رواية عشگ الفرات ( عِندما تَهوى القُلوب ) الفصل التاسع والستون 69 - بقلم سحر الدليمي

لا تنسون التصويت و التعليق بين الفقرات
قراءة مُمتعة ♥️

***

- العالم جَميل لكنهُ أجمل بوجُدكَ مَعي .

***

- طيب شوفي يـَ عشق ، الحين أنا أبتكلم معك بكل وضوح

- زين أسمعچ

- رحمك مره متأذي وش اللي صاير معك علشان صاير كذا؟

سكتت ما جاوبتها ، هي شكلها وصلها أنُ آني ماريد أحچي ، گالت ...

- طيب ، أبيك تعرفين يـَ عشق أن الحمل ما يواتيك أبد

- شلون يعني؟

- يعني الحمل خطر عليك و على الجنين اللي تحملين فيه ، ممكن أنتِ تموتين أثناء الولادة و ممكن الطفل يموت و ممكن تسقطين أصلاً و ما يتحمل الجنين ، لنه مثل ما گلتلك رحمك متأذي و الحمل ما يواتيك ، و حتى و أن حملتي ضروري تنزلينه

- يعني ما أحمل؟

- ع الأقل هالفترة هاذي و بعدين تگدرين تراجعين طبيبة خاصة و هي تتابع حالتك و تگولك إذا فيك تحملين و له لا ، بَس على الأرجح الحمل خطر عليك

- زين هَسه آني شنو أسوي دكتورة؟!

- الحين بكتبلك شوية أدوية علشان الألم يختفي عندك ، و بالنسبة لسالفة الحمل فـ أنا شرحتلك الوضع

صارت تكتبلي بالأدوية و آني عقلي تشوش و أنصدمت من اللي گالته ، حچت ...

- زوجك معك؟

- إي

- ضروري تخليه يجيني علشاش أفهمه حالتك بالتفصيل لنه لازم يعرف علشان يعرف كيف يتصرف

- إن شاء الله

أخذت الورقة من يمها و طلعت لگيت فرات واگف شافني و أجه ...

- هااا عشگ شبيچ شگالتلچ؟؟

يحچي وياي و آني بالي مو وياه ، كُل تفكيري باللي گالته الدكتورة ، لحد ما لزم إيدي و صاح ...

- عششگ ، جااي أحچي ويااچ؟؟

- هااا ، هاا حَبيبي

- شبيچ شگالتلچ الدكتورة؟

- ما گالتلي شي ، ماكو شي ، بَس هاي الآلم بسبب الضرب اللي تعرضتله ، و نطتني هاي الأدوية و گالت وياها يخف الوجع

- إي زين الحمدلله ، خوفتيني يـَ روحي

- مابيه شي عيوني أنت لتخاف

أخذ ورقة الأدوية مني و گادني و مشينه ، دخلنه ع الصيدلية و أخذنه الأدوية و رجعنه للفندق ، فرات بدل ملابسه و راح تمدد ع الچرباية ، آني هم بدلت و رحت تمددت و حضنته ...

- آني آسفه حَبيبي

- عليش تتأسفين؟!

- گعدتك بعز نومك و أنت تعبان و خوفتك ع الفاضي
ت

تت

- لا يابه لا تگولين هيچ ، هو آني شعندي غيرچ ، أنعل أبو النوم المهم أنتِ ما يصيرلچ شي

أبتسمت و حضنته حيل دفنت راسي برگبته ، أريد أنسى السمعته و آني وياه ، من أكون وياه أنسى كُل ضيمي و قهري ، و فعلاً بَس حضنته و شميت ريحته نسيت الدنيا و البيها و غفيت و آني بحضنه

***

نَفس
الليل كُله رافد ما تركني أبد ، خله عماته و أبوه يروحون خطية هم تعبوا ويانه و بقى بَس هو وياي ، من يبچي مُلهم هو يشيله و يسكته مينزله من إيده لحد ما يسكت و من يجوع هو يسويله حليب و يرضعه لأن آني ما أگدر ، مرات أحس بوجع يجي يگعد يم راسي و يظل يقره آيات لحد ما أنام ، صار الصبح ..

- آني رايح أروح أجيب ريوگ هَساع أجي ما أتأخر

- قبل متروح أنطيني مُلهم أخلي بحضني بين متجي

- مو خاف يتعبچ

- لا ميتعبني

شاله و جابه خلاه بحضني ، باسه و طلع
مُلهم بحضني و أباوعله ، مو مصدگة أنُ بعد كُل اللي صار وياي أستقرت حياتي و أرتاحيت ، أسست عائلة و حياتي حلوة ، أبني بحضني و زوجي وياي بكُلشي ، الحمدلله على كُلشي ، گام يتنعوص مُلهم ...

- هااا حَبيبي شنو أشتاقيت لـ بابا

بقيت أهزه لحد ما سكت و غفه ، شوي و أجه رافد جايب وياه الريوگ ، خلاه ع الچربايه و أجاني ...

- جيبي يلا تا تتريگين

أخذه مني و خلاه بسريره ، أجه فتح الأكل و خلاه گدامي ...

- يلا أكلي حَبيبي تا تطيبين بساع

هزيتله براسي و صرنه ناكل ، كملنه و لم الأكل و راح ما أدري وين وداه شوي و رجع ...

- راح نطلع جاهزة

- إي

لم الغراض و أجه ساعدني حتى أگوم ، لبس الجنطة بچتفه و شال مُلهم بإيد و الإيد الثانية گادني بيها ...

- تگدرين تمشين؟

- إي حَبيبي أگدر

أبتسم و مشينه طلعنه لبيتنه ، وصلنه لبيتنه و نزلنه لگينه عمو جسام ذابح ذبايح لسلامتي و سلامة مُلهم و ديحطون اللحم بعلاليگ علمود يوزعونه ع الفقراء ، شافنه و أجه علينه ...

- هااا الحمدلله ع السلامة

- الله يسلمك عمو

أخذ مُلهم من رافد و الجنطة هَم علمود يگدر يگودني لأن أحس ما أگدر أمشي ، فتنه جوه و بالگوة صعدت للغرفة ، تمددت ع الچربايه و أجه عمو نطه مُلهم لـ رافد و خله الجنطة بالگاع و طلع ، أجه رافد خله مُلهم بصفي ...

- آني لو أدري بي مستعجل ع الجيه و يجي بالسابع چان جبتله سرير من زمان

- ههههههه

دنگ عليه و صار يحچي وياه ...

- هااا أبني تريد سرير يول

- رافد تره بعده ميفهم

- لا لا يفتهم مو مُلهم ، شو دحگ عليه يول فتح عيونك عليش تظل مغمضهن أربعه و عشرين ساعة

- ههههههههه يمعود بعده زغير

أندگ الباب و فاتت رُسل أجت تحمدتلي بالسلامة ، وگفت لارين تباوع لـ مُلهم ، شافها رافد و گام يداهر بيها ...

- إيي لولو لازم أبني حلو وگفتي تدحگين عليه

- إي حلو ميشبهك يشبه عمه نَفس أنت مو حلو

- رحم الله والديچ ، زين عجل ما دام حلو راح آخذچ له من يكبر شتگولين

- أهووو دعوفني

گالت هيچ و طلعت ، ضحكنه عليه و طلعت رُسل وراها ، أجه رافد گعد يمي من الجهه الثانية ، تقرب عليه و وخر شعري عن عيوني ...

- شلونچ خوما متوجعة

- لا حَبيبي مابيه شي

- طيبي بسرعة أشتاگيتلچ

- و آني هَم أشتاقيتلك

بقى يباوع عليه بعدين تقرب و باسني بشفايفي ، وخر و گال ...

- آخخخ أندار على هالشفايف يول يابه

- شنو يعني مفهمت؟!

- يعني أروحلهن فدوة ، جماعة الوسط أنتوا هيچ تگولون

- ههههههه ، أسم الله عليك حَبيبي ، آني أرو ...

- أششش لا تكملين ، مالي غيرچ أريدچ يمي طول العمر

- يعني آني الألي غيرك؟ ، رافد آني وياك بَس حسيت بطعم الحياة

***

عشق
گاعده آكل و أجه فرات گعد گبالي و بقى يباوعلي بدون ميحچي شي ...

- لتباوع هيچ عفيه

- ليش؟

- أتوتر من أحد يباوعلي هيچ

- چني سامع هالحچي من گبل

- هههههه ما نسيت

- لا أبد ، بَس آني هَسه زلمتچ أدحگ عليچ بكيفي وين ما أريد أدحگ بكيفي ، شوكت ما أريد أدحگ هَم بكيفي

يحچي و يتقرب عليه شوي شوي ...

- أحمم جاي آكل فرات

- هااا ديلا أكلي بالعافية

- دريت

- شنو؟

- نَفس جابت

- صدُگ

- إي والله

- شنو سمو الطفل

- سماه خالو جسام مُلهم

- إييي و آني أگول ليش رافد مسمي نفسه الفيس أبو مُلهم

- إي و حاط صورته هَم ، تگول نَفس كلش فرحان بي ، مو مصدگ أنُ صار أب

- يوم الألنه إن شاء الله

گال هيچ و آني غصيت باللگمه ...

- أسم الله هاي شبيچ !

نطاني مي و شربت ، بقى ساكت و يباوع عليه ...

- فرات

- ها حياتي

- إذا الله ما قسملنه أطفال شنو حيكون موقفك ، راح تعوفني لو تتزوج عليه

- شنو مناسبة هالحچي بالله؟!

- هيچ ، يلا جاوب

- عاد إذا ما أنقسملنه أطفال فـ هذا حُكم رب العالمين و لا إعتراض على حُكمه ، و آني إذا مو أطفالي أنتِ أمهم ماريدهم ، أريد أصير أب لأطفال منچ أنتِ مو من غيرچ

- أحمم ، زين إذا صار عندي حمل و متت أثناء الولادة شتسوي؟

- أهووو عشگ شبيچ گمتي تلوصين بالحچي

گال هيچ و گام فتح البرده و وگف يم الشباك ، رحت يمه چان عاگد حواجبه و معصب ...

- آسفه زعلتك

- أنتِ مو بَس زعلتيني ، أنتِ خنگتيني بحچيج هذا

- خلص حَبيبي آسفه والله

تقربت عليه و حضنته ...

- لتزعل مني فدوة

وخر عني و حط إيده على وجهي ...

- آني طلعت روحي يلا حصلتچ تجين تسمميني بهالحچي و تحطين هالفكرة ببالي ، والله تحرميني حتى جهال ما أسوي

- ليش؟!

- أخاف عليچ

- بَس آني أريد أصير أم

راح گعد ع الچربايه و حط إيده على راسه ، گال ...

- أن الله قسملنه محنه عايفينهم

رحت گعدت يمه ، أنتبهت عليه وجهه بلش يعرگ و تنفسه صار سريع ...

- فراتي شبيك؟

ما رد عليه و إيده على صدره ..

- فراات

- هااا ، هاا عشگي

- شبيك؟!

- شبيه ، كُلشي مابيه

- متأكد؟

- إي

سكتت عنه بَس وضعه مو مرتاحتله أبد ، ألتفت عليه ...

- يلا حَبيبي گومي بدلي لا نتأخر على خالد و زوجته

- زين

گمت أبدل و هو فات ع الحمام ، بدلت و كملت و هو بعده بالحمام تأخر ، شوي و طلع ، أخذ ملابسه و نزع البدي ، أنتبهت لدمارات صدرة بارزه بشكل مخيف ، رحت و حطيت إيدي على صدره ...

- فراتي أحچيلي شبيك

- مابيه شي يابه

أبتعد عني و راح لبس الدشداشة و أجه لبس الشماغ و حط العگال ، شلت العطر و رحت وگفت گدامه و رشيتله منه ، لف الشماغ و شال الساعة ديلبسها ، واگفة و أباوعله ذايبه بكُل تفاصيله ، وجهه ، لحيته ، شواربه ، حتى لفة شماغة أحبها ...

- هنيالي بيك يـَ شيخ گلبي

ألتفت عليه و أبتسم ، تقربت عليه ...

- حَبيبي طالع سعودي مأصل

- هههههههه ، لا يابه آني عراقي ، مبين من وجهي عراقي

- إي والله العراقيين معروفين وين مراحوا

- إي شفتي

شال تيلفونه ...

- هاا نطلع

- إي نطلع

طلعنه و رحنه للمطعم اللي متفقين عليه وصلنه و لگينه خالد و نوره واصلين ، سلمنه و گعدنه ، أنتبهت لـ نوره وجهها أصفر و مبينه مريضة ، ألتفت عليها خالد و أنتبهلها ...

- هاا عسى ما شر و شفيك؟

- مدري ، أحس بدوخة مره گويه

- مهنا شر إن شاء الله ، هذا علشانچ منتي ماكله شي الحين بتاكلين و بتصيرين أحسن

هزتله براسها و گعدنه نسولف ، شوي و وصل الأكل و صرنه ناكل و نسولف ، گعدتهم متنمل ، نوره رغم حالتها هاي بَس تسولف و تضحك وياي ، فرات أكل شوي و ألتفت عليه ...

- آني رايح أغسل

- ما أكلت شي؟!

- مو مشتهي

گام و حچه خالد ...

- هاا وين؟

- شبعت الحمدلله

- يـَ رجال ما كليت شَي !

- هايهيه أكتفيت ، أكلوا أنتوا بالعافية

راح و بقيت أنتظره ، نوره تحچي وياي و آني بالي يم فرات تأخر ، آخر شي بَعد ما أتحمل گمت ...

نوره : وين رايحة؟

- فرات تأخر كلش رايحة أشوفه

خالد : أجلسي يختي ما يصير تروحين حمامات الرجال ، أنا گايم أشوفه

گعدت و راح خالد يشوفه

فرات
وجع گلبي زاد عليه ، خفت عشگ تحس عليه ، گمت غسلت و گعدت بمكان بعيد عنهم ، فتحت دگم الدشداشة گلبي أذاني ، شوي و جاني خالد ...

- شگاعد تسوي هِنا؟

- ماكو شي بَس تعبان شوي

- شفيك تعبان؟ ، حرمتك تسأل عنك گم شفها

- ما أگدر خالد ، ماريدها تشوفني بهالحالة

جه گعد بصفي ...

- فرات شفيك؟

- گلبي يوجعني ، خالد خلي زوجتك تاخذها تلهيها بأي شي بين ما أصير زين

- طيب ليه ما تعلمها؟

- لا لا ماريدها تدري

- زين الحين بگول لـ نوره

طلع تيلفونه و دزلها رسالة ، شوي و گمنه رجعنه لمكانه ما موجودات ، گعدت و نزعت الشماغ و العگال ، حچه خالد ...

- ما رحت شفت دكتور؟

- لا

- ليه يخوي؟ ، إحتمال گلبك في شي و لازم أنك تعالجه

- مالي خلگ مستشفيات و أدويه

- يـَ شيخ هاذي صحتك ، شفيك مستهين فيها كذا؟!

- ميخالف ماكو شي

سكت و يدحگ عليه مو عاجبه ، وره نص ساعة تقريبًا حسيت أني أشوه ، خابر خالد على زوجته گال أنها مرجعة عشگ للفندق ، ودعته و گمت رجعت للفندق و آني أحس حيل ماظلي ، فتت للغرفة و أول ما شافتني عشگ جت حضنتني ، حضنتها و مسحت على شعرها ...

- هااا لحگتي تشتاگيلي

وخرت عن صدري و دحگت عليه ...

- ويين چنت هااا ، أنت مو رحت تغسلل لييش أختفييت ، شصاارلك والله متت من الخووف علييك

- على كيفچ شوي شوي

- أحچي مو موتتني؟؟

- يابه شفت أصدقاء ليه من زمان ما شايفهم و وگفت وياهم ، بعدين جاني خالد و أضطرينه نگعد وياهم

- يعنيي ترووح لأصدقااائك و تعوفنييي آني گلبيي يغليي علييك من الخووف ، متگدر ترفع تيلفونك و تگُلي آني هيچ صار وياي و مگدر أجي ، أنت تعررف شنو الأفكاار الأجتنيي ، فراات هذاا موو حچي ترره

- عشگ تعبان عوفي هالسوالف هَسه أريد أنطمر

عفتها و رحت أبدل بملابسي ...

- متنااام فراات داااحچيي وياااك جااوبنييي

- فرااات

ما رديت عليها ، ماعندي طاقة للحچي أصلاً ، رحت أنجضعت و غطيت راسي و هي ظلت تصيح ...

- تعوووفنيي و ترووح تناام ، تتجاهلنيي فراات ، هَسسهه ترجععنيي للعراااق فااااهم ، رجعنييي مااريد أبقى هنااا

- فرااات

عشق
فور دمي ببرودة ، آني متت من الخوف عليه و هو يجي و يحچي وياي بكل برود لا و فوگاها يتجاهلني و يروح ينام ، ما كلف نفسه حتى يحچي وياي و لا حاول يقنعني أو يناقشني ، تخبللت آني ، فوگ ما كلام الدكتورة ماخذ كل تفكيري أنوب يجي هو يسوي هيچ ، ما تحملت رحت للحمام و گعدت أبچي من كُل گلبي ، وره نص ساعة طلعت لگيته على نومته ، تقربت منه ، خفت لا بي شي لأن هو من يتمرض يگوم ينام هواي ، عفته و رجعت للحمام بقيت أبچي و أفكر ، أحس أني ظلمته وياي ، إذا ما گدرت أجيب أطفال شلون ، أصلاً إذا عرف مستحيل يخليني أجيب أطفال ، وره تقريبًا ساعة أندگ باب الحمام و أجاني صوته ...

- عشگ أطلعي شعندچ هينه؟

ما جاوبته ، رجع يحچي وياي ، گمت باوعت على نفسي بالمرايه ، خشمي أحمر و عيوني مورمه من البچي ، غسلت و فتحت الباب ، شافني و أنصدم ...

- هااي ليش بأچيه !!

گال هيج و سحبني لحضنه ...

- أوووف ، بچيتي من ورايه ، الله لا ينطيني العافية

وخرت عنه ...

- أشش لتگول هيچ فدوة

- چبتچ هينه تا اونسچ و تالي تبچين من ورايه

- لا بَس آني صايرة حساسة بهالفترة

- آني آسف

- أصلاً آني اللي آسفه

- ليش؟

- هيچ

عفته و رحت تمددت ع الچربايه ، أجه تمدد بصفي ، درت وجهي للجهه الثانية ، تقرب مني كلش و حضني من خصري ...

- بعدچ زعلانة علي

- لا

- أمبله والله زعلانة

- لا مو زعلانة

قربني منه أكثر و شدد قبضته على بطني ...

- عشگ لا تسوين بيه هيچ

أنداريت عليه و تقربت عليه كلش ، دحست رجلي بين رجليه و حضنته و دفنت راسي برگبته ...

- هاي شنو تريد تطبين بنصي

- إييي هيچ أريد أطب بين ضلوعك

- ههههههه

- يا روحي أنتِ ، نامي هَسه و باچر محظرلچ مُفاجأة

رفعت راسي : شنو هي؟

- كُل أسمها مُفاجأة شلون تريديني أگولها ، نامي هَسه بعدين تعرفينها

رجعت راسي لرگبته و نمت

***

مُهره
گعدت من الصبح حتى قبل الكُل ، اليوم راح أرجع للكلية و متحمسة كلش ، رحت للحمام توضيت و أجيت صليت و رحت گعدت شهم ، هو هَم گعد و راح حتى يصلي ، نزلت جوه للمطبخ حتى أسوي ريوگ ، عمي و عمتي بعدهم نايمين ، شوي و أجه شهم گعد ع الكرسي و بده يگلب بالفون ، كملت الريوگ و حطيته ، تريگنه و كملنه و رحت بدلت و طلعت لـ شهم چان ينتظرني بره ، وصلنه الجامعة و ردت أنزل و صاح شهم ...

- أوگفي

- هاا حَبيبي

- ديري بالچ على نفسچ و من أدگ عليچ گُبل جاوبي لا تخلين بالي ينشغل

- صار حَبيبي

تقرب باسني و نزلت ، لاگتني رشا صار هواي مشايفتها ، تسالمنه و گعدنه نسولف بين متبلش المحاضرة ...

- شو بعدچ تدرسين ولج ، شنو منجحتي؟

- لا أصلاً العام ما درست مثلچ

- ليش؟

- مو سافرت ويه أمي علمود علاجها و تأخرنه هناك و راحت عليه السنة

- حرامات

- و أنتِ ملگينوا أبنكم؟

- لا ملگيناه ، شگد دور شهم بَس ملگاه

- يااا حَبيبتي سودة عليه ، الله يعوضكم إن شاء الله

- عوضنه الحمدلله ، آنـه هَسه حامل

- صدگ؟

- إي والله

- يعمري والله كلش فرحتلچ ، الله يگومچ بالسلامة

بقينه نسولف لحد ما بلشت المحاضرة و
دخلنه ، أخذت محاضرتين و شهم كل شوي يدگ عليه ، بالمحاضره الثالثة أضطريت أسوي التيلفون صامت لأن هذا الدكتور ميتفاهم گُبل يطرد ، كملت المحاضرة و طلعت ، شفت تيلفوني لگيت ٤ مكالمات من شهم ...

- يبووو هَسه أكيد عصب

- شنو شكو؟!

- شهم داگ عليه أربع مكالمات و چان التيلفون صامت ، هَسه صاير أعصاب أعرفه

- دگي عليه و فهمي

هزيتلها براسي و رحت دگيت عليه شوي و فتح خط ، گُبل صاح ...

- آنـه مووو صااارلييي ساااعة أدگ علييييچ ليييش مااا تجاوووبينن ، ولچ تخبلللت عبااالي صاارلچ شيي

- شهم فدوة بَس أهده ، والله مو بإيدي چنت بالمحاضرة و الدكتور عصبي كلش و ميتفاهم لذلك خليت الفون صامت

- إييي أهمم شييي الدكتووور ، و شههممم عااادي خلييي يطيييح حظه ولچ ...

ما كمل فصل تيلفوني فجأة ، باوعت لگيت خلص شحنه ، خليته بالجنطة و أستمريت بالدوام بَس بالي كله يم شهم أكيد هَسه گلب الدنيا ، هو صَح هادئ بَس من يعصب ميعرف أبوه ، كملنه دوام و طلعت لگيته ينتظرني ، صعدت بالسيارة و هو أستلمني رزايل ، الطريق كله هو يحچي و معصب ، آنـه محچيت وياه شي ، لحد ما وصلنه و نزلت و عفته رحت للغرفة ، شوي و فات و رگع الباب وراه چان معصب كلش ...

- ليييش تفصلييين الصخااام بووجهيي هااا

- مو آنـه والله ، خلص شحن و فصل من يمه

- هاااا گلتييلييي فصلل من يمههه

- فدوة لتصيح بَس على كيفك

- وللچ حرگتيي أعصاابي و آنـه أدگ و متجاااوبيين ، مو گتللچ من أدك گُبل تجااوبين ، گلت لوو ماا گلت

- إيييه كااافي تصييح شبيييك ، گتللك مو بإيديي والله مووو بإيديييي

- لتصييحييين

- لاا أصيييح ، أنت وااحد أنانيي تعررف ، خااايف على أبنكك بَس ، خااايف لا مااا أحافظ عليه ، المهم أبنكك و آنـه طزز بييه و طززز بأحلااامي و طموحااتي ، أنت ترييدنيي بَس أللكك ، ترييدني أعووف كلشيي و أكوون بَس ألكك

- هااا طلعت هَسه آنـه أناني !

- طلگني شهممم ، طلگنييي

- أهووو هممم رجعننه للطلااااگ

صرت أحچي و أبچي عصببت كلش و أنفعلت ، ما حسيت بي غير من جرني عليه و باسني بوسه سكتني بيها ، ما يقارب الدقيقة و شفايفه على شفايفي ، وخر عني و حضني لصدرة ...

- أشش بويه آنـه آسف

- قهرتني شهم ، كلش قهرتني

- و عَلي الفحل مو بإيدي ، تخبلت من ما جاوبتيني و بعدين فصل التيلفون بوجهي ، عبالي بيچ شي والله من خوفي عليچ

سكتت و حضنته بقوة ...

- آنـه أخاف عليچ مو بَس على أبني ، لو صارلچ شي آنـه الدنيا تطلع من عيني و ما أگدر أربي وحدي

- مُهرتي آنـه بلياچ جسد بدون روح

***

عشق
الصبح جهزنه غراضنه و بدلنه و كملنه ، ما أخذنه هواي غراض بَس اللي نحتاجها ، آني كتلني الفضول أريد أعرف شنو المُفاجأة ...

- فراتي

- هااا عشگي

- مگتلي وين رايحين؟

- رايحين لـ نجد

- شنو هاي نجد؟!

- منطقة حييل حلوة ، منطقة تاريخية و متأكد راح تحبينها ، هاي المنطقة ألها حُب بگلوب كُل السعوديين لعراقتها و القصص اللي صارت على أرضها

- تشوقت أشوفها

- هَسه رايحيلها

- خالد يجي مو؟

- لا ميجي عنده شغل

- لعد شلون راح نندل

- يمعودة هو خالد أمر من عدنه هَم كُلشي ما يندل ، ماعليچ آني أدبرها

شلنه الغراض و طلعنه المنطقة مو كلش بعيدة ، وصلناها و فعلاً چانت تجنن ، رحنه للصحراء و چان أكو هواي ناس يجون يتونسون هنا لأن المواقع البيها كلش حلوه آني اللي ما أحب الصحراء حبيتها

هاي صَحراء نَجد

و هاي أحد المواقع التاريخة بـ نَجد " الدرعية "

لليل و أحنه نفتر و نستكشف المكان كلش تونسنه ، بعدين گعدنه نتعشه ، حچه فرات ...

- تدرين هنا بهاي الأرض صارت أحلى قصة حُب عرفها البدو و الحضر

- شنيه؟

- أحچيلچ ياها؟

- إيي فدوة تحمست أعرفها

نفض إيديه من الأكل و تربع ...

- شوفي هاي بالقرن الماضي چان أكو قبيلة بدوية عايشين حالهم حال القبائل بأرضهم ، بَس بيوم من الأيام أمحلت گاعهم و حلالهم گام يموت

- شنو يعني أمحلت؟

- يعني جفت گاعهم معد بيها لا زرع و لا مي

- هااا

- إي ، فـ أضطر شيخ القبيلة يرحل يدور لعشيرته گاع زينة تا يگدرون يعيشون ، هذا الشيخ چان عنده بنيه و وليد ، هاي البنيه حيل حلوه أسمها شيمة و چان عدها ٣ ولد عم مو خوش أوادم و طايحين حظ شغلهم البوگ و قطع الطرق ع الوادم

- ياااا الله ياخذهم

- هههههههه هو الله أخذهم

- هههههههه يلا كمل

- فـ راحو جاوروا قبيلة ثانية و هاي القبيلة چان شيخهم حييل زين و كريم و حكيم ، من أصول العرب أن يكرمون جارهم فـ هو عزمهم و أكرمهم و من هالسوالف ، هذا الشيخ عنده وليد واحد أسمه وافي ، هذا وافي يعشگ نجد حييل و يظل يفتر بصحرائها ، مره من المرات طلعت شيمة تا تورد الناگه مالتها

- شنو تورد؟

- أهووو هَسه آني أظل أترجم

- إيي غير أنت لهجتك ما أعرف شلون صايرة

- يابه تورد يعني تسگي الناگة

- الناگة شنو؟!

- يبووووو ، يابه الناگه أنثى البعير ، تعرفين البعير لو ما تعرفينه؟

- لا لا أعرفه يلا كمل

- طلعت و بطريقها صادفت وافي أبن الشيخ ، و من هنا بلشت قصة حبهم ، و راح الوليد هو و أبوه خطبوها من أبوها بَس من دره أبن عمها الچبير " خطاب " نهى عليها و خرب الخطبة عبنه چان يكره وافي و أبوه

- يااا خطية و بعدين شصار

- ظلو يحاولن ويه خطاب يفك النهوة بَس ما گدروا عليه يگول لو تتزوجني آني لو ما تتزوج عمرها كُله

- بااااع الحقيير

- هاا چنچ أندمجتي حيل ويه القصة

- كلللش ، كمل و شصار بعدين

- بعدين بيوم من الأيام راحت شيمة تا تشوف وافي بنفس المكان اللي ألتقوا بي أول مره ، لاحگتها بنت عمها و شايفتها ملتقيه بوافي و راحت گالت لولد عمها و لحگوها ، و گبل ما يصلون البنيه ماتت من قهرها ، ماتت بين إيدين وافي ، هو تخبل عليها ، جو ولد عمها و شافوهم سوه ، گام واحد منهم و ضرب وافي بَس وافي گبل لا يموت چتل منهم ثنين ظل بَس خطاب و أنهزم

- و بعدين

- بعدين جو الشيوخ أبوه و أبوها و رجع خطاب شافهم و چتل أبو وافي و أبو شيمة اللي هو عمه ، چتله لأنه چان يريد المشيخة لأبوه

- يااا خطية

- و بعدين أدفنوهم كلهم سوه و صار فراج هو الشيخ ، أخو شيمة ، و ظل يدور لأبن عمه خطاب إلى ما لگاه و چتله و أخذ بثارهم كلهم

- والله عفيه عليه

- إيي

- يعني هاي القصة صدُگ حقيقية؟

- إي حقيقية ...

********

يتبع ...

فعلاً القصة حقيقية و سوو عليها مُسلسلة بدوية أسمها " الدمعة الحمراء " تگدرون تشوفونها إذا تحبون

18.kij
تعالو أنستا و اللي يجي يدخلي خاص يگُلي آني جديد علمود اضيفه كلوز لأن نشري اللي يخص الرواية كُله بالكلوز

سحر الدليمي