رواية عشگ أهل الجنوب الفصل الخامس والعشرون 25 - بقلم أسيل

وداعه اهلي من الضحك جنت مو بوعي وكتله تقرب عليه وتقرب مسحت خشمه بيدي والثانيه ايدي جانت على لحيته نزلت ايدي يم شواربه وشفته واني اضحك مسحت شواربه شويه صاير بيها موطه وشفته هم مندمجه جنت وانا رفعت راسي وصار وجهي بوجهة وهو صافن عليه بصدمه نشف دمي وانا مستوعبه عشت لحظه من الخيال ويه الشخص الي بالنسبه الي مثل الحلم وبهل ثانيه الدنيا بدت تمطر واشتغلت اغنيه (لسماعيل الفروجي ليلة عمر) (اسمعوها وعيشو الجو) يومها من رجعت للبيت نبشت الكوكل عليها لحد ما لكيتها وصارت اغنيتي واغنيته ابتعدت بسرعه وهو كمل سياقه و رفع الصوت مال اغنيه وتنهد وتجى راسه على ايده وبايده الثانيه يسوق وكلي

نبيل :تحبيه

(منو)

نبيل :هذاك الكواد الي ما معتبرج

(راح نتأخر لحد ما نوصل للبيت)

ضحك بحزه قلب وصلت للبيت تشكرت منه ومشيت ونزل وكال وهو يتقرب مني

نبيل :انتي كلتي استبرق ما تستحق وما تستاهلك لان عافتك واستمر بحياتك اي سويت هل شي اذا انتي هذاك ابن الجلب ما معبرج على شنو عايشه عليه وبعدج تحبيه الف واحد يتمناج

(وانا اتمناه هو عيفني نبيل لا تزيد همي)

نبيل :الله يكصر عمره ابن الجلب

(اسم الله من عمري على عمره أن شاء الله عمره طويل لا تغثني زايد)

نبيل :طبج مرض انتي وياه عساه بالنجف وما تصيرين اله

ضربته بالجنطه كل قوتي شمرتها عليه وصحت عليه اكرهك وفتت للبيت الدموع تنزل من عيني ليش هيج يسوي قلبي يوجعني وسبحت جان شعري لجوه خاصرتي لبست دشداشتي الزركه وغسلت ملابسي ندك الباب بوقت متأخر تقريبا ب العشره بالليل ما فتحته كلت منو وسمعت صوت نبيل وكال

نبيل :افتحي الباب

(روح نبيل)

نبيل :اسف لان حجيت عليج حزت بقلبي احجي عليج

(نبيل ابوس ادينك لا توجع قلبي زياده عوفني)

نبيل : رايح والله عايف حته الديره الج سامحيني بس

تخبلت هذا مخبل وصدك يروح بس سحبت الحجاب خليته على راسي الدنيا تمطر جان يم باب الشارع يم سيارته وصحت باسمه مشه الي وكتله (وين رايح وعايفني بوحدي)

نبيل :ضغطت عليج

جنه واكفين على الشارع سياره تمشي باتجاهنة بس مطفين الاضويه بس شفت ايد واحد واسلاح سحبت نبيل وصرت كباله صدري على صدره و3 طلقات ابتسمت بوجهة حضني كل قوته نبيل مكدرت بعد اوكف وكعت بالكاع واني بحضنه بجيت لان جنت خايفه وهو لازم ايدي كل قوته وكال

نبيل :لا تسويها

(لا تدعي على نفسك بعد)

نبيل :ما داعي

ابتسمت وفهم قصدي ضحك وأيده على وجهي وكال

نبيل :اني ذاك الكواد الي ما شايفج لج غبيه غبيه ما أكدر اشيلج من راسي وتكليلي نوب تحبين واحد وما تكليلي منو ليش ولج لج

لزمت ايده كل قوتي وكتله لا تعوفني شالني واتصل بما اعرف بمنو وغمضت عيني وما حسيت بعدها بشي بس انا بالمستشفى الكل حولي طلقتين صارت بيه والثالثه بجتف نبيل بقيت اباوع يمنى يسره نبيل كاعد يم الجامعه ابتسمت هو بخير بس رجلي جانت ثكيله كمز كمزه من كحيت رأسا طلب الطبيب وكام بأس اديني وراسي جانت تضربه عمه رسميه واني اريد اموت من مستحاي وكالت بعصبيه

رسميه :ادري بيك صخيل و طالب تزاوج بس اصبر لحد ما نزوجك اياها وبعدين بوس براحتك

نبيل :يمه خليني اشبع من عطرها والله ما مصدك فاتحه عينها

وكتها لو ميته ولا هيج فضحني و بس تحسنت وعرفت رجلي صار بيها خلل طول عمري بقيت أشك اذا نبيل رادني على هل شي ورفضته من رفضته دفر باب الغرفه مال مستشفى واهلة موجودين وابوه هم وصاح بعصبيه

نبيل (وحق كل حرف بكتاب الله يا زنيبه اذا ما وافقتي بيه اغتصبج واسلم نفسي للشرطه والقانون ويايه لان راح أصلح غلطي الحلو وياج واتزوجج فترضين لو لا احسن الج لأن والله وداعه امي وابوي احبج مو لان رجلج لو لان حميتيني والله تعرفيني مسودن اغتصبج لو يبنون سور الصين عليج )

جان عمه رسميه تنزع نعالها وشمرت عليه ونواف ربي يطيل بعمره يطلعه من الغرفه يريد وهو تخبل ضحكت وهو عصبي نار جان وكلت موافقه وهاي صرت اله ويوم بعد يوم اكتشف انا شكد احبه والله شكد راضي عليه من رزقني بيه

(ساره) طبعا رجعنه للواقع وره ماعشنه أجواء قصه زنوبه سحبتها وحضنتها كل قوتي وانا اطبطب على ضهرها وكامت ملاك وكعدت بنصنه وحضنتنه باست زينب وضحكت زينب وكالت

ملاك:والله احلى وحده تزوجت عمو نبيل بديت افكر اخذ واحد شون عمو نبيل

علياء:لعد وعمج نواف

ملاك:هذا العشك ما اخذ واحد اله يشبهة

(ساره)الله يرزقج بابن الحلال الي يسعدج ويريح قلبج بنيتي

علياء:امين

(ساره)وانتي علياء ؟

علياء :قصتي عاديه مابيها شي

ملاك:بابا يكولون بدايه حبكم جانت معارك وحروب حته خاله تبارك هيج تكول

علياء:هههه جنت مراضيه اخذه ولا هو يكول ما اخذ وحده لسانها بطول رجلها

(ساره) بداعه ملاك احجي

(قصه علياء)

علياء:اني جنت عايشه ويه امي بعد انفصالها من ابوي اني وخواتي ماعدنه اخوه بس بنات تلث انا جنت الوسط بينهم امي الله يرحمها ميجوز على الميت بس الرحمه رادت تزوج ورجلها ما رضى ياخذنه وياها لان عده ولد وما يكدر ياخذنه بيت جدي ما رادونه اهل امي وابوي الف رحمه على روحه بس درى بينه باقين يم بيت جدي وامي تزوجت اجه اخذنه كلنه واجينه هني للديره فابوي ما رضى نترك الدراسه ابوي طبعا جان على كد حاله بيتنه جان غرفتين وحمام ومطبخ واستقبال ومزرعه جبيره بعدين اتضح هل مزرعه للشيخ نواف وابوي يشتغل ويهتم بيها من رجعنه مرينه بوكت و بنفسيه تعبانه لان امنه عافتنه خيتي الصغيره تبارك جانت الليل كله تبجي اصغر مني بسبع سنوات وكتها جان عمري ١٧ سنه فأنا الي تحملت المسؤوليه بعد زواج لبنى اختي الجبيره وسجاوي وراها بقينه انا وتبارك جانت تبارك تعاند تطلع بالمزرعه تلعب وتاكل من الأشجار القرده طبعا جنت اداوم بالمدرسه وارجع مشي ابوي يوصلني وانا مرات ارجع بوحدي اذكر جاننت عطله من شفت جاسم اول مره طلعت اساعد ابوي بالمزرعه نجمع الخضره فهو رجع للبيت لان راد يرتاح شويه ويصلي ويرجع وجانت تبارك وياي وماشفت غير اثنين زلم الي هم الشيخ نواف وجاسم وجاسم مد ايده على العنب جان بعده ما مستوى صغير وشلت طابوكه وشمرتها عليه شكيت راسه وركضت وصحت عليه انا (نكري انت ما متربي شعندك فايت تبوك حلال غيرك يل ما تخاف الله بووويه الحك اكلو حلالنه)

جاسم:ايا مخبله لج لج شكيتي مخي

وكتله وانا الزم طابوكه ثانيه وأريد اشمرها عليه (واشك حلكك هم)

(يله اخذ ابوك وروح قبل لا يجي ابويه بالتفكه ويشك راسك وراس ابوك)

جاسم:وانتي مخليج جلب حراسه هنا

اني يكلي جلب حراسه تسودنت كبت وايراتي عليه هذا الحجي نواف يضحك على جاسم انا اركض بالطابوك وراه وابوي طلع يركض وشفت الشيخ يكطف رمانه لخيتي تبارك وغسلها الها قبل لا ينطيها الها وفشكها رجعت بسرعه لخيتي طفله واخاف تتقشمر وانطاها واكلت وهو هم على فكره نواف يموت بالرمان الأحمر الحلو بكل مكان زارع رمانه حلوة وطلع ابوي يصرخ عليه اعوف الطابوكه وبس سلم ابوي وكال اله نورت المكان شيخ نواف وكعت الطابوكه من ايدي وجمد الدم بيه يعني هذا ابن الشيخ والي يصيحون اله شيخ مشه جاسم عصبي وكال

جاسم:ما يوكف الدم

ابويه يومها شويه وينجلط مني ضحك نواف واني مدنكه وكلت اله الى صار وعبالي حراميه وابوي يعتذر ومتفشل مني ورزلني كبالهم وابتسم جاسم متشمت بيه وحقدت عليه من يومها مرت ايام كل ما اشوف جاسم اطبك الباب بوجهة كل قوتي والشيخ متشمت بيه يكله هل بنيه تبرد قلبي بيك وهو يستفزني صدك جنت اكرهة وكتها فبيوم ابوي تعارك ويه براء تكله اريد اشوف امي وهي ما تريد تشوفنه انا اعرف بهل شي بس اسوي نفسي مصدكه ابوي من يكول مسافره ويه رجلها لو مشغوله وتبارك ما مفتهمه الموضوع بجيت وكتها وحز بقلبي وعصبت منها ومن ابوي وكتلها واني اضربها على رأسها ما تريد تشوفنه تكرهنة وهل عافتنه بيت جدي وهم ما يريدون وعافت ابوي لانه فكر وما يحب الناس تصدق عليه لو يمد ايده على فلوس حرام هل عافته وبعدين عافتنه من تزوجها زنكيل وخواتنه كل وحده بيتها و ويه أهلها وعيالها وعفتها وفتت للغرفه وابوي فات والغصه بقلبه الله يرحمه وكال الي يومها

ابوي(انتي مستحيه مني لأني فكر بنيتي)

كتله يومها وجنت ابجي (لو مستحيه منك جان ما كتلك تعال كل يوم وصلني للمدرسه انا مفتخره بيك والفكر مو عيب بس امي الي واجعتلي قلبي انا ما اعوفك لحد موتي بس انا مكهوره منها لأنها ما فكرت بتبارك وبيه وسمعنه الباب يندك وباس ابوي راسي كلي الله يرضى عليج وطلع ومشيت اني وراه وجان الباب مفتوح وجاسم بالباب ونواف هم انا جنت بدون حجاب وبثوب البيت صارت عيني بعين جاسم وهو صافن عليه وبقيت اتلفت وين تبارك وكال

نواف:عمي شو الباب مفتوح خيرك

وابوي يكله لا هو سداه وكتله وانا اتراجف بويه شردت تبارك وكمز وكال بنيتي وطلع وانا وراه وجان يسحبني جاسم من ثوبي شعري من وره توجعت وصحت بيه شتريد انت هو ما جان قاصد يأذيني

جاسم :وين طالعه بهل لبس

عاد انتبهت انا مشلتحه وصحت بعصبيه (انت ما تستحي تباوع ماعندك خوات)

جاسم :لا بس اخوان

فتت ولبست عباتي والحجاب وبدينه ندور على تبارك انا قلبي واكف من الخوف عليها اصيح عليها وبديت ابجي الوكت متأخر وجاسم بورايه جان واتصل على ربعه وكال وهو يهديني

جاسم :لا تخافين هسه نلكاها

وكتله واني امشي بسرعه اخاف بيها شي (انا عصبت عليها وضربتها لان تريد تشوف أمنه وهي ما تريد تشوفنه وبس تبجي لان تريد امي وانا بدال ما احن عليها كتلتها الله ياخذني)

جاسم:كافي هسه نلكاها

وتاخر الوكت ورحت للبستان اصيح عليها راح صوتي وجان جاسم هم يصيح وكفت والتفت

عليه وكتله(اذا صار بيها شي اموت والله)

جاسم (ما يصير بيها اشي لا تبقين تبجين عيونج ورمت)

(عساها عمت)

مشيت و وكعت بالكاع تعثرت وبسرعه وكفني جنت قريبه منه وابتعدت جسمي يرجف وهو جانت ملامحه دائما جاده وعصبيه و دك التليفون وضحك وسداه وكال

جاسم :لكاها ابوج واخوي بالشارع راده للبيت رايحه تشتري جبس وعصير وهسه بالبيت

ومشيت بسرعه وصلنه للبيت وبس شفتها ركضت حضنتها وصحت بيها وانا ابجي (حيوانه كتلج انا اشتري الج باجر برجعه المدرسه)

تبارك :نجبي جلب حراسه

جاسم غص بضحكته وفتت وهاي مرت اشهر جان نواف دائما يمنه يجي و عمو حيدر واي واحد يجي من العائله جان وياهم جاسم انا بديت انتبه لجاسم جنت من اودي تبارك تقدم الهم عصير لو اكل يصفن علي من يشوفني اطلع الصينيه بيد تبارك ويتعمد يكعد كبال المطبخ جان صغير المكان فكال بيومها عمي حيدر هو رايدني لوليده ما عرفت ياهو بيهم وكعت المواعين من ايدي نواف متزوج وعنده وليد جان الله يرحمهم برحمته الواسعه ونبيل وسيف صغار بقه جاسم فمن عاينت جان صافن على ابوه وما راضي بهل حجي وره ما راحو بقيت اغسل مواعين وخلصت ابوي طلع يصلي بالمسجد وجنت اسبح تبارك وتبارك كاعده بالطشت هسه تسئلون تبارك صح يعني مو كلش صغيره بس انا جنت اهتم بيها وهي خبله لحد عمر ال 18 تركض حافيه وره الفروخ ب الديره سبحان الي عقلها وتزوجت وصارت دكتوره ندك الباب ابوي والله كل ضني ابوي والله جان كلت اله اجيت بويه اجيت جنت اسبح ام الوصخ تبارك فتحت الباب والله لا يشوفكم شون شكلي ولبسي

هند :بداعه ملك شلابسه

علياء:والله لو اكوول لو لابسه كونيه جان استر لابسه دشداشه مارونيه دلعتها لهني مطلعه نص صدري ولافتها مخليتها بلباسي وشعري رافعته ومنكعه دشداشتي جاسم كبالي فزيت نزلت الدشداشه وهو صافن صحت يدير وجهة وركضت للغرفه لبست عباتي وحجاب وطلعت منها وكلت اله (خيرك محتاج شي صاير شي)

جاسم :انا اجيت

تبارك صرخت (الصابون بعينينيييييييييييييي)

جاسم :اجيت انا

رجعت تبارك صرخت (راح اغرككككككككككككككك)

جاسم :اسفه بهل وكت اجيت اعرف ابوج بالجامع

تبارك تصرخ (لحكوووووني غركيت غركيت)

طبعا هذا الحجي تبارك كاعد بطشت بي قطرتين مي اني فرت دم من جاسم لان صار مرتين يشوفني بله حجاب ومشلتحه وتبارك الي عايشه الدور بالحمام استغفرت ربي وكتله (كول جاسم ابوي بيه شيي)

جاسم :لا لا ماكو شي بس علمود

تبارك صرخت عليه (عليله جلبه الحرااااسه لحكي خيتج غروك سفينتها السميجات)

(ساره) طبعا اني وهند وملاك وزينب متنه ضحك على تبارك تبارك طبعا هي متزوجه وعدها ولد ثنين ودكتوره أطفال صارت وكملت علياء حجيها وهي مبتسمه

علياء :عصبت وصحت عليها تسكت وكتله بسرعه وجسمي يرجف(راح تحجي لو تضل ساكت)

جاسم :موضوع ابوي الي حجاه اليوم رايدج

تبارك صرخت (القنبله اللولبيهه)

وشمرت الطاسه مال مي و وكعت الأغراض وربدت الحمام ربد وبقت تصيح عليله عليله وهدأت وكال جاسم بسرعه

جاسم :ابوي رايدج الي وانا ما جنت اعرف بهل موضوع والله

تبارك صاحت (عليله علويه عليااااااااء انتي هم تبولين على روحج بالليل)

طكها بضحكه جاسم وانا تخبلت وصحت بيه بعصبيه (لو تموت ما أوافق بيك) وطبكت الباب كل قوتي وجسمي يرجف من الفشله وهو صاح

جاسم :ولا انا اخذج ام بوله

عزه هو كال الي ام بوله لو انا تسودنت وفتحت الباب وهو يمشي طشيت طاسه المي البارد كلها عليه والتفت عليه بعصبيه وطبكت الباب بوجهة

(ساره) نوب اني والبنات غصينه بالضحك وبحضني سعد الي يلعب بشعري وموسى نام بصف دعاء التفت عليه وكلت الهم يهدئون ضحكنه ترس المكان

علياء :اي والله تبارك عالتني بصغرها وهل مرت اشهر جاسم كل ما يشوفني يدير وجهة وابوي فاتحني بالموضوع ورفضت وكال الي خوش ناس ومعروفين وهو يدرس وخوش انسان بس انا قافله عليه وما أريده جنت احضر العشه يومها ندك الباب ولبست الحجاب مدري ليش حسيته جاسم وفتحت الباب وصدك جان هوة ومنطيني ضهره بس استغربت ابوي بالجامع يصلي ويه الولد والناس اليوم صلاه الجمعه تأخر صح بس انا خلصت العشه وجنت اتوقعه راح يجي التفت علي وبس شافني دنك راسه وكال

جاسم :ابوج

حسيت بوجع بصدري عيونه حمر جانت التفت وكتله بسرعه وجنت ما اريد اسمع خبر مو زين وعارفه راح يكلي شي مو زين وكتله (تفضل هو.. هوه هسه على جيه شوف جهزت الاكل ما يدري كطعت خضره بهل ليل من المزرعه هسه يرزلني يكلي بعدهن ما مستويات بس والله مستويات شوف) طلعت تبارك وهي تاكل خس وكال وهو يفوت للبيت هاي اول مره يفوت للبيت وابوي مو يمي سحبني لحضنه ولزمني كل قوته شهكت ردت اصيح خله ايده على حلكي وسد حلكي وكال وعيني بعينه والدموع غوركت عيوني

جاسم : اعذريني انطاج عمره وهو ساجد على التربه

ضربته على صدره والدموع متوكف من عيوني ما اريد اصدك ضربته مره ثانيه وثالثه وسحب راسي وهمس الي

جاسم :تبارك ما فاهمه القصه لخاطرها لخاطرها لا تصيحين لخاطرها علياء والله يصير بيها شي

كمت ما أكدر اوكف على رجلي سحب راسي لصدره و كعدنه بالكاع شهكت وجان تكول

تبارك :هاااا هاااااا مو عيب هذا الي جنتي تنامين وتبجين عليه بالليل اله اكول لأبوي بس يرجع ام شخه

سحبت جاسم ولزمت بيه كل قوتي شهكت بس حته ما اطلع صوت وكتله ياخذها يمها ضربته على ضهره وكال

جاسم :راح أخذها يم امي هدي والله راح تعدي هل ازمه سمعت صوت بنات وعرفتهن خواتي وصل الخبر لرجولتهن كام بسرعه وأخذ تبارك واشر الي وياي وطلع من يومها عرفت انا حابه جاسم لان ما ردته يتركني من حضني مرت ايام تبارك بعدها يم عمتي وتجي يوميه ما تقبل تعوفها وكالت منا لحد ما تخلص السبعه و وكتها ترجعها مرت ايام بيت الشيخ حيدر وكفو النه وكفه ما تسولف والله رجعت تبارك مرت ايام وراحت كل وحده من خواتي لبيتهن وعم حيدر كال ما نطلع من البيت رأتب ابوي يبقه يجرالي وما يقصر علينه بشي والصراحه هم ما كدرت اروح واثكل عليهن كمت ما اكوم من الفراش ما الي خلك بقت تبجي تبارك تريد بتيته تكلاه كتلها بعصبيه (روحي منا لا تشوفيني وجهج) بقت تبجي وطلعت وسدت الباب واني غطيت راسي وبقيت ابجي ما ماكله شي من يومين وما اريد اصلا اكوم من الفراش خلصت بجي وكعدت حز بقلبي طلب تبارك جانت جوعانه وتريد بتيته وانا جنت داخله كأبه كمت من الفراش كل جسمي ثكيل واتعثر بخطواتي فتحت الباب ريحه اكل بالمطبخ وضحك تبارك تارس البيت ما تعرف تفتح طباخ طلعت بسرعه بس لا هي يم النار مشيت و كفت باب المطبخ وصار جاسم بوجهي وبايده البتيته المتكليه وانطاها لتبارك وكال

جاسم (على السفره حطي الماعون )

جان مخلي طماطه تقلاه وبتيته و فلافل طبعا انا احبها وببسي وصمون حار وأخذت الماعون وكالت

تبارك :سئلني من جنت يم بيبي رسميه شنو تحبين انتي كتله فلافل هواي بقه يسئل شتحبين وتكرهين

الولد صار بكد النمله وهي مشت فرحانه بالبتيته وكعدت باوعت عليه وانا لازمه الحايط وكال

جاسم :جانت كاعده بالباب تبجي وكالت جوعانه

وكتله (تعبت نفسك) ما كدرت اضل واكفه ردت اكعد بالكاع يم باب المطبخ سندني بسرعه ومشه بيه وكعدني كبال السفره ما جان الي نفس اكل بقت تبارك تباوع عليه وكالت وهي تمسح على شعري

تبارك :عمو جاسم تعب بالأكل اكلي شويه حته تصيرين زينه واخذج نلعب بالمزرعه

خلت البتيته يم حلكي ابتسم جاسم واستأذن وكتله يومها (خليك ويانه اكل شي)

جاسم :لا ما اضوجج اكثر اي شي تحتاجيه كليلي زين

ومشه من يمي لزمت ايده كل قوتي يومها خايفه ما ادري شسوي بس الي ردته يبقه شوي يمي...
بقه والوكت كله يشاقه ويه تبارك ويسولف وياها ومن يشوفني ما اكل ياشرلي ومرت ايام وأشهر جاسم ابد ما عافني بوحدي وعمه رسميه تجي النه بين فتره وفتره رجعت اداوم المدرسه وهاي نجحت وصرت بالكليه ويه جاسم نوب اله ياخذني ويجيبني هوة كلهم بالكليه يصيحون الي النخله لان طويله ورشيقه تقدم الي اكثر من شاب بالكليه واستاذه بس ما فكرت اريد تبارك تكبر جاسم كل مره يسألني هذا منو منو هذا وليش وياج وشعنده واكف صاير ولي أمري اعترف الي واحد من الولد وجان جاسم وراه سمع الحجي وعصب عليه رفضت الولد رجعنه الطريقه كله منهاره اعصابه ما حجيت ولا فتح حلكه لحد ما وصلت لمدرسه تبارك اخذناها وكالت لجاسم تريد ازبري وانا كلت الها لا خزرني وكال بعصبيه

جاسم :ما الج حق تفتحين حلكج وياها بكلمه فهمتي هي طلبت مني مو منج

درت وجهي محجيت شي الطريقه كله تبارك اي بي سي دي اي اف جي دوختني صحت عليها تسكت بقت تباوع عليه وكالت اكرهج خليت ايدي على صدري ونقهرت وكال

جاسم : ما يحتاج تذبين حركتج بهل طفله اذا تريدين انطيج رقم سرمد اخاف عجبج

درت وجهي يدور مشاكل وانا محتاره بزماني رجعت للبيت وكتله هل اسبوع ما اداوم وسديت الباب مر اسبوع كامل انا ما اروح للكليه اريد اتركها ندك الباب فتحت الباب وجانت رسميه ورحبت بيها وبست ايدها وفاتت وسويت الها اكل تبارك هسه على جيه وتوسلت بيها تبقه على الغده وكعدت يمها تبارك من اجتي حضنتها وتبوس بيها وعمه رسميه هم طبعا تصيح الها بيبي تعرفون بهل شي جايبه الها ملابس وحلويات ولعابات ما منقصه شي عليها ابدا المهم جنه نتغده تحب اكلي كلش

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

حبيتو منو اكثر ب الثنائيات

زينب ونبيل  ❤️

هند وسيف 💙

علياء وجاسم 💜

ان شاء الله تحبون هل بارت

شكرا لكل وحده علقت وصوتت الي

وكذلك لحد تكول ويه نواف وساره لازم ننطي حق لبقيه الشخصيات لتخافون راجعه الكم بأحداث تجلطكم 😒 ولا تسألوني عن نجوى تره القصه دا انشرها وراح تعرفون الي يصير ولا تستعجلون كلشي بوقته حلو ❤️

اشوفكم بخير ان شاء الله