رواية عشگ أهل الجنوب الفصل الثالث عشر 13 - بقلم أسيل

رحت لغرفتها دكيت الباب قبل لا افوت وفتت كعدت يمها على الجربايه جانت رجلها مضمده وهي نايمه غطيتها عدل بست كصتها وبقيت اباوع عليها وجهة اصفر ....اتصل جاسم جاوبته

جاسم :ها بشر خويه خوما صاير شي

_لا لا الحمد لله مابيها غير العافيه بس شويه تعبانه خلولها مغذي وانتضره يخلص وارجع للبيت

جاسم : اجيك محتاج شي اجيب علياء ويايه

_لا سالم راسك اخوي من احتاج انا اتصل بيك

جاسم : لا تزعلها خطيه تراها يتيمه وفقيره

_ان شاء الله خويه

مرت ساعه وانا اراقبها وهي نايمه فتحت عينها وكعدت بالكوه باوعت عليه وبعدين على ايدها ما حجت شي بقت ساكته كمت صحت على الدكتوره واجتي طلعت الأبره من ايد ساره ولزكت الجرح وانطت راجيته الي وكالت

سمر: هذا الدوه وابو الصيدليه راح يفهمكم عليه تكدر تطلع المدام هسه

_ماشي تسلمين خيتي

سمر: ديربالج على نفسج لا تزعلين بعدج تره صغيره ولا تهملين اكلج باجر عكبه وراج حمل

محجت شي ساره بس هزت راسها وطلعت لبست ساره عبايتها ادور على الحجاب وكتلها

_تره ما اجيتي بحجاب

ساره : ما .... ما ...ادري هسه اخلي شي على راسي

_امشي ابويه مو مهم خلي نرجع للبيت و ترتاحين شويه

ساره : امرك

ساره هادئه بشكل موطبيعي ساعدتها توكف ...الطريق كله هي تباوع بره الشباك وصلنه وره ما وصلنه للبيت رحت سبوع لبغداد ماعندي شي بس انا تركت البيت ما كدرت اشوف الي بيها كله بسببي ...وهاي رجعت تمنيت اشوفها بخير بس الوضع جان ابد مو زين زينب تكلي ما تكعد وياهم ولا تحجي على كد السؤال ما تنزل تاكل وياهم ..سلمت على اهلي و اجتي نوره واخذت العبايه من ايدي وشافتها ساره وبقت تباوع عليه ونوره تضحك وتسلم عليه هي فاتت يمنه وكالت

ساره : الحمد لله على السلامه شيخ نواف

_الله يسلمج

نوره: جوعان احضرلك الأكل

_هذا مو شغلج انتي هذا شغل مرتي الي تحضر الي الأكل ساره صعدي الآكل فوك

ساره:امرك

_ما يأمر عليج ضالم نوره انطيها عباتي

نوره : اني اصعدها الك

_يا بنت الناس شنو ما علموج مايصير تفوتين غرفه نوم احد

نوره : لا م مو

_يله انطيها العبايه

اخذتها ساره واحس نوره شبت بيها نار وصعدت ساره فوك وإنا صعدت وراها فتت للغرفه جانت مخليتها على صدرها واول ما حست بيه علكتها باوعت عليه وعدلت شعرها وكالت

ساره : هسة راح اجيب الأكل

_شون صارت رجلج

ساره :احسن ما توجعني

_بس شكلج ضعفانه تعبانه

ساره : لا بالعكس مابيه شي ارتاح

_تعالي كعدي يمي

كعدت واشرت الها مشت وكعدت كدامي على الجربايه بقيت اباوع عليها

_اسف ساره حقج على راسي

ساره : ميحتاج تعتذر انت راح تزوجها

_اتزوج منو

ساره : نوره

_بابا انتي شبيج صدك تحجين كتلج نوره تره بس اختي ليش مكبره كل هل موضوع

ساره : سمعتها تحجي بالتيلفون وياك وتكلك شوكت تكول الها احنه راح نتزوج

_هي حتى ماعدها رقم تليفوني

ساره : خلي احمي الأكل واصعده الك الحمام جاهز

_هاي هي مراح تحجين شي

ساره : ما اتأخر عليك

وطلعت بره الغرفه هاي البنيه تخبلت وما اعرف شتريد فتت سبحت وطلعت انشف راسي ولكيت نوره بالغرفه وكتلها

_ها شعندج هنا

نوره :رايدتك بموضوع شويه نسولف

_الموضوع ما ينحجي بالغرف و وحدنه نزلي

#ساره

حميت الأكل اله ورتبته مشتاقه اله بشكل ما ينوصف اريد بس اكعد اباوع عليه واشبع من شوفته كلشي بدون طعم من هو بعيد عني صعدت شايله الصينيه وفتتت للغرفه ولكيت نوره لازمه الخاولي لنواف خليت الأكل على الكاع وايدي وجسمي يرجف ختنكت وكفت مشيت لزمت ايد نوره وطلعتها وسديت الباب و وكفت يم الشباك اباوع وكلت اله

_نواف طلكني

نواف : شنو

_طلكني

نواف : اسكتي ساره فدوه راسي يوجعني

_ اني اكولك ليش مطلكني احسن ما انهزم

احس روحه صارت بخشمه ومشه وكف صار كدامي وقريب كلشي مني وجان ينشف بشعره وكال

نواف : بيوم الي اطلعين بدون شوري وحق الي خلقج اكسرلج رجليناتج الأثنين ولا تضنين حجيي هذا ما اسويه

_اي لهذا طلكني و كوللهم ما اخلف وهل طلكتني

نواف: منو كال اريد جهال ما اريد شي الله اذا رزقني الحمد لله ما رزقني عندي انتي

_ انت الضاهر مكاعد تفهم اريدك اطلكني

تلفت اعصابي من نوره والله اشوفها تتقرب منه متعمده حته حبست روحي علمود ما اشوفها واسوي مشاكل بس مال توصل تفوت لغرفتنه لا ما اقبلها ..وجان فاتت نوره بدون ما ادك الباب وكالت

نوره : ها نسيت الخاولي بيدي

ضحكت ومشت وهي تهز برروحها مثل بنات الشوارع متحملت مشيت ودفعتها بره الغرفه وصحت عليها ونواف لزم ايدي وكلت الها

_انتي شنو اهلج ما مربيج

نوره : لج احترمي نفسج

_انتي الي ما محترمه ولازكه برجلي لزك ما تستحين شنو ماكو احد يلمج اذا ماكو اني اشوفج بنات بغداد شون يلمن امثالج

نواف : ساره صوتج عيب سكتي صوتج عالي

_لا اما اسكت ولا اسكت تعبت تعبت لا تخليني اخيرك بيني وبين ضيفتك واعرفك راح تختار ضيفتك علي وتفضلها علي بس قلبي يحترك كل يوم بسببها وانت تكول ضيفتي ضيفتي على عيني وراسي بس ما اتحمل اسفه لان صايره حمل على الكل هنا هسه اذا تريدها اخذها واني الي راح انسحب من بينكم

جاسم : خيير صوتج ما ينسمع صار اسبوع عبالنه انخرستي خيرج غاليه

_لان تعبت يا ابوعلي تعبت كلش هواي

نوره : والله هاي الحضريه الي جايبها مرت الشيخ تهيني ابيتكم كدام الشيخ وما يسوي شي والله شيوخ تالي وكت

نواف : صوني لسانج لا اكصه الج ولا ابوج يوكف بعيني ولا احد

نوره : شكلها مره الي كامت تمشيك عود شيخ والله شيخ

وضحكت باستهزاء بيه رفع ايده نواف بس اني الي سبقته ولزكتها براشدي طورشت اذنها ريحت قلبي بيها وصحت بعصبيه

_لج ادبسسز ما ممتربايه لسانج اشلعه من مكانه اذا سمعتج تمسين تاج راسج وراس الي خلفوج بكلمه مو نواف الشيخ نواف الي تمشيه مريه فهمتي

حيدر: شهل حجي بنيتي

_عمي والله
بعد ما اسكت بس بنت اخوك هاي تره بدت تتجازو عليه وعلى الشيخ وترضاها عمي تفوت للغرفه واحنه بيها لو تفوت للغرفه وانا مابيها وتبقه لازكه بالشيخ والشيخ نواف محترمها بس لان هي ضيفه بهل بيت وبيت عمها وانا بهاي اذني الي ياكلها الدود اسمعها تحجي ويه احد وانا اضن انه نواف وتلكه يمته نزوج عمي الله محلل اعرف اربعه بس والله تراني اخر فتره قصرت واعترف بقصوري ويه الشيخ بس والله غصب

نوره : جذابه جذابه هسه تريد تطلك من نواف وتكله طلكني وكوللهم انا ما اخلف

رسميه : شنيي منو الما تخلف شهل حجي

نواف : واثاريج تسنطين علينه يا نوره ...ساره فوتي

_افوت لا ما افوت هل بنيه اني ما ارتاح الها وما اريدها تقرب منك

رسميه : بنتي ليش تردين تطلكني من نواف شهل كلام والي يسمع يكول ابني بيه عيب يمه انتي ما تخلفين؟

_ لا...لا والله ماما ما اعرف يا يمه اذا ما خلفت اني اني سامحه اله يتزوج واللله

#نواف

الدموع ترست عينها و تحجي بعصبيه ورجفه اريدها تفوت للغرفه ما تقبلل هسه انا ويني وين هل حجي ومشاكل النسوان بس هل ساره متخبله من نوره انا اعرف نوره خفيفه بس الي ما تفهمة ساره انا ما ابدلها لزمت علياء ساره وكالت

علياء : عمو اني كل مره اريد احجي بس ما اكدر وداعه ملك وغلاة جاسم عندي انا سمعت هماتين نوره تحجي بالتليفون ويه امها وتكللها حركتها وما فاد وخليت نواف يضربها و كلت الها الشيخ اخذ كاوليه امهات المولات وما تفيد لازكه بالغرفه وما ترضى ترجع وانا اخذ نواف اخذه

_ما متربايه اي والله اثاريني طلعت سلعه هل تريد تاخذيني انتي وامج

نوره: جذابه انتي وياها متفقات وتردن تبينن انا ام المشاكل عمو

زينب : لعد وغلاه موسى الي بعده مجاي للدنيا انتي جذابه ومنافقه وانا بعيني شفتج خليتي دوه غير الدوه الي تشربه وتستخدمه ساره وانا كلت الها تذبه وما رضت اله انا الي ذبيته وخليت نبيل يروح يشتري دوه الها جديد من حركتيها

حيدر : بنت الجلب ما الج ضله بالبيت هني ورجليناتج اكسرنها اذا بعد شفتج قريبه من البيت الحين انا اتصل بابوج واكله على سوالفج واشوفنه يرضى بنته تصير خفيفه وتسوي هل سوايه هي وحرمته مامربايه نزلي نزلي

نوره: جذابه والله جذابات

ابوي عصبي صار عليها وما اشوف غير لزمت ساره من شعرها وملختهة هي وايدها وساره ما قصرت هم جرت شعرها سحبت ساره خليت ايدي على خاصرتها وسحبتها والبنات فكو ايدها ونبيل سحب نوره ونوره تغلط وتسب باهل ساره هل غث ساره ورخيت ايدي وما اشوف غير ساره جيتت عليها وراشديات وهلست شعرها وضربتها على وجها وخرتها بسرعه ودفعتها للغرفه وبقت تضرب الباب وتريد تطلع قفلت الباب عليها ونزلو نوره جوه اتصلنه على ابوها وصعدت علياء اخذت المواعين مال اكل وكلت الها كوليلها نواف يكول اذا نزلت راح تنكتل مني هل بقت فوك اجه ابو نوره واخوانها واخذوها حلفتهم ما يمسونها كعدنه كلنه فاتت زينب وكعدت يم نبيل وكال

سيف: اول مره اشوف ساره متوحشه

_والله انا هم اخافن اروح اصعد وتشمرني من الشباج

الي كاعدين كلنه انتهينه ضحك اول مره اشوف ساره بهل عصبيه وهل غيره الي بيها تموت كالت امي

رسميه : والله هل بنيه فكر وجيتها فكر انا كلت ل ابوك يرجعها بس ما رضى ها ارتاحيت هسه

حيدر : يا مره الضيف عيب نطرده

رسميه : انت جنت تعرف بيها مو راحه

حيدر: بسببج جان الكل يكول هل بنيه ل نواف

_بس تعرف اني اعتبرها مثل خيتي وما اخذ مره على ساره ما مقصره وياي بشي ليش اضلمها تحضرلي حته العطر بويه ليش اضلمنها

حيدر: واذا ما رزقت بولد

_بويه هاي قسمه الله ما صارلي طفل ما اكسرها واخذ مره عليها

علياء : حميت الك الأكل غالي

-اشكرج ام الغالي جيبيه خليني اكل

علياء : صعدته فوك

_ انا اصعد لعد ارتاح واكل اي شي يصير صيحولي

رسميه : يمه عليك العافيه لا تزعل

_على شنو يمه ازعل تره انا غلطان بحق ساره وفوكاها مديت ايدي عليها

رسميه : ما ارضى بالطلاك عيب على شيخ يطلك

_يمه هاي خبله بلحضه عصبيه كالتها شبيه مخبل واطلكها خلي راسج بارد وارتاحي

صعدت لغرفتي فتت لكيت ساره توها طالعه من الحمام كعدت بديت اكل واشوفها هي تمشط شعرها ونشفته بالخاولي عضيت صبعي واني اباوع طلعت مكص وكلت الها بسرعه

_اكص راسج اذا فكرتي تطخين شعرج

ساره : ليش

_كتلج اكص راسج اذا كصيتي شعرج

عافت المكص جانت تباوع عليه بعصبيه وبقت كاعده مشطت شعرها وخلت عطر لابسه ثوب ابيض كصير حرك رجلها بعده باين بس احسن من قبل ثوبها دلع غصيت كامت بسرعه وصبت كلاص مي الي شربته وبقت كاعده يمي تشكرت منها خلت خبز كدامي وكملت اكل وكلت الها

_تره ما اطلكج

ساره : راحت

_اي راحت

ساره :اسفه والله

_اني الي اسف لان مديت ايدي عليج هذاك اليوم ريتها مسكوره وما مادها عليج

ساره : اسم الله لا تكول هيج

_حقج علي والي تطلبيه يصير الج بس ما اطلكج

ساره : اي اوكي

وخرت شعرها من ركبتها جان اكو اثار خراميش يم ركبتها وصدرها بنت الكلب ما كفاها حرك رجلها ستغفرت ربي وكمت غسلت ايدي وهي نزلت الأكل وصعدت جاي الي وكعدت اشرب وهي عدلت الجربايه

#ساره

عدلت الجربايه و خليت اله الجاي يم الميز وكفت وحسيته واكف ورايه خله ايده على خاصرتي جسمي كله رجف لزمت ايده بقوه وخر شعري بأصابعه باس ركبتي احس بلحيته الخشنه غرت بس دغدغتني لحيته اويلي على عطره اموت عليه نفسه دافي احس اكو فد فرشات ابطني كامت تصير دارني عليه وتقرب يم اذني كال

نواف : هواي صبرت اريدج كلج الليلة

دارني وباسني من شفتي قبل لا اكول شي وما احس بنفسي غير اني بالجربايه وهو فوكاي باس جرح ركبتي ويم صدري نفسه الدافي لازمني بكل قوته من ايدي بقه صفان بوجهي عضيت شفتي ابتسم بوجهي وصرت اله كلني

#نواف

صارت كلها الي حلالي فتحت عيني الصبح لكيتها نايمه على صدري وخرت شعرها من وجهها احس بفرحه من كل قلبي لانها صارت الي فتحت عينها باوعت علي وكلت الها صباح الخير وبسرعه كعدت ولازمه جرجف وخلته على صدرها بقت صافنه وجها صار طماطه كعدت وكامت بسرعه فاتت للحمام وبقت بيه هواي دكيت الباب وره فتره وكلت الها

_ها اطلعين لو راح تباتين

ساره : ها اي اي روح انت

_ولج بابا اريد اسبح واغسل صارلج نص ساعه شدسوين

ساره :اسبح جوه

_تخبلت البنيه ولج طلعي يله

ساره : لا

_مخبله اني رجلج على شنو مستحيه تره والله اكسر الباب وافوت اسبح انا وياج

فتحت الباب بسرعه وكالت فوت وبعدها لافه الجرجف على جسمها ضحكت وخليت ايدي على خاصرتها وسحبتها بستها خلت راسها على صدري وغمضت عينها بقت ساكته وكتلها

_تره انتي حلالي ما سوينه شي غلط على شنو مستحيه

ساره : شون راح انزل

_وانتي راح تنزلين تكولليهم صار شي بينه خبله

ساره : يبين

_وشون يبين يا بويه انتي اموت على هل حلك انا

وجعصت وجها بست حلكها بقت تضحك و سبحت وبعد فتره طلعت وهي هم فاتت سبحت وبدلنه ونزلنه سوه الكل انتبهو على ربكتها وخجلها هاي البنيه فضيحه بس على بالهم بسسبب نوره امي اخذت ايد ساره ومشت شويه كمت وراها وسمعت تكول

رسميه : انتي ما تخلفين

ساره : لا ما اعرف لا مو هيح الموضوع ن..نور

_يمه موضع نوره سديه تره الي صار هي فهمت كل الموضوع غلط وانا الي جنت ما اريد اطفال لحد ما احس نفسي مرتاح وان شاء الله نرزق وانا كتلج اذا الله ما رزقنه الحمد لله لو ترديني اعترض على حكمه الله

جاسم : وشبيك مثل الحصان بعدك بكامل قوتك والله هل سويره شكلها خلتك تتعب بأولها

وضحك واشوف وجهها صار دم وخلت ايدها على خدها وفاتت بسرعه للمطبخ ضحكنه وطلعنه بره

#ساره

مرت ايام واني وياهم بالبيت واساعدهم كلشي رجع طبيعي بس مرات احس نواف موطبيعي اسئله اذا ضايج من شي يكلي لا بس الشغل يتعب وصدك يطلع من الصبح لحد الليل يله يجي ... اجه بالليل تعشى وكلنه جنه كاعدين فكال

حيدر: ها شني تروح لو لا

نواف : اي بويه ناخذ الي يريد يجي ونكعد هناك جم يوم

رسميه : انا اروحن نكعد غاد اسبوع عشر ايام ونرد لبيتنه

_وين ترحون

نواف : للأهوار

_اجي اجي وياك حباب

نواف : تره اهوار اهوار مو مدينه العاب لو بغداد

_اييي عادي والله عادي حباب اتمنى اشوف الأهوار

نوف : ميصير اله خاطرج طيب

صفكت وجنت مبتسمه الكل باوعو عليه وضحكو فشلت ممصدكه راح اروح هناك والله خلصنه تنضيف وشغل وكل وحده صعدت لغرفتها نواف جان كاعد بالديوان ويه اخوته واني فتت سبحت وطلعت لكيت نواف كاعد على الكرويته يكلب بالقنوات خليت الخاولي على الكرسي ومشيت وكعدت يمه ابتسم اول مشافني حضني وشتم ركبتي كعدني بحضنه ضحكت باوعت اله وبقه يحرك ايده على وجهي وكتله

_ما احس انك على بعضك صاير شي

نواف : لا لتخافين شويه تعب وان شاء الله خير

_تره اني اعرف صاير بيك شي ليش متكلي

نواف : ما اجذب عليج بس مشاكل هواي صايره

_كول يا الله تهون ان شاء الله بس انت انتبه على صحتك تره مالي غيرك بهل دنيه

نواف :ونعم بالله

_احجيلي شصاير ريح قلبك

نواف :انا تهددت

كعدت عدل بسرعه وباوعت علي جسمي كله يرجف وكلت اله

_شنو وليش ما تسوي شي ليش ساكت هل رايح انت للهور

نواف : ولج شقصدج انا شارد لا بس خايف على اخواني يصير بيهم شي

_محد يدري بهل شي

نواف : وانا كتلج بس انتي ديربالج شي يطلع من حلكج

شنو: ديربالي نواف الموضوع مو هين تره هذا تهديد وانت شيخ منو الي يكدر يهددك شنو شصار ليش هددوك

نواف: يردوني اتبع جهة سياسيه معينه وانتي تعرفين نص الي هنا يتبعوني ويعرفون بيه حقاني وما بيوم مشيت بشي مو زين ما رضيت اتبع لكيت رصاصه ورساله بيها اختار جهة سياسيه معينه

_وشراح تسوي انت

نواف :ولا شي

_لاالا اكيد تخبلت من كل عقلك راح تسكت وحياتك مهدده

نواف : ما اشيل احد همي كل واحده عنده هم وابوي مريض وامي هم ف خليني اسكت وانا افكر هل يومين شسوي

_راح تتبع جهة

نواف : لو على كص ركبتي ما اتبع اي جهة ظالمة انا ابن شيوح ودواوين اروح اتبع ناس كتلو نص العراقيين ويردون اصفك ونهوس الهم بدواوينه اله على هل ركبه

بقيت ساكته ما حجيت شي صافنه خايفه شراح اسوي شنو الي لازم اسويه خايفه هواي ومو بس خايفه لا خايفه الموضوع يكبر اذا ابقه ساكته ويصير بي شي واني اموت وراه والله وكلهم راح يلوموني ما يحجي شي لان الكل عدهم عايله واطفال واني ادري ما يريد يصير بواحد بيهم شي وما احس غير ساحبني وملخيني بحضنه بقيت اباوع عليه وكال

نواف: خلينه ننسى كلشي وخليج وياي وهل ايام اريد الضحكه متفارك وجهي

قلبي عصرني هذا جنه يودع بيه بسته من شفته وسحبني وايده على خاصرتي وخر شعري بده يبوس بركبتي والليل كله انا نايمه على صدره وهو يلعب بشعري كعدني الفجر حته اتحضر بديت اجمع الأغراض الي نحتاجها وصلينه ورحنه للأهوار طلعت من السياره اباوع يمنى ويسره ما مصدكه الجو والريحه مال مي والقصب وقلبي احسه هيج مفرفح على المكان مشيت ولزم ايدي بسرعه وكال

نواف : لج اصبري وين رايحه

🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻

هلوووووووووووووووووووووووووووووو شونكم ان شاء الله تمام 🙏

وهل بارت تدللون 😁

شونكم ويه هل اوضاع وهل برد الثلوج الي نازله بالعراق هههههههه😂😂

يوم الأثنين امتحاناتي واذا شويه تأخرت عذروني تمام لوف يو كلكم 🙏😞