رواية عشگ أهل الجنوب الفصل التاسع والعشرون 29 - بقلم أسيل

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

راح اكتب الك بالبدايه اخاف ما تنتبهون بالنهايه شنو اكتب لان كلش مقهوره من بعض البنات

اول شي اني ما احب كلمه توسل لان كرامتكم من كرامتي وكلت الكم انتو عائلتي الثانيه

ثاني شي مو متكبره وشايفه نفسي ع اي وحده منكم خلو ابالكم بفضلكم اني وصلت لهل مرحله قصتي نشهرت وهواي حبوها

ثالث شي وحق الله مريضه وكلش متوجعه وعيني ما أكدر افتحها وانتو عبالكم متكبره وشايله خشمي عليكم وجذبت عليكم وهسه والله شاربه مسكنات من الوجع واكتب الكم بارت واغلبكم علق تعليقات كلش قهرتني وما عدى الي بعد متقرره القصه والي تكول راح الغيها حبيبي هل شي راجع الج تره لان سبق وكلت مريضه

وبالنسبه لبقيه البنات شكرا الكم لصبركم عليه واعرف جنتو تريدون بارت لان حابين القصه وهل شي فرحني واعرف قصرت بحقكم بس محد يعرف الضروف الي مريت بيها ف لازم تراعوني شويه ونشرت هل شي ع الانستا بس اغلبيتكم ما عرفو هل شي ف حقكم عليه وشكرا الكم ❤️

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

#نواف

مرت هل اشهر مثل السم البيت ما طايقه روحي ما طايقها من طلعت من البيت وانا اتمنى يوم وره يوم الله ياخذني ويخلصني من هل دنيه ذاك اليوم من طلعت وصحت الها بس دارت وجها مني وراحت وانا رحت وراها للبيت بنفس اليوم وما لكيتها اختفت من الديره وهل مصيبه نجوى اخوها مات وتخبلت بس تبجي عفت البيت وضليت انام بره البيت بالفندق بأي مكان يلفيني انام بيه نادرا ما انام بالبيت ما فتت لغرفه سعد من يوم الي طلعت ساره منها كلت الها انتي تعبانه ومريضه لا تعاندين لا تعاندين وهاي تاليتها خسرت فرحه ايامي وخسرتها ..جاسم وانا علاقتي بيه مو هلكد سمعت بيه يدور على ساره وكبت العركه بينه وسحب نفسه وانا هم صح ما ضل مكان ما دورت عليها محد يدري بهل شي وامي كرهت البيت ودائما يم ديرم ابوي تعب كلش اخر فتره وموسى دائما يسألني على سعد وامه تسحبه وترزله اكثر من مره اجتي هاجر تسأل على ساره واكلها ما اعرف ملاك ما اشوفها من يوم طلعت ساره من البيت نادرا ما اشوفها بس اسمع امها تتعارك وياها علمود درجاتها وتكره المدرسه وتبجي ما تريد تروح جاسم كاعد كبالي يهز برجله دك تليفونه مره مرتين اربع مرات عيونه صارت براسه وجاوب وهو يصيح

جاسم:ها شنو.... شفت ما جاوبت شهل ملحه منو انت ولا هله ولا سلام شتريد اي جاسم اي اخو نواف لا البنغلاديشي نواف مو الشيخ شتريد خلص سالفتك ما استهدي

علياء: جاسم

جاسم:استغفر الله ها يا احمد سود الله وجهي الدكتور احمد خويه اسف حقك على راسي اعتذر اسف جدا لا والله خجلان منك والله ضغوطات اعتذر منك حقك على راسي يا ابن الحلال كول يا ابن الحلال اي شنوو و وينها يا مستشفى منو كال الك ساره متأكد جايك لبغداد مسافه الطريق

من سمعت أسمها قلبي دك بسرعه وايدي ترجف بالكوة بلعت ريجي صعد جاسم ونزل مغير لبسه كمت وكفت كباله وكتله

_وين ضان نفسك رايح

جاسم :ساره نايمه بالمستشفى

_واحنه شعلينه هي راحت واختفت

جاسم :واحنه شعلينه ب نجوى باقيه هنا بالبيت وبنت الأصل مو بيه امانه حسين

_تنطيني السويج وما تروح بالسياره انا حلفت وكلت اتبرى من الي يحجي وياها

جاسم :هاك نواف هذا سويج سيارتك

وخلاه بيدي ومشه وشمر سيف اله السويج مال سيارته لجاسم وكله

سيف :طمنه عليها خويه

نبيل :واذا حجيت وياها وصل سلامنه

مشت علياء وشمرت مي وراه ومشه نبيل من يمي وهو يعاين عليه وخله ايده على جتفي وكال

نبيل :انت اخونه الجبير ومعزتك محد يوخرها من كلوبنه بس جاسم اخونه هم يا نواف لا تنسه هل شي

سيف :احترامك موجود غصب علينه وعلى كل واحد بهل بيت بس اخوي ساره امانه حسين الي راح شبابه حته تبقه بخير وعافيه لا تنسه هل شي وهي مريتك وأم المرحوم سعد

حجيهم مرد قلبي مرد مرن تلث ايام لا ليلي ليل ولا نهاري نهار انام وافز على خبر جاسم يكلي ساره بيها شي ما فاركتني الكوابيس قلبي ممرود مرد عليها ضليت بالبيت حته بس اسمع احد يحجي وياه او بسيرتها بس والله متت من شفت الحبوب المنومه ومانع حمل بين أغراض ساره كرهتة زايد رجع جاسم ما يجاوب عل احد بس يكلهم بخير لا تقلقون بخير فات ابوي كاعد وامي هم بالاستقبال ما سلم على سلم عليهم كلهم شكله ما عاجبني ابد بس عرفو البنات بيه وصل كلهم نزلو بسرعه كلهن كعدو كباله وكالت

رسميه :يمه طمني شونها حجيت وياها كالت الك شي وينها ليش ما ردت وياك

جاسم :من رحت لبغداد هاي رجعتي اراقب بساره يمه ما حجيت وياها ولا شافتني

رفع راسه وعيني صارت بعينه كمت وصلت للباب وصاح بعصبيه وهو يهز رجله بس من حجه جمد كل جسمي

جاسم :عدها ورم بمخها خليك زلمه واسمع للأخير

نكطع نفسي التفت عليه ضربت امي على صدرها وبجت علياء الي صارت بوجهي مرحبا والبنات شهكن وكال

جاسم :بس محد يعرف لهل لحظه خبيث ما يستبعدون هل شي لان امها توفت بهل مرض ساره رافضه العلاج ورافضه العمليه حجي الدكاتره هذا ساره بيت امها كاعده بغداد تروح بالتسعه للشغل بكهوة صغيره مفتحيها ولد واخته وساره تشتغل ويه اخته تفتح المكان تنظف المكان كل يوميه كله حته اذا نضيف ما تكعد لو ثانيه وتستراح بالمكان الي تشتغل بيه لحد ما تطلع للبيت مرتين وكعت بالمحل لان ما تسيطر على أطراف جسمها بسبب الورم وترجع للبيت تنظف البيت تغسل كل البيت اربع مرات غسلت الزوليه نفسها خلال أسبوع تنزلها من الحايط وترجع تغسلها ثاني يوم انت تفهم شنو تسوي بفعلتها هاي كاعد تنتحر بس تعذب نفسها قبل لا ترتاح وتروح بين أهلها وابنها حجيت ويه سمره وعمر اخوها صاحبين المكان الي تشتغل بيه على موضوع ساره وكلت الهم ينطوها اجازه وفهمتهم القصه وبالفعل انطوها راحه ما حجيت وياها حته ما اخسرك لأنك حلفت بولدك تتبرى منه حته اذا انا مو اخوك وما معتبرني اخوك حزت بقلبي اخسرك صح انا احبها لخيتنه ساره بس معزتك اكبر بس تعرف نواف اتمنى اطلكها وعمر ياخذها اله يستاهلها اكثر منك ويحبها هواي لدرجه اخذ فحوصاتها وأيده ترجف كام يريد ياخذها حته تتعالج بس بالكوه هديته هلكد ما يحبها

بس جاب سيره اسم الولد مجرد فكرت هو يحبها لو شي بينهم نهاريت ردت اموت والله نهاريت ولزمته من ياخته دفعني كل قوته من صدري لزمته لجاسم من ركبته وخنكتنه صاحت امي الي لطمت على وجهة وابوي الي يصيح وصحت بيه

_لك جاسم اسمع شتحجي ويه اخوك الجبيررررر

محد يكدر يدخل بينه لان يعرفون راح نأذيهم اذا ادخل احد بينه ما حسيت بس ملاك دافعتني كل قوتها هديت جاسم بسرعه وهو يكح بقت تبجي لزمها جاسم وصاح

جاسم :ادبسززز لج لج حيوانه تمدين ايدج على عمج

ملاك :لان ماكله عقله نجوى الساقطه

راد يضربها وسحبتها من ايدها ودفعتها ورايه ولزمت ايد جاسم وكتله

_ جاسم والي خلقك ادفنك وعلي ادفنك اذا مديت ايدك عليها بنيتي ملاك اعتذر منج وحقج عليه بس هاي عركات بين الاخوه تصير لا تخافين ابوج مثل روحي

ملاك :عمو عمو اسفه اسفه

وضربت على وجههة اكثر من مره كل قوتها وترجف وتبجي لزمت ايدها وصحت بسرعه يجيبون مي الها تشنجت بين ايدي ومنزله راسها وتشهك خفت يصير بيها شي رادت امها تشربها مي ما قبلت ودفعت ايد امها وكالت وهي منهاره

ملاك :اول ضربه على صدره هي ضربته نجوى ضربته على صدره جنت نازله اكل شي وشفتها مخليه ايدها على حلكه وضربته على صدره كل قوتها نكطع نفسه ومن شافتني.... من شافتني مشت بسرعه وخلت ايدها على حلكي ودفعتني بالغرفه وهددتني تكول الكم شافتني مصعده ولد لغرفتي

جانت تحجي وتضرب على صدرها وفتحت تليفونها ومسجله فديو ترش شي بالحليب مال سعد وكالت

ملاك :جانت تخلي حبوب هلوسه تطحنها وتخلي اله وهو يبقه يبجي ومن تسوي حليب تاخذ حليب غير الدوه وترش بيه مهدئ تشربه الحليب  ومن لزمتها وكتلها راح افتن عليج حته اذا تجذبين دزت ولد الي يم المدرسه ويهدد بيه يغتصبوني هو واصدقائه وكالت ما يسوي الدوه بي شي بس تريد ساره تبتعد منه والله غيرت الحليب مرتين وهي ترجع تخلي دوه بيه جان نايم ذاك اليوم نايم وخلت مهدء بالمي مال ساره وساره نزلت تسوي اله حليب ونجوى فتحت الباب ضربته على وجهة حته تكعده نكطع نفسه على الضربه وشالته من ضهره من ملابسه وبس شافتني اريد اصيح دفعته على الدرج  اسفه والله والله ما تصورت راح يموت الليل ما أكدر انامه اخذت صوري وهددتني بيها تكلي يذبحوج اهلج اسويج مو شريفه والله ما مسويه شي خفت خفت وبعدها كالت اكول الهم انتي دفعتي لان ضايجه من بجيه بس والله عمو احبه وما ائذيه وهاي تسجيلاتها وهي تهدد بيه وتخليني ابوك فلوس من ابوي وانطيها الها وخلت ادويه مانع حمل بملابس ساره اذا تسئلني شمدريني بهل سوالف اخذت صور للأدويه وهل مره اعترف طلعت بدون ما اكول الكم ورحت الصيدليه وعرفت شنو هذني والله خفت

سحبت التليفون من ايدها سمعت التسجيلات مال نجوى وسديت التليفون وخليته بيد ملاك مشيت تعثرت لزمت الحايط وصعدت الدرج مثل السكران وهي توها طالعه من غرفتها بس ابتسمت بوجهي لزمتها من شعرها وسحبتها يم الدرج ودفعتها من الدرج وكعت من اول بايه لآخر بايه وكتلها

_هيج حس وليدي من دفعتيه

نكطع نفسها ونزلت ركعت يمها خنكتها بثنين اديني وهي تخرمش بيدي وتدفع بصدري لزم جاسم ايدي باوعت عليه بست ايده وسحبها بسرعه والدموع ترست عيني وكتله

_عوفني اريح قلبي ابوس ايدك خليني اكتلها خلاص وسلمني للشرطه

جاسم :ما تستاهل والله عوفها حرمه ما تسوه تنزل نفسك الها فكر بساره بنيتك ساره منو الها وهي مريضه بس والله اله اخليها هي وكلمن اله دخل يتعفن بالسجن

رخيت ايدي امي تبجي وتتحسب عليها كومني ولزم ايدي ملاك واكفه ب الزاويه مشيت وبست راسها بقت تشهك وكلت الها

_ما الج دخل لج بنيتي لج هي قشمرت على عمج وأهل عمج كلهم ما اشوف غير زينب لازمه شعر نجوى وهلسته تهلس وهي تصيح وركعت زينب راس نجوى بالكاع وتبجي بحركه قلبه كومها نبيل بسرعه ونوب ركضت هند رفستها على وجها وصاح سيف بيها وهو يسحبها من ايدها وعضت ايده حته يعوفها فلت ايدها ولزمت المزهرية الكرستال وبسرعه لزم سيف بيها ويصيح الها تهداء وبعدها وهي بقت تتكلب بالكاع من الوجع ومشت علياء الرزنه والحكيمه بينهن وسدت ايدها وكعدت على رجل نجوى و ضربتها على قلبها كل قوتها نكطع نفس نجوى وخلت علياء ايدها على حلك نجوى وكالت

علياء :هذا لأن موتي فرحه هل بيت وضربتي وهو بعده مثل الطير وخليته يفرفح وهاي لان هددتي بنيتي وخليتها الليل ما تنامه وبس تبجي

وجان تلزم نجوى من شعرها بثنين اديها وضربت راسها بالكاع و خرمش وجه نجوى وكومها جاسم وكال

جاسم : حبسوها بالمخزن لا تخلونها تطلع لحد ما نعرف منو وراها وشبكوها وانتن ديربالجن وحده بعد تمد ايدها بعد اكرموها بالأكل ولا تقصرون بحقها لان انا اعرف شون راح تتعاقب هل بنت الشوارع سيف نبيل اخذو تليفونها وشوفو منو وراها

شالوها من كدامي كعد كبالي جاسم خليت ضهري على الحايط وأخذت نفس جابت زينب كلاص مي الي شربني جاسم وكتله

_بعد ما تسامحني

جاسم :بعد انت وشطارتك تخليها تسامحك وتنقذ حياتها لو تروح من بين ايدك

كمت صعدت لغرفتي بدلت اخذت اغراضي ووياي سلمت على امي وابوي وطلعت طلبت رضاهم ودعائهم الي وما اشوف بس جاسم يمشي بصفي وكفت وكتله

_ارتاح انا ارجع واطمنكم

جاسم : ومو علمودك جاي علمود اوصلك واخذ سيارتي

حظنته وهو هم ضرب ضهري وضحك الطريق كله افكر بيها الوكت تأخر من وصلنه لبغداد شوفني المحل الي تشتغل بيه ساره وكمل سياقه وكف كبال باب البيت وكال الي

جاسم :هذا بيت ساره

_الوقت متأخر والبيت مظلمته خلي الباجر اجيها من الصبح

جاسم:تراها ما نايمه ما تنام اله وجه الفجر  والدليل الشمعه الي مشغلتها يم الشباج خويه روح اتكل على الله واذا فوتتك دزلي رساله حته اروحن للفندق انامن هل ليله وباجر راد للديره

_لا خليك ويانه

جاسم:لا خويه روح روح صلح غلطك وردها وياك كدامك ايام طويله حته تلين راسها

_آن شاء الله خويه بس الله يصلحها عندي حجي وياك

جاسم:روح خويه وانا منتظرك العمر كله بس روح وخلصني منك

طلعت من السياره وهو ضحك وشلت الجنه سلمت عليه ومشيت مسركيه الباب فتحته على كيف وطبكته وشفتها طفت الشمعه شكلها خافت دكيت الباب ما حجت رجعت دكيته وكلت

_ساره انا نواف

سمعت طبه شي وكع وانكسر وراها هدوء رجعت دكيت الباب وكلت الها

_ساره هذا انا لا تفتحين الباب راح اضل كاعد بالباب لحد ما تفتحينه ما متحرك منا بس لا تخافين

وره دقايق فتحت الباب ورجف قلبي رجفه بس شفت وجهة خطفتها بنظرات بس جانت مو ساره الي اعرفها هاي ساره حبيبه قلبي بنيتي  كاصه شعرها الي جنت اموتن عليه لصدرها ضعفانه بشكل مو طبيعي بحيث مبينه عظام صدرها وجهة اصفر بس بعدها بنيتي الي احبها وحلوة بعيني نزلت راسها وفاتت فتت وراها وسديت الباب لمت الكزاز وجنت واكف اعاين على البيت وعليها وكلت الها

_شونج ساره

ساره:بخير

ايدها ترجف جانت غسلت ايدها وتقربت منها ردت الزمها هاي ابتعدت بسرعه ونضربت بالثلاجه وكالت بسرعه

ساره:ما مسويه شي

رجعت بسرعه منها وكلت الها وهي مدنكه راسها

_جاي يمج جم يوم او اسبوع مدري افكر

ساره:اي

عافتني وطلعت من المطبخ فاتت لغرفه وسدت الباب بديت اتمشى بالبيت الدرج بيه بايه تتحرك الكاشيه مالتها صعدت للغرف الي فوك فتحت باب لكيته مخزن والباب الثاني غرفه ومن شفتها فهمت غرفه حسين الف رحمه على روحه والغرفه الثالثه غرفتها فتت بيها وخليت اغراضي جبيره غرفه اخشاب لونها عسلي و نظيفه جانت عدها مكتبه صغيره و عطورها على الميز لزمت عطرها الي احبه اخذت نفس منه  طلعت ملابس الي ونزلت جوه بس خليت جنطتي فوك ودزيت رساله لجاسم فتت سبحت نفس الشامبو مالتها جنت دائما اتناكر وياها تجيب الي نفس الشامبو والعطر مالتها بس رجالي تكلي حته تبقه بيك ريحتي ومحد تتغازل بيك استخدمته وأخذت خاوليها ونشفت بيه رجعت كلشي لمكانه وما جنت اسوي هل شي لان معتمد عليها بكلشي بس هل مره هي تحتاج انا الي أتعب واداريها بماي عيني

#ساره

مرت هل ايام حالتي يوم عن يوم تصير سيئه اكثر بديت افقد الاحساس بيدي ورجلي و اوكع بالكاع سمره وعمر راحو سافرو فتره وحيرجعون وهاي من اكعد الصبح ما اطيق الضوه من الوجع الي براسي مرات انهار وميفيد اي مسكن وره ساعت وره ما يهلكني الوجع يخف انطاني ادويه كال ألي تخفف وجعي شويه وما تخلي المرض يتفاقم عليه جنت بالمطبخ من سمعت سركي الباب البره مشيت بسرعه طفيت الشمعه و وكفت وره الباب أريد أسمع منو وليش جايين بهل وقت لزمت التليفون بس اتصل على منو ندك الباب وسمعت بس صوته

نواف :ساره انا نواف

خفت من صوته اكثر رجعت وضربت السراحيه اطشرت بالكاع وره دقايق بس فتحت الباب اله وشفته حسيت بوجع مو طبيعي براسي ومعدتي كلشي بيه وجعني نفس ماهو وما متغير ابد نفس طول وجسم المرتب عطره الي جنت احبه عيونه الحزينه ولحيته الي مطولها شويه وشعره مخربط لابس جينز وبلوز زيتوني وستره عسكريه غامقه درت وجهة يكلي راح ابقه يمج و راد يقترب مني خفت منه خفت يجي يكتلني شون مايسوي بالكوابيس الي اعاني منها من روحه ابني مني ذاب الصوج عليه لان ما اهتميت بيه انا الي ما اتذكر فاتحه الباب لو سادته لو منزلته وياي جان بقه بحظني وبين اديني فتت للغرفه طلع اليوم الثاني طلعت الشمس يله كدرت اغفي بقيت اتكلب بالفراش هل نمت و كعدت الصبح راسي يريد ينفجر من الوجع اختنكت اريد انكلب لو اكعد اديناتي خدرانات ما يتحركون اليوم وجعي زاد ما اكدر حته اسحب نفس عدل ردت اكلب نفسي حته اكعد وكعت بالكاع وما اشوف غير نواف فايت يباوع عليه وكتله بالكوة

_اطلع

نواف:شبيج

كحيت  ايدي تنمل بديت شويه احركها  مشه بسرعه وكعدني عدل وكال وهو يرفع راسي بيده

نواف:لج لج جسمج نار وين دوه ابره شعندج

_اط..لع بره كتلك

راد يلبسني جاكيتي دفعته برجلي كل قوتي ابتعد مني شويه وكتله بعصبيه وانا بالكوه اخذ نفسي

_معليك شنو وصلوه الك سمر لو رجلها هل شي صحيح عندي ورم ادري انا اريد اموت معليك بيه عوفني

راد يسحبني كدرت ارفع إيدي ضربته راشدي وصحت وكل جسمي تشنج ورجف

_اطلع بره غرفتييييي

بقه صافن عليه كعد بالكاع ما تحرك واني جسمي ما يرضى يطاوعني اتحرك نزلت راسي مكدرت ارفع عيني بعينه بالكوه افتح عيني بديت اشوف كلشي مشوش كبالي ارتخى جسمي ردت اوكع على جانبي بس بسرعه خله ايده جوه راسي رفعني بسرعه على الجربايه غمضت عيني وفتحتها بالمستشفى الغرفه بارده كحيت وحسيت بأحد يعدل الغطه التفت عليه فات دكتوري ابتسمت بس شفته وخله ايده على كصتي وكال

إيفان :كلت الج وجهج خلق للأبتسامه ليش هيج هامله نفسج

نواف :دكتور انا رجلها ليش حالتها هيج صارت

جان يحجي بالكوة مسيطر على نفسه وزنة عرشه ولازم يده الجربايه كل قوته وكال إيفان وهو يمد ايده لنواف ونواف سلم عليه وفاتت سمر بسرعه وكالت وهي تلهث

سمره :شونها بس بسمعت من أحمد اجيت شونها دكتور بشرني

إيفان :ما اريد لا اطمنكم ولا اخوفكم لحد الان ساره الورم ما متغير حجمه بس الأعراض كاعد تتفاقم شنو ال مانعج ما تسوين جراحه ولج بعدج طفله وبصحه

_اني مقرره اموت وهاي رغبتي

إيفان :حته بكتابنه الإنجيل قتل النفس حرام والي سمعته عنج انتي انسانه مثقفه و واعيه ليش هل تفكير

_اني ما منتحره بس ما اريد اسوي عمليه

سمر :شيخ احجي شي

ما حجه شي الدكتور كال ابقه لحد ما يخلص المغذي طلعو الكل والتفت عليه جان منزل راسه وبتراكسود البيت وبوتين لابسه وكلت اله

_ليش باقي هنا

نواف :عاجبني

_عاجبك لو تريد تريح ضميرك قبل لا اموت روح نواف ارجع لبيتك أني مابيه شي وهاي عايشه ولتخاف ما ارجع الك واسود عيشتك

نواف : ارتاحي لا تبقين تحجين هواي احسن الج

_ليش راح تنتقم مني لان كتلت ابنك

نواف :ليش مسوين العمليه

درت وجهي من عنده ما اريد اشوفه ولا أريد احجي وياه ابد خلص المغذي كعدت ما منتبه لملابسي بثوب النوم ومتكشفه رجليناتي فات نواف وبس شافني سد الباب بسرعه والطبيب إيفان بره وكال

نواف :دكتور دقايق بس تغير ملابسها

مشه بسررعه ونزل ثوبي ولزم عباتي لبسها الي وسدها من كدام ولزم الحجاب ومد ايده الي وسحبت الحجاب بسرعه ودرت وجهي منه وخليته على راسي هاي خلصت التحاليل وحاول الدكتور يحجي وياي بس قافله على موضوع العمليه مشيت جنت حافيه راد يشيلني نواف وكتله

_ديربالك تقترب مني

هز راسه ومشيت هو وياي يمشي بمستواي واشر الي على السياره جانت لكزز سوده ماخذها جديده وكال

نواف :هاي سيارتي

درت وجهي ردت امشي بعيد عنه الجو بارد بره وكال

نواف :لا تخليني افضحج هسه فضيحه اشيلج واشمرج بصندوك السياره فأمشي وياي بالراحه احسن الج

وسحبني من ايدي كل قوته سحبت ايدي بنتره وصعدت بس فتح الباب الي وسده وصعد وبده يسوق وكال

نواف :شرايج جاسم اختارها الي ذكرتيني البنات يسلمن عليج وملاك مشتاقه الج وامي تعتب عليج و هاجر هواي سئلت وكلبها مفرفح عليج

_من اموت أريدك تدفني يم اخوي حسين ماطول راح تضل لحد ما اموت

نواف :ما تموتين

_واذا ماكو مكان يم حسين خليني يم ابني

نواف : اصلا مكبرتكم بصف مكبرتنه و سعد مدفون يم خاله

_اها زين سويت خليني يمهم

نواف:زين موتي وانا أدبر الج مكان وتردين دجاج لو لحم بالفاتحه مالتج

_لا تخاف ما أطول سنه يجوز نصبح باجر انا ميته بفراشي واخلص منك ومن عيشتي هاي وانت ترتاح

نواف :سارررره

_عادي تعودت على الموت كل مره يجي يزورني حته بأحلامي يجيني فلا تخاف مستعده اموت ما ضل الي شي اخسره بهل دنيه بعد

نواف :اسكتي اسكتي

صار عصبي وخله ايده على حلكي وسداه حته ما احجي وضحكت رجعنه للبيت فتت سبحت وندك الباب لبست الحجاب والجاكيت ردت افتحه وفتحه نواف وشفت عمر وسمره اجتي سمره حظنتنتي والدموع تارسه عيونها وكالت ضل بالها عليه من سمعت الخبر ما ارتاحت كلت الها من كال الج محجت شي وكال

نواف :جاسم كال الهم و انت عمر مو

عمر :وانت حظرتك الشيخ نواف مو زوج ساره السابق

نواف :ما منفصلين

عمر :على وشك انفصال ان شاء الله صح

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

ارتاحيتو ما تزوجها لان سبق وحلف الها ب الجزء الاول محد تنام على صدره غيرها 🙂

والي تكلي بارت ادفنها ماشي
والي تكلي قصير احركها