رواية عشق المومنين(أبناء الساده) الفصل الحادي وأربعون 41 - بقلم نازك الحمراني

مساء الخير
عشق المؤمنين
جزء الثاني أبناء الساده

إن الله لا يبتليك بشيء إلا وبه خيرُ لك فقل الحمدلله
فسلام لقلوب تعبت,وتتعب فقط تذكرك أن الله"
{يُحِبُّ الصَّابِرِينَ}
فما أسعد حظك وقد صرت
محبوب رب العالمين

جنت اركض مو امشي ما احس برجلي تمشي على الكاع عبالك امشي على الهوى

وصلت للديوانية لكيت الباب مسدودة ما اعرف شلون فتحتهه بيدي برجلي ما اتذكر المهم انفتح دخلت لكيت ابوي ستوة مخلص صلاة وكاعد على السجادة يسبح جيت اركض عليه وكعدت يمة..

بووويةة مصيبة وكعت على راسسنة

- ياستار ياحاافظ شبيك شصااير اخووك صار بيي شيي؟

- يااريت يصيرر ونخلص منةة ولا هالعاار

- ااانجب ووولك مااتستحي على رووحك ميككفي لزمتة وضربته نسيتة حليييب امك يالحيوان بس حساابك بعدين مو هسة ااانة اعرف شلون ااربيك حتى مررة ثانيية متمد ايددك على اخوك بوجوودي

- حتى لو اكلك ااابنك يدور ولد
خزر حاجبة علية وطعج عينة وسكت لثواني ممستوعب الحجيته

- تاكل نعل على راسك يا ابن الكلبب وولك هاي تاليتها النسوان تخرب علاقتك ويه اخوك ولك ااثبتت هسة اشكد مطي اااانت

-انة مطي؟

شبييك حجيي انت ماجاي تشوف بعينك ابنك شيكًول وشيحجي يمشي ويصررخ مايريدها اكرهه ماريد ازوج مره

- وشعلييك انتت يصرخ يريدهه ميريدهه هالشي راجعلةة على ااي اسااس تتهمتة هالتهمة الخاايسة ياانذلل تتهم ااخوك بعررضة وشرفة

- ااني ما تهمتهه هووو حجااااهه.. خزر عيونة اكثر بوجهي وملامحه اتغيرت وصارت اكثر حدية..

-وولك شلون حجاهه يعني شكال بالضبط ؟

- هو ماحجاهه بصريح العبارة بس انا لكفت الموضوع كلتلة شنو انت ولك ادور ولد ضحك وما جاوبني

- لك الله يطيح حظك يالعار حكمت عليه لوط** ويدور ولد بس لان ضحك ومااجاااوبك؟
كووووم ااالله لا يباارك بييك يا نذلل

- وكفت على حيلي ممصدك الاسمعه من ابوية ليش ميصدكني وفوكاهه يكلي نذذل..

استغفرت ربي مااريد اكون عاق

-حجي انااااا نذل؟!

- ااي نذل وونص بعد وولك جاي تشووه صورة ااخوووك جدددامي شمعناااهه

- معنااااااااهه ادور على علة ااخوية وبنفس الوكت ادورر على سعادة بنت النااس المالهه ذنب بالديصيرر

- معلييك بيهم اطلع منهه وهمة يتصاافون

- بس نواار ماا رايدهه ولا يحبهه واكبر دليل الحجي الكالة اليوم ميلبس علييه ثووب يااابة

- يزوجها ويحبها تالي..
واذا على الحجي السمعنااه فمو كل كلمة نسمعهه نوكف عليهه ونصدكهه والا الحياة متشمي وتصير جحييم

- بس بويه يگول اي مره مااريد اي مره مو بس هي انت تفهم شنو يقصد

-لاماافهم ولا راح افهم ولا اريد افهم

كعدت على رجليه اتوسله وابوس ايده

-يابه ,بويه والله مااريد أكون عاق وياك ولا أريد أكون اخ نذل بس تناوع اليه ليش ليش بويه تظلمها وتظلمني والله يابويه حرام الدتسووي حرام حرام
والله حرام عليك تكسر كًلبي وكًلبها وانت حاج بيت الله ومعتمر حرام

-حرمة عليك عيشتك ياچلب الحرام علیك انت ولك انا جاي انصدم بيك هاي انت التقرا قران والي تصلي
،هيچ تتناوع الحرمة أخوك جاي تگلبها بینا وووين خوفك من االله ووين صلااتك وين زياراتك

كّام من السجاده مايريد يباوع العيني

وانا کعدت متربع للگاع منهار ابجٍي واريده يشوف حالي وكًسرتي راح للكومدي طلع عطر مسح ايده حتى ماصد اليه

زحفت علی رجلیه جریت ایده بستها نزلت راسي على رجله اشهك

-بويه الخاطر الله بويه هاي مكانها هنا معلعلني
هناااااا مكًانهة ومايقبل يتحركً ولا يروح بويه يجوز
اموتن انا وحبها بكًلبي مايموت وحك أبو فاضل اذا انت ابويه صدك شوف النار شلون تحرك گلبي،تشوف اشلون ابنك جاي يموت بويه ابوس ايدك الف مره ومره أبنك يموت اذا نحرم منها انت تّكّول رفعت راس خوانك انت بس هسه انا مكسور كًلب فدوه الك خل خاطرك ينكًسر عليه

جر رجله من وجهي معصب دار وجهه وجسمه وعاط بيه

-گوووووو گووووم امسح ادموعك وگافي تهين رجولتك ماربيتك حتى تبچي على حرمه ربيتك حتى تصير زلمه
چنت منصي راسي ومتوجي على ايدي وكفت متعصب ,مقهور على نفسي عمري مامسويها اتوسل بأحد بس بالله واهل ييته وهسه اتوسلت بابويه الاجل انقذ حبي،وانقذ مريم حبيتي من هل جنون

كًلشي سويت حتى ابقى//أبن بار //ومااعصي بس ابوي قافل،مني وانا گلبي قافل على مريم
مسحت دموعي وجهي گله بثنین ادیه شديت شعري حيل كد مامتعصب

مشیت خطوات صرت جدامه واشرت باصبعي گتله بعصبیه .

-لهنااااااا وانت كا أب خسرت ابنك خسرتني خسرت ابن عندك اسمه رعد الي اتشوفه جدام انا بقيت ألك مجرد رجل يريد يكون بار بابوه حتى مايغضب ربه غيرها ماعندي الك شي

بحلق عيونه متعجب

- شنو هالحجي ولك

ما سمعتلة بقيت احجي...

جاوبته

-هو هذا العندي وياك توسلت وبچیت حتی اشوفك مشتري ابنك لو الناس بس لا انت مثل ماانت طوول عممرك تهمك الناس والهاله العايش بيها والبيت المفتوح للخطار والكعدات العشيره.. غيرها ماعندك وكل اولادك بالمرتبة الثانية

خزرني بعصبيه گال بتوتر

-لااااه ما مقبوول هالحجي مننك انتم ولدي واهم شي عندي واذا احاافظ على منضري جدام العشيرة والناس فهالشي لصالحكم مو ضدكمم بس هالحجي ما اقبلة مننك وومااريدك تحط عينك على حرمت اخوك يوول لا هااي اخلاقكم ولا تربيتكم ولا هييج علمتكم

رديت بغضب وصوت ناصي كاز على سنوني

-حرمت اخوي! ....بس لا تنسة هية قبلها چانت حبیبتی وبنت كًلبي.. شوف یابویه گتلك واگولها الك انا جندي عسگري وانت تعرف شنو معنى العسگري معناها
السياره اليروح بيها للدوام تابوب متحرك
والملابس العسكريه الي يلبسهن چفن مفصل على جسمنا
وساحة الحرب قبر مفتوح حلگه علی ساعه یاخذنه...
واوكًع بلحفر

ماخلاني اكمل الحجي قطع كلامي ورد بنرفزه

-اسم الله على طولك بويه اابيش متفاول لروحك
طولت العمر الك

-كًل ظنك أنا عايش واشلون ابقى عايش أنت موتتني من يوم خطبتها الأخويه الازغر مني اشلون نطاك. كًلبك رغم كًتلك وترجيتك ,وتوسلت مريم متسمايه بأسمي وماقبلت تسوي شي

- يعنني شسوووي شتريددني ااسوي اكلهم راح اطلكهه من ابني نواار حتى اعقدلهه على ابني الثاني ررعد وولك ووين صايرة هالسالفة وويين عايشين بالهندد حتى الاخوة يشتركون بمرة ووحدة

- بوية لاتخطبهه الي مااااااااريدهه واوعددك طول عمرررررررري ما فكر اخذهه بس لاتاخذهه لاخوي لا تسووي هيج بية لا تحركًني والله ماااااااتحمل خلي ياخذهه الغريب ااارحم الي من عضيدي وابن امي فكرت ولا أكًلك فكًر أااا شلوون باجر اكابلهم بالبييت شلوون اااصير عم جهالهمم وانة نفسي بامهمم شلوووون

تنهد ورد

- بكل الاحوال بعد ماترهم شنو ذنبهه تطلك البنت وتنحسب على المطلكات واخسر صديق عمري واخوي علمو حبك يالافنددي
اتعوذ من الشيطاان يا ابني واجٍفة الشر واحسبهه مثل قصص الحب النمسعهه وماتمت وانتهتتت

- بهالسهولة تريدني انساهه انسى الي اخاف عليها من روحي انسى اشلون صنتها مثل ورده بيضه حتى تبقى ورده بيضه الحد الزواج انسى تريد وانا حتى حجي بلحب مااحجي وياها حتى تبقى بريئه مثل ماعرفتها انسى وانا صرت الها ضل وحارس عليها من نفسي ومن الناس انسى اشلووون

دنج يلملم السجاده وكًال

-أالذنب ذنبك يابوية بقيت ساكًت وضام حبك بكًلبك ومتريد تحجيلنة شمدريني اشم كفة ايدي لاتذب خطأك براسنة لو ندري بيك عينك عليهااااا لا بالله ماتصير لغيرك لو اسويهه دموم وية اهلها بس هذا قدرك ونصيبك وحتى تصير ترجية بأذنك مو كلشي ينفع ينظم عن الاهل احنة مو عدوو الك حنة ااهلك ااكثر النااس كلبهم علييك ويريدون خااطرك...

اخذت السجاده منه طبكتها وخليتها بلمجرر

- ماشي بعد ووكت بووية افسخ خطوبتهم وكلهم ابني مارايدها ززين خليهه برااسي اانة اشوف عذرر لسلماان

- انتت اضاهر حيوووان مو مااال حجي اااطلعع بررة من لنعل ااابووك لابوو اليلفيييك ااابن القندرررة دااايح

- اااي دااايح ااانة داااااايح
وهسسسةة اطلع احجي الاهلها وشيصيرررر خلييي يصيرر علييية وعلى اعداااائي وعلى اهلي

مشيت وصلت باب الغرفه من مكاني اريد اطلع جلب ابوية بأيدي وكفني

- وووولك رعدددد بووية تتعاااال تعاال ووين رااايح تريد تفضح شيبااتيي على تالي عمري

- هذاا العندي كاااااافي خلص صبرري

- اصبرر اهدأ وانة احلهه

- شلوون تحلهه!
وانا باجر التحق بالجيش

كًلتلك ااااانه احلهههه لاتضللل تخررربط

تنهدت جاوبته

-ماشي حجي جددامك اثمنطعش يوم من أرجع من العسكًريه ولكًيتك مافسخت الخطوبه لكًون رايح البيت الساده
وا گلهم اخویه یدور ولد وشيريد يصيرر خلي يصيرر

جاي اطلع رجع جر ابويه ايدي يترجاني

-لااااا بويه اصبرررر لاحجي شيي

التفت اله

-ماراح احجيي شي بهالوكت لان رايح التحق وادعي رب العالمين كًون اجيك شهيد لان كًتلك عندك مهله ١٨يوم فترة التحاقي

- ميصير خاطرك الا طيب لاتخاف انة هم ماريد اتفاشل وية الناس تالي عليمن يابوية اشوف شلون اراضيهم حتى لو افرض على واحد من ولد الناس اليشتغلون عندي ياخذهه

- شكااااعد تحجيي بووية

- لااااا عااد لهنااااا وحددددك كلتلي ماااريدهه لااخووي خلي يااخذهه الغرييب اارحمم وانة رااح اامشي بهالشووور.. البنيية راح تصخم
سمعتهه من وووراااك لأن مطلكة على مهرر بدون دخووول وهالشيي ياعيبة العيييبة عدنة وااانت موو غشيييم ولا جااي من خارج الولاااية ومستغررب بقواانيين العشاير عدنة المريع المتزوجه تطلك من بيت رجلهه اااهون الف مرررة التطلك بس مهرر

الناس راح تكووول خطيبهه شبع بيهه لللعببب وشمرهه فلاااااتضلل تحجييي واااطلعني من طووووري كلشي دتريييدة رااح اسووي وكلتلك مطاع مجاااب وتم ...بس لهنااا وحددك

- زين طلكهم هسة وخليهه من ارجع من الجيش عود تشوفلهه عريس

- ماراح يصير كلشي بيوم وليلة شعندي الفانوس السحري امسحهه بيدي ويتحقق النريدة اكيد السالفة يرادلهة وكت ومراضات قابل راسا راح يقبلون بيت السادة اكيد تحقيق وسين وجيم وودي عمامك وجيب خوالك حتى نفسخ..
روح يا ابني التحق ومن ترجع بالسلامة كلشي يكون حاضر وجاهز

شوي اطمأنيت من كلام ابوية اعرفة كًول وفعل خلص طالما نوة يطلكًهم يعني بعد ماكو شي يثني ومبين عليه اقتنع نوار مو مال زواج..

حسيت بارتياح مو طبيعي ماكدر اكول فرحه لان بعد مستحيل مريم تصير الي حتى لو خطبتهه بدون ابوية السادة بعد ميقبلون ينطونياهه بس ميخالف ابقى عايش على ذكراهه ولا اشوفهه جدامي بغرفة اخوية واضل احارب عقلي وكًلبي..

طلعت خارج البيت رحت اشتريت باكيت جكاير وبطل ببسي احس صار عندي جالي من الصياح ماحاب ارجع للبيت ولا عاجبني اروح لمكّان كعدت على الرصيف كبال بيتنة هل بيت شكبره,وحتى الواجهه مالته السيراميك تارس حيطانه والاضائه المنتشره على طول السياج بس سجن,وحرب يصير اذا مريم صارت جنه بيه

بين ماافكّر و ادخن اجاني اتصال من سلمان احس روحي خجلان منه رغم ماصار بينة شي بس ماحبيت ارد عليه اتصل مرتين وماجاوبت وبعد ما اتصل عليه..

صوت ورايه صاح

-رعد أنطيني جكارة

التفتت لكيت نوار وراية..

درت وجهي ماريد اشوف بوجهه جريت الباكيت وطلعتله جكارة اله اخذها وكعد يمي على رصيف

-اي أشوكت تلتحق

الجكًاره بين اصابعي اشرتله

-اششششش لاااااااتسمعني صوتك ترة كلش كارهك
ونفسي تلعب منك دخن وأكل تبن

-ليش

-وچفن بعدك تكًول ليش

- هههههه

-خاب وچفن لاتستفزني اكثر خاف ضربتك على خشمك وطك دم بس لا هالمرة افلشة واخلك تحير من عملية لعملية

- براحتك..

كًام عافني ومشى ما اعرف وين راح
بقيت لازم التلفون واگلب بي شفت رقم أم مريم.. گلبي رف عليها اتمنيت اخابرهه متندم على گل لحضة ضيعتهه لان چنت اخاف الله بيهه متندم لان ماشبعت من مغازلتهه ولا شبعت من صوتهه ونزاكتها
ولا شبعت مثل عشاق هاليومين حتى كاميرا يفتحون

استغفرت ربي رفعت راسي لسما يارب ردتهه منك بالحلال وحااافظت عليهه حتى من ننفسيييي تالي تصير لغيريي والله مو عدلل هذا موة عدل ربي وانت اعدل العادلين..
كلبي يتزف بجي دموع ودم بس عيني ناشفة لاهتزت بدمعه ولا رمشت بألم ماعرف شنو هالشعور المتناقض عندي..
مكدرت الزم نفسي رنيت رنه وحده لان اعرف النقال على طول عدها اذا ترمش معناها عندها وذا تتصل معناها بيد اهلها

رمشت عليه مكدرت اتصل بس دزيت مسج

اقول وقد ناحت بقربي حمامة
ايا جارتا هل تشعرين بحالي..
معاذ الهوى ماذقت طارقة النوى ولاخطرت منك الهموم ببالي..

انتظرت جواب اجاني مسج

مريم//بعد خطبتي صرت اروح وارجع من الدوام بس فاصلة عن الدنية ومابيهه كوة اخلص شغلي گل همي اخلص من نوار واهله ومن هالخطبة النحس..

ياربي شنو الحل ورعد مابين اي خبر منه لا اتصل لا دز رساله واني ماگدر ادزلة شي شيكول عليه ماعندي كرامة وحتى بسلمان ما اتصل ولا گاعد يجي لبيتنة
اي شيريد يگول الاخوي احب اختك ..

اربع ايام مرت على خطوبتي اروح للدوام وعيني للشجره أوراقها جانت تارسه الگاع شگد چانت خضره وتزهي بحيث مااشوف رعد من يصير وراها وهسة ذبلت وذبت كل اوراقهه يمكن حست بينة احنة همين ذبلنه وياهه

گل یوم جنت باب الشرگه أوگف اباوع بلكي مر عليه رعد بس هسة خلص فقدت الامل يمر عليه واشوفة واكف جوة هالشجرة

خاصه بعد مااخوي سلمان صار هو يوصلني مو مثل ماچنت بلمؤسسه هسه صار يوم يوصلني يوم لا حسب فرغته لان يطلع جدامي للشرگه
من قبل الخطوبه الهاي ألحظه عيوني مانشفت دمعها ولا هو..
صح ماشايفته بس اعرف بيه يبجي دم مو بس دمع..
اي اعرف ومتأكدة رعد يحبني حب انسان ناضج ملتزم

بس أگول الله یصبرني ويصبره شبيدي اذا هو زلمة وماگدر يسوي شي..

مرات جنت ارجع بسيارة خط غفران المسكينة تحاول اتصبر عليه وانه موبيدي..

بيومها صبحت الصبح ماطايقة روحي اتمنة اتعارك وية الرايح والجاي اريد اصرررخ واطلع گل البداخلي من گبت واذية ثررت ماروح للدوام حتى لاتعارك احس حالي متخربط

شبية ما ادري بس جسمي يوجعني واصلا ماعندي مزاج للدوام واكيد ماراح ينقطع من راتبي لان اخوي هو صاحب الشركه غمضت عيني هسه انا شنو افگر

قررت مااروح تمشيت للمطبخ طلعت سويت جاي وصيبتة بالكوب ورجعت لغرفتي

ام سليمان اخ يايبة ايدي

- سلامتج ماما شبيج

- ايدي شوي توجعني المي بارد والسخان ديستعملو بالحمام ميلحك يحمي المي

- عفت كوب الجاي واتقربت على امي بستهه من جتفهه ووخرتهه.. وخري حبيبتي ماما هسة اكمل غسل المواعين

- لالا بنيتي روحي انت عروس ارتاحي ابيت اهلج لان وراج ست حموين وجنايين خير من الله وجهالهم وعمج وعمتك وفوكاهم رجلج اخذي استراحه هنا وتحضري هناك

مكدرت حتى ابتسم مجاملة لأمي بس وخرتهه ووكفت بمكانهه...
يا امي يعني تعرفين وراية جيش ليش شامريني بالظيم والاذية ليش تقبلون بهالوضع

- شامريج شنو.. بللة مو عيب هالحجي اليسمعج يكول ناطيج لابن الشوارع اشو بيت الحجي ابو اررشد الكل يحلف برااسهم وبراس وولدة وسمعتهم وعدهم خيرر من الله وبعدين اذا تقصدين جيش يعني كثرتهم فياا بنتي لا اانتي اول وحدة ولا الاخيرة الراح تدخل على عيال وتصير جنة وتشتغل حالهه حالهم وتخدمهم

عيوني دمعت من هالحجي خلصت مواعين وسديت الحنفية..

اتذكرت رعد من وعدني ابيت لوحدنة ونعيش براحه لا هوسة ولا زحمة احد.. يعني ابسط حقوقي يا امي ما اكدر اطلبهه

- اي ابوج يكول عيب اتشرط ابو ارشد صديقي شنو اكلة بنتي متريد تعيش وياكم مترهم..

- ماحجيت شي نشفت ايدي واخذت كوب الجاي لريد اروح للغرفة

- اخذيلج جبنة وياه كيمر اي شي فكي ريكچ بيه خو مو على لحم بطنج راس جاي

- ما اشتهي..
عفت امي ورحت لغرفتي دخلت وسديت الباب مالي خلك بعد احجي واشرح.. خليت الكوب على الكومدي واخذت التلفون اتفرج يوتيوب حتى اروح الضوجه عن نفسي يعرف رعد انا الصبح نقال امي بيدي والمغرب كذالك ليش مايراسلني يفهمني

وانا اقلب شفت رساله من رشا.
رعد اني مسميتة بالتلفون رشا حتى لا انكشف.. راسا فتحت الرساله كاتبلي بيهه....

اقول وقد ناحت بقربي حمامة ايا جارتا هل تشعرين بحالي معاذ الهوى ماذقت طارقة النوى ولا خطرت منك الهموم ببالي

رديت..
بكيت وهل بكاء القلب يجدي؟ فراق أحبتي وحنين وجدي!
فما معنى الحياه إذا افترقنا؟
وهل يجدي النّحيب فلست أدري!
فلا التّذكار يرحمني فأنسى
ولا الأشواق تتركني لنومي
فراق أحبّتي كم هزّ وجدي
وحتّى لقائهم سأظلّ أبكي

- اااااااخ يامريرريم ااااخ دمرتيني
جاوبته

- لازم تشوفلنة حل مترهم هيج

- ان شالله هانت لاتخافين محلولة

-گمزت من مگاني وية گمزتي وگع كوب الچاي بالكاع وانكسر ابد ماهتميت بدون وعي راسا خابرته وية كل رنة كلبي يكمز من مكانة

رعد متخيلت بيوم مريم تتصل عليه جاوبتهه بدون تردد..

-الووو مريم

-اي اي اي الله علييك بررد گلبي شنو يعني هانت ومحلولة

-اكيد أبدعت گول غالي على گلبك جاوبني

- ماعندي غالي غيرچ

- شنو يعني هانت يعني ماكوو زواج من اخووك

- اي.. بس لاتحجين لاحد خلي ابوية يتصرف

احچي وياهة راسأ كمت اضحك وابجي ماعرف شلون انجمعن الضحك والبچي بوجهي عيوني تمطر مطر الحچي ضاع مني..

-يعني ماكوو عرسس االله يبشرررررك بالخيرررر مثل مافرحت كلبييي

من كلامهااا وصوتها اتخيل وجهاا أشلون يضحك ويبچي لو بيدي اطلعلهه من التلفون واحضنهه واضمهه لصدري وابن ابو اليجرهه مني جنت محتاج ابچي وافرغ المصايب الجواية
وصرنة اثنينة نبچي

بس فرق بين بچينا
هي تبچي من الفرحه لان راح تخلص من اخوي وانة ابچي من القهر لأن خسرتهه للأبد ةبعد مستحيل تصير قسمتي

همست

- ليش تبجي ررعد مو ماكو زواج

- اي اي ماكو زواج من نوار لاتخافين

- خللص مشاكلنة كلهه هانت

-ان شالله يامهجة گلبي

- احب اسم مريم اكثر بصوتك

صرت اجلد نفسي واعاقبها گافي يارعد حرام الدتحجي وتسوي..
جاوبتها

-مهجة كًلبي لازم التحق الفجر اطلع وارجع بعد، 18 يوم

- طالما ماكو زواج تلگاني منتضرتك مثل قبل تروح وترجع بالف سلامة حافظ على روحك لخاطري

- ان شالله.. مع السلامة..

راسا سديته وياهه خايف احچي حچاية مو بمحلهه وياهه
خلص النهار وبديت احضر جنطتي رحت للوندري جبت البدلة منهم غسل وكوي خليت ملابسي وباقي اغراضي صليت ركعتين شكر لان ابوي تفهم الوضع وراح يفظهه

رحت بوست راس ابوي وامي واستسمحت منهم وكف نوار بباب غرفته خشمة معنجر وملزوك بالضماد كدمات بوجهه ولو خفيفة بس لان ابيض مبينة.. ما اهتميتلة سلمت عليهم واخذت جنطتي وطلعت .......

رنيت على رعد ماگو عرفت التحق للجيش بس فرحانه خصوص هل يومين فرحانه لان راح افسخ خطوبتي من نوار كاتمة الفرحه بگلبي انتضر عمي ابو ارشد شوگت يجي لأبوية وويفسخ الخطوبة ماحچيت لٱي احد حتى غفران ماحچيتلهه خفت تكول عليه اتخبلت وكمت اهلوس

ردتهه تصير رسمي وابشرهه.. يمكن احلى يومين مرن بحياتي صرت اهتم باناقتي مثل قبل واشتري واكل اي أكگل نفسي انفتحت للاكل فد نوب

أشتريت حلويات واكل بطريقة غريبة بنهم مو طبيعي احس جسمي محتاج نساتل وحلويات من غير النسكافة والحليب ماعرف شبيه هيج صرت الكل مستغرب عليه ممتعودين يشوفوني اكل دائما قطعه حلويات تشبعني بس هسة لا اكل خمس قطع او ستة ما اهتم ...

رعد التحق وجهازة خارج التغطية واني التهيت بشغلي رجعتلي الابتسامة الفقدتهه حتى امي انتبهت عليه وكلتلي ان شالله هالضحكة متفارك وجهج ابد ..
كلتلهه بدعواتج ياحنونه..

وبعد اربع ايام من الخبر السار رجعت من الدوام بيدي علاگة متروسة حلويات وحبشكلات دخلت للبيت واشوف ابوي وعمي ابو أرشد طلعو من الديوانيه للطارمه...

طار كلبي من الفرحه واااااخيرااا اجى عمي وراح نفسخخخخ.. حاولت اضم ابتسامتي و سلمت عليهم
السلام عليكم..

رد عمي ابو ارشد عليه وجرني باسني من راسي.. يمكن عباله راح انقهر لو يصير بية شي من نفسخ ضحكت بكلبي والله لو تدري فرحتي ماجان بستني اصلا...

- ها بعد عمج شلونج

- الحمد لله عمو بخير اذا انت بخير

- يالله دايم ان شالله..

- فتحتلة العلاكة وقدمتهه تفضل عمو..

- هاا جنتي تحب الحلويات خوش خوش.. يلة هاي چكليته اخذت منج والباقي بالعافية عليج

خفت شوي ضحكتي واستغربت اشو بعدة يكلي جنتي!!
يمكن راح يخطبني لرعد راسا معقولة يسويهه يطلكني من ابنة نوار وراس يحجزني لرعد.. فدوة لاسمك ربي هيج بمعجزة يتغير حالي...

مد ايده ابو ارشد بجيوبه ويطلع شده مال الفلوس كلهه خمسة وعشرينات ومتبسملي..

- تفضلي بويه..

- شنو هاي الفلوس عمي

- هاي افلوس النيشان بنتي..
اشتري الي يعجبچ لا تحرمین نفسچ من شي ااابد واذا ماكفن خابريني اجيبلج كدهن

تفاجات من كلامة وگتله
-نيشاان

- اي عمي نيشان جهاززج يعني

- تخربطت احس ممستوعبة شنو يحجي لالا ممعقولة رعد كال انحلت.

-ليش عمو يعني اخذهن

ابوي. كال

-مهجه اااخذي الفلووس من عمج راح يبقى هيج مااد ايدةة الج ااخذي

مكدرت اتحرك من مكاني جر عمي ابو ارشد العلاكة وحط بيهه المبلغ

ابو ارشد/ شبيج بنتي ليش متفاجئة

- مو بعد وگت عمي هنا هنا اربع اشهر حسب اتفاقنه

ضحك وهو يرفع راسه

-لااااا علويه احنا مستعجلين اناسب الساده والا أگولچ
نوار خجول ویریدچ یمه لان یستحي رايح جاي عليكم لذالك گالي استعجل بزواجه وانا مجهز گلشي اله الغرفه والاثاث من احسن الاثاث موديل وشكل وسعر بعد عليمن نبقى ننتظر اربع اشهر بتلث اياام كلشي مخلص ونجهززز
ولا شدگول مولاي..

رد ابويه فرحان

-لتشوفه ياابو ارشد هي بنتكم كبعوهه واخذوهه بعبايتهه

- لا هاي مرة الغالي نكبع وناخذ شنو اسويلهم زفة من العمر تشهد بيهه المنطقة كلهه

- انلصم لساني ولزمتني رجفة وصرت اشوفهم ضباب وكوة واكفة حيلي انهد محد منهم عبرني عافوني وراحو يتمشون للباب يسولفون ويضحكون ولا مهتمين بكأئن حي كدامهم يتألم اهم شي كلمتهم تمشي..

دخلت للبيت ابچي على حالي اتلكتني امي تسمي عليه وتسالني ماجاوبتهه شمرت العلاكة على القنفة ابجي وامسح بدموعي رجعت لنفسيتي الزفت احس بخنكة ودكات گلبي مستارعه ونفسي تلعب

بس هالمرة زادت عليه اكثر من قبل يمكن لان رعد كذب عليه وووين وعدة ووين امسح بدموعي اي رعد چذاب چذاب وانا صدگته أحااكم نفسي بسكتة بيني وبين نفسي لان اعرف محد ينصفني محد ينطيني حق الگل راح يلومني شلون حبيت قبل الزواج

وكأنو ارتكبت ذنب عظيم ومستحيل ينغفر
اضاهر امي ما ارتاحت لوضعي گامت ادك على صدرها

-يمه مريم اشبيچ یمه شنو جرالچ شنو تخبلتي اشو تصفنين وتبجين كل شوووي شصاارلج

گتلها بقهرر

-یمه آشوگت تحسون بیه انا تعبانه ومارید ازوج

- مو ذذيج الايام تحسنتي وصرتي جنج العافية شبيييج اليوم تخربطت احوالج شنو صار

- ماسمعتييهمم حددو ايام عرررسي بعد تلللث اايام ماااريد مااااريد اااتزوج مااارييد نواااار

-عزا اعزاچ یم سلمان لیش ولچ ماتردین تزوجین وليش ماتريدين نواار عاشگه شايفتلج شوووفة بيييج عييييب حتى متريدين تتزوجيين فهمييني

- باوعت عليهه وكلتلهه عاشكة

تخبلت عليه ورادت تضربني...

- شنوووووو ووولج كسرر لحلكج
عاااشگه شنوو

حيلي راح بعد مبية احجي وياهه مين اتتلكاهه من الحبيب الضحك عليه ووعدني وماوفة بوعدة گلي انحلت وتالي طلع كلشي كذب لو اتلكاهه من هالزلم البرة التحدد ووكت عرسي
ياااا یمه ماريدة.. ماارید ووبس لاتخلون بيهه ااان لاعاشكة ولابية عييب ماارید وخللص

-یمه لایسمعچ ابوچ هاي هو مانكدر نرجع بعد عيب سلمي أمرچ الله،

-لاااااا یمه لااااایمه ماااارید ماارید ماااارید والله والله

-استجني يمه وهمدي وحمدري ربچ وشگري هيچ ناس رایدیچ وحابیچ

- اي احمد ربييي بس مو على نوار قابل بية عييب ودياخذووني يمة فدوة اابوس اايدج كولي لابوي ماايييدة ماريدةة

- يمه وكع الفااس بالرااس بعد ماينفع شي تحددوعرسج بعد تلث اايام وفلوس النيشان بيدج صارت كافي ددلع بنات وستجننني عاد لا أهد اط سلمان علييج واخلي يأدبج وهاااج ااخذي فلووس الرجال لزميييهه بيدج مو حاطتهه بعلاكة حلوييات تضيع بيد الجهاال

- عفتهه ودخلت للغرفه طاكني البجي الحچي ضايع، ويه أمي شمرت الفلوس
شمرت جنطتي،وعبايتي ،سحبت الحجاب من شعري حيل وشمرته اتمددت بقهر بچیت مارید افگر بلعرس ولا آفگر انو راح البس بدلة عرس الغيره،

ويااغيرررةيااريت غريييب بس هذااا اااخوووووه اااخوووه رربي شيلنيي وخلصني ربي بغلاة نبيبنا عندك شيلني موتني ماريد عالعررس يتم دخيلك ياارب اررحمنييي

كمت وانا دايخه وتعبانة جسمي يرجف وكوة متوازنه توضيت ،فرشت سجادتي صليت الظهر والعصر،خلصت بقيت ساجده اتوسل ربي
ياربي سامحني اذا حبيت قبل ألزواج،يارب القلب اختار والنفس عفت،وكتمت،الحب،الاجل مرضاتك يارب
يارب القلوب المحبه تنجمع بقدرتك اجمع گلبي وگلبه
یارب مالي غير قول الدعاء الحفظته من مالك قلبي
"قدَّر الله وما شاء فعل.. اي يارب اهون نفسي بدعائك لان مالي غير الدعاء..راح ارضي نفسي واحتسب حبي الضايع عندك وفي سبيل عدم غضبك اعرف ماترضى بظلم ياربي ومنتظره تجبر خاطري بلي استحقه مو الي اتمناه لان الي يجي منك يارب بيه نفع اليه لان الي يجي منك افضل،واجمل من اني الاريده النفسي يارب

بچیت بحرگه،شهگت وگتله یارب الگلشي بلحياة سبب وفراقي عن رعد هم سبب رغم كرهته وماىيد اشوف بوجهه بعد لان كذب عليه وخلاني بامل وهمي بس يارب لاتجعل السبب اذيته ولا اذيتي يارب وهون على قلبه وقلبي الاختبار
لاتكسر قلبه لاتشوفنه لوعة حرمانة مني وحرماني منة وهون علينة
كملت صلاة ومكدرت اكوم

حسيت باعياء ونفسي تلعب ومعدتي توجعني وحلگي يابس ردت اروح لجربايتي انام مكدرت.. صرت ازحف زحوف ماعرف منو فتح باب غرفتي سمعت صوت امي كوة حجيت يمة الحكيني امي راسا كامت تصرخ عبالهه راح اموت حسيت سلمان ركض عليه وشالني اسمع امي تگلهم ميحتاج عباية لابسة جادر صلاة مافقدت الوعي حاسة على گلشي بس اقل حركة تاذيني وتخلي نفسي تلعب وعيوني مغوشة عطشانة ومبية احچي حلگي مرمر كوة اتحملت خضت الطريق

وصلنة المستشفى سوولي تحاليل دم وادرار چكة الابرة خلتني ابچي بصوت عالي واصرخ مو من الوجع لا ابچي لان حيل ماعندي بحيث جكة الابرة كمت اشوفهه عذاب مينتهي

كل شوي يزرفون بايدي لان وريدي ميتحمل كلش رفيع وينثقب لابسة چادر الصلاة ومتمددة على السدية ننتضر التحاليل..

اخوية اضاهر ماعجبته المستشفى واخذني يسويلي تحاليل خارجية مابية حيل اسالة شنو شبيهه التحاليل بس خجلانة من نفسي ممتعودة اطلع بدون عباية انوب ماخذيني بجادر الصلاة نزلني ودخلنة العيادة سوولي تحاليل دم ورجعت كعدت بالسيارة وصلنة للبيت وكال هو يروح ينتضر التحاليل.. اتجيت على امي ودخلت للبيت لكيت خواتي اتلكوني ووصلوني لغرفتي..

-يمه شنو يمة شبية ليش سلمان عاد التحاليل..

ريامذ ياا ليش عاد التحاليل شنو طلع بيهه

ام سلمان//اشو يكولون نوبة سكر وصاير بيهه سكر

ريمة//سكرررر مين اجااهه السكر يمعودين

- اي متشوفين اخوج ماصدك وراح سوالهه التحاليل برة بفلوس يكول هاي الحكومية بلاش ميتشغلون عدل مين يجيهه سكر

عكس العالم فرحت من عرفت صاير بية نوبة سكر بلگي هالامر يخلي عمي نوار يتراجعون وميردوني بعد...

تمددت اباوع التلفون مابي لا رساله لاترميشه ولا اتصال من رعد..
بقن خواتي يسولفن على جهاز النيشان وكعدن يحسبن الفلوس ويقسمن شنو يجيبن وشنو يشترن الي..

رجع سلمان بيدة الاوراق والادوية.. تقرب عليه وباسني من راسي

- لاتخافين سكر وقتي هذا يروح بمرور الوقت

ام سلمان//وليش اصلا صار بيهه شنو السبب

ريام- اي صدك احنة ماعدنة احد بعائلتنه بيه سكر

- غير هي من حلاتهه وجمالهه صار بيهه سكر حلو بحلو ميتوالم

- هاا اي يمة گلتلي هي هاي الايام الراحت انچلبت على الحلويات تشتري وتاكل دستات دستات

ريمة- هاا منو ياكل مريم؟

سلمان- لا يمة الحلويات معليهه بنوبة السكر.. على العموم لاتخافون مبيهه شي هاي ادوية وشوي تلتزم بهريز وترجع لوضعهه الطبيعي ماكو شي يخوف لان هالسكر من اثر صدمة مو وراثي

- سلمان لازم تحجي لعمي ابو ارشد ونوار وتكلهم مريم بيه سكر ميصير نغشهم
راس امي حجت وقاطعتني

- ميحتاج ليش نكللهم قابل المرض عيب لو عار لو ماراح تحبلين يمة

سلمان//صح كلامهه يمة لازم نكلهم عدهه هالمرض حتى ميصير غش..هسة خلوهه ترتاح عوفوهه وطبخولهه دجاجة سوولهيا تشريب وخلي تاكلهه

ام سلمان//هسة اكوم اطبخلهيا

-ابد ما اشتهي ما اكدر..
رغم ميتة من الجوع بس نفسي تلعب ماكدر اكل..

جريت السبحه ونمت وبقيت اسبح الحد مغفيت ...
خلص النهار وراح يخلص الليل وماكو خبر من رعد اريد افتهم ليش كذب عليه

جهازة مغلق لان يتهرب لو مثل ماگال اغلب الاحيان ماعدهم تغطية لو طالعين واجبات من يرجعون لوحدتهم يفتحون التلفون..

صار ثاني يوم اخذ اوراقي اخوية سلمان وراح للشركة الاشتغل بيهه ياخذلي اجازة مرضية..
بقيت نايمة بفراشي ماعاجبني اكعد
جابت امي الريوك وكدرت اكل شوي ويمي ريام وريمة صاحن بية

-لج تگومي عااد كافي دلع خلينه نروح للسوك نشتري نيشانچ يلةة
فتحت عیني بثگل

-روحي انتي وياهه اشترن
ردت ريمة

-وووچ گومي قياسچ محیر لان ضعيفه،ومخلصه ههههه
مو گتلچ اخذي حبوب تسمنچ ادري هسه شنو انلبسچ‌
بدلة الخطوبه كوه لگینه علیچ

سویت روحي ضايجه

-اي خوووش ضعيفه عاد احسن منچ سمینه

گالت ریام

-خاب گومي بسرعه بدلي انتي ونوار (وافق شن طبقه)
واحد يحلف الثاني منو أضعف
حتى عرسگم یقهر الي يشوفكم يكول عليكم كاتلكم الجوع

اباوع اشلون يضحكن وانه ودي اصرخ بيهن بس مكدر
بقن يلحن وهن يحسبن الفلوس اجت اختي منى الجبيره وهاي كلمتها من تحچي لازم ناخذ حچیها گمت الها باوستها وتحمدت الي على سلامتي..

گالت
-ریام وریمه ابقن هنا انا اخذها ونجيب النيشان وانتن ساعدن امي
سكتت لان متعودين نحترم كلام اختي الجبيرة

خلص يامريم استسلمي وانسي شي اسمه حب انتهى وخلص وراح وية وقته...
كمت غسلت وبدلت لبست تنورة وقميص وحجابي وعباية

منى//خلي الفلوس بجنطج

- خليهه عندج منى مبية حيل كل شوي افتح جنطة واسدهه انت راح تشترين وانت تعاملين.. ماجذبت خبر خلت الفلوس بجنطتهه وطلعنة

بقت امي وخواتي يجهزون للحنة والعرس ماضل شي بس يومين او تلاثة

بالطريق ودك تلفوني طلعتة شفت غفران تتصل عليه راسا جاوبتهه

-هاا ولج شنو هاي الاوارق الجايبهه اخوج وج شبيج ياسكر هذا الصاير بيج

وصلنة يم المحلات اني ومنى..كلتلهه منى اشتري التريدي بين ما احجي وية صديقتي غفران
كالت تمام..

ابتعدت شوي وحجيت كلشي مختصر لغفران.. كل الفلم الصار بية انصدمت من عرفت باجر حنتي وطالعين نشتري وانصدمت اكثر من عرفت ىعد وعدني وكلي انحلت وخلف بوعدة .. لاتنسين غفران باجر تجييني

- ولج ممستوعبة بعد يومين حنتج

- اي والله واذا تتاجل وبلكي تنلغي انطيج خبر والله كلت من ارجع من السوك وانتي راجعه من الدوام اخابرج لان متتخيلين شكد محتاجه احجي وياج..

- ان شالله حبيبتي اليوم يوم الصدمات العالمي عندج العافية والله يريح بالج لاتفكرين بشي ولا تضنين بالرجال ضن سؤ متدرين شنو ضروفة وهيج حجى..
يلة مع السلامة

- ان شالله حبيبتي.. يلة مع السلامة ضلت منى تشتري النيشان وكل التفاصيل صارت على ضوق منى
كلما تاخذ رايي بشي اكلهه كيفج ما ادري الى ان ملت مني وصارت هي تشتري وتعامل بدوني..

رجعنه تعبانين وهم ناسين هواي شغلات خابرت امي على ام ارشد وكلتلهه بعدنة ممكملين نيشان ولاجهاز يحتاج بعد فد كم يوم بين منخلص جهاز وام ارشد كالت لابو ارشد وكال كدامهم خمس ايام ما انطي اكثر لازم بهالخمس ايام كلشي نكمل...

طلعنا ثاني يوم انا وريام،وثالث يوم انا وريمه حتى مازعل وحدة من خواتي.. الى أن گملنه نیشان

الایام صارت متشابهه اگعد اساعد امي بلبيت،والعصر اروح اجهز نيشاني،اجرنه بدلات وگل بدله اخذ جدامها الف دمعه عيوني مورمه من البچي لسى محد انتبهه انا مغصوبه وين الگی الیفهمني ياربي
اجرت على ذوق مني گتلها

ماعندي ذوق انتي اختاري مثل ماختاريتو اليه زوج على ذوقگم گلتها بضحگه حتی ماتشك بيه..

رجعت مهدود حيلي ماعرف رعد وينه ولا اعرف اخباره وهسه من يعرف قرب موعد زواجي من اخو شنو يسوي وهو وعدني بكلمة انخللت وخلاني ابني امال شكبرهه بالرمل اااخ ياربي شنو راح يكون حالي وحاله بهاليوم

اليوم الحنه وانا لازم اروح للصالون أجى نوار دخلت للصاله مدنكة اخجل ارفع عني بعينة..
گالي
-اشلونها مرتي

رفعت راسي اله جاوبته

-زينه بس انصدمت شفت ضماد لاسق على خشمة وشوي وجهه بي كدمات انوب وجهه متكئب أكثر مني،... سلامتك شبي وجهك

- هه لا هيج عرگت حبايب

- هاي عرگت حبايب وهيج متفلش خشمك

- عادي تصير

- منو سوة هيچ بيك ويامن تعاركت

- رعد

- انكز كلبي من كال رعد..

- عادي اتعودي احنة گومه اخوان بالبيت وتصير بيناتنه هالسوالف واحد يدمغ الثاني

دنجت راسي وماجاوبته

- ليش ضايجه وجهچ تعبان
وضعفانه فد مره

-خوف من الزواج وهمين انا ماعرف عنك شي ولا أنت اجيت حتى اعرف انت شنو ومنو
تنهد وگال
-اووووف انا انسان عادي بس أوسوس باشياء مصايره

عفت حزني وگتله
-مثل شنوو
-یعني شاب اليوم زواجه واحساسه مو حساس عريس
ضايج
بتسمت من ورة كلبي بس حسيته فطير گتله

-تحب؟
-هااا لا مو هیچ ماعندي حبيبة ولا شي.. بس انا عندي شك بنفسي

-مثل شنوو بلگن اساعدك
چان گاعد علی تخم وگف مد ایده الجیبه الوری طلع باكيت الجكاير بنطلونه الگابوي أزرك چویتي،وقميصه الاسود مقفل بخطوط حمر سنسله برگبته آتناوع اله شلون طوله مرتب وضعف جسمه متناسق،بياضه الناصع مثل بياضي نفس البشرة اني وياه
بحيث راحت ايده بيضه ورديه گلش مثلي...
شعره سرح مسوی تسریحه شعره مثل قصات الشباب الكوريين،
دققت بيه ماعرف ليش لان مابيه شبه من رعد ابد ولا چنهم خوان
رعد ضخم بطول اسمر خشمه بيه طول هذا نوار گولشي بيه ناعم وحلو وانيق فد مره ،بينما رعد هندامه عادي بس يلوكلة جسمة رياضي والملابس شكد متكون عادية ويلبسهه تطلع تخبل على جسمه..
بس نوار انيق بزياده ماعرف شلون اوصفة بس اناقته كيوت اكثر..

ورث الجكاره خلاها بحلگه وجر نفس گعد واشرلي
بذوق وادب

-ممكن ادخن

-اي عادي

-شوفي مهجه

-اسمي مريم ولاتكول مهجه

-ميهم عندي امور كثيره بالي اريد أفضفض بيهه الانسان ثقه اريد أحچي الي داخلي بسس ألگل رافض يسمعني

-ماشاء الله اخوانك يسدون عين الشمس ماعندك واحد بيهم صديق الك ومقرب منه

-عندي رعد اخوي وصديقي

-استغربت من گال رعد

همست

-اذا مقرب الك وهيج فلش خشمك لعد لو مو مقرب شيسوي بيك.. ماححيت خفت لا رعد حاجي شي عني ولو واثقة ميسويهه وخفت اكثر لا يعتبرهه تحريض على اخوة جاوبته..

- اي

-شنو أي هاي هية..

وكف نصى طفى الجگاره وگال
-أليوم بيش الساعه تحبين أنگص صور اجیت علمود هل شي
وگفت وجاوبته

-ياصور ووجهك متفلش بهالطريقة كله كدمات من غير الخشم

- ههههه اكو تعديل صور وفوتوشوب لاتخافين متطلع جهرتي عوجه بالصور

- عادي براحتك شوكت متريد.. حسيت بدوخه واتذكرت ما اخذت دوة السكر..

- مبين تعبانة اشو مو على بعضج

- شوي السكر تعبني ميخف الا اخذ ادوية

رد باستغراب
- سكر!!

- اي ليش سلمان ماكلك صار بية سكر؟

-ميهم كل واحد بينه عنده عله انشاء الله مشافاه

تقرب عليه وانا رجعت خطوه ليورى مد ايده ورجع رجعها تقرب باس كصتي وطلع بسرعه وكال بخجل

-انا رايح اشوكت متردين رمشي والدي نطاچ النقال

-اي نطاني شكرٱ

طلع وانا بقيت كاعده مكاني محتاره بامره ليش هلكثر خجول

اسمعه يسولف ويه ابويه وسلمان واحسهم حبوه رحت الغرفتي اريد ارجع انام وانسى اليوم كله

اجتني امي جايبه النقال گالت

يمة هاي ام دنيا موضفه وياچ تریدچ

اخذته من امي گالت

-هلا بلغاليه اخت الغالي اي سولفي اشلونها العروس

-هلا خاله الحمد الله زینه

-الدائره وحشه بلیاچ

-بعد قسمه

-خوما یخلیچ بلا دوام

-لا ادوام

-زین ونقال تبقین بلا نقال ونتصل على أمچ

-لا جابولي بيوم الخطوبه ولسى ممخليه الشريحه بيه

-امممم وچ گسبي من هسه تخابرو احچو فهمي يفهمچ

-انشاء الله خاله عود عزمي غفران

-اي هو اصلا گولت الها

-اني همين گلت الها بس ذكريها

-انشاء الله

غلقته

شويه واجتي منى وريمه اخذني للصالون العبائه على راسي وصلت وكانما وصلت للمغيسل بدت ام الصالون تبلش بشعري سرحته كالتلي

-شعرج طویل مبین معتنیه بیه

جاوبتها بقهرر

-اي معتنيه بيه وقطرت صبغ ممخليه

-ماشاء الله عليه ثخين فد مره مدام هيييچ راح اسوي تسريحه على طول شعرچ

-بگیفچ
بدت اتسرح شعري وانا احاول أمسح ادموعي، بگل قهر

غمضت وتخيلت گولشي حيخرب وارجع اصير مرت رعد مو نوار

فتحت عیوني تفاجأت بشگلي،البدله لونها احمر قاتم لبستها واختي ساعدتني ودردم

-مووو گتلچ اشويه سمني نفسچ شوف البدله هدله علیچ
حرامات دور اجرناها من الغاليات

تحچي وانا ساكته لان ماارید اي شي هل لحظه اريد بس اصبر نفسي على وضعي..اردد يارب اجبر بقلبي مثل ماجبرت بقلوب عبادك...

گملنه خواتي هم مكيجن مكياج خوات العروسه
كالت منى

-يله لبسي حذائچ اجى ابويه بسيارته ا
طلعت ودي ابقى هنا ومااتحرك... رگبنه السیاره وخواتي يسولفن وصلنه للبيت نزلت كوه لان خصل شعري تتلزك بخرز البدله فتأذيت..دخلنه للبيت شلت النقاب مختنگه فوك خنگتني تلگتني امي تشمر الچگلیت علیه وتهلهل وتصلي على نبي بوستني ودموعها تجري لان متعودين انا وياها نطلع ونمشي سوه

كعدت بصاله،الي بيها طخمين قنفات،وعلى البنگه نفاخ ونشرات وبلوسطه كيكه وديجي قرايبنه وجوارينا، وليشوف الحنه وبدلتي، هذول كأنما مزوجين عن حب

بين ما اني گاعده دخلت من باب الصاله ام دنيا وياها غفران، فرحت بجيتها لان هي الي صار بيه اجن عليه باوسني غفران نزعت العبائه لابسه فستتان موف مقسم ربطتها وتحنيكه رغم البساطه بس حلوه طالعه ضحكت اول مره اشوفها هيج اجت كعدت يمي
شغلو الديجي على ابتهالات
باسم الكربلائي /ياسيدي سبحان من صور وجهك يبو الاكبر//

وبنات وجوارين صفكن وجهال تكمز
واني صافنه ودمعة على طرف عيني
مااحس ايد نحطت علي ايدي
وضغطته أباوع غفران
صارت عينه بعينها

وحجت بصوت ناصي سلمي امرج لرب العالمين وتوكلي

هزت اله راسي لان بس احجي توكع دموعي لن من كوة ساكته

كامت تقرا ايات بوجهي وتنفخ
عليه
اجت امي وسلمت على ام دنيا وغفران
ضلت تحمد بغفورة وتحچي

-يمة فدوة هل جمال ربي يحفضچ بنيتي وترد عليه تشبكه

وتحاجيه حقه مريم تحمد بيج وسولف عنچ يمة شحلاتج دخلتي كلبي بس شفتچ

خلت غفران تستحي ودنك وردت عليه مشكورة خالة
من ذوقچ

اجت اختي ريام وكالت خليه هاي بنتي يمچ ضوجتني ماتخليني اوزع وريمة ومنى
ماجاي لحگن حبايبهم گومه

كعدت بنتها يمي وضلت تتلمس بلبدلة ذكرتني بنوار بلخطوبة هم يتلمس بيهة

ننوشه بنت منى ضلت تلعب بشعري ولن بيدها علچ لزك بشعري انتبهت غفران عليه والعلچ ضل يلزك كل الخصل
حصرتني البچيه
گالت غفران

-شعرچ لا يلزك بيه العلچ صیحي وحده من خواتچ
حاجت بنت منى روحي صيحي امج لوخالة
انتضرت ولاوحدة اجت ملتهيات

صحت منى منى ماتسمع ملتهية ويا نسوان توزع وريمة وياهة ريام بلمطبخ يمكن
ضجت درت على غفران
كتله ملتهيات شلون كص خصلات هذا ميوكع وكلشي ولاشعري
ردت عليه....

- هنة خصلتين شبيج لو تردين حجة وتبچين والله مو زين عليچ
راح حتى صعد سكرج وثانيٱ أمچ تگول شحلاتچ غفران هاي سوالف الامهات كليلها قديمه كلش هههه

تبسمت الها تريد اضحگني بس مكدرت افگر بشعري
مدري افگر حجه حتى أبچي

شلـون ازوج غيرك وانـت ماليني

گالت ام دنیا

-تبسمت الها تريد اضحگني بس مكدرت افگر بشعري

گالت ام دنیا

-لاااا عیني غفوره ميصلح تكصه وهي لابسه البدله ينكص بختها لازم تنزع البدله يله تكصن الخصله
التفت

على غفران
كومي وياي لغرفة امي اشوف جارة لشعري
-لافدوة عيب استحي اروح

-محد اليه فدوه

-يله امري الله بس شنو خوما گو شباب

-لاااا مين حتى أبوي طالع

دخلنه للغرفه نزعت البدله وغفران لازمه شعري الي بيه العلچ
گالت
-رعد الله يحبه

-ليش مفهمت

-خاب ونبي من نزعتي الأتك لونه شگري وجسمچ عظمه وعضمتين بظهرچ نقهرت عليچ حسبالك جايه من مجاعة أرتيريا

-ههههه. خرب يومچ هيچ انا ضعيفه

-أي قابل أچذب واصلأ گل بنات العالم عدها صدر من جدام انتي صدرچ بظهرچ

-ياااا غفران الله عليچ

-اي شوفي العضمتين لبظهرچ

-يااااا هلكثررر مبينات العضمات

-اي حبي وليگلچ علامات الجمال العضام چذاب

-هههه خرب غفرأن ضحكتيني وانا ضايجه‍

-فطيره اتنمر وانتي ضحگين

-لأن الحچي الي يجي من صديقه حقيقيه حتى لو بيه تجاوز اعتبره عربون محبه

-فشلتيني يلمسلوله وانا أعزچ وغاليه والله

تشابگنه بدلت بسرعه لان امي تصيح طلعنا لصاله وستمرت ألحنه

الى خلصت الحنه الگل راح بقت غفران گامت هي وام دنيا منتظرات السايق گالت غفران
سايق تاخر وينه

ردت عليه ام دنيا

-مايجي سيارة عاطلنه بدرب دز مسج

امي حاجتهن كلتلهن

سيد سلمان هسة يجي ويوصلجن

-لا خالة هسة ام دنيا شوفلنه تكسي

- لا يابنيتي تاخر وكت موجود سيد ويوصلجن
ردت عليه ام دنيا

- مشكورة علوية ماتقصرون

مشت كدامي

اجت اختهن ريمة كالت

-ألسيد منتضرجن وانا گتله قبل يدخل سيارة
يوصلكم

خجلت كلش بقيت امشي ورة ام دنيا واني
حيل مستحيه لأن هوة مدير وصلنه لسيارة لكناه واكف منتظرنه سلمت ام دنيا

-اشلونك يمه انشاء الله زواج الدهر تستاهل خيتك

-مشگوره خاله يوم النفرح بناتچ

-يارب

وانه من كوة طلع سلام

-السلام عليكم

-وعليكم السلام

صعدت ام دنيا بصدر وانا ه ليورة حرك السياره وهو ساگت لان ام دنيا تخابر حضورة واحترامه وثكله
يجبر مقابيله يحترمه بقينه سأكتين
كسر سكوتنه وصمتنه بحمحمته وحچى

-منو اول شي طريقنا

ردت عليه ام دنيا
كلتله

-يمه اني الفرع اليجي
وبعدي غفران

من يمي توترت راح توصل ام دنيا قبلي واني فرق عنه طريق ربع ساعة

ردت أندسها بس هي متحس عليه الى ان وصل ام دنيا خزرتها هي تضحك مو على بعضها

سلمت وراحت
اله اشوي متت خجل بطني تمغصت بقيت الوب شلون وحدي امسح وجهي عرگت من توتر رفعت راسي
أنتبهت نضرلي نضرة من مراية
من شافني شفته
رجع غير نضرته لطريق

بالي فگره هو سوه هيچ حتى ياخذني الغير درب ويجوز انسان خطر ورى هذا الهدوء لان على طول لابس قاط أسود

أي اكيد مافيا,عصابه من السياره عاليه وجلدها اسود
يجوز يشتغل يبيع اعضاء بشريه

هوو هاي نهايتهة على ايد رئيس عصابه غميت كصتي استغفر ربي لاااا هوو متدين مبين قابل شيريد يسوي وأكيد اذا صار عليه شي ألكل يعرف أنا چنت بيت الساده لااااا ميسويها

رفعت عيوني للمرايه شو هذا يتناوع اليه خزرته
دنج مبتسم مدري شبي ياربي خرطت من ألخوف والدنيا ظلمه اشاهد أحسن هو هذاحظي واعرفه حتى لو متدين يوصل يمي يتحول مستذئب

محمح وگال

-ست غفران اني وصلت منطقتكگم بس شويه تيهت بيتكم بيافرع

جريت نفس وجاوبته بفرحه رغم ظلام ومااشوف شي وامي اتصلت ونكطع ورجعت تتصل گتله

-أحنا ثالث فرع بعد مولدة

ألتفت يمتى يسرى وانه هم وياه اتلفت المنطقه ولا ضوه بيها شسالفه

گالي بستفزاز

-ترى ماگو مولد بهاي ألمنطقه ست؟

شكرٱ لادمن ganah01298631 على الغلاف