رواية عشق المومنين(أبناء الساده) الفصل الخمسون 50 - بقلم نازك الحمراني

صباح المحبه
نازك الحمراني

"الرجل الذي اتخذ من الإمام علي (ع) قدوة له كيف يكون أباً أو زوجاً فاشلاً؟!

والمرأة التي تتخذ من الزهراء قدوة لها كيف تكون أماً أو زوجة فاشلة؟

عقيله//أخذتني أمي من أيدي
-بسرعه خلينه نروح لان الظاهر راح تعلك ولا يجبونچ بطاري وهل مره ماراح اسكت لان وصلت حدهن

تعديت سيد مجبتبى گالت عمتي

-أي يمه روحي ارتاحي،لان سيد علي يريدچ شبع بچي عليچ

-صار  عمه
تمشیت انا وامي شافتني ام عامر وچناینها گالت

-عفیه ام غفران عفيه الله يخليچ عقیله تسامحني زلة للسان وهيچ انتي ام ثكلى وتعرفين الگلب شلون یرید ضناه
جاوبتها امي

.-علويه ترى الصار لا عقل يرضاه ولا ضمير بنتي تدخل عليكم وعمرها محاچیه وي محرم وتجين تتهميها أنتي گلتي حالي من حالچ آم وفاگده شاب بس ماأتهممااقذف محصنه لان بنات الناس يحوبن
مو من حقي ولا حقچ حتى مثکوله

الواحد عايش بكرامته واخلاقه
وذا راحن يضيع واحنا الحمد الله عرفنه نربي بنياتتا

-اعرف والله ام غفران بس ساعة عصبيه وحك جدنه رسول الله ساعه عصبيه

-عصبيه اتحكم بكلامي مااشمره بس راح اأكلچ انا وعقيله مسامحیچ بس تتوقعین ربچ یفوتها الچ..ظلم الظلمات كسر الخاطر وانتي مو بس كسرتي كسرت اخلاق وطعنتي ودمرتي

-يعني ماتسامحني..

امي لزمت ايدي ومشينه. رغم تحچي بس مقبلت امي بکلبي أگول سامحها خطيه تقهر امي منعتني

طلعنه واحنا سمعنا المجادله وماهتمينه اجرت امي تكسي،ودتني البيت الساده وهي راحت للبيت لان غفران وحدها
دخلت للبيت وصلت للصاله اجت أم جعفر جدت الساده

شايله بيدها سيد علي من شافني طفر عليه اخذته شبگته ابوس وجهه رفع ایده یمسح وجهي

-ماه ماه لاتبچي بابا يضووو يضوج

بست راسه حتى ماا آگدر احاچیه مثل الامهات ابوه مو یمه والدنیا صارت علیه دار شقاء وتعب گالت ام باقر
-ها جده ما صار السید زین
هزیت راسي ومقهوره
كعدت يمي ام جعفر لفت شيلتها تهدي بيه

-شوفي ياجده مهيدي گد مایحبچ وگد ماتحبي راح تموتون نفسگم علی بعض حلوه مو محلو بس ييمه واحدگم صایر مایتحمل خیط لبریسم علی الثاني هيچ صحتگم تروح..
نزلت ادموعي أريد أگلها شفت بیه الامان الحب،السند الاخ' الاب' والام 'والصاحب والصديق والابن..اريد أگلها
محد یحس بیه قبل لا احچي بس هو

راحت من يمي وجابت عدتها تسويها ألگل واحد مختنك

كالتلي
-يمه عقيله نزلي من القنفه خليني اسويلچ گطع حسد وگطع نفس،وتابعه...خلت ماعونن استیل علی چولتها وخلت بلماعون رصاص انتظرته يذوب جابت طاسه
بيها ماي وخلتها فوك راسي بقت تقراء المعوذات وتنفخ
الرصاص بعده يذوب على الچوله وشمرته  بطاسه البیها ماي من خوفي عبالي اتچبه علیه
گالتلي يمه هسه ترتاحين خليني اروح اشمر الماي بعتبته الباب راحت ورجعت يمي طفت الچوله گالت

-هااا جده چنچ ماتحبین هاي السوالف  اظن انتي مثل سيد باقر يگلي حرام يامراه حرام اگله شلون حرام هو انا اقرا المعوذات

هزيت راسي معنى لااا بقت تسولف وتلم بلغراض دخل سيد  ابو جعفر  شاف چیس الرصاص والجوله والغراض گالها بضوجه وهو يكعد

-هااا ام جعفررراحنا شگلنه هااااي السوالف حرام حرام
انتي حرمه توحدين رب العالمين وهاي سوالف الدجالين
ماتصير  ياام جعفرر
گالتله

-جاي اذكر اسم الله وگلشي بيه اسم الله حلال
-خوووش ياام باقر اكو يبوگون دجاجه ویذكرون الله يله يذبحوها حلال لو حرام

-ياااع طبعا حرام

-زين ياام جعفررر انتي مره مؤمنه صايمه مصليه ليش تخلين سوالف موروثه تخرب ايمانچ لیش اتخلین
الرصاص هو یطلع السحر والحسد وتخلين الرصاص هو الي اله قدره أكبر من المعوذات ويطلع النفس والحسد

-لاااسسيد مووش امي علمتني

-وامي هم علمتني وتسوي(صب الرصاص) بس يا ام جعفررر مايصير هاي سوالف دجالين قبل.....همه خلو الناس اتصدك بهاي الخزعبالات الي لانبي ولا شريعه اجت بيهن

ليش حتى يخلونه اشوي اشوي نبتعد عن شريعة الله ورسوله متحججين انو احنا انذوب الرصاص ونقراء المعوذات وايات قرأنيه

،بينما الشرع گال اگو أيات للحسد،وللسحر نمشي عليهن
أكو ادعيه تزكي النفس العقل...والرصاص حتى لو من تشتغلين بيه وتقرأين قرأن مو معناها عمله حلال

بقو يحچون گمت هزیت راسي معنى اترخص، رحت الغرفتي نزهت العبايه غسلت ايدي توضيت سيد علي يبچي طلعت سريلاك سويت اله نطيته علاجه شويه غفى ونام فرشت سجادتي أصلي،كملت القران بيدي قريت الحد ماشفت نفسي قاريه اربع اجزاء خلصت لملمت السجاده وكفت ايدي على راسي واقراء دعاء

"السَّلامُ على الحقّ الجديد والعالِم الَّذي علْمهُ لا يَبيد السَّلامُ على مُحيي المُؤمنين ومُبير الكافرين ،
السَّلامُ على شَمْس الظّلام وبَــدْر التَّمام ،
السَّلام على ربيع الأنام ، ونضرة الأيّام ، ..
السَّلامُ على وليّ نعْمتنا ، ووليّ أمْرنا ، وإمامِ زَماننا ، ومَن بهِ قِوامُ وُجودنا وحَياتنا ، وتمامُ صَومنا وصَلاتنا ، وصَلاحُ أمْر دِيننا ودُنيانا.

طلعت من الغرفه ماا گدر ابقی اختگت علی سید مهدي..رحت للمطبخ اساعد ام باقر لان عمتي بلمستشفى ويه السيد

أندك الباب اجو اقربائهم العلاوي،ومنتهى وامها،واختها
صبينا الاكل أجتني منتهى منتقمه لزمت ايدي دارتني بعصبيه تعيط

-هاااااالفگررر بعد شنوو راح تسوین بیه،ووولچ انتي الله
خلقچ بلاء على السيد انااا احبه امووت عليه لو ماخذني
ماچان هذا وضعه وچ الفگررر یبقی فگررر للموت وحتی لو الله وفقاه وصار براسه حظ لازم تطلع سالفه تخليه يعيش مفگور

درت وجهي أكص خيار هوو اني قبل صوتي موجود ومااجاوب مو هسه خرسه بقيت احوقل بگلبي اصبر روحي واهمس بداخلي

افتخر لاني سأصمت وصامته قربه لله
افتخر لاني سأكون الشخص  الأفضل من أجل صاحب الزمان عجل الله فرجه

أفتخر من أجل أن أكون أحد خدمة دولته وحاشيته
افتخر بكوني احتسب وجعي والمي قربه لله ونصره لصاحب الزمان))

منتهى ادردم وانا هسه  اهم شي عندي سلامة سيد مهدي رجعت منتهى دارت جسمي حيل ودردم

-وولچ احچي الله اشبیه سید مهدي  احچي الله خرسچ
من گالت هل گلمه بعد نهاریت گعدت للگاع علی رگبي أبچي ايدي للگاع امتمت ماگدر احچي مايطلع صوت بنت عمهم زغيره عمرها سبع سنوات گالت المنتهی

-خاله منتهی تری خاله عقیله خرسه ماتحچي باعيها حتى بس تناشغ

منتهى//قسيت على عقيله من حرگت گلبي سيد مهدي مو بس ابن عمتي سيد مهدي اول مافتحت عيوني عل الدنيا وهو اليه...من سمعت مسوي عمليه احترك  گلبي ومثل گل مره اذب حرگتي بعقيله سگوتها برودها هوو لیخلیني اطلع حرگتي بيها

ومثل گل مره دفعتها عطت وهي ساگته هل مره تحرك شفافها اگو شي غريب من عرفت بيها صارت خرسه  ضجت من نفسي من سخافتي كعدت عقيله للگاع  تبچي كعدت يمها حضنتها بچیت ویاها

-حبیبتي والله ماادري اعذرينني فدوه الگلبچ وراح ابد مااسمعچ‌ حچي موزين انا اسفه بعد مااسمح النفسي آذيچ ولا اجاوز

عقیله/گومتني منتهى تتعذر مني فد فرحت حتبطل تأذيني واتقهرني،سمعت صوت برى الكراج رحنا انا ومنتهى شفت سيد مجتبى دخل يسند بسيد مهدي فرحت ركضت عليهم رغم  چان متوجع اول ماشافني تبسم اليه ابتسامه تخليني مطمئنه لان لغات الُحب كالحب هوايه  والطفها النظر إلئ ضحكَتة.

لزمت ايده الثانيه  وايدي على صدره همس باذني

-افيششش اظن صرت زين
رفعت ايدي الحره للسما معنى الله يحفظك
رد بصوت يسمع اخوه

-هو هذا غزل عقيله اشوكت  تغيره ياربي

اشرت بايدي  معنى عليه
جاوب

-لا ويه مجتبى غثيث مايداريني ابد وانا طلعت علموده

رد مجتبى واحنا ندخل من باب الحديقه

-عضيدي اول ماعرفت انت بلمستشفى اجيت دايس ١٢٠
حتى ماخفت على نفسي كثر خوفي عليك

-اي اعرف بيك تحبني وتخاف عليه واجيت للمستشفى وخليتني اتعجب بيك وبحرگاتك  بس ماداريني زين

ابتعد سيد مجتبى واحنا ندخل للغرفه وگله

-هوو مو صوچك صوچي عبرتك من الباب الثاني حتى محد يسلم عليك ويبيع حبيات عليك وهمه يغارون منك

وتالي تجي  تالف قصص عني

ابتعد سيد مجتبى من سيد مهدي وكال

-اخذي ام علي اروح وانا راح أکلهم  أكلهم تعبان ودخلته جوه ينام ماشي

رد سيد مهدي عليه

-عضيدي ترى اردهن الك من تعشك

-اي هووو هيج ماااكو شي بلاش ههههه

دخلنه للغرفه اجتي عمه زينه باوست سيد مهدي وگالت

-سید مجتبی گلي جيبي سيد علي يمي

رد سيد مهدي
-گولیله خل یلعب ویاه ساعه ساعتین تلاثه لان تعبااااان
ضحكت اخذته وراحت دخل سيد مهدي، وانا وياه گلي

-من طلعت  الدكتور عماد جاب شاش عمليات ونظف جسمي لان يعرفني من ارجع اسبح فنظفني كلش زين حتى ماابلل الجرح

اشرت اله على الحمام معنى يعني ماتسبح
جاوب

-لا اسبح بس مو هسه تعالي غيريلي ملابسي ليش مبتعده مني

تبسمت اله فتحت الكنتور طلعت  بجامة نوم سديت الكنتور نزعت اله ملابسه الفوك ولبسته خايفه من اثر العمليه رغم مو يمها

بس البسه وخايفه توجع وانا ارفع ايدهه وكفت لان شفته غمض عيونه متالم

واشر بيدي اله وهو فهم  من شفتي معنى ليش مبقيت بلمستشفى

رد

-اعرف شدكولين ليش مبقيت مگدرت افارگچ وهم اعرف بیچ من احد یئذيچ متجاوبین فگیف هسه
برطمت اله واشرت على العمليه
جاوبني

-قارورتي انتي الاهم من العمليه
گملت تلبیسه، وهو رغم الوجع يحسسني ممتوجع دمعت عيوني لان دائما يحسيمي  بحنانِه  کلي

_ماعندي أحد ولا هلگد شخص أحبه بگد حبي ألچ

هزيت راسي

لزمني قبل اخذ راسي الصدره احتوى انصهر وجع روحي ويه وجع جرحه خلى راسه بيه نحري همس
بهدوءوحنيه

-من دخلت للعمليه ماخفت حتى على سيد علي خفت بس عليچ
خفت بعد مااشوفچ خفت منو یبقی الچ
لان حتی اهلچ میعرفون شنو تردین وشنو تحبين كثري

حتى من كعدت طلبت اشوفچ قبل الگل وهسه من سمعت جدي عازم الساده كلهم طلعت وقعت على مسئوليتي....محد ولا أحد يخاف عليه بگدچ

رفعت ايده وبستها گلي

_قارورتي غريب وعجيب العشق اشلون يتوغل للقلب وييقى مسيطر على گل ذره بجسم ويفقد الاحساس ويسترجع القوه فقط قرب معشوقه

سيد مهدي/رغم توجعت لان واكف والوگفه مو بس اذت عمليتي بس محتاج قربها واحساس دفيء بشرتها
رغم خايف على حملها بس اريدها اريد أحضنها ضميتها اكثر الگلبي
ايدي استرسلت حررت شعرها من الحجاب وبديت افتح شعرها الى ان سترسل على ظهرها

بعدت وجهه وقربت شفتي ردت  اسقي جفاف شفتها الذابله من ضماء الصيام
لكن الركن الواجب لا يبيح المستحب
ابتعدت منها منتظر اعلان الافطار حتى يبداء  اعلان وطقوس الشوق

مع ذالك  بقت انفاسنه تعلن انو لا يوجد تشريع ديني يحرم على المتزوجين التعبير عن الثم
عن  العشق
عن الحب
عن الغرام
لأني كما قال النبي محمد صل الله عليه واله
((من أتخذ زوجةً ف ليُکرمها))

وانا في كل الوقت كريم في العشق مع حليلتي

ندك الباب وصوت مجتبى يصيح

_ ياصيام  بعد الاذان مااذن هذا ابنگم مايردني يريد ابوه مشتاقلة يريده هذا عفته بلباب اخذوه

الجميل بالحياة عندما
تجد انسان يقول لك انا اعمل كل شي من اجلك حتى نكـون لبعض ...

...........
.......

إنَّ الزَّواج الَّذي لا يَكون مبنيّاً
علىٰ إيمان الزَّوجة أو الزَّوج
فلا شكّ أنَّهُ زواجٌ فاشلٌ، عاجلًا أو آجلًا،
لأنَّ الشَّكل والأموال والشُّهرة بِلا ريبٍ
لن تمنَح الزَّوجين حياةُ مُستقرةً
وإنَّما التعامُل بالحُبّ والتفاهُم بينهُما
هو الَّذي سيجعلَل حَياتهما سَعيدة .

سيد مجتبى//

مااريد اجادل ويه جدي اكثر..طلعت من يمه جاي ادخل الغرفتي اذكرت الورقه الي مزگتها میسم

وهو هذا رقمها..سيفته ورنيت اول مافتحت خط ردت اسلم عليها رأسن جاوبتني

-هااا دكتورر شنوه الي تريده مني عووفني بحالي

-ميسم شبيچ شنو صار

-انته عفتني ورحت حتى ماخبرتني لاااه وفوگها عرفت من عمو ابو غايب جدك يريد يزوجك الوحده من اقربائكم
أني مثلك حقبل بصديق اخويه
تافئفت بحرگه

-شوفي ميسم انا صايم  مالي خلك اي خطوبه او مشروع خطوبه تفكرين بيه مااايصيير فاااهمه

-ليش مو من حقي اتزوج وحد من البنات

-اي وحد
-لان ابويه بسجن ومحد يدفع كفالته مووو تستهان بيه

-لاااا لان انتي اليه ومارح تكونين الغيري وهذا صاحب اخوچ مدري ياهووو

-تخطبني
-اي جهزي نفسچ جاي

والحُبّ الطَّاهِر أيضًا كالصَّلاة
يَنهى عَن الفَحشاء و المُنكر ..

أما ماعداه فأنه ياتي بظلمات النفس

-

.......
.....
رعد///
إلهي الحبيب، لم أجد شيئا واضحا أدعوك
به، إنني هادئة تماما، ولكن الأمور ليست
على ما يرام، يكفيني أن تنظر إليّ، لأنك
وحدك ستغمرني بالراحة التي أستحقها،
لأنك رأيت الشوط الطويل الذي قطعته كم
كان مليئا بالخيبات، أؤمن بالعوض منك،
وأشعر بمحبتك وأدعوك أن لا تتركني من
دونها يوما.

الحرب النفسية دمرتني واني بعدني بأول الطريق اخذت محفضتي وسويج سيارتي وجاي أطلع افتر بالسيارة بلكي هالتوتر يخف رن نقالي شفت رقم غريب  ..

وكفت بلباب   اهوو مالي خلك اجاوب احد همزين رقم غريب مو عرف سديت باب غرفتي ورد هالرقم دك ماهتميت طلعت للكراج قريب اوصل للسيارة اريد افتح الباب ورد رن الرقم عجييييب شكد لزكه شنو هالبشر كولو خامد كولو ممطول كولو صايم...

امي وراي تنشف بلماسحه الكراج گالت

ـ شبيك يمة دجاوب مو حتى الجوارين سمعو التلفون

درت عليها

ـ مالي خلك احجي وية احد

ـ لو ما السالفة جايدة رة ميلحون هيج دجاوب شوف شكوو يا ابني..

ـ باوعت على التلفون ركزت بالرقم مدعرفة اتجبرت بالله و فتحت خط راسا صوت زلمة صاح بية بس الصوت عرف مو غريب

ـ وووينك ياا اخي ليششش متررد

ـ منوو اانت شبيك تصيح

ـ وولك ااانة مهميين شبييك ماعرفت صووتي

ـ اتفاجئت هذا صاحبي بلفرقه وياية.. ولك شبيك صوتك رايح وهيج مبحوح

-وولك رعد هجمو علينة الدوااعش اللية الفايتة من جنة طالعين دورية وأاتصوبنة اانة وأدعيج  انة جتني شضاية برجلي وهو ابطنه

- كوول غيرهه عفتكم جم يووم تنكلب الدنية وراية اددري اشلون أتصووبتو شنو جنتو ناييمين

ـ دكلك هجوم بدوورية نايمين شنو شبيك ولك..
ـ استغفر الله ربي  زين هسة شلونكم

ـ بعدنة عايشين.. 

ـ مين جبت هالرقم مين دتخابر وين تلفونك

ـ هالرقم مو رقمي تلفوني اتفلش وماناطي ارقام اهلي للضابط وماحافظ ولا رقم غير رقمك لأن سهل رعد اتذكر نطيتك قبل فترة رقم اخوية الجبير بعدة عندك لو لا

ـ اي اي عندي بعدة

ـ رحمة الأهلك خابر عليه وكلة عن حالي حتى يطمنون وانطيهم رقم الضابط

ـ صار تدلل.. رتجيت على محجر الحديقه مقهور من السمعته أنا السبب أنااا المفروض أتصوب ويااهم مو بس همة
اني صووجي ما التحقت ووياهم بس فهمنيي انتو هسة ووين

ـ نقلونه لمستشفى بكركوك وبعد جم يوم ياخذونه لبغداد

ـ ااكدر احجيي وية دعيچ

ـ لا فاقد الوعي خطية اهله يمة يتلاطمون على حالة..

ـ لا اله الا الله خلي اشوف شلون اجيكم لكركوك

ـ دير بالك تجي ترة الوضع خارط خليهه ابغداد انة كلت انطيك خبر حتى تشوف الضابط وتحجي وياه لا تجيك عقوبة

ـ يمعود خلي تجي عقوبة زين اسمعني بس توصلون بغداد انطيني خبر ..

ـ ان شالله تدلل.. سديتة منة وراسا طلعت رقم اخو صديقي الجبير وخابرته وفهمته على وضعه ودزيتلة رقم الضابط وكلتلهم اني بالخدمة اي شي يحتاجو..

.
خانكتني العبرة ردت اصعد السيارة واسوق بس ايدي وجسمي يرجفن رجف ماعرف شصار بية هذول اعز اصدقائي
طول فترة جهادنة سوى ماعفتهم بس هالمرة دفعت فلوس للضابط وعفتهم لوحدهم جان المفروض اكون وياهم جريح او شهيد
الله يعلم اخخخ يا ربي

كعدت على دجة الطرمة ابجي بحرگه بس ادري هالدموع مو كلهه علمود اصدقائي لا هواي منهه لٱأجل مريم جنت مختنك هذيج الايام وماكدر ابجي كدام بشر

أي عيب الزلمه يبجي بس هسة لكيتهه حجة ونزلت دموعي عشرة عشرة طلعت امي من المطبخ شافتني هيج حالي اجتي ركض عليه

ـ وووگ يمةةة شبيك اااسم الله الزهررة علييك ليش هيج كاعد ووتبججي

ماكدرت اجاوبهه من شفتهه نزلت دموعي اكثر جرتني من ايدي وكومتني من مكاني وهي تدعيلي وتهديء  بية دخلتني للهول بس جنت كلش منهار ومقهور بعدني ماكعدت لا كاني ابوي وصرخ بعالي صوته

-شبييك بووية ليش هالبببجي منوو وياك شصااير
ـ باوعت عليه ودرت عيني منه احس الحيل رجع بية من شفته درت راسي ومين ما دخلت ردت ارجع واطلع بسيارتي لزمني حيل من متني وصاح بية ..

ـ وووين طالع بهالحااالة

-الجهنم السودة

ـ وووگ ااحجي عدل عاد

ـ شعليك بية حالتي تعبانه ابجي مذبوح مكتول شيصير بية لا تسأل لأن اكيد مثل كل مرة ماراح يهمك

-وگ كلش تسفلت وتجحشت وصرت طرررن

-اللهم اني صائم وهسه شتريد من الطررن

-أعقل ابني والله خايف عليك يابويه ووولك هيج يصير حاالك علمود مرة

قبضت ايدي وتقدمت عليه خطوتين

_ليش ليش ليش تحسسني هالمرة التحجي عنهه عاهر من الشارع ومشتكثرهه عليه...

ـ هاا ولك شنو هالحجي هااي عود انت ااعقل واحسن اخوتك يطلع منك هالحجي

ـ وخوش جازيت الاحسن اخوته بكسرة گلبة وتحطيمة

تقرب عليه يصبرني

-والله ماتلوك ألك يبويه انت زلمه شايل نفسك وسامه ودين واخلاق ينحلف بيهن وهي هل تشوفها حتی مابیها معالم مرة تدمع العيون عليهه وولك يالخایب یرادلك حرمه هيج تدفي ضلوعك يبوي يكون تترس جسمك التارس مو عودة مطيرجي وانت هالضخامة والطول ماتلوك ابد
نزلت ايده من متني

-ماتقنعني ترى خاف چنت اشوفها القمر قبل لا تزوج هسه صرت اشوفها القمر والنجوم والشمس والنفس الاتنفسة لو تدري شكد حلت وحلوت اگثر ابعیني

-والله ضاملك وحده دكول للكمر غيب تخليك تنسى وتتندم عرفت مريم بيوم

ـ لعد انت بعدك متعرفني

ـ اسمعني انا ليش عزمت اليوم  خواتك ونسابتنه واهل مريم هالثالث اليوم لاخوك نوار راح يجون نسابتنة كلهم اليوم والبنية وياهم
بغضب حجيت

-يا بنية؟ مدگلي هاااي انانيتك مين جايبهه يا بويه اشو بكيفك تفصل وتريدنه نلبس حتى لو مو قياسنة التفتت على امي وحجيت.. وانتي يايمة برود اعصابج دمرني انتو اثنيكم محد منكن يحس بييه أنا گلبي محررروك معطب من كلشييي

تعرف شنو واحد مقهور وكااتم وجعتتة ببگلبه ضحكك مثل البشرر مادكددر اضحكك اقشمر على نفسيي اااانت ددمررت هالكلبب وووگ حتتتى النفسس مااكدر اتنفس مثل خلق الله لو ماا الحرام اموت نفسي واخلصص

ـ اسم الله علييك يمة وليدي لاهيج تحجي
ـ ااني جنت عااايش علموددهه مقاوم مصاعب هالدنية لخاطرهه يمةة هي بگلبي وبراسي معشعشه والله ماكدرر والله مو بيدددي
زمخ ابوي بية وسحبني من ياختي ردت اعثر واطيح بالكاع

-تنجب ولك سساقط انت ابن كليط تعررف شنو كليييط ااانت رعد  ابن مناحي أنت رعد أبن ابوك الكل يهابه الكل يحسبللة الف حساب

ووولك انتم عزوتي سنددي مضيف اابووووووك مفتوح للغريب قبل القريب ومااتطلع منه العيبةة بيووم
نترت ايده مني

-اي مضيفك للغرب بس انسدد بوجه ابنك من اجى دخيل علييك ورايد حبه منك ما ساعدتني بست الايادي وكلتلك لا اني ولا اخوي ناخذهه بس لاتزوجهم وجذبت عليه ووعدتني متزوجهم هوو هذا مضيف الكلييط ياكلييط عشيرتك

-ولك باشاره وحده تجيك بدال الوحده ميه واحسسن منهه واغاتها

-مارايد اي وحده اله هي.. هي الي ساكنه هنا وهنا اشرت على كلبي وعقلي
على صوتنه اخواني اجوي ارشد گال

ـ خير بوية شبيكم ليش هالصياح

ـ اخووك عاشكلة ووحدةة

- ايي بالخير ليش لا...ترى رعد هنا هنا لازم يزوج بس يجي العيد نمشي على العاشكهه وتصير الفرحه فرحتين.

ـ ماترهملنة بووية مااترهمنلة

ـ ليش لا زوجها اله اذا هلكثر يحبها ليش تذله خطيه شوفه اشلون يحچي ويرجف

گال رشاد

-اي بويه خطيه اول مره رعد يطلب شي اله.. دومه واكف
النه والجهالنه حتى حنين على جهالنا اكثر من عدنه يعني لازم نوكف اله بالعاشكهه
حجة اخوي الثالث بس هذا دائما يحجي فصحى مدري من ياكوكب جاي

- يا ابي اني اری ابنك عاشق لماذا تكسر خاطره زوجه واعقد على من يعشقها  ويريدها قلبه

صاح ابوي بيه
ـخاااب  انت ليش ماتنجب بوية لاتحجي هيچ ولك لااا الناس تگول مسودن علیك

-وهل لغتنا الام لغة الضاد اصبحت لغة مجانين

-اشتعل شيب ابوووك  أنت والضاد روووح منا

-على امرك ياابي لكن لاتجعل ابنك طريح الفراش والعشق يحرق جسده حتى يموت

امي گالت 

-لاااا مایطرح اله العافیه

_بريئه امي طريح يعني ممدد

_ها شنهي

ابوي اجى يشمر العصى عليه رفع ايده عود سكت
وانا بقيت واكف بعيد عنهم وعيني بعين ابوية اخوتي ميدرون شنو القصة ووكفو يم ابوية يقنعو بالعاشكهه ابتسمت بقهر

التفتت ولن يصير جدامي نوار ومريم رجعت دلغمت ودرت وجهي عنهم عفتهم يقنعون ابوية اخذ العاشكهه..

طلعت وصعدت السيارة وشخطتهه طالع افتر بلگي انسى وارتاح اليوم عدنة وليمة فطور الناس كلهه يمنة يعني العزيمة ضخمة

العام  من عرفت رقم امها بأاول يوم  رمضان جنت ادزلهه تهاني وتبريكات وادعية بس هذا رمضان اختلف كلشي صارت مرة اخوية لا ادعية ولا شي

نزلت من السياره اشتريت دهينة  وجم شغلة للفطور ولو ما اعرف شنو الناقصهم بس هذا طبعي اخذ الاكدر عليه من يصير عند اهلي عزيمة..  دقايق وخابرتني امي..
ها يمة

ـ يمة جيبلنة حلويات وياك طرشي خضرة نسيت اكول لابوك

ـ جبت دهينة شنو بعد تريدين..
عددتلي التريدة وكلتلة صار نزلت للسوك اشتريت الغراض ورجعت حسيت بعطش ودوخه..  وصلت ودكيت هورن وفتحولي الباب دخلت ولن اشوف نوار بوجهي.. 

مالي خلك روحي وهذا مبين يريد يداهر ابوية بالحديقة
حاط الجدورة ديطبخ ويمة الشباب نزلت وياية العلاليك عفت باب السيارة مفتوح ودخلت للمطبخ الاول متروس نسوان

نسوان اخوتي ويمكن هذني خوات نسوان اخوتي استغربت هاي اخت مرة اخوية صادق ام سكينة بس اختهه ماعرف شسمهه شايفهه من زمان بس مو كلش اعرفهة..

صاحت ام سكينة

-لياال ااخذي العلاليك من ايد رعد خطية سااعدي
..اجتي هالبنية الاسمهه ليال و اخذت الغراض مني ماهتميت نطيتهيا وعفتهم ورحت لغرفتي..

  الهوسة برة متنجرع صح اجواء رمضانية وصوت القران بصوت عبد الباسط عبد الصمد كلش عالي بس مو مثل السنين الفاتت هالسنة بيهه غصة بگلبي اسمع امي تصيح على  جناينهه شوفو الشوربة لاتحرتك.. وابوية يعيط انتبهو للحم لا ينلجع ويخرب..

  خايفين على الاكل لا يحترك وماهمكم كلبي المعطب
.كل شوي استغفر من الاحچي  واكولة بس مديفيد الشيطان قوي هالمرة وغلبني.. اتمددت على فراشي وحطيت ايدي فوك راسي لا اكدر اغفى ولا الي خلك اطلع اساعدهم.. اندكت الباب وصحت منووو

ـ مهجة..

ـ كعدت على حيلي ممصدك السمعته مرييم..  رركضت فتحت الباب لكيت نوار واكف اباب غرفتي وداير وجهه يحجي وية مريم..

ـ حبيبتي مهجة جيبي الدرنفيس من المطبخ  غنتبت

ـ ها شبيك نوار

ـ تعال يمعود وين نايم هسة وكت نوم ماضل شي ويجون العالم والدنيا غربت

ـ شنو مطلوب مني

ـ نقطه الكهرباء انكسرت وحنفية الحمام عطلت الجهال مدري شسوولة

ـ ادري شكبرك تصير بعد ليش متعرف تسويهن
ـ مو تدري مادبرهه لا اعرف للكهرباء ولا للبواري وخوانك
هم ميدبروها

ـ زوجوك وبعدك مايع والله عيب

ـ دمشي  يمعود مو وكت هالحجي بلمطبخ الثاني

طلعت من الغرفة ورحت يم نقطه الكهرباء الي  بالمطبخ البراني يصير بلممر البنات مو هنا يشتغلن گله بداخلي بس النقطه اشفتهه متفلشة..  سالت شبيهه ليش اتفلشت.
جاوبني ارشد

ـ ابوية راد يشغل الطاحونه ومادخل راس البلك بالنقطة وفلشهه

-خووش البنات خاف اعبر اجرب الواير من يمهن خل يتسترن ولا يجن هنا لا الويرات محرگه ومااگدر اطفي الكهرباء لان راح ياذن للفطور
جاوب نوار

-خوش انا رايح للمطبخ اساعد الحبايب وراح أگلهن یتسسترن

-رووح من يمي رحمه الابوك

-يله رايح

ارشد گال

-راح اساعد الولد تبقی وحدك عادي

-اي روح

طلعت للبلايس افتح الوايرات بحذر نصيت طفيت الدگمه لزمت الحار شو ینتل هاي رطوبه جايسته ليش الدرنفيس العندي مو فاحص...صحت بصوت عالي

-خااااب اشبيگم جيبولي درنفيس فحص وراس بلك لان العندي مو فاحص.... ثواني وشفت مريم جاية وبيدهه درنفيس وراس بلك كل اموري تخربطت عيني بعينهه وتتهرب مني ماحبيت احرجهه وواحرج نفسي اكثر..

درت وجهي واخذت الدرنفيس  لان وحدنا ليش اجت خرب الحظ  فتحت عيني وغمضتها وبديت افتح بالبلك المتفلش

بس هي واكفة يمي كلش  احس بانفاسهه رغم محجبة وماطالعه منه ولا شعراية بس عيوني تتخيلهه بشعرهه المبلل الشفتهه بي البارحه ااريد الزم الدرنفيس عدل مكدرت ايدي ترجف  نطيني راس البلك.

.همست كاز اسناني

-روووحي مناااا يااامهجه موو انتي تكرهين اسم مريم

-بكيفي وين مااوكف اوكف بيت زوجي صح لو لااااا

مريم//جنت كلش خايفة عليه لأن كلش اخاف من الكهرباء اعرفة سبع بس مو بيدي عيني عليه وكلش قلقة..  يحط الدرنفسيس عل ميز ويرجع ياخذه اخذته بيدي يريدني اروح مايدري رغم  وعده وكذبه عليه بعده
مكانه محفوظ بگلبي وحتى فرحانه لان نوار ميقربلي
خزرني ونتررر جاوبته..

- ماااارروح لا تنتل وانا مااشوف هذا المشهد وتشفى بيك عاد تبرد نار گلبي منك

نتر من بين انسانه

ـ اللهم اني صائم مريم وحق السماچ مریم لااا آجنزچ اذا كررتي هذا الحچي وچ یاغدررر

-اي واكفه ماااروح والحچي تعرفه شقصد بيه
التفت على المطبخ الثاني نترت

- انطينيا البلك وروحي سحبه من ايدي  اخذه وخلاه بجيب البنطلون ورى وبقى يشتغل عافني بحركتي وهو يشتغل لا ابالي خااين غدار

بقيت صافنه على عيونة هاللحضات ابد ماحسيت بخوف ولا حسبت احد راح يكشف سرنه جنت ممهته لشي غير سلامته خفت اعوفه وحده
رعد //بنضراتها وتوسلتها اليه  عرفن تگلي خليني يمك خاف يصير عليك شي أچلب بيك  فهمت

نضراتهه وفهمت حيرتها وخوفهه وجاوبتهه بنضراتي..

_روحي وجودچ يمي يوترني اشرتلهه بعيني يعني روحي بقت عاد ركزت بشغلي وماهتميت الها

مريم//اعرف ليش مايريدني يمه  واعرف هو شنو واعرف كل حركه تصدر منه يريد  نضرات واضحه رغم الكل راح من يمنه بقينه وحدنه بس صوت النسوان الي بذاك المطبخ يجينه

بس انا ماريد اروح اخاف عليه بقيت واكفه  راد راس  راس البلك مني ناوشته  رجعا عليه گلي

-رووحي لا احد يشوفچ

-اتخاف علیه

اشر بدرنفیس بعصبيه أجی یحچي تنهد ورجع يشتغل يستغفر كل اشويه گتله

-شنو هسه صرت شیطان وترید بلاستغفار اروح منك
بلا مایلتفت بعصبیه وعیونه صارن حمررر

-اخاف عليچ مو على روحي یابنت الناس خافي على نفسچ یله جیبي البراغي بسرعه لا يجي احد
ناوشته البراغي  حاولت ما اطخ بيه مد ايدة واخذهن مني وراسا رفعه وشمة غمض عيونه متت من هالحركة السواهه كوة حبست دموعي وبقيت شابحه بنضراتي عليه قويت نفسي وعزيمتي ماريد اخلي شيطان يسيطر عليه همست الها

-فدوه روحي

-صار

عبرت من يمه صرت كلش بسده جاي اروح للباب
التفتنه اثنية على صوت أبنية كحت دخلت وبينا وبينعا متر ونص طلعت اتباوع علينه أثنينة.. رأسن گلها
-هااااا للیال من شوگت انتي هنا

اطلُبوا العون مِن صَاحِب الزَّماَن لإيجَاد
الحَبَّ،
الَّذي من شأنه أن يسَمو بكُم إلى الملكوت المقدس،
وعلى حُبِّ إمَامِ زمانِكُم فليَكُن اختِيارِكُم..
...........

.....