رواية عشگ أهل الجنوب الفصل الثاني والعشرون 22 - بقلم أسيل

رسميه: يمه وينه كناكيشنه وينه شنكايه البيت

_ ماما حبيبتي سبحته اليوم شوفي حته صورته ماكعد بس يلعب صلاه النبي

طبعا تصيح اله شنكايه قصدها بيها العجينه مال خبز لان ابيض ومدنفش شوفتها التصوير وشون يلعب بالمي ويصيح وخله البطه بحلكه وهي تضحك وتصلي على النبي خربت ضحك جان يخلص الفديو وكالت

رسميه:يمه فدوه من عمري على عمره

_اسم الله عمرج طويل يمه

رسميه:تعرفين دعابله جنها دعابل ابوه من جان صغير

_جان عنده دعابل نواف

نواف:يمهههههه

صاح نواف والبقيه ماتو ضحك مفهمت وعمو حيدر يضحك نواف صار احمر والبنات مغطيات وجهن هاي شبيهم

_عمه بس سعود ما عنده دعابل اخاف عليه بس صدك يعني نواف يلعب جان دعابل

رسميه:يمه شون ما عنده غير جنها دعابل ابوه بيضه

نواف:خرب لج يمهههه سكتي

_هسه شحاجيه شكو بيها واذا ما جنت تلعب دعابل بس تفاجئت الصراحه تعرف اني جنت ابوك دعابل حسين الله يرحمه

هذولي مدنكين جاسم كعد بالكاع من الضحك غص بالجاي وعمو حيدر اول مره اشوفه هيج يضحك وضرب ضهر نواف جان كاعد يمي وكال اله

حيدر:يسعدلي قلبكم الله لا يحرمني من هل لمه الحلوة

جاسم يضحك ما سكت هو والولد باوعت على نواف وهو مبتسم وكلت ل جاسم

_جاسم انت هم جانت عندك دعابل

نواف:لج ساره اسكتي اسكتي سدي حلكج يمهههه خاطر الله بطلي سوالفج

رسميه:يمه انا شكلت هن دعابل تره قاصده خص

قبل لا تكمل خله جاسم ايده على حلك امه وهي تضحك لان موسى كاعد يلعب مكعبات
دنك نواف وصار قريب مني وحسيت بنفسه لزم ايدي كزبر كل جسمي بعد كل هل ايام كل ما يقترب مني استحي واخجل منه مثل اول مره حسيت بشفته على اذاني وكال وهو يهمس

نواف:قصدها ب الدعابل (•••••)

_عزاااااااا عمههه

طلع الصوت لا اراديا وخليت ايدي على حلكي وخليت راسي بصدره حته اغطي وجهي وحسيت بضحكته والنبي دمعت هاي دائما اخلي نفسي بمواقف خايسة خلة ايده على ضهري وباس راسي وكال

نواف:كتلج الغاليه يوميه عدها كلمه جديده واي كلمه جديده لازم تكون فشار

رسميه:الله يطيل عمري واشوفه لسعود وبقيه الفروخ يكبرون حته اخليهم كلهم يفشرون

حيدر:علمي موسى

زينب:لا يمه لا عمو عليك العباس لا تسون هيج والله بالكوة خليته يبطل كلمه كوا

ما كدرت تكملها استحت دك الجهاز سعد يبجي صعدت اله واني مدنكه راسي وهم يضحكون جان يبجي بفزعه حاولت اهدي بس بقه يناشغ وقلقت الصراحه عليه هاي شبي اشو صار لون ازرك رجف كل جسمي اشو كام بالكوه ياخذ نفس ركضت وهو بحضني كمت ما اكدر اشوف بعيني قلبي راد يوكف بس كلت نواف نواف نواف واني انزل الدرج جنت لافه غطه على سعد طلع نواف صار بوجهي وكتله

_سعد سعد

مكدرت اتنفس سحبه من ايدي وكلهم كامو وصاح على جاسم يجيب السياره ومن خله ايده على صدره صاح سعد ورجع يبجي نزلت ملاك بسرعه وبس باوعت على سعد كامت تبجي وطلعت ناسيه الحجاب وصاح سيف عليه وهو يشمر حجاب هنوده الي وخليته على راسي وصعدت ليوره وكال

نواف:شبي شصار

-ما ..ما اعرف بس بجه ونكطع نفسه بس بجيه مو طبيعي شي يوجعه يوجعه شي

كلبه نواف على صدره حته يتنفس بس زاد بجيه واختنك بالزايد جاسم كال لنواف يغسل وجه سعد شويه مي يخلي علي وصلنه للمستشفى ركض نواف واني وراه اخذوه الاطباء منه واحنه وراهم نزعو ملابسه صدره احمر ضغطو وصاح سعد ردت اوخرهم من شفته يتوجع وسحبتني الممرضه الدموع ما وكفت من عيني وكالت الممرضه

الممرضه :اهدي خيتي هذا فحص لازم نشوف شبيه وطلعونه الأطباء من غرفه سعد بقينه نباوع عليه من الجامه وجسمي كله يرجف دقايق وجاسم وعمه رسميه وعمو حيدر ونبيل وسيف وزينب وعلياء وهند وملاك وموسى و دعاء كلهم بالمستشفى مشت بسرعه ماما رسميه وحضنتني بقيت ابجي وهي تهداء بيه وطلع الطبيب وبيده أوراق مشيت بسرعه بقيت وأكفه يم نواف وكال

الطبيب:الولد عنده اخ بالبيت

نواف:لا

الطبيب:الجهال بالبيت متقربين اله يضوجون منه

نواف:ابد دكتور مدلل والله

الطبيب:أنتي أمه

_اي

الطبيب:منو يعتني بيه غيرج

_قبل فتره جانو خواتي هند و زينب وعلياء ومرات ماما رسميه ليش دكتور

الطبيب :تاخذين ادويه

_لا ابد حته حبوب وجع راس ما اخذها لان بعده معتمد على الرضاعة الطبيعيه

الطبيب:قصدي مهدأت عصبيه

جاسم:احجي شبي الوليد

الطبيب : الولد مضروب بصدره ضربه قويه لو واكع على شي

_وانت تخبلت لو مخبل وجاي تحجي وياي هيج وليدي حملت بيه تسع أشهر وسنه كامله اسهر عليه واخاف عليه مثل روحي وما اكل قبل لا اوكله هذا فرحة ايامي وانت جاي تشكك بيه اني ائذيه مخبل انت براسك شي

نهاريت ودفعته وفتت لغرفه سعد مخلين اله أوكسجين ومغذي بايده الصغيره بجيت بست راسه وصدره على كيف غطيته اخاف يبرد فاتو البنات شويه و وصيتهم ملابسه اله واغراض لان راح يبقه كم يوم كل الي فاتو بجو من شافوه هيج نكسر قلبي والله هاي اول مره هيج احس بوجع تاخر الوقت كلهم راحو وفات نواف وخله جنطه سعد بالكاع وبايده بطانيه مالته وخليتها أله وغطيته ولازم باصبعي نزلت دموعي شهكت وخله ايده على رأسي باوعت عليه وكتله

_وروح حسين وداعه امي وأبويه وغلاتك وغلاه عيونك وحق رب العرش نواف اني مستحيل ائذي الله ينقص عمري ياخذني يمه اذا مجذبه والله روحي هو والله ابني شون ائذيه

نواف:صادكه يا ام سعد صادكه الحنيه الي بقلبج انا اعرفها من زمان اعرف ما الج ذنب بس خلي اعرف منو ألي ضاربه اله ادفنه واذا واكع بيها مجال بس اذا متعمد ادفنه وداعه عيونج....

هاي مرت ايام تحسن ورجع يتحرك ويبتسم ويلعب ومن يشوف نواف يضل يعفط هاي لعبته الجديده يموتني ضحك ونواف يحاول يخلي يبطل هل عاده بس يضحك سعد ويقشمر على ابوه نزلت اجيب مي دافي لسعد اشربه شويه وشفت نجوى ونازله وبايدها الولد وملاك واكفه وراها ولونها أحمر اني خليت سعد يم ملاك كلت الها دقايق وجايتج مشيت بسرعه وأخذت الولد منها بقت تباوع عليه وكلت الها

_ليش نزلتي

نجوى :هاي شبيج قابل راح اكله

_انتي شوكت ترجعين لاهلج تاكلينه ما تاكلي ما تقربين منه

نواف :سااااره

نجوى :تره أخذته من ملاك لان عدها دراسه خطيه مو قصدي اسفه لان حبيت اساعدج

_مطالبه هل شي منج لا تقربين من ابني

نواف صاح عليه بعصبيه بس والله مفوره دمي حاركه قلبي بتصرفاتها وتقربها من نواف وضحكها سحبني من زندي وسعد بيدي كام يبجي سعد من صوت نواف خاف وصاح عليه بعصبيه

نواف :شنو هذا لسانج لج اطردين

_اي اطرد اطردها لا تتقرب من ابني ما اثق بيها

نجوى :اعتذر

راد يضربني دنكت راسي وسعد روحه فرفحت بين ايدي مشه جاسم دفعه لنواف وصاح بعصبيه الحمد لله عمه وعمو رايحين زياره لبيت حجيه ديرم اخت ماما رسميه كم يوم ويرجعون

جاسم :تخبلت الطفل بيدها مفرفح جنه طير مذبوح وانت تريد تمد ايدك عليها شجاك

نواف :لا تدخل بيني وبين حرمتي وايدك اذا مديتها بعد اكسرها الك

نجوى :سمي باسم الله شيخنه

جاسم :لا تدخلين بين الأهل تراج غريبه كلها جم يوم وتروحين لخيج

نجوى :جاسم ما يحتاج تطردني لان مو من اهل البيت انا راح اخذ غريضاتي ورايحه ثكلت عليكم (والله ثكلتي على قلب كل الناس)

نواف: ما تطلعين والي ما عاجبه الباب يوسع جمل

نبيل :سمي باسم الله شجاكم

سيف :ها خويه

جاسم :من حجيك هذا جنك تطردني انا من بيت ابوي اي انا ما ارضى هل حرمه تبقه بهل بيت

نواف :هذا بيت امي مو بيت ابونا

ضحك جاسم بقينه صافنين على حجي نواف هاي اول مره يحجي هل حجي ويحسس جاسم هو مو اخوه من أمه اخوه بس من ابوه باوع عليه نواف راد يلزمني سحب جاسم ايد نواف و نواف لزم جاسم من ياخته وكال

جاسم :نواف اني وراس ملاك بنيتي ضله بهل بيت ما اضل بس يجي ابوي راح أخذهم واطلع دامك عيرتني انا مو اخوك وعايش بيت امك خلي انا ومرتي وبنيتي ما نضل بس ترجع امي قصدي بس ترجع امك وابونه راح افاتحهم بالموضوع ولا تخاف ما اكعد ببيوتك لو املاكك واراضيك يا نواف اكعد بديره غريبه بس ما جنت ادري هل موضوع بقلبك جان حجيته من زمان دامك فضلت غريبه على خيك اوووه قصدي على ابن ابوك من غير ام

نبيل :مو قصده

سيف :شهل حجي احنه رابين سوه شنو مو اخونه

جاسم :اذا مديت ايدك عليها والتراب الي دفن امي يا نواف اتبرى منك ليوم الدين واعتبرك غريب واخاف هسه بس السلام بينه راح يصير حت سلام ما يضل اذا مديت ايدك

دفع نواف جاسم وصاح نواف عليه اصعد كباله واهدي الولد صعدت والدموع مترضى توكف من عيوني مر يومين سعد ميسكت بس يبجي روحه لايبه جسمه مابيه شي فحوصات مابيها شي كل أعضاء جسمه سليمه الحمد لله عمه رسميه تكول اخاف منتول جسمه وشافته ماكو شي توسلت بجاسم لا يطلع من البيت بس قافل سويت كهوة لنواف كلت أحاول اعتذر منه و ارجع أقربهم هو وجاسم اتفقت على هل شي اني والبنات والولد طبعا عمو حاس اكو شي بس محد بيهم يحجي فارت الكهوة بدلت ولبست دشداشه بيجيه وحجاب شيفون وردي ومكياج خفيف والعطر الي يحبه ومشيت اله بالديوان كاعد ابتسمت وتذكرت اول مره من فتنه للديوان وكال الي اصب كهوة جان الباب شويه مفتوح شفت ضل اكيد ضله فتحت الباب اكيد زعلان مني بعده اي اني عصبيه وهو هم بس والله دتصرف نجوى تصرفات محلوة والكل يشكي منها حته عمه رسميه بس صارت عيني عليه تمنيت الله ياخذ روحي لازمها من زنودها وراسها على صدره ورفعت راسها ومبتسمه ولازمه دشداشته من صدره وصدرها لازك بيه وكالت

نجوى :احبك مو بيدي

وباسته من شفته كبال عيني مريه غيري بحضنه بين ايديه هذا الي جان كل حيلي هيج هده هيج اهون عليه بس شافتني ابتعدت فتت للديوان واحس كل خطوه امشيها اثكل من الثانيه وكل نفس أخذه يثكل عليه خليت الكهوة بالكاع ومشيت وصلت يم الباب

🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻

شنو رأيكم بالبارت 🌚🌝
اول شي شكرا

ثاني شي بدون مسبه 😂

ثالث شي لحد تكلي البارت قصير

ورابع شي بس تصوتون انزل الكم بارت جديد بسرعه