رواية عروس البيت الاسود الفصل السابع 7 - بقلم لارا سالم

اريد تفاعلكم حبايب يله بعد ورانه كومه احداث

......................................

سديت الباب اني واقره الفاتحه ع روحي

وكف يباوع عالشباك ساكت

اني بعدني بالباب وجنطتي يمي

كال : ابوج وين

- ماعرف

- اهلج يعرفون و اكيد ماضمو عليج احجي

- هههه هذا الخلاك تعوفني يمهم هالدقيقتين ؟

- شفتي شلون كريم وياج حته لتعتبين بعد

- كثر خيرك والله

  رحت يمه كتله

- ليش هالتصرفات شاهين ؟

اندار عليه يدخن : بعدج تسئلين

- نطيني سبب واحد يخليني اتحمل كل هذا شنو ذنبي

- ذنبج بنته

- ابويه ماقتله ماجان بالبيت حته يقتله

نفخ الجكاره ليفوك : الزرنيخ مايحتاج احد يوزعه سبيل عالموجودين
كافي يعوفه بماعون يم الحلويات بالمطبخ و يطلع العينتين من السالفه
وعباله تعبر عليه

- حته لو الي دتكوله صح اني ماااااالي ذنببب

- خسرني ابني و حصرني عليه خلي هو هم يتحصر ع بنته

حجاها و نفخ الجكاره بوجهي

- انت مو هيج دتكول هالكلام حته تاذيني مستحيل هذا الانسان الي ازوجته

- لا هو اني و تعودي ع هالشي
واحب اطمنج ابوج ما راجع بعد تعودي على الوضع همين

-  تحلم بهالشي ما ضل ويه عار

جرني من شعري عليه : عيدي شكلتي

احاول اوخره : ايدك عني شاهين دتاذيني

- وروح ابني اذا عدتيها مره ثانيه لا ارجع اراويج الرجوله شنو
ضبي لسانج من توكفين كدامي فهمتي

- غلطه عمري انت و حخلص منها باي طريقه

- لتحلمين بهاليوم طول ما اني عايش

دفعني و طلع

ركضت قفلت  وراه انتجيت عالباب اجر النفس كوه

تفلت عليه : الله ياخذك يا عار

تذكرت اهلي ركضت عالجنطه
طلعت الموبايل دزيت مسج لزهراء : اني زينه ليضل بالكم

سديت وياها واني كوه اجر النفس محتاجه احجي ويه احد

تذكرت ساره صديقتي دكيت عليها ردت راسا

ساره : عزززه لج وينج كلت متي و دفنوج خليتي بالي يمج ياغبيه شتاقيتلج لج احجي لو تشوفين المدرسه و ...

سكتت حست ع صوتي دا ابجي

ساره: شنو دتبجين ؟ خايبه حور شبيج انتي وين هسه رجلج وين خوما مات ولج لو خاف اطلكتي ؟ احجي وكفتي كلبي

- ياريت يصير كل الدتكولي

ساره : يمه بسم الله فهميني شبيج لج احجي رح الزكه للموبايل بالحايط

- ازوجت و ببيته هسه دا اتعاقب

ساره : ع شنو خاف خنتي ولج ؟ غبره شسويتي بروحج عالاقل انتظري للسبعه

- مدا اشاقه ساره اني بمصيبه ماعرف شلون اخلص منها

ساره : فضيها كطعت الخلف

حجيتلها كلشي بالحرف

ساره : انتي تشاقين مو مسويه بيه الكامره الخفيه ؟ لج شنو مات ابنه شنو ابوج اختفى معناها رجلج عنده حق

- لا ماعنده حق ماشاف شي بعينه ولا سمع من ابويه ولا فكر يسمعني
شيلني مسؤوليه موته الطفل بس لان ماجنت بالمطبخ يمه ساعتها
شمعرفني حيصير كل هذا

ساره : اطلكي بابا اطلكي دام بعدكم عالبر و اخذج عناد باهلج اطلكي ليش كاعده عنده

- عالبر هههه اوف خليني ساكته هذا موال ثاني

ساره : لتكوليها !!! اخذج ؟

- اخذني ما لحكت اخذ حته احتياطي

ساره : ليش ما اخذتي ليششش

- جنه نتعارك سواها عناد بيه الجلب حطني و اخذني
وماحسبت حساب لان ماتوقعته يسويها
بالايام العاديه مايطيق يباوع بوجهي

ساره : حبيبتي النومه اهم شي عدهم شيسوون بوجهج
و لا عناد ولا شي هو مشتهيج و سواها بس مايريد ينزل نفسه

- اشتهته سحليه ان شاء الله

ساره : سوده عليه عمري اذاج ؟

- من يومها اكوبس بنومي مكادره انام ساعتين متواصله

ساره : زين اذا عفتي تكدرون تطلعون من المنطقه ؟

- ماعدنا غير البيت هذا حته مصرف ماكو ماعرف اهلي شلون مدبريها هسه
وحته لو نهزمنا شاهين و عشيرته معتبري ثار وين مانروح يوصلولنا
و الي ع ذمته اني هسه وين انهزم منه ؟
سكتي ساره مليوصه مالها حل

ساره: الله يعينج ويصبرج بس وبعدين خايبه لتطلعين حامل

- هذا المخوفني مو وكتها ابد ادعيلي تعبر ع خير

ساره : مادري شكولج صدك قهرتيني جنتي متحضره لعرسج و شمحلاتج ليش نكلبت الدنيا ع غفله

- حضي وقدري مجبوره اعيشه

سديت وياها ونمت كبل من تعب التفكير جسمي هم احسه مشلول كوه احركه

الصبح جوي خطار كرايبهم من البصره
وياهم بيت عمهم متفقين وجايين سوه

رغد جتي كالت امي تكلج نزلي لازم يشوفوج الخطار لا عبالهم نهزمتي

- ها قصدج يتفرجون ع جنتكم المذلوله

- حور مو وكتها نزلي الله يخليج

- جايه وراج

كمت لبست اسود باسود ونزلت نصهم بالمطبخ و نصهم بالهول رحت سلمت هنا و هنا الكل تجاوبني من وره خشمها
شاهين كاعد مالاف حته راسه يشرب جاي و يضحك ويه الي يمه

بت عمه كملت ماجستير وجايه وياهم تبشرهم

شاهين يلاطفها : شهالكشخه يولي غالبتنا بالعلم و بالجمال

كلت بكلبي بالاخلاق هم

جاوبته : هذا ذوقك الحلو الك وحشه شاهين وين مختفي اخر كم سنه

- بالضيم بعد اخوج انتي الي متسئلين

- اتواصل ويه مهدي و رغد دوم انت الي تبخرت

- هاهيه نصيب طيرناج من ايدنا اضاهر

حجاها بنبره وباوعني بطرف عينه

سويت نفسي اباوع بالكاع الله ياخذك علساس ميته عليك

هيه فشلت من يمها جاوبته وتباوع عليه : ماخذ هالحلوه و معاجبك من يومك مدلل

ابتسمتلها : تسلمين يارب

ضل يسولف و يضحك وياها وويه اخوها كمت رحت للمطبخ احضر الغده ويه رغد ساعه

دخل مهدي شايل غراض كتله نطيني اخذ عنك كال ميحتاج مو ثكيله

رجعت اكلب بالجدر هو ورايه يطلع بالغراض كالي : شلون صرتي ؟

فتحت عيني من الفشله نداريت اجاوبه لكيت رغد هم منداره مستغربه

جاوبته بتمتمت : ا ا الحمدلله اح ااحسن

هو هم فشل من السؤال ابتسم و دخل جوه صاح سلام عليكم الكل كلمت تسلم عليه اسمع صوتهم يضحكون وياه

دخل شاهين للمطبخ يشرب مي مادرتله بال حجه ويه رغد عالاكل
باوعني لابسه اسود كال

- منو مات ؟

جاوبته بلا ما اندار

- عاجبني

- زين لبستي يشبه ايامج الجايه ويايه

رغد بصوت ناصي : شاهييين

حط الكلاص و رجع يم الجماعه بالهول

صبينا الغده تغدينا سوالف و حجي

صادفني جاهل من جهالهم جان يمي كاعد حطيتله كيك بالماعون و بيبسي
وكعت شويه ضحكنا عليها نداريت شفت شاهين يباوعني بنظره غريبه
عود هلكد تحبين الجهال

ماهتميت رجعنا نسولف بت عمهم تحجي عن رساله الماجستير مالتها
و شحضرو و شسوو اعتذرت انو ابوها ما اجه وياها من البصره
وانو هيه جايه مخصوص تعزمنا

عمتي : الله يسعدج بنيتي حبيبتي

بت عمهم : الله يخليج خاله عد مو بس حجي اريد تحضرون حسوي حفله بقاعه وكعده

مهدي : اذا اكو عشه نجي شكو ورانه

بت عمهم : هههه اكو اكو عشه يالجوعي

عمتي : تعذرينا بنيتي بس مانكدر تعرفين بعدها مامرت سنه ع وفاه امير اروح فدوه لترابه و لا اخذنا حقه بيا وجه نقابل العالم

حجتها هيه وتباوع بنضره استهزاء عليه

شاهين يشرب جاي ماعلق

بت عمهم دتلطف الجو : اني مالي غيركم خاله وابويه وافق اجي بغداد مخصوص علمود اعزمكم لتخجلوني هاي اول فرحه اليه ويجوز بعد مانشاوف ابويه ناوي يفلت بينا لغير دوله الوضع صار ماينحمل هنا

عمتي : ماينلام والله البلد متروس حراميه وقتله

اني ضليت ساكته اشرب جاي مدنجه راسي من الفشله حسيت روحي صغيره بنص الكاعده وياهم

ماعرف شلون لا اراديآ رفعت راسي بابتسامه صغيره
كتلها : حقكم والله انترسنا عاريه

شاهين دياكل رفع عينه عليه وعكد حاجبه

الكل سكت

هنا سمعت صوت مهدي غير الموضوع : جايين شاء الله حددي الموعد و تدللين

عمتي : ابني مو كد الطريق اني اذا مصرين روحو انتو الولد و اخذو رغد وياكم تغير جو

مهدي : اوك نجي اربعتنا و يادوب رغد و حور يجهزون نفسهم

شاهين اندار باوعله باستهزاء
عمتي وجهه صار يضرب الوان

باوعتله معقول احد فكر بيه هنا ؟

مهدي باوعني حاول يلغمط الموضوع : تدرون شاهين مضغوط بالشغل و موته ابنه نسته نفسه مالحك يفرح بعرسه هو وياها يجون يغيرون جو

شاهين يباوع بماعونه يحرك بالخاشوكه مال واحد عصبي

بت عمهم : ياريت نتشرف بعروستنا يجون نشوفهم البصره و جمالها
شايفتها مو

جاوبتها بتلعثم : ل لا والله ماشايفتها

بت عمهم: بس تشوفيها بعد متكدرين تفاركيها

شاهين بلع لسانه كضه الكعده كلها كالب وجهه بس راحو العصر انهد بمهدي

- كم مره كتلك لتدخل كلت لو ماكلللت ماريد هالغبره تطلع من البيت كم مره اعيد

مهدي : تعاقبها عمر يعني ؟شوكت تعقل انت

شاهين : مايخصك رح اكفر بيها تره
ابني ميت تريد افرفرها واونسها ع صخام وجهه ابوها

مهدي : محد كلك جيبها للبيت من الفاتحه جان اجلت سنه و تممت زواجك

شاهين : استغفر الله واتوب اليك اروح احركها هسه واخلص منها
ماريد اولي للبصره روحو انتو

مهدي : هيه تجي لتروح انت

شاهين : مهديييي

عمتي : صلي عالنبي ابني طبها مرض خل تروح هو يومين و ترجع تنحبس هنا

شاهين: وين تروح انتي الثانيه انهزمت مناك شلون

عمتي :  و تنهزم طبها مرض

شاهين : شتنهزم ع ذمتي هالادبسز

عمتي : طلك ابني طلك ارتاح منها من اخذتها وانت ع اعصابك شلك بيها

مهدي : طلك والا ماطلك البنيه عزموها العالم كدامكم عيب تفلشوها مبينه انتو مانعيها من الروحه يومين اخذها وارجعها هيه و رغد و سدو
هالسيره اصعد انام ساعتين راسي حينفجر من مشاكلكم

اني واكفه عالدرج فوك اسمع فرحت كلش اخيرا رح اشوف الشارع والناس

بليل لبست البجامه اني و امشي نفتحت الباب انداريت
لكيت شاهين داخل للغرفه لاف نفسه بمنشفه و يمسح راسه بالخاولي
مبلل و يباوعني صفح

ماهتميت عدلت فراشي شفته واكف عالمرايه ينشف شعره ويباوعني

كمت من الفراش ردت اطلع من الغرفه ماحسيت غير اختنكت لزمني من ركبتي دفعني عالحايط اصابعه حفرت ركبتي

قرب نفسه يم اذني حجه بصوت ناصي : عبالج نسيت حجايتج اليوم ؟ شفت مره فلم واحد شاد مرته من كل الجهات شايل حزام و حبل يجلد بيها تجربين ؟ ها اشوفج العاريه شيسوون؟

يحجي ويقرب حلكه ع خدي انفاسه حار نار من العصبيه
اني مغمضه مجرد احاول اوخر ايده من ركبتي بديت اختنك

اخر شي عافني وطلع من الغرفه يمسح شعره وركبته مبلل

اني كعدت اكحكح بالكاع اريد اتنفس بصعوبه رجعلي نفسي

رغم كل اليصير بيه من شاهين بس جان اهون عليه من انو يضر اهلي او يكتل ابويه

يمكن لو مخيريني بيوم من الايام بقتل ابويه او حياتي ويه هيج انسان

جان اختاريت انهرم كبل مايصير كل هذا بس هسه مربوطه من كل الجهات

يطلع قهره بيه بلكي يبرد كلبه و يعوف ابويه

ثاني يوم رغد جتي كالت امشي نشتري كم شغله للروحه

- اني ؟

- اي شبيج صفنتي

- و ش شا ....

- شاهين مايحجي بعد مهدي حياخذنا و يرجعنا

سكتت مجاوبتها

- فضيها شبيج والله مايسويلج شي كومي

اول مطلعت من الغرفه شمرت روحي عالفراش بفرح
اووف رح اشم الهوا اخيرا

بدلت ونزلت مهدي و رغد بالسياره صعدت ليوره طلعو

طبعا محد يوجهلي حجي يسولفون بيناتهم صح واكفين ويايه
بس مو ميانه ناس عايشه ببيت واحد

وصلنا المول كال نزلو تفرجو اشترو التردو انتضركم هنا اني

رغد باوعت عليه بطرف عينها : لا وين تبقى هنا انزل ويايه

ماحجه شي هز راسه نزل ويانه

دخلنا نمشي و اطخطخ بالعالم مامصدكه كمت امشي كدامهم ساعه اصير وراهم اتفرج ع جام المحلات رغد كالت حور فوك محل البدلات

كتلهم : خلينا نتفرج هنا بالاول حبابين

مهدي كال لاخته : عادي رغد تفرجو براحتكم

رغد كالت لعد اني اصعد فوك اقيس كم بدله ع راحتي

ضلينا اني ومهدي نمشي كل شويه احسه صار ورايه مدري اني من الحماس امشي سريع

ابتسم : مستغربه شو اول مره تدخلين مول ؟

- لا مو اول مره هاي ثاني مره
ابويه مجان يحب الطلعات و الازدحامات يخاف علينا

- بس لبسج و هدومج مو مال وحده داخله للمول مرتين

- احب سوالف الديكور و تنسيق الملابس و المكياج اليوتيوب موجود يعلم

ابتسم كال هاي زينه لعد استعين بيج فد يوم بشغلي

- ليش شنو شغلك انت

- عندي محل نجاره صغير مرات يطلبون مني غرفه كامله واحير بالقطع واشكالها

- اوو اسئلني و اكلك شتسوي اختصاصي هذا

- هههه دخلي المحل هذا حتعجبج شغلات هوايه

ضحكت ضحكه لحد اذني : اوووك

كمزت كبله طبيت

تفرجت عجبني كم قطعه بس وين البسهن ياحصره
شاهين ماكو بقاموسه غير العبايه

شويه و صعدنا ع رغد فوك لكيناها تشتري بدله حلوه
افتريت اباوع انتبهت البدلات غاليه كلش و خليعه بالنسبه لعيالي

كتلهم مرح اشتري مهدي كال ليش

كتله ماعجبوني

كال رغد اختاريلها انتي ع ذوقج

- لاا اصلا غاليات هم مايسون اشتريها ع لبسه وحده

رغد : شعليج انتي مهدي يدفع

- شيخلصني من شاهين رغد لتفكين حلكه عليه فدوه

مهدي ضل يباوعني ساكت

كال : اوك امشو

نزلنا عبالي حنطلع فات كبلنا ع محل حجه ويه الولد اندار اشرلي

دخلت وراه ابو المحل كال شكد قياسج

باوعت لمهدي باستغراب

كلي: قياسج

- 38

دخل الولد جوه جاب 4 فساتين مال مناسبات نازكه و ناعمه
كال اختاري

واحد ليموني وواحد بصلي و الثالث تركوازي و الرابع احمر

عجبني البصلي بناتي و نازك كتله اقيس هذا

دخلت قسته طلع يموت عدل عالجسم من فوك و يتقسم من الخصر ليجوه وكصير لحد الركبه و نص ردن ذابه نفسها قماش جرجيت

طلعت كتلهم اي اريده مهدي راح حاسب

من طلعنا كال تتغدون ؟

احنه سكتنا كال امشو صوت عصافير بطنكم واصل ليمي

صعدنا طابق المطاعم تغدينا مهدي كلي ناقصج شي بعد ؟

كتله والله فشلانه منك شجاريلك كل هالمصاريف

- اعتبريها دين اخذه منج وره 7000 سنه ضوئيه
شناقصج بعد

ابتسمت كتله : حذاء 

كال نشتري وره الغده

نزلنا اخذنا احذيه و الباب شاف شعر بنات اشترالنا جيسين

نطه الاصفر لرغد واني شال الجيس الوردي كال : لايك ويه لون الفستان الاخذتي

كلش حبيت لطافته ويايه و هدوءه شتان بينه وبين الي عندي

رجعنا للبيت شاهين ماعبرها يومين ينك بكلبي تفرفرين شكو ع كلبج
طالعه عينج ويه لسانج هالفتره

ماجاوبته حابه اتونس باليومين الي حروح بيهن

وره اسبوع صارت الروحه مهدي حاول ويه شاهين هوايه بس ماقبل يجي  كالب وجهه ع مهدي

اخذنا بس اني و رغد  طلعنا من الفجر حته نوصل من وكت للبصره صح الطريق متعب بس يخبل
البصره تجنن مثل ماوصفوها واحلى بعد

وصلنا لبيت عمهم

استقبلونا بالاحضان مرت عمهم مره جبيره وجهه كله نور تخبل

بيت عمهم كلهم طيبين بوسوني استقبلوني محد حسسني بشي ابد رغم يعرفون القصه كلها

مهدي عالغده ماضل كالهم هلكان تعب انام ساعتين يله اتغده

تغدينا و ضلينا نسولف الزلم هم كالو اخذو راحتكم

مرت عمهم حسيتها تباوعني كل شويه بنضره عطف

اخر شي كالت : عاقدين محكمه مو انتو ؟

- اي خاله طبعا عاقده

بت عمهم اشرتلها باصبعها يعني عيب

باوعت ع رغد سكتت متحجي

مرت عمهم : م ما ادري احنه كل ساعه نسمع سمعه شكل

كتلها : شمعتو مافتهمت؟

انحرجت المره ماحجت رغد جاوبتني : شاهين بوكتها كال اخذت ثاري من بتهم بالاول

- ش ش شلون ثاره مني مافتهمت شدخل الثار بكعدتي ببيتكم ؟

رغد جاوبت باحراج : كال اخذج بلا زواج استكعدج

صفنت عليها مستحيل حقارته وصلت يشوه سمعتي علمود الناس تكول  رغم اخذها ابوها ضل مهزوم مارجع !

مرت عمهم فشلت جاوبتني : لتنقهرين بنتي احنه نعرف مالج ذنب

نفجرت بالبجي : خاله ماستكعدني اني مرته والله مرته والله مالي ذنب بكل الي صار
لو ماموتت امير جنت ناويه اطلك صدكوني

نهاريت من الفشله بجيت بكلب معصور

ضلو يهدون بيه وانو همه ماكدرو يدخلون لان هذا يعتبر ثار
شاهين بحكم اسم عشيرته بالبصره مايكدر يعبر الموضوع بلا مياخذ ثاره
و لان ما اخذه من ابويه اخذه مني كدام الناس
تمنيت الكاع تنشك و تبلعني بهاللحظه

رغد دتهديني : اسمعي هو سوه هالشي بيج ك ورقه ضغط ع ابوج حته يرجع بس وره شهرين احنه وصلنا خبر للكرابه انو انتو مزوجين وعيشتكم مو بالحرام شبيج حته امي مارضت بلي صار بس من قهرها ع حفيدها تلوب منا و منا

مرت عمهم : المكتوب ع الجبين لازم تشوفه العين الله يهدي النفوس و يصبر هالمسكينه كافي تبجين كافي امي انتي
كومي بنيتي كولي يا الله غسلي وجهج اصعدي ويه البنات ارتاحي
كومي لا حول ولا قوه الا بالله

رحت للحمام بجيت بجي مصاير ابجي و اباوع ع روحي بالمرايه
احاول اكتم صوتي ماردت الناس تسمع و تباوعني بنضره شفقه اكثر من هلكد
اندعيت من كلبي الله يطلعني من المصيبه الوكعت بيها اذا كرايبهم هيج يحجون الغريب شديكول عني
وينك بابا ؟ انكسرت بنتك كسروها

بليل طلعت بالحديقه حديقتهم جبيرره و ديوانيه بالبيت شي جبير الله يحفظهم

الحديقه منظرها يفتح النفس اشجار و نخل و زرع مزكيه و ريحت القداح مفحفحه

كعدت بالحديقه ساعه صافنه عالسما شويه اغمص عيني شويه اصفن الهدوء تحس اله صوت ناعم عالروح يهديها

شويه وطلع ورايه احد باوعت مهدي جاي يتمشى ع كيفه يحط السماعه باذنه يكوله :  يابه يومين و راجع شسبيتوني صار والله صار

سد واجه كعد يمي : شو هنا كاعده

- جو طيب كلت اشم هوا

- رغد تكلي اطلع يمها خاف تنهزم هههه

- ههههه .... انت هم خايف ؟

- والله مادري هههه

- هههه

- تسويها ؟

- ضل شي انهزم علموده !! هنا او هناك ماتفرق بعد

- ماتردين تخلصين من بيتنا ؟

- شستفاد بيت اهلي بصف بيتكم اذا ما اذوني ياذون اهلي
امي مناقصه كلبها يوجعها ماريد ازيد همومها اكثر
مصدكني ؟

باوعني بنظره مافهمتها كالعاده هز راسه اي

سكتنا بعدين كتله : ليش ماكتلي

- بشنو

- علي سمعته اليوم

- تعليمات شاهين

- وانت وافقت ؟

- تعاركت وياه بيومها ونمت بره البيت
امور هوايه ماتعجبني بس يضلون اهلي وين اروح بيهم
شاهين حجاها بساعه عصبيه بعدين خابرناهم وره شهر كلنالهم مزوجين محد مسج بكلمه

- والجيران و المنطقه ؟

-  يعرفون كلشي محد غشيم حور 

- اوك

- اني مداكول الموضوع هين اعرف تعانين انتي بس ....

-  كثر خيرك دتكف شاهين عني شويه
هذا قدري و لازم اتحمله

سكت يباوعني فجاه كام كال اجيب جاي واشوف الجماعه اذا يكعدون يمنا نغير جو

ارتاح مرات من اسولف وياه ستغربت شاب بعمره طيب و صاحب وكفه و شخصيه مامزوج ليهسه ليش

صارت المناسبه ثاني يوم تحضرنا بالبيت طلعتلهم بفستاني البصلي والكعب اول مره اكشخ هالكشخه بعد حفله المهر مالتي
فتحت شعري و مكياج بسيط

شافوني كل واحد يحجي جمله لطيفه منه يحاولون يجاملوني باي طريقه يردون يخففون عني

ضليت اتبسم واشكرهم انتبهت مهدي واكف يباوع مايحجي شي
من جتي عيني بعينه ابتسم ابتسامه بسيطه

رحنا للقاعه الحفله شي جبير بت عمهم تخبل طالعه ابوها وامها يبوسون بيها والكل تصورها و تاخذ صور وياها واغاني و ركص اجواء من العمر

ضليت كاعده ع الميز مالتنا اني و رغد و مهدي همه جانو يمهم شويه واجه كعد يمي مهدي

كال : ويانه ليش كاعده بعدج

ابتسمت : ماعرف اركص ولا افتهم بهالسوالف

- ماركصتي بمهرج؟

هزيت راسي لا

بعدين كتله : بس حلوه حفلتها الله يسعدها و تلكي ابن الحلال

- اي خوش نغم طيبه و حبابه
سكت بعدين كال : مثلج

ابتسمت كتله : مجامله حلوه منك

- الي يعرفج حيفهم معدنج و يعرف انتي حلوه من جوه و من بره
بلا ميجاملج

كلامه ريحني

دنجت من المستحى ماعرفت اجاوبه جريت البيبسي اشرب

احنه و نحجي دك موبايله رد كال : الو .. بالحفله اي شنو ؟

مدلي الموبايل باوعت عليه كال : شاهين

تنهدت اخذته منه كتله : نعم

- متونسه ؟

- كلش

- تتونسين من اني ماموجود مو

- شلون عرفت

- شوكت ترجعين

- ماعرف حسب ميقررون

- باجر الضهر انتي هنا

سديت الموبايل بوجهه انداريت مهدي دار راسه سوه نفسه مامنتبه كتله شكرا

- العفو ..ثواني

راح جاب كيك وبييسي كعدنا ناكل كتله : الولد كلهم هناك ليش عايفهم؟

مهدي : الكيك اهم

- ههه .... بس الكيك ؟

مهدي : والبيبسي هههه

- هههههه

ضلينا ناكل نتفرج و نسولف عالحفله جاهل وكع كلها صاحت الله الله ضحكنا وياه

رغد تجي تسولف كلمتين و تروح يم بت عمها تنطينا الموبايل نطكلهم صور من بعيد

بعدين لاف الكامره عليه كلي : شو ضحكي

ابتسمت اني وحاطه الجطل بحلكي طلعت لقطه تخبل شوفنياها فرحت بيها كلش هو يتبسم ويه بسماتي

تمنيت الوقت مايخلص ماعرف ليش
متونسه اضحك ويه انسان يحترمني و متفهمني
حاله ماعشتها ابد

خلصت الحفله ثاني يوم رجعنا بناء ع اوامر شاهين
لان اني وياهم رجعو من وكت علمودي

وصلنا للبيت ب 4 العصر منتهين من التعب

كوه غسلت وصعدت لغرفتي اريد انام

بهالاثناء سمعت شاهين يسولف وياهم عالدرج هو و صاعد

باوعت من فوك شفته يحجي ويباوعني

طبيت لغرفتي بدلت

دخل للغرفه طبك الباب و قفلها

- حمدلله ع السلامه

- الله يسلمك

حسيت خطواته ورايه صارت قريبه

رجع شعري بايده ليوره ولافه كله عالجانب

- عطرج مالي الغرفه بغيابج

- كلولي كطع شرايينه علمودج

- ماتستاهليها يعني

حجاها هو ويشم بركبتي من وره يحجي بهمس

- عوفني دا ارتب الهدوم

لف ايده ع بطني عصرني عصر صرت كوه اتنفس
ايدي ترجف

- وخر

حجه بهمس يم اذني : تخافين اتضعفين بيدي من الزمج ها ؟

- شاهين

- محتاجه بس تكابرين

- انت شبيك

- ليش كمتي ترجفين ها

صار وجهه ع وجهي لزك

رجف جسمي من حركاته بس جتي لحضه شمئزيت

دا اعيط بعصبيه

صعد بايده ع حلكي : صوتج لا اكلب خلقتج

و الايد الثانيه لافها ع بطني صار يرفع بيها هدومي و يتنفس بسرعه

جرني عالفراش حقير حته بالنومه تصرفاته مؤديه

صار الصبح كعدت شفته ماكو هدومنا مشمره منا ومنا
مايكلف نفسه يشيل حاجه

اندكت الباب كمت عالسريع لبست روب شديته شلون مجان فتحت الباب

رغد : صباح ال.....

شافتني اشد بالروب و شعري مخربط

ابتسمت : صباحيه مباركه يا عروسه

عوجت وجهي عليها عفتها ورجعت عالفراش

دخلت ورايه : اشاقه اشاقه والله لتضوجين جيت اشوفج كلت تصالحتو

- على شنو تصالحنا

- شاهين نزل نفسيته فول انتعاش يتريك ويضحك

- شلون عرفتي

- احنه المزوجات نعرف شيصير بين المزوجين و نعرف علاماتها شلون شكلها اول مره اشوف اخويه مرتاح من مده طويله

- ممم اهم شي اخوج مرتاح

- هونيها تهون حور انتو مزوجين

حجيت اني و ارتب الفراش

- يا زواج وهو شايفني اني واهلي كاتلين ابنه ؟ 
اي زواج واني بعين الناس رخيصه و مستكعدني ؟
اخوج ذلني هوايه ماكادره اسامحه

- فتره والله فتره و تعبر بس يهدء يرجع يصلح الي بينكم اخويه واعرفه

- لا اريد يصلح ولا اريد ابقى يرجع ابويه و يطلكني منه

- ووينه ابوج هسه كل عقلج امج ماكلتله عن وضعج والي صاير بيج ؟
تعرفين الجواب وتكابرين

- ماعندي حل غير اكابر يضلون اهلي
مثل ما انتي و مهدي ماراضين بلي ديصير بس ماتكدرون تسوون شي لان اهلكم

- مرات الكبرياء يضيع حياتج لياخذج زايد
بيوم من الايام كابرت و صرت بصف اهلي تالي خسرت بيتي وكل حياتي

- ليش ؟ شصار بينج وبين رجلج ؟

تنهدت وكالت :  مو مهم خلينا بيكم انتو هسه
كافي تقسين كلبج شاهين طيب صدكيني بس صدمته بموته ابنه كاسره ضهره تصرفاته وعصبيته عامه عليه

- بعدنب ماشفت شي من هالحنيه حته اخذ بكلامج رغد

- خلص هدي نفسج الله يفرجها بس اذا تردين الامور تمشي سايري لتضلين تراددين كلمه بكلمه اعرف ديقهرج و ماتكدرين تسكتين بس عالاقل هالفتره خلي يطفي ناره بكم كلمه بعدين حيرجع يحن عليج

ضلت تحاجيني تصبرني

اجه المغرب جنه بلمطبخ نرتب العشه كال لرغد صبيلها من الشوربه مال الضهر ترم عضمها بعدها تعبانه

رفعت عيني شفته مبتسم بخباثه وياكل

عفت العشه صعدت فوك سمعت رغد تشاورت وياه بعصبيه رزلته

دخل للغرفه وره شويه يتمشى كعد ع طرف الفراش مادري شنو جان بيده

اني منتجيه عالفراش بالجهه الثانيه سويت نفسي اكلب بالتلفزيون

كال :

-  مبين ع وجهج التعب شبيها حجايتي لو صايره مطيقين تشوفيني

- الثانيه

-  فتره وتعبر تحملي لما يرجع بتابوت

- باوع داكلك ابويه ما قتل ولا رح ينقتل استفزاز لتستفزني
و الي دتسوي بيه كل ليله على فراشك المقرف هذا مارح يكسرني
لا كدام اهلك ولا بيني وبين نفسي

عدل كعدته رفع حاجبه : ممتاز شنو بعد

- شاهين كافي انهي هاللعبه السخيفه هاي

- هايي مو لعبه هذا زواج عاقد عليج من كبل ماتكتلون ابني
الزواجه الي ردتي تنهيها بسهوله بكلمه من ابوج
جنتي تتكلبين عليه رافعه خشمج و مصدكه روحج
لحد ما وصلني خبر ابني و تكليلي ماسويناله شي

-  بحياتي مارفعت خشمي ع احد بس ماجنت حابتك انت ماخليتني احبك
ولا انت حبيتني

- منو كال

- يعني تحبني ؟

لاف راسه طلع جكايره من جيبه يورث  : حضريلي هدومي نازل اغسل

- رد عليه بروح امير

- ماطيقج و سيره ابني لجيبيها ع لسانج يصير خير بعدين

عافني و راح يطلع من الغرفه

عطت بي : كافي كااافي تهددني طلعت روحي شماتسوي سوي
اكلك شي؟ تستاهل الصاير بيك ضل اكل بروحك

نزلت احضر الحمام دخل نزع هدومه عيني صارت عليه بهاللحضه
شفته يباوع ع عيني
عيوني مغوركه دموع عفته وطلعت بسرعه
اني وصاعده لغرفتي شافني مهدي جان كاعد بالمطبخ
درت وجهي مسحت دموعي و صعدت بسرعه

طبيت بفراشي غطيت حته راسي ماريد يشوف دموعي

وره يومين اني بالغرفه سمعت صوت هوسه جايه من ببيت اهلي و عياط

كلبي وكف بالي يودي و يجيب طلعت من غرفتي ركض

....

يتبع