رواية عشگ الفرات ( عِندما تَهوى القُلوب ) الفصل التاسع والأربعون 49 - بقلم سحر الدليمي

لا تنسون التصويت و التعليق بين الفقرات
قراءة مُمتعة ♥️.

***

- جديدة عيونك مو نفسهن
هذن كره و حقد و ذنيچ مليانات حنيه

***

- رجعنيي للبيييت هَسسههه ترجعننيي أفتهممتت ، مااريدككك آني مااارييدكك أفتتهمم عاااد

ما حچه شي و أستمر يمشي بأتجاهي ...

- أطلللعع بررهه ماارييد أششووفكك

وصل يمي و تقرب عَليه كلش ، و آني رجعت ليورا من شَفت قُربه مني ، آني أرجع وره و هو يتقدم عليه ، بحركة سريعة منه جرني من إيدي و لزگني بصدره ، سحب الشال اللي على راسي و فتح شعري و آني أحاول أبعده عني و أوخر بَس هو لازمني بقوة لدرجة حسيت أصابعة أنغرزن بخصري ، حَط أيده على راسي و باسني من شفتي بوسة خفيفة ، دفعته عني و صحت ...

- وللكك شتتسسووي أنتت ، شلوون تتجرأ و تسسووي هييچ !!

رجع لزمني من خصري و قربني عليه ، دنگ عليه و قرب وجهه لأذني و همس ...

- أنتِ حَلالي ، لا تحاولين تقاومين

وخر شعري و باسني من رگبتي بقوة ، هنا گلت خَلص راح ياخذني قبل العرس و يجبرني عَليه و يخليني أتزوجه غَصب ، صرت أبچي بقوة و أضرب بي و أحاول ابعده عني ، هنا حَس على نَفسه و أبتعد عني ، باوعلي بنظرات حزن و كَسر ، حچه ...

- والله أحبچ و ما أشوف غيرچ ليش ما جاي تفهميني !!

حَط إيده على گلبه و عگد حواجبه و دنگ راسه مال واحد متألم ، راح أخذ المفتاح و فتح الباب و طَلع ، گعدت بالگاع و صرت أبچي ، ليش هيچ سوه ، شلون فكر هيچ ، شلون فكر يحطني بهيچ موقفة ، ليش ، لييشش ، إذا رجع و تقرب مني غصب آني شسوي بروحي ، شلون أخلص منه ، لازم أطلع منا بَس شلون يربي شلون ، ضليت أفكر وره ساعة هيچ سمعت صوت أغاني بَس ناصي ما أفتهمت منه غير هالمقطع ...

- أمانة الله أن متت بإيدچ تدفنيني
حطي الگبر ع الدرب كُل يوم زوريني

أنقهرت عليه بعدين رجعت نفضت هالأفكار من راسي آني ما لازم أنقهر عليه هو جابني هنا غصب و حاول يجبرني عليه ، ميستاهل أنقهر عليه ، تمددت بالگاع و غفيت

حسيت بالليل كلش ، فتحت عيوني الدنيا ظلمه بَس أكو ضوه خفيف من الشباك ، گمت رحت يم الباب أتصنت ماكو صوت هدوء ، جربت أفتح الباب و أنفتح طلع مو قافله ، طلعت من الغرفة و مشيت للهول لگيت فرات متمدد ع القنفة و يون ، ميتحرك بَس صوت ونينه ينسمع ، تقربت يمه و أنصدم بي ، وجهه عرگان كلش و أصفر ، يهذي بكلام ما مفهوم ، حرت شسوي وياه ، أعوفه و أنهزم ، إي هاي فرصتي لازم أستغلها ، عفته و رحت لباب الكيندور مقفول ، رحت لباب الصالة هَم مقفول و الشبابيك مينطلع منهن ، أيست و رجعت للهول ، تقربت يمه حاولت أشوف شبي و أساعده مو لأن كسر خاطري أو أحبه بَس وگف بعيني خالو عَلي أدري بي ميتحمل إذا صارله شي ، وگفت يمه حاچيته ...

- فرات ، فرات شبيك تسمعني؟

ما رد عليه ، تقربت أكثر ندسته بچتفه و عليت صوتي ، فتح عيونه بالگوة باوعلي و حچه بصوت تعبان كلش تعبان ...

- جيتي يـَ عگال راسي

- شبيك بشنو دتحس؟

جر نفس بألم و غمض عيونه ، رجعت حاچيته ..

- فرات ، فرااات داحچي وياك

رجع فتح عيونه ...

- ها

- شبيك؟

- تعبان ، گلبي جاي يأذيني

- ماعندك علاج؟

- لا

- شنو أسويلك هَسه !!

نهض نفسه و گعد بصعوبة ، رفع راسه و باوعلي ...

- لتسوين شي بَس ضلي يمي

- لا حروح للغرفة

أنداريت و لزمني من إيدي ، إيده راخية و ماعندة قوة بالگوة لازمني ...

- بَس اليوم أنسي حقدچ عليه و ضلي يمي ، تعبان حيل ع الأقل إذا متت خليني أموت بحضنچ

جرني و خلاني أگعد بصفه ، تمدد و خله راسه بحضني و إيده على رجلي ، ضاغط عليها قوي من الألم اللي جاي يحسه ، أچذب إذا أگول ما أنقهرت عليه بَس هذا ما يعني أني أحبه و أريده ، بقيت گاعده و راسه بحضني ، ينام شوي و يرجع يفز ، نزعت شالي و مسحت العرگ اللي بگصته ، ما مصخن بَس وجهه عرگان كلش ، إذا عفته هيچ يموت والله ، أحتاريت شسوي ، البوب مقفلة و تيلفوني بالبيت ، أجه ببالي تيلفونه ، دنگت أدوره بجيوب التراك مالته ، لگيته و أخذته و الحظ سواها و چان طافي من الشحن ، خليته ع الميز و بقيت حايره ، لحد ما أذن الفجر ، نام و بعد ما فز و سكت ونينه گلت هاذ هو تحسن ، سحبت نفسي و گمت خليت جوه راسه مخده زغيره من الموجودات ع القنفة ، رحت للغرفة الچنت بيها حاولت أنام و حاولت بَس ما گدرت ، لحد ما طلعت الشمس و بده نهار جديد ، أنفتح الباب و دخل ، چان مبين عليه بَعده تعبان بَس أحسن من البارحة ، آني من شفته دخل و سد الباب گمت وگفت و جسمي يرجف خوف ، خفت لا يعيد سالفة البارحة و هالمره يكملها ، أجه تقرب يمي و آني ميته خوف منه ، مد إيده و لزم إيدي بسرعة سحبتها منه و أبتعدت ، رفع راسه و باوعلي عيونه بالگوة مفتحهن ...

- ليش يولي مو وريتي گلبي ور

- ماريدك

- زين شلون و آني عايش على هواچ ، إذا عفتيني أموت

- مييهمنيي مووت ميههمنييي ، كاافي أعتقنيي و خلييني أرتااح ، آني مااريددك أفههممم

بقيت أصيح و هو گعد الچرباية ، دنگ و خله راسع بين أديه ، سكتت و گعدت بالگاع أبچي و أشهگ ، أشهگ من كُل گلبي لدرجة حسيته راح يوگف و أموت ، رفع راسه باوعلي بخوف ، فرك وجهه و گام و گال ...

- لا تبچين ، گومي

حچيت بصورة متقطعة و آني أشاهگ ...

- وين؟

- أرجعچ للبيت

حچاها و طلع ، آني مسحت دموعي و لبست شالي بسرعة و طلعت وره لگيته گاعد بالسيارة و خال راسه ع الستيرن ، صعدت و رفع راسه و باوعلي بعتب ، جر نفس و حرك السيارة

وصلنه البيت و نزلنه ، فتت آني قبله و هو ورايه ، رحنه للصالة شافوني و گامو على حيلهم ، آني گُبل رحت حضنت ماما ، و خالو عَلي چان يباوعلنه من فات فرات ألتفت عليه و راحله ، لزمه من ملابسه و صاح عليه ...

- شسووي يبييكك هَسهه فهمننيي ، أبووك آنيي يوول أبووك ، ما تسمعع كلاامي و تسد التيلفوون بوجهيي ، شصارلكك أنت شغيررك و لا چنكك فراات العااقل تربااب إيديي ، أحچيي لييش سااكت موو ويااك

فرات مدنگ راسه و ساكت ، و خالة نجاة واگفة و تحچي ويه خالو عَلي تحاول تهدي بي و خالو جسام نفس الحالة ...

نجاة : على كيفك عَلي مو هيچ تتفاهم وياه

- عووفونيي خلووني أگع على علتهه

رفع راسه فرات و گال ...

- علتي أني حبيت

- لا حول و لا قوة إلا بالله

أندار عليه خالو شافني أبچي ، رجع أندار لـ فرات ...

- مسويلها شي؟

ساكت و مدنگ راسه ما جاوب ..

- أحچيي مسووي للبينييه شيي؟؟؟

- والله ماا سوويتلهاا شيي والله و غلااتك

رجع خالو أندار عليه ...

- أكيد ما سوالچ شي؟

هزيتله براسي بمعنى " إي " رجع لـ فرات ...

- عجل عليش تبچي !!

- عبنها ما تريدني ، هَسه صارت ما تريدني ، بوكت الچنت مشلون منو گالي أحبك بكُل حالاتك ، منو گالي لا تگف بوجه حُبنا ، شو هَسه تغير الحچي !!!

- إي ما تريدك خوما نجبرها عليك

- عشق بنيتي أنتِ صحيح ما تريدينه؟

- إي ، أريده ينهي العقد و يطلگني

- تره الإنفصل مو شي سهل ، و أنتو عرسكم ما ضل عليه بَس ٣ أيام ، فكري زين يابة

- فكرت خالو ماريده

- هاذ هو عجل ، طلگها

- والله العظيم لو تموت گدامي ما أطلگها ، لا تجبروني أتزوجها بدون عرس و غصب عن اليرضى و الما يرضى

- يوول مييهيي ماا ترييدك مااا تريييدك

- آنيي أرييدهاا أحبهاا رووحيي معلگه بييهااا إذا عفتههاا أمووت ، تقببل أبنكك يمووت أبو صگر؟؟

- ما أقبل و لا أقبل بنت أختي تتزوج مغصوبة

- طلاگ ما أطلگ حجي من الأخير

- دحگ و كلام الله أن ما طلگتها يـَ فرات لا آني أبوك و لا أعرفك ، و أنت تعرفني الكلمة الأگولها ما أتراجع عنها

فرات باوعله و هو مصدوم ، حچه بتوسل ...

- لا يابة لا تصير أنت و الوكت عليه

نجاة : عَلي شهالحچي هذا ، دگول يا الله يمعود

- هذا العندي ، أن ما طلگ البنيه ينسى عنده أب

فرات فرك وجهه بقهر ، صفن شوي بعدين حچه ...

- ميخالف تبرى مني بَس طلاگ ما أطلگ

هنا خالو عَلي عصب كلش لزمه من ملابسه و صار يصيح عليه ، راد يضربه و چان يدخل صگر بسرعة راح وگف بيناتهم و لزم إيد أبوه ...

صگر : أستهدي بالله أبو صگر مو هيچ تنحل السالفة

- يعاندنيي يوول يعاندنيي و يكسرر كلمتيي

فرات : إذاا أنتت كلمتتكك المكسوورة فـ آنيي گلبيي اللي أنكسر ياابة گلبييي

حچاها و مشى للباب ، لحگته خالة نجاة ...

- وين رايح ماما شوف حالتك شلون لتتخربط

- يطبني مرض إن شاء الله أموت و أرتاح ، رايح مالي گعده بهالبيت

- لاا يمهه سووده علييه لا تگوول هيچ وليديي

ما جاوبها عافها و طلع شگد صاحت وراه ما رد ، طلع و لاگاه رافد و هو فايت للبيت ، وگفه و لزمه من إيده ...

- أگف يول هاي شبيك؟!

- عوفني رافد عووفنيي

سحب إيده من عنده و طلع ، رافد أستغرب وضعه فات للبيت لگه الوجوه مگلبه ، عافهم و راح للمطبخ لگه نفس گاعده ، گعد يمها ...

- هاي شكو شصاير يول؟!

- أنت وين چنت؟؟

- بالشغل يعني وين ، أحچي شكو؟

- عمو علي و فرات تعاركو

- هااا هاي جديدة ، ليش؟

- عمو يريد فرات يطلگ عشق لأن متريده و فرات ميقبل ، لو شفته شلون حالته كسر گلبي و هو يرفض ينفصل عنها

- أويلي عليك فرات ، أدري بي هَسه يتخبل راح أروح أشوفه

- تعرفه وين راح؟

- لا بَس أدوره

- إي خطية لأن خالة نجاة بالها يمه

- زين

طلع رافد حتى يدور فرات ، بالطريق يدگ عليه بَس جهازه مغلق ، فرات من بعد ما طلع راح لبيت المزرعة ، دخل للصالة و كسر كُلشي قزاز بيها ، تحفيات و الميوزه القزاز ما خله شي ما كسره ، هو مو من طبعه يسوي هيچ بَس الصار وياه خلاه يفقد أعصابة و تأذه حيل ، تعب و گعد بالگاع رجع تخربط من جديد إديه الثنين ترجف و مجروحات و الدم ينزل منهن ، رچه راسه ع القنفة و غمض عيونه

***

مُهره
گعدت من النوم باوعت شهم ما موجود بمكانه ، گمت غسلت و توضيت و صليت ، نزلت جوه مبين هدوء كلش يمكن ماكو أحد ، شنو طالعين و مخليني وحدي ، رحت للمطبخ لگيت شهم حاط الريوگ ع الميز و توه ديشيل القوري من النار ، باوعلي ...

- صباح الخير يابة

- صباح النور ، هاي شمسوي؟

- ريوگ ، يلا گعدي

- چان گعدتني آني أسوي

- ما نطاني گلبي أگعدچ ، سويت ريوگ و گلت أجي أگعدچ

أبتسمت و گعدت ، جريت الكوابه و القوري صبيت چاي و نطيته و آني هَم صبيتلي ، أكلنه شوي و حچيت ...

- نگدر نحچي هَسه؟

- بشنو؟

- بموضوع الإنفصال

ضرب إيده ع الميز بقوة ، وگع كوب الچاي و أنطش ، صااح ...

- يعنيي أله تسممينيي من الصببحح

دفع الكرسي بقوة و گام

- شهم فدوة أگعد كمل أكلك سكتت

- مااريد أتسمم ، سديتيي نفسيي

عافني و راح ، أستغفرت و أخذت نفس و گمت لميت المواعين و غسلتهن و نظفت المكان ، عمي و عمتي طالعين من الصبح ما أدري وين ، كملت و رحت لغرفتنه ، فتت و لگيته گاعد ع القنفة و يهز برجله ، مدنگ راسه و حاطه بين أديه ، تقربت من يمه وگفت گدامه ...

- شهم أنت ليش ما جاي تفهمني ، آني تعبت

رفع راسه و باوعلي بنظرة غريبة ...

- ما نسيتيه مو؟

- شنو؟

- ما گدرتي تنسينه ، بعدچ تحبي مو أحچي؟!

- منو شهم شجاي تحچي أنت

- يعنيي منووو أكوو غيير فرراات ، أنتِ وحدةة چذاابهه خدعتيينيي و أوهمتينيي أنچ صددگ تحبيينيي و نسيتيي فراات ، بَسس الظاهر جربتينيي و شفتتيي ماافيددچ و ماا گدررتيي تنسسين فررات و هَسه تررديين تعووفينيي

- شجاي تحچي شهم والله ما أحبه و نسيته ، آني أحبك أنت والله العظيم وداعة أبننا

- وداعة أبننا هاا ، آني غبي إيي غبيي ، صدگتچ و سوينه طفل ، أفرضي طلگتچ و بعدين لگينه أكبر ، راح يضل معلعل بيني و بينچ ، لچ أنتِ شنوو بَسس فهمينيي شنوو !!!

- شهم والله فاهم غلط ، والله أحبك بَس أريد راحتك لأن جاي أشوفك حيل متعذب وياي

تقربت منه و خليت إيدي على صدره هو رأسًا وخر إيدي و أبتعد ...

- ديربالچ تگربين صوبي

حچاها و طلع معصب ، أوووف شسويت آني شسويت يربيي شلون أفهمه أنُ اللي فاهمة غلط والله غلط و آني أحبه و أريد راحته

***

عَلي چان گاعد بالغرفة يدگ على فرات بَس جهازة مغلق ، بده يخاف عليه خصوصًا أنُ هو من طلع چان موزين ، دخلت نجاة ...

- أرتااحيت هَسه ارتاحيت ، وين نلگاه أحنه يجوز صايرله شي ما شفته شلون چانت حالته ، اووف ياا ربي شسووي برووحي

- بَس على كيفچ يمعودة خليني أشوف دربي

- تشوف دربك و أنت الطفشته ، ليش سويت وياه هيچ ليش ضغطت عليه

- يااابة بَس أنطينيي مجاال ، قابل آني شسوويتله ، يريد يتزوج البنيه و هي ما رايدته ، أسكتله يعني و أظلم البنيه وياه

نجاة سكتت و گعدت ع القنفة تبچي ، تقرب من يمها عَلي و گعد بصفها ...

- يـَ بنت الحلال هَسه عليش تبچين

- حقك تسألني و أنت مبرد گلبك و لا كأنو المختفي أبنك صارله من الصبح ماكو ، رجعلي أبني علي والله أن صارله شي ما أسامحك

- لا إله إلا الله

طلع من الغرفة و هي گامت و طلعت وراه ، راحو للصالة ، صگر هَم كلف جماعته يدورون عليه بَس المشكلة جهازة مغلق ميگدرون يتعقبونه ...

عَلي : هااا ما فتح جهازة؟

صگر : لا والله يابة بعده مغلق

- إيي لييش غاالقه ياا أبنيي لييش

عشق : مو غالقة جهازة طافي من الشحن من زمان من چنت وياه

عَلي : ديلا بالله ، حِت إذا چنه متأملين يفتحه هَسه ماكو

صگر : آني راح أروح أدوره بالمعرض لو بالمحلات بلكت رايح هناك

دخل رافد و حچه گبل لا يطلع صگر ...

- لا تتعب نفسك آني دورته هناك و ما لگيته ، دورته بكُل الأماكن اللي يروحلها و ما لگيته

نجاة : رااح الولد ولككمم راااح

صگر : يمه بَس على كيفچ أحنه نلگاه إن شاء الله

بهالأثناء دگ تيلفون علي ، جاوب ...

- هلا أبو فاطمة

- بالمهلي أبو صگر شلونك

- على الله

- ما غير الله ، أگول أبو صگر ، فرات جه الصبح و فات للبيت و ليهسه ما طلع منه ، دگيت الباب أكثر من مره و ناديت بَس ماكو صوت و آني متأكد هو جوه ، گلت أبلغكم خاف صايرله شي

- جزاك الله خير أبو فاطمة ، والله چنه ندور عليه و جهازة مغلق

- خير إن شاء الله ، يلا آني أترخص يابة

- الله وياك

صگر : شبي أبو فاطمة؟

- يگول فرات هناك بالبيت ، راح أروح أشوفه

- لا يابة أنت ضل آني و رافد نروحله

- لا لا آني أريد أروحله

- نجاة : لا تضغط عليه عَلي دخيلك

- لا والله بَس أشوفه و أتطمن عليه و أحاول أقنعه بهدوء

( أبو فاطمة هو زلمة يشتغل عدهم بالمزرعة )
طلع عَلي و توجه للمزرعة ، وصل هناك و ألتقى بأبو فاطمة سلم عليه و مشه للبيت ، دگ البوب كُلهن بَس محد رد عليه ، عنده نسخة من مفتاح باب الصالة راح جابه من السيارة و فتح الباب و دخل ، أنصدم باللي شافة ، الصالة مگلوبة عاليها على واطيها ، دحگ شاف فرات گاعد و راچي ظهره ع القنفة ، أديه كُلهن دم ، راحله يركض ، لزمه من وجهه ...

- فرااات ، أبنيي گووم هايي شصااير بييك ، فراااات

ما رد عليه ، صاح عليه و هزه من كتوفه ، فتح عيونه و دحگ شاف أبوه ، حچه بتعب ...

- هاا يابة مو تبريت مني شجابك عليه

- لا حَبيبي لا ما تبريت منك شنو تخبلت آني ، گوم وياي هاي شمسوي بنفسك ، شو گوم على كيفك

ساعده و گومه ، تمدد ع القنفة و الرجفة بعدها بجسمه ...

- شمسوي بنفسك يول يابة ليش هيچ

- غصبًا عني

- شبيك وليدي بشنو تحس؟

- گلبي حيل جاي يأذيني

- گوم آخذك للمستشفى

- ميفيد يابة ، جرح العشگ ما يداويه دكتور

- أشش لا تحچي ارتاح ، آني راح أروح أجيب شي اضمدلك أديك

گام جاب أدوات التضميد و رجع لگاه نايم ، گعد يمه و سحب أيده و بده ينظفها من الدم ، حَس فرات ، حچه و هو عيونه على أبوه اللي يشوفه شلون خايف عليه ...

- ليش گلت أتبرى منك و هَسه خايف عليه؟!

- آني گلت هيچ بَس علمود أضغط عليك تا تطلگ عشق ، وله آني شلون أتبرى منك ، أنت أبني يول معادل روحي

- أحبها يابة ، والله مگدر أعوفها ، شوفني شصار بيه من طلبت أطلگها ، عجل لو طلگتها صحيح شيصير بيه

سكت ما حچه شي ، كمل تضميد أديه و راح وده المواد و رجع گعد يمه ...

- شگد صارلك تعاني من گلبك؟

- شهر

- شهر ، شهر يـَ فرات و ما تگول لأحد !

- الگيلي حل يابة شسوي ، لا أگدر أعوفها و لا أگدر اقنعها تضل وياي

- طلگها يابة طلگها ، صدگني إذا تزوجتو و هي مو راضية زواجكم ما راح ينجح ، أنت شلون ترضى تاخذ بنيه ما تريدك و تظلمها وياك ، طلگها و الله يعوضك بغيرها

سكت فرات ما حچه شي ...

- ملابسك كُلهن دم ، ماعندك شي هينه؟

- عندي ملابس من يوم المهر بالغرفة

- زين أروح أجيبهن و تبدل ملابسك

هزله براسه و غمض عيونه ، راح و رجع ، دگ تيلفونه ...

- هاا نجاة

- لگيته؟

- إي

- شلونه خوما بي شي ، أنطيني أحچي وياه

- مابي شي بَس نايم هَسه

- أحلف

- تريديني أحلف يـَ نجاة ، شنو مو مصدگتني !

- مو أعرفك من صوتك لو چذبت عليه ، أحچيلي شبي فرات عليك العباس

تنهد و جر نفس قوي ...

- تعبان شوية

- شبي؟

- گلبه

- اوووف منين طلعتلنه هالسالفة والله ما چان بي شي

- آني أدري

- شوكت تجون؟

- ما نجي هساع عود باچر ، خلي يرتاح شوية

- مو بالي يضل يمه

- آني يمه لا يضل بالچ

- زين

نهو المكالمة و ضل ويه فرات ، الليل كُله سهران على راسه ، و فرات يهذي و ما على لسانه غير عشگ ، أنقهر عليه أبوه بَس ما بإيده شي ، صار الصبح و عَلي گعد گبال فرات ، حچه ...

- ها أبني نروح؟

- إي

- تگدر؟

- إي أگدر

- ديالله عَجل

طلعو بره و فرات وگف ...

- و سيارتي شلون؟

- بعدين نجيبها هَساع أصعد وياي مگدر أخليك تسوق

هزله براسه و صعد ، وصلو البيت و نزلو ، دخل فرات و تلگته أمه ...

- هلا ماما هلا عيوني ، ليش هيچ تخوفني عليك

- هلا حَبيبتي

- شبييهنن أدييك وللكك ابنيي ، شنوو هاي ، عَليي شصاايرلهه؟؟

- بعدين اسولفلچ ، هَسه خلي يرتاح ، أصعد بابا أرتاح

سلم ع البقية و مشه تا يروح ، لزمه صگر و وگفه ، همس بأذنه ...

- أحاسبك على سوايتك هاي لا عبالك أعديلك ياها

هزله براسه و صعد ، وگف گبال غرفة عشگ و عيونه دمعن ، سيطر على دموعة و راح لغرفتة

***

مُهره
شهم البارحة ما نام يمي ، أول مره يضوج مني لدرجة مينام بالغرفة ، اووف يا ربي شلون أمحي هاي الشكوك من راسه ، نزلت جوه للمطبخ لگيته ديسوي بجامة الشباك مكسورة ، و عمه وياه دتحط بالمواعين بالسنك اللي صاير جوه الشباك ، وگفت أباوع عليه شلون يشتغل و مو مهتملي حَتى ما باوعلي و هو يدري بوجودي ، كمل و گال موجه كلامة لـ عمه ...

- ماما هاي ثبتتها بالگوة ، ديرو بالكم منها لا توگع عليكم ، تره حاده و تأذي ، بَس بين ما أروح أجيب جام و أجي اسويها

- إي زين حَبيبي

أجت عمه حَتى تغسل المواعين ، رحتلها ...

- عمه عوفيهن آني أغسلهن لتتعبين نفسچ

- لا حَبيبتي آني اغسلهن شنو السالفة هنه چم ماعون

- ميخالف عوفيهن

- زين

عافتهن و نشفت أديها و طلعت من المطبخ ، وگفت أغسل بالمواعين و شهم واگف بصفي ديلم بالغراض الچان يشتغل بيهن ، أحس بي كُل شوية يباوعلي ، ردت أحچي و چان يهب هوى قوي و ينفتح الشباك بقوة ، بسرعة جرني شهم لصدره و حضني بإيد و الإيد الثانية خلاها گدامي ، وگعت الجامة على إيده اليمنه و أنجرحت ، وخر عني و لزمها و وگف ، غمض عيونه و عض على شفته السُفلية من الألم ...

- يااا الله إييدككك شههممم إيييدكك

- أششش مابيها شي لتخافين

- شلوون مااخاف دبااوع الجررح

الجرح كلش غميگ و الدم صار ينگط بالگاع ، لزمتها و صرت أبچيي ...

- لتبچين مُهره شو باعيلي؟ ، هَسه أروح للمضمد يضمدها

- إيي يلاا بسررعة

راح و رجعت صحته ...

- اوگف

- هااا؟؟

رحت جبت باندج و لفيتله ياها حَتى بلكت ينگطع الدم

***

فرات
گاعد وحدي و حاير بزماني ، حاير بعشگي اللي صارت تتمنى الموت و لا تضل وياي ، ليش هيچ صارت ، مو چانت تحبني ، مو وعدتني تضل وياي و تحبني بكُل حالاتي ، شغيرها علي ، أنفتح الباب و دخل أبوية ، جه گعد گبالي ...

- هاا وليدي فكرت؟

- إي يابة

- و شقررت ، تطلگ لو لا؟ ...

********

يتبع ...

شنو رأيكم أنتو ، فرات راح يدوس على گلبه و يتخلى عن عشگه؟ ، يلا أكتبولي توقعاتكم

18.kij
تعالو أنستا و اللي يجي يدخلي خاص و يگول آني جديد علمود أضيفه كلوز لأن نشري عن الرواية فقط كلوز ، و سلامتكم

سحر الدليمي