تحميل رواية «عشق الغارب» PDF

رواية عشق الغارب الفصل الاول

بعد عشرين سنة الامور بقت تمام ف فيلا رحيم ؛ رحيم اتقاعد بعد فتره كبيرة ف المخابرات والتقاعد بعدها برتبه لواء كبير وبقي متفرغ وحريه برغم انها كبرت ف السن آلامها لسه جميله وعيونها اجمل ورحيم حبه ليها ما قلش وغارب ابنهم اتخرج من إدارة اعمال ومسك شغل الشركه بعد موت كمال وشركه عاصم رحيم ضمها ليه بعد ما اتصفت وبقت من مجموعه شركاته.

حوريه كانت ف الجنينه قاعدة جنب الورد وبتحكي معاه ومبسوطه وجه من وراها رحيم وقعد جنبها وهي حست بيه.

حوريه: مش هتبطل حركاتك دي يا متسلل انت.

رحيم: بحب لا مش هبطل بحب اقعد جنبك واتاملك حتي بعد ما كبرنا لسه حلوة زي ما انتي

حوريه: رحيم احنا كبرنا ع الحاجات دي وبعدين انت ايه شايفني حلوة زي زمان.

رحيم: كبرنا ايه بس احنا لسه شباب وبعدين ايه لسه شايفك دي أنا دائما بشوفك حلوة زي اول مرة اتقابلنا فيها اسرتيني.

جه صوت من وراهم وهما بيضحكوا واتكلم.

ايه يا حج بطل معاكسه بقي انت كبرت ع ده.

رحيم: بس يا ولد أنا اصغر منك وبعدين ايه جابك دلوقتي.

غارب: ابدا خلصت صفقتين والشغل ماشي تمام قولت اجي اقعد معاكم بس شكلكم مش فاضين.

حوريه: لا يا حبيبي نفضالك غير هدومك وتعالي علشان نتغدي.

غارب: بحب تعرفوا نفسي اتجوز واحده زي ماما كده وتكون بينا قصه حب حلوة كده.

حوريه: هتلاقيها يا حبيبي هتجمعكم صدفه أو موقف يمكن ده سبب ف انكم تتقابلوا.

رحيم وعيلته دخلوا جوه علشان يتغدوا ف وسط جو جميل بينهم

ف مكان تاني ف منطقه شعبيه كانت واقفه قدام ابوها بخوف و رهبه برغم انها بتلبيله طلباته إلا أنه بيكرهها وهي مش عارفه السبب

فوزي: اسمعي يا بنت انتي تشوفيلك شغل واصرفي ع نفسك أنا مش هصرف تاني كفايه اللي صرفته السنين اللي فاتت دي.

هي: يا بابا طيب انا عملت ايه لكل ده ليه القسوة دي كلها طيب فهمني سبب معاملتك دي.

فوزي: اطلعي برة ومترجعيش الا وانتي اتقبلتي ف الشغل.

هي بدموع طيب ممكن نتفاهم ونتكلم بدموع.

فوزي: بقولك يالا من هنا.

طلعت وكانت بتمشي ف الشارع بلا هدف ومش عارفه تعمل ايه هتلاقيها من ابوها اللي مش بحبها ولا من امها اللي ماتت وسابتها ومش عارفه تشكي لمين.

وووو يتبع

عشق فوزي عمير 24 سنه شخصيه مرحه وطيبه بس شرسه جدا عيونها فيروزي ومحجبه.

فوزي عمير راجل طماع ومش بيحب بنته وهنعرف بعدين.

غارب رحيم كمال بطل قصتنا ف أواخر العشرين وعيونه رمادي حادة عصبي بس بيحب أهله جدا.

رواية عشق الغارب الفصل الثاني

عشق كانت بتتمشي بلا هدف و سرحانه وبتفكر ف اللي جاي ومش عارفه تعمل ايه جربت كل انواع الشغل بس المضايقات هي اللي كانت بتخليها تسيب الشغل وفكرت تشتغل ف شركه من الشركات الكبيرة بما انها خريجه تجارة انجلش ومعاها لغات كمان وهي بتفكر جات عليها عربيه سريعه مش عارفه منين وهي بعدت بسرعه واتخانقت مع صاحب العربيه.

غارب خلص اكل وكلام مع أهله وقالهم أنه هيروح الشركه تاني علشان الشغل ومش هيتاخر

غارب: أنا خلصت هروح الشركه تاني لربما يكون ف شغل متأخر عن اذنكم.

حوريه: خد بالك من نفسك يا حبيبي.

غارب: حاضر.

غارب ركب العربيه وكان بيسوق سريع زي ما هي عوايده مش انتبه للبنت اللي عدت الطريق وكان هيخبطها بس هي لحقت نفسها وكمان بتتخانق.

غارب: بعصبيه انتي عاميه بصي للطريق وانتبهي.

عشق: بعصبيه أنا اللي انتبه ولا انت سائق بسرعه رهيبه كان الشارع ليك وحدك اه اكيد ما انت معاك عربيه وبتدسوا بيها ع الخلق.

غارب: ايه كل ده أنا مش غلطان انتي اللي ماشيه سرحانه يالا بعدي من هنا مش فاضيلك عندي مشاغل.

عشق: وكمان وقح مش هامك انك هتدوس بني ادمه لا ووسخت ليا فستاني وانا عندي مقابله شغل مهمه.

غارب كان بيسمعها ببرود وبص ليها من فوق لتحت وطلع من جيبه فلوس وادهملها.

غارب: ببرود خدي دول وهاتيلك اي حاجه جديده وبلاش كلام كتير.

عشق: بكبرياء خد فلوسك يا شاطر مش انا اللي اخد فلوس منك ابدا.

غارب: لا خليهم أنا بوزع ع اللي زيك كده دايما

عشق : اللي زيي ويا تري اللي زيي بيعملوا كده

عشق مسكت عصايه كبيرة وكسرت قزاز العربيه واتفتفت كله تحت صدمه غارب وعشق بصتله بابتسامه ورمت الفلوس ف وشه.

عشق: خد صلح عربيتك يا شاطر مش عشق عمير اللي تتكلم معاها كده .

عشق مشيت من قدام غارب وهي رافعه راسها وبكبرياء وغارب كان متعصب من حركتها دي ركب عربيته وراح الشركه ودخل متعصب شافه صاحبه وشريكه وراح وراه.

غارب دخل مكتبه اللي كان نصه رمادي واسود وقعد متعصب ومضايق من اللي حصل أن ف بنت عملت فيه كده دخل صاحبه عليه وسأله.

عمران: بخضه ف ايه يا غارب داخل متعصب ومال عربيتك متكسرة كده ليه ايه اللي حصل.

غارب: أنا غارب رحيم المالكي يحصل فيه كده واحده زي دي تعمل فيا أنا كده.

عمران: طيب ممكن تهدي وتفهمني حصل ايه.

غارب حكاله وعمران كان بيسمع منه بتركيز.

عمران: انت اللي غلطان يا صاحبي لانك لسه فيك عادة تمشي بسرعه صدقني الموضوع ده هيقلب معاك بكارثه ف الآخر.

غارب: انت كمان بتغلطني يا عمران.

عمران: والبنت كمان غلطانه عندك حق بس هتعمل ايه دلوقتي.

غارب: هجيبها وهعرف اتصرف معاها بعدين.

عمران: طيب هدي نفسك ويالا ورانا شغل كتير

عند عشق روحت البيت ودخلت بهدوء علشان ابوها مش يشوفها ويسئلها عن الشغل بس اتجمدت مكانها لما سمعت صوته.

نعرفكم بعمران ؛ عمران جبل الاسيوطي صديق غارب المقرب وفي جدا لصاحبه 30 سنه عيونه زي عيون الصقر حاده وطويل بس حنين .

رواية عشق الغارب الفصل الثالث

عشق اتسمرت مكانها فجاءه بسبب ابوها قرب منها ووقف قدامها.

فوزي: بزعيق ايه اللي رجعلك اكيد كنتي بتتمشي ومش لقيتي شغل هو أنا مش قلت مترجعيش غير وانتي هتستلمي شغلك.

عشق: أنا كنت بدور ع شغل بس عملت مشكله مع واحد ووسخ فستاني ورجعت علشان الوقت أتأخر.

فوزي: أنا مش يهمني ده كله اللي يهمني انك تشتغلي وتجيبي فلوس فاهمه بكرة الصبح تشوفي مطعم او اي شركه تشتغلي فيها ومرتبك يوصلي كل شهر فاهمه ولا لا.

عشق: فاهمه حاضر عن اذنك.

فوزي: روحي من هنا جاتك الب*لا وانتي زي امك كده كانت فقري*ه.

عشق سمعت الكلام ومتكلمتش لأنها مش عارفه تقول ايه وسلمت أمرها لربنا.

عند غارب خلص شغله ونزل من المكتب وشاف عربيته والقزاز المتكسر وافتكر البنت اللي عملت كده واتعصب ركب عربيته ورجع ع الفيلا وشافه رحيم وحوريه واتصدموا من منظر العربيه.

حوريه: بقلق غارب انت كويس حصل ايه للعربيه وايه اللي بهدلها كده اكيد من سواقتك السريعه.

رحيم: اهدي يا حوريه غارب احكي حصل معاك ايه.

غارب قعد ع الكنبه قدامهم وكان متعصب وحكالهم كل حاجه واللي عملته البنت دي.

رحيم: بضحك نفسي اشوف اللي عملت كده عايز احييها ع اللي عملته.

غارب: ايه ازاي يعني

رحيم: غارب انت غلطان كام مرة خفف من حدة السواقه بتاعتك اهو كنت هتجيب مشاكل لنفسك لولا ستر ربنا البنت مش حصلها حاجه وانت كنت هتتحبس فيها.

حوريه: لا بعد الشر اكيد مش هيحصل ده بس البنت كويسه صح لمستها.

غارب: معرفش هي لحقت نفسها وبتمني اني مش اشوفها تاني علشان لو شوفتها مش هيحصل كويس.

رحيم: خلاص يا جماعه حصل خير يالا قوم غير هدومك ونام واحنا كمان هنام تصبح ع خير.

الكل نام وغارب اخد شاور وقعد ع سريره بس النوم جافاه لأن صورة عشق جات ف باله واتعصب اكتر ونام علشان يهرب من تفكيره فيها.

تاني يوم عشق كانت بتقلب ف فونها وبتدور ع شغل لقت اعلان لشركه الخلفاوي ع وظيفه السكرتيرة

عشق: حلو ده الشركه كبيرة ويمكن يكون ليا نصيب فيها أنا هروح هناك.

عشق لبست دريس طويل بيبي بلو وحجاب ابيض واخدت السي في بتاعها وراحت الشركه وكلما السكرتيرة.

عشق: أنا جايه علشان مقابله الشغل .

رنا السكرتيرة: اتفضلي الدور التاني هتلاقي المتقدمين هناك جمب مكتب المدير.

عشق طلعت الدور التاني وزي ما توقعت لقت بنات كتير ودعت أنها تتقبل ف الوظيفه دي.

غارب: البنات وصلوا علشان المقابلات يا رنا.

رنا: اه يا فندم وصلوا ادخل اول بنت.

غارب: اه ويا ريت بسرعه.

كل بنت تدخل علشان المقابله غارب مش بيقبل بيها لانه بيهتم بالاخلاق قبل اي حاجه واللي دخلوا مش فيهم المواصفات اللي عايزها غارب قابلهم كلهم ومش ترتاح لواحدة فيهم.

غارب: ف تاني يا رنا.

رنا: اه يا فندم واحدة بس موجودة.

غارب: طيب دخليها خلينا نخلص من اليوم ده.

رنا: تمام.

غارب لف بكرسيه ناحيه الشباك ورنا طلعت لعشق علشان تدخل دخلت عشق وهي متوترة واتكلمت.

عشق: بتوتر السلام عليكم

غارب لف ليها ورد السلام بس اتصدم مكانه وعشق كمان اتصدمت الاتنين مش اتوقعوا أنهم يتقابلو تاني.

غارب: انتي تاني.

عشق.....

رواية عشق الغارب الفصل الرابع

غارب : انتي ايه اللي جابك هنا ليكي عين بعد اللي عملتيه توريني وشك تاني.

عشق: بس أنا مش جايه ليك أنا جايه علشان الشغل بس بما انك صاحب الشركه أنا مستحيل اشتغل عندك.

عشق كانت هامشي وتسيب المكان بس غارب نده عليها بصوت عالي.

غارب: استني عندك رايحه فين.

عشق: ماشيه اظن اني بعد ما عرفت انك صاحب الشركه مستحيل اشتغل هنا.

غارب: وده بمزاجك يعني الدخول هنا مش زي الخروج يا حلوة.

عشق: باستغراب يعني ايه كلامك ده.

غارب: بابتسامه هاتي السي في بتاعك واقعدي.

عشق: لا مش هديك حاجه وانا همشي من هنا وحالا.

غارب: باستفزاز تمام امشي بس مش تزعلي لما مش تتقبلي ف اي شركه تاني والدنيا تتقفل ف وشك

عشق: انت بتهددني ولا ايه انت مش هتعرف تعمل حاجه.

غارب: لا هعرف اعمل اكتر من كده انت لسه مش تعرفيني ها قولتي ايه.

عشق كانت واقفه محتارة تعمل ايه تسيب الشركه وهو يعمل اللي ف دماغه ولا تفضل تحت رحمته وأبوها مش هيسيبها حسمت قرارها وبصتله.

عشق: بقله حيله تمام موافقه.

غارب: تمام اتفضلي وهاتي السي في بتاعك.

عشق ادتله الملف وغارب اخده وبص فيه وانبهر باللي شافه.

غارب: حلو ملفك حلو امتياز اربع سنين واخده لغات مؤهلاتك كويسه للشغل هنا يا انسه عشق.

عشق: شكرا ليك.

غارب: هتكوني مساعدتي الشخصيه فيكي تبداي من بكرة اتفضلي.

عشق مشيت وهي فرحانه وغارب ابتسم لانه هينفذ اللي ف دماغه عشق طلعت وعمران شافها واستغرب مين دي وراح لغارب.

عمران: مين اللي خرجت دي دلوقتي.

غارب: بابتسامه دي اللي كسرت قزاز العربيه.

عمران: ازاي وايه اللي جابها هنا.

غارب: قدمت ع الشغل وانا قبلت وهتبقي مساعدتي الشخصيه.

عمران: وايه اللي ف دماغك يا بن الخلفاوي ناوي ع ايه.

غارب: يعجبني انك فاهمني يا عمران.

عمران: طبعا مش انت صاحبي حافظك اكتر مني بس اي كان اللي بتخطط ليه مش تتهور المهم أنا جاي اقولك أني ف إجازة اسبوعين محتاجهم.

غارب: لسه بتحاول معاهم برضه مش عارف تحلها .

عمران: انت عارف بقي اللي فيها.

غارب: عمران انت محتاج إجازة خد وقتك مش اسبوعين بس.

عمران: أنا محظوظ لانك صاحبي طول عمري يكون نفسي ف اخ مش صديق

غارب: والصحابة فايدتهم ايه طيب مش لازم يكونوا مع بعض ف الحلوة والمرة انت اخويا مش صاحبي اعمل حسابك بعد الإجازة هتيجي عندي هعزمك ع اكله من ايدين والدتي.

عمران: بضحك وحشني اكل مامتك جدا حاضر هبقي اجي.

عند عشق روحت البيت وهي فرحانه أنها هتشتغل بالرغم انها هتشتغل من الشخص اللي اتخانقت معاه بس مش مهم عندها المهم شغلها.

فوزي : كنتي فين ومالك مبسوطه كده

عشق: أنا اتقبلت ف الشغل علشان كده فرحانه

فوزي: اممم تمام المهم اني هستفاد منك بعدين.

عند غارب راح البيت وحكالهم علي اللي حصل ورحيم بصله كتير وغارب استغرب منه

غارب: ف ايه والدي مالك.

رحيم: ف انك بتخطط لحاجه وانا مش مطمن غارب مش تعمل حاجه غلط ولا اي حاجه تندم عليها فاهم.

غارب: فاهم متخافش.

رواية عشق الغارب الفصل الخامس

تاني يوم غارب كان ف الشركه قبل الكل لانه متعود ع كده ورنا السكرتيره كمان غارب دخل المكتب ورنا وراه.

غارب: رنا الانسه عشق عمير هتبقي مساعدتي الشخصيه عايزك تعانيها اصول الشغل وانتي هتبقي زي ما انتي بس تعلميها كل حاجه عن الشغل وطباعي ومكتبها هيبقي جنب مكتبي تمام.

رنا: تمام يا فندم اللي طلبته هيتنفذ حاجه تاني .

غارب: بابتسامه لا تمام اتفضلي انتي وانتي ف إجازة بعد شهرين علشان فرحك ومرتبك زي ما هو .

رنا: بسعادة بجد شكرا ليك يا فندم شكرا جدا.

غارب: مش تشكريني انتي تستاهلي كل ده بالنسبه لوفائك معانا.

رنا: يارب اكون عند حسن ظنك دائما.

غارب: تمام اتفضلي انتي ولما الانسه عشق تيجي عرفيني.

عند عشق صحيت من النوم ف حاله نشاط لبست دريس بسيط ابيض وحجاب اسود وراحت الشغل وهي متحمسه رنا شافت عشق وبلغت غارب وعشق راحت لرنا.

عشق: المدير جوه ولا لا .

رنا: بابتسامه اه هو مستنيكي اتفضلي علشان تبداي شغل .

عشق خبطت ع الباب وسابته دخلت متوترة وشافته مركز ف الملف اللي قدامه ووقفت قدامه.

غارب: ف معادك مظبوط شكلك وفيه ف مواعيدك وبتحبي الشغل اقفلي الباب وتعالي.

عشق: لا مش هقفله مينفعش نقعد مع بعض والباب مقفول.

غارب بصلها وابتسم من تفكيرها واتكلم.

غارب : قربي وامسكي الورق ده واكتبي اللي همليهولك.

عشق قربت منه ومسكت الورقه والقلم وغارب ابتدأ يقولها حاجات تبع الشغل وعشق بتكتب بسرعه.

غارب: اطلعي لرنا وهتوريكي مكتب وهتديكي ارقام العملاء دول وترتيب المواعيد ورنا هتفهمك الباقي اتفضلي وفي مستندات وملفات للشغل هترتبيهم.

عشق: تمام أوامر تاني حضرتك.

غارب: لا روحي انتي.

عشق : مغرور ومتكبر ومش عارف شايف نفسه ليه.

غارب: بتقولي ايه .

عشق: لا مفيش حاجه حضرتك.

غارب: اسمي غارب الخلفاوي يا انسه عشق.

عشق: باستغراب غارب اسم غريب بس جديد.

غارب: ع شغلك يا انسه عشق.

عند عمران راح بيتهم ف صعيد قنا وقابل ابوه اللي مقاطعه وهو مش عارف ليه كل ده دخل بيت كبير شبه القصور بس معمول من التراث العربي القديم عمران دخل ولقي شخص قاعد برغم كبر سنه إلا أنه هيبه.

عمران: ازيك يا بوي عامل ايه.

جبل: خير يا عمران ايه اللي چابك مرة تانيه عندي قولتلك متجيش مرة تانيه بعد ما عصيتني.

عمران: يا بوي انت ظالمني انت ليه مش عايز افهم أن الجوازة دي متنفعنيش والله بت اخوك مش هتنفعني.

جبل: بقسوة ليه علشان مش متعلمه ياما ف ناس متعلمه بس قليله الأصل هي مش متعلمه بس اصيله وهتصونك وتصون بيتك وهتجوزها يا عمران.

عمران: ولو موافقتش يا بوي هتحكم عليا بايه.

جبل: بقسوة اكبر هتبقي مش ولدي ولا اعرفك وحقك مش هتاخد منه مليم والبيت مش هتعتبه تاني.

عمران سمع ابوه بصدمه ومكانش متوقع أن ابوه يقول الكلام ده هو قاسي اه بس قسوته مش توصل للدرجه دي

عمران: تمام يا بوي أنا موافقه مش علشان الورث ولا حاجه علشان رضاك وبس.

جبل......

رواية عشق الغارب الفصل السادس

جبل: ببرود زين قوي يبقي اعمل حسابك فرحك خلال الاسبوع ده علي كنز بت عمك واياك تعمل حاجه متعجبنيش يا عمران أو تعامل البت وحش أنا اللي هوقف ف وشك فاهم ولا لا.

عمران: بطاعه وازدراء ريق حاضر يا بوي أوامر تانيه.

جبل: لا روح ع اوضتك يالا.

عمران: عن اذنك يا بوي

عمران مشي وراح اوضته وجبل بصله بلين وجات ثريا مرته وقعدت جنبه.

ثريا: ما انت قلبك طيب اومال بتعامله وحش ومكدره ليه ع طول يا حج ده ولدك الوحيد وبعدين ف حد يقول لولده الكلام ده.

جبل: لازم ابقي شديد معاه اه تربيتي غلط ومعترف بده بس لازم اعمل أكده عمران طول عمره بيعند كتير ف لازم ابقي قاسي معاه.

ثريا: طيب اطلعله أنا اتكلم معاه احاول اعرف بيعمل كده ليه.

جبل: لا سيبيه هو هيهدي وحده.

عند عمران دخل اوضته وهو متعصب ومضايق من كلام ابوه وغصبه ع الجواز من بنت عمه اللي عمرها مش شافها ابدا طلع فونه واتصل ع غارب يحكيله يمكن يلاقي حل عمران اتصل عليه وغارب ثواني ورد.

غارب: بقلق عمران مالك حصل حاجه معاك طمني.

عمران: الأمور مش كويسه يا غارب ابدا أنا ف اللحظه دي محتاجك ومحتاج امي ولاول مرة اكون تايه.

غارب: بقلق اكبر ف ايه يا صاحبي قلقتني عليك مالك.

عمران حكي كل حاجه من ناحيه الورث والجوائز وحاسس أنه متكتف.

غارب: عمران ابوك اكيد مش هيعمل اللي قاله يعني مستحيل يحرمك من ماله ابدا صح.

عمران: بدموع من نبرة كلامه مكانش بهزار ولا بيهدد يا غارب أنا تعبت من كل ده.

غارب: اهدي يا صاحبي هتتحل أن شاء الله طيب شوف أنا مش هسيبك ف اليوم ده هجيب ابويا وامي وهجيلك.

عمران: لا مش محتاجه الفرح هيبقي ع الضيق.

غارب: حتي لو كان صغير هاجي برضه أنا طول عمري افرح بيك خلال الاسبوع ده هتلاقيني قدامك

عمران: بضحك ماشي مستنيك.

غارب قفل بابتسامه ولاحظ عشق كانت واقفه وشكلها بقالها مده كبيرة.

غارب: انتي واقفه عندك ليه ومن امتي

عشق: احم من اول المكالمه حضرتك بس مش رضيت ازعجك قلت استني.

غارب: طيب تعالي ف حاجه

عشق: خلصت الشغل اللي طلبته حضرتك ممكن امشي.

غارب شاف الورق ولقي الشغل بتاعها مظبوط وبصلها.

غارب: تمام كله مظبوط تقدري تروحي.

عشق مشيت وبعد ساعتين غارب مشي وروح البيت وقابلته حوريه.

حوريه: حمد الله على السلامه حبيبي ثواني والعشا يجهز.

رحيم: يومك كان تمام صح اخبار الشركه ايه.

غارب: الشركه ماشيه كويس وكله تمام.

رحيم: عملت للبنت حاجه من حركاتك.

غارب: بابتسامه لا مش تقلق معملتش ده حتي شغلها حلو اه صحيح ينفع تروحون معايا قنا بعد اسبوع.

رحيم: باستغراب ليه ف حاجه.

غارب حكاله كل حاجه وازمه عمران وأبوه وجوازه الغصب.

حوريه: ليه القسوة دي اكيد وراه سر.

غارب: ينفع تروحوا معايا أنا وعدت عمران بكده وبصراحه أنا مش عايز اسيبه.

رحيم: اكيد انت بتعز صاحبك واحنا كمان ف هنروح معاك قالتلي اسم ابوه ايه.

غارب: جبل الاسيوطي اكبر تاجر مواد غذائيه .

رواية عشق الغارب الفصل السابع

ف مكان تاني كانت قاعدة ف اوضتها علي سريرها بهتانه وسرحانه ومش حاسه بحد امها دخلت عليها وابتسمت مهما كان دي بنتها الوحيدة وبتتقطع كل يوم علشان بتشوفها بالشكل ده قعدت جنبها وملست ع شعرها واتكلمت.

سميه: بحنان اميرتي سرحانه ف ايه احكيلي.

كنز: بهدوء وسرحان مش بفكر ف حاجه يا اما أنا تمام.

سميه: لا انتي مش كويسه يا بتي احكيلي مالك بس.

كنز: برضو مصممين انكم تجوزوني لابن عمي اللي مش عارفني ابدا أنا عايزة اعرف ليه أنا مش انفعلوا يا اما ده اكيد عايز واحدة فاهمه ومتعلمه مش واحده زيي أنا حاسه اني قليله وأنكم مش بتحبوني وبالجوازة دي هترموني ف النار

سميه كانت بتسمع بنتها بشفقه عليها ومش عارفه ترد ولا تعملها حاجه كانت هترد عليها بس سمعوا صوت .

سميه سبينا لحالنا بعد اذنك عايز اتكلم مع بتي.

سميه خرجت وهو قعد جنبها واتكلم بحنان.

ماهر: بحنان احنا برضه مش بنحبك يا كنز وبنرميكي ده انتي مصدر سعادتنا ف الدنيا مع انك بتي بس من يوم ما وعيتي ع الدنيا وانتي مصدر رزقي معقول تقولي كده.

كنز: بدموع طيب ليه عايز تجوزني لعمران أنا حاسه اني مش هعمر معاه هو متعلم وواعي لكن أنا لا انت ظلمتني لما ما كملتش علامي يا بوي.

ماهر: خايف عليكي يا بتي من الزمن وحاسس اني ولد اخوي هو اللي هيصونك طاوعيني ووافقي يابتي ارجوكي.

كنز: بقله حيله ودموع حاضر يا بوي بس اوعدني ف يوم لو حسيت اني مش مرتاحه طلقني منه ماشي.

ماهر: بابتسامه حاضر.

بعد اسبوع غارب جهز شنطه هو وأهله وراحو قنا وادي عمران خبر بكده.

عمران: غفير مرعي تعالي هنا.

مرعي: خير يا بيه ف حاجه.

عمران: اه ف ضيوف جايين تبعي عايزك تستقبلهم وادي صورتهم لما تشوفهم هاتهم ع هنا.

مرعي: حاضر يا بيه.

جبل: ف ايه يا عم أن مين اللي جاي.

عمران: ده صاحبي اللي بحكيلك عنه دائما غارب وأهله.

جبل: اه تمام يشرفوا هما جايين للفرح.

عمران: أيوة أنا عزمتهم لو مش هايضايقك.

جبل: لا مش هضايق ضيوفك ضيوفنا واني عارف بكده انك عازمهم وجهزنا غرف الضيوف.

غارب وأهله وصلوا ومرعي استقبلهم ووصلهم للبيت وعمران اخد صاحبه بالحضن وسلم ع رحيم وحوريه وجبل استقبلهم استقبال يليق بيهم.

جبل: بترحاب اهلا بيكم نورتوا الدار والصعيد كلياتها.

رحيم: منور بصحابه شكرا.

جبل: بهيه وصلي الضيوف ع الاوضه علشان يرتاحوا

غارب: أنا مش تعبان أنا كويس هقعد مع عمران شويه.

جبل: تمام يا ولدي بهيه وصلي الضيوف لاوضتهم يرتاحو وبعدين نجهز الغدا.

بهيه اخدتهم للاوضه وحوريه اتكلمت بهمس مع رحيم.

حوريه: شكله طيب بس ملامحه حادة أنا خفت منه.

رواية عشق الغارب الفصل الثامن

غارب راح مع عمران غرفته وبهيه قدمت الضيافه وطلعت غارب بص من الشباك لقي مساحه البيت حلوة وكبيرة بص لعمران اللي كان سرحان واتكلم

غارب: بيتك حلو والمساحه هنا حلوة جدا تعرف لو ينفع اجي اخد هنا راحه كل شهر بس يا خسارة مينفعش.

عمران: بتوهان تنور ف اي وقت يا غارب ده بيتك .

غارب: بمواساه ممكن اعرف انت عامل كده ليه ده شكل واحد فرحه الاسبوع ده.

عمران: حاسس بخنقه يا غارب أنا مشفتش كنز غير لما كانت صغيرة ومش شفتها بعدها تاني جاي بعد السنين دي كلها يقولي هتجوزها واللي عرفته أنها مكملتش تعليمها يعني اخدت الثانوي وبس.

غارب: كنز مين.

عمران: اه نسيت اقولك العروسه اسمها كنز.

غارب: اسم جميل وبعدين مش يمكن تكون عوضك ف الدنيا وتبقي ام كويسه لاولادك لديها فرصه يا عمران.

عمران: أنا مش عارف حاجه أنا تعبت متكتف من الجوازة ومن ناحيه تانيه قسوة ابويا وتهديده ليا أنا مش عارف حاجه.

غارب: اهدي ومش تفكر كتير لان ده مش هيوصل لنتيجه وبعدين انت بخيل ولا ايه.

عمران: ليه بتقول كده

غارب: أنا مش جاي هنا اقعد قوم فرجني ع البلد قوم يالا.

عمران: بضحك لسه زي ما انت مش هتتغير ابدا قوم بينا يالا.

عمران اخد غارب ونزلوا يتمشوا بين الزرع شافهم جبل ومراته وسألهم.

جبل: رايحين فين دلوقتي.

عمران: هفرج غارب ع الأرض ونتمشي شويه مش هنتاخر.

جبل: تمام اتفضلوا.

عمران وغارب اتفرجوا ع الأرض وقعدوا مع بعض شويه ورجعوا اخر النهار دخلوا كان رحيم وحوريه قاعدين مع جبل ومراته.

رحيم: انتوا كنتوا فين من الصبح لدلوقتي.

غارب: كنا ف الأرض اتمشينا شويه وقعدنا الهوا هنا جميل جدا

جبل: فعلا المنظر هنا جميل ويتحب اتمني تكرروا الزيارة دي تاني.

رحيم: اكيد هنكررها تاني يا جبل بيه ومبروك لعمران.

جبل: الله يبارك فيك عقبال ما تفرح بغارب.

بعد اسبوع عمران كان بيلبس الجلابيه وبيحضر نفسه وهو مخنوق ومش طايق اللي بيعمله.

غارب: ممكن تهدي وتاخد الأمور ببساطه

عمران: حاسس اني عايز اهرب وارمي بكلام ابويا عرض الحيط.

غارب: مش عارف أهديك ازاي واقنعك ادي نفسك فرصه للحب مرة تانيه يا عمران ممكن تنساها لما تشوف انسه كنز.

عمران: الواحد بيحب مرة واحدة يا غارب وانا لغايه دلوقتي مش قادر انساها ومش قادر انسي أن ابويا رفضها وطردها من هنا بكل قسوة وجبروت من ساعتها مش عايز احب ولا شايف حد غيرها.

غارب: متعرفش هي فين دلوقتي عنوانها حتي

عمران: ياريت كنت اعرف كنت روحتلها واعتذرت مليون مرة واتجوزها وهفضل طول عمري اعتذر منها.

غارب: اهدي يا صاحبي اكيد هتظهر مرة تانيه.

علي الناحيه التانيه كانت بتجهز نفسها وبتبص لنفسها ولفستانها اللي كارهاه وحاسه أنها بتحضر لعزاها مش فرح ابدا لبست الفستان وغطت وشها وطلعت مع امها وعمران وصل عندهم وابتدوا اجراءات الجواز وبعد فترة المأذون خلص الإجراءات واعلنهم زوج وزوجه والفرح تم بخير وعمران اخدها لاوضتهم.

عمران: اسمعي بقي انا مش بحبك وملكيش اي علاقه بيا نهائي أنا مغصوب اصلا علي ده كله فاهمه ولا لا.

كنز: بدموع وانا زيك أنا مش بحبك ولا طايقه وشك اصلا

رواية عشق الغارب الفصل التاسع

عمران : طيب تمام كويس انك انتي كمان كده علشان متشعلقيش نفسك ف حبال دايبه يا بت عمي.

كنز: بدموع وانا مش مشعلقه ولا حاجه ف حبالك يا واد عمي وزي ما قلتلك انا مش طايقاك ولا طايقه الجوازة دي فاهم.

كنز مشت من قدامه وراحت الحمام وبصت ف المرايا ودموعها نزلت بغزارة وصعبت عليها نفسها قوي.

كنز: لا انتي قويه مش هتسمحي لعمران أنه يدوس عليكي ابدا.

كنز غيرت هدومها واخدت غطا ومخده وفرشتهم ع الأرض ونامت عمران شافها وبص الناحيه التانيه ونام ع السرير بس مفيش حد فيهم نام عمران بيفكر ف اللي سرقت قلبه واطردت من بلدها اشر طردة وأبوه وتكتيفه بطلبه وحلفانه عليه.

أما كنز الدموع مش مفارقاها وحاسه أنها مخنوقه ونفسها تموت وترتاح .

طلع الصبح وعمران وكنز صحيوا عمران دخل الحمام وكنز فتحت الدولاب وطلعت لبس لعمران مهما كان لازم تعمل واجباتها تجاهه عمران خرج وكنز دخلت لما شافته وهو شاف لبس ع السرير.

عمران مش اتكلم ولبس الجلابيه وحضر حاله وكنز خرجت من الحمام لابسه ونزلوا مع بعض علشان يبانوا زي اي اتنين متجوزين.

ثريا شافتهم وابتسمت وزغرتت لما الاتنين نزلوا

ثريا: صباحيه مباركه يا عريس ياريت تكونوا نمتوا كويس.

عمران: شكرا يا مرت ابويا .

جبل: حضر حالك علشان هتقعد اسبوع هنا وتاخد مرتك معاك وتعيشوا هناك.

عمران: ايه وهي مش هتقعد معاكم تشوف طلباتكم امال أنا متجوزها ليه.

جبل: وانت مفكرني مجوزك خدامه كنز مرتك ومعاك لوين ما تروح لا دي مرتك ورجليها ع رجلك ف اي مكان.

عمران: لكن ده مكانش كلامنا من الاول مش قلتلي كده ف الاول أنا عامل حسابي تقعد معاكم.

عمران كان بيتخانق مع ابوه وغارب وأهله كانوا نازلين علي السلم بيضحكوا بس سكتوا لما شافوا الخناقه ووقفوا.

عمران: ابوي الطلب ده مينفعش ابدا مش هينفع ترجع معايا القاهرة.

جبل: انت بتعلي صوتك عليا نسيت نفسك يا عمران كلامي واحد ويتنفذ مرتك معاك عايز تسببها وتقعد معانا زي البيت الوقف ولا ايه.

عمران: بزعيق وصراخ وانا مش موافق مش كفايه متجوزها غصب كل حاجه بتعملها من ناحيتي غصب حبيت واحدة وانت طردتها شر طردة من بلدها وانقطعت اخبارها وراح معاها الحب اللي كنت محوشه والمرة التانيه كنز اللي غاصبني عليها وهي اساسا مش موافقه ع الجوازة دي ومغصوبه كمان بس مش هقدر تتكلم عايز تحرمني من املاكك واراضيك تحرمني بس أنا مش واخدها معايا ف حته.

جبل سمع كلام ابنه اللي كله صح بس مش بين ده واتعصب لما جاب سيرة البنت إياها وبصله وكان هيمد أيده عليه بس غارب لحقه.

غارب: لا لا بلاش ارجوك يا عمده متخليش كلامه انك تضربه أنا عارف اني مليش دخل واسف لتدخلي والله بس الطريقه دي مش هينفع.

جبل: عقل صاحبك وخليه يرجع ع اللي فدماغه.

غارب: تعالي معايا يا عمران تعالي ارجوك مش تبوظ الدنيا ارجوك تعالي معايا.

رحيم وحوريه متابعين الموضوع وبصوا لبعض وبينهم وبين نفسهم شافوا أنه طريقه متنفعش راحوا يقعدوا معاهم ع السفره وكانوا ساكتين.

جبل: احنا بنعتذرلكم يا سيد رحيم ع اللي حصل قدامكم .

رحيم: لا محصلش حاجه يا جبل بيه بس ممكن اتكلم معاك بعد الفطار.

جبل: بابتسامه اكيد هنتكلم.

غارب: حد يعمل اللي انت عملته ده تقول الكلام ده قدامه انت اتجننت.

عمران: اه اتجننت يا غارب اتجننت أنه يفاجئني بكلامه ده ابقي اتجننت.

غارب.....

رواية عشق الغارب الفصل العاشر

غارب: يا عمران اهدي انت لو عندت ابوك هيعند اكتر اتكلم معاه بهدوء حاول بطريقه سهله غير العند ارجوك اسمع كلامي المرة دي وبس.

عند جبل كانوا قاعدين ف البهو الكبير الستات لوحدهم والرجاله لوحدهم ورحيم كان قاعد مع جبل علشان يبدأ الكلام.

رحيم: تسمحلي ادخل ف المشكله دي لو كان ده مش هيسبب احراج أو تدخل ف شؤونكم ابدا.

جبل: بابتسامه جانبيه اسمحلك ومتخافش مش هزعل ايا كان هو رايك.

رحيم: ممكن اعرف الاول سبب قسوتك عليه وليه بتعامله وحش واللي فهمته من الخناقه انك مهدده بحرمانه من املاكك.

جبل: صدقني معاملتي ليه انا ندمان عليها بس عمران بيعند وخلاص زمان حرمته من واحده بيحبها ومفكرني عملت كده علشان كنز وساب البيت وقال إنه مش هيخطيها تاني.

رحيم: علشان كده بتقسوه عليه طيب ده مش هيغير حاجه يا جبل بيه صدقني اتكلم معاه ف الموضوع بهدوء صدقني وحاول تشرحله وجهه نظرك يمكن ترجع الامور بينكم.

أما عند ثريا كانت قاعدة وحوريه ساكته وكنز كانت متوترة جدا.

كنز: بدموع ليه أكده يا مرت عمي ليه بتجبروه تاني مش كفايه الجوازة اللي كلها غصب كمان هتجبروه أن اروح القاهرة معاه لا مينفعش بصي قولي لعمي مينفعش أنا مستعدة اقعد هنا واخدمكم بس اروح معاه لا قولي حاجه طيب انتي يا خاله اتكلمي.

حوريه بصتلها وصعبت عليها البنت واتكلمت.

حوريه: أنا اسفه الأمور دي عائليه ومش مسمحولي اتكلم ف حاجه مش بتاعتي.

ثريا: ليه بتقولي كده احنا اهل كفايه ولدك وصحبته لولد جوزي يا ست حوريه قولي رائيك

حوريه: ابن جوزك هو انتي مش أمه.

ثريا: لا مرت ابوه امينه ماتت وهي بتولد عمران.

حوريه: اه فهمت وبصت لكنز طيب حاولي تقولي رائيك يا بنتي اعترضي ع ده .

عمران : للاسف يا طنط حوريه البنات هنا ملهاش رايي انتي طبعا اللي اقنعتي ابويا انك تروحي معايا صح

كنز: أنا اكيد لا أنا مغصوبه علي ده كمان اطلب منه اروح معاك.

عمران: مسكها من أيدها هيكون مين يعني لو مش انتي انطقي.

كنز: بوجع ااه سيب ايدي بعد أنا مكنتش عايزاك ولا عايزة الجوازة دي بس دي رغبه ابويا ومقدرش ارفضله طلب.

عمران: انتي واحدة كدابه حسابنا بعدين كنز.

غارب: عمران ميصحش كده انت ثانيه وهتضربها .

جبل خرج هو ورحيم وكنز شافتهم وراحت لعمها.

كنز: عمي أنا مينفعش اروح معاه أنا موافقه اني اقعد معاكم بس متخليهوش يا خدني أو يوافق أنا متجوزاه علشان اشوف طلباتكم

عمران: بس أنا موافق يا كنز حضري هدومك علشان تروحي معايا.

كنز: لا يعني لا مستحيل امشي من هنا

عمران: عن اذنك يا غارب دقيقه تمام.

غارب: براحتك يا عمران عادي .

عمران اخد كنز ف أيده وكان بيدوس ع أيدها بعنف وهي بتتوجع فتح الاوضه وزقها

عمران: .....

كنز: أنت لا يمكن تعمل كده.