رواية عشگ أهل الجنوب الفصل الثامن 8 - بقلم أسيل

# ساره

مرت ايام واني ابيت نواف ما اشوف نواف هواي مرات نكعد ع الغده بالصدفه ... بالبيت وماما رسميه ما مقصره علي بأي شيء وزينب راحت لبغداد وصيتها على اشياء بس كتلها انطيج الفلوس وصعدت لغرفتي ومن نزلت لكيتها رايحه نواف ما قبل احجي هيج وياها اتصلت بيها واعتذرت منها مرات اساعد هند وعليا وتجي ماما رسميه تسحبني وتكعدني وما تقبل اسوي شي وبس توكل بيه وحددو يوم العرس ما اعترضت على شي مراح الكه ناس احسن منهم ولا شخص محترم مثل نواف ما اريد ابقى بوحدي احترم نواف انسان كولش حباب ما احبه بس اعرف مراح يأذيني ما يهمني شيسوي خليه يسوي بس هو حر بحياته بس يكفي اكو احد يحميني دخلت هند وعلياء وزينب و وياهن نسوان وما احس غير لزمني وهاي التحف وهاي التمشط وهاي الي تحني ايدي بقينه نسولف ونضحك كل الوكت ودخلت رسميه وكالت الهن كلهن يطلعن وطلعن وكعدت يمي جنه وحدنه بالغرفه وايدي مربطه وبيها حنه وكعدت يمي وهي تحرك بيدها على شعري وكالت

رسميه : بنيتي انا ردتج من عرفت انج بنت حوريه وخيت حسين الله يرحمهم وصدك وغلاه ابوج واامج ما افرقج عن عيوني انتي راح اعتني بيج وما اخلي الهوة يغثج بس شوفي تراه نواف عصبي بس ما يرضى يضلم احد ويرجع يعتذر لو غلط بحقج لا تقصرين وياه ما لمس حرمه والله شاهد من وفاة فطيمه ولا فكر يزوج وياخذله حرمه كل هل سنين شايل حمل البيت كله وما مهتم لا بنفسه ولا بصحته اريدج انتي تهتمين بيه وتشوفين هل جناين كلهن يحبن نواف ولو ضالم ما حبنه صح مرات يكصى عليهن بس ما يضلمهن يكلي الله يضلم بنيتي لو اضلم بيهن ديربالج عليه هذا عين الكلادة واول فرحتي

_ بعيوني ماما والله ما اقصر عليه كافي انا راح اصير بحمايته ومحد يمسني بعيني اخليه

بقت تسولفلي على كل شي وشسوي بليله الزفه واحس قلبي يريد يطلع من مكانه لا اكدر هل اخليها تسكت استحي ولا اكدر اسوي شي اشتعلت نار ... وباليوم الثاني جانت زفتي وهوسه واجتي هاجر وامها وخلت علاوي بحضني وانا كاعده لبست ثوب ابيض ما رضت عليه ماما رسميه بس والله ما ردت هوسه وبدله منفوشه وتسريحه وهل ترتر والمكياج المخربط كفيت بثوب ابيض طويل على الجسم ردانه خفيفه وخليت شعري مفتوح ومكياج خفيف و بقن البنات يضحكن وهلهلت زينب و ويركصن وجان تكول

زينب :خلن شي على راسها اجه السيد راح يعقد الهم

اجتي نوره جانت تريد تموت من غيرتها هي وامها ولازمه عبايه سوده رادت تخليها على راسي وصاحت هند

هند :يا بومه يا ستار يا ربي شهل فال

علياء :هاج هاج هذا الحجاب

وخلته لون بصلي فاتح وخلته على راسي وغطت جسمي بيه وعقد النه السيد وهلهلن كل النسوان وبعد مده كعد نواف يمي ريحته ترست المكان لابس دشداشه بيضه وغترته وعكاله و عباته لون جوزي ويطك بالسبحه اني بس منزله راسي ما سويت شي وخر الحجاب من راسي وما كدرت ارفع راسي واباوع عليه اشوف النسوان وهن يركصن وهو يحرك خرز السبحه بأصابع ايده بقيت اباوع على سبحته ابد ما يتركها من ايده واجتي رسميه وكالت

رسميه: يمه لبسها الذهب وغيض النسوان فدوه اروح الك

نواف : اسم الله يمه بس الذهب ما يلبس ذهب

#نواف

كاعد يمها وايدها ترجف ولازمه القران بقوه استغفر الله بس اول مره اشوف حوريه بالكاع اريد اضمها بصدري من عيون الناس كلهم ما اريد حتى النسوان يشوفن عليها اريد اغطيها بعباتي واشم عطرها .. نزاكه وجمال وكل شي بيها حلو جسمها مثل الكطن باين واطراف اديها محنايه ريحتها مثل المسك واجت امي كالت كوم لبسها الذهب واضوج النسوان وقصدتها على بنات عمي وانا ضحكت وكتلها الذهب ما يلبس ذهب وهي تنزل راسها الخجل كتلها كتل ...كمت وعلياء اخذت القران خلته على الميز وفتحن صندوك الذهب وكلهن سكتن من شافن الذهب وهي باوعت علي رسميه فاكه حلكها وبديت البس بيها ترستها ذهب من فوك ليجوه ما خليت مكان فارغ بجسمها وساعدني البنات واخر شي طلعت حلقه ولزمت ايدها الي ترجف ولبستها الحلقه وهي هم لازمه ايدي تتراجف بست راسها وطلعت وسمعت النسوان يتهامسن بينهن اني لازم اتركها وجبير واخذتها لان علي دين اخوها طلعت من البيت ومرت ساعات وقلبي كله يمها والديوان مابيه محط رجل والطلق ما وكف وانا ادريها تخاف الطلق .... خلص العرس وودعت الكل رجعت البيت مهجوم هجم ومشت امي وكالت

رسميه : يمه اصعد حرمتك بغرفتك صارلها هواي

_ اي يمه ان شاء الله

رسميه : ع كيفك وياها تراها طريه

_ يمه

وضحكت وصعدت لغرفتي فتت وقفلت الباب وانداريت وشفتها كاعده على الجربايه جسمي كله رجف مشيت الها وكفت ودنكت راسها وشعرها على صدرها لابسه ثوب ابيض حريرثوب نوم ما يستر شي من جسمها كصير يبان صدرها طركاعه مو بنيه الخصر جنه حبه هيل والصدر وركبتها وانا احس برجفتها مشيت وخليتها بحضني وبعدت العبايه على جتفي وفوتتها تحت عباتي لزمت بدشداشتي بقوه اشتميت عطرها من يم ركبتها بويه جنها نهايتي يمها وكلت الها وراسي يم ركبتها ورحت بعالم ثاني

_لا تاخفين مني ما اتقرب الج وائذيج بشي لا تخافين مني لحد ما الله يفرجها

ساره : مراح ....مراح تعوفني

_ لو يخيروني بين الدنيا وبينج اختارج الج

بستها من خدها وغطيتها بعباتي وبعدت نفسي بالكوه منها جسمي ما يرضى يتركها و كتلها

_ راح اسبح وانتي نامي وارتاحي

ساره : بس

_ لا تخافين كتلج وكلمتي وحده ما تصير ثنين

ساره : مو قصدي هذا اني بس اني

_ شبيج يا بنت الناس صاير شي

ساره : اني جوعانه

ضحكت وما كدرت اسكت باوعت الها وحاضنه لعبايه بيدها مدري انا الله يحبني هيج هل دزها الي هل بلوه راح تشلع هل قلب وكلت الها

_ خلي اغسل وننزل جوه غيري لبسج

ساره: اوكي

ضحكتني هل بنيه وفتت سبحت بمي بارد وطلعت وكلت الها يله و اشوفها نايمه كعدتها بس ما كعدت نامت وهي جوعانه نمت على الكرويته وحل الصبح وانا منايم عدل فزيت الفجر ونزلت اصلي جوه خلصت صلاه وصعدت لغرفتي كال ابوي الصبح الريوك يوصل للغرفه ما اطلع ابقه يمها اليوم كله مايدري انا ما مسيتها صعدت وفتحت الباب ولكيتها تصلي مشيت وكعدت على الجربايه خلصت صلاتها وكالت

ساره : اني نمت ما دريت بنفسي

_ميحتاج تكولين شي بنتي

ساره : وين نمت جوه

_ لا على الكرويته ما دريت انتي تصلين

ساره : اصلي من جان عمري عشر سنين

_مبخوت انا والله تصبرين شويه على الريوك لو تنزلين

ساره : لا خلي الصبح نتريك كلنه سوه نعسانه شويه

كامت فاتت الحمام وانا ما دريت بروحي تمددت من التعب على الجربايه ونمت وما يكعدني غير دكت باب زينب كعدت ولكيتها نايمه بصفي ومتكشفه وانا متغطي غطيتها وكمت فتحت الباب ودخلت زينب حطت الأكل على الأكل وكالت

زينب : بعدها نايمه

_انا راح اكعدها خليها تنام شويه لاخ

زينب : يبرد الأكل

_انا مو مشكله تحميه انتي

زينب :خوما تعبتها هذا حجي عمتي

ضحكت وخلت ايدها على حلكها وطكيتها بالسبحه وطلعت وسديت الباب وكعدت ساره وهي توخر شعرها من وجها وباوعت الي وكالت والدموع ماليه عينها

ساره : انا شفته يضحك بوجهي

وضحكت وعرفت تقصد اخوها حسين كامت ومشت الي وحضنتني راسها يم صدري شهل مصباح الي كله خيره ضحكت وكلت

_الله يكمل هل ضحكه

ساره : ما اعرف شون اجازيك

_لا تكولين لاحد ما مسيتج خلي كل شي بالغرفه بيني وبينج

ساره : لا لا والله ما احجي

باوعت علي وايدها بعدها تحضن خاصرتي باوعت بعيونها وخرت شعرها وخليت ايدي يم ركبتها ستحت ونزلت ايدها وكتلها

_يله صبي جاي من ايدج

مشيت وفتحت الشباك ووهي كعدت كعدت كدامها وهي تصب الجاي مديت ايدي بين خصلات شعرها وكلت الها

_ما تضايكن اذا لزمت شعرج

ساره : شوف نواف ق قصدي ش

_خلي بيني وبينج نواف

ساره: م ميخالف شوف صح انت تشوفني صغيره بس اني زوجتك وفضلك هذا ما انساه ساعدتني وغيرك مجان يساعد

_ الدنيا بخير

سحبتها وبستها من كصتها عطرها ترس ريتي بدينه ناكل اكلها جنه اكل طير العصفور وكفت اكل وكلت الها

_خلصتي

ساره : اي شبعت اكلت هواي

_ومن البارحه جوعانه جوعانه وتاليج متاكلين غير ربع خبزه

ساره : والله اني ها معدتي

_مو يمي هاج

#ساره

سوه الي لكمه شكبرها وحلفني اكلها من ايده بالكوه اخذذت عضه منها مكدرت اخليها كلها بحلكي واكل البقيه ومص اصبعه من طخ بشفتي وكال

نواف : عسل

والله شكله راح يجلطني هل شيخ ما انسى حجيه البارحه لي وهو حاضني ومغطيني بعباته ريحته تموت متصورت بيوم احب شيخ وهيج حسيت بدفو وامان الي محتاجته من زمان شنو اني بديت احب هل شيخ معقوله ما ادري ليش متفاجئه اشو حنين وحباب وما بيه اي عيب خلصنه اكل ردت اشيل الصينيه وانزلها ما قبل لزم ايدي وكعدني على الكرويته وشغل التلفزيون وانطاني الريمونت وكال

نواف : خليج كاعده لا تنزلين اليوم كله

_ليش

نواف : لان اني كلت هيج

_ لا والله عيب اني احس روحي هنا اميره كل شي ما اسوي البنات هم تعبانات

نواف : تراج اميره انتي ما كلتي شي غلط وثانيا هاي تقاليدنا ما نطلع من الغرفه اليوم

_ مممم زين

مرت ساعات هو كاعد واني خلصت فلمين نعست وشفت شديسوي هو مديت راسي وجان مدري شيصمم بالحاسبه وهو بصفي وكتله هاي شنو باوعت عليه وجهي طب بوجها باوعلي بسرعه ابتعدت وكال

نواف : اصمصم

_ شنو شون تعلمت

نواف : تره اني مهندس معماري

_شنوووو

نواف : شو متفاجئه ولج

_ لا مو مو قصدي بس ما جنت اعرف اسفه اسفه كمل

فشلت بس والله ما جنت اعرف هومهندس والله فسد الحاسبه واندار عليه وهو يطك بالسبحه احب هل حركه واصابيعه من تحرك الخرز باوعت على لحيته تخبل بيها شيب نزلت راسي وهو رفعه بيدها وكال

نواف : باوعي بعيني واني احجي وياج

ما اكدر بس بالكوه رفعت راسي و باوعت ضحك وكال

نواف : حقج تتفاجئين شوفي بكل سهولة اكدر احجي بغدادي تره عشت هناك نص عمري ببغداد دراستي شغلي تعبي كونت نفسي بس اني اصلي منا وهنا مو عبالج معدان يعني لا نكتب ولا نقره نبيل تره اداره اعمال وسيف صيدلاني وجاسم مهندس كهرباء وابويه مدرس

_اني مو قصدي مجنت اعرف ان انت دارس

نواف : اي واني كتلج شتريدين تعرفين بعد

_ مممم شنو شغلك شجنت تشتغل انت وحسين

نواف : ب الأراضي الزراعيه ونص المزارع والحلال هنا من نصيبنا و عقارات بيع وشراء الأراضي الزراعيه والتجاريه يعني شغل بيوت وهل سوالف

_مجنت اعرف بهل شي زين اسئلك شي وما تزعل

نواف : كولي ما ازعل منج

_ نوره انت تحبها

نواف : اي احبها

#نواف

شفت وجهة ثكل ما حجت شي وياي وكعدت عدل تعدل بشعرها كلبت القناة اكثر من مره وترجعه على نفس القناة كامت تلوب عدلت ثوبها جان تكوم ما كدرت تبقه كاعده ولزمت ايدها وسحبتها ضحكت وكعدت على بصفي وجسمها لزك بيه باوعت عليه وكالت

ساره : ما انزل بس ختنكت اوكف يم الجامه شويه اشم هوة

_من اكلج كومي كومي

ساره : اي اوكي تمام

_اني اي شو ما كملتي اسئلتج

ساره : لا ما عندي خلصت

_انتي غرتي

ساره :لا ليش اغار

_ لعد وغلاه ابويه انتي غرتي و انتي تحبيني

ساره : لا ما احبك نوره تحبك

وكلت الها بسرعه من شفتها نقهرت وشفتها كامت ترجف

_تره احبها مثل اختي ونوره حارمه عليه مثل ما تحرم علي خواتي انتي حلالي وبس تعالي

#ساره

سحبني ونيمني على صدره بقيت ساكته ما حجيت شي بس راسي على صدره واسمع دكات قلبه جسمه دافي نعست والله احب ريحته ما اعرف مو قويه ولا خفيفه رفعت راسي وشفته نايم تحركت ردت اكوم بس ضغط بقوه على ضهري وهو حاضني وكلي بصوت دافي

نواف : خليج هيج على صدري لا تتحركين نامي شويه

ضحكت وغمضت عيني ودفنت وجهي بصدره نمت ما حسيت على نفسي الا من اندك الباب وسمعت صوت جاسم

جاسم : الغالي المعرس محتاجيك بشغله

نواف : هلا اجيت

جاسم : منتضريك بالديوان

نواف : ان شاء الله

كمت اريد اكعد وسحبني من ايدي وبقه حاضني وكال

نواف : تراني ما كتلج كومي

_ م.. مو... رادك جاسم

نواف :اي فدشويه اكوم واريدج تحضرين دشداشتي

_م ..... ميخالف

نواف :اكلج ساره

_ نعم عيني

باوعت عليه رفعت راسي وما احسه غير ساحبني باسني من شفتي من كل قلبه وجان يسحبني على صدره بكل قوته باس ركبتي وكام فات للحمام وكعدت مدري شسوي احس نفسي صخنت اريد اكعد ما اكدر احس جسمي نشل عدلت شعري وبسرعه حضرت اله دشداشته وطلع من الحمام مكدرت حتى اباوع عليه كلبي يرجف ردت افوت للحمام وصرت قريبه منه خله ايده على خاصرتي وكف كبالي باوعت عليه وباس خدي وكصتي لحيته رطبه وشعره ينكط مي وريحته يمه تموت وكال

نواف : تره انتي مرتي ميحتاج تستحين مني

_ اني مو هيج ما ..ما مستحيه

نواف : لا تجذبين تر فاهمج اكثر من روحج

🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻

هلوووووووووووووووووووووووووووووووووووووووووووووووووووو
🙈
بارت جديد وخفيف يارب يعجبكم 🌚

اخيرا خلصت كل التقارير بقه عندي بس بحث التخرج واخلص💃💃💃💃

وشونكم ان شاء الله بخير يله هواي لغيت باي ع البارت الجديد 🧗‍♂️🧗‍♂️