رواية عشگ أهل الجنوب الفصل العاشر 10 - بقلم أسيل

#نواف

خلصت شغلي كله الي بغداد حته ارجع بسرعه ما اتحمل بعيد عنها كل هل فتره بالي كله يمها رجعنه ...فتت للبيت سلمت على امي بست راسها كعدت يمها بعدني ما كاعد جان تطردني

رسميه : ها يمه يله يله حرمتك فوك شعندك يمي

_يمه غير اشوفج

رسميه : هاي وشفتني يله... يله اصعد البنيه صايره كصبه ما تاكل وحابسه روحها بغرفتها وانتو هم شعدكم كل واحد لحرمته

جاسم : يمه خوب كولي اريد اكعد يم ابوكم

سيف : تريد تستفرد بيه بعد اخوك

رسميه : يمه ابوكم حته ما يكدر ياكل تريدونه يكضني ويستفرد بيه

حيدر: ها ولج عليمن هل حجي والله لاطكنج بحرمه ثانيه

رسميه : غير احركن روحي جدام الوادم

نبيل: تحبه والله وما تكدر بدونه

رسميه: هل 50 سنه تراها مو شويه اعشكنه وروحي بيه

هم يحجون وانا بالكوه كاعد وما اصعد الها اريد بس اشوف و جهة ....كلنه كمنه صعدت للغرفه وفتحت الباب ما باوعت الي وسديته جانت لابسه ثوب .... الله الي يستر ويعدي هل ليله بخير وانا بالكوه ماسك نفسي باوعت عليه وكعدت عدل كل زرورها باينه وزنودها والثوب دلع وشعرها هل معيوف خلت الأكل على الكرويته كامت ركضت وحضنتني باست ايدي سحبت ايدي ما رضيت وحضنتها باست ركبتي وجهي وتمسكت بيه كل قوتها وهي تباوع بوجهي وعيونها مغوركه بالدموع وكالت

ساره : اوف يا الله

_هيج مشتاقه الي

ساره : لا تعوفني بعد كل هل فترة

سحبتني من ايدي وكعدتني على الجربايه اخذت العبايه علكتها ونزعت عكالي وكالت

ساره : ما اكدر اطيق المكان الي انت مابيه

_ تعرفين شغلي و ما اكدر اعوف الشغل بس الشاهد الله اني هم اشتاقيت الج

ساره : لا لا مو بكدي مستحيل

واجت تاخذ الغتره من حضني سحبتها من ايدها وكعدتها بحضني خلت ايدها حولي وحضنتني وصار راسها على جتفي وجانت تحرك ايدها على ضهري وكلت الها

_شنو احد ضوجج بالبيت

ساره : ابد والله محد ضوجني بس البيت محلو بدونك الله يحفظك الي

_ شوفي لج تره اني كوه لازم نفسي منج وانتي هيج كاعده يمي لا تخليني اكمل شرع الله وابليج بلوه

ضحكت وباوعت الي وخلت شفتها فوك شفتي وباستني سحبتها وكوه هل فلتت مني وكالت

ساره : هسه احضر الك الحمام غسل وارتاح

_ لا تحضريه اني احضره نزلي شوفي شكو بالثلاجه سويلي اكل تراني ميت جوع ما اكلت شي ببغداد من الصبح

كمت وفتحت ساره الدكم مال دشداشه الي خلت ايدها على صدري وباست صدي يم قلبي وكالت

ساره : تأمرني هسه اسويلك من ايدي اكل

ومشت و فتحت الباب سحبتها من ايدها وكتلها

_ ها سالمين وين نازله هيج

ضحكت واني بقيت صاف بوجهة طفله والله طفله ومدللة ولا ادللها طول عمرها عفتها  وكتلها

_يله سويلي شي من ايدج خلي اشوف طبخ مرتي شونه

ساره :مونفس طبخ البنات بس راح اسوي شي خلي بس احضرلك ملابسك

طلعت الي ملابسي وانطتها الي الكاع ما لامتها وتضحك هيج ردت الروح بيها واخاف احسد نفسي على هيج مره بعد شويه نزلت ولكيتهن كلهن بالمطبخ يسون اكل ويضحكن وعلياء تضرب هند وتكوللها ها شجاب الج

هند : والله جابلي بتوت ربي يستر ويطول بعمره بعد قلبي وانتي

علياء : ملاوي كتلت روحي عليهن هل خليته يجيبهن ويرتاح قلبي تعالي لج زينب وانتي

زينب : والله انا جابلي كلاده مسلحه

علياء : وانتي ساره

هند : يا ساره ساره ردت روحها من رجع

ساره : والله عاد ما اكذب جيته احلى هديه مادام رجعلي سالم ومابيه شي هاي ماردت شي من الله

هند : الله يحفظكم وها تره اذا ما خليتيه يصرف عليج تره يتعود ما يجيب الج شي

زينب : تره مو بخيل على كيفج

هند : ولج هذا ابو الخير ما اكصد اكولن بخيل بس خليه يدللها

علياء : والله البيت حته احنه مدللاتها ما ناقصها دلال

ساره : والله راضيه لو مو يدللني لو يعيشني ويه الجلاب دام هو سالم هذا الي اريده اريده سالم الي ويمي

فتت للمطبخ وكلت الها واني اخلي ايدي على راسها

_محشومه يا بنت الأصل يسلم راسج ويسلمج الي يا الغاليه ودامج بنت عز تعالي لاغيضهن واشوفج شنو هديتج

زينب : هاااا شني الهديه

_ وانتي شدخلج ها تعالي بنتي تعالي يروحي

وبقن يضحكن خجلت واجت يمي حظنتها وبست راسها وهي لزمت دشداشتي من وره وكلت الهن

_يله حطن الأكل

هند : تأمر امر شيخ

فتنه سلمت على الأهل وباست ايد ابوي وكعدنه وكعدت بصفي وكالت امي

رسميه : عفيه اريدج ما تعوفينه بحاله

ضحكت ونزلت راسها وكعدنه كلنه نأكل وهي تخلي اكل كدامي وانطيتها الأوراق فتحتها وباوعت علي وكالت

ساره : شنو هذا

رسميه : هذا حوش ب اسمج يمه يم دجله

ساره :شنو

_هاي هديتج ولج هذا بيت ب اسمج

ساره : ما اريده ليش هيج نواف

باوعت الي بعتب وقهرة كل ظنها راح تروح تسكن بيه وكلت الها

_ هذا حلالي وفلوسي واشتريت الج بيت وسجلته بأسمج شنو وين المشكله وترحين تأثثينه بالي يعجبج

ساره : ما اريد اروح منا اريد ابقه عايشه هنا

كالتها مثل الطفله المقهورة وتريد تبجي ضحكو كلهم وباوعت علي وكلت الها

_تره ما كتلج نروح نعيش هناك بس هذا البيت الج تضمنين مستقبلج بيه كلشي يصير بهل دنيه

ساره : بعد عمر طويل والله ما اعيش بمكان انت مابيه لا تحجي هيج وتقهرني منك

رسميه : يمه لا تداهرها تراها اليوم يله شفنه ضحكتها

_يمه والله ما مداهرها بس انا ردت شي يبقه الها هل دنيا مو امان واخاف وراي تضل بوحدها

جاسم :خيرك نواف شهل حجي الي يسد النفس الله يخليك النا ويخليك عامود هل بيت

سيف : لعد وابوي عامود شنو

جاسم :والله عاد ابوي جان عامود هل بيت وزنجر

_كوم كلب ..يضل ابوي عامود غصب عنك

وضحكو كلهم انا ما رضيت على هل كلام حتى لو جان شقه كل الي احنه بيه هذا فضل من الله سبحانه وتعالى وفضل من ابوي وتعبه ويانه وبقت ساره متضايكه وكلت الها

_ شبيج لا تضلين كالبة وجهج تره هل بيت من نريد نكعد نسافر نتونس وحدنه نروح اله بين فتره وفتره

ساره : ربي يخلي ويحفظك بس بداعتي لا تحجي هيج مره ثانيه

_الأعمار بيد الله يا بنت الناس والله يطيل بعمرنا كلنا

ساره :امين يا رب

_ها شفتو هديه حرمتي وانتو خلوكم متقشمرات بهل قطع الذهب

زينب: والله صادك يا شيخ

ضحكت وكل وحده بقت تبسبس ويه زوجها باوعت على ساره جانت صافنه عليه وبسرعه دارت وجهها وضحكت

#ساره

مرت ايام اجتي هل نورة والله مو نوره ضلمه ... وكمت ما اطيق البيت الي يغث اجتي ويه نواف من راح زياره الهم رجعت وياه اكرها ما اطيقها ولا اطيق من هي تصير يمه ما احبهاااااا .... هيج هيج اريد اكلها بسنوني من اشوفها هاي صار 3 ايام لازكه بيه لزك كل ما اشوفها يا تحجي وياه يا تضحك وتسولف يا مكشفه صدرها الها تريد تغريه تتمضيك وكل حجيها بس نواف نواف ..... نزلت من الغرفه لكيتها واكفه يمه يم الباب والثوب مالتها دلع الشاهد الله هو ما يباوع عليها يحرك بالسبحه وهي تسولف وتضحك وهو يبتسم اجيت وكتله

_حبيي ميخالف رايدتك بموضوع

نواف : ها قلبي كولي

_ حبيبي وحدنه شي خاص محتاجته منك

واباوع عليها اريدها بس تروح وما تحس الحيوانه وهي كالت

نوره : يله اشوفك بعدين

وضحكت ومشت تقهر بيه تقهربقلبي الحيوانه ....قلدت عليها وهي تكله اشوفك بعدين وباوعت على نواف ضحك وكتله

_ليش تضحك لا تضحك وياها

نواف : ولج يا عمري انتي رجعنه لنفس السالفه انتي مرتي

_حته اذا مرتك اني لا توكف وياها اضوج انغث تقبل هسه اوكف ويه احد غريب

نواف : نوره مو غريبه

_ها تقبل يعني البس دلع واطلع صدري واوكف ويه ابن عمي واسولف واتمضحك وياه ها تقبل

نواف : والكفل زينب اطك ضهرج واكتله كدامج خلاص والي نزل القران على محمد لاكسر ضلوعج

_لعد لا توكف وياها انغث انغث منها

راح جان عصبي وما حجيت وياها طلع مغثوث مني على العشى كعدت يمه بقيت صافنه لا اكدر اكوللها كومي ولا اكدر احجي شي وتسولف ويه ماما رسميه كعدت ما اكلت الكل حس عليه مغثوثه زينب كالت

زينب : شبيج

_مابيه شي احس معدتي شويه مأذيتني

هند : طبعا ما مخليه لكمه بحلكج من الصبح بس لا حبله

رسميه : مني الحبله

_لا.... لا ماما بس معدتي مأذيتني يكلولي حبله كتلهم لا مو حامل

نوره : هاي ينراد الها سنين يله تحبل ضعيفه ما تحبل بسرعه

_لا والله شكلج تعرفين بالغيب الله اذا يريد يرزق بليله ويوم

نوره :وما رزقج صارلج اشهر من تزوجتي الشيخ علياء حبلت من ثالث شهر وطبعا العيب ما اقصد من الشيخ على كص لساني بس شكله العيب منج يا متحبلين يا ما مخليته يمسج

باوعت الها اريد اريح قلبي بس ما اكدراتصرف اي شي كدامهم وترك نواف الأكل وكال

نواف: هذا الحجي ما ينحجي كدام الزلم عيب عليجن

_والله اني محاجيه بس هي الي بدت عبالك عايشه ويايه وثانيا شلج دخلت اذا حبلت لو لا بس شكلج مغثوثه لان اخذني الشيخ وانتي لا

نواف: اش ولا كلمه لا وحق الله اكسر راسج هاي ضيفه احترميها وبنت عمي

اول مره يصيح عليه كدام الكل ما كدرت اكمل اكل استأذنت وكمت صعدت للغرفه ما تحملت ابقه بنفس المكان الي هي بيه مرت ساعات باوعت من الشباك شفتها تمشي وانطته جاي وهو واكف بلحديقه باوعت متت قهر حسيت نار بقلبي وهويبتسم باوع على الجامه سديت البرده وكعدت تأخر الوقت وهو ما صعد وفتح الباب ودخل باوعلي ودار وجها جنت كاعده على الجربايه وكفت وسد الباب وكتله

_شتريد منك ليش واكفه يمك

نواف: يا الله راح نرجع لنفس الموضوع

_اي اي نرجع

نواف : لا تعلين صوتج

_ لا اعليه مدام متحترمني اعليه

فقدت اعاصبي وما احس غير لزمني ومن زند ايدي سحبني كل قوته عليه اذاني هواي وكال بعصبيبه جان قريب عليه وكال

نواف : شوفي لج لا تخلين راسج براسي لا هذا الخشم اكسره الج فهمتي وصوتج ما يعلى شترديني اطرد ضيفه من البيت ادخل بسوالف النسوان والمن كايله اني ما ماسج

_ما ما ك ماكلت ل احد والله

نواف : لعد شون تدري بهل شي

_ والله ما كايله ل احد نواف.... نواف اذيتني

عاف ايدي وفات للحمام طلع وره فتره ردت احجي وياه بس ما حجه شي وطلع من الغرفه وما احس بس الدمموع كامت تنزل من عيني ....... مرت 3 ايام حجيه ثكيل وياي ميدخل لغرفتي الا من ينام مرات ينام على الكرويته نوره راح تموتني لازكه لازكه بيه من يصير الأكل اخذ اكلي واكل ب المطبخ ماخذه مكاني الي بصفه واذا اني اكعد بصفه هي تكعد من الجهة الثانيه هو مثكل بوجها بس مكاعد اتحمل اريدها بس تنقلع وتروح وطبعا كل مره تسمعني حجايه شكل واني اسكت حته ما اسوي مشكله وادري بيها ناويتلها على مشكله هل قصبه ........ جنت اساعد البنات بالمطبخ ف جانو يشيلون الأكل ويوده للغرفه الي كاعدين بيها هي فاتت ف وكعت الخاشوكه وشلتها جان تكول

نوره :هن بنات المدينه شيعرفن غير الركص الكاوليات

_شنو قصدج

نوره : سلامتج جنها بزتج هل كلمه لازم انتي كاوليه

_لج شوفي تره تحملتج زايد لا اكص لسانج هسه وافركه لهل حلك الأزرك

نوره : رجفتيني ام السحوره تبيعين شرف يم الشيخ وانتي خلك ركاصه ام المولات

_لج هي ادبسسز حيوانه قليلة الأدب

دفعتها فاتت علياء وهند وزينب وكالت

علياء :شكو صوتكم عالي

_ماكو شي

نوره : لا والله وايدج طولانه

وجرتني من شعري كل قوتها اذتني ضربتها على وجهها ما سكتت الها وزينب رادات تفرقنه دفعتها نوره ووكعت ضربت نوره راشدي وساعدت زينب وكفتها ... جان اجه نواف سحب نوره ودفعها بره المطبخ وضربني راشدي بحيت من الضربه صفحه وجهي كله خدر حسيت بوجع يم اذاني مو طبيعي بقيت صافنه عليه و بجيت

🌿🌿🌿🌿🌿🌿 🌿 🌿🌿🌿🌿🌿🌿🌿🌿🌿🌿

هااااااااااااااااااااااي شونكم ان شاء الله تمام 😍

وهاي بارت جديد ما طولت عليكم مرت 3 ايام ههههههههه😆😆،

واذا اكو اغلاط نبهوني لأن بسرعه اشتغلته ونزلته

اتمنى يعجبكم شكرا باااااااااااي ✋💕💕