تحميل رواية «عشق الغارب» PDF

رواية عشق الغارب الفصل الواحد والثلاثون

غارب ساب أهله وراح اوضه الضيوف فتحها لقاها واقفه سرحانه ومش حاسه بحد ابدا راح وقف جنبها شويه وهي لا زالت مش حاسه بحد خبط علي كتفها اتخضت لما لقته جنبها.

عشق: هو انت دخلت هنا من امتي.

غارب: أنا هنا من عشر دقايق وانتي مش حاسه بحاجه.

عشق: أنا اسفه الظاهر اني كنت سرحانه ومش حاسه بحد احمم اتمني مايكونش عملت مشكله بينك وبين عيلتك.

غارب: لا معملتيش شرحتلهم الوضع وفهموا عملت كده ليه.

عشق: طيب تمام تصبح ع خير.

غارب: انتي هتنامي هنا ولا ايه.

عشق: اه اوعي تكون فاكر اني هنام ف اوضه واحده بغض النظر عن ده جوازتنا مش حقيقيه وانت عارف ان اتجوزتني علشان تنقذني من واحد قد ابويا وكلها ست شهور وننفصل بهدوء.

غارب: وانتي قررتي كل ده وحدك كده انا مش انقذتك علشان انتي طلبتي مني ده يا عشق.

عشق: امال علشان ايه ف سبب تاني انا مش اعرفه.

غارب: أيوة فيه علشان أنا

غارب كان هيتكلم ويقول إنه بيحبها بس قرر أنه مش هيعري مشاعره دلوقتي ع الأقل قدامها بصلها واتكلم.

عشق: علشان ايه كمل.

غارب: ولا حاجه انتي ملكيش الحق تقرير تنهي العلاقه دي امتي أو جوازتنا حقيقيه ولا لا عايزة تفضلي هنا براحتك مش هجبرك.

غارب خلص كلامه وخرج من الاوضه علشان مشاعره متبانش قدامها وسابها محتارة من كلامه وغارب راح اوضته غير هدومه ونزل يقعد مع مامته وباباه شويه.

رحيم: انت منمتش لسه مش سهران مع مراتك ليه.

غارب: مش جايلي نوم وعشق نامت لأنها تعبانه وانا عايز اقعد مع ماما وتحكيلي عن عمتها شويه ها احكيلي كل حاجه.

حوريه: بابتسامه ماشي تعالي جنبي وانا احكيلك كل حاجه.

حوريه حكت لابنها علي مقابله عمتها العمده واستقبالها الحلو ليهم واخيرا عرفت جواب السؤال اللي كان محيرها دايما وأنها ليها ورث وكانت مش عايزاه بس راويه أصرت انها تاخده

غارب: بانبهار معقول كل ده حصل ويطلع ليكي عمه عمده تلاقيها شديدة ف معاملتها صح.

حوريه: لا مش شديدة لأنها كانت بتتكلم مع الشغالييين والغفر بهدوء وبتحترمهم كمان وقالتلي أن أهل البلد بيحبوها قوي لأنها عادله.

غارب: طيب وبعد ما عرفتي جواب سؤالك مرتاحه دلوقتي ولا لا.

حوريه: ابقي بكدب لو قلت اني مرتاحه يا غارب بس الحقيقه بقول ياريتني ما كنت عرفت الحقيقه القاسيه علي الاقل ميكونش عندي مشاعر قسوة زي اللي حسابها دلوقتي من ناحيه ابويا اللي بعد ما عرفت أسبابه مش مسمحاه ابدا يمكن اغفرله بعدين بس دلوقتي معتقدش.

غارب: سامحيه يا امي خلاص هو ميت دلوقتي ومش يجوز عليه إلا الرحمه قوليلي ورث ايه اللي ادتهولك عمتك ده.

حوريه: فدانين ارض كتبهم جدي لابويا بعد ما خلقني بس مارضيش بيهم ومش أحدهم وادتهمني قبل ما اجي بس حولتهم ف البنك باسمك لو احتجت سيوله ف الشركه.

غارب: معقول وليه عملتي كده انا مش عايز حاجه الشركه سيولتها تمام وانا مش محتاج حاجه شكرا ليكي وبعدين دول فلوسك انا هعملك حساب ف البنك وهحول الفلوس ليكي بس المرة الجايه لو كررتي زيارة عمتك تاخديني معاكي.

حوريه: اكيد هاخدك من غير ما تقول عمتي عايزة تشوفك واستغربت لما قولتلها اسمك

غارب: يا امي الناس كلها بتستغرب اسمي لغايه دلوقتي ده عمران لغايه دلوقتي بيقولي يا صاحب الاسم الغريب بس تعرفي برغم غرابته بس بحبه قوي وبحبك انتي كمان.

حوريه: وانا كمان بحبك هو ليا غيرك يعني ده انت وحيدي اللي طلعت بيه من الدنيا ربنا يخليك ليا يارب وأشوف زرعتك الصالحه.

غارب: أيوة هي الدعوة دي نحتاجها قوي وخصوصا زرعتي الصالحه دي.

عند عمران دخل البيت وحط مفاتيح الشقه مكانهم وكنز كانت مستنياه اول ما شافته راحت لعنده.

كنز: كنت فين من اول الصبح لغايه دلوقتي.

عمران بصلها وما اتكلمش وخلع جاكيته وسابها ودخل اوضته وقعد ع السرير يغير هدومه وكنز جات وراه.

كنز: أنا بكلمك ولما اكون بكلمك ترد ممكن تعرفني كنت فين وفونك مقفول كمان

عمران: اظن انك مالكيش حكم عليا وبعدين لسه فيكي نفس تتكلمي كمان.

كنز: لا ليا حكم لاني مراتك وبعدين ايه فيا نفس دي كمان مكانش ماضي راح لحاله وهتعايرني بيه هي ماتت وخلصنا مش هقعد بقي كل شويه اعذب ف نفسي بسببها.

عمران: وايه النغمه الجديدة دي لا تطورتي.

كنز: لا نغمه ولا حاجه كل الحكايه مش هفضل هأنب ف نفسي كتير وبصراحه كده مش ندامنه ع اللي عملته ولو رجع بيا الزمن كنت عملت كده واكتر ف دلوقتي رد عليا كنت فين.

عمران قرب منها وبصلها وهي للحظه خافت واتوترت بس مش بينت ده عمران عرف انها خايفه وده كان باين عليها وابتسملها.

عمران: اكيد ده مش كلامك واكيد كمان انك قولتي لابويا علشان عارفك جبانه وهو اللي قلك تعملي كده بس للاسف خطته فشلت وملو هتحاولي تخليني احبك وفري طاقتك علشان للاسف مش هتجيب نتيجه وبرضه هنطلق وقرب من ودنها وهمس اما بالنسبه لكنت فين كنت بخونك.

كنز: بدموع ايه اللي بتقوله ده انت بجد عايز تطلقني.

عمران: اللي سمعتيه واخرجي برة.

كنز خرجت من الاوضه وقعدت ورا الباب وبكت كتير لغايه ما نامت أما عمران ف مهتمش ليها ونام.

تاني يوم عشق صحيت بس اتكسفت تخرج لأنها لسه غريبه علي أهل البيت ففضلت ف اوضتها ومخرجتش بس ثواني والباب انفتح واتصدمت من اللي دخل عليها.

عشق: حضرتك

رواية عشق الغارب الفصل الثاني والثلاثون

عشق كانت قاعدة قدام الشباك سرحانه وبتفكر ف اللي جاي واللي عايزة تعمله سمعت صوت الباب بصت وراها لقتها داخله عندها واتصدمت لأنها مش توقعت حد منهم يكلمها أو يدخلها.

عشق: بصدمه حضرتك اتفضلي يا مدام.

حوريه دخلت لعشق بعد ما راحت اوضه ابنها ولقيت غارب من غيرها وسألته عليها وقالها ف اوضه الضيوف وهتقعد فيها وراحت عندها.

حوريه: بابتسامه حضرتك قوليلي يا ماما عادي وبعدين ليه قاعدة هنا مرحتيش اوضه غارب ليه ومنزلتيش ع الفطار.

عشق: معلش أنا مرتاحه هنا وبعدين منزلتش لانه اكيد هكون مش مرغوب بيا وانا مش عايزة اقعد ف مكان مش مرغوبه فيه وبعدين هو حضرتك مش زعلانه من اللي حصل.

حوريه: زعلانه لا ابدا أنا مش زعلانه من ابني هو وضحلنا حكايتك وبعدين حكايتك شبه حكايتي بالظبط.

عشق: حكايه حضرتك قصدك ايه.

حوريه: بابتسامه متشغليش بالك يالا علشان تنزلي تقعدي معانا والموضوع مش فيه نقاش انا هنزل وانتي غيري هدومك وتعالي

حوريه سابت عشق وهي ف حيرة ازاي بتعاملها كويس ومش زعلانه وليه بتقول حكايتها شبه حكايتي مفكرتش كتير وغيرت هدومها ونزلت وهي مكسوفه لقيتهم قاعدين سلمت عليهم.

عشق: بهدوء صباح الخير ازي حضرتك يا عمي.

رحيم: بصلها بهدوء واتكلم صباح النور كويس يا حبيبتي انتي تمام

عشق: بهدوء اه تمام

رحيم: غارب حكالي عنك من اول يوم اتصادمتوا فيه وكل مواقفكم وسئلت عليكي وعرفت كل حاجه عنك فكرتيني بحوريه كانت نفس مشاكلك ف علشان كده مش هتلاقي مننا غير كل ود واحترام ومتخافيش اعتبري نفسك بين أهلك.

عشق كانت هتتكلم بس غارب نزل وسلم عليهم.

غارب: صباح الخير عن اذنكم أنا رايح الشركه.

عشق: استني هجي معاك علشان فيه شغل كتير

غارب: لا خليكي انتي مش هتروحي الشركه تاني مفيش داعي تروحي تاني

عشق: بعصبيه يعني ايه هتقعدني من شغلي ولا انت متجوزني علشان افضل معاك وخلاص يعني اسمعني يا سيد غارب مش معني انك اتجوزتني شفقه عليا يبقي هسيبك تتحكم فيا أنا شغلي مش هسيبه.

حوريه: بس هو مكانش قصده كده يا عشق اهدي علشان تفهمي.

غارب: شفقه عليكي أنا مش متجوزك شفقه وكلامي مش المعني اللي قصدتيه انتي أنا كان قصدي مينفعش يشوفونا مع بعض لغايه ما اقول انك مراتي.

عشق: ومين قلك أن عايزة حد يعرف بالجوازة دي.

غارب: قصدك ايه بالظبط بكلامك ده.

عشق: مش مهم المهم اني اكمل ف شغلي عن اذنكم.

عشق سابتهم وخرجت برة وراحت ركبت تاكسي وغارب اتصدم من هجومها العنيف ده مبصش لأهله حتي ومشي من غير كلام.

حوريه: ع فكرة هجومها الغير مبرر ده كله ش داعي غارب مقصدش ده.

رحيم: افتكر أنه لازم مندخلش بينهم هو هيفهمها بمعرفته واحنا مش هندخل بينهم.

حوريه: أيوة بس هي.

رحيم: حوريه خلاص البنت فاهمه غلط وهتفهم صح بعدين يالا تعالي هنشوف نعمل ايه النهاردة.

عشق كانت ف التاكسي وهي مش فاهمه ازاي علت صوتها علي غارب قدام أهله هي مش عارفه ليه عملت كده وليه الهجوم العنيف ده وقالت لما تشوفه هتعتذرله.

غارب اتصل بعمران علشان يشوفه جاي ولا لا.

غارب: عمران انت جاي النهاردة ولا لا.

عمران: بابتسامه اه جاي بس قولي اتطردت ولا لا.

غارب: لما اشوفك ابقي احكيلك سلام.

عمران حس أنه ف حاجه غلط من صوت غارب لانه بيعرفه لو كان مضايق أو فرحان.

رواية عشق الغارب الفصل الثالث والثلاثون

عشق وصلت الشركه وهي مضايقه من نفسها قوي ومن اللي عملته وقالت لنفسها أنها هتعتذر لما يوصل راحت لمكتبها وفي اوراق كانت عايزاه تحطها مع شغلها الجديد ف نزلت الارشيف وطولت فيه بعد شويه غارب وعمران وصلوا وعمران مش

اتكلم مع غارب مستنيه يبدأ هو الأول الاتنين راحوا لمكاتبهم وبص لمكتبها مش لقيها ف سئل حد من الموظفين

غارب: وحيد انسه عشق فين.

وحيد: بابتسامه واحترام شوفتها رايحه ناحيه الارشيف حضرتك.

غارب: تمام لما تيجي بلغها اني عايزها.

وحيد : حاضر

غارب راح لمكتبه ودخله عمران بعد دقائق يشوف ماله.

عمران: ها احكيلي اطردتوا ولا ايه

غارب: بضحك انت فايق يا عمران والله مش ورانا شغل يا بني.

عمران: بقولك ايه تركن الشغل واحكيلي ها حصل ايه

غارب حاضر هقولك ........ وبس يا سيدي

عمران: طيب كويس أنهم فهموا ده ومهدوش الدنيا ع دماغك طيب الأمور تمام اهي امال مالك احنا وجايين كنت سرحان.

غارب: كنت هاجي الشغل وحدي لغايه ما اظبط أمر اني اتجوزت وأعلن جوازي قلت كده قدامهم وعشق كانت واقفه و.... بس.

عمران: انت مش غلطان يا غارب مراتك اللي مش فهمت الكلام صح وهجومها عليك مش منطقي فهمها براحه وكويس انك انقذتها من ظلم ابوها ليها وبعدين هو انت بتحبها شايف كده ف عيونك.

غارب كان هيتكلم بس الباب خبط ودخلت عشق وبصتلهم هما الاتنين.

عشق: حضرتك طلبتني.

عمران : طيب انا هرجع المكتب هخلص الملفات اشوفك بعدين.

عمران هز رأسه لعشق وهي ابتسمت ابتسامه صغيرة عشق بصت لغارب اللي كان مشغول ف الاوراق اللي قدامه

عشق: حضرتك طلبتني خير.

غارب: كنتي ف الارشيف ليه ومش ع مكتبك.

عشق: كنت بجيب ورق واحطه ف الشغل الجديد حضرتك .

غارب: طيب ضيفيهم وابقي جيبي الورق امضيه.

عشق: حاضر ؛ كانت هامشي بس وقفت ودورت عينيها ف المكان كله ماعدا هو وغارب لاحظ أنها موجودة وبصلها

غارب: ف حاجه تاني ولا ايه.

عشق: كنت عايزة اقول اني اسفه ع اللي عملته ف الصبح مكانش قصدي وانت اكيد مكانش قصدك انك تخليني اقعد من الشغل.

غارب وقف وقربلها؛ والله كويس انك غلطانه امال ايه فايدة هجومك الغير مبرر ده تاني مرة ابقي افهمي قبل ما تتكلمي فاهمه ولا لا.

عشق: حاضر واسفه مرة تانيه عن اذنك.

عشق خرجت وهي زعلانه من نفسها قوي باللي عملته ف نفس الوقت كنز جات الشركه ومعاها عمود اكل وسالت السكرتيرة عن مكتب عمران.

وورتها المكان طلعت وهي مبتسمه علشان اكيد لما ياكل من اكلها يحبها مش لقت السكرتيرة بتاعته ودخلت علطول مبتسمه واول ما دخلت اتصدمت من اللي شافته

رواية عشق الغارب الفصل الرابع والثلاثون

كنز: بصدمه ه هو ايه اللي بيحصل هنا فهموني.

سلمي: بدلع زي ما حضرتك شايفه بنفطر أنا وعمران بيه.

كنز: بتفطروا وانت مش ليك زوجه تفطرك أنا جايبه الاكل وجيت علشان ناكل مع بعض.

عمران: لا مش ليا وبعدين انتي جايه ليه علشان الاكل وبس مش محتاج منك حاجه اطلعي برة.

كنز : لا مش طالعه لما اشوف آخرة اللي بتعمله ده بتعاقبني علي غلطه عملتها طيب عاقبني براحتك بس انت عقابك قاسي اوي يا عمران ليه كنت فاكرة هعيش مبسوطه معاك بعد مطلعتها من حياتك بس قساوتك ذادت شوف أنا اسفه سامحني بس مش تعاملني كده.

عمران بيسمعها وهو مش متأثر بكلامها ومش هامه هي بتقول ايه مسكها من أيدها وطبعها برة المكتب وف نص الشركه وعلي صوته عليها لدرجه ان عشق وغارب خرجوا من مكاتبهم ع الصوت.

غارب: ف ايه هنا بيحصل ايه بالظبط

بص لقي عمران واقف ف نص الشركه وقدامه كنز وهي بتبكي وبص لصاحبه اللي ملامحه بتدل أنه حصل حاجه بينهم

غارب: عمران ف ايه ومال مراتك شكلها كده ليه.

عمران: مفيش يا غارب هي كانت جايه تطلب حاجه بس أنا مش موافق عليها وحسابك معايا ف البيت روحي من هنا يالا.

كنز: لا مش خارجه وراحت لغارب قول لصاحبك كفايه مذله واهانه لكده انت لو كنت مكانه وفي واحده بتحبك هتعمل اي حاجه علشان مش تروح منها صح جاوبني يا سيد غارب لو انت حبيت واحدة وقريبتك بتحبك ومنعت البنت دي أنها تقرب منك هتسامحها ولا لا.

غارب: بتردد أنا معرفش يا مدام كنز أنا آسف مش هعرف ارد عليكي أنا.

عمران: متردش يا غارب ومفيش داعي اخرجي من هنا يا كنز اطلعي برة

مسكها من دراعها وطلعها برة وكنز بصتله بدموع وروحت البيت واتصلت بجبل خلته يجيلها.

غارب: الكل ع مكتبه ومحدش يتكلم ف اللي حصل النهاردة سامعين

عشق كانت واقفه مش فاهمه حاجه بس اللي فهمته حب قديم ف حياه عمران وبس ومش اهتمت تعرف الباقي علشان مش مهم بالنسبالها راحت مكتبها وكمان شغل وغارب بص لعمران واللي هو ردله النظرة وفهم أنه مش عايز يقول حاجه دلوقتي

عمران: أنا ماشي يا غارب مخنوق مش قادر اقعد هنا كتير

غارب: تمام براحتك خد إجازة النهاردة روح.

عمران خرج من الشركه مخنوق ومش طايق حد اخد عربيته واتمشي بيها بلا هدف ساق بسرعه بس مش شاف البنت بتاعت العجله وللاسف اصطدم فيها.

عمران: أنا آسف انتي كويسه حصلك حاجه.

هي: انت اعمي صح لو مش عارف تسوق بتركيب عربيه ليه ها.

عمران: حقيقي أنا آسف أنا اللي كنت مخنوق ومش شايف قدامي فيكي اي حاجه بتوجعك.

ايل: لا أنا تمام وبصراحه العجله بتاعتي هي اللي فقدت توازنها أنا اللي اسفه.

عمران: الواضح انك مش هنديه اي حد مكانك كان بهدل الدنيا مش اخد رد الفعل العادي ده.

ايل: لا مش هعند أنا غلطانه فعلا وبعترف ع العموم حصل خير عن اذنك.

عمران: استني مش اتعرفت بيكي.

ايل: بابتسامه ساحرة أنا آيل شاكر المحمدي.

عمران: وانا عمران جبل اتشرفت بيكي.

ايل ابتسمتله ومسكت عجلتها ومشيت وعمران فضل متابعها بابتسامه لغايه ما اختفت تماما وهو مبتسم فاق لنفسه وكمل مشي بالعربيه دخل البيت ولقي أبوة قاعد مع كنز.

جبل: ممكن اعرف اخر اللي انت فيه ده ايه ها عمران سواء كنز كانت السبب في اللي حصل لداليا أو هي مشيت من البلد وحدها مكنتش هتتجوزها برده.

عمران: عندك حق وانا جاي علشان اخلص من ده كله.

كنز انتي طال*ق بالتل"اته سواء باللي عملتيه أو لا أنا كنت هطلق*ك لاني مش مرتاح ومش بحبك وانتي كنتي متعلقه بحب*ال داي*به انتي تستحقي حد احسن مني بكتير بتمنالك التوفيق مع غيري.

كنز سمعت الكلمه دي ودموعها خانت*ها واترمت ع الكرسي اللي وراها ومش مصدقه اللي سمعته معقول قدر ينطقها وأبوه اللي اتصدم منه عمران سابهم ونزل راح لغارب علشان يسيب مساحه لكنز تلم هدومها براحتها أو تنهار عمران راح لغارب وفتحتله حوريه

حوريه: عمران انت كويس تعالي اتفضل غارب لسه مش جه تعالي استناه.

رحيم: اهلا يا عمران ف ايه انت كويس

عمران: اه أنا كويس يا اونكل غارب فين

رحيم: زمانه جاي تعالي نشرب حاجه لغايه ما يجي

عمران كان بيشرب معاهم الشاي وهو ساكت وسرحان ورحيم حس إن فيه حاجه بس مش سأله بعد ساعتين غارب وعشق وصلوا وشافوا عمران.

غارب: عمران انت هنا امتي حصل حاجه ولا ايه انت كويس.

عشق: عن اذنكم طالعه فوق.

غارب: عمران مش تسكت قول حصل ايه

عمران: أنا طلقت كنز ممكن اقعد عندك النهاردة .

غارب و الكل: ايه ليه لسه موضوع داليا مآثر عليك البنت غلطت وغلكها كبير بس مش لدرجه الطلاق.

عمران: مش علشان داليا يا غارب داليا خلاص ماتت واولادها واهلها امنتلهم حياتهم خلاص انا اللي مش مرتاح ولا بحبها وحقيقي كده افضل لينا هي بتحبني ومتعلقه ف حبال دايبه وبتعافر ف ده وانا مغصوب علي ده كله.

غارب: ومرتاح دلوقتي يا صاحبي ولا لا.

عمران: مرتاح يا غارب وقوي علشان لو قعدنا مع بعض اكتر من كده كنز كانت هتكره نفسها وهي بتعافر ف علاقه خسرانه فاهمني ممكن ايات معاكم هنا النهاردة لو مش فيها احراج.

حوريه: احراج ايه بس يا حبيبي انت زي ابني وهنا بيتك كمان اهلا بيك غارب خد صاحبك واطلعوا وانا هبعت العشاء مع الدادة.

غارب: حاضر تعالي معايا يالا.

غارب اخد عمران ف أوضته وحوريه بعتتلهم العشا ودخلت لعشق.

عشق: خير يا طنط.

حوريه: اسمعي أنا متعاطفه معاكي بس علشان ظروفك وابني حكالي حكايتك وممكن تعاملك زي بنتي بس اللي عملتيه ف الصبح ده وانك تهاجميه بالطريقه دي ده اللي مش هسمح بيه فهماني

عشق: من غير ما تقولي حاجه حضرتك أنا اعتذرتله ومش هكررها تاني انا اسفه.

حوريه مش اتكلمت وطلعت من اوضتها وعشق دموعها خانت*ها بس مسحتهم ونامت.

عند غارب كانوا قاعدين ساكتين وكل واحد فيهم بيفكر غارب بص لعمران واتكلم.

غارب: متاكد انك كويس صح .

عمران: عمري ما كنت كويس غير دلوقتي صحيح احنا قاعدين ف اوضتك مراتك فين

غارب: ف اوضه الضيوف اشترطت أنها مش هتقعد غير فيها.

عمران: تعرف حصلي حاجه حلوة النهاردة شفت ملاك بعيون فيروزي.

غارب: بضحك ملاك بعيوني فيروزي انت كنت بتحلم ولا ايه.

عمران: يا ريته كان حلم بس لا ده حقيقه وحقيقه حلوة كمان.

غارب: لا مش فاهم احكيلي حكايه الملاك دي.

عمران: هحكيلك ......... وبس ده اللي حصل.

غارب: صدفه تخليك عامل كده ف نفسك والملاك دي مش ليها اسم ولا مش عارف.

عمران: بتوهان وهيام آيل.

غارب: آيل بقولك اسم البنت ايه مش تقولي عايز تشوف الآيل.

عمران: يا بني البنت اسمها آيل اسمها كده.

غارب قعد ثواني يستوعب اللي قاله وانفجر بالضحك

غارب: بضحك مكتوب عليك تعرف ناس أسمائهم غريبه

عمران: اسمها غريب بس فريد وعجبني كمان.

غارب: يا سبحان الله دلوقتي اسمها عجبك اشمعنا أنا كنت مستغرب اسمي.

عمران: ها بتقول حاجه يا غارب.

غارب: بابتسامه لا يالا ننام تصبح ع خير.

عمران: وانت من أهله.

عند كنز كانت بتبكي ومش مصدقه اللي حصل ابدا وجبل لاول مرة ياخد صف ابنه

جبل: عمران عمل الصح يا كنز أنا غلطت لاني حوزته من غير إرادته من الاول ودمرتك انتي.

كنز: ايه دلوقتي انت غلطان يا عمي بس أنا كنت مستعدة اقعد معاه حتي لو مش بيحبني.

جبل: يا بنتي افهمي انتو مش لبعض عمران مش بيحبك لو كان بيحبك مكانش قابل داليا ولا حبها فهماني لمي هدومك علشان نرجع قنا الصبح يالا.

كنز: حاضر يا عمي.

كنز قامت لمت هدومها واستسلمت لامرها واتاكدت أن عمران عمره ما هيكون ليها ومش نصيبها من الاول بس كانت بتكابر كنز لمت هدومها ونامت تاني يوم رجعت هي وجبل قنا وراحت بيتها ومش اتكلمت مع حد وقررت انها تعيش لنفسها وبس ومش هتفكر ف عمران تاني وبما أنها خريجه زراعه ف اشتغلت مع ابوها وعمها

عند عمران وغارب صحيوا وفطروا وكانوا هيتحركوا ع الشركه بس عشق نادمت ع غارب.

غارب: خير عايزة حاجه.

عشق: تسمحلي بإجازة النهاردة.

غارب: ممكن اعرف السبب.

عشق: عايزة اخد ريست ممكن.

غارب: تمام خديها.

غارب مشي هو وعمران ووصلوا الشركه ودخلوا المكتب والسكرتيره دخلت ليهم.

رانيا: غارب بيه المسؤوله عن شركه المحمدي وصلت ادخلها

غارب: اه دخليها

عمران: المحمدي هي دي الشركه اللي قلت انك هتتعامل معاها.

غارب: اه بصراحه شركتهم كويسه وواحده وضعها في السوق ولو تعاملنا معاهم هنكسب

صباح الخير ممكن ادخل

غارب: اهلا اتفضلي شرفتينا

عمران حس إن الصوت مش غريب بصلها و اتكلم باستغراب.

عمران: مش معقول آيل انتي المسؤوله

آيل: بابتسامه استاذ عمران ازيك

غارب.....

رواية عشق الغارب الفصل الخامس والثلاثون

غارب: هو انتوا تعرفوا بعض ولا ايه.

عمران: أيوة انسه آيل هي اللي خبطت فيها امبارح وحكتلك عنها.

غارب: الملاك اللي بعيون فيروزي دي كان قصدك عليها.

آيل: باستغراب افندم ملاك بعيون فيروزي قصدك ايه.

عمران ضرب غارب ضربه خفيفه وابتسم قدامها.

عمران: لا ولا حاجه متاخديش ف بالك مش مهم طمنيني اخبار رجلك ايه كويسه

آيل: بابتسامه قلتك امبارح اني كويسه ومفيش حاجه بس العموم متخافش أنا كويسه مش حاسه بوجع ابدا انا بعرف اركب عجل كويس بس العجله هي القديمه شويه أصلها رفيقه طفولتي بس.

غارب: بابتسامه ممكن نتكلم ف الشغل انسه آيل.

آيل: اه اكيد أنا جايه علشان كده بس لما شوفت استاذ عمران فرحت اني قابلته تاني.

عمران: وانا كمان مبسوط اني شوفتك

عمران كان باصصلها وتايهه ف ملامحها اللي سحرته وغارب لاحظ ده طلعه من شروده وبدأوا يتكلموا ف الشغل والصفقه اللي عايزين يشتغلوا فيها واتفقوا ومضوا العقود.

آيل: تمام كدا اجتماعنا خلص بتمني نكون ضيوف خفيفه ع شركته عن اذنكم.

عمران: استني هوصلك

آيل: مفيش داعي تتعب نفسك.

عمران: لا مفيش مشكله عندي.

عمران وصل آيل لعربيتها واتكلموا مع بعض.

عمران: انا مبسوط اني شفتك مرة تانيه مكنتش متوقع تبقي انتي المستثمرة عندنا.

آيل: بابتسامه قلي بقي ايه حكايه الملاك بعيون فيروزي دي انتي وصفتني كده.

عمران: بابتسامه اه انتي شبه الملاك وعيونك حلوين مكنتش متوقع انك تأسريني بيهم كده

آيل: بخجل احم أنا همشي اتاخرت

عمران: هشوفك تاني صح.

آيل: الجايات كتير عن اذنك.

آيل مشيت وعمران كان مبتسم ليها وراح مكتب غارب يكملوا الشغل.ابا

غارب: قلي بقي ايه الحكايه بالظبط

عمران: حكايه ايه تقصد.ڜ

غارب: هتخبي عليا يا عمران دي اول مرة.

عمران: بس أنا مش بخبي عليك حاجه وهخبي ليه يا غارب.

غارب: قصدي آيل وعيونك اللي بطلع قلوب اول ما شوفتها هو ف ايه انت حبيتها ولا ايه.

عمران: مش عارف شكلي كده تخيل أنا وقعت في الحب ومن بنت مش شفتها غير مرتين.

غارب: غريبه مش شوفت النظرة دي لا مع داليا ولا كنز ايه اللي غيرك.

عمران: لأن داليا كنت حاسس ناحيتها بالذنب ومنكرش إن فيه جوايا حب من ناحيتها وكنز شفتها اختي وبس يا غارب أما دي شئ تاني.

غارب: بس تعرف بتمنالك السعادة معاها البنت لايقالك جدا.

بعد شهرين الحياه اتحسنت مع كنز وبقي ليها شغلها الخاص وعمران عارف بده من الاول وفرحان ليها ومشاعره ناحيه آيل زي ما هي مش اعجاب وراح وحس معاها بالحب وقرر يتقدم ليها وطلب يقابلها.

آيل: خير يا عمران جايبني هنا ليه وسط الشموع دي ف حاجه.

عمران: من غير لف ودوران أنا بحبك يا آيل وعايز اتجوزك تقبلي طلبي.

آيل: أيوة بس أنا مش انفعلك يا عمران.

عمران: وليه بقي مش تنفعيلي ست ناجحه وبتشتغلي ناقصك ايه.

آيل: بصراحه انا مطلقه مش انسه واكيد أهلك مش هيقبلوا بيا.

عمران: وايه المانع أنا كمان مطلق مفيش مشاكل مهما قلتي أنا راضي ها قلتي ايه.

آيل: بابتسامه موافقه طبعا كفايه انك بتحبني زي ما بحبك انا كمان.

بعد اسبوع عمران راح لابوه علشان يفاتحه ف الموضوع وقعد معاه

جبل: خير يا عمران ف ايه

عمران: عايزك تنزل معاي مصر علشان هخطب بنت بتشتغل معانا.

جبل: تتجوز واحدة من اختيارك المرة دي ويا تري بتحبها ولا هتعذبها معاك.

عمران: بابتسامه لا من اختياري وبحبها كمان هتيجي معايا ولا ايه ولا دي كمان هترفضها علي فكرة مش بنت بسيطه.

جبل: خلاص قفلنا الموضوع ده اهدي بقي مين اللي هتتجوزها

عمران: آيل شاكر المحمدي.

جبل: بغضب بنت عمدة الكفر اللي جنبنا انت اتجننت اه اكيد زقها عليك علشان ينتقم مني بما اننا منافسين زمان ملقتش غيرها

عمران: منافسين بس أنا مش اعرفه ولا عمري شوفته أنا معرفش مين عمدة الكفر اللي جنبنا.

جبل: واديك عرفت لو أطبقت السما ع الأرض بنت المحمدي لا يا عمران.

عمران: بس أنا المرة دي مش هسمع كلامك وهنفذ اللي ف دماغي ولو انتقموا مني أنا راضي حتي لو هي مش حبتني

جبل: وانا قلت لا حتي لو وصل الأمر اني احبسك.

عمران: أيوة بس.

بس انت فاهم غلط يا جبل أنا مش بنتقم منك أنا نسيت عدواتنا دي من زمان وظهور بنتي ف حياه ابنك مش مدبر.

جبل: انت.

رواية عشق الغارب الفصل السادس والثلاثون والاخير

جبل: انت تاني ايه اللي خلاك تظهر ف حياتنا من تاني مش كنت اكتفيت منك كفايه حقدك وعدواتك ليا زمان بسبب اني كنت احسن منك ف الدراسه جاي كمان تكمل انتقام من ابني هو انت ايه مش بترحم ابدا يا شاكر.

شاكر: أيوة بس انت فاهم غلط كنت زمان شاب طايش وشايفك احسن مني كنت بعمل اي حاجه علشان ابقي احسن منك ف حاجه نار غيرتي عمتني بس فوقت بعد فوات الاوان بعد ما المرض نهشني دورت عليك كتير اطلب منك السماح ولتاني مرة بقولها ظهور بنتي مش مخطط ولا حاجه ده قدر أنهم يلاقوا بعضهم

آيل: بخوف بابا قلتلك مش تتحرك ولا تروح مكان لولا أن الغفر قالولي رحت فين مكنتش هوصل ليك وبعدين بيت مين ده.

بصت للموجودين لقته واستغربت منه.

آيل: عمران انت بتعمل ايه هنا.

عمران: سؤال واحد وعايزك تجاوبيني عليه واجابتك هي اللي تحدد يا نهايه حبي ليكي يا جوازنا.

آيل: أنا مش فاهمه حاجه انت بتتكلم عن ايه

عمران: مش مهم المهم ظهورك قدامي صدفه ولا مدبر

آيل: اكيد صدفه أنا مش بدبر حاجه بس ليه بتقول الكلام ده فهمني.

عمران: بابا بيقول أنه هو ابوكي ف عداوة قديمه بينهم وبسببها بينهم كره وحقد.

آيل بصت لجبل وبصت لابوها واتكلمت

آيل: بابا هو ده جبل اللي كنت بتحكيلي عليه ان هو ده اللي حاسس بالذنب من ناحيته كتير وبيتمني يسامحك.

شاكر: اه يا بنتي.

جبل: قصدك ايه بكلامك ده.

آيل حكتله كل حاجه وجبل لازال مش مصدق وآيل اتكلمت.

آيل: حضرتك لو مش مصدق براحتك يا عمي بس أنا مش هبرر لحد كتير عن اذنكم يالا يابابا معاد دواك.

آيل وشاكر كانوا هيمشوا بس بصت لعمران نظرات فيها دموع كتير وعمران مش استحملت ونده عليهم

عمران: استنوا مش هسيبك تضيعي من ايدي فاهمه جوازنا اول ما هنرجع مصر أنا وانتي وانت يا ابويا بيتي مفتوح هتحضر فرحي اهلا بيك مش هتحضره براحتك عن اذنك.

عمران مشي معاهم ومسابش كلمه لابوه يقولها بس مراته فوقته.

زوجته: أنا مش هسيب ابني يبعد عني تاني بسبب عنادك وكبرك ده فاهم يا حج.

جبل: عايزاني اعمل ايه يعني.

ام عمران: تساند ابنك أنا عن نفسي هروحله ولو كنت فاكر مش عايز تفرح معاه بسبب كنز ف كنز مش ممانعه كفايه انانيه بقي ف الواد خليته يقاطعك مرة هتستحمل التانيه.

أما برة البيت عمران كان واقف مع شاكر.

شاكر: ليه كده يا بني تعمل كده ده مهما كان أبوك هتسيبه علشانه.

عمران: متاخديش ف بالك يا عمي المهم أنا طالب ايد بنتك موافق وسواء كنت صادق أو كداب ف اللي قلته جوا ف

هستحمل ده.

شاكر: لا والله يا بني صدقني أنا سبت الفكرة دي من زمان.

عمران: أنا بسئل آيل أنا سئلت سؤال جاوبيني عليه وحالا.

آيل: وانا مش بكدب يا عمران مقابلتنا صدفه وبس أنا بحبك كفايه انك رضيت بمطلقه.

عمران: وانا مش بيهمني اذا كنتي مطلقه او لا المهم تكوني مراتي.

وهما واقفين كنز كانت جايه من بعيد وشافتهم شبهت ع البنت وباباها لقتها هي وقربت منهم.

كنز: باستغراب آيل المحمدي عندنا ده ايه النور ده ويا تري سر زيارتكم ايه بقي.

آيل: بسعادة كنز وحشتيني انتي مش بتزوريني ليه

عمران: انتوا تعرفوا بعض.

آيل: اه كنز صديقه طفولتي واعز أصحاب كمان.

كنز: كنا يا بنت المحمدي كنا دلوقتي مش عايزة اعرفك جاوبي ع سؤالي بتعملوا ايه هنا.

عمران: انتي بتكلميها كده ليه اتكلمي كويس

كنز: وانت زعلان عليها ليه.

عمران: آيل خطيبتي وكمان شهرين هتبقي مراتي فاهمه يا كنز.

كنز: وبتقولي ليه انت مبقتش تعنيلي اي شئ كل اللي كان بينا انت نهيته من شهرين صح عن اذنكم ياريت شوفتك متكررش تاني يا آيل.

آيل: كنز هي طليقتك يا عمران.

عمران: مش مهم المهم فرحنا اللي هنجهزه.

بعد اسبوعين عشق كانت متجنبه غارب طول فتره قعدتها معاه ومش بتكلمه غير ف شغل وبس وهو اكتفي من معاملتها دي وقرر يكلمها.

غارب: ممكن اعرف انتي بتتعاملي كده ليه كلامك شغل وبس ولا كاني جوزك.

عشق: علشان انا لغايه دلوقتي شايفاك مديري مش جوزي وانا مجرد ضيفه معاكم وبس.

غارب: انتي مش ضيفه يا عشق انتي مراتي.

عشق: بس بعد شهر مش هكون علشان هنطلق علشان كده انا مش بحتك بيك وبدور علي شقه مناسبه ليا عن اذنك.

غارب: استني هنا قررتي فجاه انك هتطلقي مني وكمان بدوري ع مكان انتي مراتي يا عشق وانا مش هطلق

عشق: بس ده اتفاقي معاك ومش بمزاجك ولا اشترتني يا غارب بيه بعد اذنك.

غارب: استني هنا أنا بكلمك ولما اكون بكلمك مش تسيبيني وتمشي.

عشق: بعصبيه انت بتعاند معايا ليه عايزني افضل زوجه ليك ليه يعني.

غارب: بزعيق و غضب علشان بحبك يا غبيه افهمي ومش بقولها كده وخلاص لا ده احساسي ناحيتك.

عشق اتصدمت من اعترافه هي كمان بدأت تحبه بس مش اتوقعت أنه يعترف لها بالسرعه دي بلعت ريقها وبصتله واتكلمت.

عشق: أيوة بس أنا مش بادلك نفس الشعور ولا عايزة حبك ده افتكر انت متجوزني مجرد شفقه وبس عن اذنك.

عشق سابته ونزلت وسابت غارب واقف مذهول من كلامها ومنطقش باب كلمه شافته مامته لأنها سمعت كل حاجه كانت هتقرب منه بس فكرت أنه لازم يحل مشكلته لحاله وسابته ونزلت وغارب قرر أنه مش هيسيبها ويطلقوا.

بعد شهرين فرح آيل وعمران جهز والديكورات كانت كلها حلوة وآيل لبست فستان سيمبل حلو بين رقتها وعمران بدله كلاسيك مبينه رجولته المعازيم كانوا كتير غارب وأهله وأهل عمران اللي اخيرا ابوه وافق وقرر يبطل انانيه ف ابنه وكنز برغم أنها أطلقت منه إلا أنها لسه بتحبه بس نصيبها يكون عمران مش ليها وغارب اللي كان بيحاول مع عشق وهي كانت بتصده بس فنفس الوقت كانت فرحانه بمحاولاته عمران وآيل كانوا مبسوطين وبيرقصوا بسعاده وعمران اول مرة يكون مبسوط جدا غارب كان مبسوط لصاحبه اللي اخيرا لقيت حبه المفقود وبيدور عليه بعد ما كان فاكر داليا حبه المفقود اللي اكتشف انها حب بدرجه ذنب غارب بص لعشق اللي كانت فرحانه للعروسين سابهم وخرج برة القاعه وعشق لحقته.

عشق: انت خرجت ليه مش عاجبك الجو ولا ايه ده حتي العروسين مبسوطين وشكلهم حلو.

غارب: وانتي مش مبسوطه اول مرة اشوفك بتصحكي وانتي جوه.

عشق: عادي علشان ده فرح وطبيعي افرحلهم وبعدين بتتكلم كده ليه.

غارب: علشان انتي واحده مش عندك دم ولا احساس بحاول معاكي شهرين وانتي ولا هنا غارب اللي الكل بيعمله حساب واحده زيك انتي تعمل فيا كده الظاهر اني كنت غلطان لما عرفت مشاعري قدامك بسهوله وهنفذلك طلبك بكرة الصبح.

عشق: بصدمه قصدك ايه هطلقني أيوة بس أنا مش كنت اقصد اني اضايقك مش كنت عايزاك تعمل كل ده كفايه تلميحات بسيطه.

غارب: انتهت لهنا كفايه يا عشق عن اذنك.

عشق: استني هنا مش تسيبني وتمشي هتمشي من غير ما تسمع ردي ع كلمتك.

غارب: انتي رديتي بالرفض يا عشق عن اذنك.

عشق: استني أنا رفضت الاول علشان كنت فاكرة أنها مشاعر وبس لكن اتاكدت من محاولاتك الفترة اللي فاتت أنا عمري ما حد حاول يعمل معايا كده علشان كده ما ابديتش اي رد فعل ورفضت علشان كنت خايفه ودلوقتي مش خايفه اني اقولها.

غارب: قصدك ايه بالكلام ده وضحي.

عشق: بابتسامه أنا كمان بحبك ومش هحب حد غيرك مهما كان انا بحبك يا صاحب الاسم الغريب انت

غارب فرح باعترافها اللي اذهله ومش توقع أنها تعترف بالشكل ده شالها ولف بيها ودخل بيها القاعه وقعدوا يرقصوا مع بعض وعمران فرح لما شاف صاحبه بالمنظر ده وتأكد أنه حبه الضايع اللي كان بيدور عليه هو كمان لقته

أما كنز كانت قاعده ع الطربيزة لوحدها مش حاسه بحد فجاه اتحطت ورقه قدامها قدرتها وغصب عنها ابتسمت وقعد قدامها حد

اهلا أنا هايم أنا ملاحظتك من بدري علشان كده بعت ليكي الورقه دي متبكيش مفيش حد يستاهل أن دموعك تنزل علشانه.

كنز: وانت تعرفني علشان تبعتهالي.

هايم: اه اعرفك احنا شغالين مع بعض ف مكان واحد ف البلد انتي مش واخده بالك مني بس انتي سحرتيني وبتمني تكوني نصي الحلو.

كنز: أيوة بس انا مطلقه واكيد انت لسه شاب عايز واحده زيك.

هايم: ع فكرة عارف عنك كل حاجه وراضي قلتي ايه موافقه .

كنز: الرأي راي بابا وعمي لو وافقوا ماشي.

هايم: بسيطه تعالي معايا.

هايم شدها من أيدها وقعدها جنب عمها وأبوها وراح مسك المايك.

هايم عرف نفسه ع أهل كنز وأنه بيشتغل مساعد عندهم وطالب ايد كنز جبل وأخوه بصوا لكنز لقوا لمعه عينها وابتسامته الباينه وافقوا ع طول

بعد فرح عمران بست شهور كنز اتجوزت هايم وحياتها مستقرة ولأول مرة تكون مبسوطه عشق وغارب عملوا فرح وانبسطوا ودلوقتي مستنين ابنهم عمران وآيل عايشين مبسوطين والكل حياته مستقرة واللي كان بيدور ع حبه المفقود لقاه مع شخص مناسب.

انتهت احداث الرواية نتمني أن تكون نالت اعجابكم وبانتظار آراءكم في التعليقات