عشگ أهل الجنوب الفصل التاسع وثلاثون 39 - بقلم أسيل

ملاك:عمو هاك عصير حامض لان ضغطك منخفض وعمو ما نعيفك واذا ابوي يريد يروح خلي يروح انا ما اتحرك بس انا من بجيت مو خايفه منك خايفه يصير بيك شي وساره تزعل انت وعدتها راح تهتم بيها هي كالت الي انتبه عليك وما اتركك بروحك وانت ما ترضى تاكل اله اكلها والله اذا ما اكلت شي افضحك انا كتلك

جاسم:انا كتلك مثل امها ما اكدر الها

ضحكت خلتني اشرب عصير كله وجابت لفه الي ولابوها وجاي ضحكت بانتصار اتخيلها علياء بمزج شويه من صفات تبارك بصغرهن الدكاتره تاخرو شويه ضليت بقلق كل شويه اعاين على الساعه اجه ايفان هو وسمر واحمد سلمت عليهم وضلو يسولفون وعيني على الباب مال غرفه عمليات وكال

ايفان:لا تزعلها مره ثانيه صدكني اني زعلتها مره وخسرتها طول عمري ولهذا يومي ما اكدر ادخل وحده بحياتي ولا افكر بوحده غيرها

_أبد والله نذر عليه بس ترجع الي بخير وعافيه ما اكسر قلبها ولا ارفض طلب الها الي تريده انا انفذه الها بيدي انا حلفت بعد

ايفان:كفو منك

طلع الطبيب كمت وابتسم بوجهي بس ابتسم وكع مي بارد على قلبي وكال

ايفان:ابشر دكتور بلاسم ؟

بلاسم : تمام بخير وسلامه بدون اي صعوبه بس منتضرين تكعد ونتأكد ميه ب الميه من صحتها

حضن جاسم الدكتور ضحكت وجانت هل ضحكه من كل قلبي حضنت ايفان واتشكرت منهم هواي وملاك تحجي ب التليفون وتضحك وتبجي من الفرحة وعرفت بشرت اهلي بالموضوع وره شويه طلعوها من غرفه العمليات راسها مضمدينه ولافيه بقيت اعاين عليها لحد ما وصلو لغرفتها ومرت ساعات منتضرها بس تفتح عينها كمت وكفت يم الشباج غطيت ملاك وجاسم خطيه ملاك نايمه بحضن ابوها والله حجزت اله بالفندق وما قبل يروح بس سمعت صوتها المبحوح تكول بالكوة

ساره:ن...نواف

كلهم فزو بس سمعو صوتها وهو جان نااصي بس كلنه بالنه يمها تقربت الها بسرعه لزمت ايدها وكالت بتعب وصوت مبحوح

ساره:اريد مي وين سعد

التفت لجاسم طلع صاح الدكتور شربتها مي بالقصبه واجوي الدكاترة بسرعه وهي بدت تصحصح بس بعدها تعبانه وبدو يفحصون ايدها ورجلها ويكلولها حركي اصابع ايدج ورجلج وسئلوها كم سؤال وعافوها ترتاح وجانت بخير وعافيه وابتسمت بست اديها خفت من صاحت باسم سعد بس كال الطبيب بعدها تحت البنج وهاي مر يومين ساره تحسنت بشكلٍ طبيعي بس متسيطر شويه على اعصابها والدكتور كال هل شي طبيعي بس يحتاح إلها تمارين كل يومين جاسم رجع لبغداد هو وملاك كتله خلي تبقه يمنه ملاك على الاقل نطلعها نونسها شي كال لا يحتاجونها بالبيت هذا الحجي كبال ساره صار وبعدين سحبني كال ابوي دخل المستشفى حالته مو مستقره ردت ارجع وابقي هنا مقبل بعدين فهمني ساره محتاجتني وابوي مذمم عليه ما ارجع بدونها وامي ما ترضى ارجع واعوفها لساره كالت كلنه يم ابوك بس منو يمها لساره ضليت كاعد كبالها وهي انطوها ورقه وقلم طلبو منها تمشي ع خطوط وجنت اكتب ويه جاسم دزلي صور ابويه جان تعبان كلش وحجت ساره وياي وسديت التليفون جان تكول

ساره:شوكت اطلع ضجت

_ها بدينه

ساره:ملل حطك من الملل

_تره بس تخلص الفحوصات ويطمنون ميه بالميه راح تطلعين

ساره:وشوكت تبلش تفحص انت

_بمناسبه هل موضوع

ساره:هذا هو وعدتني معليه بعد ماكو اي تأجيل ليش احس الخطوطه الي طلبو مني ارسمها عبالك خريطه مال بيت شنو هسه شوكت تروح بس يجي ايفان راح اكله

_مابيه اي شي

ساره:اهوووو نواف لا تقهرني

_كتلج مابيه شي لا مريض ولا شي سويت هيج حته تقتنعين وما اريدج تعوفيني

رفعت راسها بقت تباوع بعيني جانت مبتسمه بس راحت ضحكتها وكالت

ساره:والله يعني جذاب مابيك شي

_اي والله وداعتج وغلاه عيونج مابيه اي مرض مابيه شي بس ردتج تسوين العمليه والفحص لان ادري بيج راح تعاندين

نزلت راسها وكملت الخطوط وداست دكمه حته تجي الممرضه مدت ايدها تصب مي بس انا صبيت الها وخليته بيدها جان ادير كلاص المي بالكاع و وكعت الكلاص وعينها بنص عيني وعرفت راح اسوي هل شي راح تبدي وياي الحرب البارده مشهوره بيها هي وحسين الله يرحمهم بهل صفه رجعت ليوره اجتي الممرضه طلبت عامل النظافه حته ينظف الكاع وهي بدت تفحص فاتو بقيه الدكاتره وكالو الها تكدر تطلع بس يفضلون تبقه بعد كم يوم وهي رفضت حاولت احجي وياها بس متباوع بوجهي كملنه الاجراءات والحمد لله كل فحوصاتها بخير صعدت بالسياره كلت الها

_خلي نروح ناكل يم شيف

ساره:رجعني للفندق

حجت بعصبيه وما ردت اضغط عليها وصلنه وره دقايق بس فتنه دك تليفونها وجانت سمره جاوبت بفرحه وكالت

ساره:اي اي اجي وين شوكت وصلتو لا اكيد اجي ضايجه وحالتي تحسنت ف اغير جو صدك يا مطعم اي راقي سمعت عليه اكو حفله ماشي ماشي لا ما ماخذه ثوب بس حلبس شي رسمي مرتب ماشي حبي ماشي اي راح اكله اكيد اجي

سدت التليفون وبقيت كاعد على الجربايه فاتت سبحت وكعدت تنشف شعرها وضليت اباوع وهي تخلي مكياج وترتب بشكلها بطريقه احس قلبي ينحرك وكلت

_وين رايحه؟

ساره :سمره وعمر هنآ عزمونا على عشه بمطعم وبيه امسيه كالت حلو وعاجبني اروح

_ومنو كال اقبل ترحين

ساره:ما منتضره موافقتك ميعجبك تكدر اطلكني لو ترجع العراق وتعوفني تعودت

_اها الي يعجبج سوي بس ما ترحين بدوني

فتت سبحت بسرعه وغيرت لبسي لبست قاط لون اسود وقميص ابيض رتبت لحيتي جنت اخلي عطر وطلعت من الحمام اشتعل جدها على هل جمال والاناقة طلعت بثوب اسود وصايه لون قهوائيه وحجابها هم مخليه مكياج بسيط وشفتها تلمع و عطرها ترس المكان احتاريت البس رباط لو لا بس طك قلبي مو مال اخنك نفسي برباط ولبست ساعتي والحلقه وطلعت من الغرفه واني وراها صعدته المصعد وهي كل شويه تأفف افتهمت قصدها شبيها وسويت نفسي ما منتبه وطلعنه من الفندق وجانت سمره و عمر بالباب وصوفرت سمره لساره وضحكت تحمد على سلامتها وجان عمر لابس ستره وبنطلون عسليات و قميص اسود وكاشخ اخر كشخه ضجت منه وسلمت عليه بدون ما احجي كلمه وياه ومد ايده لساره حته يلىسلم عليها لزمت ايدها وضحكت بالكوة مسيطر على روحي وما ادفنه وساره و سمره يسولفون ومندمجات واني وعمر بالكوة طايقه وصلنه للمطعم بالكوة كاعد على اعصابي وهو ما نزل عينه منها دك تليفوني جاسم وكمت بسرعه وخليت ايدي على جتف عمر وضغطت كل قوتي اذيته وكملت مشي وره دقايق رجعت وهي عينها ما نزلتها مني رجعت كعدت اجتي بنيه حته تشوف شنو ناخذ اكل ابتسمت بوجهي التفت على ساره وكلت الها

_شنو عاجبج تاكلين حبيبي

سمره:اوووووي شهل لطافه

ساره:اي شي مو مهم

_حبيبي عدهم شوربه فطر نفس الي تحبيها وكلش اكلهم هنا طيب و اطلب ألج وياها ستيك لحم و وياها ماش بتيتو ؟

ساره:بكيفك

_وعصير برتقال

ساره : I beg your pardon can you take your eyes off my husband's chest you bother me
(ميخالف تبعدين عيونج من صدر رجلي انتي تزعجيني)

حجتها بنبره عصبيه اعرف بيها لغتها زينه بالانكليزي بس ما سامعها تحجي من قبل فبقيت صافن عليها ومبتسم فشلت البنيه فشله بحيث كامت تنطي الوان وسمره بالكوه ضامه ضحكتها وعمر بقه صافن عليها فهم هي تحبني وتغار عليه طلبت الي اريده والها هم وراحت البنيه وطكتها سمره بضحكه وبقت ساره منزعجه بقينه نسولف وناكل ونضحك لطفنه الاجواء استأذنت منهم فتت للحمام غسلت ودفعت الحساب ورجعت كعدت تأخرت شويه لان حجيت ويه جاسم كتله بعد اسبوع راجعين لان ساره عدها جم فحص وكعدت بصفها شربت ساره كل العصير بس اكلت قليل ضلت تهز رجلها تاخر الوقت وكالت سمره نرجع لان ساره تعبت كمت طلب عمر الحساب وكتله

_دفعت الحساب

عمر:لاااا ما اقبل

_وانا شعليه بيك قبلت لو لا هل مره عليه

سمره:ميصير غير احنه عازميك

_على المرات الجايه

عمر :ما اقبل بهل شي

_هل شي راجع الك ههه على المرات الجايه عود ادفع انت

سلمنه عليهم وحسيت بانتصار من زعجت عمر ورجعنه للفندق مرت ساعات ساره كاعده تلوب ما ادري شبيها وكالت

ساره :بس نرجع للعراق طلكني

_ش..شنو ؟

ساره :انت حلفت و وعدتني اي شي اطلبه اني راح تنفذه الي واني طالبه هل شي منك اريد تطلكني

_ليش؟

ساره:ما اكدر اطيقك ولا اكدر اثق بيك وما احبك

_احد دخل قلبج

ساره:وداعه سعد لا بس اني اريدك تطلكني هل شي يريحني وارتاح منك ما اكدر اطيقك وانت كبالي وقريب مني انسان جذاب وخاين وما تستاهلني

_ماشي اعتذر منج

ساره:وفلوسك اردهن الك

_ما يحتاج انا ما اريد منج شي دامج ما طايقتني وما رايدتني حقج هل شي بس ساره تعرفين بيه انا احبج وطلبج مو هين علي ادري بيج عصبيه

ساره:اطلكني ما اريدك شنو غصب هو اني ما رايدتك كارهتك انت ترضه وحده تضل جوه غرفتك مغصوبه وما تحبك

_ل..لا

كمت وتعثرت سحبت سترتي وطلعت وقبل لا اطلع كلت الها راح اشتم هوه وارد واحس روحي تريد تطلع من غبنتي

#ساره

ما اعرف بس ضجت من هيج سوه كلش غثني والله هذا مراح يتغير ما طول اني كل مره انطيه فرصه وهيج مسترخصني ويضحك عليه يريد بس يريح ضميره هل كاعد يمي ويسوي نفسه مهتم نوب متعمد يطلع نص صدره والبنات كلهن صافنات عليه ويتلوكن كباله ويعرف اني اضوج من يفتح الدكم متعمد يزعجني ويكعد ساعات ساعات يحجي بالتليفون من راح جاسم والتليفون ما نزل من ايده مرات اشوفه يحجي بالبالكون ويضحك ومرات عصبي اكيد لازم وحده جديده ويغار عليها وضال هنا حته يريح ضميره طبني مرض كل هذا من ايدي انا الي رجعت وحيل بيه سميت بدنه بهل كلام وطلع بس طلع ضليت ابجي وقلبي محروك ضليت كاعده تأخر الوكت طلع الصبح وهو ما راجع سمعت الباب نفتح وسويت نفسي نايمه اسمع خطواته على كيف يقترب دنك وباس راسي وحسيت بيه كبال وجهي بده يتلمس وجهي اصابيعه ثلج بعدها وكام تمدد على الكرويته مكدرت انام دك تليفونه وره دقايق فز بسرعه اي طبعا مكالمه مهمه طلع بره البالكون كمت ضليت اباوع عليه وعصبي ما أكدر اسمع شنو يحجي فتت سبحت ضليت جوه المي الدافي سديت المي نشفت شعري وطلعت جان كاعد لا هو نام ولا اني بس هو مايدري اني كاعده فكال

نواف :صباح الخير

_هلو

حجيتها من وره خشمي وأخذت ملابس الي وبدلت بالحمام وطلعت بقه يباوع عليه لبست جينز عريض وبلوز ابيض و بوتين ابيض كعدت امشط شعري على كيف اخذ ملابسه وفات للحمام واتصلت بسمره بما ان هي خبيره بهل سوالف

_هلو اسفه بس لا كعدتج

سمره:لا بالعكس ماكو اي ازعاج اصلا كاعده اطلع اتريك بره الفندق

_لعد تمرين عليه حته نروح نتسوك عاجبني اشتري هدايه للبنات وعمتي وعمو

سمره :لعد حظري نفسج اقل من نص ساعه يمج عمر راح يجي لان المكان بعيد

_اي عادي

سمره :ونواف خلي يجي

_ما ادري اشوف اذا مو مشغول اكول اله

نواف:ما عندي شي

سمره :اوكي خلصي لعد باي

_باي قلبي

ميقبل اروح وخاصا اذا الطلعه بيها عمر ينزعج بديت اخلي مكياج تعمدت اخلي حمره غامقه مارونيه وكحلت عيني مدري ليش تذكرت من جنت اخلي كحل هو يضل يباوع عليه ويكلي تعذبيني من تخلين كحل لعيونج نضراتج تكوم تهجم بيت الي ما ينهجم ويضحكني وشفتي يتخبل من اخلي حمره يكلي بس انا اعاين بس الي خلي بس هل مره اله ائذيه شون ما اذاني ولفيت الحجاب برخاوه بحيث شعري وكذلتي مبينه ردت اطلع لزم ايدي ومدنك راسه وكال

نواف :خففي حمرتج ولفي الشال عدل

_شعليك انت اول وتالي راح نطلك وحته الحجاب انزعه

نواف:ساره بعدج على ذمتي حاليا لا تسوين هيج

_اهوووو شوكت اخلص منك وخر ايدك لا اطخني بعد وتزعجني

بعد ايده وطلع مستحيل افكر انزع الحجاب بس ردت اغثه وهمزين مسحت الحمره لان مبينه طالعه لحفله مو ريوك لبست جاكيتي حسيت بدوخه بس يمكن ما ماكله ومنايمه وطلعت من الغرفه اتمشى واكف بنهايه الممر يدخن طفه الجكاره بس شافني ضحكت ب استهزاء وصعدت للمصعد ومرت ساعات اني متجاهلة نواف ونسولف ونتسوك اني وسمره احس عمر ونواف مندمجين بالسوالف وكل ما يباوع عليه أدير وجهي منه دك تليفونه واستأذن وكام وطلع بره المطعم يسولف بقيه يسولف عصبي وبعدين ضحك التفت عليه وضل يباوع كمت بسرعه واحس النار شبت بصدري مشيت دخت مره ثانيه لزمت بسرعه بالحايط فتت للحمام غسلت وجهي وايدي وطلعت وصار بوجهي وكال

نواف :بيج شي

_لا

عفته ومشيت ورجعت كعدت بديت اكل وشربت جاي وحليب وكال

عمر:ناويه تكملين دراسه

_اي راح أقدم على جامعات بغداد وبس اخلص ادرس ماجستير بالخارج اشوف يا دوله لطيفه تستقبلني

سمره :ونواف وينه بالموضوع مناويه ترجعين تفكرين بطفل

وكعت الخاشوكه من ايدي وضربها عمر على كصتها وخلت ايدها على حلكها وضلت تعتذر من عندي واني بقيت صافنه بالماعون استأذنت منهم وكلت الهم لازم ارجع تعبت شلت الأغراض ساعدني نواف وسلمت عليها ورجعت للفندق الطريق كله اباوع بره الشباك مال سياره رجعنه للفندق نواف كال نغير المكان نروح لمكان قريب على المستشفى وما رفضت هل شي عاد جمعت اغراضي ورحنه للفندق جان قريب على الجبال والشلالات فتنه الجناح جان كلش جبير جربايه كبال المي المكان يجنن وحسيته متعمد جابني لهل مكان لان يعرف بيه احب الطبيعه سديت البردات متعمده اخذت ملابسي فتت سبحت وطلعت الوكت متأخر تمددت وما كدرت انام جان نواف مو بالغرفه وره شويه بقيت اباوع عليه فات سبح وتليفونه ما سكت من الرنين طلع من الحمام وكال

نواف :صار شكد من يدك ليش ما كلتي الي

_واني شعليه هل شي ميخصني

وطلع بره اخذ باكيت جكايره ولابس بجامه سوده وتي شيرت رصاصي وضل بره يحجي بالنص ساعه يضحك ويسولف بالبالكون مجنت أتصور المكالمه هيج مهمه اخذت عقله وبهل برد واللبس وهسه طالع من الحمام واني شكو اهتم بيه اني شعليه هيج وفات خله تليفونه على الشحن وكمت بسرعه ما كدرت اصبر وسحبت التليفون من ايده وضربته على صدره مره مرتين والثالثه صحت بيه واعصابي تلفانه

_جان اتصال النسوان هلكد مهم بالنسبه الك

نواف:من بغداد اهلي

_صدك رقم غريب يتصل بيك 17 مره من بغداد اهلك مو ولو تعرف موصوجك صوجي اني الي وافقت بيك من اول يوم لو موافقه بفاضل احسن منك هنتني وخنتنتي وطردتني وبسببك ابني مات بسبب النسوان الي لفيتها بيتك ابني مات اكرهك اكرهك وما اطيق حته اشوفك اطلع من حياتي والله لاحرك قلبك وانام بحظن غيرك والله لاحرك قلبك وهسه تشوف بس خلي نرجع لبغداد انت ما تستاهلني انسان اناني ومتكبر وضالم

دك التليفون اشعارات جنت اصيح بيه ومنهاره وهو عينه بعيني وما فتح حلكه لو بكلمه وحده وياي فتحت التليفون نفس الباسورد الي كتبته اله اني راد يسحبه من ايدي دفعته ومشيت بعيد عنه وكال بعصبيه

نواف :رجعي هسه

_ليش اشوف يا بنت شوارع هل مره ملفيها

فتحت التليفون وجانت خمس رسائل ضحكت ب استهزاء من الرقم الغريب بقيت صافنه اكلب بالرسائل ويا ريتني ما فتحتها رفعت عيني صارت بعينه مشه سحب تليفونه خليت ايدي على صدره وجعني قلبي رجع ليوره حسيت بغصه وحركه قلب مو طبيعيه وكال

ما اكول شكال 😂

💜💜💜💜💜💜💜💜💜❤️❤️❤️❤️❤️❤️❤️❤️

ان شاء الله الله يعجبكم هل بارت 😙

والنهايه وشيكه جدا جدا 🤗