رواية عشگ أهل الجنوب الفصل الثلاثون 30 - بقلم أسيل

واحد سلم على الثاني احس نواف راح يكسر اصابيع ايده وكلت الهم بسرعه يفوتون حظرت الكهوة والمعجنات وبديت ارتبها اجتي سمره تساعدني حجو الي على الي  صار وهم بالفعل مرادو يسدون المكان صح عدهم سفره وترميم للمكان وماجلينه بس من عرفو بحالتي نفذو الخطه وهل حجي بسبب جاسم اعتذرت منهم وكال

عمر:ليش ما تسوين العمليه أكدر احجز الج بأحسن المستشفيات بلندن ولا تشيلين هم المصاريف وحته لا تكولين يشفق عليه ومن هل سوالف ترجعيهم الي بعدين

نواف :لا تخاف انا مدبر الها كل شي وهي مرتي انا الي اصرف عليها شيل هم نفسك احسن

عمر :وين جنت وهسه جاي أدبر الها ومهتم بيها

نواف:حلال مرتي يغطي عين الشمس لا تضن لان تشتغل ما عدها فلوس لو ما عدها سند

عمر :واضح ما عدها احد

_استاذ عمر كتلك زوجي ما يدري بحالتي وجنت ضامه هل شي عليه

عمر :المهم اي شي تحتاجينه اني موجود ومستعد كلشي اسويه الج

نواف :ما تحتاجك وانا موجود هنا  يمها لانها زوجتي

سمره :نستأذنج حبي اجي اكيد ازورج مره ثانيه هسه ارتاحي

عمر :انا اكيد نزورج ما نعوفج بوحدج

نواف :واني موجود باي وكت يم زوجتي اهلا وسهلا بيكم تفضل حبيبي

عمر :اي

نواف:اي

الجو مشحون و نواف كل شويه يكله زوجتي زوجتي عقد عمر نواف كاعد يهز برجله وعمر ساد ايده كل قوتها ومحد نزل عينه من الثاني وكفت سمره وسحبت عمر واني بالكوه احاول اسيطر على نواف وابين الهم مابينه شي سلمت عليه سمره طلعت باوعت عليها من الشباك بس صعدو السياره بقت تتعارك وياه وتضربه وهو متعمد يستفز نواف عرفت هل شي وراحو التفت وفزيت بنواف لازك بيه بس صارت عيني بعينه درت وجهي ردت امشي لزمني وكتله بسرعه

_عوفني تعبانه اريد ارتاح مابينه شي لا تشك بيه ما اسوي شي حرام واني بذمتك هو معجب بيه ما اجذب بس كايله اله اني احب رجلي

نواف :وانا هم احبج

بس حضني ثواني راسي صار على صدره حسيت برعب مو طبيعي مو بسببه لا بسبب حسيت بأمان بين اديه وما اريد احن لو ارجع احن لأي شي اذا استسلمت هسه متأكده راح أتراجع واسوي العمليه وانا ما اريد هل شي دفعته وكلت برعب

_ديربالك ديربالك تتقرب مني ديربالك تحاول تسوي شي مثل هذا

فتت الغرفه مرت ايام كل ما افتح عيني الكه نواف كاعد على الكرويته كبال الجربايه يسوي ريوك مرات اكل مرات لا من افوت للمطبخ واطبخ يبقه يراقبني ما احجي وياه ولا هو وحته من اسوي اكل كل واحد وماعونه بمكان ثاني كاعده بالاستقبال الدنيه ظلمه شغلت الصوبه  شويه بارده رفعت الفتيله وخليت عود الشخاط بيدي اشتعلت النار شويه شويه نوب اريد ابعد ايدي ما كدرت قريبه من النار جسمي جمد وشعري همزين منكع كمت ما أكدر احرك جسمي احس بالحراره على وجهي و النار على أيدي وما حسيت بس نواف راكض وسحبني بسرعه لحضنه ونضرب ضهرة بالكرويته وباوع بسرعه لوجهي بعد شعري من خدي بالكوه ابلع ريكي واخذ نفس لزم ايدي الي جانت قريبه يم النار كام بسرعه ورجع خله كريم مال حروق على خدي ويم عيني وكال

نواف :طرف حاجبج نحرك شويه وشعرج الله يحبه منكع اما ايدج باجر راح اتبطبط والليل كله راح تضلين تبجين

_لو عايفني احترك واموت مو احسن جان ريحت قلبك وريحتني من عذاب الضمير

#نواف

كل هل مده تلوم بنفسها وحقها حقها شسوي بيه انا راضي بس لازم تسوي عمليه الوضع مالها مو مستقر من حجت الي هل حجي وتريد تحترك وتموت شبت نار بقلبي ولزمتها من جتفها وحجيت الها كل مصيبه مره ؤحده وفهمتها صارت بسبب نجوى وملاك شحجت وأهلي وانا شسوينه ضلت صافنه عليه وخرت ايدي وكلت الها

_مو انتي السبب مو انتي انا انا الي ما صدكت بيج ولا بأهلي انا السبب بموتت ابني مو انتي ما نسيتي الباب مفتوح انتي هي شمرته وحركت قلبي وقلبنا هي الي فاتت علينه مثل الحيه المسمومة

خلت ايدها على حلكي وتهز براسها متريد تصدك وكالت بصوت مختنك قريبه مني

ساره :اني.. نواف اني نسيته محد اله دخل... نواف اسكت كول انتي انتي موتي سعد

عيونها انترست دموع وخرت مني خلت ايدها على حلكها شهكت وبدت تبجي بصوت وبحركه قلب لدرجه تمنيت الله ياخذ روحي وبقت تكول

ساره :ايدي توجعني ايد

بقت تبجي الليل كله نهارت وما أكدر انطيها شي لو دوه ما يصير حاولت اهدئها متمدده ومدثره بالغطه خليت ايدي على رأسها بعدت شعرها جنت كاعد بالكاع يمها كصتها عركانه وكلت الها

_شبيج شي يوجعج بس كافي

ساره: ايدي ايدي

يعني من احتركت رجلها ذيج المره ما بجت بهل طريقه بس ها متحمله وما مفجوره وما تقبل تحجي الي بكلبها رفعت وهل نفجرت هسه مغمضه عينها وتشهك وجهة دم صار مسحت وجها بخاولي ومي دافي غفت وضليت كاعد طلع الصبح تأخر الوكت وهي نايمه عفتها ما كعدتها سويت جاي وسويت مخلمه اعرف بيها تحبها مثلي كصكصت طماطه وبصل وفلفل خليتهم على جهة خليت الطاوه على النار وزيت طلعت بيض خبطتها وفلفل نوعيه يسمونها هلابينو مال طرشي هاي علمتها عليها اني حمست البصل والفلفل وطماطه عفتهم على النار وراها البيض والفلفل وقبقت الطاوه الصمون حار جبته وجبن وكيمر حظرت الجاي والطبله طلعت من المطبخ وشفتها كاعده مشيت بقيت اباوع عليها خليت ايدي على جتفها فزت وابتعدت وبقت تباوع عليه وكالت

ساره:اسفه

كامت بسرعه تغسل وجهة وجسمها كله يرجف جان وكلت الها

_الأكل جاهز بالمطبخ

كعدنه سويه صبيت جاي الها وكعدت هي وخلت حليب بالجاي شربت واحترك حلكها ورجعت الكوب والدموع ترست عينها كامت تبجي ومسحت حلكها وكلت الها بسرعه

_يوجعج شي

هزت راسها وخلت ايدها على وجهة بعدين نزلت ايدها على الميز وتشهك خفت بيها شي لزمت ايدها سحبت ايدها وكالت

ساره :الجاي ح.. حار

والله لو بغير وكت جان ضحكت بس من شفتها هيج تبجي قلبي يوجعني عليها صدري كام يوجعني عفت الأكل بس شافتني عفت الاكل بدت تقسم الخبزه خلت اللكمه بحلكها وشهكت احتاريت وياها كمت طلعت بالباب تمشيت للحديقه ناشفة شويه فتحت الصونده مال مي و بقيت اشرب جكاير بالنص ساعه بره ورجعت فتت شفتها طالعه من الغرفه مبدله وكلت الها

_وين رايحه

ساره :اشتم هوة

_خلي اغير لبسي

ساره: لوحدي

وطلعت لبست سترتي والبوتين وتمشيت وراها بقت تمشي تعثرت ورجعت تمشي عدل الجو مغيم وفاتت من يم المخبز اخذت من عنده جركايه ب الحلقوم انطته الفلوس وتشكرت من عنده ما منتبهة عليه وراها كعدت كبال الحديقه مال ملاعيب جهال اكلت لكمه وبقت تباوع على الجهال وتبجي لآن اعاين عليها تمسح بوجهة وانا واكف وراها  وكامت وره شويه وعافت الجركايه ومشت وبقه واحد ابو سياره تكسي يتحرش بيها هو و رياجيل وياه هي ارتبكت وتعثرت اكثر من مره وكفو السياره بقت جامده بمكانها مشيت بسرعه ولزمت ايدهاوهم نهزمو ساقو وراحو نفسها سريع وباوعت عليها جانت صافنه ردت احركها مكدرت تتحرك ضغطت على ايدها نزلت راسها خايفه كلش جانت وبجت بقيت واكف كبالها حته ما اخلي احد يشوف دموعها وكلت الها

_اسف

ساره:عوفني

_ما اكدر

ساره :مو عفتني لأشهر ليش ما تكدر هسه مو عشت كل هل ايام والاسابيع ليش متكدر

_منو كال الج عايش جنت

مرت ايام جانت ساره حالتها تسوء يوم عن يوم حته الادويه عافتها متطلع من البيت متحجي بس تبجي كل ما اشوفها الدموع تارسه وجهة فتت لغرفتها لكيتها لازمه بطانيه سعد اختنكت ومشيت سحبتها من ايدها ما قبلت تعوفها لزمتها كل قوتي وسحبتها شمرتها بالكاع وصحت عليها

_كافي حرام الي تسويه

ساره:رجع.رجعه

رادت تكوم دفعتها رجعت على الجربايه بالكوه تاخذ نفس لزمتها من جتفها هزيتها وصحت بيها جانت ترجف بين ايدي وكلت الها

_لج سااااره اصحي على نفسج كافي كافي شوفي نفسي شوفي شمسويه بروحج

دفعتني وسحبت البطانيه لحضنها وكالت وايدها وصوتها يرجفون

ساره: اني ...مشتاقه لعطره

زفرت تحجي بحسره وما تكدر اتكمل الجمله ونزلت راسها وجانت حاضنه البطانيه على صدرها وكالت

ساره: والله مو .. كتلك

_كافي ساره حالتج يوم عن يوم تصير اسواء تحتاجين عمليه

ساره:لا ما..ما اسويها

_ما اخليج تموتين وتعوفيني

ساره:انت عفتني

_اي اي اني حيوان غبي ما عندي عقل كل عصبيتي دمرت حياتي خسرت اثنين ولد بحياتي ومرتي هم خسرتها بس مال اخسر مرتي الثانيه وحب حياتي لا ما اسويها

ساره:جذاااااب جذاااااب انت ..انت عفتني بأسواء حالاتي فضلت  عليه الي كتلت ولدي نواف انت طردتني يتمتني مره ثالثه حسيت للمره الثالثه اني يتيمه من تخليت عني وطردتني حته حرمتني من ..من اهلك وجعتني وجعتني نواف جانت تأذي بسعد وما حسيت هل شي كتلك كتلك ما اريدها تقترب منه جان يتوجع بين ايدي ما عرفت شبيههه نواف اريد اموت وارتاح اريد اروح يم اهلي تعبت والله تعبت تعبت منك تعبت من حبي آلك دمرتني نهيتني تعبت قلبي كسرت قلبي شايف من الدنيا كلها تصير ضدك انت هيج حسستني حسستني الله ما يحبني ضليت افكر ليش الله ما يحبني ليش يكرهني بسببك بسببك فكرت بهل شي يومها جانت بين ايدك وشفتها على شفتك وكتلك لا تقربها من سعد اشتاقيت اله اشتاقيت اخلي على صدري اشتاقيت اشم عطره اشتاقيت لصيحته ومن يتشنج من يشوفك لو عمو من يغني اله ويبقه يركص ويكمز بين ايدي اشتاقيت من يتوجع من شي ويبجي ويخلي راسه على صدري ويهداء عبالك يكلي امان الدينا كله بحضنج شون ما جنت احس بهل شي وياك حته من البطانيه عطره راح هل كلاده جان يبجي من يلكاها ماكو على صدري اني .. نواف اني عيطت عليه قبل لا يموت ب ايام خاف مني وبجه بجه بوجع جان يتوجع واني ما اعرف شبيه وصيحت عليه وهل الله حرمني منه اريده اريده يرجع بحضني نواف جنت اسوي مميه اله وجنت دايخه كل هل أشهر اريد اتذكر سديت الباب لو لا وتطلع نجوى دافعته
اخ قلبي

جانت تحجي بعصبيه وتصيح عليه وضربت صدرها واني الدموع غركت عيني لساني نعكد شريد احجي كامت تضرب اقوه على صدرها وصاحت بعصبيه

ساره:بعد ماااا اتحمل مااااا اكدر الدنيا ضاكت عليه ريحني اللله ريحني

لزمت وسحبتها لصدري حضنتها كل قوتي شهكت وتتحرك تريدني اعوفها ضلت تضرب ضهري وتصيح اعوفها وكتلها

_ما اكدر اعوفج لا توجعين قلبي اكثر بنيتي ابوس اديناتج كافي اسويلج اي شي تريدينه بس لا تبقين هيج

ساره:أموت عوفني..عوفني اموت

_لج واني من يضل الي

ساره:أهلك كلهم يمك عوفني ارتاح

_وانا اريدج الج

ساره:انت عفتني من قبل عوفني..ت..تعبت

ارتخت بين ايدي شلتها بسرعه وخليتها تتمدد على الجربايه بالكوة تفتح عينها تمددت بصفها وجها بوجهي وكلت الها وانا ابعد خصل شعرها من وجهة

_ساره لا تعوفيني إنتي هم

ساره:اريد ارتاح

_اشش اني يمج

غمضت عينها والدموع بعدها تنزل من عينها وترجف غطيتها عدل وبعدها قربتها لصدريضليت العب بشعرها شويه هدئت رخيت ايدي بقيت
اعاين بملامحها اديها ثلج جانت

#ساره

فتحت عيني وتذكرت الي صار البارحه كعدت عدل كل جسمي يوجعني وعظامي بعدت شعري فتت غسلت وجهي ما اعرف شبيه أريد أرجع انام بس الساعة ب١٢ ونص الضهر طلعت من الغرفه لكيته فارش السجادة ويصلي خلص تسبيح بقيت اباوع على ضهرة وكام رتب السجادة وخلاها بمكانها التفت عليه وكال

نواف :صباح الخير بنيتي

_ص..صباح الخير

طلع صوتي مخنوك نترست عيوني دموع مشيت ولزم ايدي سحبني  وكال

نواف:بويه ريحي قلبي وكولي مسامحتني

خليت ايدي على صدره ودفعته مشيت للمطبخ مخنوكه منه ومن نفسي ما اريد اتذكر شي يخصه خنكتني الدنيا بديت اسوي تمن أحمر مشتهيته كلش وافخاذ دجاج تبلتهم وخليتهم بالفرن نواف ورايه كاعد على الميز يراقبني كعدت كباله بديت افلس رمان وكلت

_ليوين راح تبقه تراقبني افكر ادخل مستشفى وابقه هناك لحد ما اموت

نواف :يعني انتي ناويه تموتين هذا هو هذا قرارج الاخير

_اي

نواف :اي زين ضال وياج نموت سويه

_ زين اذا عاجبك الوضع خليك هنا وتفرج عليه شون اموت إذا هل شي يريح قلبك حته تدفني يم وليدي وأخويه

نواف :واحتمال انتي تدفنيني قبل ما تموتين حاجز كبر يم سعد محد يندفن بيه غيري

كمت بسرعه يحجي  فرحان عبالك يحجي حاجز بمطعم لو حفله هو شغل جكاره حسيت بيه مريض من حجه هل شي وكال احتمال هو يموت لو ناوي يستفزني غسلت ايدي وكلبت التمن رحت توضيت وصليت طلعت من الغرفه التمن جان على عين ناصيه الافخاد يحتاج الها بعد شويه طلعت خبز حميته واشوف الجكاير ما نزلت من حلكه واكف يم الشباك وباوع الي بطرف عينه وكتله بعصبيه ما كدرت اتحمل اسكت راح يطك قلبي

_ليش كتلي احتمال انت تموت قبلي

نواف :شمعرفني يجوز امر الله اموتن قبلج

_اعرفك زين ما تحجي شي ما الك قصد بيه

نواف : لا ما الي قصد رايح اجيب جكاير خلصن الباكيتات محتاجه شي اجيبه ويايه

_نووووواف لا تستفزني

نواف : نعم بنيتي

_احجي شكو شبيك ليش حجيت هل شي ناوي تسوي شي بروحك مو

نواف :حته اذا ما متت قبلج صدكي وداعه التراب الي ناموه بيه ولدي الاثنين دقيقه وراج ما اضل عايش هاي اذا متي بدون ما تسوين العمليه وانتحرتي وراس امي وابوي طلقه وحده براسي اطشر مخي وارتاح وكتها الله يعذبني ولا اضل بهل عذاب يوميه اخسر شخص وادفنه بيدي بمكبره النجف ودعت مرتي وراها بيومين وليدي وراها حسين وراها وليدي سعد وهسه انتي جايج الدور ناويه تموتين وتهديني بروحي

هذا الحجي يكوله والجكاره بحلكه وطلع المسدس من جوه الميز مال تلفزيون فزيت ورجعت ليوره وخلاه على الميز هذا مخبل وصدك ناويها يعني حسيت الدموع مو راضيه تستر عليه سحبت السلاح وطلعت المخزن مال مسدس مشه وبديت اطلع الطلق بيدي وارجع ليوره واشر الي ارجع السلاح فتحت الشباك وشمرته والطلق بيدي لزم ايدي وكال

نواف :فكي ايدج

_ما افكها شراح تسوي

نواف :اشتري غيرهم

باس أيدي وهو لازمها ابتسم دفعته ورجع ليوره وصحت بعصبيه وبوجع ترس قلبي

_انت شتريد مني عوفني هدني بحالي

نواف :ما اريدج تعوفيني بوحدي

_انت كل مره تهيني وتوجع قلبي واني اطلع الصح مو انت كل مره تفضل ساقطه عليه واني الي اتئذه وانت عفتني انت عفتني تلث أشهر انت عفتني بوقت اني ماعندي احد بيه خسرت كلشي اهلي الشخص الوحيد الي حبيته لكيت وحده غيري بين اديك وتبوس بشفتي وراها اخذت ابني وراها طردتني أشهر من انفصلنه أشهر اريد ارجع شويه من نفسي ما كدرت ما كدرت ابجي ولا دمعه تنزل من عيني ما اكلت ولا شرب مي لأيام تعرف عفت الكتابه كمت ما أكدر اكتب وانت تعرف بيه شكد جنت اقدس الكتابه ضليت صبح وليل اشتغل كلشي وثاني يوم اعيد تنظيف كلشي بس حته يرتاح قلبي وما افكر بابني الي ما كدرت حته اشم عطره ردت أتجاوز هذيج الايام ردت اتجاوزك الك نواف كصيت شعري الي تحبه ما كدرت انام لأيام انتظر الشمس تطلع حته انام لان كل مره اغمض عيني تجيني انت تريد تاخذ بثارك لان كتلت ابنك اني لو اسمع صوت بجي سعد الي ما يفارك اذاني ردت اطلع واتعود على الناس بس كل مره اريد احجي صوتي ما يطلع مني وارجع اسكت توجعت حسيت بروحي جاي اموت كل مره اتذكر بيها عفتني نار تشب بصدري جنت واثقه منك ما تعوفني بس رجعت عفتني هجرتني تنازلت عليه وشمرتني بالشارع وتدري بيه انا اعتبرك انت كل هلي وبيتي عفتني وانت تدري ماعندي احد غيرك بهل دنيه سحبتني وشمرتني بالشارع واني توني خاسره ابني طردتني من حياتك وره ما مليت مني وهسه جايني تريدني اعيش لا والله ابد ما افكر اسوي العمليه

جنت احجي بعصبيه جسمي يرجف والدموع تنزل من عيني وسكتت كعدت على الكرسي رجلي كامت ما تشيلني طلع بره البيت بديت اصب الاكل وره دقايق فات للبيت وبيده عصير صح جانت الثلاجه فارغه مابيها اي مشروب خلاهم على السنك وجان واكف وراي وكال واحس بنفسه الدافي يم اذنب قريب كلش علي جان

نواف :انا اسف

_عادي

نواف :لا مو عادي التفتي عليه وكوليلي مو عادي

التفت عليه وعينه بعيني صارت وبجيت وكتله

_انت ليش تريد تأذيني اكثر من هيج

نواف :ما اريد تموتين وتعوفيني بوحدي

ابتسمت ودرت وجهي وغسلت ايدي وبطاله العصير اكلنه كعدنه بنفس الميز واحد كبال الثاني كل شويه أرفع راسي ما يأكل هواي وما رفع راسه من الماعون عفت الخاشوكه ورفعت راسي وكتله

_شبيك

نواف:مابيه

_نواف شبيك

نواف:نجوى طلع الموضوع موضوع غيره بين النسوان كثر ما يحجون بينه انا وياج الموضوع وصل للديره الثانيه وشافتج اكثر من مره بحفلات النسوان وطلعت غايره منج وحاولت كل الطرق تخرب بيتي وهل سوت هل شي خربت بيتي لان الشيخ نواف معروف بين الشيوخ انا كلت لأبوي من ارد الديرة ما اريد اصير شيخ خلي يختار واحد احسن مني من بين العشيره وآنا أرتاح عمي سعدون انسان متدين ويخاف الله هو الي رشحه ابوي يجوز انا ضلمت ناس ومو بقصد ودعو عليه وهل الله ما ساعدني بحياتي وياخذ مني كلشي أحبه ما اريد حته بعد أحد يكلي شيخ

_بس انت ما ظلمت أحد ليش هيجي تحجي

نواف:بس انا ظلمتج اتمنى لو السمه تمطر مغفره اتمناك انت تكون جوه المضله وما تلوحك المغفره

_وعسى الله شون ما أخذه ياخذج الله استجاب دعائك

نواف :وياخذني اي صح استجاب دعائي ودعائج ما راح يغفر الي

_انت مريض مو

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

شكرا الكم ع كل دعوة
شكرا الكم ع كل تعليق لطيف
وشكرا على تصويتكم الي 💙🦋