رواية عشگ أهل الجنوب الفصل الثاني 2 - بقلم أسيل

_شون تركبين ويه وادم ما تعرفيهم

ساره : بس اني اعرفك انت صديق حسين كل مره ترحون وترجعون سوه وهو حاجيلي هواي عليك

_زين  اذا الحجي هيج كون ما جاب سيرتي بالشين

ساره : لا والله اصلا يكول انت احسن واحد بأخوانك

سيف :ايا جحش واحنه شمالنه ما نملي عينه

ضحكت من صدك هل بنت لسانها طويله بس تنحط بالقلب وصلنه للبيت جان حسين بالباب واكف واول مشاف السياره مشه النه وهي نزلت وتركت عبايتي وشيلتها بالسياره وركضت ل اخوها وجانت عصبيه

ساره :شنو اشو عفتني بعدها مجايه  مرتك وانت نسيتني وثانيا انت صدك جحش ليش ؟

حسين :ولج ادبسسزز شهل كلام شنو جحش شعلمج على هل كلام

_عيفها (عوفها) ولك سيف  كالها عليك متقصدك سيف الي علمها جي انا طلعت احسن اخوتي هل عصب عليك

ضحكنه وهي واكفه وره اخوها بين لحظه وثانيه اخطفها بنضره وهو يكلي

حسين :ما انسى فضلك بزودك هي حلالي صارت

ساره :شنو جحش

حسين : ولج صمي حلكج

ساره : والله مو اني هو كالها شنو معناها غير افهم

حسين: يعني انا حمار صغير

ساره :والله ماكو غيره الحمار

والله ما سيطرت على نفسي من الضحك وسحبها حسين للبيت وهل دفعها ورجع يعتذر وانا مخنوك من الضحك سلمت عليه وحطيت بجيبه هديه عرسه  وسيف واكف بعده ما مستوعب اخت حسين غلطت عليه وحلفته ما يمسها بكلمه و اتكلنه على الله وصلنه للبيت نزل سيف تلكته مرته بالنكره نزلت من السياره واخذت عبايتي وصعدت لغرفتي البيت كله نايم شمرت العبايه على جربايتي دخلت اسبح وبدلت شفت شيلتها بين عبايتي ليش كمت اتخايل وجهها شجاني ولو انا متزوج جان الحين هي بكد بنتي شميت الشيله وبيها ريحه الجنه استغفر الله خليتها على الكرسي و تمددت وكل بالي يمها وشون حسين يرضى عليها تطلع هيج بين الوادم والله اطك ضهرها  لوهي اختي احنه مو بغداد دهر اصابها على هل جمال جنها امها حوريه اتذكر جمالها جان يحجي بيه السلف الله يرحمها

#ساره

مرت اشهر طوال  هاجر فدوه ل الله تموت على حسين مدللته عرفنه بيها حبله الكاع  ما لمته كام يوزع فلوس على المعتازين  وذبايح واليوم راحت هاجر لبيت اهلها  كالتلي اروح وياها بس ما رضيت بقيت بالبيت واخذها حسين وكلي عنده شغل  وراح يرجع من وكت وبقه يوصي بيه اذا محتاجه شي مللني وهاي ديربالج من الطباخ ولا تفتحين لباب لغريب باس راسي وحضني وطلع بقيت وحدي بالبيت فارغ  سويت اكل وهل مر الليل والوكت تأخر  حسين ماكو يعرف بيه اخاف اضل وحدي ليش ما اتصل تصلت بيه اكثر من عشر مرات واخاف اتصل على هاجر ويضل بالهة يمه وهي حبله سكتت بقيت اكل بروحي ومكابله الباب هسه يفوت هسه يفوت وغفيت على الكرويته وما اسمع غير الباب يندك وصوت ناس اني جفلت وكمت بسرعه فتحت الباب واشوف نواف كدامي جفلت من شفته كل بالي هذا حسين ونزل راسه ودفع الزلم ليوره وكال بعصبيه

نواف:ستري جسمج يا مره

نسيت شلابسه وبسرعه صعدت اخذت اول عبايه ل هاجر كدامي اني متعوده على هل لبس بالبيت شمعرفني بهل وقت راح يجي نواف ونزلت اله شكله تعبان  ومشيت جسمي كله ثكل وكلبي ما مرتاح رجليناتي كامن ما يحملني وكعت بالكاع كتله

_حسين صار بيه شي

نواف :عظم الله اجرج واحسن الله عزاك الله يرحمه ويغفرله الله يجبر بخاطرج بنيتي

#نواف

طلعنه من الصبح انا وحسين بالشغل مرافكني بكل طلعه هل زلمه حزام ضهر جان يسوق هو ومارضى انا اسوق سئلته

_ولك حسين ليش ما ترضى اسوق واله انت تره ماكو تعب

حسين :لا والله يا تعب شيخ انت سياقتك ترعب الوادم واخاف هل اموتن وانا وياك وبعدني بعز شبابي خلي اشوفن فريخي عليوي

_وانت متأكد راح يجك وليد

حسين : الي يجي من الله نعمه دامه بصحه وعافيه

_الله يرزقك  وليد الي يرفعلك راسك والله اكلك حسين اختك ساره لا تخليها هيج تطلع بين الناس والله عيون الناس تاكل وادم وخيتك بعدها صغيره

حسين: والله ياشيخ هل سويره بنت دلال انا ابوها وامها واخوها هل دللتها هسه شفت الضحكه على وجهها خليها تلبس الي يعجبها ما همني الوادم دامها مو حزينه لو مريضه

_انت ماتخاف عليها والله ينهبونها منك اذا عفتها بهل طريقه وهل حريه

حسين : امرك يا شيخ راح احجي وياها على لبسها من تطلع

_احسن الها والله خوفي عليك وعليها هل كتلك هيج هي بعد خيتك وانت ادرى بمصلحتها ومن تزوج تفك منها

حسين: والله يا شيخ انا ما ارضى على شخص اذا ما يكون من طرفك ومنك وهل تعرفه وتوافق عليه ويزيدني شرف تاخذها لك حرمه واخلص منها

_ولك حسين بكد زري شاخذ منها

حسين: تره شيخ بعدك بشبابك وتكبرها ب 16 سنه

_وما كايل شي بكدر ابوها انا اسكت وانتبه على الطريق لا تكتلنه انت النوب

حسين : ما كتلي شيخ شصار بولد محيسن

_انطيتهم هل جم يوم يدانشون الموضوع براسهم ويصير خير

وما حسيت اله حسين هل جيت علي وخله ايده حولي فتحت عيني بس اريد اعرف شصاير جاسم ونبيل وسيف يركض ويطلعوني من السياره  الي نكلبت  بينه كمت على حيلي وطلعنه حسين غارك بدمايته حملته واحس جسمي متكسر وحسين ينزف ومو بوعيه خذيناه للمستشفى بالطريق

حسين : س سا

_اسكت رحمه لوالديك حسين وصلنه خويه

حسين :ساره امانه بركبت ك حلالك خليها ح حرمه لك

جاسم: اسكت لا تحجي زايد راح ترد بخير وعافيه

حسين :هاجر و وليدي

_اسكت والله والله  امانه عندي ارتاح ولا تخاف  وصلنه ماضل شي

شخر بيدي طلعت روحه بين اديه وراح  لربه وحك الي نزل القران لأخذ ثارك مربع ما حسيت بروحي بعدين وين رحت وصرت و وره ساعات كمت على حيلي طلعت المغذيات من ايدي وسيف كاعد ونبيل اشرت الهم يسندوني لاكعد وثنينهم كمزو يبوسون بيدي وراسي ايدي مجبره وراسي مشدد وكتلهم

_جاسم وين

سيف: بره

_وحسين وينه

نبيل: الله يطول بعمرك  خويه الله الي ياخذ والله الي ينطي اخذ امانته الله

_لا حول ولا قوه الأ بالله العلي العظيم خبرتو احد

سيف :لا بعد انتضرناك تكوم بالسلامه ما تصرفنه

دخل جاسم وعيونه تغورك بالدموع ومشه حدري وباس راسي

جاسم: الله يديمك نعمه النه

خليت ايدي من حوله كام يبجي وضربته على ضهره وهو يمسح بدموعه

_الزلم الخشنه ما تبجي انا بعازتك بحيلك وقوتك

غوركت عيوني بالدمع انا اريد اواسي وقلبي محروك بس الشاهد الله حسين موش اي زلمه هذا حسينه ربيته على ايدي حسين هذا يستاهل البجي كمت وغيرت لبسي وطلعت من المستشفى كلت لجاسم يخلص كل امور حسين ورجعنه لديرتنه وطلبت من زلم الديره كلها تلتم بالديوان ودخلت ونبيل وسيف بضهري كعدت والكل تعاين علي وكلت

_والله مابيكم خير وزلمه ووكلكم مو بأهل ولايتي اذا ماجبتولي كتال حسين وحق  الي خلقني وخلقكم ورب العرش الفوك هل خاين اذا كضيته لاخليه عبره لكل من اباله يخون شيخ بني **** الشيخ نواف الي ما كصر وياكم بشي الي حلاله حلالكم الي ما دك بابه محتاج ورده هل تغدرون بيه وترغبون بكتلي بس وحق عرش السمه لاخذ ثار حسين مربع ودم بدم اسويها عليه بس اكضه

كلهم يصرخون تبشر ياشيخ مافتت للبيت الوكت متأخر رحت لبيت حسين دكيت الباب والزلم كلها وراي فتحت الباب هل مره  والله هاي  راح تجلطني واكفه تباوع علينه وجسمها مفضوح كدام  الزلم لابسه ثوب اسود مايستر منها شي كل جسمها مبين صدرها زنودها وكصير وشعرها مهدود نستني كل وجع قلبي شعرها منثور على ضهرها وصدرها جنه حبات رمان وجسمها يلج والثوب هي الي حلته وهو قماش اسود وكتلها
ستري نفسج يا مره ركضت بسرعه ونزلت الدرج وكبل لا توصل الي كعدت كمت احسها ما تكدر تمشي على الكاع وكالت

ساره : حسين بيه شي

عزيتها وهي تباوع علي نزلت دموعها ضربت على صدرها مره مرتين صوتها ما يطلع وصرخت بس شافت هاجر الي مفرعة وامها تغطي بشعرها هاجر وجهة كله مخرمش فاتن نسوان نبيل وجاسم وسيف هند زوجه سيف و علياء  زوجت جاسم زينب زوجه نبيل كمشت زينب وكلت الها

_لا تركينها بروحها تروح تسوي شي بنفسها واستريها الله يستر عليج الزلم كلها تعاين عليها خليج يمها واي شي تعوزيه كوليلي

🧊🧊🧊🧊🧊🧊🧊🧊🧊🧊🧊🧊🧊🧊🧊🧊🧊

هاي 🙋🏻‍♀️

كل عام وانتو بالف خير ولو هي معايده متأخره بس ميخالف سامحوني 🌙🌻🖤

لا تنسون بليزز فويت وكومنت  🤗