رواية عروس البيت الاسود الفصل التاسع 9 - بقلم لارا سالم

........................

وره كم يوم رجعت عمتي عصبيه تصيح بعياط : غراب البين حور حوررر تعالي بت الدلاله سمعي امج شتكلي تعالي بت الحسب و النسب

نزلت من فوك وصلت يمها : نعم

- نعم الله عليج داده شكاعده تخرط امج بالمنطقه؟

- احجي عن امي بطريقه احسن من هيج

- انجبي عار ع اخر الزمن جاهله مثلج تعلمني شحجي واكول
امج شانعتنه شنيعه الله بالشارع تكلهم خاطفين بنتي
منو خاطفج يابعدي مرت ابني و حاجزه غرفه ليل ونهار كاعده بيها
بس صوجنا ما اخذناج خطف مثل ماحجينا للعالم خفنا من الله نسينا الضمير ويه شكولاتكم حرام

- ضمير؟ انتو عدكم ضمير ؟ وره كل هذا صرت اني المو خوش
لو ماتعرفون راسي عالي و ماتهزوني مجان ذليتوني صبح وليل
وفري حنجرتج الذهبيه للجنه الثانيه الي حيجيبها ابنج

- بعدد و ماهامج يزوج عليج والكعبه مو وحده اجيب 4 ع راسج واكسر خشمج اليابس
سمعي لج شوفيلج طريقه ترجعين ابوج بيها لا بروح الي راحو ادفنج ومحد يعرفلج طريق
و امج العار اذا سمعتها حاجيه علينا بعد
اخلي ياخذج بليله ضلمه يخفيج بغير محافظه واكول متي
خلي تموت بحصرتها عليج

- انتي ام مثلها المفروض تحسين بيها اذا عندج احساس بس صعب عليج هالشي

من عصبيتها دفرت كلاص الجاي من الميز وكعته ع ركباتي

رجلي احتركت غمضت عيني من الحركه الحسيتها

جاوبتني بعصبيه :
- وانتي بت القاتل مو بعيد وصاج انتي تقتلي
استثقلتي تربيه وره متاخذين ابوه
هذا درس بلكي تحسين شويه بلي حسيناه احنه

صرت اجر النفس كوه من الالم الي برجلي

- اني عندي ضمير و اخاف الله اكثر منج لو تحجين منا لسنه ماتهميني يجي يوم اطلع من هالبيت مرفوعه الراس واذكرج بهالكلام

- شكول عار و ساقطه بت الحراميه تعالو سمعو شتكول بت الخياس

- احترمي نفسسج

ماحسيت الا احد جرني من ايدي رجعت الا شويه اوكع انضربت بضهر شاهين

- منو هاي التحترم نفسها ؟

باوعت بعينه تذكرت خيانته الي كبل يومين و كل ايامه السوده جاوبته بعصبيه فاتحه عيني

- اممك

بلحضه سطرني براشدي احس وجهي افتر
رجعت اباوعله بحقد اني ولازمه خدي

عفتهم دا اصعد عصر ايدي رجعني يمه حيل

- اعتذري

- ماندمانه ع الي كلته

عصر زندي حيل حسيته حيطك بيده متت من الوجع من زندي من رجلي ماعرف منين الكيها

- كلت اعتذررري

رغد جانت واكفه بعيد جتي تركض : ع كيفك وياها شاهين

- تعتذر و تروح تنكبر

رغد باوعتني بترجي : بس هلمره حور

حسيت رح ابجي من الالم غمضت عيني كلت : اسفه

دفع زندي : ولي

عفتهم ركضت للحمام نزعت و دخلت جوه الدوش اريد ابرد متت من الحرك الجاي جان حار كلش
ابرد روحي وابجي جوه المي ندعيت الف مره عليهم بداخلي

طلعت من الحمام اصعد عالدرج شفت مهدي نازل من فوك جاي ياخذ حاجه و يرجع لشغله

شافني اصعد درجه درجه بصعوبه مامنتبهه عليه

كال : هاي شنو

باوعتله دموعي نزلت من كيفها : مهدي

نزل يركض : منو مسوي بيج هيج

مجاوبته

- والله رح اكفر بي

- اكعد مو وكت مشاكل

- صعدي لتدخلين

- مهدي الله يخلييك

حجيتها اني وابجي بصوت مبحوح

ضل يباوعني و يتلفت بعصبيه

- نطيني ايدج

صعدنا وداني لغرفتي مصدكت وصلت لفراشي

كلي : وين ضربج

- ماضربني احتركت

- هاا !!!!!!

- تمنيتك موجود

باوعني بنضره ما انساها

- لو موجود ماخلي مخلوق يمسج حته لو اخويه
الله يطيح حضك

اول مره احسه عصبي هيج

باوع ع رجلي

- ممكن ؟

هزيت راسي اي

صعد البجامه شويه يشوف رجلي باوعها حمره صارت طكع تريد تبطبط

كال اوكفي

راح سريع ماتوقعت يخاف عليه هلكد يمكن زعلان من اهله مالكيت تفسير
بس جنت محتاجه وجوده بهيج لحضه
بلحضه خفت احتاجه طول الوقت

رجع جايب كريم وياه باوعت عالباب

- خاف احد يجي مناكصه مشكله جديده

- كلهم بالحديقه وشاهين طالع .. ثبتي رجلج

ديصعد البجامه فشلت منه باوعته و باوعني بمستحه

اخذت الكريم من ايده رفعت البجامه صرت احط بالكريم بسرعه اريد الوجع يخف
متت اطفر من مكاني من الوجع

بقه واكف يباوعني

-  زينه هسه ؟

- تعبتك ويايه

- شصار فهميني

- مو مهم بس ماضل عندي صبر رح اطلع من هالبيت حته لو انهزم

- ديري بالج

- تعبت مهدي

- اتعبي بس لتسويها

- ليش

- بعدين تعرفين

حاولت افهم قصده ماوضحلي مهدي من الناس الغامضه اتعب حته افهمهم

بليل تاخر شاهين توقعته حينام بره مثل العاده

لبست اتك علمود الحروق الي برجلي حته الفراش احسه حار من يطخها

كوه نمت

بنص الليل حسيت روحي بحضنه نايمه صفح جاي هو نايم ورايه
مدخل ايد جوايه و الايد الثانيه من فوك ومرجعني عليه
حاضني بترس جسمه

مليت اتعارك و اكابر يكفي الوجع الحسيته بهاليوم
غمضت عيني مره لخ سويت نفسي نايمه بس حس عليه النغل

لافني عليه فتحت عيني خزرته

كام فتح ايديناتي و استلمني

لا اني حجيت ولا هو فهمت فلمه ما عاد يفيد الكلام

يتفنن من يشوف دموعي و ضعفي قررت انطي بعين كويه مو مكسوره مثل كل مره

اوخر براسي منا و منا ثبت ايديناتي بايد وحده و ايده الثانيه لزم بيها حنجي بقوه حجه بهمس و شهوه : حاولي بس حاولي تمنعيني قسم بالله اشوفج شي مشايفته بعمرج

- مو جنت عدها و مريحتك شرجعك يمي

- شتهيت مرتي .. اموت بعنادج

حقير احقر بشر الي يستضعف مره و يهينها بفراشها

كل ايامي ويه شاهين تاكدلي اني وحيده مالي سند
ولا ضهر يوكفلي كدام هالانسان

ضل يمارس يمارس كل شويه يسوي حركه ياذيني بيها يتعمد يشوفني اتلوى
لما انفضت نفض اني و اغمض و افتح لمحته ابتسم

عد عافني و مدد يمي يلهث بصوت وبنفس مفتوحه عبالك منتصر

انداريت نطيته ضهري نمت من التعب

ثاني يوم نزلت احس بعيون مهدي تباوعني بالرايحه والجايه
مارتاحيت ابد عبالك شاهين يحجيله كلشي يصير بينا مثل اليفتخر بروحه علي يسوي بيه

صرت اتجاهل عيون مهدي خفت هو بلا شي حاد سنونه ع شاهين من البارحه

ماعرف ليش خفت يمكن خفت عليه خفت يعوف البيت وماشوفه بعد

خفت اخسر الامان الوحيد اللي اليه بهالبيت

العصر عمتي و رغد راحو خطار لناس عرف

البيت فرغ كعدت اكلب بتلفزيون غرفتي وعيوني مطفيه مشابعه نوم

بلحضه الباب نركعت دخل مهدي وسدها بعصبيه :

- شسوالج البارحه

نرفزني تصرفه

-  ماتعرف تدك الباب

- وانتي متعرفين تكولين لا

- شقصدك

- فاهمه قصدي

- انت جاوبني

- العصر تبجين و بليل تنطي كلشي

- ليش اخوك اكو بقاموسه كلمه لا ايده و الضرب
مكافي ماشبعتو من منظري اني وابجي وانكتل بهالبيت

- لتتحججين بالضرب تكدرين تكولين لا

- تعبت تعبت
تعبت كلما اكول لا انضرب
تعبت اكول لا و انهان اله و لامك
ارحموني وعوفوني اروح بحال سبيلي

- كتلج اصبري مده

- علمود شنو شنوو

سكت مجاوبني صفن بوجهي كال :

- من تحددين موقفج شتردين ساعتها افهمج

- موقفي اتجاه منو

كلعاده ميجاوبني

- لبسي و نزلي ورايه

- وين

- ماتردين تشوفين اهلج ؟

- صدك ؟

-  اي لعد ليش كتلج بدلي 

- يله جايه

مصدكت من كال كلمه اهلي

اني وابدل بقت اسئلته تدور ببالي شيقصد بكلامه و ليش يريد احدد موقفي

معقول ! مستحيل اكيد لا

تعوذت ابليس بدلت نزلت ركض

باوعني كتله : لبست تنوره طويله خفت يشوفون مكان الحرك

- احسن ليضل بالهم يله

طلعني من باب الشارع احنه و نتلفت مثل الحراميه

وكف بالباب كال انتظر هنا لتطولين

دخلت ركض عليهم لكيتهم ملتمين ياكلون خبز و جبن

ماكو لكمه بالبيت زهراء راتبها يادوب يكفي مصاريف المولده و الكهرباء
الاكل يجيبون شلون مجان ياكلون جبن اندومي معكروني هالسوالف

متت قهر عليهم سئلت امي ع ابويه متجاوبني

كتلها معقول خايفه عليه مني ؟ انطي روحي ومانطي مكانه

كالت بره البلد مايقبل يرجع هسه

قهرتني الحجايه بلعت ريكي جاوبتها : اكيد مايكدر هسه تبرد السالفه ويرجع عادي يعني

امي : وانتي ؟ كلبي نار عليج حور احلامي بيج كلها مو زينه صارحيني بنتي و ريحي كلبي

مسحت دمعتي : والله زينه نامي وانتي مرتاحه شمايسوون خل يسوون المهم انتو يمي و دا اطمن عليكم انتي هم تذكري احنه جيران ليضل بالج

طلعت لمهدي بره كال شلونهم ؟

- ماكو لكمه بالبيت شلونهم

مد ايده بجيبه

- شدسوي

- مو الج

- ماريد انت مو كفيل باهلي

- لزمي لتعاندين

شفتها كرفه باوعت : 75 الف

- هاي هوايه

- نطيهميا بسرعه وتعالي يله

دخلت ركض نطيتهم ورجعت طبينا سوه

سوينا جاي كعدنا نشرب بالمطبخ بين مايجون

نشرب و نسولف

- منا وجاي ترحين لاهلج كل مره و تنطيهم فلوس
ومن اطلع تجون ويايه انتي ورغد تتسوكون حاجاتكم
او كتبيلي بورقه التردي اجيبلجيا بطريقي

- ليش تساعدني هلكد وما اخذت موقف مثلهم؟

- اعرفج مو هيج
يمكن لو بمكانه جان اخذت نفس الموقف منج
بس الي مو بمكانه يشوف الامور اوضح
وانتي خوش بنيه حسافه بي

- ههههه لو يسمعك هسه

- و يسمع مايهمني تخوفيني بي

- اني تعودت عالخوف صرت ما اهتم

- فتره و تعبر و تصيرون ...

- نصير شنو

- عائله

حجاها بحسره ماعرفت اجاوبه

كل يوم مهدي يصير قريب مني اكثر ماعرفت اسمي اسم لعلاقتي بي بس ارتاح بكعدتي وياه اضحك واسولف بدون قيود
احجي الي بكلبي بدون مايكلي بنت القاتل ! ولا يكلي هذا صح و هذا غلط

اخذ اذن من شاهين طلعنا اني و رغد اشترينا ملابس

رغد بالمحلات تكلي : شبيج يا بجامه مخبخبه ترحين عليها
انتي عروس اخذي تراكات ستريجات و بديات
دشاديش ضيقه شجاج

كلت بكلبي اخوج من كاعه مفلفل ميحتاج
صفنت بكلامها كلت شعليه بي اشتري لنفسي
اضل طول عمري بالقهر و النكد خل اونس نفسي شويه

شتريت تراكات 3 و ستريجات ثنين و بديات و عجبني خلخال واكسسوارات و عطر
و دشداشه تلث ارباع فانيله مريحه كلش و حلوه

رجعنا للبيت شافنا طابين نضحك اني وياهم باوعني : همزين طلع عندج سنون من شوكت تضحكين

مادرتله بال شكرت مهدي و صعدت لغرفتي اطلع بالغراض احطها عليه كدام لمرايه

اول مره اشتري هيج سوالف

دخل شاهين عليه يكضي شغلاته بالغرفه باوعني شلون واكفه كبال المرايه

اجه اخذ من ايدي بدي : شنو هذا

- عبايه .. متشوفه بدي

- صايره تنكتين بت ابو اللبلبي

جريت البدي دا اعبر من يمه لزم ايدي

- تصرفاتج المساكين هاي وتكسبين عواطف الداير مدايرج اعرفها
ابتعدي عن مهدي لا تخربين بيناتنا

- من تهتم بمرتك ذيج الساعه كلي هالكلام

عصر ايدي صحت ااخ

- شسوين اذا ماهتميت ؟ تدورين بره لازم

- مره حاجيني باسلوب بلا ضرب و اهانات

- ماعيد الحجي اخويه خط احمر

عافني وطلع من الغرفه

مريض شلي علاقه بمهدي لا يرحم ولا يخلي رحمه الله تنزل

فد يوم بغرفتي ارتب كم شغله بغرفتي طلعت بالموبايل
اغنيه راغب علامه تركني لحالي اسمعها دائما اني ووحدي
شريط حياتي ويه شاهين من عرفته ليهسه مر كدام عيني تناقض و صراع بداخلي

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

انفتحت الباب اني وصافنه فزيت ع صوت : شتسمعين

باوعت مهدي ابتسمت كتله ادخل

- شمعنى هالاغنيه يوميه تسمعيها ؟

- تذكرني بوضعي ويه اخوك

سكت كال : كلشي يتصلح ان شاء الله ... بيج حيل تطلعين ؟

- وين

- تشوفين الورشه مالتي

- صدك ؟ .... و شاهين ؟

- يلحكنا لهناك

- هاا ؟ وين ؟ من شوكت هالمرونه عد شاهين

- كعدت وياه البارحه كتله لو تهتم بيها لو تعوف غيرك يقوم بواجبك لازم تشوف الناس و تشتم نفس احسن ماتفكر تنهزم
وهو سكت ماحجه شي

نرفزتني جمله انو سكت ماحجه شي عود ماهامك ؟ بسيطه

كتله اي اجي انتظرني جوه

طلعت ملابسي من الكنتور كشخت فتحت شعري

نزلتله ضل يباوع ابتسمت كتله يله منروح متحمسه اطلع

كال اوك كتله بس اشوف اهلي دقيقتين باوعني بتعب

- دقيقتين والله مو اكثر

- امري لله روحي

ركضت شفتهم سلمت عليهم استغربو كشختي وين ووين و شديصير كتلهم خلوها ع الله

رحت وياه للورشه طبينا مكان مكلوب كلاب بثور الخشب مطشر بالكاع
الميوزه مليانه حدايد و بسامير و خشب و وورق

فتح الضوه جابلي كرسي كعدت كتله حلوه بس شعجب جبتني اليوم ؟

- مو كتيلي تساعديني بالديكور عندي غرفه عرسان حاير شلون اسويها

- ممم كم قطعه

كعد يحجيلي ع ع مساحه الغرفه و عدد القطع و نوعيه الصاج

صرت احاول ارسمله شكل الاثاث و طرازه افتر بالمكان

اكله : مثلا هاي الغرفه و دتكول هيه صغيره و زاويتها هيج اذن الكنتور لازم هيج شكله و ينحط هنا و السرير كباله و يمه الشباك ينطيهم زاويه حلوه

اشرح اشرح انتبهت عليه صافن عليه مبتسم ماحجه حرف
حبيت طريقه نظرته اليه
يمكن حسيت بس حاولت اكذب نفسي

جابلي جاي كعدنا نشرب نسولف عالشغل

كال :  يراد افتح وياج شغل بالمستقبل طلعتي شاطره

ابتسمت : ماعتقد اكو الي مستقبل وياكم

- منو احنه

- اهل هالبيت

- اني منهم ؟

- ا ا هههه

معرفت اجاوب نثولت جمعت الكلام : انت ابنهم و اخو شاهين نسيت

سكت مجاوبني دنج راسه يحاول يلكي كلام

انفتحت الباب دخل شاهين كال يابه سلام عليكم

حجاها باستهزاء من باوعني فتح عينه مهدي كام كاله جيب كرسي تعال يمنا

شاهين مجاوبه بقه يباوعني استغربت نضراته باوعت ع هدومي شبيه مبين شي مني فاتح عينه هدومي طبيعيه

بس مامتعود عليه اكشخ كال : ماعرفتنا بالانسه

بعدين كال : عفوا مانتبهت هاي المره

مهدي حاول يكعده شاهين كال يادوب نرجع للبيت جيت اخذها و اكمل اوراق السفر

مهدي : مسافر وين رايح

شاهين : شغل ويه ابويه يومين و ارجع

مهدي : ماجابلي سيره لعد

شاهين : نسى يجوز ..

اشر بوجهه عليه : تفضلي مدام

حطيت كوب الجاي مشيت من يمه كلت لمهدي : شكرا ع هاليوم الحلو تعبتك

مهدي : ماسويت شي

طلعنا للسياره صعدت عيني راحت عالباب شفت مهدي
بعده واكف بالورشه يباوعلنا

شغلنا السياره وطلعنا ماحجينا حرف شاهين يباوعني كل شويه بطرف عينه بلا ميحجي شي

شاهين : شوكت شتريتي هالهدوم ؟

مجاوبته

- شبيج انخرستي توج جنتي تشكرين و تتمضحكين

- من طلعنا وياه

- منو طلع وياه ؟

- اني و رغد كبل فتره شنو نسيت

- اها

وصلنا للبيت باوعت ع باب بيت اهلي اضلم
كلبي يوجعني كلما اشوف شكل البيت اضلم مكتوم

شاهين فات من يمي : دخلي

دخلت وراه صعدنا للغرفه انتضرته يكمل تبديل و يطلع

باوعني : ماتنزعين انتي ؟

- منتضره تكمل

- تستحين من زوجج

- شاهين لتبدي

- بدلي لعد

- وانت

- باقي هنا اني

اوف عالعناد العنده شيصبرني عليه

كمت فتحت باب الكنتور هو صار بضهرها

رجعت ايدي افتح سحاب التنوره من وره صار ورايه بلمح البصر

مد ايده يفتحها بعدها مانازله كال تعالي

رحت دا اكعد عالفراش هيه نزلت من كيفها

كعد كنبص كبالي بين الحجل الي برجلي

باوعني طلع من جيبه معقم و دهن لزم رجلي يشوف مكان الحرك

تاذيت : ع كيفك

باوعني كال : بعدها توجع

- لو على وجع الرجل هينه

مجاوبني اخذ رجلي صعدها ع رجله

باوعني كال : لايكلج الحجل

درت وجهي غير جهه مرجعه ايديناتي ليوره عالفراش و كاعده

ضل يدهن برجلي

ستغربت تصرفه مثل الي ندمان علي سواه بس راد يرد اعتبار امه

لسمات ايده ناعمه يصعد و ينزل بيها ع رجلي بحنيه

بقيت اباوعله من رفع راسه درت وجهي عنه

كال : مو كتلج خففي تعامل ويه مهدي

-  اني ماطلبت هو كال تعالي

- المره الجايه ترفضين
عندج رجال مو بعازه احد انتي

- اليسمعك يكول مكطع نفسه علمودي

- لتبدين و تعصبيني طلعه ويه مهدي ماكو بعد
تحتاجين شي اني اوديج

فتحت عيني : خلص عقابي لازم ؟

حس فشل نفسه نتر : محد كال خلص عقابج
بس مسؤوله مني انتي عالاقل كدام الناس

لف رجلي شلون مجان كام هو و يفرك وجهه وطلع

شبي ياربي شبي هالانسان عصبي لو حنين يريدني لو يكرهني

اجاني مسج بليل من مهدي شكرا
و بنهايه الرساله كاتب : مرح انسى هاليوم

فرحت بكلامه ابتسمت و نمت

ثاني يوم نزلت من الدرج سمعت شاهين بالمطبخ يحجي بالموبايل : ممتاز اجي عليكم نروح سوه اريد نخلص من سالفته الليله

بقيت اسمع عالدرج خطر ببالي ابويه خاف رجع و شاهين عرف مكانه

انتظرته يعوف موبايله و يروح

نزعت نعالي نزلت حافيه ع اطراف اصابيعي ركض ع موبايله
خايفه اعرف شي يرعبني بس لازم اعرف

....

يتبع ...