تحميل رواية «عشق الغارب» PDF

رواية عشق الغارب الفصل الواحد والعشرون

كنز ماخلتش عمران يخرج ووقفت قدامه ورفعت ايديها علشان تمنعه يخرج واتكلمت.

كنز: بإصرار وانا مش هسيبك تطلع من هنا غير وانت مجاوب ع سؤالي يا عمران فاهم ولا لا.

عمران بصلها بتحدي وبص لايدها الممدوده قدامه شال أيدها وخرج لابوه اللي قاعد وقعد جنبه وكنز اتصدمت من تصرفه وخرجت وراه.

كنز: بردو مش هسيبك غير لما تجاوبني ع سؤالي.

عمران: بزعيق اسمعي أنا مش فاضيلك مش كنتي جايالي جوه وبتقولي الغدا جاهز وادينا قاعدين ع السفرة وملكيش الحق تسأليني اصلا فاهمه اقعدي زيك زي الكرسي واخرسي سامعه.

جبل: بهدوء كنز مش دلوقتي اهدي تمام

عمران: اه اسمعي كلام عمك واهدي بقي.

قعدو كلهم اتغدوا وكنز شالت الغدا وبتنضف المطبخ وجبل كان بيتكلم مع عمران.

جبل: بهدوء بردو مش هتقولي جبت منين كلامك ده .

عمران: وانا قلتلك مش مهم المهم انك بعتني لواحد مش يستاهل يا ابويا.

وهما بيتكلموا جرس الباب رن وعمران فتح ولقاه غارب.

عمران: باستغراب غارب ف حاجه حصلت معاك انت كويس عمو وطنط تمام.

غارب: ايه يا بني اهدي أنا كويس وبابا وماما كويسين بس مخنوق ومش عايز اروح الشركه قلت اجيلك لو مش ينفع هاجي ف يوم تاني.

عمران: ايه الكلام اللي بتقوله ده ادخل اتفضل البيت بيتك.

غارب دخل واتفاجا بجبل وراح عنده وسلم عليه.

غارب: اخبارك يا عمي حضرتك كويس.

جبل: بابتسامه كويس يا بني أنا هقوم علشان تقعدوا مع بعض براحتكم كنز شوفي ضيف جوزك يشرب ايه

كنز: استاذ غارب مش ضيف هو صاحب بيت زي ما كان بيقول عمران تشرب ايه يا استاذ غارب.

غارب: من غير مايبص ناحيتها احتراما لصاحبه شكرا ليكي مش ليه لزوم أنا شويه وماشي.

عمران: هو مش هيشرب حاجه خدي بابا وخليكم جوه ومش تطلعي غير لما اناديكي.

كنز: بهدوء حاضر عن اذنكم.

عمران بص لغارب لقاه ساكت وباين عليه مهموم.

عمران: بابتسامه مالك يا صاحب الاسم الغريب انت.

غارب: بابتسامه انت لسه فاكر ده.

عمران: اكيد تقريبا مفيش حد سمي الاسم ده غير عمي رحيم ها مالك يا صاحبي.

غارب: روحت لعشق لانه كان ف دماغي حاجه كده رحتلها بيتها ف الحارة لقيت ابوها بيضربها وف اخر الخناقه طردها لما عرف اني صاحب الشغل بتاعها وجاي اكلفها بشغل اضافي بتاع فلوس يعني واقترحت عليها اوديها ف مكان تاني طردتني ومش عارف احل الأمور ازاي وتاني حاجه امي وابويا العلاقه اتوترت بينهم

عمران: مشكله عشق هنحلها بعدين بس اي مشكله عمي وطنط حصل حاجه بينهم يعني.

غارب: عرفت بالصدفه امبارح من بابا بعد ماحكيتله اللي حصل مع عشق أن جدي مات من اكتر من سنتين وهو بيحكيلي اتفاجات بما مصدومه برة وعرفت أنه ميت مش عايش ومن امبارح وماما مش عايزة تشوف بابا وبتكلمه بفتور وجمود كبير وانا مش عارف حاجه ابدا وتايهه ولما ببقي تايهه باجي عندك بس الواضح انك مش هتفضي دلوقتي

عمران: وليه افترضت اني مش هفضالك يعني قوم بينا نتمشي تحت يالا .

غارب: بس باباك مش هينفع كده يقولوه عليا ايه.

عمران: مايهمكش اساسا الجو هنا متوتر كمان يالا بينا.

عمران وغارب سابوا البيت ونزلوا يتمشوا هما الاتنين كانه سرحانين وعمران بص لغارب

عمران: مامتك رد فعلها طبيعي يا غارب بحسب اللي قلته عن جدك أنه كان شخص سيئ ومينفعش اب ومامتك بالرغم من ده كله بتحبه فطبيعي اللي حصل ده باباك من وجهه نظره كدب لانه من مصلحتها هي بس هي مش مستقبله ده اهدي هيتصالحه بالنسبه لعشق انت مديون ليها باعتذار.

غارب: معاك حق ف كلامك هروحلها واعرض عليها مساعدتي قلي كلمتك تاني.

عمران: لا وبكلمها مش بترد ابدا وخايف عليها ليكون عمل فيها حاجه.

عند داليا كانت بتتقل ف السرير بسبب الكوابيس والعرق بينزل منها بطريقه غبيه جدا ومش عارفه تاخد نفسها دخل عليها مازن ابنها يصحبها بس مش بتتجاوب معاه وهو خايف عليها جاب فونها واتصل علي رقم عمران اللي داليا شاورت عليه وعمران شاف رقم غريب رد عليه .

عمران: الوو مين معايا.

مازن: ببكاء عمو عمران أنا مازن الحقنا ماما مش بترد عليا.

عمران: بخوف مازن انت كويس مامتك مالها.

مازن: مش بترد عليا وبتهلوس أنا خايف اوي.

عمران: اطلب مساعده من جيرانكم يا حبيبي.

مازن: احنا مش المنصورة احنا ف قنا ماما اتخانقت مع بابا تاني وضربته بالسكين وجابتنا علي قنا يا عمو.

عمران: ايه ده كله حصل اهدي يا حبيبي اهدي ومش تخاف فاهم هكلم دكتور من هناك وهيجيلك.

عمران قفل الخط مع مازن واتصل ع دكتور وجدي وحكاله اللي حصل وقفل معاه وعمران كان خايف ومتوترة جدا.

غارب: ف ايه يا عمران قلقتني.

عمران: احنا لازم نروح قنا حالا يا غارب.

غارب: دلوقتي حصل ايه

عمران: يالا بينا هقولك ف الطريق.

عند حوريه ورحيم وصلوا الغربيه بعد ساعات سفر والسكوت هو المسيطر بينهم وراحو مدافن عيله حوريه ووقفت قدام قبر ابوها.

رواية عشق الغارب الفصل الثاني والعشرون

حوريه واقفه قدام قبر ابوها والدموع ف عينيها واتكلمت.

حوريه: ببكاء وحشتني يا بابا برغم كل حاجه عملتها فيا وقسوتك اللي غير مبررة وكرهك ده بس والله بحبك ولغايه دلوقتي وكنت بدور عليك بقالي سنين وصدمه موتك كسرتني يا ابويا ياريتك كنت عايش كنت افهم منك ليه بتعاملني كده بس معلش ربنا يرحمك.

رحيم كان بيسمعها وقلبه واجعه عليها قرب منها وحط أيده علي دراعها وهي بصتله والدموع ف عينيها وحضنته ورحيم اتكلم.

رحيم: بابتسامه اهدي يا حوريه هو ف مكان احسن من هنا ادعيله.

حوريه: دعياله ومسمحاه كمان والله بس كان نفسي يجاوب ع اسئلتي.

انا هجاوبك علي اسئلتك كلها مش هسيبك محتارة ابدا.

الاتنين بصوا لمصدر الصوت لقيوا ست أربعينية ملامحها هادئه وطيبه وحوريه سالتها.

حوريه: باستغراب حضرتك مين انتي عارفاني.

هي: اه يا حبيبتي أنا عمتك راويه اللي ابوكي كان مفهمنا كل ما يجي هنا انك موتي بس احنا عرفنا من قريب انك متجوزة وعايشه مبسوطه وعرفتك من مواصفاتك والغفران لما شافوكي جم قالولي.

رحيم: باستغراب عمتها بس اللي اعرفه ان حوريه مش كان ليها قرايب ده اللي عمي قاله ف مرة.

راويه: هو اخويا كده طول عمره بياذي ف اللي حواليه اتفضلوا معايا علي البيت بيت عمتك العمده يا بنت اخويا غفير مرعي.

مرعي: أؤمريني يا حضرة العمدة أوامرك.

راويه: هات شنط البهوات وتعالي ورانا بنت اخويا وجوزها مشرفينا يومين.

حوريه: أنا مش فاهمه حاجه يا رحيم.

رحيم: ولا أنا بس دلوقتي هنفهم

رواية عشق الغارب الفصل الثالث والعشرون

رحيم وحوريه راحوا مع راويه علشان يفهموا منها كل حاجه ركبوا عربيتهم ومشيوا وراها لغايه ما صلوا لبيت كبير من الطراز القديم بس محافظ علي رونقه دخلوا الهول الكبير وراويه بصتلهم بابتسامه.

راويه: بابتسامه نورتي بيت عمتك يا بنت اخويا اتفضلوا.

حوريه: ممكن افهم انتي عمتي ازاي وبابا طول عمره مش قلي أنه ليه أهل ابدا ومش معرفني.

راويه: انتي مش عارفه لكن صفيه والدتك عارفه بحكايه ابوكي وكانت راضيه بالعيشه معاه أما مقالكيش ليه لان ابوكي طول عمره مؤذي وطماع وانتي بنفسك كنتي بتشتكي قدام قبره من شويه جدك الله يرحمه كان مساوي بينا يعني بيحب البنات زي الولاد واخويا الولد الوحيد ع اربعه بس كان شراني واناني وجدك حرمه من ورثه وجوزه صفيه بالغصب وكان بيوريها النجوم ف عز الضهر حتي بما حملت فيكي ابوكي كان عنده امل تطلعي ولد علشان ورثه يكبر وجدك يكتبله فدانين

زياده بس توقعه طلع غلط وطلعتي البنت وجدك كان فرحان بيكي اوي وكان هيكتب الفدانين ليكي وابوكي اعترض واخدك واخد امك لمصر وحرم جدك وحرمنا منك وكل لما بيجي هنا جدك كان بيتحايل عليه علشان يشوفك وهو بكل جبروت يقول لا كان كان بيعاقب الكل واولهم هو.

حوريه كان بتسمع كلام راويه بصدمه ومش مصدقه اللي بتسمعه معقول ابوها يعمل فيها كده ويحرمها من أهلها السنين دي كلها وكل غلطتها انها جات بنت مش ولد معقول ابوها يطلع بالقسوة والجبروت ده كله حوريه مش استحملت ورجليها مش شالتها وكانت هتقع بس رحيم وراويه سندوها.

رحيم: بخوف حوريه حبيبي انتي كويسه اهدي تعالي اقعدي

حوريه بصتله بدموع وهو فهم معاناتها واخدها ف حضنه من غير ولا كلمه وراويه كانت شايفه حب رحيم لبنت اخوها واتاكدت أنها عائشه سعيدة مش بتعاني زي ما كانت مع ابوها.

راويه: سامحيني يا بنتي علي الكلام اللي سمعته مني بس كان لازم اجاوبك علي السؤال اللي محيرك ده وكنت مستنياكي علشان تاخدي حقك ورثك وفوقيهم الفدانين.

حوريه: بدموع لا أنا مش عاوزة حاجه خليهم مش هاخد منهم حاجه شكلك طيبه مش زي ابويا أنا هسيبك ورثي والأرض ف حماكي انتي.

راويه: بابتسامه وفلوسك وارضك ف حمايتي مش تقلقي.

حوريه: بس مش قلتيلي انتي ازاي عمده وانتي بنت.

راويه: جدك هو الأمر بكده بعد ما ابوكي سابنا أمر أن الكبيرة تبقي عمده واهو أنا قدامك بس بحكم بالعدل بينهم علشان كده الناس هنا بتحبني.

رحيم: اتشرفنا بيكي يا ست راويه ومبسوطين أننا قابلناكي.

راويه: ده انا اللي مبسوطه علشان شفت بنت اخويا القمر دي

رحيم: يالا بينا يا حوريه اتاخرنا.

راويه: تمشوا تروحوا فين انتوا هتقعدوا معانا يومين ولا انت مش حاببنا يا رحيم بيه.

رحيم: لا العفو مش تقولي كده احنا مبسوطين أننا اتشرفنا بيكي.

راويه: خلاص انتوا ف ضيافتي وبالمرة اشبع من بنت اخويا.

اما عند عمران وغارب عمران كان سائق العربيه بسرعه علشان يلحقها

غارب: عمران اهدي هتكون كويسه هيكون تعب القلب العادي ممكن تهدي .

عمران مش كان سامعه كل اللي يهمه هي وبس بعد ساعات وصلوا وراح بيتها والدكتور كان معاها

عمران: دكتور طمني خير.

الدكتور: هي طلباك يا عمران ادخلها عايزة تتكلم معاك.

عمران: بخوف داليا انتي كويسه حاسه بايه.

داليا: بصتله بدموع وبتعب مفيش وقت يا عمران عايز اقلك بس انك تنساني وحب مراتك علشان مش ليها غيرك واولادي اديهم لاهلي وابقي اطمن عليهم فاهم بس المهم مراتك تحبها أنا بقيت ماضي خلاص وانساني

عمران: لا لا مش تقولي كده هتكوني كويسه والله وهتربي ولادك كمان.

داليا: مش هلحق يا عمران الوقت مش فيه كتير خلي بالك ع نفسك ورجع اهلي البلد هنا ارجوك ده طلبي الاخير وابوك يروحش لمهم اوعدني بده ارجوك.

عمران: حاضر اوعدك والله بس انتي هتعملي العمليه.

داليا بصت لفوق وابتسمت براحه وغمضت عينيها وف ثواني داليا راحت لطاعه ربنا وعمران يصلها وهو مصدوم وهزها كتير مفيش فايده خرج من الاوضه والدموع ف عينيه وبص قدامه وشافهم.

عمران: انتوا.

رواية عشق الغارب الفصل الرابع والعشرون

عمران : انتوا عرفته ازاي اني هنا انتوا مراقبيني صح.

جبل: مفيش حد مراقبك يا ولدي احنا شوفناكم من فوق وانتوا بتجروا ع العربيه بسرعه ف نزلنا وراكم واتفاجئنا انكم جايين ع هنا بس انت كنت جوه بتعمل ايه.

عمران مردش علي ابوه وطلب من الدكتور أن يبعت يجيب مغس*له والدكتور قاله أنه هيبعتها ومشي ومبقيش غير غارب وعمران والباقي.

غارب: عمران أنا برة وهاخد الاولاد لما تخلص ناديني

جبل: بردو مش رديت كنت جوه بتعمل ايه وايه اللي دخلك بيت داليا.

عمران: اللي دخلني هو استنجاد داليا بيا هربت من جوزها ف المنصورة وجات هنا وهي مريضه قلب داليا بقت مريضه قلب بسبب الظلم و القهر والذل اللي شافته من جوزها وجيت هنا علشان توصيني ع الاولاد وارجع أهلها البلد تاني قالتلي كدا ومات*ت يا ابويا مات*ت وهي مش مسمحاك.

كنز: عمران ممكن تهدي داليا الله يرحمها بس هتعمل ايه مع الاولاد واهلها كبروا خلاص.

عمران: تعرفي قبل ما تم*وت وصتني اني احبك مش هكرهك خالص يا بنت عمي وانت يا ابويا أهل داليا هيرجعوا هنا فاهم.

جبل: ماشي يا عمران موافق بس مش ف البيت ده هياخدوا بيت بعيد عن المنطقه هنا.

عمران: لا هنا ف البيت ده ف مكانهم الطبيعي .

جبل: تمام يا عمران هيرجعوا من بكرة علشان جنازة بنتهم.

ف الوقت ده جات المغس"له علشان داليا وكنز دخلت معاها وطول ما الست كانت بتغسل داليا كنز كانت بتبكي عليها الست خلصت وبصت لكنز.

الست: أنا كده خلصت يا هانم.

كنز: بدموع طيب اتفضلي وعمي أو عمران هيحاسبك بس ممكن اقعد معاها شويه.

الست: اه اكيد بس مش تلمسيها تمام.

الست خرجت وكنز بصتلها وقعدت جنبها.

كنز: بدموع وببكاء أنا لو هطلب حاجه مش هطلب أن تسامحيني وبس لاني أنا السبب ف ده كله لو مكنتش انانيه وظلمتك وطلبت من عمي انك تطلعي من هنا وطلبت من صاحب عمران يتجوزك مكنش ده حصل مكنتش اعرف ان هيعمل فيكي كده سامحيني ارجوكي أنا اسفه ياريتك عايشه دلوقتي كنت طلبت السماح والله.

أما عند غارب اتصل علي رحيم علشان يعرف يرجعوا امتي.

غارب: أيوة يا بابا هترجعوا امتي.

رحيم: يومين يا حبيبي احنا قاعدين مع عمه حوريه.

غارب: باستغراب عمه ماما وهي ماما ليها عمه اصلا.

رحيم: موضوع طويل يا غارب لما نيجي احكيلك تفاصيل المهم انت لسه مع عمران.

غارب: بتنهيده داليا ماتت يا بابا وهي ف قنا بعد ما هربت من جوزها واحنا ف قنا دلوقتي.

رحيم: أن لله وانا اليه راجعون وعمران عامل ايه.

غارب: مش عارف حاجه ابوه ومراته جم واتفاجات أنهم كانوا ورانا وانا برة البيت مع ولاد داليا ومش عارف هيحصل ايه.

رحيم: تمام يا غارب أنا هقفل دلوقتي وانت ابقي احكيلي عملته ايه.

غارب: تمام يا بابا سلام.

مؤمن: عمو غارب هو احنا كده مش هنشوف ماما تاني.

غارب: ومين قال كده يا حبيبي هتشوفها بس نجمه ف السما كل ما تكون مشتاقلها بص ف السما هتلاقيها واتكلم معاها فاهمني بس المهم مش تخليها تشوف دموعك كده هي تزعل.

مؤمن: لا خلاص أنا مش هبكي تاني وهخليها مبسوطه مني.

غارب: بابتسامه شطور.

أما عند عشق بعد ما طردها ابوها جارتها صعبت عليها واخدتها تقعد معاها بحكم انها لوحدها لغايه ما تشوف تعمل ايه.

عشق: أنا اسفه اني هتقل عليكي يا طنط جميله.

جميله: يا بنتي انتي عارفه اني وحدي وولادي مش بيسالوا فيا وانتي ابوكي زودها قوي

عشق: هعمل ايه يا طنط نصيبي أنه ابويا مينفعش اغير ده.

رواية عشق الغارب الفصل الخامس والعشرون

جميله: هتعملي ايه يا بنتي نصيبك كده ربنا هيعدلها من عنده بقولك ايه قومي غيري هدومك وارتاحي شويه وانا هسيبك مش هصحيكي يالا.

عشق قامت من سكات ودخلت اول اوضه قابلتها واخدت شاور ونامت بس قبل ما تنام فكرت ف غارب اللي هو سبب اللي هي فيه لو مش كان جه كان كل حاجه هتكون كويسه مفكرتش كتير وراحت ف النوم.

أما ف المنصورة تحديدا ف القريه اللي كانت عايشه فيها داليا دخلت والده مراد تطمن علي ابنها ونادمت عليه.

عايدة: مراد انت فين بتصل عليكم محدش بيرد لا انت ولا الغبيه التانيه مش بيرد ليه مراد يا حبيبي انت هنا.

هي دخلت والبيت كان مضلم وهي ماشيه اتكعبلت ف حاجه فتحت النور لقته غرقان ف دمه والسكينه ف ضهره مغروزه وواضح أنه ميت ليه يومين.

عايده: ببك"اء وص*راخ ابني لااا*ا عملت فيك ايه انا هموت*ها زي ما موتت*ك أنا هوريها العذ"اب ال"وان مش هخليها تدوق الراحه اللي كانت مش بتشوفها عندي اااه يا بني ااااه.

عايدة طلعت فونها واتصلت علي حد يمكن تعرف هي فين ثواني والخط التاني رد.

هي: ف ايه عايزة ايه دلوقتي للاتصال.

عايدة: اللي جوزتها لابني قتل*ته وانا مش هسيبها قوليلي لو هي عندك اجيلها اش*رب من دم*ها.

هي : بخ*وف وقل*ق مات*ت خلاص معادش فيه داعي لكل ده وقفي كل حاجه.

عايدة: اوقف مش مهم عندي موتها هي ماتت ولادها يدفعوه التمن هما عندك صح عايزاكي تعرفيهم اني هخلي بالي منهم قوي كمان.

ومين قالك اني هسمحلك بده يا طنط عايدة.

عايدة: باستغراب مين معايا وكنز فين.

عمران: أنا جوزها يا عايدة هانم والواضح أن فيه حاجات كتير لازم تتوضح بس انتي مش هتلحقي توصلي لاحفادك.

عايدة: قصدك ايه بكلامك ده.

عايدة مش فهمت كلامه بس ملحقتش تفهم لأنها شافت البوليس داخل عليها

الظابط: الواضح فعلا أن اللي وصلنا صح.

عايدة: هو ايه ده وبعدين ف ايه بتتكلموا عن ايه

الظابط: قتلك لابنك وهلوستك.

عايدة: بصراخ انتوا مجانين أنا معملتش كده سيبوني.

عمران كان سامع صراخها ومبتسم وقفل الفون وبص لكنز بصات غامضه وهي خايفه من نظراته.

غارب جه لعمران وقاله أن لازم يمشي.

غارب: عمران يضايقك لو أنا مشيت انت عارف اني مش عارف حد هنا بص هحضر الدفنه وامشي تمام

عمران: تمام يا غارب اسف اني دخلتك ف ده كله.

غارب: عيب متقلش كده بس هو فيه جديد حصل.

عمران: لا محصلش تعالي ندفنها أنا بعت اجيب أهلها.

عمران دفن داليا وكنز كانت بتتعذب وهي شايفه جوزها بيودع حبيبته وغير ده كله اكتشف جزء من اللي كانت بتخبيه.

أما عند حوريه ورحيم كانوا قاعدين ف ارض كبيرة وحوريه كانت بتشم هوا البلد الحلو وكانت ف حضن رحيم.

رحيم: مبسوطه صح باين عليكي من اليومين اللي قعدناهم

حوريه: بابتسامه اه اوي الجو هنا مريح للأعصاب وجميل واخلي حاجه عمتي بالرغم اللي قالته والحقيقه اللي دبحتني بس حاسه اني هي هتبقي عوضي عن بابا اطمنت علي غارب

رحيم حماله كل حاجه وهي زعلت علي البنت جدا بالرغم انها مش شافتها.

رواية عشق الغارب الفصل السادس والعشرون

حوريه: يا حبيبتي يا بنتي ربنا يرحمك بالرغم اني مش عارفاها بس صعبت عليا اوي بس اهي فرصه اكيد عمران هايهتم لمراته صح او كنز هتعمل المستحيل علشان جوازها يكمل مش هتسيبه.

رحيم: بقولك ايه سيبك من ده كله تعالي نتمشي ونرجع البيت يالا.

رحيم وحورية اتمشوا ف الأرض وهما مبسوطين وحوريه مبسوطه وهي لاول مرة تحس بالراحه هي اه عمرها ماقسيت ع ابوها بس بعد اللي عرفته بقت شايله منه بس مش قوي اخدت نفس واستمتعت بالجو اخر النهار رجعوا وهما مبسوطين قابلتهم عمه حوريه.

راويه: بابتسامه ربنا يديم الانبساط والفرح بينكم يا رب.

حوريه: امين بقولك ايه يا عمتي.

راويه: خير يا حبيبتي محتاجه حاجه.

حوريه: لا شكرا احنا ماشيين بكرة بكفايه كده بقالنا كتير واكيد وراكي مشاغل وماجلاها علشانا.

راويه: تروح كل حاجه واأجلها علشانكم كمان يا بنتي بس ماشي هسيبك المرة دي تمشي بس المرة الجايه هتجيبي معاكي ابنك اتعرف عليه هو اسمه ايه صحيح.

رحيم: غارب يا ست راويه.

راويه: باستغراب اسمه غريب بس مختلف اسم حلو المهم عايزين تمشوا امتي.

حوريه: بكرة كفايه كده سامحيني كان نفسي ابقي هنا اكتر بس تتعوض ف مرة تانيه

راويه: ماشي يا بنتي اللي تشوفيه مش همنعك روحو ناموا

حوريه ورحيم حضروا الشنط وراويه كانت زعلانه من أنها هتسيب بنت اخوها بعد ما لقيتها .

تاني يوم حوريه ورحيم استعدوا للسفر وراويه كانت بتسلم عليهم بس نادت ع مرعي الغفير.

راويه: مرعي هات الحاجه اللي قولت عليها.

مرعي جاب الشنطه وحطها قدامهم ومشي.

حوريه: ايه ده يا عمتي فيها ايه الشنطه دي.

راويه: افتحيها وشوفي.

حوريه فتحت الشنطه ولقت فيها فلوس كتير وباستغراب سألت راويه.

حوريه: فلوس ايه دي يا عمتي.

راويه: نصيبك من الفدانين يا بنتي ماقولتك ليكي نصيب وفلوس من الفدانين.

حوريه: بس أنا مش عايزة مش محتاجه فلوس وقولتك واثقه فيكي ومامناكي عليه.

راويه: عارفه يابنتي كل الكلام ده خلاص حطيهم ف البنك باسم ابنك باسمك اي حاجه وهيوصلك زيهم اول كل شهر.

حوريه: بس يا عمتي أنا.

راويه: أنا كلمتي خرجت يا حوريه خلاص الفلوس حطيهم ف البنك تمام.

حوريه: تمام يا عمتي اشوفك علي خير

راويه: مع السلامه يا بنتي طريق السلامه.

حوريه مشيت هي ورحيم وراويه بصتلها بحزن ودخلت لجوه وقعدت ف اوضتها وبصت لصورة اخوها.

راويه: ياريتك كنت عايش علشان تشوف بنتك اللي خليتها مش طايقاك يا اخويا.

بعد تلات ايام العزاء خلص والكل رجع القاهرة وغارب راح لبيت عشق مرة تانيه وخبط علي باب بيتها ما حدش رد وهو نازل شافها خارجه من بيت جارتها واتصادموا ف بعض

عشق : انت اي اللي جابك هنا تاني عايز ايه.

غارب: .....

عشق: وانا مستحيل اوافق ع الجنان ده شوف خد غيري يا غارب بيه.

عند عمران دخل البيت هو وكنز ؛ كنز كانت هتروح لاوضتها ع طول بس وقفها صوته.

عمران: استني عندك رايحه فين.

كنز: داخله اوضتي.

عمران: لا اوضتك ايه تعالي اقعدي علشان هتحكيلي.

كنز: احكيلك ايه بالظبط مش فاهمه.

عمران: احكي يا كنز يالا.

كنز......

رواية عشق الغارب الفصل السابع والعشرون

كنز: ممكن توضح انت عايز ايه بالظبط يا عمران بدل الالغاز دي.

عمران: بابتسامه الغاز تمام من غير الغاز بقي انا سمعتك وانتي بتتكلمي وبتعتذري لداليا بعد ما ماتت.

كنز بصتله بصدمه وزوغان عنين وكانت بتبص ف كل مكان ما عدا عيون عمران وكانت متوترة.

عمران: مش تتوتري كده أصله الست طلعت من عندها لوحدها وانتي كنت معاها ف طبيعي اشك قربت من الاوضه علشان اطلعك وسمعت كلامك السؤال بقي هنا ايه اللي صحي ضميرك الميت المرة دي يا زوجتي العزيزة.

كنز بصتله ف عينيه بتوتر وخوف كبير من اللي هتحكيه بس خلاص اللي حصل حصل والبنت ماتت بصتله واتكلمت.

كنز: عايز تعرف ايه يا بن عمي من الاخر.

عمران: عملتي كده ليه ضيعتي مستقبل البنت الغلبانه وجوزتيها لواحد وراها ذل ومرار ومن العذاب الوان.

كنز: عملت كده علشان بحبك يا عمران طول عمرهم بيقولوا كنز لعمران وعمران لكنز كبرت ع حبك وكان نفسي تبادلني نفس الشعور بشوفك قلبي كان بيطير بس عرفت بعدها أن قلبك مش ليا ومع حد تاني نار جوايا قادت وانت مش بتبصلي كاني واحده مش تسوي وانا الأحق بالحب اللي ف عينيك ده كنت مستعده اعمل اي حاجه علشان تبقي ليا رحتلها وهددتها وقولتلها تبعد عنك.

فلاش باك.

كنز راحت بيت داليا وخبطت وفتحت فاطمه امها و فاطمه عرفتها بسرعه.

فاطمه: بنت العمده عندنا اهلا وسهلا يا دي النور اتفضلي

كنز: بنتك فين يا ست فاطمه عايزاها.

فاطمه: موجودة بس خير عملت حاجه ولا ايه

كنز: لا معملتش بس أنا عايزاها نادميها بسرعه.

فاطمه راحت تنادم داليا اللي استغربت أن كنز بنت الأكابر عندها.

داليا: بنت الأكابر عندنا خير يا كنز هانم عايزاني ف ايه.

كنز: اديكي قولتيها بنفسك بنت أكابر وهانم انتي بقي بتبصي لحاجه اكبر منك ليه.

داليا: أكبر مني يعني ايه تقصدي بكلامك ايه بالظبط.

كنز: اقصد عمران ابن عمي مش عيب تبصي لحاجه مش بتاعتك يا شاطرة.

داليا: بس الحب مش عيب يا هانم ولا ايه.

كنز: اه بس لما تكون مش بتاعتك وبتاعت غيرك يبقي عيب اوي يا داليا عمران لا والا هتشوفي وش تاني غير الطيبه بتاعتي.

داليا: بدموع وانا مش عملت حاجه غلط ومن حقي احب حتي لو كان عمران.

كنز: تمام بس استحملي اللي هيجرا وجزاء اللعب معانا فاهمه.

باك.

كنز: بدموع يومها طلعت من عندها وانا ميته من الغيرة كنت مستعدة اعمل اي حاجه وقلت لابوك بعدها باسبوعين مراد جالك وانت اتخانقتوا مع بعض وبسبب استفزازه كان مستعد يعمل اي حاجه علشان يحث أنه فاز باي حاجه عليك ساعتها أنا رحت وراه وقلتله يعمل ايه بس من غير ما انت تعرف هويه العريس.

أهلها جوزوها غصب عنها وابوك حكم عليهم يمشوا من البلد بس انقطعت اخبار مراد ومعرفتش بيعمل معاها ايه ولا راح بيها فين لغايه ما عرفت انها ف المنصورة وعائشه مذلوله علشان اولادها وعرفت أن اللي عملته معاها جاب نتيجه عكسيه مراد بدل ما يعيشها سعيدة وتنساك عيشها مذلوله ومكسورة طول عمرها وببكاء أنا اسفه والله مش كنت عارفه أن ده كل هيحصل ورد فعلك ايا كان أنا قابله بيه بس مش تكرهني اكتر من كده ارجوك ف الآخر أنا بنت عمك قبل ما اكون مراتك.

عمران كان بيسمعها بصمت وغضب الدنيا اتجمع فيه بس هدي نفسه وشاف دموعها ومقدرش يعمل حاجه غير أنه اخدها ف حضنه واعتذرلها.

عمران: أنا اللي اسف يا كنز عن كل حاجه حصلت ومش لازم اعتذري عن اللي عملتيه لاني أنا السبب لو مش كنت شفتها وحبيتها مكنتيش عملتي فيها كده أنا اسف مرة تانيه.

عمران باس دماغها وراح أوضاع وهي بصتله بدموع وقعدت ع الأرض وبكت كتير.

رواية عشق الغارب الفصل الثامن والعشرون

عمران : اه قبل ما انسي جايز يكون سامحتك وقولتها قدامك بس مش معني كده أنه مفيش عقاب.

كنز: بصتله ولسه بتبكي ق قصدك ايه.

عمران: بابتسامه يعني تنسي المسامحه دي وعقابك اني مش هبص حتي ف وشك ده زيك زي الكرسي اللي جنبك ده اوعي تفتكري هسامحك يا كنز.

كنز: يعني ايه انت لسه واخدني ف حضنك يا عمران.

عمران: بابتسامه تؤ انسي انتي دمرتي واحده ذنبها أنها حبتني وضيعتيها بانانيتك وغلك وخليتها تم*وت بحسرت*ها هي اه سامحتك قبل ما تم*وت بس أنا مش مسامح وهتفضل ف قلبي طول العمر وقالت لي انساني وركز مع مراتك بس لا انتي دمرتيها ودمرتيني يا كنز فرصتي سلطتك وسلطة ابوكي واتفقتي مع واحد واطي قصي عليها نهائيا.

كنز جريت عليه واترجته بدموع.

كنز: لا لا قول انك مش هتعمل كده فيا هتدفعني ذنب السنين دي كلها أنا غلطانه بس متعملش فيا كده وهعيش معاك كاني اي حاجه مش ليا لازمه.

عمران: ده جزاتك يا بنت عمي انتي غلطتي ف اتحملي اه صحيح اعملي حسابك اني هجيب ولادها تربيهم كفري عن ذنبك وعامليهم حلو ها ايه رايك

كنز: لا أنا مش ممكن اعمل كده عاقبني باي حاجه الا اني اربي ولاد حبيبتك

عمران: بس أنا مش كنت هجيبهم عاوزاني اسلمهم ليكي وتضيعيهم زي امهم وذلتيها مع راجل غريب.

كنز: بغضب انت حقي يا عمران وهتنساها فاهم أنا طردتها زمان وهطردها من تفكيرك وقلبك فاهم وهعمل كده.

عمران: مش مهم مش هتعرفي يا كنز لاني خلاص مش فارق معايا انتي تصبحي ع خير

كنز بصتله بدموع وعدم استيعاب ومقدرتش توقف ف وقعت ع الأرض وبكت كتير مش عارفه قد ايه بس المهم دفعت تمن غلطه عملتها زمان.

ملحوظه

(لو كنتوا استنيتوا كنتوا عرفتوا أنه مش هيسامحها )

عند غارب وعشق واقفين قدام بعض وعشق رافضه فكرته.

عشق: أنا مستحيل اتجوزك وبعدين ايه اللي طلعها ف دماغك ها صعبت عليك ولا بتصلح غلط طردي من بيتي.

غارب: اعتبريها اي حاجه بس المهم توافقي يا عشق

عشق: لا مش موافقه فاهم ولا لا وامشي من هنا.

غارب: هتتجوزيني يا عشق مش قدامك حل تاني فاهمه فكري أنا ماشي وحصليني ع الشركه.

عشق: لا أنا مستقيله ومش موافقه ع حاجه.

رواية عشق الغارب الفصل التاسع والعشرون

غارب: وانا قلتلك اني مش هقبلها أنا عايز احميكي من ش"ر ابوكي يا عشق خليني اساعدك.

عشق: وانا مش عايزة حد يحميني منه أنا راضيه باللي يعمله فيا حتي لو موتن"ي أنا مش هستقيل بس مش ليك دعوة بيا ممكن.

غارب: بعصب"يه اللي تشوفيه اساسا أنا بتكلم مع مين مع واحدة عندي"ه ومش هاممها حد ابدا لكن لما تتعرض"ي للعن"ف تقلبي لشخص ضعي"ف أنا ماشي .

غارب مشي وهو متعص"ب منها ومن عنادها وعشق طلعت بعده بساعتين وراحت الشغل واتعاملوا مع بعض كأنه مفيش حاجه حصلت واخر اليوم مشيت ورجعت البيت بس مراحتش لجميله رجعت لابوها تترج"اه يدخلها والغريبه أن ابوها وافق من غير كلمه او زعي"ق زي كل مرة وهي استغربت ده تاني يوم عشق مراحتش الشركه لأنها كانت تعبانه وفضلت ف اوضتها يوم كامل وبالليل دخل عليها فوزي وهي اتخض"ت.

عشق: خير يا بابا ف حاجه عايزني فيها.

فوزي: وانا هعوز منك ايه واحدة فقرب*ه رفض"ت واحد غني كنت هاخد من وراكي كتير وانتي ضيعيت"يه بس ملحوقه تتعوض.

عشق: قصدك ايه بكلامك ده.

فوزي: قصدي انك تجهزي نفسك علشان ف عريس غني جاي وهيدف"ع اكتر وانا موافق.

عشق: يدفع اكتر انتي شايفني ايه ها سلعه تب*يع وتشتري فيها براحتك لا أنا مش موافقه لو حتي فيها موت"ي المرة دي أنا استحملت كتير بس الا الموضوع ده لا مستحيل اتجوز بالطريقه دي فاهمني.

فوزي مسكها من أيدها بعن"ف وعشق اتالم"ت جدا وهزها بعن"ف.

فوزي: صوتك مش اسمعه واتقي ش"ري وهتوافقي أنا استحملتك كتير معايا وانا بقي مش عاي"زك وحظك انك مش هتضرب"ي علشان عايزك سليمه اسكتي واعقلي لانه جاي بعد شويه اجهزي يالا وأياكي تعملي حاجه من حركاتك غو"ري.

فوزي زق"ها وهي وقع"ت ع السرير وبتبك"ي علي حالها واللي وصلتله ومش عارف تطلع من ورطت"ها ازاي مسكت قومها وبعتت رساله وسابت كل شئ لربنا.

عند عمران كان ف اوضته وقاعد علي الكرسي وبيفكر هيعمل ايه كنز عملت حاجه خلته مش طايق"ها ولا عايزها مرة تانيه طلعلها وكانت ف اوضتها بتبك"ي علي غلطه ليها كتير وبتدف"ع تمنها غالي.

عمران: لو خلصتي دموع"ك دي اسمعيني بقي ف اللي هقوله.

كنز: بدموع خير قررت تسامحني صح.

عمران: وانتي اللي عملتيه ده ف مسامحه انسي اللي هقوله ......

كنز: بف"زع لا انت اكيد مش هترضاها ليا صح قول كده عاقب"ني باي حاجه الا ده .

عمران كان هيتكلم بس غارب اتصل بيه وقاله علي حاجه وعمران قاله أنه جاي معاه عمران بص لكنز ومشي من قدامها وكنز مسكت فونها واتصلت علي عمها وقالتله .

جبل: كنز أنا اكتفيت من المشك"له دي طبيعي ده هيكون رد فعله اللي عملناه مش هي"ن واديكي شايفه معاملته معايا ازاي اتصرفي يا كنز يا ترضي بواقع"ك.

كنز قفلت ومصدوم"ه من قرار جبل وكلامه وقررت انها تستحمل وتحاول مرة تانيه.

عمران مشي وراح لغارب وراحوا مشوارهم اللي غارب كان بيسرع علشان يوصل قبل ما يحصل حاجه.

عند عشق كانت قاعدة ولابسه وسامعه صوت العريس برة والدم"وع ف عينيها ابوها راحلها وقالها تطلع.

خرجت والماذون بدأ إجراءات الجواز وقال لعشق تقول وراه عشق مش اتكلمت وأبوها نغ"زها ف دراعها بصتله بقه"ر وكانت هنتكلم وفجاه سمعوا صوت.

غارب: هتجوزوها وهي مخطوبه ليا.

عشق بصتله والكل بصله بصدم"ه واستغراب.

رواية عشق الغارب الفصل الثلاثون

فوزي: خطيبها ازاي يعني امتي حصل ده.

غارب: مش مهم حصل ازاي المهم انها خطيبتي يالا اطلعوا برة .

فوزي: لا محدش هيطلع والجوازة دي هتم فاهم وانتي طلعتي مامنه نفسك ماشي تمام حساب*ك لما يخلص كتب الكتاب بس مش بايدي ب ايد البيه الكبير.

عمران: حج عامر اطلع برة وانت يا استاذ فوزي هتجوز بنتك لواحد متج"وز اتنين وتاج"ر مخد"را"ت اطلع برة يا حج الكل يطلع ماعدا الشهود والماذون.

المعازيم مشيو ومش اتبقي غير الشهود والماذون والعريس والعروسه المأذون ابتدي الإجراءات تحت غض"ب فوزي وصدم"ه عشق من اللي بيحصل المأذون خلص وأعلنهم زوج وزوجه.

غارب طلع شيك واداه لفوزي وكان مهر عشق وكان كبير وفوزي اخده.

غارب: اه ياريت فلوسك لما تخلص متجيش عندي وتطلب حاجه اشتغل يا استاذ فوزي وبنتك هتزورك كل يوم

عشق لمي هدومك وتعالي يالا.

عشق سمعت الكلام وراحت من سكات لأنها معندهاش طاق*ه تج"ادل ف حد لمت هدومها وخرجت مشيت مع غارب وعمران نزل قدامهم علشان ياخده راحتهم ف الكلام.

عشق بصت ع ابوها بصه أخيرة وكان نفسها تحضنه بس هو مش شجعها ابدا ع ده الاتنين نزله مع بعض وعمران كان ف العربيه وغارب بصله.

غارب: روح انت يا عمران كفايه اني جبتك ع ملي وشك وانت مع مراتك.

عمران: متشغلش بالك بيا اساسا حصلت حاجه كده مش عايزة احكيها دلوقتي بس اللي اقدر اقوله أن السبب ف ده كله من الاول هي كنز ودم"رت اتنين كل ذنبه"م حبوا بعض ودلوقتي اخرتها سنه والكل يروح لحاله.

غارب:معقول مراتك تعمل كده معلش يا صاحبي قدرك كده.

عمران: قولي هتعمل ايه دلوقتي هتدخل علي ابوك وامك ازاي وانت متجوز

غارب: بص لو اطردن"ا هنروح ف اوتيل اكيد او اي مكان ادعيلي انت بس.

عمران: هههه بصراحه عايز اشوف صدمت*هم وهما شايفين داخل عليهم بعروسه خليني اشوف المشهد ده ارجوك.

غارب: ههههه هبقي اصوره وابعته ليك امشي يالا.

عمران: ماشي متنساش لما تتط"رد تقولي يا مط"رود انت.

عمران مشي وغارب راح لعشق وهي مش اتكلمت وبصوا لبعض نظرات وراها كتير والاتنين مش تتكلموا وركبوا العربيه ووصلوا الفيلا ودخلوا لقيوا رحيم وحورية قاعدين مبسوطين وبصولهم وشبهوا ع البنت اللي مع غارب وافتكروها.

حوريه كانت بتوري الصور لرحيم وبيفتكروا عملوا ايه سمعوا صوت كلاكس عربيه غارب واستنوا علشان يوروه الصور اللي اتصوروها بس اتصدم*وا لما شافوه داخل ببنت ركزوا ف ملامحها وعرفوها ورحيم اتكلم.

رحيم: انت جايب مساعدتك الشخصيه هنا ليه يا غارب وداخلين ايديكم ف بعض ف ايه.

غارب: اتجوزنا.

الاتنين بصدم*ه

ايه.

حوريه: انت ازاي تعمل كده من غير رجوع لينا ايه بقينا مش مهمين.

رحيم : دادة خدي عشق ع اوضه الضيوف لو سمحتي وانت قدامي ع المكتب.

عشق راحت مع الدادة ودخلت اوضه الضيوف وغيرت هدومها ووقفت ف الشباك وبتفكر ف رد فعلهم اكيد هيعملوا حاجه غير صدمته"م تحت.

رحيم: ممكن تفهمنا ايه اللي قولته ده يعني احنا مستنين فرحك وقلنا هنعمل فرح كل الناس تحكي عليه وضيعت فرحه والدتك باليوم ده.

حوريه: بعصب"يه عندك حجه وعذر باللي عملته ده ولا هتسكت زي عادتك قول.

غارب قعد قدامهم وحكالهم كل حاجه لغايه اللي حصل النهاردة.

غارب: أنا آسف يا امي والله مش قصدي بس أنا بحميها وبصراحه حاسس بمشاعر ناحيتها مش عارف ايه هي بس فيه.

حوريه: حبيتها كمان تمام يا بني أنا هعدي المرة دي علشان البنت الغلبانه اللي فوق وملهاش ذن"ب.

غارب: سامحيني يا امي والله حقك عليا وبعدين هتبقي حما شديدة ولا ايه براحه.

حوريه: لا متخافش هعاملها كويس أنا مش كده.

غارب: قوليلي صح ايه موضوع عمتك ده.

حوريه: لا ده حوار طويل اطلع لمراتك وخليك معاها هحكيلك بعدين.

غارب: ماشي هتحكي بالتفصيل ماشي.