رواية عشق المومنين(أبناء الساده) الفصل الحادي وخمسون 51 - بقلم نازك الحمراني

مساء الحب رحم الله من قراء الفاتحه لروح اختي ((سجى))تسبقها الصلاة على محمد وال محمد حبايب البارت بلا تعديل  لطفا لحد ينشره اله من اعدل السحكات))

.....
أجعل من قرين حياتك وحبيبك وسيلة تتقرب به الى الله او شيء يذكرك بطاعة الله لايبعدك

رعد///

_فدوه روحي

-صار

عبرت من يمه صرت كلش بسده جاي اروح للباب
التفتنه اثنية على صوت أبنية كحت دخلت وبينا وبينعا متر ونص طلعت اتباوع علينه أثنينة.. رأسن گلها
-هااااا للیال من شوگت انتي هنا

انتبهنة اثنينة على صوت بنية كحت ودخلت..

بينا وبينها متر ونص بقت تباوع علينة مانزلت عينهه مننه
راسا كالهه رعد

ـ ها ليال من شوكت انتي هنا

ـ من دقايق

أتلبگت وانا اباوع عليهه عيني بعينهه حسيتهه عرفت شي حسيت الصخونة صعدت من رجليه لحد راسي وحتى رجليه بعد متشيلني الصمت الرهيب الاحنة بي خوفني اكثر هسة لو تحجيلهه كلمة سالفة يخف التوتر العندي

بس باقية بمكانهه تفرك بأيدها وتباوع بوجوهنة مثل المصدومه... مكدرت ابقى واكفة اكثر..

جاوبت رعد حتى اقطع الصمت

_ أني رايحه خوية رعد اذا تحتاج شي دز علية أو على نوار قريبين عليك

ردت ليال
يـعيوني ترى أنتي عروسه وجديده شهل جرئه توكفين
يم حماچ ومصارلچ اله تلث أيام من عرستي

_مو كلت خاف يحتاج مساعده

_ ميحتاج منچ شي.. اني راح اضل يمة واساعدة

تقربت وشالت الدرنفس معنى تگلي انا موجوده وانه ابتعدت منهم شكد متنبلع هالبنية تحچي وكأنو هي حبيبتة لو خطيبته..
باوعتلهه بنص عين وطلعت تمشيت خطوات اي بس مكدرت ابتعدت عن مكانهم أكثر

جاي اروح الغرفتي بس شي يدفعني اضل يمهم ابقى بهالمكان اراقبهم الممر الي قريب عليهم شفت الجهال يتراكضون وياكلون موصخين المكان بالنساتل والجبوس الفارغه

دنجت سويت نفسي الم بيهن وعيني واذني يم رعد وليال انقرفت منها لان أشلون تتموع لرعد وتحاول تسولف كوه لازمه نفسي عنها

أي بس هو أبد ولا يمها واكف يشد بنقطه الكهرباء ويمد بلواير رغم كل شوي تحاول بحجة ترتب حجابها بحجة تناوشه(تيب الكهرباء) واني ينعصر گلبي كرهته وكرهتهه من تصرفاتهه ادري ماطلعت نقطه محترگه ليگول محوله

رعد//رغم أحبها وفرحان واگفه يمي بس داخلي رافض وجودها رافض'تقربها لأن هي هسه زوجة أخوي نوار

أشگد لحيت عليها تطلع مااريد اسبب أذيه ألها ولا أخون' أبقرارت عقلي وحربي ضد کلبي الي يريدها وينبض بأسمها بس لازم أسيطر على مشاعرنا

أجتي لليال رغم أضوج من أنسانه تحاول تفرض نفسها تاخذ بحچي لأگبر منها أنو تتقرب لأجل تتمكن
بس بهل لحظه أعتبرت وجودها منقذ من قلبي

وگفت وبحرگات ملقنه تسأل'تساعد وتأشر وتسولف لأجل تجذبني عيني على النقطه اكص الوايره المحترك وشوف مريم تحترگ أكثر ومعطبه أكثر من الكهرباء من وجود ليال قريب عليه

يجوز لأن صايم ومقهور ومالي خلك روحي ولا الي خلك اداهر وية وحدة منهن مهتميت أي ومناك عطشان فد مره عفتهن مركز بشغلي التفتت على الكهرباء اكمل

ساگت وضايج على صديقي'و ألوم نفسي أنا السبب
أنا النطيته أفلوس يداوم بديل عني مقهور عليه محد يحس شنو معنى صديق السلاح تصوب بدلاك

ومنا ممرتاح ليال يمي أعرف مو هي السبب خطيه اهلي دافعيهه عليه يريدون يزوجوني..بس مخنوك
وخنگتي من أبوي'وأمي وغدرهم اليه وستغفالهم ألگلبي ألمشاعري

أستغفالهم العمري الي تعدى الأربعه وتلاثين وهمه عبالهم من عشگت وحبيت بنظرهم حبي حب مراهق مايعرفون أشگد عقلي فکر وشگد گلبي عاند وشگد نفسي فسرت حتى نبضاتي تعترف بلحب أشلون هيچ يسووون بلا ذمه وضمير

مريم//برودة رعد وعدم اهتمام بلي واگفه يمه بس أنه مدقوقه ياربي هل ليال ليش متميل منه لازگه مثل لزگت جونسن رغم هو التفت من عندها يكمل شغل تبسمت فرحانه.

بس ضايجه من نفسي مو لأن أراقبهم لا عبالك احد ضربني على راسي ورجعت ألعقلي زين اني ليش هيج حالي وليش جاي أنسى ديني ونفسي واتبع مشاعري والله حرام يا مريم حرام الدتسووي بنفسچ

حرام يابنت الناس حرام اهلچ ماربوچ هيچ تربية لاوفوگاها شهر فضيل لميت الوصخ على السريع ورحت أي تمشيت بسرعه مثل الترگض رغم گلبي معصور وعيني تدمع غصة بكلبي جبيرة ماقبلت اروح لغرفتي اي مااروح حتى لا اضل لوحدي وابقى افكر بيهم

مسحت وجهي جريت نفس رتبت حجابي ودخلت للمطبخ الصيفي بنص الچنايين والنسوان عبرت ذبيت الوصخ بالزباله والبنات واكفات يحضرن للفطور دقايق واجتني عمة ام ارشد

ـ شنو القصة اشو بعدج لا سابحه لا مبدلة لا مسوية شي شنو هالحجي ولاا عبالك عروس

ـ لابسة كلبية عمة شلبس بعد

ـ عمه خوبن أنا ما أعرفن مثلچن بهاي السوالف بس شني عوفي ألكلبيييية روحي لبسي فستان من هاي ألفستاين المرتبات اانتي عرووس شنهي گلبية..

جاوبت أم سگينه

_مو أنتي موظفه چنتي لازم أحنا نعرف منچ شنوه نلبس وحتى بناتي أريدهن منچ يعرفن أشلون ألبس ألحلو يصير تشوفين گل يوم موظفات ومراجعات شكل صح لو لا

صاحت أم ارشد

_هوو بس نوار أبو الابس وبس خاااايب نواار نوااار نوااار تعال على مرتك وروحو انت وياهة اتحضرو واترتبو اهلهه على جية يلة تروحو يمه أرکضو ماضل وگت للفطور

دخل نوار بيده انجانت الخضره چان يغسلها برى

جاوب نوار

ـ ااي مو تدللون هسة اطلعهه عروس ارباطعش امشي مريومتي ويايه وشوفي شلون راح اطلعلچ

ردت ام ريتاج تضحك

ـ الله ربج عيووووني ووين لاكيتهه الرجال يمكيج مرته تعالي شوفي زلمنه يلزم الحمرة يخيط ويخربط بوجهي يسوي خرايط هههههه

مريم //فد فرحت من شفت نوار دخل بس من حچى نسوان أخوانه وگل الموجودين بالمطبخ من اقربائه
ضحگو
اني من ضحگهم رجع أحساسي الحزين و حسيت بنقص وقهر ما اعرف ليش رغم اعرف اگو رياجيل يشتغلون بصالونات بس هاي انشوفه بس تلفزيون وفيس مع ذالك مدا أگدر اتقبل وضعي

يعني من رعد الخشن القوي وذراعه بعرض الرگية قوي مثل الحديدة گل سوالفة خشنة الى نوار الايدة چنهه خيارة امر من ايدي

وفوكاهه سوالف النسوان كلهه يعرفهه ممتقبلة وضعي ربي شسوي والله صعبة اضل بهالمقارنه..

خل لحظه جرني نوار من بين النسوان وطلعنة بطريقنة للغرفة صار رعد جدامنة جاي يمد واير من الممر زلازمه بيده يمة ليال تفتر وراه اشو هاي بعدها شايلة ألدرنفيس بيدها شنو تاخذ منه مراد

رعد التفت ضل صافن علينة وملامح وجهه متتفسر..
ونوار لازم ايدي يفرك باصابعي ويباوع عليه يضحك مجنت اسمع شنو ديحجي لان كل تفكيري برعد هسة شيكول بهالسرعه نستني دنجت راسي ومشيت

صوت رعد شبه عالي صاح حسبي الله ونعم الوكيل سالته ليال بفضول

_ليش تتحسبن

مجاوبهه وكمل طريقة يسحب الواير وانا بقيت صافنة عليهم هذا عليمن ديتحسب فوك ماوعدني وخلف معقولة يتحسب عليه اني بنية شبيدي هو الرجال وماسوة شي مكدر يوكف بوجه اهله..

فتح باب الغرفة نوار ودخلنة وبعدني بغير عالم افكر برعد..خلص لازم نستسلم لمصيرنه اثنينة ونقتنع صرنة اخوة..

سد الباب وكعدت على الفراش مالي خلك روحي
راح نوار للكنتور يطلع بالفساتين الجديدة ويختار منهن يباوعلهن بفرحه گال

ـ ولج هذا الفستان عليج يكطع فد شي يطلع
بس هذا لا مو كلش حلو هالفستان عدل على الجسم يطلعج كلش ضعيفة فوك ضعفچ

بس هذا الثاني كلوشة من الخصر شوي ينطيج سمن ويكعد على جسمچ ويصير حلو شدگولي

ـ كيفك

ـأشلون گيفي مو اريد ارهم المكياج ويه الفستان دگومي يلة لبسي بعد اسويلچ المكياج والشعر

ـ بقى يسولف أشلون يدمج الايشدو'ويدرجه وانا احس روحي مالي خلك وتعبانة ومهدود حيلي

قطع نوار تفكيري

ـ هسة لو ماخذج اكول حبلتهه بس كلشي ماسوينة

ـ اووي نوار شهالحجي اووع.

ـ هههههه يمعودة اشاقة وياچ شبيچ.

ديلة كومي ماضل وكت

ـ اخذت منشفتي وعفته وطلعت رحت للحمام سبحت على السريع ورجعت للغرفه مااريد يشوفنه رعد اشلون أسبح.

دخلت كعدني نوار على الطابورية وشغل الشسوار ضل ينشفت بشعري شغلة كأنو شخص محترف شلون يلزم خصلات الشعر وشلون يسحب مثل ام الصالون بالضبط

_تدري رغم عندي هذا الشسوار من سنين بس ولااااا مره عرفت انشف شعري لان اتخردل

_بعد وبعد گلشي مشايفه ابقي ويايه واعلمچ اصول المكياج والتسريحات

_والله كلشي ماعرف بس اخلي مسگاره مره وحده بعرس سلمان خليت كريم تبييض وصار وجهي شوارع وحتى بين اثار الحب الناعم

فتح علبت المكياج وگلي

_شوفي مريومه ألترتيب الصح للوجه حتى يطلع
مملگع ولا ملطوش فنچ اشلون

_اي الله عليك أشلون

_أنا أگلچ أول مره تخلين من هذا أسمه برايمر

_يااا والله اشترته اختي ويه المكياج وماعرفته شنو

_باعي هو اكو ماركات المك 'والكاترس وو انواع احسنهن جيورداني كلش زين

بس نصيحه  ألبرايمر ميصير نستخدمه يوميا لان كلش مضر البشرة المسام يكبرا ويتلفها..حاولي بين يوم ويوم وذا كل يوم حددي اكثر شي ساعتين فقط

_زين نوار اشلون اخلي

_مثل ماكتلچ نتستخدمه مو بشگل يومي وشلون تخلين مكياج بلترتيب اول مره تخلين يا أما  مرطب أو برايمر ليش لان سوى يخربط المگياج

ورى ثواني تخلين واقي شمس وراها كريم اساس اي نوعيه  وبعدين تثبيت باودر الواقي شمس ضروري وحاولي تاخذينه ما بي نسبه كريم اساس حتى متتعب بشرتچ

_زين هسه شسوي

ـ گومي البسي الفستان حتى ابلش بشعرچ حتى اسوي تسريحه

ـ عوف شعري راح البس حجاب لاتضيع وكت بي

ـ تستاهل مرتي اضيعلهه الوگت شعندي غيرج عشرة وبعدين راح تكعدين بين النسوان تنعزلون لوحدكم اريدج تفتحين شعرج وتبينين بينهم العروس

ـ نيالك على هيج خلك

من حجيت هالكلمة وكف بمكانة ونزل ايدة وصفن بوجهي وضحك بتنهيدة..

ـ بية مصايب ووججع بس الخلقنني يعرف بحالي.. لاتشوفيني اضحك واتشاقة بس والله مثل الطير المذبوح..
احاول الهي نفسي بهوايتي حتى لا يكتلني الظيم

ـ ياستار ليش شنو هالظيم الضامة عني

.
ـ كلتلج محد يعرف بحالي غير الخلقني.. كومي كومي يابنت الناس خلي اكمل حتى اني همين ابدل..

اخذت الفستان ودخلت الحمام بدلت وطلعت كعد يشسور بشعري الى ان نشفت وكعد يشتغل سوالي تسريحه نص شعري

رفع بف وطلع خصل مثل الكذلة صح موديل قديم بس كلش كعد على وجهي ونص الثاني سوالياه بيرمن بالكاوية ورش سبري ومدري شنو بعد ما اعرف شنو خلة على شعري وثبت..

وتالي كعد يخليلي ميك اب ماعرف شنو يخلي يطلع من المجر مالتة وضل يفرك بوجهي ووكل شوي يتعب ويوكف على حيلة يعدل ضهرة

مبين عليك تعبت

ـ اي والله الطابورية ناصية وانكسر ضهري اكلج صدك تعالي كعدي على ميز المراية

ـ يا صدك تحجي

ـ اي والله شبيج هو منو شايفنة دتعاي گعدي على الاقل ما احني ضهري

ـ كمت من الطابورية وصعدت على ميز المراية كعدت وضل يسولف وياية وهو يمكيجني

ـ تدرين وجهج حلو وبشرتج حلوة بس يرادلهه شوي اعتناء بالماسكات تطلع ممتازة

ـ مالي خلك مو زين اغسلة بالصابونه

ـ هههههههه اي صدك خلف الله عليچ عبالي متغسلي

ـ هسة انت شدسوي

ـ اخليلچ ميك اب يرهم وية الفستان

ـ عفية لا طوخ

ـ لعد شلون تبينين عروس

ـ لالا عفية مو اطلع مثل قرقوز

ـ شنو هالحجي اضاهر مواثقة بية اگعدي وسگتي راح اخلص مضل شي لاتضلين تتحرگين...هاااا لحظه
اووكفي غمضي عيونچ اريد اخليلچ رموش

،ـ لا مو مال رموش يمعود

ـ غمضييييي

اااوووف يلةة غمضت ضل يكمل بالمكياچ والرموش وبالاخير خلص وگلي

يلة كومي شوفي روحچ

ـ نزلت من الميز والتفتت على المراية مكياجه كلش حلو المكياج مو طوخ ولا كلش فاتح الرموش مغيرة شكلي مسوية عيوني كلش گبار وحلوات لان بالعرس ماحطولي رموش

راسم حاحبي بشكل يخبل الكحلة مدري شلون جارهه والحمرة بلون الفستان وردي طوخ راح للخزنة الاحذية وطلعلي الحذاء الابيض كلي يرهم وياه وجابلي شال بي نقشة هادئة وكلي لبسي بس لا تضبي وتخربطين التسريحه
خليت الشال وشكلتة لان هو ميعرف حطيت عطر وخلصت باوعت لنفسي مو اني عبالك مكياج العرس يختلف عن مكياج اليوم

ـ تلبسين عدسات؟

ـ لالا يمعود ياعدسات خاف تنفكس عيوني

ـ وج شبيج شوفي البنات شيسون دتعالي لاتخافين اني البسچ

ـ لااااا كول غيرهه الا عيوني وبعدين ااصلا ما عندي عدسات

ـ اني عندي عدسات وجديدات محد لابسهن مشتريهن صار سبع شهور

،ـ اتفاجئت من كلي عندة مستغربة هالولد اشو كل سوالفة مثل النسوان يالله معقولة الديصير

ـ لاتبقين صافنة الكوافير لازم كلشي يتعلم

ـ وشلون راح البسهه

ـ تعلمت بنسوان اخوتي رغم لازم العدسات قبل المكياج بس نحاول انرتب گلشي

اكعدي وفتحي عينج وباوعي ليفوووگ

ـ جنت كلش خايفة وكل شوي ارمش احس عيوني راح تنفكس وتنبك الحد ماعاط بية

ـ ااااااااثبتييي يمعوودةةةة شبيچ شوفي جهال بكد بناتج ويعرفن يلبسنهه

ـ دكلك ماا لابستهه قبل شمعرفني

ـ كعددي

ـ كوة فتح عيني بايدة ولبسهه بايدة الثانية غمضت شوي ورديت فتحتهه زين ما اتأذيت مثل مچنت متصورة ..

طول عمري اخاف من شي تسمه عدسات ومن طلعهن ولبسهن اليه متأذيت  أحس بعيني شعراية لو رمل وكوة افتحهه بس زين ماكو شي

باوعت بالمراية العدسات لونهه اخضر وبارزة عيوني كبار ورموش طوال طالعه غير شكل

وگفت جدام المرايه متعجبه بشگلي شنو انه حلوه بس ممرتبه نفسي ولا أعرف اعتني بشرتي لان أخواتي يگللي بعدچ زغيره لاتخربيهة

گلي نوار

_بربچ مو احلى من العرس طلعتچ

_أتريد الصدك والله مگياچك وترتيبك يموت انا ابد ممفگره هيچ يصير شگلي حلو اشگرك نوار

_لا تشگريني عيوني أنا أشگرچ لأن مجاي تحسييني أنا كائن غريب مثل ما أبوي يحسسني

_أنت كائن غريب

_أووووف أي أني

_زين. نوار يمتى تفتح گلبك اليه

_أخاف

_من شنو

_من کلشي

_حتى مني

_لا أنتي غير أنت شي حلو بريء لطيف'سحابة مطر أجت الكاعي الصبخه

_هااااا نشعر أحنا

_لاااا أبد مو شعر دورات الظروف تخليچ تفگرين وتنطي حچي أكبر من عمرچ

_وشنو المضوجك اشو أمك وابوك مخلين ألك مكانه خاص من دون خوانك

_أي صح لان أني حاله خاصه

_نوار دتحيرني وياك

_الله لايوكعچ بحيرتي ولا يوگع أحد بلي بيه

جاي نگمل سوالف صاحت عمتي

_يلة وينگم  يمه نوار وليدي جوي اهل عروستك نسيت نفسي من سمعت اهلي جايين مشتاقة لامي واخواتي وابوية عفتة بالغرفة وطلعت اركض لگيت خواتي وامي كاعدات بالهول والزلم بالديوان ركضت عليهم وصرخت

_ مامااا
من شافوني الكل ضل متفاجئ ويصلي على النبي

ـ يمة صلوات على محمد هاي بنيتي

ـ ههه راسا حضنتهه وحضنتني

اشتااقيتلج ماما

ـ والله يا بنيتي مكانچ خالي بالبيت كل دوب أصيح عليچ واتفطن انتي مو يمي

ـ سودة عليه ماما حبيبتي
كعدت ابوس بأمي وخواتي واحضن بيهن جان هواي نسوان بالهول بس مو كلهن اعرفهن سلمت عليهن ورجعت حضنت امي
سحبتني من ايدي اختي ريام وشاورتني..

ها ولج خلصتو دبرتيها لان نقالي طاح بلمي وحترك وراحت الأرقام وابوچ يگلي أنروح وهناك سأليها

_أممم ليش ماأجيتيني صبح العرس

_أبوچ شويه تخربط مو تعرفي مريض وخواتچ گالن فد مره نروح سوه وهسه لا دوهنيني خلصتو؟

همستلهه

ـ اي ستونه خلصنه وطلعت اركض الگم

حجت ريمة

ـ عزا شنو ستووگم خلصتو
ردت ريام

ـ ولج شلون ستوكم خلصتو و هيج متشيكة ومتانقة بيا عقل تدخل هالسالفة

ردت امي
ـ لاتخربطوهه للبنية على كيفچن وياهه بعدهه بريئة

ردت ريام

ـ بريئة شنو البنية بس تتزوج بعد خلص تنفتح عيونهه

ـ مدأفهم شتقصد ريام شخلصنه

اتقربت عليه وشاورتني فهمت شنو قصدهه متت خجل وخوف بنفس الوگت

راسا ادخلت عمتي ام ارشد واتقربت على خواتي وشاورتهن..

اي عيوني اي ترة ابنة زلمه من ضهر زلمه ليش شناقصة بس مو وكت هالسوالف اكو نسوان غرب وتريدن الصدك انة من هاي السالفة لان خاف ينضربون عين لو يصيبهم نفس وتعرفون بياض وجه العروس ينخاف منه خاف يسوون عليه سحر لو يقرن شي عليه ويتاذون اثنينهم تعالو باجر لوحدنه ونشوفكم كل شي

ردت ريمة بهمس

ـ اعتقد ماكو احد غريب

ـ منو كلج الغريب يخوف
القريب هو الموثقة

ردت امي
ـ اي والله صدك بهاي حقچ

گالت عمتي

ـاليوم العزيمه والحبايب هواي تعالو باجر وتددلون كلشي اشوفكم..

ـ بقيت صافنة بوجه عمتي اشو تحچي بثقة عزا بس لا للييوم يجبرون نوار ياخذني..

فرحتي بشوفة اهلي اتنغصت.. نسوان اخوة نوار كلهن دينصبن السفرة ردت اكوم وياهن ماقبلن بس ما سمعت الكلام سويت نفسي رايحه اشرب مي ودخلت للمطبخ وصارو چدامي كل حمويني من ضمنهم رعد واحد غريب كلهم بقو يشتغلون ويصبون الفطور الا رعد بقى صافن بوجهي ومخنزر

قريت نضرات عيونهه وفهمته مستغرب شلون هيج طالعه بمكياج قوي

رعد//شفتهه لو تخربطت اول مرة اشوف هالكد مكياج بوجهه شلون طالعه جنهه العافية يالله ارحمني برحمتك عيونهه  ورمش طول حبيبتي بهيئة ثانية مو مريم العرفتهه هسة فعلا صارت مرة نوار رسمي خزرتها بلکت ترجع لان ابن عمي دريد ويانه

نصيت وکلت الأبن عمي دريد

_روح دريد  أنا أشيل ونطيك لا تبقى هناااا

وگفت اله حتى يطلع هو تعجب ليش گتله هيچ بس محد يعرف البگلبي شنو سلفنت ارداني استغفر وهم بعدها واگفه تاخذ صحون الكاستر(تخليهم بصينيه)

رفعت نظرها اليه اثنينه نضراته كادت ان تفضحنه لو ما ليال..أجت

ـ رعددددد

ألتفت ألها

ـ ا ها نعم

ـ شبيك صارلي ساعه اكلك ناوشني الهبيط

ـ اي تدللين

شلت الهبيط ونطيته الهه..

حسيت مريم اتكأبت وانقهرت عافتني اخذت الكاستر وراحت لان رديت على ليال ميخالف خليهه تتعود ماعاد شي يربطنه  زوجه اخوي مينفع اشوفهه بغير عين

صرت اناوش الصحون الخواني صار نوار بوجهي

_أنطيني ماعون اساعدگم

مريم// رجعت للهول الدمعه بعيني مدتحمل هالوضع ربي والله صعبة شيلة من گبي اريد اشوفه حاله حال ارشد واخوته الگبار ماحس بشي تجاهم غير الاخوة

النسوان متعجبات بالمكياج وخواتي ممصدكات هذا شغل نوار جانو مصدومين انو نوار يعرف هالامور وحسيتهم ممتقبلين هالموضوع

حجت ريام

ـ يعني شنو رجال ويعرف يمكيچ

جاوبتهه ريمة

ـ صايرين مثل بغداد

ردتهه ام ريتاج
ـ وشكو بيهه صالون كريم مراد الكل يعرفة ايدة تصوغ ذهب هي ترة مهنة حالهه حال المهن ليش متعجبات

حجت امي
ـ لان ما متعودين هالشي هيج شغل تشتغلة النسوان عدنه
ردتهه عمة ام ارشد

ـ عادي عيوني هسة الوكت اطور مو مثل قبل كلشي عيب مابيهه شي هو مكيج مرته الله عليج ام سلمان هذا بالصالون مو ياخذون عليه مياية كومه فلوس دشوفي وليدي ايدة تصوغ الذهب

ضلن امي وخواتي ممقتنعات همست امي باذني

ـ عزا العزاني اذا يعرف ابوج رجلج يلون الوجوه مثل الحفافات شراح يسوي

ـ انتي كليلة لاتضمين عليه.. اتمنيت ابوية يرفض ويطلگني منه واخلص من هالكابوس .

بس ردت ريام عليهه كلتهه لاتحجين يمة مالة داعي

اجتي عليه ام ريتاج وفتحت الشال وطلع شعري وشافو التسريحه صح بسيطة بس حلوة امي تكلي ولا جنج بنتي طالعه لعابة
احس كلشي بحياتي مخربط وفوكاهه اهلي يريدون يشوفون بياض وجهي بلة هذا مين راح تجيبة عمتي معقولة تجبرة يسوي شي ويايه اليوم والله تعبت من التفكير شسوي ربي ساعدني يالله

صار وكت الفطور وكلهم كعدو على السفرة يفطرون الا ليال مموجودة ويانه ماعرف شصار بية حسيت بنار تاكل بجسمي وايدي ترجف خليت تمرة بحلگي وشوي شربت اللبن وكمت سالوني وين كلتلهم اريد اصلي ممتعودة اكل راسا..
كالت وحدة من النسوان شلون تتوضين وهالمكياج بوجهج

كلتلهه
اني متوضية ومحافضة على وضوئي عفتهم وطلعت من الهول ردت اروح للغرفة بس سمعت صوت ليال بالمطبخ
مو بيدي رجلية اخذتني هناك وشفتهم واكفين سوية الاحباط الحسيته ممار على بشر

رعد//جججةلبت بية هالبنية تريدني افطر وياهه ماريد أنطي أمل هالبنت ولا اريدهه تتعلق بية ليش اكسر گلب بريئ مالة ذنب...رديت على ليال

_عيوني روحي افطري وية النسوان ليش هنا

ـ اريد وياك افطر

ـ اكلچ ليال  ترة اني ما انفع لا للزواج ولا للحب ولا لهلخرابيط

ـ واني ماطالبتهن منك

اتفاجئت بگلامهه..

_شنو قصدچ  لعد ليش تركضين ورايه

ـ احسبني صديقتك

ـ ماصادق بنات بس ولد

ـ خليني اول وحدة بنت تصادقهه

انت صدك تحجين؟
الاعرفة الولد هو هيج يلطش للبنية مو البنية التلزك

،ـ قابلة شماتحجي عني بس والله مو بيدي

ـ لعد بأيد امچ مثلا اكيد بيدچ

ـ رعد اني من زمان احبك

ـ ضليت ساكت وصافن بوجهه من جرئتهه وياية

شربت بطل للبن طلعت جكاره ورثتها صافن بيها
ومنتظر الغلايه يفور الچاي حتى أخلي بلترمز گتلها

_اللهم أني صائم

_ترى فطرنا وسمعتني شنو گلت بس  لاتنصدم  فدوه
اعرف حتگول عني جريئة صلفة ماعدهه گرامه
بس مو بيدي انت حلم كل بنت

ـ شوفيلج غيري وحلمي وياه

ـ ماكو احد يترس عيني غيرك
والله جنت ما اتجرء احجي هالحجي وياك بس هسة گلشي اختلف

ـ فهميني شنو الي اختلف؟

ـ امك گلتلي هي وابوك يريدوني الك وگالو اگسبي بشطارتچ
واني مدعرف شلون اگسبك
انت دائما تصدني ومتنطيني مجال طول هذيچ الايام وانت ولاشايفني بعينك ولا تدري بية بس هسة من اهلك حجو اتشجعت وااندكرت بيك

ـ يعني تخطبيني؟

ـ ياريت ترهم

ـ مافيدچ  يابنت الناس اني مشروع شهادة ان شالله

ـ ياستار الف اسم الله عليك بعدوينك

_مثل ما أگلچ يعني  ماحبيت تعلقچ لأن أني أذا مو شهيد ف راح اضل طول العمر اعزب وانتي ياليال جبيرة وفاهمة وكت اهلنة يزوجونه ويقررون بمكانة راااح  وخلص
وخصوصا اني ابد ميمشي هالشي ويايه..

ـ لا تسدهه بوجهي الله يخليك

،ـ هي مسدودة من الاساس لان حرام عليه أنطيچ أمل على  شي مستحيل اسوي

_معقول گلبك مارف على أي أبنيه

_عزيزتي هذا الشي خاص

حسيت اكو احد واكف قريب على باب المطبخ يباوعلنة حرگت عيني شوي بحجت انفث الدخان وشفت مريم واكفة بعيد وتباوع علينة حاولت ما اهتم الهه..وحتى أخليها تگطع الأمل بيه

التفتت على ليال وكعدت على الكرسي سحبت ماعون الشوربه  وابتسمت اخذت الخاشوكه وهمست الهه.. يلة ماريد اكسر خاطرچ راح افطر وياچ..

نصيت راسي وبطرف عيني شفت عيونها تدمع عاد عافتني وراحت مريمتي..

عرفت فطرت كلبهه اكثر واكثر اكلت اللكمه بالكوة وذبيت الخاشوكه وطلعت من البيت كلة متحملت اضل بي فطور زقزم عليه

صديقي سلمان موجود وية الزلم بالديوان جنت كلش محتاج وجودة.. طلعت التلفون ورنيت عليه مسكول بلكي يحس ويطلع يمي..

بقيت واكف برة ربع ساعه وطلع سلمان يغسل بالمغلسة الي بالحوش وشافني
راسا اجى يمي..

_صيام مقبول

_تقبل اعمالك

_وينك ليش ما فطرت ويانه

ـ ما اشتهي ياسيد مااشتهي

اكول ليش ماطلعت من رنيت عليك اثاري جنت تثرد

ـ ههههه التلفون مو ويايه نسيته بالبيت

ـ يحظي

ـ ليش ولك خير شبيك

ـ اعز اصدقائي البارحه تصوبو خطية واني ماجنت وياهم

ـ شنو ضايج لان الله نجاك من الموت

ـ ممتعود اعوفهم هاي اول مرة ادفع فلوس وانزل لو چنت وياهم چان هسة حالي حالهم ولا هالاحساس بالذنب

ـ ماكو داعي الاحساس بالذنب انت مانطيت فلوس حتى همة يبقون بمكانك انت نطيت فلوس حتى تجي اجازة ..
وهذا جان واجبهم مو مجبورين عليه وع العموم الحمد لله ع سلامتهم همزين مبيهم شي

_اخبارك اشوفك مضطرب

_لااااا بس اخاف افقد نفسي وانجرف بمشاعري

_شوف صديقي اذا تبقى تفگر انت راح تفقد السيطرة على مشاعرك تتعب وتنجرف ليشش گلي؟

_صدك ليش؟لان تعبت اگابر

_لان مازال انت تعتقد انو انت راح تفقد السيطره على مشاعرك  هذا الاعتقاد يقودك  التصرفات خاطئة بسبب عدم إظهاره المشاعر المخفيه وتفگيرك انو انت خاف تفقد السيطره يسبب الك حاله اسمها حالة قمع المشاعر الي تنعكس عليك وعلى تصرفاتك

_والحل شسوي

_الحل أبتعد من المسبب وحتى لو المسبب قريب عليك حاااول لاااا تنطي اله بال ولاااا اهتمام زايد

ـ الحمد لله.. بقينة نسولف اني وسلمان على البيت كلتلة عندي جم فلس اريد اخلص الاساسيات بالبيت وبعدين الثانويات اريد اطلع من بيت ابوية

ـ ليش صاير شي

ـ صفنت بوجهه شحجي وشكلة علمود اختك اريد اطلع لو اكله اخوية اخذ حبيبتي لو يامصيبة منهن الاحجيهه...

لا بس تعرف بية احب الهدوء والاستقلال شنو متعرفني

كلي
_تمام صديقي عندي الحل أكو خلفة صديقة هو يلزم البيت وبسعر مناسب

_جيد مفاتيح البيت باجر تجيك ويكون يخلصهه باقل من اسبوعين لان مستعجل

مر الوكت بطيئ كوة يمشي خلصو ضيافة الناس وبدو يروحون
وكفنة بالباب الطالع يسلم علينه ونودعه ويروح الله وياه

مريم// طول الوكت ريام اختي جانت مو على طبيعتهه كل شوي تدخل الغرفة وتكلي وين بياض وجهج واني يضرب وجهي الوان الى ان امي همين كالت شنو القصة وين ضامتهه.. يا امي مو كلتلكم عند عمتي
جاوبت ريام

ـ وشسوي عند عمتج يالعووبة متدرين هذا يصير عليه سحورة

ـ بس عمتي فقيرة متسوي شي

ـ زين دروحي يالفطيرة جيبي من عمتج الفقيرة خلي نشوفة

ـ وشكو مستعجلات يعني اطلع عمتي من بين

النسوان واكلهه تعالي نطيني هالسالفة

ـ ليش كلبي ما مرتاحلج

ردت ريمة
،ـ اني همين شو كلبي ديلعب لچ أخاف نوار مووو

ـ كافي عاد لاتحجون هالحجي عيب شوي اخجلن شنو هيج تحچن عن نوار

ردت ريمة
ـ يمة يمة مريم صاير عدهه لسان وتفزع لزوجهه
حجت امي

ـ انلصمن صوتچن نصنه لا تفضحونه احنة كاعدين ابيتهم

اثناء هالحجي صاح ابوية وسلمان عليهم همزين نقذوني منهن
اجتي عمتي توادعهم وسمعت ريام تكولي باجر الصبح اجي واشوف التفقنه عليه

ردت عمتي..

ـ موووووو تدللين شغلتج يمي تعاااالي من الفجر وميصير خاطرچ الا طيب حتى نثبتلچ وليدنه زلمه من ضهر زلم اطلعهه كدامچ وتلزمين النيشاااان بيدچ

...
..................

مشيت اول ما وصلت للباب فتحته
وصوتي وصل الها اترجاها

_انسه غفران اني رايد الج انتي وراح ابقى انتضرچ وماأمل من الأنتظار؟

وإن ظننتِ ياصاحبة الشامه الجميله أنني لست مشتاقًا لكِ ،فاطلبي من الله المغفرة!
لأن بعض الظّن إثم

اول ماطلعت غفران من المكتب ضجت من ردها اليه لان ردها معناه رافضتني بهل لحظه

.أتصل بيه عمي أبو فناء

-السلام عليكم

-وعليكم السلام عمي..

-راح توصل الك سيارة المواد الغذائيه عمتك مرتبتهن ومثل كل مره انطي للموظفين القدماء لان همه وحدهم يحسون بوجع گلبي ويقرأون سورة الفاتحه البنيتي من قلب ورب

-صار عمي صار

-اشوكت تجيني صار الك سنه مو على بعضك وتجيني قليل ليش يبعد عمك

-من داومت بلمؤسسه مدت شهر ورجعت فتحت الشركه
هو وقتي قل

-متأكد ماكو شي أبو الاشبال مايحب يبرر شعجب هسه
بررت رغم ظروفك جنت طالب جامعي،ودوام الشركه كامل عليك

تنهدت شني اريد أگله وانا بهاي السنه نچنت فاضي جاي
ادرس مشاعري،ويه غفران، ادرس نفسي استعدادي للزواج

وهل أگدر اخوض تجربه جديده وعمي يسألني ليش هاي السنه مو على بعضي
رجع يحاچيني

-ابو الاشبال وينك يعمي

-وياك وياك مولاي

-بيك شي

-لا ماكو شي

-تمام اذا تفرغ تعال نلعب شطرنج انا وياك

-ها حتى تدرس شنو بيه مو گلنه حرام ياعمي

_حرام اذا نلعب بيه برهان

_والله حتى لوو مو برهان هو حرام'

-اي حلال وحرام ودارس علم النفس انا رجال خلك الدبلوم،اما أنت ماشاء الله عليك

-انت الخير والبركه أليوم بليل أخلص شغلي واروح للزياره وامر عليك

غلقته نزلت من الغرفه استقبلت الغراض ومثل كل مره وزعت على الموظفين وحصتي سلمتها الغفران واكيد مااخليها تنزل لان قسم الطلب كله شباب بهيج وقت

توجهت للزياره زرت الامام الحسين عليه السلام،زرت الامام العباس،وگفت مقابيل الحضره اندعي أول أمنياتي الثبات على الأيمان والثانيه انو غفران تصير من نصيبي ياا ابا الفضل أحبها ولان الحب المقدس
راح ابدأ من قوله تعالى((و اُتو البيوت من ابوابها))

ياعباس ياوسيلة الله أنتم باب الله اريد من في قلبي زوجه لي من غير أن أنظر لها نظرة سوء اريدها تكون حليله مثل محلمت يا ابا الفضل
ما أملُك بهاي الدُنيا إلا قَلبي وقَلبي عزيز لا يأخذهُ إلا عزيز فلا تحرمني من قرب العزيز

حيث أدعو ربي مثل مادعى   موسى -عليه السلام- (رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ)حيث ناداك به
بهذا الدعاءِ وكان بلا عملٍ ولا مأوى ولا زوجةٍ، وحين دعا به رزقه الله -عزَّ وجلَّ- السَكَنَ والعملَ والزَّوجةَ الصَّالحةَ،

صفنت على نفسي هلكثر انا راغبه زين ليش وشنو المميز بيها هواي اشوف مثلها لابسات عبائه هواي خجولات هواي خلوقات ليش اله هي

لان هي ذاتَ عبائه حقيقيه
صامِتة وعَباءتها تتكلمُ، رسالية دونَ الحديثِ

اي الحظه الي شفتها ودخلت قلبي من صار أحتفال بمناسبة النصف من شعبان أغلب البنات لازمات نقال يصورن المنشد'واغلبهن بدن يتبسبسن عليه وحتى سمعت وحده تحچي ليش المنشدين وجوهم صافيه
وليش يلبسون ثوب أسود رغم المناسبه فرح

الا غفران چانت لازمه سبحه ألكتروني وتضغط عليها
ممهتمه بلي طلع ولي دخل...بعدها من دافعت عن العبائه بقوه من غير خوف بحيث من ردت اشكرها
نست جنطتها وانا جبتها الها

غفران مو شخص يمر مرور الكرام بحياتنا غفران الها بصمه
وَتلاقَت الأرواحُ عَبر مَنامِها
حُلُماً جَميلاً لَيتهُ لَم يَنتهِ.

طلعت من الحضره اخذت ويايه عصاير حتى اروح البيت عمي اول ماوصلت  البيت عمي، متردد جائز لان فكرت بزواج رغم هل شي من حقي،بس مشاعرهم على بنتهم هو الي مخليني متردد اجيهم واسلم من بعيد او من الباب او بس تلفون

دكيت الباب طلعت فنان سلمت عليها عمي كاعد مثل كعدته القديمه مدد رجله على التخم ولازم الريمونت
ويمه عمتي زوجته تفلس فستق اله سلمت منصي عليه
بست راسه وراس عمتي

-أي عمي شلون صحتك

-زين يابعد عمك وانت

-الحمد الله

اشر الزوجته

-جيبي علبة الشطرنج والطبله
گتلها

-لا عمه کعدي انا اجييه

رحت للمعرض فتحت المجر طلعت صندوك الشطرنج
خليته على الطبله عدل كعدته عمي وگلي

-لاااأا رجع العلبه لان الشطرنج يراد بال مفتح بس ردت اشوفك ترفض تلعب ويايه وعرفت مثل كل مره ترفض نفسك ماتغيرت عشت

_بس للمره الالف تريد تختبرني وهل خابرتني

_لاااااا خابرتك لان گلبي  يگلي انت عاشك

نصيت راسي وكتله

-امبين عليه

-كلش امبين سولفلي
اجت عمتي جايبه بطل مي ناوشتني

-شكرا عمه

-تدلل  خاله

جاوبت عمي على سؤاله وكتله

-مو بسهوله افتح قلبي الأي أنسانه سواء زوجه او حبيبه لان الي جرالي شي صعب..صعب رغم تلث سنوات عجاف وانا مره افكر هي احتركت لو لو لو هواي افكار براسي

بس تاگدت وتیقنت انو لا بد من مرور  فترة زمنية مُعينة على أي جرح ،او گسره اوموقف یعني مفادني لا الحبوب،لا علاج الوقت والايام هي تعالج

-وهسه قررت تفتح گلبك لو گلبك وبيتك

-گلبي وبيتي

-ريحتني بويه لان خفت يصير شي وانت ممزوج واتحمل ذنبك

مديت ايدي اله

-اندعيلي عمي

-يارب

-اترخص لان تعبان

-بعد وكت

-ابويه ماله خلك تعرف بيه

سلم عليه
طلعت اروح البيتنا اسوق وفرحان عمي ماضايج ولا نافر فكرت ارتباطي،رغم يحب بنته يوم عن يوم عني يثبت الي هو احسن رجل

وصلت للبيت الكل نايمين انا هم مجرد نزعت شمرت نفسي عل  الفراش مكدرت انام اتگلب یمنی یسری ماکو گمت اتوضيت صليت كمت على صوت امي تسوي سحور رحت اساعدها..

رتبنا صينية السحور تمن ماش وروبه الابويه وانا قطعتين همبركر..وامي بس كوب حليب ...
.
احس أول أ تسحر ويه أهلي مثل المراهق الي عنده حبيبه يستحي يجچي بيها گلت بسم  الله 

-حجي اريد أزوج

_هاااا شگلت

_مولاي اريد أزوج

-اي فرحنا يابعد ابوك وانشاء الله بلخير،عليك
اشوكت ومنو

_وحده ماتعرفها

_وحتى لو مااعرفها انت تعرف شنو تختار ربي يوفقك ياابني بس الموعد حتى نروح نتوگل

-أنشاء الله اليوم الصبح  امي تروح وعندي العنوان وحتى اذا صارت الخطوبه يكون بعيد رمضان لان انا صدقٱ يابويه احبها

نظرات امي وفرحتها وابويه ..خلاني اردد دعاء تيسير الزواج

إلهي من لي ألجأ إليه إذا لم ألجأ إلى الرّكن الشّديد الذي إذا دعي أجاب، هب لي من لدنك زوجاً صالحاً، واجعل بيننا المودّة والرّحمة والسّكن، فأنت على كلّ شيء قدير، يا من قلت للشيء كن فيكون، ربّنا آتنا في الدّنيا حسنة وفي الآخرة حسنة وقنا عذاب النّار، وصلّ اللهمّ على سيّدنا محمّد وعلى آله ال محمد

غفران//
ضوجتي على وضع عقيله ومرضها والدكتوره ابد مطمئنه أدكول صوتها يرجع من هي تريد'اضافه صحة أبنها ماجاي تصير زينه...ألعلويه أم عامر اذتها ومحد خلاني اروح أسحلها

والقهرني أكثر زهراء اخذت ابن علي اخويه وهي تعرف أحنا متعلقين بيه خصوص ابويه سوده عليه

هواي امور خلتني تعبانه والتعبني سيد سلمان يعرض عليه الزواج..واني عقلي ابد ميستوعب'اريد شي يخلي يطفش مني حاله حال القبله

ااخ ياربي گل الطرق جربتهن خلال الخمس سنوات
بعد ماعندي اي طريقه وماما تعمل عمايل بيه شلون ربي لازم أشوف سالفه منا منا

رجعت للغرفه خليت امي وابويه وحدهم يحچون افکر بسید سلمان لیش خطبني من دون البنات واغلبهن احلى مني واظرف

انه الحد الان ممستعده للزواج هواي أفكار اقتحمت راسي كعدت على صوت ماما تجهز السحور'رحت اساعدها تسحرنه ويانه منتظر اخويه گلي

_ابو شامه تدرين من. يريد يخطبچ

عضيت اله شفه حتى مايحچي يم ماما بس هو غلس گالت اله ماما

_أي منووو منووو بلگن يقبل بأختك

ضحك. ابوي على حچايتها گتلها

_يمه رحم الوالديچ عتقيني والله ماريد ازوج گوه

طكت ايدي

_ووولچ جوارينه بنتهم بكدچ وعدها ولد بأول بتدائي

_أي وذا يجوز يرسب ومايروح للثاني

عضت ايدها

._ولك أحچي منتظررر منووو هذاا أنا اروح اله حتى لو بس يحچي

گتلها وانه مضجوره

_يمه ماما عفيه مااازوج

_اله تزوجيني

جاوب منتظر بضحك وهو يگوم

_يمه جوارينه أبن بيت صفاء

_قصدك الولد الكصير ابو تريله

_اييي هوووو المهندس

عطت بيه

_يمه كصيررر معليه ماااريد والله مااحب الكصار

جاوبتني

_بس يلبس جواريب ويه الحذاء. اسكتي لا اسگتچ انااا وانت أبوهااا أضحك هذا ضحگه مشجعهااا
گمل يمه منتظر شلون فاتحگ بلموضوع

_يمه گاااال انا من زمان اريد اناسبگم ومتردد

_وانت شنو گتله

_گتله منو تقصد بس لا على غفران الخبله

ضحكت اهز حواجبي الأمي وهي لازمه خاشوگه خشبيه گالت المنتظر

_ولك أكووو واحد يگول على أخته خبله جدام الناس ولك أختك تفررر الدنيا کلها ما گوو بندارتها بأخلاقها بأدبها ووولك مريضي

_يمه هو گله خبله يعني أيسي گاعده على گلبچ شدگول بابا

جاوب بابا

_أمچ تريد مصلحتچ بويه ليش تحرگين گلبها

_والله مااحرگ گلبها اريد أبقى يمگم

گال منتظر بضحك

_يمه عوفيها وذا راح تدخل بثلاثين بعد محد يگلبها

لزمت راسها ماما وتولول

_يااااحظي وصل البنيتي ووولچ وتااالي

رديت

_الله الوالي يله اروح اصلي صلاة ألليل وانت بابا الله يساعدك اشلون حاملها

گلت هاي الحچابه بضحك وشردت توضيت مددت سجادتي صليت صلاة الليل وفتحت اقراء شطر من ادعية السحر

((إِلهِي وَكَمْ مِنْ حاسِدٍ شَرِقَ بِحَسْرَتِهِ وَعَدُوٍّ شَجِيَ بِغَيْظِهِ، وَسَلَقَنِي بِحَدِّ لِسانِهِ، وَوَخَزَنِي بِمُوقِ عَيْنِهِ، وَجَعَلَنِي غَرَضاً لِمَرامِيهِ وَقَلَّدَنِي خِلالاً لَمْ تَزَلْ فِيهِ، نادَيْتُكَ يارَبِّ مُسْتَجِيراً بِكَ، واثِقاً بِسُرْعَةِ إِجابَتِكَ مُتَوَكِّلاً عَلى مالَمْ أَزَلْ أَتَعَرَّفُهُ مِنْ حُسْنِ دِفاعِكَ، عالِماً أَنَّهُ لا يُضْطَهَدُ مَنْ آوى إِلى ظِلِّ كَنَفِكَ، وَلَنْ تَقْرَعَ الحَوادِثُ مَنْ لَجَأَ إِلى مَعْقِلِ الاِنْتِصارِ بِكَ، فَحَصَّنْتَنِي مِنْ بَأْسِهِ بِقُدْرَتِكَ، فَلَكَ الحَمْدُ يارَبِّ مِنْ مُقْتَدِرٍ لا يُغْلَبُ، وَذِي أَناةٍ لا يَعْجَلُ، صَلِّ عَلى مُحَمَّدٍ وَآلِ مُحَمَّدٍ وَاجْعَلْنِي لِنَعْمائِكَ مِنَ الشَّاكِرِينَ،وَلآلآئِكَ مِنَ الذَّاكِرِينَ)

گملت نمت الى ان صار الصبح كعدت اتهيء للدوام
بدلت الخط اجى ونطلقت اول مانزلت صار بوجهي سيد سلمان هستوه نزل من سيارته نصيت راسي دخلت وهو دخل ورايه كال

-السلام عليكم ست غفران

-وعليكم السلام استاذ مشيت سريع
دخلت لغرفة وشفت ام دنيا عايفة ايدهة على خدهة
صبحت عليه

كتله
_هااااا خاله اخيرچ شو صافنه

- غفورة حوافز تاخرت منتضرة يخابر الأستاذ سلمان وروح استلم

-هوة اليوم تستلمون وجيبي ثلاجة العروس جديدة

-اي غفورة مسواگي ضال مطشر  لأن بعد مو مال اصلحهاااا والله العيشه اتعب

من غير العروستنة  عطلت ضليت تايه وهل متانية حوافز انطى قسم ويبقى قسم كل شهر

-على طاري العروس غير امي  حاجتني بارحة هم جايني عريس  وهل مرة مصممة انو أوافق واني كارهة روحي  مااريد أزوج تعرفين مايحتاج اشرح
ومناا أمي فد مره صحتها وگلما ارفض تتمرض وتضغط عليه

_اي حقها ترى أم ياعيني

_ووياچ خاله بس مجاي أگدر

_موووو أنتي مجاي تحاولين

_شحاول والله هم بعازتي أكثر أنا ايدهم ورجلهم

_وهو لان بعازتچ يردونچ تلتفتين ألنفسچ

_مووو وگتها كلش

_ليش ياستار

_زهراء وجة اخوية علي الله يرحمه  ماخذة ابنه ومزوجة ومندري بيها وامي صايرة نار

-الله ساعدها على فراك حفيدها الله يعين أبوچ وين ماخذته قابل تزوج بغير محافظه

_لاااا ام دنيا بس زهراء من زمان احنا من رحنا نتقدم الهم ماشاء الله بيتهم يعادل بيتنا تلث مرات بحيث متوقعنه ينطوهااا بس ابوهاا كلش يحبها وافق لان عرف بنته تحب أخوي

_قصدچ الخذته هسه غني مثلهم

_أكيد والا منو يگدر يطلع بطفل دون وصايه وخاصه للأردن هسه لو غير دوله

_يعني هناك تبقى عايشه

_لاااااا. بس أعتقد يريد يضيع شاش ابو زهراء وگال هيچ هي سفره حسبت شهر شهرين

_اشلون عرفتي

_استبطت من كلامه وتوتره وگلي خل بنتي تشوف حياتهااا

_يعني الچ نيه تحچين ويه زهراء

_أي انشاء الله وقريبا بس خليني أتخلص من هاي القسمه الجايتني

_يابنتي امچ حقهاااا أتفگر أبمصلحتچ بس الانسب الج اشوف الاستاذ

_يااااا أستاذ قصدچ

_أستاذ سلمان كامل والكمال الله حرمات أضيعي من أيدچ وترى يصبر عليچ لحد ماتتعودين عليه

_شنو يصبرر وشيصبررره صدگي اظلمه الياخذني

ردت عليه
أنشوف قسمتج وين أصير وربي يهديچ على سيد
لأن مخليچ باله

رن تليفون مكتب وجاوبت ام دنيا کالت

_اي اي جاية سدت خط

والتفتت اليه

_هذاااا سيد سلمان كال أجى الخير واخيراا وصلن ارباح البضاعه والنه منها جزء

-بلعافية مقدمااا

طلعت راحت تستلم
كملت تعزيل ملفات  ساعة  واجت وجهه فرحان گالت

_عيوني غفران هذا الضرف ألچ  وهل مرة انتي ويانة أسمچ...ويانه بل سله الغذائيه وهسه بلأرباح ياعيني ياعيني على الحب تحچي ووتغمزلي بحواجبها

كعدت على الكرسي نصيح

_ بركاتچ ياشيخة

تعجبت اول مرة استلم شي مو أليه هل شغلات بس موضفين القدماء ماتقل خدمة اقل من سنتين

كتله بضوجه

_هاااااا خاله شنو سالمين شكو تغمزين هسة تلكينهم غطانين بلاسم السله الغذائيه کلت شي بسيط بس هيچ لاااا  اروح  أشوف اكو خاف غلط 

صاحت
-وين رايحة الاستاذ طلع  وماكو غلط بس انتي غفران وابو الاشبال جاي يشوفچ  أتعبين 

كوني طيبه غير حقوده

لـ يجمعك الله بنصفگِ طيب
فـ الطيبون للطيبات

ورزق والله جابه الچ  نكمل شغلنه واريد اروح اشوف امج مشتاقة الهة

-اليوم شعدج تتغامزين ومن شوگت تعرفين أمي هي مرتين مدري تلث مرات تشاوفتن

_ياااا متقبلين اجي

_لاااا العفو  اهلا  بيج

كملنه شغل وطلعنه بلخط  وصلنه للبيت اول مدخلت صحت
يمة يمااااااا  وينج وين ام البيت جايج خطار

طلعت امي بلمطبخ وبعدة العلك الاخضر مشدود يعني امي شادة العزم عليه ومنا ابن اخوي صاير وجه اصفر والعيون مغوركة

ردت عليه ...
شبيج جوعرين من باب ماتعرفين توصلين وتحاجيني
ماتعرفين اني مريضة وقهري  مكفني وفوكاه قهرج وعنادچ

ماجادلتها لأن مبينه واصله كلش وياه ومنا ام دنيا
بس گتلها

_ ام دنيا جاية أشوفچ

-غير تحجين من اول هلا بيهة

دخلت ام دنيا وكعدن بصالة  ترخصت منهن ورحت للغرفة  گملت تبديل ورجعت الهن
ونضرات امي تخوزر بيه

حجت  بكلبي دخيلك ياعلي شسمعت

ام دنيا كالت اترخص  وان شاء الله  اريد ابشارة ام علي ابشر   ألسيد
ضلت صافنة فاتحة حلگي أمي الباب واني أدور بلبيت وين أختل من أمي تعصبت وشجاب سيد بلموضوع  طلعت وصلناه لباب  وامي تتنهد وتكول الأم دنيا

_ أيصير خير وين اكو احسن منه وتباوع عليه وتخزر

سدت الباب ورجعت حاجتني بنتررر

_تعااااااي يااااقهررري ياااابلائي اليوم سيد مديرگم مكلف ام دنيا تحاجينه غير تنطينه خبر يريد يخطبچ

_مووو

_مووو شنووو ولچ مسولفه يم وحده توصل اله كلام انتي جاييچ خطابه حتى بسمع مووو وهو  واصلة حجي انتي راح توافقين حتى ما يتقدم ولا يدز اهله
گووووولي

-اي يمه اااااي أنه  اليوم حچت الام دنيا على  ابن ام حاتم وكتلهاااا رفضت  وهوة هم رفضتهااااا وكتلها برفضي وسولفت الوحد جارتهم أنا قارين فاتحتي من اسبوووع اي انااا

_لييييش ولچ

_مااريد

-شنو ترفضي ولچ تردين تموتيني وچ احسن قسمة اجتچ  كتلچ وراح اكلچ ماكو بعد رفض حتى لو غصب عنچ توفقين

متحملت بقت أدموعي تجري لأن اووووول مره امي تحچي  ويايه بحديه وغضب عاد بچيت گبالها

_يمة يمه مااااااااااريد ازوج گلبي مو اليه ماااأكدر فدوه الگلبچ لاااا تجبريني يمه فدوووه

جريت ايدها بستها نترتها مني وعاطت

-مووووووو بكيفچ بعد ماااااااتجي قسمة مثل السيد والسنين تمشي وانتي لاحاوية رجال ولاطفل سند
من بعدنه منو الچ

توسلت بيها

_يمه فدوه يمه  شنو رجال والولد سند للمرة غلطانة يمة غلط

_رووحي من يمي لا اغضب عليچ

صحت بصوت رجاء

_يمه  ماااااازوج مااااااكو غصب  حرررام حرررام

وعفته ومشيت خطوة

اول مرة أتسويهة امي بيه جرتني من ايدي والافتني عليها وبصوت  عالي  وجسم يرجف وشفايفه صفر

_غفرررران  تزوجين وغصبن عنج  أن رضيتي أولااا

نسيت نفسي وقهري على أمي وحقدي على سيد سلمان بسببه إمي هيچ تحچي ويايه بغضب جاوبتها

_ماااااقبل بيه لووو اخررر رجال بدنيا لاااان خلاچ تغضبين عليه وانا أوووكف بوجهچ

ماااحس اله الايد الي دوم تشاقيني وتتلاشا ويايه وتحضني تنرفع وتضربتني راشدي احست اذني صفرت

‏أحيانًا أقول أن قلبي لن يتحمل حدث معين، ولكنه يتحمله اقول لن اصبر لكن اصبر أشاهد قلبي يتحول إلى قطع صغيرة ثم يعيد بناء نفسه دون تدخل مني

#يتبع