركع مالته

- فتحي لا اكسرها ع راس الخلفج فتحيييي

فتحتها ضربني راشدي حيل جرني من شعري ضرب ضرب

اني و انكتل منه ادفعه يرجع يجرني نشك جزء من هدومي

رجعت ليوره الملم نفسي

هو يتنفس سريع باوعني بنظره شهوانيه بس عصبي بنفس الوقت

من فشلتي عطت هددته : والله العظيم اكسره و ارجع لاهلي لو مو تسد باب لو تقفل عليه ميت باب

جرني من ايدي عصرها الا شويه يطكها

كال : و الخلقج ان شفتتتتججج طالعه من باب الشارع رجلج اكسرها و كلامي ينسمع و يتنفذ

ضرب وجهي حيل وكعت عافني وطلع

من طلع شلت المخده شمرتها عالباب صحت اكرهك اكررررهك

الصبح بالمطبخ اثرم طماطه و خيار بالماعون للريوك

نزل مهدي شرب مي من البراد راح عالثلاجه بقه يفتر بالمطبخ حسيته يريد يفتح موضوع

وصل للميز كعد ياكل ماحجه شي وكفت اصب الجاي

بلا مقدمات كال : سوالج شي ؟

مجاوبته

- جان حيعرف بكل الاحوال اضطريت احجيله الكامرات موجوده بالباب
و ردت انصحه بهالموضوع ماسمع مني

هم ماجاوبته

- شبيج دا احاجيج مثل الاوادم مالي نيه افتح مواضيع و نتساير بس وضحتلج الصار لان صارتلج مشكله بسببي

- حاولت تنصحه تقصدت تكوله النتيجه وحده

عفته وصعدت لغرفتي

مشه شهر ع هالحال

دراستي ع وشك اخسرها ردت ولو اجيب واجباتي اقره بالبيت
معدلاتي عاليه استخصرت تروح عليه سنه

كلت لشاهين عفطلي

كتله : عفطاتك لنفسك دراستي ماضارتك بشي

- طبي جوه لدوخيني

نفجرت بوجهه فتح الباب وطلع

بهاللحظه صعد مهدي عالدرج

صار شاهين كباله هز ايده و نزل

مهدي طلع شايفني من دتنسد الباب

اني اعيط وابجي وراه : الله ياخذك انت واهلك و يخلصني منكم عساكم بالحركككك
ابويه بس يرجع حيندمك علي سويته بيه بالموت ان شاء الله

مهدي يوم بعد يوم وضعنا صار ينرفزه و يضوجه من كعده البيت

صارت فتره امتحانات واذا ضيعتها تروح عليه السنه خلص

شاهين ماموجود بالبيت واهله رايحين للسوك
كمت ب 9 بدلت شلون مجان كلت اروح اشرحلهم عل و عسى يستثنوني من الامتحانات يلكولي حل اي شي اروح و ارجع بلا ميحسون عليه

طفيت الكامرات وطلعت رحت للمدرسه حجيتلهم الي صار ويايه

المديره كلتلي بنتي حته لو اجلتلج الامتحان شلون تداومين بعد اذا زوجج ماموافق

- الكي طريقه اقنعه اي شي بس لا تروح سنه عليه درجاتي عاليه حرامات الله يخليج ست ساعديني

- لما تقنعي اكو دفتر غياب ديتسجل اسمج يوميه

- عوفيها عليه والله الكي حل هالوضع مامطول

حجيت وياها سريع ورجعت للبيت حته محد يحس عليه

من الخبصه والدوخه نسيت اشغل الكامرات

بليل رجع شاهين دخل للغرفه اني كاعده عالفراش اتفرج تلفزيون ماباوعتله

اجه كعد يمي يعدل كذلتي ع كيفه اني وخرت راسي
كال : منو ماخذ فلوس من جيبي ؟

بلعت ريكي مجاوبته

- ماخوذ 10 الاف من المحفظه مو

ماجاوبته دمي نشف من الخوف

- زين ليش مطفيه الكامرات ؟ ها

جرني من راسي راد يضربني قاومته تعاركنا و عله صوتنا

جوي اهله مهدي ضل بالباب مادخل وياهم بس يسمع

شاهين يصيح ماخذه ماده ايدها بجيبي الادبسز و طالعه بلا مادري

رغد حاجته بنتره : شمعرفك طالعه شفتها بعينك

- مطفيه الكامرااات يحتاجلها فهم

سكتو محد حجه شي ضل يرزلني بعياط وطلع

سمعته مهدي تعارك وياه بره كاله : جزعت من مشاكلكم

اخذ سويج سيارته نزل و طلع

مشت الايام البيت هدوء عدا امهم ضلت تأنب تصيحني الحراميه هاي بعد لزمت عليه شغله جديده

كتلها اخر همي شلون تشوفيني بالطكاك انتي وابنج

كرهتهم من كل كلبي 3 اشهر شوفوني النجوم بعز الضهر

مهدي من يومها مارجع البيت يبات كله بره

رغد ساعه وياهم ساعه تحاول تجاوبني من احاجيها

اخر شي وكفتها كتلها : انتي ماراضيه بالوضع لتأذيني مثلهم تعرفيني زين مستحيل اذي امير

رغد : مو بيدي حور هذا اخويه والي مات ابنه شمنتظره مني؟

- لتحبيني بس لتتجنبيني مثلهم
اني صفيت وحدي حته اهلي مشايفتهم من مده ماعرف جوعانين لو شبعانين المن اشكي همي

حجيتها اني واضم صوت بجيتي
نقهرت عليه بجت ويايه لزمت ايدي كالت : يصير خير لتبجين

ابو شاهين مايكعد بالبيت ابد يجي يادوب ع كد نومه الليل والصبح يروح

بس شاهين كلما يجيني مشحون الله واعلم ابو شيعبي براسه من ناحيتي اني وابويه

رغد سالفتها سالفه بس ماحجتلي هيه مزوجه استغربت ليش ضلت عد اهلها مده طويله مالحكت اعرف التهينا بمصايبنا

بيوم كاعدين ع الغده اني نزلت توني داخله المطبخ عمتي
كالت : تعلمي تصبين الغده كبل مانكعد

ماجاوبتها

- يا عين الماتنكسر

شاهين حجه : من تحاجيج امي جاوبيها

انداريت عليه : من تحاجيني باحترام اجاوبها

عمتي : عود علمينا الاحترام بت القتله

رغد : ماما تالي

عمتي : انجبي انتي لتدخلين

رغد : ميصير الدتسوو مو عيشه هاي

عمتي : ياا حطتج بجيبها لازم

رغد : لا بجيبها ولا براسها بس فكو ياخه عنها شويه بطلو مشاكل نفختو راسنا

اندارت ع اخوها : حلوها عد شاهين

هو بقه ياكل ماجاوبها

كتلها : لتحاولين متكدرين تعرفين عقليته وهدفه

شاهين : هدفي ماريحج لا انتي ولا اهلج و اختفي من كدامي لما اكمل زقنبوت

مهدي كل هذا يتفرج هو و متجتف

كتلهم : شوفو تكتلوني ترزلوني تعذبوني اطلع من هالبيت يعني اطلع من هالبيت ماتكسروني لو يطلع ريش براسكم
لا بيوم ردتكم ولا رح احبكم
حته هذا الاكل مايشرفني اتزقنبه وياكم
ووووو اطلك اطلك منك شاهين سمعت

عفتهم صعدت لغرفتي ماعرف رده فعل شاهين وره هالكلام المهم فشيت غلي بيهم

العصر اني بالغرفه ابدل جرجف الفراش ندكت الباب
دخل مهدي باوعتله و رجعت اكمل شغل

- هيي الو

باوعتله : نعم

- نعم الله عليج طالع بشغله رايده شي اجيبلج ويايه ؟

رجعت اكمل الي بيدي : ماريد منكم شي

مجاوبني طلع وسد الباب حجيت بصوت ناصي : بس جفوني شوفتكم

بيومها شاهين ماطلع بقه بالبيت اجه ب 10 للغرفه

يفتر بالغرفه غير ملابسه حط موبايله عالشحن
راح قفل الباب كلبي نعصر ماعرف ليش

كال : شو محد سأل عنكم لا انتي ولا امج

مجاوبته

- مثلا ابن فلان جان يجيكم دائما يجيب مسواك لابوج يضل ساعه و ساعتين عدكم مافتقدج وره هالاحداث ؟

باوعتله بخنزره حسيته يحجي بشك نبره ماحبيتها منه

- ع شنو تلمح بله؟

- مالمح لشي بس ابوج العار مجان يدخل احد غريب ببيته غير اني و هذا بحجه المسواك يمكن عينه عليج وانتي الرعونيه عندج موهبه
نسيتي اول مره شفتج بيها جنتي بطرمتكم ويه اختج الخرسه
تلعبيها ب المي لابسه شورت كصير و زرورج تلمع بالشمس
واني دخلت صدفه جايب غراض الكم صرتي بوجهي بهالمنظر
غريب ابوج هذا ميخليج تطلعين بالشارع بس يخليج تلبسين شورت بالحديقه

- انت كلتها بيتي و اهلي راضين بس كلمن يفكر حسب الوصخ المعشش براسه

لزمني من فجي صك سنونه : افكسها لعينج الصلفه هاي

- انت خليتني ماحترمك خلي عندك دم و طلكني

ضربني راشدي خله اذني تصوفر حسيت وصله من خدي انشالت

رجع جر شعري
همس بعصبيه و انفاسه تضرب بوجهي : تطلكين مو ادبسز ؟

ركعني عالفراش حيل و صار فوكايه يبوسني من كل مكان
كلما ابعده يضربني راشدي اقوه من القبله
كلبت معدتي اشمئزيت حجيت حجي صاعد نازل ارفس و احجي
: مو هيج حقير وخررر الله ياخذك ماريدك استحي من رجولتك ماريدك ماريدددك وخرررر

الي جوه سمعو ماعرفت منو جان بالباب يحاول يفتحها
انقهرت يسمعون احد يستنجد بيهم و مايدخلون
انكسرت لاخر لحضه بهالبيت

احجي احجي اكول هسه ياخذ ع كرامته يعوفني هسه يوخر
ماحصلت نتيجه غير زاد بالضرب راشدي وره راشدي تركع منا ومنا
ماكمت اشوف بس اسمع صوت انفاسه هو ويضرب و يبوس بيه
باد حيلي بديت اتعب كد مارفست و ايست النفس كمت كوه اجره
اخر شي حط ايده ع حلكي وسواها
صرخت صرخه طويله راح نفسي نزلت دموعي
تاذيت بطريقه بس الله يعلم بيها من وره وحشيته
ضلينا ع هالوضع ماعرف كم دقيقه اني احاول اجر النفس وهو كاتمه بايده
يتنفس سريع ويحاول يستجمع قوته

كام مني وكف عدل هدومه جر نفس كال : اطلكي هسه طبج مرض

بجيت بمكاني بجي مصاير ماتاذيت كد ما نهانيت
جنت كارهه البيت هسه كرهت حته الغرفه العايشه بيها
صرت احسه مكان اسود شي يكتم ع نفسي

شاهين كابوس ووكعت بي
موته ابنه خبلته فقدته توازنه

اخذني وهو ميطيق يباوع بوجهي هسه صرت شي يجذب شهوته ؟ كسرني الله يكسره و ياخذ حوبتي منه

بقيت بمكاني ابجي و اندعي عليه
من طلع من الغرفه حسيت اكو احد تجادل وياه بس جنت بوضع مايسمحلي اسمع ولا يهمني اعرف

بنص الليل دخلت رغد عليه شافتني باجيه و حالتي حاله
حته رجلي عفتها مفتوحه من التعب و القهر النفسي الجنت بي

شافت وضعي كعدت بقت صافنه عليه شويه كومتني حضنتني
كالت باوعي باوعي عليه اهدي مصار شي كومي ويايه ميصير تضلين بهالحاله

كومتني شلون مجان نزلنا للحمام دخلتني جوه الدوش بهدومي المرعوطه منا و منا ضليت جوه المي ربع ساعه ريحني هوايه

طلعت بره رغد تنتظرني بالباب
كتلها : ايدج مكادره امشي

سندتني رحنا للمطبخ كعدتني جابتلي مي
شربته بطريقه عبالك صار سنه مشاربه مي

كلتلي

رغد : شون صرتي ؟

- ههههه

ضحكت باستهزاء هيه ضحكه هيه بجيه واعض شفتي

رغد: بكل الاحوال جان صار هالشي انتو مزوجين

- بهالطريقه؟ ارتاح كلبه هسه ؟
يومين و حيشمرني يكسرني كبلها ليشش

ضلت تهدي بيه شويه وصعدنا غيرت جرجف فراشي رتبت المكان مددتني بالفراش غطتني اول ماطفت الضوه غفيت ماحسيت ابد

الصبح كعدت ع صوت قوي عبالك انفجار صوت زرف اذاناتي زرف

كمت عايطه

......

يتبع ......