رواية عشگ الفرات ( عِندما تَهوى القُلوب ) الفصل الثامن والعشرون 28 - بقلم سحر الدليمي

- غَدرة عَدو

***

( أعذروني إذا ساحگه لأن البارت راجعته بَس مَره وحدة😂😩)

ياسر بره بالكراج چان يتفقد السيارت ، دخل جوه و شاف الدخان يطلع من جوه باب المكتب ، ركض للباب صاح على عَلي بَس ماكو رَد ، حاول يفتح الباب بَس المصيبة مقفول ، طلع تيلفونه بسرعة و خابر عَلى فرات

فرات ، وصل أمه و ماشي بطريقة للمعرض ، دگ تيلفونه و جاوب ...

- هَلا ياسر

- ألللححگ ففررااات أللححگ ، أبوووكك رااحح يمووت جَووه

هنا فرات لزم بريك قوي و وگف السيارة ، حچه و هو مصدوم ...

- أهده ياسر أهده و أحچيلي شصاير بدون صياح !!

- چنت بالكراج و دخلت شفت المكتب جاي يحترگ و أبوك جوه و الباب مقفول ، ناديته بَس ما جاوبني

- ششتحچييي أنتت يااسسرر !

- فررراات تعال بسررعةة لأن آني أتگضبت إديه و رجليه و ما أعرف شسوي

- خابر ع الأطفاء بسااع و آني جاي بالطريق

ذب التيلفون من إيده و حرك السيارة بسرعة ، بعدين أخذه و أتصل على صگر اللي بالدوام ، من سمع الخبر عاف كُلشي و طلع ببدلته العسكرية

بين النيران المشتعلة و اللي راح تقضي على كُلشي موجود بالمكان ، عَلي صَحى ، دحگ شاف النار مشتعلة و الدخان تارس الغرفة لدرجة ميگدر يشوف راحة إيدة ، گام على حيلة و هو بعده دايخ و تحت تأثير الضربه ، مشه بأتجاه الباب ، وصل يمه و حاول يفتحه بَس الباب مقفول ، أختنگ من الدخان و صار يگح و هو من الأساس عنده تحسس قوي ، لف الغتره على وجهه و گعد و هو مختنگ و يجر أنفاسه بصعوبة

وصل فرات و ويه وصلته وصل صگر ، نزلو من السيارت و هُمه يشوفون الدخان يطلع من جوه باب المكتب و الناس ألتمت ، رادو يفوتون بَس لزموهم ولد و گالولهم تحترگون إذا تفوتون ، هَسه يجون الأطفاء و هُمه يتصرفون ...

فرات : أبوويةة جاي يحترگ جووههه و تريدوني أننتظظرر الأطفاااء ، هدووونييي يولوووو أبووويةةة رااححح يموووت هدووونيي ، ياااا الله

لازمينه 3 شباب و مو مسيطرين عَليه ، صگر غافلهم و راح يركض لجوه ، فرات من شافه دخل دفعهم عَنه و تخلص منهم بالگوة ، دخلو جوه و حاولو يفتحون الباب بَس الباب مقفول ، صگر حار شيسوي ، راح يدور المفتاح بَس ماكو ...

فرات : صگر أبوية جوه ماعدنه وكت ندور المفتاح لازم نكسر الباب

حاول فرات يكسر الباب بَس الباب من النوع القوي مو بسهولة ينكسر ...

صگر : وخر فرات شكله ما راح ينكسر

أبتعد فرات عن الباب و صگر طلع مسدسه و وجهه ناحية الكيلون مال الباب ،ضربه طلقة و تكسر ، فتحوه و دخلو ، الغرفة محترگ نصها ، شافو أبوهم بالگاع بتالي روح و گوه يجر النفس ، بساع طلعو بره من بعد ما النار طالته ، حطو بالگاع و گعدو فوگ راسه ...

صگر : يابة جاوبني عفيه ، دحگ طلعناك بَس شد حيلك و گوم لا تهد حيلنه يبوي

فرات : ياسر خابرت الصخام الأسعاف لو ناخذه أحنه؟؟

- خابرتهم و جاين بالطريق

- صگر خل ناخذه أحنه خاف هذوله يتأخرون

- منگدر فرات متشوف وضعه شلون ، الأسعاف أحسن لأن راح يهتمون بي بين منصل المستشفى

شوي و وصلت الأسعاف ، أخذو عَلي ، و صگر و فرات لحگوهم بسياراتهم للمستشفى

***

عشق
رحنه للصالة آني و رُسل ، باوعت لأمي رايحة راده و بأيدها الموبايل و شكلها متوترة ...

- خير ماما شبيچ؟

- ما أدري ماما أحس گلبي مو مرتاح ، و جاي أدگ على خالچ عَلي بَس ميجاوب حتى فرات ميجاوب ، حاسة صاير شي موزين

رُسل : لا تحچين هيچ حَبيبتي عمه ، إن شاء الله ماكو شي ، بَس هَسه تلگينهم مشغولين و لاهين عن فوناتهم

- إي ماما لا تخافين

بقيت گاعدة يم ماما ، بَس حچيها خوفني و آني أشوفها تدگ على خالي بس ماكو رد ، گمت أحوص و صرت أفرك بأديه ، گمت رحت للهول و طلعت التيلفون و دگيت على فرات مَره و مَرتين و ثلاثة بَس ماكو رد ، خفت و صرت أتخيل شغلات ، رجعت گعدت يم أمي و آني التوتر سيطر عَليه .

***

شهم
گاعدين كلنه بمكتب عَمي حسين ، دخل سجاد و وجهه ميتفسر ، حچه ...

- بوية

حسين : ها يَبوك شمالك

- بوية المكتب مال معرض بيت المهيوب محترگ و عَمي عَلي چان داخل

گام عمي حسين على حيله و كلنه گمنه وياه ...

- شللوون وللكك !!

سلام : شتحچي أنت؟؟

سجاد : هذا الصار والله

حسين : و بس لا صارله شي ، تأذه ، مات ، أحچي سجاد؟؟

- أللي أعرفه ناقلينه للمستشفى

بكر : و أنت شمدريك منو گالك؟

- عمالنه مو هناك ، سامعين و خابرو گالولي

عمي حسين أخذ تيلفونه و سلاحه و مشى ...

سلام : هاي وين خوية؟

- رايح للأنبار

- مو من صالحنه الروحة هَسه حسين

- بَس أتطمن عَليه و أرجع ما أطول ، هذا أخوي سلام أخوي

بكر : عَلي أخونه كلنه حسين ، بَس منگدر نتحرك و أحنه باچر عدنه گعده ويه حيدر و أنت لازم تحضر بلكي نفض طلابته باچر و بعدين نروح كلنه و نتطمن عليه

گدرو أبوي و عمامي يقنعون عمي يتراجع عن الروحة هَسه ، آني عفتهم و طلعت ، شلت تيلفوني و دگيت على فرات ميجاوب ، دگيت على صگر و نفس الحالة ، رجعت أدگ على فرات شوي و فتح خط ...

- هااا فرات شلونه عَمي؟؟

- ما أعرف شهم الدكاترة يمه هَسه

- إن شاء الله ماعليه شي ، فرات لا تتخبل تسمعني؟؟

- وضعه چان سيئ حيل شهم ، النفس بالگوة يجره و جسمه بي حروق

- راح يتجاوز هالمحنه صدگني ، أنت بَس گول يا الله أفتهمت فرات؟؟

- إن شاء الله

فرات
نهيت المكالمة ويه شهم ، و صگر رايح راد گدامي ، شوي و أجو عمي و رافد ...

جسام : وينه أبوكم ، شلونه؟؟؟

صگر : جوه و لحد هسه محد طلع و طمنه عليه

رافد : آني أعرف مو وكتها ، بَس صار شي لازم تعرفونه

جسام : شنو وليدي أحچي !!

- مو رحت تا أشوف شغل المحلات ، لگيت محلين محترگات و الثالث كُلشي بي مكسر

- لا إله ألا الله

صگر : شهالمصايب هاايي يااا ربييي

فرات : و القرآن حارث الگـ *** هو ورااهااا ، الليوووم أله أننعلل والديييه

جسام : أگفي وين رايح؟؟

- رايح أخلص عليه و أريحكم منه

- أگف فرات

- عمي عليك النبي عوفنيي ، أبوويةة جووه بهالحالة بسببه و ترريدنيي أسككتت

- يول يابة أحنه ما متأكدين إذا هو وراها لو أحد غيره

- و منو غيره عمي منو غيره؟؟

- ميخالف أبني أگعد هَسه و خلينه نشوف عَن وضع أبوك

گعدت و آني على أعصابي ، وره نص ساعة طلع الدكتور و سألناه عن وضع أبوية و گال وضعه الحمدلله زينة و ماعليه خطورة ، صَح تعرض لحروق بأيده و چتفه بَس مو حيل خطرة ...

جسام : زين نگدر نشوفه هَسه دكتور؟

- هَسه لا ، لأن حاطيله أوكسجين صدره حييل تأذه و صار عنده أختناق ، منا لساعة تگدرون تشوفونه

راح الدكتور و ضلينه ننتظر ، حچه صگر و هو لازم تيلفونه ...

- أمي جاي تدگ هَسه طلعت فرات روح رجعها للبيت

- و إذا سألتني عن أبوية؟

جسام : گوللها أبني ، هَسه ترجع للبيت و متشوفه و أنتو هَم ما موجودين و يضل بالها مشغول

- زين ، إذا صار شي خابروني

طلعت من المستشفى و رحت أخذت أمي و آني بالي مشغول على أبوية ، حچت أمي ...

- فرات

- هلا يمه

- شو باوع عليه

ألتفتت عليها ...

- شبيك ماما؟

- لا أمي مابيه شي

- تچذب على أمك يوليدي؟ ، أحچي ماما شبيك !!

- يوم راح أحچيلچ بَس هدي أعصابچ ، هو هَسه وضعه زين الحمدلله

- منو الوضعه زين فرات أحچي ، أخوك و أبوك صايرلهم شي؟؟؟

- أحترگ المكتب و أبوية چان داخله و تأذه ، هو هَسه بالمستشفى بَس والله و غلاتچ وضعه زين

- شتحچيي ولكك ، هَسسههه تاخذنيي للمستشفى

- هَسه ليش البچي يا ماما والله جاي أگلچ وضعه زين و مالي شي

- أخذني أشوفه أروحلك فدوة يمه أريد أشوفه بعيوني

- زين راح آخذچ

غيرت طريقي و أتجهت للمستشفى ، وصلنه و نزلنه ، لگيناهم بعدهم ينتظرون بالممر ، أمي شافت صگر و راحتله ...

- وين أبوك يمه أحچي وليدي

صگر : نايم جوه يوم ، لا تخافين مابي شي والله ، خفيفة إن شاء الله

- أريد أشوفه

- منگدر هَسه ، الدكتور ميقبل أحد يشوفه

صارت تبچي و هي متمسكة بملابس صگر ، أنكسر گلبي عليها ، صگر باس راسها و گعدها يمه و گام يهدي بيها ، بهاللحظة هاي حسيت گلبي تگطع و آني أشوف حالة أمي ، و أبوية النايم جوه

عَمي و رافد راحو يشوفون سالفة المحلات المحترگة ، ضلينه آني و صگر و أمي ويانه ما قبلت تروح ، صار الليل و أحنه ننتظر ، جه الدكتور و گال هَسه نگدر نشوفه ، دخلنه الغرفة ، چان صاحي ، أمي راحت گعدت بصفه و صارت تحچي وياه و هو بس يأشرلها ميگدر يحچي صدره حيل متأذي من الدخان ، شوي شوي صار يگدر يحچي ، حاچاه صگر ...

- يابة تگدر تحچيلنه شصار؟

رد عَليه و هو بالگوه يحچي ...

- ما أدري أبني ، بَس چنت واگف أگلب بالملفات و ما حسيت أله على ضربه براسي و گعت بالگاع و بعدين حسيت و شفت المكتب جاي بحترگ

- زين گدرت تشوف اللي ضربك؟

- لا چنت داير ظهري

- زين يابة كافي أرتاح هَسه

آني واگف و أدحگ عليه و أتنهد بقهر ، صگر خابرو عَليه ربعه بَعد ما عرفو بالسالفة و جاين هنا للمستشفى يريد يحققون بالموضوع ، طلعلهم صگر يتفاهم وياهم ، و آني بقيت واگف بمكاني ، ألتفت عَليه أبوية و حچه ...

- فرات شبيك وليدي واگف غاد؟ ، تعال هين يمي

رحت جريت كُرسي و گعدت يمه ، شلت إيده و بستها ...

- سلامتك يبوي ما تشوف شَر إن شاء الله

- الله يسلمك يَبعد أبوك ، ما گلتولي شلون طلعت من المكتب؟

- فتنه آني و صگر و طلعناك ، چنت صاحي ما تتذكر؟

- لا والله

- يابة آني أعرف منو وره هالسوات هاي ، چنت كاف نفسي عن هالموضوع و مخليكم أنت و عَمي تتصرفون ، بَس بعد الصار وياك ، والله لأنعل والديه و أجيبلك حگك منه مربع

- لااا فرات ديربالك يَبوك ، هذا الموضوع لحد يدخل بي منكم ، آني و عَمكم نحله ، أنتو مالكم علاقة بي

- يابة عَجل و حگك ، و الخسارة اللي خسرناها بالمعرض و الـ ...

- ليش سكتت كمل ، شصاير؟؟

- المحلات حارگين ثنين و واحد مكسرينه

- مهما يكون ، هذا الموضوع ما تدخلون بي نهائيًا و حگي آني آخذه بيدي

- أحنه موجودين و تاخذك حگك بأيدك يابة؟؟

- تره بعدني ما شيبت علمود أنتو تحامون عني ، ما زالني بعدني بحيلي حگي آني آخذه ، المهم أنتو ما يصيبكم شي من هالسالفة

- زين يابة أنت هَسه أرتاح و لا تتعب نفسك بالحچي ، و بعدين نتناقش بالسالفة

- ماكو نقاش يـَ فرات ، هذا آخر كلام عندي ، أسمع كلامي و لا تشعل النار بگلب أبوك يوليدي

سكتت عنه ما ردت أتعبه أكثر بالحچي لأن صار بالگوة يحچي ، وره شوي رجع صگر و وياه عَمي و رافد ، حاچينه الدكتور و گال وضعه زين بَس ما راح نطلعه اليوم نخليها على باچر أحسن ، صگر ما گدر يضل لأن رايدينه بالقسم ، و رافد أخذ أمي و رجع للبيت بعد ما قنعها أبوية ترجع و رافد راح يضل هناك لأن ما نگدر نعوف أهل البيت وحدهم ، أما آني و عَمي فـ راح نضل ويه أبوية

***

مُهره
واگفة ع المراية دامشط بشعري ، كملت و توني لفيت الشال على راسي و أنفتح الباب و دخل شهم ، ما سلم و لا حچه شي ، گعد ع الچرباية و نزل الشماغ و العگال و حَطهن ع الميز ، دنگ راسه و صار يفرك بي ، رحت گعدت ع الجهه الثانية أباوعله و هو ما شال راسه ، حچيت ...

- شهم شبيك؟

رفع راسه و باوعلي ، حچه ...

- المكتب مال المعرض محترگ ، و عَمي عَلي چان جوه و متأذي

- صدگ تحچي؟!

- إي و عَلي

رجع نزل راسه و هو يفرك بي ، آني سكتت عنه و هو بقى هيچ دقايق ، بعدين رفع راسه و صار يباوعلي ، شوي و تقرب مني ، مد إيده للشال أللي على راسي ، سحبه و شمره ، آني أحس الدم تجمد بعروقي من حركته و أريد أحچي ماكو صوتي أختفى ، تقرب مني كلش ، راد يبوسني بشفايفي ، صحت على كيف ...

- لاااا

هو رأسًا أبتعد عني ...

- خلص آسف ، لا تخافين ما راح أگرب صوبچ أله برضاتچ

گام من يمي و راح طلع دوشگ و مخده و فرشهن بالگاع و تمدد و هو حاط إيده على عيونه

شهم
ما أعرف ليش ما گدرت أسيطر على نفسي و هي يمي ، آني ماريد أجبرها على شي لأن أدري بيها هي ما رايدتني و مستحيل تتقبلني ، بَس آني من أكون يمها و بغرفة وحدة ما أگدر أكض نفسي عنها و كأنو شياطين الأرض كلها تتجمع يمي و تگلي البنيه حَلالك ليش مبتعد عنها ، بَس أتعوذ الشيطان و أطلع من الغرفة كلها ، ماريد أسوي شي هي متريده و أخليها تخاف و تتهرب مني

***

ثاني يوم طلعو عَلي و جابو للبيت ، مابي شي بَس الحروق أللي بجسمه و إيده گاعد تأذيه ، الظهر گاعدين كُلهم يمه بالغرفة ، و لارين واگفة يم الچرباية و تدحگ عليه و تبچي ، تشوف إيده ملفوفه و مجضوع ميگدر يگوم و صارت تبچي ...

عَلي : صگر جيبها يمي خل أشوف شبيها

- بَس يابة خاف تلچمك

- ميخالف شوفها شلون ، مگدر أخليها تبچي

شالها صگر و حَطها يمه ع الچرباية ، و هي باست جدها من خده و حطت راسها على صدره و گامت تلوليله علساس تنومه ، كُلهم ضحكو على تصرفها و هي رفعت راسها و شافتهم يضحكون گامت تضحك وياها ، شالها صگر و هو يگوللها ...

- يلا بابا تعاي تا نطلع و نخلي جدو يرتاح

طلعو كُلهم و ضلت نجاة ، رادت تطلع بَس وگفها عَلي ...

- هاي وين؟

- رايحة أسويلك عَصير يفيدك

- ماريد عَصير تعاي يمي

راحت گعدت يمه ع الجهه الثانية ، هو عَدل گعدته بصعوبة و أرتچه ع الديكور مال الچرباية و صار يدحگ عَليها ...

نجاة : والله چنت خايفة لا يصيبكم شي ، و هاي أنت لو ما الله و أهل البيت چان هَسه ميت

- خَلص الحمدلله عَدت ، لا تفكرين باللي صار

- عَلي آنـه خايفة على صگر و فرات يأذيهم هذا أللي ما يخاف من الله

- نجاة لا تزيدين خوفي عَليهم ، ماكو شي إن شاء الله

- أحچي ويه صگر ياخذ إجازة من دوامه و فرات و رافد گوللهم لا يروحون للشغل أنوب

- هااا و يعني نسد بابنه و نگعد بالبيت مثل النسوان ، والله شنو خايفين من حارث ، شتحچين أنتِ نجاة

- مو أحسن ما واحد يصيرله شي ، شفت أنت شصار بيك ، فدوة عَلي طيعني

- خَلص سدي هالسالفة

تحرك و حَس بألم بالحرق أللي بچتفه ...

- آخخخ ، أشتعلت عشيرة حارث

- سلامتك يَبعد هَلي

ألتفت عَليها و أبتسم ...

- أيابة شگد أحب هالكلمة منچ ، أمي چانت تگولي ياها بَس ما أحس بيها مثل ما أحس من تگوليلي ياها أنتِ

- ههههه ، تره كبرنه على هالسوالف

- أبن آدم يكبر و يشيب ، بَس العشگ اللي بگلبه يضل هو نَفسه ما يتغير بالعكس يكبر أكثر ، و آني أعشگچ يـَ أم صگر

- و آني هَم أعشگك ، الله يخليلي ياك و يحفظك من كُل شَر

الباب مفتوح و فرات بالصدفة چان جاي عَليهم ، وگف و سمع حچيهم ، تنحنح دگ الباب ...

- أحم أحمم

دخل و أمه فزت على صوته و أبوه ألتفت عَليه ...

نجاة : هاي أنت من شوكت هنا؟

- من أول ما گلتيله سلامتك يـَ بعد هَلي ههههه ، والله يابة طلعت تعرف تتغزل و كذا

- إي شلون عَجل

- بَس تره ميصير هيچ ، يعني أنتو و صگر و رُسل مو حاسبين حساب أحد ، گولو ويانه سناگل بالبيت خطية

نجاة : آخخ من لسانك أنت

- والله قابل أچذب ، بَس ديربالكم لا يصير الشغل عَلني هاي لا من صدُگ عيب

أمه هنا شالت المخده و ذبتها عليه ...

- ولك أستحي على دمك شهالحچي

أبوه يضحك على حچيه ، و هو شال المخدة و حطها ع الچرباية ...

- خَلص طالع طالع ، صار بيها هجوم عز الله

***
عشق
واگفه بالمطبخ داغسل مواعين و أجه فرات ، تقرب عَليه كلش ديريد ياخذ الگلاص ، آني هنا گلبي صار يدگ بسرعة أريد بَس أتحرك ابتعد عنه ماكو تصنمت بمكاني ، ريحة عطرة دوختني من صدُگ شميتها و رحت أركض أستفرغت ، رجعت و هو أجاني ...

- هاي شبيچ يولي؟؟

- عطرك

- شبي !!

- ريحته مو طيبه ، لعبت نفسي

- رحم الله والديچ

- والله مو طيبة ريحته شلون متحمله !

( المعنى الحقيقي لـ : عطرك ريحته تلعب النفس😂🤭 )

- عاد هذا أكثر عطر أحبه

- الحمدلله و الشكر ، شهالذوق يربي

- شگلتي؟!

- لا ما گلت شي

أنتبهت لأيده اللي شايل بيها الگلاص ، مبينه بيها حرق ...

- هاايي شبييهاا إييدكك؟؟

باوع لإيده و حچه ...

- هذا حرگ ، يمكن من طبينه آني و صگر طلعنه أبوية

- و شلون محسيت بإيدك محروگه؟!

- ما أنتبهتلها ، يلا مو مهم

- لا شنو مو مهم أوگف

رحت جبت معجون أسنان و أجيت ...

- أجه دورك بمعجون الأسنان ، أنطيني إيدك

- إي أنطيچ إيدي ليش لا

مدلي إيده و صرت أدهنله بيها ، رفعت راسي لگيته يباوعلي و يبتسم ...

- لا تباوع هيچ عفيه

- ليش

- أتوتر والله

- يابة و هاي عيوني و سديتهن هائها

كملت إيده و هو گال ...

- دحگي يالكعبة نسيت العصير

- تريد عَصير؟

- مو ليه لأبوية

راح صب عَصير بالگلاص و شاله حتى ياخذه ...

- أوگف !

- هاااا ؟

- حتاخذه هيچ ؟

- إي !

- لعد و الثلج؟!

- خاف موزين عَليه البارد

- حَتى لو مكعب واحد ع الأقل ، ميصير يشربه حار

- هَم صحيح

أخذته منه و رحت للثلاجة حطيتله مكعب ثلج و نطيته ياه ...

- عاشت إيدچ

أجت ريان ، و شافتنه واگفين سوه ، شو هاي صارت تخزر بيه ، حچت ويه فرات و هي تباوعلي ...

- فرات عَمي عَلي يناديك

- إي رايح

راح فرات و هي تقربت مني و عيونها تجدح شرار ، حچت ...

- شعندچ ويه فرات و وحدكم هَم؟؟؟

جاوبتها و آني أدير ظهري للسنك ...

- ميخصچ

لزمتني من إيدي حييل و دارتني عليها ...

- آخخخ إيدي هاي شبيچ ولچ !!

- أسمعيني زين ، عيونچ هذن إذا تحطينهن على فرات أفكسلچ ياهن مفهوم

نفضت إيدي منها ، و حچيت ...

- عود من يعبرچ و يحس بوجودچ و ينطيچ ولو شوية أهتمام ساعتها تعاي گوليلي هالحچي

عفتعا و طلعت من المطبخ و أسمعها تگول " آني ألچ "

***

مُهره
داعزل بالغرفة و فات شهم و هو يحچي بالتليفون ...

- إيي ولك و أخيرًا راح تسويها ، لا لا و لا يهمك ضلعي آنـه أول الحاضرين ، إي زين ، لا لا تقبل ماعليك هذا كله دلع بنات ، تمام ، الله وياك حَبيبي

سد التيلفون و گعد ع الچرباية ، آني مستحيه أحچي وياه من اللي صار البارحة ، لحد هَسه خجلانة رغم هو ما سوه شي ، بَس صار عندي فضول أعرف منو هذا اللي چان يحچي وياه ، وگفت قريب منه و حچيت ...

- شهم منو هذا

جاوبني بدون ميرفع راسه من التيلفون ...

- فرات

- شبي

- ليش آني ما گتلچ ؟

- شنوه؟!

- فرات يحب عشق و ناوي يخطبها بَس يتعافى عَمي عَلي

من گال هيچ حَسيت مثل الصاعقة و نزلت على راسي ، فرات يحب ، و يريد يخطب ؟؟ ، حچيت و أحس مو بوعيي و لا أذاني تسمع اللي يگوله لساني ...

- شللووون يخططببب ، لععدد و حُبيي ألههه كُل هالسسنيين ؟؟!

شللوون؟؟!

ما حَسيت شلون حچيت گدامه و فضحت سِر گلبي اللي محد يدري بي ، من سمعت هالخبر دموعي نزلن لا إراديًا و گمت ما أعرف شحچي ، حچه و هو مصدوم و يباوع عَليه ...

- يَعني طلعتي تحبين فرات !!

گام من گدامي و صار يفتر بالغرفة و يردد جملة " طلعتي تحبينه !! " ، ألتفت عليه و صاح ...

- يعنننييي رفضضتيننيي لأننچ تححبينهه موو ؟؟؟

ما حچيت شي و لا جاوبته ، و دموعي مستمرات ينزلن على خدودي و يحرگنهن حرگ ، أجه عليه لزمني من إيدي بقوة و صاح ...

- ولچچچ أححچيي رفضتتينيي على موودههه ؟؟

- فدوة شهم وديني لأهلي

- ماكووو رووحهه لأههلچ تتبقيين هنااا يمييي و أشووف شلوون تححبيينههه

- فدوة أريد أروح لأهليي

صاح بصووت حسيت طبلة أذاني أنشگت من گد ما عالي ...

- گتتتللللچ مااااكووو رووووحههه مااااكوووو

جريت الموبايل حتى أتصل بسجاد يجي ياخذني ...

- شتسوين؟؟؟

- أتصل بسجاد يجي ياخذني

أجه سحب الموبايل من إيدي و رگعه بالگاع و تطشر ...

- ييعنييي طللعع الحااجزز أللي بيننييي و بيينچ هو فرااات ، رفضتيننييي علموووده ، و حَتتى و أنتِ على ذممتيي تگوليين أحبههه !!

الححقيير الننذللل و علي الفحل غييير أشرب من دمه

عافني و طلع ، طبگ الباب حييل وراه و فزيت من صوته ، حضنت رجليه و گعدت أبچي بخنگه ، لحد ما غفيت

تنويه : المشاهد القادمة ربما لا تُناسب الأعمار تحت سن الـ 18 عام ، أقتضى التنويه .

حَسيت على طبگة الباب القوية ، فتحت عيوني شفت الغرفة ظلمه ، أنفتح الضو و باوعت شهم واگف و يباوع عليه ، گمت أريد أطلع وصلت يم الباب و حچه ...

- وين؟

- رايحة أنام بالغرفة الثانية

- ماكو روحة ، تبقين هنا أفتهمتي؟

ما جاوبته و فتحت الباب حَتى أطلع ، لزمني من إيدي ...

- آنييي شگلللتتت؟؟؟

- عوفنيي شههمم مارييد أبقى هنااا

طبگ الباب قوي و قفله ، جرني عليه و لزمني قوي من خصري لدرجة أحس روحي طلعت من الوجع ، باسني من شفايفي بقوة و نزل على رگبتي و نفس الحالة ، و آني أصيح و أضرب بي أريده يوخر عني ، بَس هو مو مهتم ، دفعني ع الچرباية و شگ صدر الفستان اللي لابسته ، چان يبوسني بهمجية و بقسوة لدرجة شفتي أنشگت و صارت تنزف دم و كُل هذا و هو ما مهتملي و لا يسمع صوتي ، راد ياخذني و أصير مرته من صدگ بَس على آخر لحظة تراجع و وخر عني ، و آني جسمي ما أحس بي من گد الوجع ، گام و راح للميز دفره برجله بكُل قوته و بعدين حَط أديه عَليه و دنگ راسه ، حچه و هو على هالوضعية ...

- ما أگدر أأذيچ ، گلبييي الغغبيي يحبچ و ميگددرر يأذيييچ

عافني و طلع ، و آني گعدت أبچي و أناشغ من اللي صار قبل شوية ، مو گال ما أتقربلچ أله برضاتچ ، شصار هسه و ليش سوه بيه هيچ ، مستحيل هذا شهم ، شهم ميأذيني ، شهم مو هيچ طبعه و أسلوبه ، والله مو هيچ

( غير تخبل الوليد من وراچ😒💔)

گمت للحمام حَتى أغسل ، وگفت ع المغسله غسلت وجهي ، رحت طلعت ملابس غير الفستان اللي أنشگ ، نزعته و صارت عيني ع المرايه باوعت جسمي صاير خريطة صدري و رگبتي و حَتى خصري ، گعدت بالگاع أبچي من كُل گلبي ، على فرات أللي راح من إيدي للأبد و عَلى شهم أللي بين ليلى و ضحاها تغير عَليه و صار بَس يريد يأذيني ، صرت أتمنى هَسه بهاللحظة أموت و أخلص من هالهم .

********

يتبع ...

حيييل داريتكم بالقفلة اليوم🤭💞
إي شرايكم بأحداث اليوم ، قوية تره
لا تنسون الحبشكلات الحلوة مالتكم و تفاعلكم الحلو

18.kij
تعالو أنستا

سحر الدليمي