رواية عشق المومنين(أبناء الساده) الفصل السابع وثمانون 87 - بقلم نازك الحمراني

السلام عليكم...
........
رعد/
اول مادخلت لزمني الشرطي واخذونه اثنينه انه وسلمان خلونه بالتوقيف سوية... گعدت يم سلمان حسيت السالفة. گبرت

-اعتذر وگعتگ بمشگلة چبير

ـ لا رعد لاااا تفگر هيج همة البدو لاعبالگ ساگت هسة يجون عمامي وعشيرتي ويطلعونه

ـ يطلعونه!

ـ احد گلگ انا ناقص؟

ـ لا محشوم

ـ انت انسجنت علمودي مو سلمان الينگر الطيب

ـ والنعم من اصلگ

بقينة گاعدين ننتضر شراح يصير سمعت

انفتح باب السجن دخلو علینه اثنین زلم من العارکونه

‏يُقاس العشق والإيمان والإخلاص في ميزان البلاء،
فمن كان إيمانه أكثر فإنّ بلاءَه أعظم.

گام سلمان ويه كومتي يهمس

-شبسرعه غافلتني وكفت ماینلامون بیك
من يصحولك عمود كهرباء

-حبيبي مووووو اكلك عسكري ولازم على طول أكون مستعد الااااي معتدي ولاي هجوم اعتبرني ابروسلي وهيج شي

-اي خوش ليش لا هسه دفكرر ويايه

-غير اعرف بيمن تفكر حتى افكر وياك بس ياااخي الحر موت احمر والسجن ضيك وريحة ذول المساجين مگبره رحمه الاهلك ماتشتم

-ساد خشمي زين وثانيا انت عسكري اشلون تكش من ريحة وبسطالكم يگعد المیت من گبره

-ههههه بعدك تذكررر

-هوو انسى ماتستحي اجيتني الظهر ومن الدوام وگبل نزع البسطال بطارمه وانه گاعد اسحب ماي بحلگي من صوندت الماطور وانت نزعت بسطالك يم خشمي

-بووويه ضحگتني تسحب ماي وجهك صار احمررر بس لاااا حاقد عليه من ورى هاااي السالفه

-لاااا معود حاقد عليك عل اكبر من هل امور دفگرر شنسوي ونقالاتنا عدهم

-نشتري مكالمه من اي احد وخبر اهلك

-لااا هووو الحل هم نتعارك بسجن

-انت ماخذك الواهس بلعرك حقك لا مرمرايه فاشختك ولااااا نسحلت جدام أختك ولا اجتك طلقه تايهه بس گول تعلمت بس اطكني واسكت لان

-لان شنووو ولك

-لان صاحبي واخوو دنيه شكلت قابل

-مبين خووووش صاحب..هسه ذول مااتعارك وياهم لان يردون يحقونا

-والله مابيه بعد ولا طگه انت تعارك اريد انا اريد الحيل للزواج

-ولك عيب هل حچي استرجل

-هااا مو رجال قصدك

-لاااا حشاك بس قصدك هسه تعوفهم عليه وحدي لا ياصاحبي ماتوقعتها منك

صاح الشرطي

-اشعدكم تحچووون سووه هااااا

-ابو خلیل سالمین

-تقلد حضرت جنابك وانت طولك چنگ واحد یشمر اچفان...يله کعدوو مالنه خلك ولبسوو كمامات زين

سلمان ضحك

-احسن الك حصلت حچي

-يااخي الناس ضاغطهم طولي مسبب الهم عقده نفسيه رغم قريب الطولك بس محضوظ انت

-هسه شنسوي وذول يخزرونه

-مانسوي شي ان هجمو نهجم..كعدو عقال نكعد عقال
.
نظراتهم بدت صوبنا ويشمرون بلحچي توجيت على الحايط فرحان لبالك مو سجن لان سلمان يسولف ويضحك واظن ام البنين وابنها سبع الكنطره نطوني مراد همست بداخلي(ياابو فاضل ماااقصرت)

ردت اغمض عيوني سوالف المساجين ماتخلص كل واحد وطلابته مادوخنهه بيها واكثرهم واحد مراهقه ماخذين دراجته من عنده لان طالع يجيب صمون وخلصها بچي علينا

درت وجهي وكفت طلعت جكاره ردت اورثها حتى ادخن..صفن علیه المساجين اليم باب الحد الزويه لیگول مطلع سلاح کیمیاوي اشرت بيدي الهم معنى شكوو

عاط سلمان

-خش جكارتك خشهااااا مالنه خلك ادخن ويجوز بيك كورونا يله البس كمامتك لااااا تعديهم الكل ابتعدو من عدنا حتى اهل الطلابه راحو بزاويه السجن خليت الجكاره بحلگي كعدت يمه اضحك

-هااا خووش درب هسه احنا بامان ههههه

-اي بامان يبوو جكاره بركات جگارتک

اشوي وصاحو بئسمنا

كمت بسرعه باوعت من فتحت الباب شفت ارشد صحت

-ارشد ارشد

يحاچيني من بعيد

-هاااا شلونك

-وولك زين بس شوكت اطلعني

-شطلعك هووو حتى ماخلوني اقابلك انت گاتل منوو غير افهم

-ماگتلت احد بس رفسته

-وهاي رفست مال اوادم تتعتقد

-لاااا رفسة ثورر شصایر

-الرجال مکسره اثنین من سنونه والتواء برقبته يله رايح اشوف اشلون احلها

راح ارشد ورجعت یم سلمان بقينة گاعدين للعصر واجة الشرطي علينة گال راح تطلعون احتمال باجر يطلعوگم بگفاله...

-گوول والله

-والعباس الضابط قبل گفالتكم

تمددنه بلگاع وفعلا بقينة ليلة. ويوم بالتوقيف طلعونه بگفاله...اجی ارشد علینه سلم سلمان مد ایده تشکره من وری خشمه گال ارشد

-حمد الله علی سلامتگم

-الله یسلمك بس اشلون طلعتنه

-من كالت اليه نوره اجيت وتلاگيت وية عشيرة سلمان خابرت عمامنه رحنا الاهل الولد الضربناه وتفاهمنه وياهم لان عمهم كال ولدنه همين غلطانين

رد سلمان

-اشلون غلطانين

- خابطة عدهم السالفه جايبين سيراميگ من غير مگان ماخذي وذابي عليك وعبالهم سيراميكك هو المكسرر

-وشنو قررو

-اعتذرو لان خوش شباب و طلعو اهلهم خوش اوادم واعترفو واتنازلو وطلعوگم

-والكفاله

-لاااا مجرد رسوم مشيناها

طلعنة من المركز مد سلمان ايدة الي حتى يصافحني ماصدگت عيني ومديتله ايدي وتسالمنه...

-مبررروك برائتك

-الله يبارك بيك بس تحسسني متهم وثبتت برائتي

-طاح الحطب

-لا موو كله بقت كم خشبه

تسالمنه هو طلع ويه ناسه وانه مشيت ويه ارشد رجعنة للبيت ..

لگيت نورة وام ريتاج وجهالهه منتضريني دخلت سبحت وطلعت گعدت يمهم وگعدت اسولفلهم على الصار

گالت ام ریتاج
ـ انت مخبل صااحي ووولگ منو يسوي سوايتگ تروح تچیت على واحد وتنزل بي بوگسات مفلش ضلع بي على شنوو انت فتهمت شصايرر

ـ لا والله ولا ادري شصاير بالتوقيف سولف سلمان وعرفت

ـ وليش ررحت هو معتررف بيگ حتى تسوي لخاطرة هيج معقولة گل هذا علمود مرررة

ـ سلمان اعتبرة اخوية حتى لو اختة مو بيناته وشفته بهالوضع همين راح اچيت وادافع عنة

ـ بس هو ميسويهه لو شايفگ بنفس الوضع

ـ لان الشافة من عدنة مو قليل...

ـ عود شنو هسة راح يقبل يرجعلگ مرتگ؟

ـ ماگطعت الامل وان شالله هالشي يگون سبب برجعتهه الي

ردت نور

ـ صح الصار صعب والله ستر منه بس والله صار عندي امل جبير مريم ترجع

-اشلون یختي

-شوف رعد مرات الشعور بالألم،والقهر شي مفيد ينطيك دفعه وحافز انو أتتقدم أحسن شي عندك بحيث ينطيك حياة

-أشلون مثلا

-يعني مثل الشخص مُصاب بالشلل يبلش
العلاج وياه راح يفرح إذا حس بوجع لأن هذا مؤشر جيد أنو العلاج ينفع وياه وأنو أكو أمل يتشافى بسبب الألالم

ردت ام ريتاج

-والله يامريم صايره أمكانيه وتفتهمين وحچیچ یوزن بلد

-الدکتوره النفسیه تراویچ دنیا غير هاي الدنيا لتشوفيها..تحسين الطب النفسي شي راقي واراقى انواع الطب بس معرف
الناس ليش متحذره منه

-اي حتى ميتهمون بجنون بس والله على حچیچ بلگي صدگ وتنجمعون على خير ونفتگ عاد من خبال رعد وسوالف الحب

-یارب یاام رتوجه تعبت وماعرف اوصف
الفرحه بداخلي رغم چنت بالسجن بس احس براحه نفسية ماحسيتهه من شهور طويلة..

-ياااا من السجن مرتاح

-اي والله من يوم النخطبت مريم لاخوي وصارت الي وتفارگنة صار عندي امل گلش قوي الايام الجاية راح تجمعني بحبيبتي...

-الله ینطیك على كد نيتك انت تستاهل وحتى نواره تستاهل وفرحت بيك من دخلتها دورة خياطه

-تدلل نواره هاي خيتي واصلا وجهه خير عليه مرتين الله ينقذني من الموت بس رب العالمين الخاطرها خلاني عايش

تغدينا وسولفنه هوواي خاصه ويه نواره لان من يومين دخلتها دورة خياطه وجاي تتعلم...مر اليوم بين الشغل وبين ارتب اموري اخذت نوره الطبيبتها قبل لانطلع

گالت الطبیبه

-وقفت جزء من علاج‌ اختك وحسب متبين بتقارير نواره معالم نواره الانثويه بعد تكاملت بشكل طبيعي

-صدك دكتوره

-اي صدك وهسه هي برحلة التشافي كيف هيه راح تتخيل نفسها وحقيقة نفسها

سكتت وغلست لان نواره خجلت من الحچي والدكتوره تشرح عن جسمها

طلعنا من الطبيب رجعنا مشي انا ومريم اشترينه ايس كريم ناكل بشارع گتلها

-مرتاحه بلدوره صاحبتي بنات

-اي مرتاحه بدوره بس مگدرت اجامل اي ابنبه والحمد الله سبحتي بيدي وكتاب الزيارات بيدي من اروح ومن ارجع بحيث مااسمع شنو يسولفن او يحچن

-خیتي الحلوه ام العبایه الزينیبه اشلون تخاف على عرض اخوها هيچ الله یتمم علیچ العقل

-والله یارعد تحس البنية المحتشمه الها وقار وهيبه وگشخه تختلف عن غيرها من البنات وحتى كرامتها ومقاامها عالي بين الناس

-اكيد الحشمه والناس تحترمها خصوص الي صوتها حتى ممسموع بس شنو صار

-البارحه من رجعنا ويه ابو الخط كالت ااه بنيه

-خوويه بلگت تشغل أغاني النه ضوجه
بس ابو الخط ماقبل

-ليش شعجب

-گال للبنات لا عيب اشغل اغاني العلويه
هنا وعيب ما شغل الاغاني احتراما الها وللسبحه ولكتاب الادعيه الازمته بيدها

گالت ام الدوره

-ماعدنه علویه هنا بسیاره

دنجت بین الفرحه بین خجل لان وصفني
بوصف العلويه الملتزمه والخاطري مشغل
اغاني

-الله يحفظچ يا انقى اخت

-ویحفظك اخوي
رجعنا للبيت ورب العالمين يسهل كل صعب گلشي چنت خایف منه جاي يسهل اليه رغم فرحان المريم بس افكر بسيد راضي لان طول عليه...

اول مادخلنه اتصل عليه سيد راضي راسا رديت عليه متلهف

ـ السلام عليگم ياهلا سيدنة

ـ وعليگم السلام .. شلونگ اخبارگ ابني

ـ واالله على الله الحمد لله

ـ شسويت ماسويت بسالفتگ اشو السادة. يگولون خابرناه وماحصلناه ميرد

ـ گعدت احجيلة الصار ويايه

ـ سالفتگ مو مال تلفون تعال باچر العصر يمي وسولفلي گلشي بلگي الله وتنفرج

ـ ان شالله سيدنة امر عليگ ليش لا..

الليل طويل وذكرياتي ويه مريم ماتخلص بعدني بنفس حبي الها ومكدرت اعوفها رغم سوالفها المرمرتي كلبي

الصبح طلعت للشغل ️والتهيت الى ان صار العصر تغديت ولبست ورحت لسيد راضي ضيفني وح چيتلة گلشي...

ـ اذا هيچ فمعناهه سهلت وصارت بالايد .. وية السادة الناخذهم ان شالله اتم شغلتگ

ـ الله يسمع منگ سيدد

ـ اوگف خلي اتصل عليهم...

طلع برة واتصل على السادة ورد رجع اتصل على سيد سلمان گلة. احنة السادة نريد باجر ساعة سته العصر نمر عليگ للبيت

حسيت نفسي بحلم معقولة راح تسهل وگلشي ينصلح...

احس الثواني الدقايق متمشي طلع الصبح ايدي ما اخذت شغل مگابل المحل وانضف بي بس مشتغلت بالسيارة ..گاعد وانتضر شوگت يصير العصر..

لبست وتعطرت رحت طاير لبيت السيد اخذته بسيارتي لبيت السيد الثاني الگال الة گلمتة على العشاير وردينة رجعنة لبيت سيد باقر رغم صارلة. فترة مضروب جلطة من يوم وفاة حفيدة خطيه شوي متحسن يگدر يمشي ومتوجي على عوچيته...

رحنة لبيت سيد سلمان ممصدگ روحي
.رديت وگفت اباب بيتهم بدون خوف...

نزلنة انا والسادة التلاثة ورحب بينة سيد سلمان وابوه.. والضاهر سيد(حیدره )
يعرف سيد سلمان گلة استاذ وسلام بيناتهم جان گلش حار وحتى ابو سلمان طلع يعرف هالسيد..

نضرات سيد سلمان بيهه عتب وبيهه سماح ما اعرف شلون اوصفهه بس اهم شي نضراته مو جارحه
دخلنة وضيفونة وصار الحجي واول شخص حجة هو سيد حيدره گال

ـ ولیدي سلمان اعرفك ابن حموله وطالب حوزوي ملتزم والعيبه ماتطلع منك بس سمعنا من رعد.. هسة واجبنة نسمع منگ او من الوالد الله یحفظه

رد سيد ابـــو سلمان..

ـ انا رجال مريض ابني هو اليحچي بدالي

سلمان گال

ـاتشرف بجيتک سيد حيدره وبعد اذن ابوي گل الحچاه رعد والذكرتو صحيح مازيد شي ولا نقص شي بالعگس نقلة بالحرف

-زين كووول العندك وليدي

ـالعندي هوايه امور ماممكن اغفل عنهن

-وانا اگلك صعب والسوو اهل رعد خطأ وعيب ينحچي بي بمجلس.. بس يا ابني ميجوز نمنع اثنين متزوجين من بعض هذا مخالف لاحگام الله

ـترى الموضوع طالع من الغيره والحميه

رد سيد باقر
ـ شنو الصعب گول ابني خل نتفطن

همست بداخلي بقهر شحچي اگلة صديقي مصادق اختي ..اتنهدت وگلت اله

ـ لا سيدنة سوالف عادية

رد سيد راضي
ـ اذا سوالف عادية يعني تگدر تتغاضى عنهه لخاطر جيتنة على الاقل

ـجيتگم على العين والراس سادتنة. انتو الخير والبرگة

رد سيد باقر
ـ انا اجيت وادخلت من عرفت انتو چنتو اصحاب سيد مهدي .. شوفة عينگ حالتي بعدهه تعبانه والمشاگل جبل فوگ راسي ورغم هذا اجيت ارید اجر وثواب جیتي لوليدي سيد مهدي مايحب الوحده عسى گبره یتوسع علیه بفعل الخیر

هم اليوفق راسين بالحلال اله ثواب چبير فگيف حال باليرجع اسرة لبعضهه ويمنع هدم بيت والعرفته الزوج وزوجته واحد رايد الثاني

يعني تمت موافقة الطرفين وهذا اهم شرط بشروط الزواج تمت بينهم...
فميجوز نمنع اثنين متزوجين من بعض هذا مخالف لاحگام الله

ـ الواقعه جانت بوقتهه گلش صعبه عليه وبعدين اگتشفت هواي امور صعب اعديهه سيدنة

رد سيد باقر
ـ شنو هي هاي الامور ابني احجيلنة خلينة نفتهم ارأء الاگبر منگ بالعمر اگيد تفيد بهيج موقف والرسول عليه الصلاة. والسلام يگول ( ماخاب من استشار)

اتنهدت وگلتله..
ـ لا سيدنة يعني سوالف عادية مو مال نحجي بيهه

رد سيد راضي
ـ اذا سوالف عادية يعني تگدر تتغاضى عنهه لخاطر جيتنة على الاقل

ـ جيتگم على العين والراس سادتنة. انتو الخير والبرگة

رد سيد باقر
ـ انا اجيت وادخلت من عرفت انتو جنتو اصحاب سيد مهدي ..
وگلشي من ريحه المرحوم يحسسني هو بعدة يمي واسعی اله حتى لو جنت تعبان..

شوفة عينگ يا ابني حالتي بعدهه تعبانه والمشاگل جبل فوگ راسي ورغم هذا اجيت الولد شاري اختك

ـ جيتگم على العين والراس.بس انا جنت محمل عتب بگلبي عليه وعلى اهله الوثقنة بيهم ميهون عليه اتقبل الصار ولا استوعبة يمگن تتصورون مگبر الموضوع بس مو بيدي

رد سيد حيدره

ـ رعد گلشي حجة لسيد راضي والسيد حجالنة بالتفصيل الصار. . صح صعب الصار وياگ بس مو مستحيل تتقبلة

خصوصا الزلمة ومرته واحد رايد الثاني ليش توگف بطريقهم وتشيل خطيتهم وذنبهم الانسان شنو ماخذ من هالدنية غير الچفن الابيض واعمالة يا ابني

وليوگف بطريق اثنين متزوجين وليسعى لتحطيم اسرة عقابة مرعب بالاخرة الانسان بحر هاي الشمس ميگدر يوگف ربع ساعه شلون تريد توگف يم حرارة جهنم..

انت سيد يا ابني وانا مدرسگ واستاذگ واعرف اخلاقگ واعرف شخصيتگ و طبعك لا تغبن نفسگ وتظلمهه بالقساوة والتطرف بالشعور..

-مو تطرف سید

-ولیدي يعتبر نوع من انواع التطرف والتعصب بالاطباع والسيد لازم يگون قدوة بأخلاقة وسماحته ..

رد ابو سلمان

ـ بس ابني ما غلط من تصرف هيچ وياهم انتو عرفتو شسوو ببنتي شحچو وتالي زوجوهه على هواهم

رد سيد حيدره

ـ لا منگول غلط ولا احد من عدنة يعتبرة اخطأ بالعگس لو احنة بمگانه سلمان چان اتصرفنة نفس التصرف

لگن بعد مرور هالفترة والاشهر والشاب گلشي سوه علمود ترضى عنه توضحت والصورة صار ضروري نتمسگ بأية
( ولاتزرو وازة وزر اخرى)

رد سيد راضي

-اي وليدي لازم تتقبل فكرة رعد هو زوج
اختك مريم ولو ماشاري خيتك مايبقى كل هل فتره يدز ناس عليها

رد سيد حيدره
_رعد خوش رعد الكل يحلف براسه صايم مصلي يعرف الله انسان ماعليه شوائب لايدور نسوان غاض البصر

_صعب اتقبل الصار

-هوو شنوو الصعب يابعد عمك....هووو
الله يگول(من عادي لي ولياً فقد آذنته بالحرب وما تقرب إلي عبدي بشيء أحب إلي مما فترضت عليه

«فإذا أحببته كنت سمعه الذي يسمع به..
وبصره الذي يبصر به..
ويده التي يبطش بها..
ورجله التي يمشي بها..
وإن سألني لأعطينه، ولئن استعاذني لأعيذنه)وانت تريد تاذي شخص يعتبر من الناس الخيره ولي ربك يحبه

فا المفروض ما ناخذة بذنب ابوه او بعض اخوته گل احنة عدنة اخطأ احنة مو معصومين لگن قدر الامگان نحاول نبتعد عن الغلط

رد سيد باقر
ـ گلام سيد حيدره موزون وصحيح ميصر تاخذ رعد بذنب ابوه واخوته وخصوصا اثبتلگ هو خوش زلمة واخو خيتة بهاليومين

رد سيد راضي
ـ شو ساگت سيد سلمان

ـ گلامگم لا يعلى عليه بوجود استاذي العالم الجليل استاذ حيدره.. وبوجودگم ياسادة گربلاء شيبقالي من حچي

رد سيد حيدره

ـياالله بيها الخير يعني نقرة الفاتحه ونعقدلهم

جاوب سلمان

ـ سيد انت ابو الاصول وتعرف لازم اخذ رأي البنت مهما يگون هي هسة غريبة عليه لان خلصت عدتهه ف الواجب اخذ رأأيهه واشوف بعدهه تريد رعد لو لا

رعد//الساده يجيبون سلمان منا وهو يطلع من غير درب،اخر شي اقتنع بس گلبي انخمش لان نظراته قاسيه عليه تالي باوع اليه من اجى يروح

هواي حسبات ضربت براسي بس معقولة راح ترفضني مريم زين ليش هيچ حچى وراح معناها مريم حاچية گلشي جدامة

ومعناها بعد متريدني گعدت بمگاني متبسمر عيني على باب هول يگون المح مريم واشوف ردة فعلهه من تشوفني معقولة بهل چم شهر گرهتني معقولة الحب بگلبهه نشال ..

اي يجوز انشال يمگن اگيد انشال الحب لان قبلت تنخطب لثاني نسيتيني يمريم وانا عايش على ذگراچ نسيتيني وانا طول هالشهور بگل ثانية اتنفس اسمچ‌ما اگدر اغفى اذا ما اتخيلج نايمة يمي ...

عيني دمعت وعزت عليه نفسي ودي اطلع ماعرف شنو راح يگون ردة فعلي من يجيني الرفض من مريم وانه بكل هايةالذله والتعب

بقيت اردد اسبعطعش مره ورد تعلمت من رجال چبیر اثناء خدمتي موكب محرم

..اللهُمّ لا ترد لنا دُعاء ولا تخيب لنا رجاء و لا تسكُن جسدنا ولا تشمت بنا ٱعداء وٱدفع عنا كُل هم وغم وبلاء..

كملت باصابيعي ١٧ مره ومسكت نفسي كوه بوجود السادة لازم اضبط اعصابي واتقبل اي جواب يجيني ردت أگوم لزم ایدي سيد راضي

-اهداء ابني ربك يحلها بعد ابوك اهداء

-ماادري ليش خايف سيدنا

-انت تخاف وناگل گل هاي الناس انت رجال وزلمه من صدك وحريمه لو عندي بنت چان قدمتها الك

-تصبر عليه مشكور متقصرر

-لاااا وليدي تعرف اشلون قيمتك موووو لان جبت هاي الناس ولا لان تحب مريتك قيمتك واحنا گاعدین وزلم گاعده من اذن وسمعت صوت الله واكبرر ترخص من عدنا ورحت صليت

-هذا واجب سيدنا الصلاة واجبه على كل مسلم ومسلمه ممسوي شي غريب

-هووو يبني واجب بس الناس گامت تصلي على مزاجها يمتى ماتخلص شغلها
انت ربي يحفظك حتى محلك مره مريت
من يمه لگیتك تصلي..هيچ زلمه خلاني اسعى وارجع المره اليحبهاا..وصخرر كل سيد اعرفه الاجله لان الملتزم ويه ربه يلتزم ويه كل عبيد ربه

سلمان//الموضوع حسيته طلع من ايدي والاشهر الراحت ندمت رعد بما فيه الكفايه اخذ جزاته..جدام كل عشيره جابها
عرفته بنات ناس موتايهة وهيج
يصرفون بكيفهم زوجون ويطلكون عرفتهم وراه سند اخوه يوگف بوجهم ويلاويهم
اذا صار شئ بعد

وهسه اجى الوكت الازم اخذ رأي مريم طلعت من الاستقبال ورحت لغرفة مريم لگيت امي ومريم وغفران گاعدات يسولفن

وگفت بنص الغرفة وعيني على مريم ولا وحدة منهن تدري منو الخطار گل ضنهن سادة جايين يشوفون ابوية..

ريم/من توفى زوج اختهه لغفران چنت ابيت اختي منى رجعت اني وامي لبسنة اسود لخاطر غفران واخذنة سلمان ورة الفاتحه لام غفران وابوهه اخذنة من خاطرهم ولو ماعرف ليش ماقبل ياخذنة للفاتحه

هناگ شفنة ام علي عقيلة خطية شصاير بحالهه صدك تبچي الصخر صفنت عليهه وعلی الصار بیها وجهه صایر خریطه

عرفت اگو ناس احقر من ابو ارشد همين استقوو على بنية وهل مره ابنيه حامل وعدهه جهال صغار

اتسولف ام غفران اشلون اذوها بهالشگل شگلهه ابد ميروح من بالي اتقدمت من شفتهه وگلش تعاطفت وياهه البنية لاحرگة ولا نضرة ابد گلشي ماگو يادوب نفس يصعد وينزل حتى اطفالهه يمها بس ولا عبالگ تعرفهم

رجعنة من بيتهم ويانه الطفلة درة تخبل مو طفلة لعابة اعشق الجهال وستوني راجعه من بيت اختي منى وتعلمت على هوسة جهالهه اتعودت عليهم ف احس روحي اتعلقت
بـ درة..

صرت ويه غفران اسبحهه وابدل ملابسهه و اوگلهه خطية غفران حامل وتعبانة من حاله اختهه وامهه وابوهه ف اني شلت درة بدل عنهه...

مرت سبع ايام غفران تلح علية اني وامي ننزع الاسود بس احنة احتراما الهه بقينة لابسي الى ان اجى هذا الولد صديق سلمان وخطب عاد جبرتني وجبرت امي ننزعه للاسود

من تفركشت الخطوبة رجعت ردت البسه مقبلت نزعتني الاسود بيدهه.

مرة الايام وعرفت اكو ناس جايين لسيد سلمان اشوفه هواي مهتم

بحيث اول مره يطلع ويحضر ابوية لبسة دشداشته الجديدة وعباته چفيته وعطرة وخلاه بالاستقبال گاعد

بهل فتره صرت اي خطار يجي آلسلمان گلبي يوگف اضل اوهوس من ساعه صديقة مناضل الاجى وخطبني وقبل ينطيني

جهزنه الصواني انه وغفران وصفنه تاخذني وصفنه توديني گالت غفران

ـ شبيج مريم

ـ مسمعتي شكال سلمان راح يجونة خطار

ـ اي وشنو يعني قابل جديدة علينة

ـ ليش هيج مهتم بيهم خاف همين خطابة

ـ لا يمعوده ماعتقد جان گال السيد

ـ ليش هو حچة شي عن صديقة هذاك مو قبل يوم عرفنة و شفنة امه واهله فوگ راسنا ثاني يوم

ـ لالا ولجپچ ما اعتقد خطابة

ـ عفية اني ماصدگت خلصت منهم واتزحلگو

ـ طالما نطاچ كلمة ميزوجچ غصب فلا تخافين

ـ هو مااخاف بس تدرين من اجوي النسوان يخطبني بلبدایه الي هنه عماته حتى هلهلن لان حبني بس من اجت امه هانني فمن رجع سيد سلمان گال اشوف الولد شيحچي متت قهر وگلبي انقبض گلت السيد يريد شلون ماچان ينطيني

ـ شتعرفين اخوج هيچ طبعه؟

ـ لاااا بس خوفني كال انتضر خبر من الولد وگال ننطي فرصة غسلت ايدي ياغفران

ـ اي بس شسوة ثاني مرة

ـ شنو شسوة مو قبل بي وخلاه يتقدم هو وجاب اثنين من عمامه

ـ صح وياچ خلاه يتقدم هو وعمامة بس من شاف امه وخواته حچن مو نفس حچي عماته لاقبلن يهلهن ولا يسون شي يدل للفرحه شسوة يامريم

ـ غفران تغشمين نفسچ مو اجوي هو واهله مرة ثانية

ـ ااااي بس من شاف امة وخواته هيج مسيطرات شسوة مو طردهم وگال عنه مو گفوهه لان خلف بگلمتة وراح گلة ماعدنة مرة للزواچ

ـ اي بس بعديش بعد مامتت الف موته
گل هلهوله من عماته اخذت روحي

ـ المهم ماشالچ وشمرچ رادلچ الاحسن..

ـ صح بس بعدني خايفة

ـ شگو خايفة ترة سلمان خوش سلمان ولچ شبيچ

ـ اي والله ادري الله يحفظة يارب سندي بهالدنية

ـ الله يحفظة النة

ـ ان شالله حبيبتي جيبي درة خلي انيمهه خطية يمگن نعست

ـ لا اذا تنام هسة متنام بالليل خليهه شوي تتعب وتنام للصبح

ـ حبيبتي الله يشفي امهه وترجع لحضنهه

ـ اي والله امين يارب

أندگ الجرس و اجوي الخطار زلم لابوية واخوية سدو باب الاستقبال واني وغفران دنروح للمطبخ نسوي الچاي قبل لا اروح للمطبخ گفخت بخشمي عطر رعـــد
وگفت بمگاني تايهه ادور بعيوني..

لزمت اید غفران بتوتر

ـ اگلچ غفران منو اجى يعني منو هذول الزلم الدخلو هسه

ـ والله مادري ماسمعتي گال سادة

ـ يعني يعرفهم سلمان گال اسمائهم زين البارحه ماگلچ احد راح يجينة

ـ لا ماگال شي..وچ شبيج بايگة طن هوة وجهج اصفر ترة مو خطابة يمعودة

ابتعدت منها خطوه واحس روحي تخربطت هذا عطر(كارتير) رعد اليحبة ..
چان يخلي من يجي من العسگرية ويشوفني اي هو عطرة مستحيل انساه...

اشم واتنهد بالعطر تارس البيت ترس مثل ماچانت السيارة تنترس من العطر...

سألتني غفران
ـ شبيج تشمشمين وتتنهدين مثل البزون

ـ غفران هذا العطر دوخني

ـ اي صدك هو عطر قوي ترس البيت

ـ بس يجنن مو بلة غفورة

ـ اي طبعا لان عطر رجالي لازم يصير قوي فـ اگيد يصير طيب عطرة

لزمت ايدهه بقهر وگلتلهه..
ـ ووچ والله هذا العطر مو غريب عليه

ـ يعني شنو مو غريب عليه؟
گرايبج چان

ـ لااااآا.. هذا عطر رعد ياغفران

ـ تجننتي رسمي

ـ مادري احس رعد هنا ويانه هذا عطرة متأگدة

ـ اهووو بدت سوالف قيس وليلى خاب الحمل صاعد الخشمي ياحب يابطيخ

ـ گيفج لاتصدگين بس والله هذا عطرة

ـ ادري قابل صنعو العطر خصيصا بس لرعد افندي يعني محد بالعراق يشتري منة

ـ مو هو هذا جان يشتري بخمسة وسبعين الف لان يدري بية احبة

ـ ترة ذول السادة جايين بسيارة سايبة داگهه الضيم طلعي شوفيهه ياعطر البخمسه وسبعين الف يشترو وهيج سيارتهم خل يعدل الچاملق مال سیاره

ـ عفتهه وگعدت على گرسي بالمطبخ احس نفسي وگعت بحيرة وقهر صدك اشتاقيتلة واتمنيت وجودة بهاللحظة..

ـ هاي شبيج عطر هيج گلبچ يجوز احد منهم گشاخ الله موفقة واشترة سعر مينگدر عليه هي خمسة وسبعين الف

ـ اي هم صدك ..
مادري ليش حسيت برعد هنا

ـ شيجيبة حبيبتي خلي عينج بعين الله وگولي يالله بلگي الايام گفيلة تهدي النفوس

ـ يارب يالله..
حضرنة الچايات واجى سلمان اخذهن ..

گال بحده

ـ اي صوت ماريد والافضل تروحون بغرفة البنات تگعدون وسدو الباب

ردت غفران
ـ منو هذول السادة شيردون

ـ سالفة مالت زلم

-امممم مو ماتعرف انه چنت مسترجله

-هااااا یعني تردين تعرفين

-اي حبي قابل سر منو هذول

- هاا بيهه حبي موووو.. يعني وراچ سالفه

-وسفه علیك من اكلک حبي معناها وراي سالفه

-مووو بس انه اگوولهااا ومن ادخل للغرفه تخزريني وتگلیلي روحي بخشمي
بطل سوالف للحب

-الله يسامحک گل هاي لان سئلتك مو جه نعمة

-لاااا انتي ميئوس منچ جيبي الصينية
یاعدوة الرومانسيه والحب احبچ

ـ هسة. مفتهمنة تحبني لو عدوة الحب

ـ ولج دجيبي اتأخرت على الزلم

مریم/رحت اجیب گلنس من مخزن المطبخ طلعت لگیت سلمان ماخذ الچاي
سئلت غفران

-هاااا منو الاجى معرفتي

-ماجاوب اخذ الصينية وراح

-والله ردت اسأله وما اگدر انطقهه خايفة ييفهمني غلط ويرجع ميحجي ويايه

-تعاي نروح للغرفة عوفي الوهواس وخيالاتج ذكرتني بروحي من تخيل

گعدت تسولف عن تجهيزات الطفل وتريد تطلع للسوگ تشتري بس امهه مريضة وتعبانة علمود عقيلة ضغطهه معلگ مينزل فتريد تاخذني ونروح فدتاخذ معلومات من امي شنو نشتري ومن تگول على حاجة تگتبهه بالنت ونطلعهه ..

منگدر نعلي صوتنه علمود الضيوف بالاستقبال خاف يسمعونه ..

گل شوي اسرح بالعطر واشمه واتنهدة احس رعد واگف يمي ويباوع عليه هواي تخيلات بنيت على هالعطر مدري صدك مثل مگالت غفران حب مراهقة تخلي الواحد يتخيل

رجعت لوعي فعلا قابل بس رعد يشتري العطر اگيد الناس گلهه تشتري منه..

ورة نص ساعه اگثر دخل سلمان يمنة بالغرفة..
گلنة سگتنة و باوعنة عليه خاف يريد بعد چاي او گهوة نسويلة بس وگف مثل المحتار ويباوع عليه وجهه مابي ابتسامه...
گال
ـ مريم

چنت گاعده وبحضني دره عفتها بلگاع وگفت فزيت من مگاني

ـ ها خوية

ـ تدرين منو بالاستقبال

ـ استغربت من سؤاله...
بس بنفس الوگت حسيت احساسي صحيح شي يتعلق برعد او رعد موجود
..سويت نفسي مستغربة

-لا ماعرف بس منو بالاستقبال

ماحچى بقى ساگت وينتهد باوع على امي و گز يلة حچى

ـ بلاستقبال گاعد َ رعد

مستوعبت الگاله روحي انسلبت من ذكر اسم رعد ابيتنة من التوتر بلعت ريجي راسا گعدت على الجرباية مثل المهدود حيله مگدرت اوگف خجلت من هالموقف بس فعلا مگدرت اوگف...

گال
ـ لهلدرجه تردي

ـ لـ... لا بس رجلي تاذيني

گالت امي
ـ شيريد رعد شنو صاير يمة احچي سولف النه

ـ يمه هذيج الايام بقيت ساگت ماجبتلگم سيرة ردت اشوف واتأگد وين تصفى ...
بس رعد جان موجود من التمو علينة وضربونه

قطعت كلامي مريم بحزن

ـ لا دگولها یعني ااااااشلون هو رعد الي ضربگ وسجنك

ـ لالا بالعگس هو الفزعلي..بس مو وگت افهمج شي لان السادة ينتضرون جوابج ..
تريدين ترجعين لرعد لو لا؟

ـ بقيت ساگته خايفة اگول اي لا اخسر اخوية
وخايفة اگول لا ..خاف اخسر رعد

بحده جاوب

ـ احچي لااااااااااااااااتبقين ساگته مريم

بلعت ريگي وباوعت عليه همست بگلبي

-الرجال يتعوض والحب يجي بأي وگت
بس اخوي ضلعي وسندي شلون..

ـ اعرف بس یا مريم احجي ولاتخافين ماراح ازعل منچ

ـ هاااا مووو

-مووو شنوو غير افهم

- انت شتفصل اني اللبس

ـ يعني تعوفين الخيار الي انا اختار؟

باوعت عليه بنضرة توسل هو فهمهه...
الرجال يتعوض ..
بس الاخ ميتعوض ..

ابتسمت على نظرات مريم جبت طاري رعد وجهه صار اصفر شوف الحب شلون قوي بگلبهه حتى حست برعد عرفت بيهه منرشفتهه مرتبگة وتريد تسأل وغفران سألتني وماجاوبت.. تحبة أكيد لان فزت من مگانهه وگامت

وحتى من گالت بگیفک نظرتهه چانت مفهومة بالنسبة الي صح گالت الرجال يتعوض بس الاخ ميتعوض لگن عيونهه غير شي تحجي

جاوبتها

تمام یصیر خیر

غفران/ من راد يطلع وراسا صحتله
ـ تعال وين فهمنة شراح تگول

ـ بعدين تعرفون ...

عفتهم ودخلت للاستقبال..

گال سيد حيدر
ـ اللهم صل على محمد وال محمد
ها بشر

ـ الموافقة موجودة...

رد سيد باقر وسيد راضي
ـ اي يالله

ـ لگن ياسادتنة الاولى شرط اخرة نور وانا اريد اضمن حق اختي بعد الصار الهه من هالعائلة

گال سيد حيدرة
ـ هذا حقگ .. نسمعگ

ـ اول شي اختي متدخل لبيت اهل رعد تحت اي ضرف گان ..
عرس او فاتحه او اي مناسبة تصير عدهم ممنوع تروحلهم ومو من حق رعد ابد ابد يجبرهه على هالشي

وبنفس الوقت محدد منهم يجي لبيتهه ابدد وهالشي بالاتفاق لان اذا سمعت داخل ابوگ او امگ او ااحد من اخوتگ الوگفو ضد اختي واشترگو باذيتهه راح اعتبر اي عقد بينا الغى

رعد/من اجى سلمان وگال موافق احس روحي ردت بعد ماعشت اگثر من ربع ساعه برعب بس الله يعرفة شلونه... من سمعت اول شرط راسا گلتلة

ـ يجرالگ سيد سلمان وهذا حقگ

ـ وارجع واگول لا تدخل عليهمم ولا يدخلون عليهه

ـ تمام يصير

ـ الشرط الثاني .. تجيب عشيرتگ عمامگ و خوالگ ويجون يخطبون اختي

ـ عمامي وخوالي؟

ـ اي حتى لايبقون ماخذين فگرة خطأ عن اختي واگيد لوجنت رايدهه صدك ماراح ترضاهه عليهه تطلع هيج سمعه

ـ اگيد ما اقبلهه بس انت تعرف علاقتنة باقاربنة مو شي

ـ وهاي فرصة حتى تقوي علاقتگ بيهم الزلمة بدون گرايبة وعشيرته مايسوة فلس وانا ماريد انطي اختي لرجال ما اله گرابة وعشيرة توگفلة...

ـ ان شالله يجرالگ سيد الحق وياگ

ـ وطبعا مهر واثاث وملابس وحنة وعرس وزفة حالهه حال اي بنت بيت تتزوج گلشي تجيبلهه وتطلع من هالبيت بزفة واشهار حالهه حال الناس

ـ بدون متحچي هذا الجنت ناوي اسوي الهه

ـ والطلب الاخير اريد اشوف اختگ يا رعد

ـ اختي نورة... ليش شنو السبب؟

ـ من حقي اشوف الجان زوج اختي وتالي تصير حماتهه ..
اريد اشوفهه واحچي وياهه بوجودك ووجود اختي وامي وزوجتي اريد اعرف طريقة تفگيرهه بعدهه مثل الشباب تفگر لو بنت لان حسب مسمعت اختگ تعيش وياگ لان ابوگ ميريدهه

ـ اي صح گل السمعته..
ماگو نقاش حقگ وان شالله باجر هيج وقت اجيبهه الگم.. يناسبگ الوقت

ـ اي ماعدنة شي ..

ـ بس اريد اگلگ شي سيد سلمان

ـ كول

ـ اخوي ارشد وصادق مالهم ذنب بالصار

ـ ارشد بيهه مجال وصادق بيها مجال بس ما اگدر انسى موقف زوجته وشماتتهه بيوم الي انگشف گلشي

ـ دنگت راسي وگلتلة حقگ

ـ على العموم خلي بس صادق وارشد يجون عادي لان صادق اعرفة بس غيرة لاااا مو من حقهم

ـ ااي تمام ان شالله

ـ بس هاي گدام السادة اخوگ هااادي خااارج قوووس وووين ماشوفه راح اائذي

رد سيد باقر

ـ يا ابني هدي النفوس انت اخذت حقگ من طردتهم خارج گربلاء

ـ ما اگدر انسى شلون چتفني ويحچي ببرود وية ابو يگلة اذا تريد اقتله هسة اقتلة عادي گلش.. سيد همة سبعه مدري ثمانية مدري عشرين

وانا واحد بلا سلاح بنصهم داخل ادافع عن عرضي مو داخل معتدي عليهم
بس قليل الغيرة راد يدگ الناقصة بية

ـ اذا تبقيهه بگلبگ راح تتعب يا ابني اعتبرة ماله وجود

ـ هاي هي شروطي بحضور السادة توافق عليهه.. نوافق عليگ
ماتوافق .. الله وياگ

ـ اگيد اوافق گل الگلته حقگ

رد سيد حيدر
ـ طلبات سيد سلمان معقولة هو مامنعك انت من اهلگ لا منع اخته وهالشي للاسباب الذگرتوهه الحق وياه ..

-هو فعلا الحق وياه بس امي اشلون

-امك الله كريم وكل حادث حديث
وهسة طالما گلشي مشى بما يرضي الله ..
خلينة نحدد المهر ونبلش نقرة سورة الفاتحه وان شالله فاتحه خير عليگم..

قرينة سورة الفاتحه وايدي ترجف خوف وتوتر وحب وهنا حددنة المهر عشر ملايين مؤخر بخمس ملايين مقدم...

تحاضنه انا وسلمان ورحت بست ايد عمي واستسمحت منه

گال سيد راضى هو اليعقدنة ان شاءالله

طلعنة ووصلت السادة گل واحد لبيتهم ورجعت للبيت طبگت السيارة ونزلت ارگض للبيت دگيت على الباب مثل اليدگ على الطبل وفتحتلي الباب نورة

ـ يا الله يالله يالله الضحگة رجعت لوجه رعووودي

ـ باارگيييلي نووورة

ـ قبلوووو يرجعووولگ مرريم

،وگفت ممصدگ نفسي راح ترجعلي الروح مرة ثانية خايف اگون بحلم واگعد منه عيوني دمعت رگضت عليه نورة وحضنتني

ـ لاتبجي اروحلگ فدوة انا ماصدگت ترجعلگ الضحگة تالي تبجي وولگ لو اعرف اهلهل چان هلهلت

- تعال تعال سولفلي گلشيي شحجيتو شسويتو شلون قابلت ابووسلمان وسيد سلمان
دخلنة وگعدنة على القنفة گعدت احجيلهه شنو الصار

ـ ااخ يانورة من گال موافق ردت اگوم احضنه وابچي والله العظيم

ـ الله يساعدك رعد شگد اتعذبت

،ماجاوبتهه بس ابتسمت بقهر

رجعت گالت

ـ شلون گدرت تتقبل مريم تصير مرة اخوگ

ـ تقريبا متت بهذيج الايام

ـ ليش ماصارحتني

ـ لان ادري امرچ مو بيدچ هو انا حچيت وية ابوچ وطنش انوب وياچ

ـ تدري لو ادري بيگ تحب مريم ماجان سگتت

ـ شجان سويتي

ـ ماراح اگلگ اوگف بوجهه ابوگ ومن هالگلاوات...
بس جان انهزمت من البيت وهجيت

ـ شنو هالحجي وين تروحين

ـ حتى لو اعيش بالشوارع حالي حال اي مجدي..
جنت بوگتهه لد وعادي ماعليه شي

ـ بحياتج ماصرتي ولد..
طول عمرح عشتي ولد مايع گلة انوثة ونزاگة متتذگرين شگد جنت احجي عليج

ـ اي وانت عبالگ اني گيگي

ـ تدرين مرة عبالي ادورين**

ـ شنووو ههههههههههه

ـ اي اول زواجگم وصار ضجه انتي مادبرتيهه ومدري شنو واجيتي يمي گعدتي جنتي سگرانه

ـ اي شنو شحجيت

ـ گلتيلي اني ما احب البنات احب الولد ضربتچ بوگتهه لان عبالي اخوي گي

ـ لااا بشرفگ علمود هاي ضربتني

ـ ههههههه اي والله شمدريني اشم گفى ايدي

ـ ههههه تجيني التهايم واني نايم هسة لا ترجعنة للماضي شراح تسوي

ـ باجر اخابر عمامي وولد عم ابوية وخوالي..
ولو ابوية وامي ولد عم يعني العمام نفسهم خوال بس اجيب هالاجيبة منهم وشيخ عشيرتنة يجي واخذ سيد راضى وسيد حيدر اذاا گدر يجي واروح

ـ زين مين راح ادبر فلوس العرس والتگاليف

ـ تدبر متبقى هيج حتى لو اداين

ـ تداين ؟ مين

ـ ما ادري والله انا بهاي الفترة عفت گل اصحابي واصدقائي الجنت انتجل عليهم والتهيت بالعيشة والصار ويانه... بس تدبر متبقي هيج

ـ اوگف لحظة...

ـ.وين رايحه

ـ اصبرر

،، گامت دخلت لغرفتهه وردت طلعت بيدهه جنطة صغيرة يشيلوهه الزلم هي من جانت ولد جانت تشيل هالجنطة وياهه ..

ـ شنو هاي نورة

ـ هاي الجنطة بيهه گل ممتلگاتي

ـ هههه ليش شعندج انتي يا ممتلگات

ـ من جنت ولد تتذگر جنت اشتغل تگسي بسيارتنة لو اشتغل وية ابوية

ـ اي صح اتذگر همين اشتغلتي بمحل حلاقة رجالي

ـ ههه وجنت انت تنطيني من راتبگ همين
كل شهر ١٠٠الف

ـ اي من چنت اهد الگاع بثگلي.. هسة وين گوة دابرة العيشة

ـ الحمد لله والشگر تعدل متبقي هيج ...

،، طلعت سفطة فلوس من الجنطة وخلتهه گدامي

ـ شنو هاي؟

ـ هاي من علايم المصريين تحويشة العمر

ـ گلتيهه تحويشة العمر ليش طلعتيهه

ـ لان جان عندي حلم وهسة راح المن ضامتهن بعد

ـ ليش تعتبرين حلمچ راح ترة اسهل منه ماكو

ـ خليگ واقعي رعد خو مو گل مرة نعيد نفس الحجي عفية ..
لا اگدر اشتغل بمحل حلاقة لان المضهر الخارجي صار انثى

ولا اگدر افتح صالون واحقق حلمي لان هويتي تقرة رجل

ف بالحالتين ضايع..

اخذ الفلوس هذني تلث وستمية وخمسة واربعين الف وجيبلي مريم لان صدك اشتاقيتلهه

ـ تلث نلایین !

ـ وستمية وخمسة واربعين الف

ـ ولج شچنتي تصرفين لعد

ـ ههههههه هو انا شنو صرفي

قابل جنت گشاخ مثلك
لو اگول وادور صواني المفطح مثل هادي
لو يومية طلعه وية اصدقائي مثل ارشد

هو بس احمد صديقي واذا ردنة نطلع نفتر بالسوگ گلشي منصرف يادوب لفة فلالفل 500 دينار واذا ردنة نصيع نروح نشتري شرب القوطية بالف لو ب500 دينار

ـ صدك احمد وين صفى بي الدهر

ـ هذاك اليوم شگد اتصل عليه ماجاوبته تالي كتبلي رساله

ـ شنو گتب بيهه

ـ گلي ادري بيچ صرتي بنت بس اريد احجي وياج وافتهم ليش تحولتي بنية

ـ للاسف مثل هواي ناس متصورين هالعملية صارت بارداتج

ـ الناس تريد موضوع وتحجي بي ميهمهة غير السوالف

ـ گلتلچ خلي اغير خطچ

ـ ميفيد تغير الخط لان ماعندي احد بس احمد ف عليمن تغيرة

ـ زين ليش متجاوبي

ـ اضاهر صاير سبو

ـ لا بس انتي وضعچ يختلف

ـ يعني تقبل احجي وية احمد؟

ـ شوفي هي مو قصة اقبل او لا انتي جانت الج حياة سابقة عايشتهه وية اصدقائ اتغير گلشي ومن حق اصدقائج يفهمون الصار وياج

مثل البنت قبل زواجهه عدهه صديقات وتطلع وياهم برضاة اهلهه وتالي يجيهه عريس من غير مگان او زوجهه يگون نحس وغيرهه من هالاحتمالات وتنحرم من الطلعة وياهم بس رغم هذا واجب عليهه

انو تفهم صديقاتهه ليش بعد متطلع مو تحضرهم من تلفونهه او بعد مترد عليهم او تغير الرقم بلا سبب وتالي تطلع الحچاية المشهورة ..
اخاف على رجلي من صديقاتي

ـ ههههه والله طلعت متابع لسوالف البنات

ـمريم هي تحچيلي عن هالسوالف وتگلي مستحيل اسوي هيچ وية صديقتي

ـ بلة تعرف اسمهه لو متتذگر

ـ گل تفصيلة لمريم اتذگرهه وگل سالفة حچتهه بعدهه ابالي ..
ولعملج صديقتهه اسمهه غفران

ـ ههه .. الله يجمعگم على خير

ـ شيلي فلوسچ نورة ما احتاجهن

ـ لاتعاند اخذهن واسگت

ـ لعد اعتبريهن دين

ـ لگ يادين مو بعت سيارتگ علمود العملية ؟ مو اداينت علمودي مو شايل مسؤليتي من ساعه الابوية طردني گل هاي وتگلي دين حتى عيب تحجيهه

ـ انا اخوج وهذا واجبي تجاهج لو جنتي ولد جان گلتلج احسبهن دين

ـ اخذهن وگافي ترة گلش مستعجلة على جية مريم

ـ حضري نفسچ باجر نروح لبيت سيد سلمان يريد يحجي وياج

ـ والله فشلة لو بيدي البس خمار واروحلة من الفشلة الاني بيهه

ـ انتي ماسويتي شي والصار بسبب شخص اخذ جزائة من اعماله الشينة ماگو داعي تبقين مختلة وجهج..

ـ الله گريم...
ـ باجر اريد تاخذين رقم مريم ضروري تاخذي

ـ بلة ماقبلو ينطونيا

ـ لا عاد مو بگيفهم وانتي استعملي ذگائج ودهائج لاتضلين هيج..

ـ صار تدلل اذا گلش ابوگ تلفونهه

ـ ههههه يمعودة ستري عليه ستر بنات الحلال ماصدگنة اخوهه يقبل بية

ـ دوم الضحگة حبيب ..
خلي اگوم اسويلگ العشة

ـ اي والله گلش جوعان .. اروح ابدل هدومي واجي وياج للمطبخ

ـ ماعندي شي اني وام ريتاج سوينة كبة هسة اطلع جم وحدة واگليهه

ـ ميخالف اسوي زلاطة الهي روحي بيهه...

راحت نورة للمطبخ واني دخلت للغرفة فرحان واباوع لگل رگن من ارگان الغرفة واتخيل مشتري االاخشاب التريدهه مريم والفراش و التحفيات گلشي تريدة لازم اشتري واجيبة واحققه الهه ...
بدلت ملابسي وطلعت اساعد نورة.....

نورة/ سويت العشة لرعد وگلمته ترن بأذني ليش ماجاوبتي احمد .. خلصت العشة وگل واحد راح لفراشة...
طلعت المسج وقريته مرة وثنين وتلاثة.. الى ان جاوبته..

ـ لا احمد اني ماسويت عملية وصرت بنت اني اصلا الله خالقني بنت بس بهيئة ولد
بس دزيتله الرساله خابرني

بقيت مترددة احجي وياه لو لا شسوي خاف ياخذ عليه نضرة اني مو زينة بس لا احمد معقد وفطير وانسان عانى من اذية ابوه اله اگيد راح يفهمني..
الو

ـ هلوو نواار شلونگ اخباررك

ـ الحمد لله احمد بخير انت شلونگ

ـ.ليش هيج اتصل مترد عليه ليش خليتني تايه بدونگ

ـ الوضع تغير يا احمد

ـ اريد اشوفگ وافتهم منگ

ـ لا صعب تشوفني

ـ مجاي أتخيلگ صرت بنية شلون يعني

ـ يعني لبست حجاب وعباية

ـ حجاب؟يعني ماصرت مثل هذول الاشوفهم بالفيس

ـ لا يا احمد شنو هالحچي عرفت مفتهم غلط انه مو شاذه ا اني اصلا بنت

ـ شلون چنت بنت مدگدر افتهم

ـ سالفة طويلةبس بالصدفة اگتشفوني انا بنت وواصلة مرحلتي للخطر وممگن اموت فـ سوولي العملية

ـ نوار انا ماعندي غيرگ صديق مو تدري بية انا اعاني من متلازمة(توريت)خجلي ممخليني تواصل وية الناس بس انت صديقي

ـ ولا انا عندي اصدقاء غيرگ ..
بس على حضگ وحضي صار هالشي

ـ گلش مفتقدگ نوار امشي بالشوارع لوحدي اروح اشتري لفة. فلالفل وحدي .. والشرب ترگته لان انت مو يمي

ـ استغفر الله ربي واتوب اليگ .. همزين ترگته لان هذا ذنب عظيم

ـ نوار بس مره وحده شربت قوطيه من شتريت اله واليه..بس ارجوك لاتكول بعد ماشوفگ

ـ مترهم بعد تشوفني يا احمد اقتنع يا اخي انا صرت بنت

ـ والله مدتتخل دماغي نوار يصير بنية زين وانا مافگرت بية ليش تصير بنيه

ـ انت ولد والمجتمع يسمحلگ بهواي امور تسويهه.. شوفلگ احد غيري وصادقة مثل ما لگيتني تلگة غيري

ـ جان لگيت قبلگ يا نوار هو انت وگوة تعرفت عليگ وتصاحبنة .. زين مينفع تحلق شعرگ وتلبس نفس هدومگ من جنت نوار وتجي نتشاوف

ـ واليعرفني من يشوفني هيج لابسة وگاعدة وية ولد يگول

ـ منو يدري بيك نوار

ـ لعد انت شلون دريت بية

ـ رحت لاهلگ اسأل عنك وطردوني معرفت ليش طردوني.. وتالي بعدين عرفت من جهال الشارع

ـ شفت صيتي وسمعتي وين وصلت لجهال الشارع .. چا اذا البس نفس ملابسي القديمة وامشي وياك شيصير بية انساني احمد والله مافيدك..

حاول يقنعني نضل سوية بس انا ممتقبلته لا الدين يسمح ولا المجتمع يسمح وهو فقير وفطير ماريد اأذي اگثر

مريم/مگدرت انتضر اگثر من طلعو السادة ورعد من بيتنة دخل سلمان ووگف بنصنة بقيت اباوع عليه وانتضر يحچي تالي زوجته غفران خلته يحجي

ـ يمعود احجي مو فتيت گلبنة فت

ـ نطيت موافقة

ـ طفرت من مگاني ليم سيد سلمان بوجهي فرحه استحي ابينهه اله شيحجي عنيي

ـ لاتضمين فرحتچ ترة گلش واضحه

ـ ها .. لا بس درت وجهي عنة ودنگت راسي متت خجل من تصرفس عبالك طفلة عمرهه 14 سنة مو صار عمري 18..

ـ طبعا بشروطي قبلت

ردت امي
ـ شنو الشروط يعني شطلبت منهم

ـ گعد سلمان يعدد الشروط الخلاهه علي رعد جنت فرحانه باخوية وسندي يرجعلي گرامت بين اهل رعد وعشيرته واقاربه....

واحلى شي راح ارجع البس بدلة وانزف لرعد بزفة وهوسة گاملة مثل مجنت اتخيل بوقت علاقتنة حسيت نفسي نولدت من جديد...

رگضت عليه وحضنته دمعت عيوني بس ماريد ابجي بهالموقف واخرب الفرحه

ـ ايا وگحة...
صايرة مريم مو راحه عيني عينگ مگيفة برجلهه

ـ والله مو قصدي والله مو هيچ

ردت امي
ـ يمة العشرة الهه حوبة

ـ يمة ياعشررة طلعنة مطروحين زوج من مفعوصة بطول اصبعي

ردت غفران

ـ اگلك انت راح تبقى طول العمر تبسمرلهه يمعود اتعاقبت واخذت جزأئهه خليهه فرحانه العروسة بعرسهه

ردت امي

ـ يمة شلون تسويلهه عرس وعديلگ مصارلة جم اسبوع من توفى

ردت غفران

ـ الموت حق عمة والدنية متوگف على احد لا الحزن يرجع الماتو ولا الفرح يحرمنة منهم ..خليهه تفرح بعرسهه خطية وانا بيومهه عود اروح لاهلي

ردت مريم
ـ.لا غفران شلون تعوفيني بهيچ يوم

ـ ميفيد احضر وياج لابسة اسود وحزينة وماريد اعگر فرحتچ

ـ والله العظيم ميتم شي اذا انتي مموجودة ميفگي ماحضرت عرسج انوب متحضرين عرسي

ـ الله گريم حبيبتي خلي نشوف ووگتهه الف عمامه تنگلب

رد سيد سلمان

ـ هالشي حطيته ابالي الاربعينية مالت السيد بعدلهه اسبوعين او اقل وتطلع ..
وراهه اترخص من سيد باقر وسيد مجتبى وازفهم

ـ عاشت ايدك وليدي ابن اصول...

رحت لابوية بست ايدة وبارگلي
رغم يرعش بس گال

-رعد خوش انسان يختلف عن اهله لذلك قبلنة بيه

مریم/رجعت بست ايدة وراسه وعفتة ينام.. من فرحتي احس بطني ممغوصة وما اگدر اگل فماتعشيت وياهم

صليت الفرائض وصلوات الشگر واقريت الادعية احس نفسي مغبوطة من الفرح مدعرف شلون اتصرف لزمت التلفون وطلعت رقم رعد شفت الواتساب مالته وباقي البرامج ممتواجد بيهن

وهو من زمان هذا حاله جنت اراقبة عدا نورة جانت متواجدة بالتطبيقات ردت اراسله بس گوة لزمت نفسي شيگول عليه صارت ملطلطة مريم وتراسل حذفت الرقم وانا مطمئنة ان باجر يجون وياخذون رقمي

امي خابرت منى وكلتلهه بالاخبار بس ماخابرت ريام ولا ريم كالت خلي يعقدون يلة نگول لريام لان دائما تخلي عقدة بالمنشار

ارتاحيت من عرفت ريام وريم ماراح يجون لان صدك اخاف منهن خاف يخربنهه بسوالفهن وخصوصا ريام

صار ثاني يوم واجتي منى من ساعه سبعه ونص الصبح جانت لابسة اسود لخاطر غفران بس غفران ماقبلت طلعت الهه ملابس ملونه وگلتلهه الحزن بالگلب يگفي وگفتگم وياية

چانت منى گلش فرحانتلي اخذت رقم الحفافة من غفران وخابرتهه وگلتلهه ساعه عشرة الصبح تجي

گامت منى وغفران واني وياهم نضفنه البيت وگملنة وحضرت ملابس البسهه بنطلون وفوگاهه قميص شوي طويل وحجاب صارت ساعه عشرة الصبح و اجتي الحفافة نضفت وجهي وسوتلي تنضيف بشرة..

وية ساعه 12 الضهر احنة گلشي مگملين دخلت صليت وقريت ادعية ماعرف شلون مشى الوگت بين سوالفنة وضحگنة ولعبنة وية درة هواي متونسين عليهه

صارت ساعه خمسة واجى رعد دخل بسيارته السايبة لمحتهه من شباگ الهول سيارة سايبة لونهه اصفر فوكاهه حاطين سيباية عادية مو فد نوب مگسرة...

ماخجلت ولا حسيت بمستحه بقيت واگفة بمگاني انتضر يدخلون الاستقبال وادخل وراهم
لمحتة من نزل من السيارة ووياه نورة

روحي راحت عليه..
لابس التيشيرت الزيتوني الاحبة لان يبرز ملامح جسمه من چنة على علاقة اشتراه وبقي يلبسة گلما يجيني واليوم همين لبسة...
وبنطلون گابوي ..

اشوفه بعيني اجمل ماخلق ربي اوسم انسان مر بحياتي ..معقولة هذا حب لو شنو راح اتخبل المفروض هسة اني ماطيق اشوف بوجهه بعد السواه بس بالعگس ماحاقدة عليه ولا زعلانة منه

دخل للبيت وگفخ عطرة بخشمي مرة ثانية بس هالمرة مو حلم لا حقيقة...
عرفت بيهم دخلو الاستقبال وگعدو وية سلمان وغفران ومنى يلة قررت ادخل عليهم...

رعد/ لبست الملابس التحبهه والعطر الميزتني وتحبة بي هالعطر ماخلي بأستمرار لان غالي ومن يوم الطلگت مريم حرمت هالعطر اخلي بس يوم الرحت وية السادة خليته على امل تتذگرني بي...

دخلت انا واختي للهول رحبو بينة بيت سيد سلمان لگيت اخوهه وزوجته واخته وامه وهي ماگو عيوني ادور عليهه ..اخجل اسأل ونورة گاعدة وساگتة متعرف شلون تبدي موضوع وياهم...

شوي وانفتحت الباب ودخلت مريم بدون وعي گمت وگفت على حيلي شهور وانا منتضر للحضة گفت صافن ایدي ترجف

مشاعر الفراق والقاء جدا صعبه كل ابجديات الحروف ماتكدر تعبر عنهن..
فراق العاشقين لوعه لقلوبهم
واللقاء هو دواء اللوعه واكسير الحياة

لابسة بنطلون وقميص البنية ضعفانة اگثر من قبل والحزن واضح بعيونهه ..
بعدني ماحچيت انتبهت سيد سلمان يخزرني بعينة

حتی مایتعصب راسا گعدت بمگاني ..
همست بصوت مسموع

-هاااااااي شلون شدة شيگضيه واخذهة واخلص شلعت گلبي

گال سلمان

-سمعتك حبيبي سمعتك حتى تعرف نسوانه قيمتهن چبیره...ومثل الجوهره موو ايى احد يحصلهن

مريم/ الخوف تملكني مااعرف اشلون رتح ادخل كل اشوي اتردد وكفت يم الباب ويجوز بين اثر رجليه

صاح سلمان

-دخلي خويه دخلي انت واختچ وخلي

سميت باسم الله..وقريت الفاتحه دخلت
انه ومنى

- السلام عليگم

ـ عليگم السلام ورحمة الله وبرگاته

صارت عيوني عليه ياربي شگد احبببببه
وشگد حبه ذره مانقص منه راسن انتبهت على نواره من شافتني طفرت من مگانهه وراحت حضنتني

ـ مررررريم حبيبتيي مشتااقتلچ

ـ نوورة حبيبتي اني الاشووق شلونچ اخبارج

ـ مگانج خالي يامريم متدرين شگد احتاجيتلچ

ـ اتحاضنن مريم ونورة و وحدة بوست الثاني بس سيد سلمان ممستوعب الصار ف راسا گح بصوت عالي مبين اشارة لاخته واختي حتى يبتعدن عن بعض ..

نواره رجعت گعدت يمي ومريم يم امهه..

گال سيد سلمان

ـ يعني عذروني بس بعدني ممتقبل الفگرة

ردت نواره

ـ حقگ متتقبل الصار لان اني نفسي ممتقبلة الصار..بس مو ذنبي انولدت بنت بجسم ولد انا بنت ومن زمان احس بروحي بنت ..
لان ..
يعني ..

ـ گلشي عندك احچي من حقي اتعرف عليك

ـ ياريت تحچي ويايه بصفة بنت يعني ماعرف شلون راح احجيهه بس اتمنه تفهموني قبل لا اگمل گلامي لان واالله صعب عليه الحچي

ردت منى
ـ احچي لاتخافين واحنة نفهم...
لان حالتچ موجودة واني نفسي شفتهه بالهند وايران عمليات تصحيح جنس يسموهه

وهذا مو عيب ولاعار بالعگس لو باقية على وضعچ جان صار اشگال شرعي بحياتج انتي بنت ووتنگشفين على الولد طالع شعرج واجزاء من جسمج الصار اختبار من رب العالمين وانتي ان شالله اهل لاهل اختبار

ـ اشگرج اختي منى هواي خففتي عني بگلامچ الطيب وانه انشاء الله كد الاختبار وهل شي بفضل اخوي وسندي وابويه رعد اليه الحد ماموت اكون ممنونه منه

رد رعد

-نواره المنه لله واجبي ك أخ وغصب

رد سلمان
ـالله يحفظ خوتكم ..سبب مقابلتي الگم ردت اتاگد منچ انتي بنت لو ولد بس بعد الشفته من حشمة گلام وتفگير واسلوب مثل ماوصفتچ اختي مريم مازيدت ولا نقصت هسة ممگن اخلي اختي تعيش وياج جوة سگف واحد

ـ ربي يخليگ ويحفظك سيد سلمان ..
الصار مو سهل علينة گلنة بس اريد اگلگ شي عن رعد مو لان اخوية بس والله الگريم رعد ميتعوض هو ابو گلب الجبير المضحي لخاطرنة .. اگيد انت سمعت بگل هالگلام من مريم.. لو ماحجت شي الگ

ـ حچت...بس مو گلشي نسمعه نصدگة

ـ الايام تثبتلگ رعد منو .. لو ما رعد جان اني هسة جوة التراب ..
هسة. تگلي هو اخوج وهذا واجبه
اگلك لا مو واجبه بوجود ابويه يسقط الواجب عنة..

وجود اخوه اگبر منه یسقط للواجب وهاي شوفه عينك سبع اخوة عندي محد منهم اهتم لسالفتي غير رعد ..عاف الدنیا
وحتی امي اليحبها الاجلي

غفران/بقت نورة تحچي وية. سلمان الى ان بدة يقتنع وترجعلة الضحگه لوجهه

طول الگعدة رعد ومريم ماواحد منهم شال عينة من الثاني خالسهم خلس سلمان..

حددو بعد اربعين سيد مهدي المهر وباقي الاجرائات...

ماضل شي على الاربعين بس عشر ايام نورة وگفت يم مريم واني ومنى يمهن واخذت رقمهه

ـ اليوم رعد يراسلچ بس مو تفضحي وتخلين سيد سلمان يسويلنه هوسة وهم يرجع يزعل ويغضب على رعد المسكين

ـ هه لا لا ما احچي

ردت منى

ـ لاتخافين هي چانت تنتضر هاللحضة

ـ هههه اي والله يا اختي منى حتى رعد جان يتصل على رقمهه القديم ويشبع بجي لان مغلق

ـ راحت ذيج الايام الله لايعيدهه والله اختبر حبهم اذا قوي وحلال واثبتو للدنيا كلها وخاصه رعد انه هو زلمه وكد الحب
وكد امانة الحب وايام الحزن انشاء الله
ماترجع

ـ ان شالله راحت وبعد مترجع...
منا لعشر ايام نجيب عمامي وخوالي ونجي نعقدلگم

منى
ـ سيد ومحكمة هالمرة مو مثل قبل

ـ اگيد بيدي اخذهم للمحكمة ويعقدون.. شوگت ترگض الايام وتجين يمنه مشتاقتلچ مريم اريد اگعد احجيلج شصار بية

ـ راسليني ليش نتاني

ـ.هم صدك ارسالج بس وين اگيد راح يگابلج رعد هاليومين...

غفران//مرة العشر ايام ورحنة لاربعين سيد مهدي ورجعنة ورة كم يوم
رعد جاب تلاثة من عمامة وكم واحد من ولد عمة وخواله وعشيرته وشيخ عشيرتة وجوي خطبو مريم

وكان خطوبتهم احلى مايكون فرحتهم ودموعهم حتى بچينه ويااهم على فرحتهم

مريم// اجة يوم خطبتي قبل العيد الاضحى بيومين حتى مانمت لصبح احسب ساعات يمكن نمت ساعتين صبح وكعدتني غفران بتسعة علمود اروح لصالون

كعدت رحت غسلت واجيت ابدل لكيت فستان مفروش على جربايتي ولونه وردي عرفت منى جابته لن كالت فستان الخطوبة عليه هية تشتري هدية

كعدت يمه وتلمس بيه جان كلش حلو احلى من الف بدلة اخذته وعفته على جسمي چان لون وردي تول منفوش
ودلعة مربعة من كدام وردان ربع بڤ وشغل على صدر داير مديره كلش فرحت بيه حتى دمعت عيوني
بس كون تم اليوم على سلام

دخلت عليه غفران وتضحك وصيح على منى

_تعااااااا منى تعالي شكتلج الكاهة صافنه على الفستان أجت منى تضحك حضنتني

وكالت
-اااالف مبروك حبيبتي عجبچ

-اي والله كلش حلو ونازگ عبالك فستان اميرات

-حبيبتي انتي اميرة اليوم احلى اميره

غفران بضحكه وفرحه

_ووووووچ شننننه والله اذا شافچ رعد لابسته راح يتخبل بزايد طلعين بي لعابة

ضحگنا والضحك ترس بيتنا من بعد تعب ورغم حزن غفران بس مااخلصت من تحشيشها وهي تگلي

، الفستان يبين ملامح جسمچ بحیث طلع عدد اضلوعچ وعضامچ‌

طگیتها متنها

-اهووو عبالي تمدحيني

-اشاقه بس والله حلوه طالعه

-اشكرچ حبیبه

-یله ورانا روحه للصالون..

بسرعه لبست العبایه ورحنا للصالون منى وياي طلبت من البنية تشتغلين يكون مكياج بسيط وشعري يشسور على طوله وبس بروش عليه صفح وفتهمت التريدة وسلمت روحي الهة

بعد ماكملت ومنى صلت على محمد
فتحت عيوني وباوعت بلمراية فعلا شى حلو بسبط
بارزة عيوني واحلى شي مگبرة شفايفي لن حلگي صغير شفايفي مابارزات كلش تعجبت بروحي معقولة هيچ حلوة بس يرادلي لحمة وطول

فزیت من صفنتي ومنى تحاچيني

-ووچ عیني مااضل وكت عوفي الصفنه اجة سلمان بلباب
لبستني برنص دنبسته طلعنا نزل سندتني تلگاني اخوية سلمان لزم ايدي وكال

-بعد راس اخوچ الف مبارك

-الله يبارك بيك خويه

ركبت السياره فتحلي الباب صعدت بصدر وجه تبريد عليه خطية وطول طريق مشغل ابتهالات ومنى خطية صفگ

گالت منی

-ووووك عيني سلمان طالعه مو مريم الغبره تجننن

رد عليها يضحك

-قابل هي محلووه اااشوو اختها منى يعني حلوة الحلوات

-والله يخوي مااكووو منك

بين ضحكنا وسوالفناوصلنا للبيت دخلني للغرفة واجت غفران تدهرب بكرشهة دخلت بشهرهة جابتلي قران

،-حبي هذاااا القران اقري سورة الفتح وهمات سورة النور

كعدت اقراء قران منا الساعة سمعت اجو واصوات هوسه دخلت علية نورة وام ريتاج خطيه فرحانات نوره حضنتي

-هلاأااا ساعه وتصيرين بيتنااا والله احلى اخت راح تجيني ووووچ رعد راح ینجن مناااا لمن تجین

-اشلونه هووو

گالت منی

-ووووچ ااشوي خجلي

-موووو خايفه رعد مادبرها وجاب عمامه

گالت منی

-ووووچ ماگو مضل مگان بلاستقبال انملت زلم والكراج وشارع برة ضلو واكفين طلع الهم سلمان کراسي للبرى

نوارة گالت

_تستاهل مريم نجيبلهه سادة وشيوخ وعشاير ورتب بالجيش همين

گتلهاا

،حمدت الله وشكرته على هيچ رجل مثل رعد كدها وسواها واخذني

غفران گالت

-یله یله يردون يعقدون

لبستني البرنص مخلت شي مني يبين خذتني يم باب الاستقبال وعافتلي كرسي
وری الباب گعدت علی الکرسي

اجة سيد سلمان وكف يمي وسمع السيد يحچي يردد العقد من گد مافرحت احس آدموعي آتصب مامصدگة نفسي نسيت المكياج نسيت گلشي بقیت ابچي وساگته خامس مرة ندسني سيد سلمان

-هااااا ماتردینه حتی انبطل لان سگوتچ احسن شی سویتي

رفعت راسي اله وجاوبت الشيخ بسرعه

- نعم نعم
كلته النعم وتسمع السيد تبارگ لرعد وهوة يرد عليه بس صوته مخنوك من البچي خصوص هلاهل الولد برة علگت وچگليت

كومني سيد سلمان باسني بكصتي وتبارگ

-مبارك مبارك حبيبه

راح سيد سلمان اخذتني غفران دخلتني ورفعت كبوس البرنص مني هية نشغت
بخوف

_عزاااااااا مريم ووينچ منی هاااي جنيه منيين اجت

جاوبتها بخوف

-موووو راح مكياجچ من ورة البچيييي خربتي شجاج ماتگليلي

ضحكت عليها لان ضايجة واني مايهمني مكياج حايرة بفرحتي

اجت نورة تقربت گالت

-یاااامریم شمسووويه بس ولاااا يهمچ
هسة عشر دقايق اعدله مايحتاج الة شي بس خدوده ملطخة والکحل سالت

طلعت جنطتها وگالت

-هسه امسح شي خفيف وحط فوندشن وهاند بلاندر ضلت تعدل بيه عافتلي بعد هواي شغلات گملت واجت غفران

گالت بسرعه

-یله یله راح يدخل رعد خلصتن صبغ
بس والله ولامبين شي وچ طلعتي صدك تعرفين بلمكياج مثل ماكالت مريم

جاوبت نواره

ـ چا شعبالچ منا وهيچ مناسباتگم عليه انا گدهه وگدود

ـ شاطرة والله

گعدت وحضرت منى ميز الكيكة وشربت والحلقات وذهب چان كلش حلو مرتب وشغلت غفران الديجي(حبها وخذها ماچذب)

مسحت أدموعي لان منى تاشرلي..غفران بچت من صدك حسيت الابتهال يلوك الرعد لان سنه وهو يحاول ولا أيسس

احنه گاعدين وام ريتاج صفك وتهلهل
دخل سيد سلمان دخل ورة رعد وانه مدنجة من المستحى والتوتر

احلى مشاعر من يصير النصيب حبيب
احلى خطوبه من يكون الرجال زلمه

بچیت ممصدگه راح ننجمع سوه صفنت على ايده اثر الحرك بيده لسى ظاهرر نزلت دموعي من جديد وتذكرت من حركته

اريد اشوف وجهه مشتاقه اله عذبته وهم سلمان اخوي تعباه..حتى لو أگول یستاهل
بس هوو یبحبني واحبه وعمره اليحب مابرصى يشوف حبيبه تعبان

خطوات رعد بثگل مثل شخصیته الرزنه آجة وكف جدامي وبعدني ممباوعه اله
عيني للحرك مالت ايده..ودي ادنج ابوسه
مد ايده المحتركه والساعه الفضيه لايكه
اله

مد ايده اثنينهن گومني باسني بگصتي فوك البرنص همس بصوت یرجف مثل رجفت ایده

-مبارك النه بعد الصبر والدم النزفته هسه من حقي بثقه وگل الناس تسمه أگول
(حبها واخذها ماچذب ولا ایس ولا تعب)

وسمعت سيد سلمان تحمحم واني رجعت ليورى گال بضوجه

-يله أااااخذو راحتگم اني يم ابوية بس هاااا منی لاااا تغافلیهم

رد رعد

-وووبو فاضل اختك صارت مرتي گووه

جاوب سلمان بنرفزه

-لااااا دگول اختك مرتي لاااان بعدها يمي

-تدلل اخوو مرتي

-رعددد شگتلك

-اخ مريتي العقد ذاك ومختوم دزيت صادق راح ينسخ عشرين ورقه ويحطهن ابفايل يبقن يمك

-ووليش

-حتى أگد باگثر من نسخه اخت سلمان تصیررر مرتي

-لاحول ولا قوه الا باالله مخبل

-اي يحب اختك مخبل

گلبي فرحتي چبیره ورعد بعده صوته یرجف ممصدک مثلي رعد فتح برنص ونزلة مني واحنه بعدنه واگفين
مد ايده رفع راسي شفت دموعه يمسحها بلسبابه والابهام العبرة وگفت بصدري

بدون گلام عیونه تحچي وتحتصن،وحتي تسولف قصة حبنا التعذبنه بيه مد ايدن مسح دموعي

يدير عيونه مني حتى مايبچي يرجع يباع وعيونه چنه يشگي الصار واني شكيلة بنضرات گلشي صار النة

مريم ياقلبي ها انا كنت اعان الغياب
أتوسل الفقد
لكن الان نظره منك آشبعتني
أتضورك شوقا ولوعه
فصومي عنك قتلني
عطشت جفت أوردتي من مصلك
فهل لمريمي أن تسخى علي بجرعة ماء
لتبتل العروق ويثبت آجر القلب انشاء الله

سمعت صوت نوارة فززتنه

-یله نبقى واكفين

ضحك رعد کص خد نواره

- احنه وكفين انتم شعدگم واکفیت

ممی گالت
-ياا غير على واهس واريد نشوف وين توصلون

گالت نواره
-اي وين توصلون

-وصلت ياخيتي الحمد الله

تقرب عليه ورد

-مريومني الف مبارك عليه من صرتي نصيبي وباسمي

ـ ترى راح ارد ابچي ويتخربط گلشي

ـهاي بعدج مابچيتي انا شبعت بجي قبلچ

ـ بچیت ونوارة صلحت المگياج اليه

ـ بمگياج وبدونه انتي حورية من الجنة

ـ گافي عيب هيج تحچي لاينتبهون الناس علينه

ـ دخيلگ يالعباس هو انا شحاچي ترة بعدني عاقل ممغرد

ـ لاتغرد يمعود

ـ اوگفي ذگرتيني

ـ بشنو

ـ خلي اغردلج.. يگون هسة محد يمنة واخليچ بحضني

ـ يمعووود راح يسمعون بنات فشلة. ااسگت

ـ يلة يلة سگتت

كعدنا وبدينا طقوس تلبيس الحلقات والكيك اخذ ايدي ولبسني الحلقة وباسه خجلانه والفرحه امنتاها الگل اثنین

نواره گرصته گالت

ـ فضحتنة يالنچر

ـ ولج نوارة شيصبرني هذا كله الي مبااح

ـ اصبر للعرس

ـ ماراح يطوول العرس اسبوع ونتزوج

بقت بس نوارة يمنه وام ريتاج وامي منى وغفران والگرايب طلعن

كملنه كلشي واجة سيد سلمان دك باب راستا لبست برنص على جتافي ولازمته لايبين صدري وصاااااح بعصبیه

-رعد انت گلت بس جماعتك العسكرين جبتهم شوو ذوله هتليه خبصونه بشارع وطايح بينهم اخوك صادق الحك على اخوك تصنف ترة معلية ماادخل بيه

ابتسم وشال ايدي باسها

-جايگ جاي ابو الاشبال

گام وگف وگفت دارني عليه دنك لبسني الكبوس وجرة عليه لازمه بيده منا ومنا ودخل وجه بلبرنص وباسني بكصتي

یهمس
-هاي البوسة ضلت بنفسي بقت الشفايف

رجعت خطوة ليورة صارت على الخد

_بعدچ‌ خوافه

-لااا بس منا بنات لايجن وخاف يدخل سلمان

-غيرر مرتي هو يدري انا يمچ

ـ هاي شبيك اصبر

ـ مااضل شي وتجين بيتي وتنوري

بوستني نوارة وام ريتاج وراحو طلعو
ودخلت منى

-فاتتگم علگوها بشارع هوسات وهلاهل
وهذا اخو كله يهوس بلفصحة فطسنة ضحگ...
تعالو شوفي اخذتني لغفت بدلتي ورحنه نباوع من شباك باب شارع مفتوح

جماعته من شافو رعد بدو يهوسون اله جماعته جنود واحد اثنين ضباط وكفين على صفحة

صااح واحد من جنود وهوس...

هاا احنا وي الصاحب صاحب
ومثل الشمعة وتضوي ادروب...

سوو ميدان يهووسون وياهم رعد یهوس گالت منی

-صدگ ابن الناصریه باع باع شلون یدبچ

صاح جندي
ونعبر سبع شطوط عليه
احنه من نصاحب صاحب

اجى صادق ويهوس وكف بنص وگال

_الطِير اٌخبرنا واتينا طائرين على جنحه نبارك له

ضحكو جماعة رعد وصاحو

رعد اخوك خوش هوس عوفه عووفه
اشر الهم رعد يكملون

ورجع هوس صاحبه جندي
هاااااااااااوهاااااااااااوهااااااااااااااا احنه الخوتنه اوياكم مثل العنبر والمشخاب

وكف كدامه صادق ودبج
-انت ذيب امعط
والبر حاير بيك

كله ضحكت وصادق يكلهم

_لا احد يتفوق على ارتجالي

كلولة محد يلحكك يمعود بس لا تهوس بعد...

چان احلى يوم بحياتي من بعد المعاناة المرينة بيهه گملو وسلمو على سلمان
وراحو

كملت الخطبة والعقد على خير وحسب شروط سيد سلمان

مرن يومين وعقدنا محكمة والتهتنا بين مخابرات رعد وبين تجهيز ويريد العرس قبل محرم مااضل شي طلب يكون عرسنه من بيتنه الى كربلاء صارت يوم العرس بيوم الغدير

لبست البدلة البيضة وهل مرة فرحانه مو مثل قبل خوف ماكو بس لهفه واشتياق

أجت زفة وچانت احلى زفة كله حاضرة جماعته وسيارات ترست الفرع ومن اهله بس ارشد وصادق ونورة وام اريتاج بسيارة وحدة والباقي كله جماعته

دخل رعد سلمني اله سيد سلمان

-امانتي هاي رعد مثل ماحافظة عليها من بطش ابوك حافظ عليهة من خبالاتك

-تدلل يااخو مرتي بطن عيني

صعدنه سيارتة السايبه مزروقه وهوة يسوق ضلينه شوية نفتر ساكت ابد ميسولف بس فرحان ويه جماعته يهوس ويه هوسوتهم

واشر الهم بيدة مع سلامه الظاهر متفق وياهم سيارتنه وحدنه تروح للامام

تقرب على سيارة ارشد وحاچاه من جام

-اررشد دير بالك على نوارة خلوها بطن عينك

-هاااا ليش

-عندي نذرر اوفي

-صدك تحچي

-اي والله

ساق السياره...الى ان وصلنه للحرمين
گال

-عدلي البرنص مالتچ زین..وهاااي عبايه

-هااا ليش

-مااعرفتي من خليتچ تختازین بدله مستوره وبیها حجاب وبرنص

-لاااا ماعرفت بس حبیت الفگره بدله بحجاب

مد ایده وری السیاره طلع علاگه بیضه
نطاني ياها

-شنو هااااي

-هااااي مسبحات اوفي نذري الابو فاضل

عيوني ماوسعت حجم حبه ولا كلامه هلكثر يحبني وانه مضيعته بعنادي

وصلنا للحضره بسبب كورونا الزوار قليل
لبس رعد كمامه نزلنه عدل البرنص..اليه نطاني وجبه من المسبحات

رفعهن مقابيل گبة الامام

يا كاشف الكرب عن وجه اخيك الحسين اكشف الكرب عنا بحق اخيك الحسين يا ابا الفضل

وگشفت کربتي وهمي
شكرا جزيلا عباس ماقصرت وياي
ماقصرت يكفيلي
معذور شما احشم اخوتي مايفزعون
بس من احشمك تفزعلي..
ياكاشف كربتي وهمي

مشينا سوه هو يوزع للشباب وانه انطي للنسوان..
رگبنه السیاره رن نقاله..فتح السبیگر نواره گالت

-الحك ابوي اجى باب بيتك وياه هادي
لازم درنفيس چبیر
#یتبع