رواية عشگ الفرات ( عِندما تَهوى القُلوب ) الفصل السابع والستون 67 - بقلم سحر الدليمي

لا تنسون التصويت و التعليق بين الفقرات
قراءة مُمتعة ♥️

***

- قُربك حياة و بُعدك موت مُحتم لي

***

فرات
ظلينه گاعدين بره للمغرب ، أذن آذان المغرب و فتنه جوه تا نصلي ، جينه نصلي صلاة جماعة و تقدمنه خالي حسين هو صار الإمام ، صلينه و كملنه و طشوا كُلمن راح بجهه ، جاني رافد ...

- فرات روح گول لعمتي ليسون عشه اليوم عشاكم عليه راح أجيب من بره

- متأكد؟ ، خاف تبوزعلنه ياه

- إذا أريد أبوزع أبوزعك بَس أنت

- ليش يول مو بعدني عريس جديد

- هَسه ترووح لوو شلووون

- رايح رايح غدي شبيك

- أنچب

عشق
گاعدين كُلنه بالمطبخ ، سوالف و ضحك ، نسوان خوال فرات كلش محبوبات و بقينه نسولف لحد ما گامت خالة حتى تحضر للعشه ، الباب مال المطبخ چان مردود رد ، أندگ خفيف ، صاحت خالة ...

- منوو

أجانه صوت فرات : آني ماما ، أفوت؟

- فوت حَبيبي

دخل و صارت عيونه عليه أبتسم و باوع لخالة ...

- يوم لتسون عشه رافد راح يجيب من بره

- ليش يـَ أمي ماله داعي أحنه نسوي

- مادري هو راح

- ماشي

راح و گعدنه ننتظر فوگ النص ساعة ، أجه رافد جايب العشه ، نطاه للبنات و طلع ، بلشن يحضرن بالعشه و آني گمت رحت لغرفتنه ، فتت لگيت فرات متمدد ع الچربايه و صافن بالسگف ، مبدل ملابسة و شامر الدشداشة ع القنفة ، شلتها ...

- يعني شنو آني راح أبقى ألم وراك

باوعلي : هااا بلشنه بسوالف النسوان هاي

- مو أنتوا غراضكم وين مجيتوا تشمرونها و أحنه علينه بَس نلم وراكم عبالك جهال

- آسفين يابه ، حقچن علينه

أبتسمت و رحت گعدت يمه و أخذت إيده و شابكت أصابيعنه سوه و هو يباوعلي و يبتسم ...

- شبيك تباوعلي؟

- گُمر و گاعد بصفي شلون ما أباوعله على گولتچ

- يول يابه ظل دحگ عليه تره آني أذوب بعيونك

- أنوب تحچي أنباري يربي ، هو آني ذايب بيچ أنوب تحچيلي أنباري شيصير بيه

- ههههههههههههه

آني ضحكت و هو جرني عليه من خصري صار يدغدغ بيه و آني ميته من الضحك ...

- لااا فراات ههههههههههه فدووة حَبيبي وخررر ههههه يا الله مامااا

- هَم گالت ماما يحصان الحمزه

- هههههههه مو حتى تجي تخلصني منك

- محد يخلصچ مني ، أريد أعوض أيام الفراگ

- آني هَم أريد أعوضهن ، متتخيل شگد چنت أشتاقلك و أبچيلك بالليل و هَسه آني يمك و زوجتك

- هايهيه بَعد أنتِ يمي و آني يمچ و إن شاء الله ما نفترگ العمر كُله

- أحبك فراتي

تقرب عليه و باسني من رگبتي و شمها ...

- أووووف يا ريحة هلي ما أشبع منها

أبسمت و وخرت من يمه ، گمت و فتحت شعري و گعدت گدام المرايه أمشط بي ، أباوعله ما شال عينه مني ، كملت و رحت گعدت يمه ...

- تعرف أنُ أنت طلعت كلش حلو بالعرس

- مو أحلى منچ والله

- ما توقعتك تلبس زي عربي و مگتلي أصلاً

- چنه متفقين آني و شهم و رافد من نتزوج نلبس كلنه زي عربي بَس اللي صار شهم ما سوه عرس و رافد غدرنه و ليس قاط و ظليت بَس آني و وفيت بوعدي

بقيت ساكته و أباوعله و هو مركز بعيوني ...

- يلا گوم خل ننزل نتعشه

- ماريد

- فرات أنت مسوي دايت و آني ما أدري؟

- لا ليش

- أكلك قليل كلش

- ما أشتهي هالأيام

- ليش؟

- مادري

- فدوة گوم خل نتعشه والله ما أعرف آكل إذا ما أنت تاكل

- خوش عجل أتعشه بَس إذا جبتيلنه العشه هينه

- لا فرات عيب

- وين العيب بالموضوع؟

- ننزل نتعشه وياهم أحسن

- يابه عرسان و نريد نتعشه وحدنه محد أله علاقة بينه ، لو ليه خلگ چان أخذتچ و رحنه نتعشه بره بَس مالي خلگ ، يلا يلا گومي جيبيلنه تا نشوف عشه رافد

- صار من عيوني

- أبوس عيونچ آني

أبتسمتله و گمت نزلت جوه ، لگيتهم حاطين عشه و ديتعشون و عازلين النه وحد يعرفون بأبنهم و سوالفه ، حطيت العشه و صعدت فوگ ، خليته بالگاع و گعدنه ناكل ، فرات أكل شوي و گام ، حاسه بي مو طبيعي أبد ، من شفته هيچ أنسدت نفسي و گمت رجعت العشه و رجعتله ...

- فراتي

- هاا حَبيبي

- مراح تحچيلي شبيك؟

- مابيه شي عشگي

- تره حاسه بيك آني ، حافظتك حفظ متگدر تچذب عليه ، ع العموم شوكت محبيت تحچي آني مستعده أسمعك

أبتسم و گال : شوكت تحبين نسافر؟

- سفر شنو هذا؟؟

- مو تريدين شهر عسل

- ياااا بعدك متذكر

- ما نسيت شي آني

- يعني صدُگ حتاخذني؟

- إي و ليش ما آخذچ ، أنتِ بَس أطلبي كُلشي يجي يمچ

- ما أعرف بكيفك شوكت متحب نروح ، نروح

- بعدچ تريدين ع السعودية؟

- إيييي فدووة

- والله آني ما مصدگ أكو بنيه تطلب تروح شهر عسل على دولة عربية

- مو هناك مكة شبيك

- يعني تريد تقنعيني رايحة علمود مكة مو علمود الدياحة

- إي شبيك غير مُسلمة آني

- ما شاء الله تنگطين ديانة بَعد گلبي

- إي شعبالك لعد

- لعد گومي تا ننزل جوه نشوف ربعنه شجاي يسون شو لهم هوسة

گمت لفيت شعري و لبست الشال و فرات أخذ إيدي و گادني و نزلنه ، التفت عليه ...

- أنتِ روحي و آني هَسه أجي بَس أحچي ويه أمي

- تمام

عفته و طلعت بره لگيتهم كلهم مچتمعين بالحديقة و سوالف و ضحك كلش متوتسين ، رحت گعدت ويه البنات ، الحلو بيهم أنُ أبد ميتضايقون من بعض و بينهم ثقة كلش عالية ، يعني صح هُمه مو من نفس المحافظة و لا من نفس المذهب بَس بيناتهم رابطة كلش قوية لدرجة عادي نگعد كلنه سوه زلم و نسوان و محد يتضايق من أحد ، شوي و أجو فرات و خالة ، راح فرات گعد يم عمو سلام ، شافه و گال ...

سلام : وين چنت ولك صار ساعة أنتظرك تجي

فرات : چنت يم أختك

ضربه على چتفه و صاح ...

- يم أختي شني ولك ، أحچي عدل

- هااا خالي ما أتفقنه هيچ

- ولچ نجاة آنـه أگول هذا أبنچ عقل أثاري بعده على سوالفه

رافد : عمي هذا ميعقل وداعتك

فرات : ديلا علساس أنت شلونك ، إيي خالي أمرني شرايد مني

- رايد أغير سيارتي و محتار مدري شنو آخذ ، أريدك تساعدني

- تدلل خال ، بعد هيچ شهر شهر و نص عندي طلعة لأربيل أجيب مجموعة سيارات جديدة و مناك آخذلك سيارة مرتبة

- چا خوش

و من هنا بلشوا يحچون عن السيارات و الشغل و من هالسوالف المملة ، شوي و گالت نَفس ...

- بنات شرايچن نگول للولد نطلع نتعلل بره

عشق : وين يعني؟

- مادري هُمه يطلعونه

مُهره : والله ما أعرف خاف ميقبلون

رُسل : ليش يولي نحچي وياهم ميگولون شي

مُهره : لچ عندي شهم من حملت و جاي بوده يخليني أبقى گاعده و ما أمشي منا و الباب

- هههههههه حقه غير يخاف عليچ و على أبنه

نَفس : لا لا يقبل إذا قبلوا الولد هو هَم يقبل ، رُسل راسلي صگر خلي هو يفتح الموضوع وياهم

رُسل : تمام

طلعت تيلفونها و راسلته ، باوعناله فتح التيلفون و أبتسم ، رفع راسه و باوع لـ رُسل و هزلها براسه ، شوي و گال صگر للولد و كُلهم رحبوا بالفكرة حتى شهم اللي چنه خايفين ميوافق ، گاموا و گال عباس ...

- تاخذوني وياكم مو؟

رافد : أنت أربز بمكانك ، طلعة مال متزوجين ما نريد سناگل ويانه

- وييييع هو أنتوا شلونكم علساس ميت ع الطلعة وياكم

- عجل أنچب و أگصر منها

ضحكنه كلنه على سوالف عباس و رافد ، هُمه نفس الأطباع أربعة و عشرين ساعة يضحكون و يحششون كلش يونسون ، فتت جوه و صعدت لغرفتي ، بدلت و گعدت أحط مكياج ، شوي و فات فرات أجه حضني من خصري و خله راسه برگبني ...

- منين طلعتلنه بهالطلعة هاي بالله

- ما أعرف البنات گالن

- هااا البنات

- إيي البنات

دارني عليه و وگف يباوعلي ...

- حَبيبي وخر خل أكمل المكياج

سحبني عليه و لزگني بصدره ، دنگ عليه و باسني من شفايفي بقوة ، دفعته عني و هو ضحك ...

- يااااا خرربت الحمرره فراااات

- هههههههههههههههه آخخخ يا يابه

- أووووف منك

رفعت راسي باوعتله ميت من الضحك ...

شلت قلم الحمره و بسرعة هجمت عليه و شخبطت على وجهه و شفايفة صار كله وردي ...

- لاااا يوليي هااي شسويتيي

- ههههههههههههههه وحدة بوحدة حَبيبي

باوع على وجهه بالمرايه و تخبل ...

- خررررب مسويه وجهي خريطة ، لا يا الله هاي بَس لا ما تطلع

أبتسمت تك خد و باوعتله بخبث ...

- لا متطلع

و غمزتله ...

- دشو تعاي آني أعلمچ اليوم

شالني و شمرني ع الچربايه و صار يدغدغ بيه بلحيته ...

- لاااا ههههههه الله عليك وخرر مو هييچ

- چان حسبتي حسابچ گبل لا تسوين وجهي خريطة

- يا الله وخررر ههههههههه آخخخ

دگ تيلفوني ...

- وخرر حَبيبي بَس خل أشوف التيلفون

- عوفي

- ولك وخرر ههههههههه

بالگوه بعدته عني ، أخذت التيلفون و فتحت خط و هو بَس يتحارش موتني ساعة يبوسني برگبتي و ساعة يحضني ...

- هلا مُهره ... يااا بَس أوگف شبيك

- ويه منو جاي تحچين ولچ شبيچ

- لا لا ماكو أحد

- المهم يلا تعالوا فضونه صار ساعة ننتظركم

ردت أجاوبها سحب فرات التيلفون من إيدي و جاوبها هو ...

- روحوا يابه منروح أحنه

- ليش متروحون؟

- ما عجبنه نروح يلا عيني أشطحي منا

گال هيچ و سده حتى ما خلاها تكمل ، شمر التيلفون و سحبني عليه و من هنا گضه بيه التوبة على گولته ساعة السودة الشخبطت بيها بالحمره على وجهه

***

مُهره
طلعت و لاگاني شهم ...

- هاا كملتي گلبي؟

- إي يـَ روحي كملت

- چا فرات و عشق وينهم؟

- ميروحون

- صدگ

- إي والله دگيت على عشق و جاوبني فرات يگول منروح

- مسودنين ذوله و عَلي

- هههههههه

طلعنه لگيناهم ينتظرونه بالحوش ، رحنه للسيارات و رافد گاد نَفس و صعدها بالسيارة خايف لا توگع ، صعدنه أحنه بسيارتنه و البقية بسيارة صگر ، رحنه على كورنيش صاير على نهر الفرات كلش حلو و يونس ، ما چان أكو ناس هواي لذلك تونسنه أكثر ، گعدنه بصف الشط و الولد جابوا عصاير و چبس و مخلوا شي مجابوا و تعللنه تعليله مستحيل أنساها العمر كله ، كلش تونسنه و من طلعنه من الكورنيش بقينه نفتر بالشوارع بحيث ما رجعنه للبيت للساعة بالثنتين ، چان الكُل نايم ، الولد راحو للديوانية و آني رحت ويه نَفس لغرفتها و رُسل هم راحت لغرفتها

***

عشق
متمدده و خاله راسي على صدر فرات و هو حاضني بقوة بحيث ميريدني أتحرك ، لحد هَسه مو مستوعبة أنُ أنتهى كُلشي و صار اللي أتمناه و آني هَسه نايمة على صدرة ، حسيت إيده أرتخت ، رفعت راسي باوعتله نايم گعدت و أرتچيت ع المخده و لزمت إيده ، بقيت أباوعله و هو نايم ، تقربت منه بسته من خده و گمت ، رحت بدلت ملابسي لبست دشداشة قصيرة نص ردان و صدرها مفتوح شوي لونها سمائي كلش حلوه ، گعدت گدام المرايه أمسح المكياج ، أنتبهت ع الضربه اللي بصدري بعده أثرها موجود ميقبل يروح ، تلمستها بإيدي صفنت و أنعاد كُلشي صار بذاكرتي ، تذكرت كُلشي ، شلون تقرب مني و آني مريضة و مو حاسة بشي و شلون ضربني و چنت راح أموت بسببه و الأيام السودة العشتها وياه ، فزيت على صوت فرات ...

- هااا هلا حَبيبي

- ليش گمتي شبيچ؟

- مابيه شي بَس گمت بدلت و مسحت المكياج.

أجه گعد گدامي ع الميز ...

- شبيچ أحچيلي عشگي

- هاي الضربه اللي بصدري أثرها ميقبل يروح ، فرات كُل ما أشوفه أتذكر الصار و أختنگ

گام و سحبني من إيدي گومني وياه ، مسح على خدي و وخر شعري عن عيوني ، دنگ و باس مكان الضربه ، رفع راسه و باوعلي ...

- و هَسه صار أثر بوستي بمكان أثر الضربه ، منا و رايح كُل متشوفينها تتذكريني

أبتسمت و رفعت نفسي و بسته من شفايفه ، أبتسم و گال ...

- هااا ننام تره نعست

- يلا

راح نزع الفانيله مالته و تمدد ، رحت تمددت بصفه ...

- أريد مره وحدة تنام و أنت لابس شي على جسمك

- ههههههه مگدر متعود أنام هيچ

- فرات بردانه

- أگوم أطفي السبلت؟

- لا أحضني

- هاااا إي دگولي هيچ

سحبني عليه و غطاني زين و حضني بقوة

الصبح گعدت باوعت لمكان فرات ما چان موجود ، أنداريت للجهه الثانية شفته گاعد ع القنفة و عيونه بالفون مندمج وياه و يبتسم ، ما حسسته أني گاعده بقيت أباوعله يكتب و يتبسم ساعة يضحك بَس يباوعلي و يكتم ضحكته ، بقى فوگ العشر دقايق هيچ ، بعدين ذب الفون ع القنفة و راح للكنتور أخذ منشفة و فات للحمام ، بسرعة گمت أخذت فونه و فتحته لگيته حاط خلفية صورة إيدي و إيدة لمن أخذتها بالعرس ، أبتسمت و أنتبهت للرسائل اللي بالإشعارات چان مكتوب ...

🗨️ مرتك نايمة مو؟

🗨️ أووف حَبيبي رحت

🗨️ والله راح أشتاقلك

و وراها سمايلات يبچن ، تخبلت عقلي وگف ، ذبيت الفون و أحس الحرارة صعدت لراسي ، شنو يراسل بنات ، فرات يراسل بنات و يخوني؟؟؟ ، مستحيل ما أصدگ ، لعد و هاي الرسائل شنو !! ، بقيت رايحة راده بالغرفة مثل الخبلة ، شوي و طلع من الحمام بَس بالتراك ، وگف و باوعلي ...

- صباح الخير يـَ عگال راسي

- ياا خيير هذاا فرااات ياا خيييير

- صووتچ هااي شبييج !!

- ترااسل بنااات موو فراات ، من صباحيات الله ترااسل بنااات و آني يا غاافل الك الله

- ههههههههه ، قريتي رسايل خالد مو

- ياا خاالد أگُلك بنات بنااات

- ياابه والله هذا خالد صديقي السعودي

- و أنت گلتها سعودي و اللي بالمحادثة حچي عراقي فراات لتچذذذب عليييه

- هوو متعود يحچي وياي عراقي ، دقيقة هَسه أشوفچ

أخذ الفون و أجه يمي ...

- چنه نحچي ع الأنستا هَسه أشوفچ حسابه

فتحه و دخل ع الحساب و قدملي الفون ...

- هااچ شوفي

باوعت چان حساب عادي مكتوب " خالد الدهمان " و حاط صورة رجال لابس دشداشة و شماغ بَس من بعيد ما مبين وجهه و متابعينه ١٠ و اللي متابعهم ١٥ ، أحس الحساب مو طبيعي ...

- شوفني محادثتكم

- لا ما أگدر بيها حچي ثگيل هذا لسانه متبري منه

- والله مااا أصددگ هااي بنييه و دترااسلك من حسااب ولد

- يبوووو يحظك المشخط يـَ فرات ، يول يابه والله زلمة مشورب أقسم بالله

- ماااا اصددگ

- ثواني هَسه أدگ عليه تا تصدگين ، هاا شوفي هذا حسابه

دگ و فتح سبيكر شوي و جاوب رجال صوته خشن ...

- هااا وش تبغى لحگت تشتاگلي ولا وشو

- أنچب و خليني آكل وحل

- طيب تفضل

- آني وياك مو چنه نحچي گبل شوي؟

- أيوه

- مو أنت حچيت وياي علساس بنيه

- أيوه صَح ، أيش السالفة ، ليش تسأل هالأسئلة !!

- باوع عليه بتك عين و گال ...

- المدام عندي شافت رسايلك و عبالها أراسل بنات

- الله يسامحك يختي ، الحين أنا بنت !!

- مو من سوالفك الطايح حظها غير ، ردت تلوصها عَلي و آني بعدني عريس

- ههههههههه زين آني آسف يابه بعد ما أعيدها

- إي والله ياريت ، هَسه يلا طير

- سلااام

سده و باوعلي ...

- هااا صدگتي ست عشگ ، سمعتي صوته و سوالفه

- آني آسفه

- وين أصرفها هاي

گال هيچ و راح للكنتور طلع البدي مالته و لبسه و راح للميز يمشط ...

- والله ما قصدي بَس آني تخبلت من شفت الرسايل

- تصدگين آني أعوفچ و أدحگ على غيرچ ، هو آني بطفران الروح حصلتچ شلون أسوي هيچ

- زين سامحني

باوعلي بتك عين و رجع يباوع للمرايه مو مهتملي ، رحت بعدته و وگفت بينه و بين المرايه ...

- حَبيبيييي

ما رد عليه ، حضنته و خليت راسي على صدره ...

- دح وخري يولي خل أحط عطر

- مااااا ، أله تسامحني

بعدني عنه و گال ...

- بوسيـ ...

ما خليته يكمل بسته بشفافية و سكتته ، صفن بيه شوي و حط أصابعه على شفايفة ، گال ...

- يا يابه يا بويه ، عجل يوميه راح أزعل تا أحصل هيچ بوسه

- سامحتني

خله إيده على خدي و باوعلي بحنيه ...

- ليش هو آني گلبي ينطيني أزعل عليچ

گرصته من خدوده بإيدي الثنين ...

- اوووف أمووت علييككك آنيي أموووت

ضحك و راح للكنتور فتح الجرار و طلع ساعته ...

- زين تعال أنت ليش گاعد بهالوقت؟

- يعني لازم أنطيچ تقرير صباحي مُفصل؟

- إييي ، يلا أحچي

- مو اليوم خوالي يريد يرجعون للبصرة فـ گعدت علمودهم

- شگد تحب خوالك

ألتفت عليه و هو يلبس بالمحابس مالته ...

- أحبهم چثيييير

- و هُمه هَم يحبوك

- إي حيل يحبونه آني و صگر

- يلا بدلي ، لو عسنچ تريد تطلعيلهم هيچ بهالدشداشة المشلتحة و المدلعة !!

رحت يمه و خليت إيدي على صدره ...

- المدلع و المشلتح على گولتك أطلع بي بَس گدامك أنت

- إي عفيه بالسبعه

باسني بخدي و راح وگف يم الباب و ألتفتلي ...

- لا تتأخرين

- تدلل

أبتسم و طلع ، بقيت آني أصلي و أبدل ملابسي

مُهره
گعدت الصبح على صوت التيلفون و هو يدگ ، فصل و شلته باوعت شهم چان يدگ و هواي رسائل منه ...

🗨️ أگعدي ولچ غاليتي

🗨️ يلا بسرعة أستعجلي علمود نطلع للبصرة

🗨️ شوي شوي ديري بالچ على وليدي مدري بنيتي اللي هو

🗨️ بووويه والله مدري شلون تحملت هاليومين بدون ما أنومچ على صدري و ألعب بشعرچ و .... لا خل أسكت أحسن لا أطلع ع الترابي

🗨️ و بلهجة بصراوية
مشتااااگلچ كِلش

و داز قلب وره هاي الرسايل ، أبتسمت و گمت توضيت و صليت و بدلت ملابسي و أخذت الجنطة ، نزلت لگيتهم كلهم بالصالة ، صبحت عليهم و گعدنه نتريگ ، كملنه و شوي ألتمينه و ودعناهم و طلعنه للبصرة ، بالسيارة شهم كل شوي يباوعلي بالمرايه ، شوي و أجتني رسالة ، لگيتها منه فتحتها چان كاتب ...

🗨️ شوكت نوصل و ألمچ بحضني

أبتسمت و رفعت راسي لگيته يباوعلي ، لبس النظارة و أنتبه ع الطريق

قريب الظهر دخلنه البصرة و وصلنه بيتنه بخير و سلامة ، نزلت آني و فتت جوه گُبل ، رحت للغرفة و بدلت ملابسي قبل ليجي شهم ، گعدت أعدل بالمكياج ، شوي و فات شهم بإيده الجنطه ، ذبها و أجه عليه ...

- خايبين صارلي يومين لا بوسه لا حضنه ، متت و آنـه أشوفچ تتمخترين گدامي

- ههههههه آنـه هَسه يمك أشبع مني

- چني بَس آنـه المشتاگ مو؟

- لا والله آنـه كلش مشتاقتلك

تقربت عليه و لزمته من ياخة الدشداشة ، هو لزمني من خصري و قربني عليه ، دنگ باسني من رگبتي و عضني منها ...

- آخخ شهم شدسوي

- هههههههه مو أريد أضوگ غير

خله إيده على بطني و دنگ باسها ...

- هااا بابا بَعد روحي أكيد أنت مشتاگلي ماما الظاهر مو مشتاگتلي أبد

- ياااا والله مشتاقتلك ليش تگول هيچ

- أثبتيلي

عافني و راح نزع الغتره و صار يفتح بالساعة ، رحت حضنته خليت راسي على ظهر و إيديه على بطنه ...

- گاعد تدلل أنت تعرف شگد آنـه أحبك و ما أگدر بدونك

ضحك و ألتفت عليه ...

- أعرف بعد روحي أعرف

راح بدل ملابسه و گادني من إيدي و أخذني ع الچربايه ، تمدد. و آني تمددت بصفه و خليت راسي على صدره ...

- شنو متتغدة؟

- لا تعبان أريد أنام

- آني هَم أنام وياك

أبتسم و حضني قربني عليه

***

عشق
وره يومين جهزنه غراضنه و گعدنه من الصبح حتى. نسافر ، تريگنه و كملنه كُلشي ، أجاني فراتي ...

- هااا حَبيبي جاهزة؟

- إيي كلش جاهزة

ودعناهم و گادني من إيدي و طلعنه ...

********

يتبع ...

18.kij
تعالو أنستا و اللي يجي يدخلي خاص يگُلي آني جديد علمود اضيفه كلوز لأن نشري اللي يخص الرواية كُله بالكلوز

سحر الدليمي