رواية عشگ أهل الجنوب الفصل السادس والعشرون 26 - بقلم أسيل

هند :كلنه نحب اكلج

علياء :طبعا شحدكم ما تحبونه ويومها صبيت جاي وكعدت تسولف وياي شكد تحبني وتحترمني يعني بين قوسين مهدت الي رايدتني لجاسم وتبارك راح تجي ويايه بالبيت يعني تعيش ويانه وتخاف علينه نبقه بوحدنه واني حلوة بقيت ساكته اجذب على منو انا احب جاسم بس ما اعرف شعور جاسم وبنفس الوقت بابا جان يحبه ورايدني اله وعمو حيدر والشيخ نواف كلهم رايدني اله بس هو ما ادري شنو مشاعره احتاجيت بابا من صدك ومر اسبوع ثاني ما رحت هم للكليه حسيت بتعب وبوجع مو طبيعي قلق تفكير زايد كمت ما أكدر انام المهم رجعت داومت وجاسم ما نطيته خبرما اعرف شون اواجهة من شافني دار وجهة ومحجه شي ويايه وطلع من الكليه خلصت امتحانات وطلعت من الكليه لكيته منتضرني بالباب فتح الباب الي ما حجيت شي بقيت ساكته ومشيت صعدت وسد الباب وصعد بصفي جنت ارجف ومصخنه وجنت بعدني لابسه اسود هل حجي ساق وكال

جاسم :اليوم اهلي جايين مشايه الج وخبرو خواتج بهل شي بدون موافقتج وموافقتي يعني اليوم قرايه الفاتحه من هسه علياء اذا مرايدتني احجي حته الغي الموضوع قبل لا تكبر السالفه

جاوبته وبالكوة ايدي مثبتتها من الرجفه (الي تشوفه مناسب) وصوتي بالكوه طلع دايره وجهي منه وصاح بعصبيه فزيت وكال

جاسم :سرمددددد هو الي ابالج مو فهميني الموضوع حته افهم الي صاير وما اخلي وحده بغرفتي تحن لرجال ثاني ورايدته

بجيت وما حجيت شي سكت وما حجه شي وكل شويه يستغفر ربه وصلنه للبيت الطريق كله عيوني ادمع ولكيت خواتي ورجولتهن وجهالهم وفرحانات بيه ما حجيت شي سلمت عليهم وكتلهم راح اروح انام لان تعبانه هم عبالهم مستحيه صارت العصر بالكوه كعدوني حته اتحظر سبحت بمي بارد حته جسمي يرتاح ونوب بالزايد تعبت خليت مكياج ولبست ثوب مشتريه صار فتره طويله وما لبسته من توفى بابا وبقيت محتفظه بيه لون ابيض وبيه ورد بيجي وعسلي والحجاب والحزام عسليات خليت عطر ونزلت وكل خواتي هلهلن وفرحانات بيه ورجولتهن نفس الشي يباركون الي وسلمت عليهم وفتت للمطبخ وره شويه سمعت الباب ندك وصوت عمو حيدر ونواف ونبيل وسيف وعمه رسميه وزوجه الشيخ الله يرحمه وبعد جم مريه وصار حجي ومدري شنو وضحك وهلاهل وكالة لازم اطلع اقدم عصير وطلعت بقه جاسم مدنك راسه وعرفت بيه مراضي وكلهم يمدحون بجمالي وبيه وقدمت المي والعصير اله رفع راسه باوع الي ونزل راسه نغثيت وفتت للمطبخ واتفقو على كلشي ومن ضمن الشروط تبارك ما تتفارك عني لان متعلقه بيها وهل خلصت السالفه وقرو الفاتحه وكلشي مر بسلام وهم فرحانين وهلاهل وحددو الخطبه والعرس وكلشي وانا بقيت منزله راسي بالكاع ومرت ايام كطعنه مهر و الخطوبه صارت هذا الحجي انا طول الفتره متكأبه وافكر بالناس والحجي وتعبانه نفسيتي فردنوب ندك الباب خواتي جانن بالمطبخ وكتلهم انا افتح الباب اكيد هذا كرار نسيبي فتحته وطلع جاسم نزلت رأسي وكال

جاسم:بدلي خليه نطلع اريدج بكلمتين

تبارك:عمووووو جاسم

ضحك جاسم وطلعن خواتي وسلمن عليه فرحانات بيه وكال الهم يريد يطلع ويايه ومن هل سوالف غيرت لبسي ولبست تنوره نيليه وبيها ورد ابيض ناعم وبلوز ابيض و بوتين اتذكر تفاصيل هل يوم وجنت مصخنه وتعبانه وجسمي متكسر خليت مكياجي شون مجان وطلعت بس شافتني أختي الجبيره ام جود رزلتني لان لبسي عادي ومكياجي فاهي ف محجيت شي وطلعت وياه كاعد بالسياره وخشمه رافعه للسمة وما يتحاجه فتحت الباب وصعدت جسمي كله يرجف وكال

جاسم:عاجبج نروح لمكان لو شنو

كتله بكيفك حسيته صار عصبي ما ادري شبيه وياي صح فاشخته وعصبت وطردته بس بالنهايه جنت زعطوطة جنت اعاين بره الجامه من وكف السياره بجوله بس زرع والنهر كدامنه ونزل يشرب جكاره الجو بارد يكص كص من البرودة هاي خلص جكارتين بده بالثالثه وعاد نزلت اله وتقربت وصاح عليه ارجع بالسياره بس وكفت كباله سحبت الجكاره من حلكه وشمرتها وطفيتها برجلي ورجع يلزم الباكيت وسحبته وشمرته بالكاع وكتله (احجي شنو تريده وخلي اخلص)

جاسم: احجي لج بعد يومين العرس شحجي

(من البدايه جان حجيت ليش هسه هم اهلك وتكدر تفهمهم )

جاسم:افهمهم شفهمهم الي اريدها تحب واحد ثاني ب الكليه ويانه

(شنو احب منو )

جاسم :سرمد

عاد هنا كبيت عليه ولزمته من سترته كل قوتي وصحت بيه ( يا نعال يا سرمد من البدايه ما اريد احد بحياتي انت اهلك اجوي تقدمو الي وتعرف بيه اني رافضتك)

جاسم : أي رافضتني علمود سرمد

ابتعدت منه ورجعت ليوره ما كدرت اسيطر على اعصابي ولا دموعي ونفجرت اصيح (لا لااااا لااا مو سرمد مو هو السبب بيك السبب انت انت واهلك والدنيا كلها السبب)

جاسم:اني لج شنو الي بدر مني ومن اهلي

(هم الي جبروك عليه هم الي خلوك تجي الي الف بنيه تجي الك انت وشهادتك ومكانك واهلك و ملكم ماشاء الله خير من الله بس من راح اصير الك شنو راح يكولون الك جاسم اخذ بت الفلاح لو بنت الحارس لا مو عيب شغل أبويه ادري بهل شي بس جاسم انت توصلني للبيت مليار كلمه يسمعوني والله وكت بنت الفلاح ياخذها جاسم خط وكل الي تقدمو الي صدكني ما يهموني لان حابتك الك وهذا مو من حقي بس انت الي خليتني بهل موقف رفضتك بس انت اصريت واعرف انانيه هاي مني لان ما كدرت احجي ويه امي وبقيت ساكت اخ يا جاسم شكد اتمنى اموت واريح كل هل دنيه من حملي خلي زواج على ورق واخذ الي تريدها ما امانع اني )

هذا الحجي ابجي وبالكوه اخذ نفس بقيت اكح حسيت بوجع بصدري مشه جاسم وخله أيده على كصتي والثانيه حاضني من خاصرتي ونزلت رأسي بس عطره الي احبه عطره يسحررني وكال

جاسم:مصخنه ليش ما كلتي تعبانه الي

هذا كل الي حجاه فتح الباب مال سياره الي وسحب سترته من وره وخلاها على جتفي صعد وبده يسوق وصل يم صيدليه شره دوه و خلاه ليوره وكعدنه تعشينه هذا الحجي اني وهو ما حجينه كلمه وآني بس أريد أرجع للبيت وهو كل شويه طالب عصير حلويات اكل فواكه المهم جنه بالطريقه للبيت ركن السياره بنفس المكان بس على الشارع والتفت آلي وجنت اباوع عليه وسحبني وباسني من شفتي رجفت رجفه بين ايده وهو ما يقبل يعوفني لحد ما برد قلبه جنت ارجف وغطيت وجهي بيدي وضحك حته يستفزني باوعت عليه بعصبيه ردت احجي ورجع عاد الكره لازم اديناتي بيد وحده والثانيه وره راسي وساحبني اله ابتعد من شفتي بس كريب مني جان وكلي يومها احبج من حجاها بجيت من خوفي وفرحتي حضني كل قوته وكال ألي

جاسم:لج والله كل ضني حابه احد لج والله ردت اتخبل واكتل سرمد لا ما اريد احد غيرج احبج الج ورايدج الج من يوم فشختيني بالطابوكه حبيتج والله وضليت افكر بيج لج يا فلاح يا حارس لج ابوج رباني على ايده وعلمني كلشي هو الي علمني انا واخوي الصلاه جنه ننهزم وابوي يوز ابوج علينه وبالعصى يكتلنه ومشانه على الطريق الصحيح لا يهمني كلام الناس ولا احد بس انتي الي

علياء :وصار الي صار تزوجنه وخلفنه هل قرده وكل ما اريد اضوجه اكله لو ماخذه سرمد وهو يتخبل لحد قبل جم شهر شاف سرمد جان يخلي أيدي بيده وسلم عليه جن داخل معركه لهل سبب اعشكه هو كل هلي صار .....

(ساره) طبعا انتبهنه على الوقت جانت الساعه ٥ الفجر وسعد وبقيه الجهال نايمين ضحكنه على كيف وملاك خطيه تعبانه ونايمه كمنه توضينه وصلينه وفرشت الهم كلت الهم هسه اجي نزلت على كيفي جوه ردت افوت للمطبخ واشوف نواف و نجوى بالمطبخ يسولفون بقيت ثواني التفت نواف عليه فتت شربت مي ومثل الهوى عاملتهم صاح باسمي مشيت وصعدت فوك وقفلت باب الغرفه والولد كلهم نايمين بالاستقبال جانو غطيت البنات وتمددت بصف سعد شفته يتصل بيه غلقت التليفون احس بوجع وحركه قلب احس بغصه وخنكه ما اكدر ما اكدر افكر باي شي وما اكدر ابجي الدموع ما تنزل من عيني احس عصبيه اريد ائذي احد او اسوي شي ائذي نفسي بيه حته بس يبرد قلبي بس ما اكدر البنات يسولفن ويضحكون جانو واني شويه نسيت بس هسه صافنه على قلبي سعد والله لعيونك اني ضاله هنا ما اريد احرمك من ابوك بس ابوك بعد مستحيل اكدر اتقبله ولا ااصدك بيه الي جان واعدني بوطن والله هل هدم حيلي مخنوك صدري صارت الساعه بالعشره وما كدرت اغمض عيني كمت غسلت وبدلت حظرت الاكل البنات بعدهم نايمات خطيه نزلت علياء ورأيه و كالت وهي ضايجه

علياء:ليش ولج ليش ما كعدتيني

_لا ميصير اليوم حابه اددللكم شويه

جاسم:لاااااا لاااا مال البارحه خاطفه مريتي ومو بس مريتي بنتي هم واليوم مدللتهن لا الموضوع وراه قصه

_اوووو قصص يابو قصص

هند:ايييي قصص كومه

سيف:ها ولجن وين جنتن

زينب:مسوين حفله بغرفه سويره

نبيل:ممممم

ضحكت وجنت اكصكص طماطه وكعدو على الميز وكفت بصفي نجوى اخذت نفس بالكوه وهي تغني وكالت

نجوى:شدعوة عليجن جان كلتن الي اجي وياج

_ما نكدر نخليج تجين وتسمعين سوالف نسوان متزوجات تعرفين يخافن على رجولتهن مو كافي رجلي

نجوى:لجج شوفي لا تسوين نفسج مره براسي وانتي خلك

قبل لا تكمل حجايه لزمتها من لوزتها وخليت السجين يم بطنها كام جاسم والولد وكتلها واني اضغط على ركبتها

_اذا تقربتي مني مره ثانيه والله مايوكف بعيني شي واطلع مصارينج اطشرهن الج بالكاع

سحبني جاسم واخذ سيف السجينه من ايدي وصار بوجهي نواف وكال

جاسم :تاخرتي على امتحانج اوصلج انا

_ديربالجن على رجولتجن منها تره سحاره درجه اولى توكع الي ما يوكع

شال الجنطه جاسم وسحبني بره البيت البنات بقن صافنات

#نواف

جنت احجي ويه نجوى على الي صار كتلها احب مرتي وما اريد غيرها وهل تصرفات عيب وانتي امانه التفت وشفت ساره فاتت اخذت مي وصعدت صحت عليها مجاوبتني يعني من صدك اريد احجي وياها وهي متجاهلتني استحق هل شي بس اريدها افهمها ما كدرت اصعد لان البنات نايمات يمها اتصلت بيها وغلقت التليفون وهاي طلع الصبح بالكوه نمت نص ساعه ومن طلعت من غرفه ابوي لكيت جاسم لازمها وسيف اخذ السجين من ايدها ونجوى تكح باعت عليه وحذرت البنات من عدها وسحبها جاسم ما حجيت وياها شي ابد كل هل ايام ادري بيها عصبيه وتعبانه رجعت امي وابوي واستقبلتهم ساره احلى استقبال يعني الكل تعاملهم بطبيعيه اله اني من افوت للغرفه تطلع وتكعد بغرفه سعد تضحك وتلعب وياه وتنام بغرفته ما مقصره وياي من ناحيته التنظيف وهل اشياء بس ما تباوع بعيني ولا تحجي بحرف وياي بس انتبهت لعصبيتها الزايده اخر فتره مرت ايام سعد بس يبجي وميريد امه مابيه شي فحوصاته طبيعيه الولد صار مو طبيعي بس يبجي وصوته نبح من البجي واكفه ساره تفتر بيه بالغرفه فتت اخذته منها ونزلت جوه ما يقبل ياخذ اكل ولا شي اخذته نجوى وكالت

نجوى:سويت حليب اله خلي اشربه راح يصير بيه شي من البجي

_ما يقبل ياكل

نجوى:خلي اهدي انا خلي اجرب

اشو جبرته على الرضاعه مالته غص اول شي وبعدين بده يهداء وشرب شويه وغفى وضحكت نجوى وهي تفتر بيه بالاستقبال وامي تباوع علي هي وابوي وكالت

نجوى :جنه مشتاق لماما نجوى

ما اشوف غير ساره ساحبه سعد وموكعه الحليب بالكاع بس بقه الولد هادئ ورايح بسباع نومه من التعب وكالت

ساره:انا امه مو انتي فهمتي انتي ما تقربينه شي

سحبتها كل قوتي من ايدها وباوعت عليه عينها بعيني وكالت

ساره:محد ياخذه مني فهمت هذا ابني الي هذا كل اهلي وعائلتي واني امه مو هي

جاسم:اكيد انتي امه ومحد يغير هل شي اخذي خيتي خلي ينام بفراشه

مشه جاسم ولزم ايدي وسحبني هديت ايدها وصعدت فوك بسرعه وهدني جاسم وكال

جاسم :تعبانه هدها

استغفرت ربي وكعدت مر يومين سعد ما ينام وما يقبل ياكل اله بحضن نجوى وساره معانده ما تنطيه الليل ما تنامه وعصبيه محد يحجي وياها وجاسم بس يكول حسبي الله ونعم الوكيل على الي جان السبب مدري يقصدني لو يقصد نجوى صعدت الها الوكت متأخر وهو يبجي صاير دم من البجي وهي تحاول وياه ومتدري بيه بالباب واكف وهو نايم على الفراش ويتحرك يلوب وهي تتوسل بيه وتبوس بيده اخر شي شمرت المميه بالكاع وصاحت بعصبيه عليه

ساره:لك فهمني شبيك تعبتني تعبت اعصابي ملابسك غيرتها وحفاظتك نضيفه شبيك موتتني شسويلك بعد

هو تهستر بالزايد مشيت بسرعه وشلته وكمت من الفراش رادت تاخذه مني دفعتها وقفلت الباب عليها وبقت تضرب بالباب ونزلت وصحت نجوى تاخذه وتوكله أخذته جاسم راد يصعد من سمع صايحها وكتله والكل كاعدين

_عوفوها اوكل الوليد واصعد الها ما تقبل نجوى تلزمه وهو ما يرتاح اله بحضنها للبنيه

وبدت ترضعه و وملاك واكفه بالباب وكتلها تفوت وامي هم بس ما قبلت ساره هدأت ضليت قلق عليها وسمعنه باب المطبخ نسد كمت جان تفوت ساره كمت بسرع ايدها مجرحه بقيت صافن عليها ضحك جاسم بعلو صوته والكل انتبه عليه رادت تأخذه لسعد لزمتها وسحبتها كعدت بالكاع وكلت الها بعصبيه واني جابرها تكعد بالكاع

_بس توكله اخذي محد ياخذه منج وداعه أبويه بس عوفيه ياكل حته يهداء

جاسم :بس لا كمزتي من غرفتج على الشجره مو

ساره :لو مو اكمز اسوي كلشي علمود ما تتقرب هل مسمومه منه

_ساره عيبب

رسميه :يمه بنيتي عيب شهل حجي

نجوى :عمتي شفتي مدري شمالها وياي

رسميه :ما عليج منها اكلج بنيتي انتي تعرفين وحده اسمها سليمه

نجوى :لا والله ليش

رسميه :او وحده من كرايبج

نجوى :لا ماعدنه وحده بهل اسم بس صاير شي

رسميه :لا ابد بس تذكريني بيها جانت بديرتنه معروفه بسحورتها وأم زلم تشبهج حته تحسين نفس السم قصدي نفس الصفار مال بشره

ضحكنه حته انا ما سيطرت على ضحكتي بس رخيت ايدي كامت واخذت سعد وكالت لنجوى وهي تأشر باصبعها

ساره :والله اذا اخذتي وليدي مني مره ثانيه اله اذبحج بنص الليل وانتي نايمه اطلع مصارينج بيدي

والتفت عليه مدري ليش لثواني حسيتها جاده بحجيها وممكن تكتل نجوى خلاص تسودنت ساره وكالت

ساره :صار مرتين تقفل علي الباب وروح حسين والتراب الي نام بيه يا شيخ اذا عدتها مره ثالثه اله اشمر روحي والي يصير خلي يصير مو حيوانه لو جلبه وتقفل الباب عليه ابني ما تأخذه مني هل مسمومه كافي انت اخذتك مني

_ساره صعدي فوك اخذي وليدي وصعدي حبيبه قلبي انتي وبنيتي وباجر اخذج لدكتور يعاينج ويعاين الولد

ساره : ما اروح روح انت

ضحكت وجاسم ابتسم وصعدت فوك وعاين ابوي الي وكال

حيدر :متزاعلين

_بويه تدلع علي بس والله اجبر خاطرها مريتي وأم ابني وانطيها ماي عيوني هاي جابتلي سعد ونورت الي دنيتي

حيدر :الله يجعل كل ايامك متنوره

_بوجودكم ان شاء الله

جاسم :امين اكلج نجوى صارلج تقريبا شهرين هنا محد اجه سئل عنج وخيج جنه ما اله جيه

حيدر :اي بنيتي صدك احنه لازم نلكه حل الج ما يصير كل هل وكت تضلين هني

نجوى :باجر احجي ويه اخوي

حيدر :ان شاء الله

نبيل :اكلك شيخ شنو ما ناوي تكصه لسعد

_شنو

سيف:شعره

نبيل :يا شعره قرص النعناع

_شارب شي

رسميه :يمه شبيك بلبول سعود ما ناوي على طهوره

_لا مستحيل ويتأذه لا قلبي يفرفح عليه غير وساره تموت والله اذا تشوفه يتوجع

البنات ميتات ضحك من صدك رجفت بس تذكرت ورانه هل شي صعدت وره ما تعشيت كعدت على الجربايه جانت ساره نايمه وبحضنها سعد ايدها متجرحه نايمه بنص الفراش ومبينه تعبانه وجعني قلبي عليها غطيتها هي وسعد و وخرت شعرها من وجهة بست راسها حجت شي ما مفهوم خليت ايدي على رأس سعد وكمت تمددت على الكرويته وبقيت صافن عليهم وابتسمت الله يحفظهم الي ونمت لان جنت تعبان شغل هواي عندي هل اسبوع ومرت ايام تحسن سعد بس ساره تعبت فردنوب ما تنام تضل سهرانه فتت لغرفته لكيته يلعب بخرخاشته وهي نايمه بالجربايه شلته جان يصيح بضحكه وفزت و وكفت وكالت بسرعه

ساره :وين ماخذه مني

_شبيج مخبله وين أخذه اريد اشيله شوي

جان تكعد على الجربايه وبوسته وهو يصيح ويكزكز عليه وترسني سلاج ريحته البودره تخبل بيه بقيت ابوس بركبته وهو يصيح ويضحك ونزلت وهو على صدري و ورانه ساره وكفت ونضربت بضهري رادت توكع وسندتها بيدي وكلت الها

_صعدي ارتاحي ابوي يريد يشوفه

ساره :منعسانه

_صعدي ارتاحي يا بنت الناس

ساره :ما اريد ما تعبانه

استغفرت ربي ونزلت وفتت للأستقبال كاعده ملاك بصف ابوي وموسى يلعب ويه ابوه ودعاء بحضن امي مدري شدور بحلك الطفله بس شافه ابوي لسعد وصاح وهو يصفك اله ويضحك

حيدر :كناكيش كنا اريني اريني كريني كريني

وهذا سعد تخبل يكمز يكمز بحضني يريد يروح لجده مشيت جان يركض موسى ويكعد بحضن جده ضحكت وصاحه ابوه ودار وجهة موسى ضحكت جان كلت لموسى حته لا اكسر بخاطره

_عادي يكعد يمك اخوك الصغير سعد

موسى :ها اخويه

_اي غير انته اخوه الجبير وراح ادافع اله من يكتلونه

موسى :ي ي جبان هنا كعده ددو

ابتسم ما يكول جدو يكول ددو فاخذه ابوي وبقه يغني اله وهو يركص وموسى يلعب بشعر سعد ابتسمت وكعدت وساره واكفه وهي تباوع على نجوى بطرف عينها وكتلها

_ام سعد قلبي تعالي كعدي هنا

واشرت الها تكعد بصفي مشت وكعدت وعينها على نجوى ما شالتها ابد وكالت امي

رسميه :يمه شوكت نكص بلابيل ابنج سعد

ساره : شنووووو ليش ليش نكصها

_حبيبتي لازم نطهرة حته لا من يكبر يتوجع

ساره :لا عفيه بعده صغير ميتحمل

_لج موسى طهرناه أصغر منه

ملاك :اني اتفق ويه عمو لان بهل عمر الجرح ينشف بسرعه من هو جبير راح يتوجع اكثر

علياء :لج اسكتييييي فضحتينه لسانج

_لاااا عيفيها والله ما كالت بس الصح

جاسم :بنتي بعد

_يطول عمرك وعمرها وتشوفها احسن دكتوره

جاسم :بوجودك

حسيت الكل فرح بهل شي من سولفنه متقبل اطهرة تكول صغير فضحكت وكلت

_جاسم تذكر من طهرو سيف بويه هل يوم ما يروح من بالي

سيف :هاااااا سالمين اني شعلي

جاسم :من لزمناه يركض لعمي سلام ابو علياء الف رحمه على روحه

سيف : ما جنت مهزوم لا تألفون

_والله لعد جنت مهزوم

جاسم :وضليت تبجي ولازم بيد عمي وتبوس بيها وتكله استر عليه بروح ابيك

سيف :كافي لا تكبرون السالفه

_اهو وو زعل زعل ديله ما نحجي جاسم تذكر شون بقه يمشي

يابه متنه ضحك عليه طهرناه بعمر جبير بقينه نسولف وتأخر الوكت محسيت بس رأس ساره على جتفي التفت عليها وجانت غافيه عدلت نفسي وصار راسها على صدري وكع حجابها على جتفها نجوى نضراتها ما تتفسر كامت علياء رادت تنطيني مخده الها وكتلها على كيف

_لا خليها على صدري بس فدوه غطيها بدون أمر عليج تبرد هاي

💙💙💙💙💙💙💙💙💙💙💙💙💙💙💙💙💙

هلا بنات قلبي ورجعنه الكم لساره ونواف

و حبيبه قلبكم نجوى 😂

ان شاء الله تحبون هل بارت وشكرا لتعليقكم ولتصويتكم