رواية عشق المومنين(أبناء الساده) الفصل الثامن وثمانون 88 - بقلم نازك الحمراني

السلام عليكم...
....

أسال نفسك ؟
ماذا قدمت لصاحب الزمان
ان كان جواب
لم اقدم
فراجع نفسك لماذ هذا الجفاء لماذا هذالنسيان ؟
یا ابا صالح اقول لك سامحني ولا مزيد من الفراق
انتظرني يا أمام زماني انا قادم

فليكن هدفك الوصول الى الله و صاحب
الزمان حتى لو وصلت ممزقا...
...........

طول الطريق افكر باختي ريام ما اجتي للعرس بحجة ماقدرناهه لان ما نطيناهه خبر بالعقد

يجوزحقها اخذت علي خاطرهه من عندي بسب ضربها اليه مهتميت لان ريام هواي أذتني بلكتل وكلت خلي يخلص العرس ع خير واجي لاهلي واخلي غفران تخابرهه وتجيبهه واعتذر منهه ونتصالح..

ريم اجتي مثل الغريبة بدون جهالهه اجتي العصر جنت گلشي مكملة وراجعه من الصالون ضحكت ويايه شوي واخذنة صور ووية الزفة ودعتني رجعت لبيتهه..

اخذني رعد من بيت اهلي مجنت مهتمة يعني مو نفس حرگة گلبي وبجيي بوگت النزفيت لنوار …

ودعت امي وغفران وسلمان ورحت لابوية بوسني وحضني وخلة بيدي مبلغ بس ماعرف شگد‌چنت شايلة جنطة مالت نقال صغيرة خليت الفلوس بيهة رجعت حضنته وتوادعنة..

ممصدكة صرت بید رعد  لبعض لازم ايدي وامشي وياه بدون خوف ولا مشاكل بقيت اصلي على محمد وال محمد خايفة لا احسد نفسي وتتعگر فرحتي.. 

رگبني السیاره صار جدامه صاحبه گابله يرگص ويهز جتف يهلهل ممصدگ..صوت سلمان صاح بیه عدل سترته ورجع یهز بچتف

فرحان وعلى فرحته جماعته تهوس من بین البرنص اخطف نظرات الرعد وفرحته
تقربت ام ريتاج ونواره يم سيارتنه نواره گالت الا ام ريتاج

ـ بداعت رتوجه راح اخلي ايدي على حلگي عود اهلهل وانتي طگيهه بهلهولة من يمج

ـ هههههههه خوب طلعي لسانچ وفري بي باوعي عليه واتعلمي مثلي شوفي شوفي .. هللللللللللللللوووووييي

ـ یاااا مو وگت اتعلم مدبرهه عود غير وگت يلة يلة راح اسوي روحي اهلهل وانتي طگيهه من يمچ ..

اسمعهن يحچن وانا ميتة ضحك فرحانةراح ارجع لنواره وام ريتاج ورعد ولمتنة نسيت گل الالم الشفته وياهم نسيت گل حقدي وگرهيي الهم سبحان الزرع محبتهم بگلبي احس روحي عايشة وياهم صار سنين بحب سلام حس روحي مشتاقة الهم

دخل رعد للسياره وقبل لا يشغلها قرب راسة مني

ـ ولچ افیشش من ابن الناصریه العاشك العلويه العنوديه

نسيت الخجل وگلت اله

-هاااا علویه عنودیه هیچ صرت

-احبچ یاااا مریومتي اخ من الحب وتعب الحب شگد تعبت يله اجت هاي الحظه حتى شيب گلبي گبل شعري من وراچ

جاوبته فرحانه
ـ هو انت عجوز  غير اني انچفيت علي وجهي وحبيتگ

ـ انا عجووز الله یرحم ذاك الطيب من يگول(صبراا جميلا وبالله المستعان)
اليوم اشوفج هالعجوز شيسوي بيج صبرر…

الحظه اجى بالي عملته جاوبته

ـ يمة خوفتني مووگلنه بلاااا هاي سوالف

ـ عرفت حظي يا سووالف بويه هاي السوالف ممين تعرفيها انتي مگلوبة على البطانه بهالجم شهرر

ـ غير تربيتك صرت

صاحت نور

ـراح تبقى تسولف وية مرتك مو شتلتنة شتل

جاوبها

-ـأختفت نوارة وطلع جبار البداخلهه

ردت
ـ اي صارلگم ساعه تتبسبسوون مووصرتو فرجه لامة محمد راح ادفرك انت ومرتك اخليكم تصعدوم ليورة واگعد بمگانك اسوق السيارة

عاط بيها رعد

ـ دخيلك يا علي راح اسوق مابيه حيل  ادفرين ترة صارلي شهور اخذت دفر مال مية سنة ليگدام

گالت نواره
ـمريم ترة رجلچ بعدة راسه معنجر من ورة السيراميگ النرگع بي ديري بالچ على اخوية

ضحكت
ـ  افا عليج لاتوصين حريص حبيبة

گال رعد
ـحاسسگم رية وسگينة اشو ممطمن الگم بس بقة تغنولي يختي عليهه

ـ اوي رعد شعندگ سوالف مو مال شقة انت

ـ لا الحمد لله رجعت اختي نورة لطبيعتهه

ـ يلة صادق مسوي ميدان وجماعتك مدري يضحكون مدري يهوسون..وارشد خطيه رگب المعازیم گلهم

-يله بالچ علی نفسچ

-ها خویه  صدك  امشي بطيئ لا ياخذگ الواهس ترة هاي سايبة مو مو جگسارة

ـ ههههههه وچ روحي …

رعد/بقو المعازيم يهوسون ويهلوهلون وانا گل شوي وياهم اخذلي ردحه

بعدني ما وصلت لباب سيارتي وطبگت بصفي سيارة هونداي بيضة مزورقة مثل سيارتي نفاخ وشرايط باوعت منو هذا الحيوان الطبگ هيج سيارتة عليه حتى مابقالي مجال افتح باب سيارتي..

صحت وانه انزل من السياره

ـ وووووووين يمعووود هووش الله بگاعه

باوعت فتح باب سيارتة ونزل منهه صديقي سید كُمَيل يضحك اتفاجئت بي

-سید گُمـــيل

ـ اي سيد كميل ولك تتزوج ومتگلييي نااقص من يوم دخلت للجيش

مديت ايدي

- شلوونگ يالضلع اخباررگ ااامووورك..

_الحمد الله

تحاضنة صارلي اگثر من عشر اشهر ماشفته

ووينگ وين اختفيت

ـ والله سافرت خارج العراق تجارة وخسرت الاول والتالي 

ـ لاا گول غيرهه شنو القصة ليش خسرت

ـ اووو سالفة طويلة بس الحمد لله على گل حال هسة شوي جريت نفس وبديت اعوض الخساير

ـ ادري يارجال اتصل بينة احچيلنة  جان ساعدناگ ليش هيج ساگت هالشهور گلهه تدري شؤد ااتصلت عليگ ويطلع مغلق

ـ والله يمگن متصدگ اذا اگلك حتى تلفوني بعتة و السيم گارت ضاع مني وارقامگم گلهه تاهت مني والتهيت بالعيشة فما رجعتلگم

بس هاي صارلي يومين من اجيت وراسا مريت على سلمان وعرفت منة راح تناسبة گلت اسويلگياهه مفاجئة وبعرسگ احضر

ـ گل الهلا بيگ بس البذات سلمان ماحجة ولا گال شي عنگ

ـ انا گلتلة لايحچي مو گلتلك مفاجئة

ـعل عموم حسابگ بعدين نتواعد علي غدة وتسولفلي گلشي مر بيك

ـ لا يضل بالك عليه اموري تعدلت الحمد لله ... امشي ازفك بسيارة اخوي

ـ  لااا معووود ومرتي عاجبتنة السايبة

ـ آخذتهه من اخوي عود ازفك بيهه

ـ ماتقصرر ضلعي بس هيج اروحلي انا احب سيارتي السايبة.جان جبت مرتك وجهالك وونستهم

ـ المرة راحت لاهلهه شمدريني گلت ازفگم بالسيارة يلة على العموم ضلع…
شايف خير مستاهلهه
اصعد خلي نزفك زفة من العمر

مريم//رعد وگف وية صديقة وبصراحه گل اشوي احد موگف مااعتقد راح نوصل للعتبه وهمه گوه هیچ وگت یفتحون اباوع  للسايبة مزركشة نفاخات واشرطة واهم شي شريط القماش الستن الماخذ نص السايبة وممخليهه تبين همزين جايب قماش ابيض مو احمر لان السايبة صفرة وية الاحمر چان طلعنة قرقوز

التفتت وخرت الكبوس وشفت سيارة صديقة جديدة مزوگهه مثل سيارتنة بقيت گاعدة انتضره ورة شوي صعد رعد وهو يهلهل من شفتة يهلهل كمت اصفگ وياه

ـ الليلة زفتي وباجر يخبزوني

ـ يااااا منو يخبززك

ـ اكو غيررج راح تخبزيني طلباات ودلع..

شغل السيارة ومشينة وصارت سيارة اخوه ارشد بصف سيارتنة..

ـ راح اغنيلگ جان صاحبهه وخذاهه

ـ ووولگ عیب لان صحبان سلمان صحباني

،،،، حجة هيج رعد وداس بانزين
طلعنة الفرع مالتنة وصارت سيارة اخو وصديقة وحدة يم الثانية
طلع راسة من السيارة وگام يهلهه ويهوس

اخذنة شمعة بيتهم
والفلووس متفيدهمم

احنة الشوبشنة عليهه وهي صغيرونة

عرريس وربعه يزفوونة

ووولگم هوسوو ويااااية شبيكم ساكتين

،،،، حسيت فرحة رعد اكبر من فرحتي بس لا انا وهو نفس الفرحة لگن هو يگدر يهوس ويغني ويرگص ويعبر عن فرحته بس انا لا مترهم اسوي مثلة شيگولون عني ممصدگة

اشوف الناس بالشارع يباوعون للسيارة ويضحكون بس مو ضحكة استهزاء لا فرحانين ويانه بس ممصدكين عرسان بسايبة لانو سيارة صديقة جديدة ومزركشة بس محد بيهه فمستغربين

بعيني شفتهه احلى سيارة عرس مرت بحياتي صح اغلب العرسان يصعدون سيارات جديدة بس رعد ماحب يگلف احد ومتفقين على هالشي …

اجو ويايه گرايبي خالاتي وبناتهن  وبنات خوالي غفران همين رادت
تجي بس ماگدرت خطية كالت مبية حيل روحي واتواصل وياج بالتلفون

مشينة شوي ورعد اشر لاخو ارشد همة راحو بطريق واحنة لفنة بغير شارع وطلعنة للامام وعاف الزفة لوحدهم وصرنة لوحدنة..

فرحانة بطريقة غريبة مخجلانة ولا مستحية ولا ارجف مثل مجنت اشوفة قبل ..
اصلا مستعجلة اوصل للبيت قبلة عندي هواي حجي بكلبي اريد احجيلة واشيكلة وابجيلة اريد يحتويني وكل دقيقة يحسسني بحبة واشتياقة الي ..

گاعدة يمة بالصدر وهو يسوق گل شوي يباوع عليه ويهلل ويهوس هوسات مادري مين جايبهه ومشغل مواليد بمسجل السيارة

طبكنة السيارة قريب من الامام ونزل هو ونزلني وياه الناس من شافتنة عرسان سوتلنة مجال والنسوان اجني يساعدني بالبدلة

وصلنة الامام ودخلنة وصلينة رگعتين شكر لوجه الله وبعدين طلعنة من استلمنة التلفونات ودنروح للسيارة اجى اتصال لرعد طلع تلفونة وفتحلي الباب وصعدني وجاوب…

رعد// وفيت نذري وطلعنة اجاني اتصال من نورة جاوبتهه وعرفت منهه ابوية واخوتي جايين

ـ الحگ رعد ابوية وامي  واخوتي جايين وهادي بيدة درنفيس

ـ جايين..  شيريدون

ـ شگولهم متبشر بخير خصوصا هادي

ـ لاتخافين واذا شايل درنفيس راح شسوي بيه

ـ عفية لاتجي اابقى بالامام شوف شوف أجر غرفة هناك وابقو جم يوم وابدد لا تجي

ـأشلون اعوفچ يمهم

ـ ماعليه شي يمي ارشد وصادق محد منهم يكدر يسوويلي شي

ـ مو بس انتي اذا سلمان عرف تدرين شيسوي

ـ ماراح يعرف يبقون هنا يجعجعون شوي ويولون وانت ابقى بمكانك…

جاي تحجي وياية وصاح هادي
ـ ووين هذا الخنييث ووووين الباع ابووه وامه واخوته علمود مرررة ووصصخةة

صحت بنوره
ـ هذا اخوج واگف يمج ...
اصبرلي جايك اشوفگ منو العار..

بقت تصيح نورة لا تجي يمعود…

سديت التلفون وشغلت السيارة طلعنة من شارع الامام ودخلت للسوك وكفت السيارة و اشتريت منشفة ودشداشة قصيرة لمريم وصعدت

ـ شنوو صاير رعد ليش اشتريت ذني

ـ عجبني اعرس بفندق

ـ ماجان هيچ اتفاقنة

ـ يمعودة يا اتفاق خلينة نتونس

ـ من اجاك التلفون احوالك انكلبت

ـ لاتخافين ماكو شي هسة اخليج بفندق واروح اخلص الشغلة وما اتاخر

ـ يعني ما اخذ صورر عررس

ـ صفنت بيهه صدك نسيت الصور واحنة ماخذين موعد من المصورة ماويد اكسر فرحتهه ولا اريد اتاخر صرت بين نارين صعدت السيارة وطلعت گبل للمصورة حاولت ما ابين ارتباگي وسيطرت علي هدوئي اخذنة ست صور وطلعت ارگـض

ـ بس گلي شنو صاير ليش هيج مستعجل

من ارجع اسولفلچ صعد السيارة ومشينة خمس دقايق و وگفهه نزلني يم فندق ودخلنة حجز تلث ايام وصعدنة للغرفة ..
لزمني وجتفي وباسني من راسي

ـ ها حبيبتي

ـ احسك مو على بعضك ليش متريد تحجيلي

ـ وليش اعگر مزاجج بهيج يوم .. لاتفگرين بشي راح ابقيج هنا نص ساعه ساعه وارجع

ـ الله عليك كلي شصاير

ـ مريم هاي من اولهه متثقين بية اريد اسويلج مفاجئة ياروحي سرقتج من هوسة الزفة والناس حتى اختلي بيج..

ـ لا مو ما اثق بيك بس

ـ لا بس ولا شي  خلينة عايشين هاللحظة التمنيناهه من سنين..  مينطيني كلبي اعوفج بس لازم اروح احضر باقي المفاجئة.. 
يلة يحرگة گلبي انا طالع تريدين شي

ـ سلامتك بس لاتتأخر

ـ لا تخافين ما اتاخر…

طلعت منهه ماودي اعوفهه بس لازم اشوف هذول ع شنو جايين صعدت سيارتي وسقت سريع وصلت لشارعنة وشفت هوسة اباب البيت دست بانزين وطبكت السيارة نزلت ارگض ويصير گدامي سلمان عيونة تجدح نار…

سلمان //
عرفت صديقي گُميل جاي للعرس سلمت عليه وراح وية الزفة رعد همين يصير صديقة گلت خلي يوصلوهم واخابرة يجي يمي نطلع لاي مگان صار فترة طويلة ممتشاوفين ..
ورة ساعه الا ربع خابرتة..

-سید گميل وين صرت

ـ وصلنة بيت رعد

ـماترجع تعال دنطلع نتعلل مثل قبل

ـ غير يجي نسيبك اخذ مرتة وطلع للامام

ـ اذا هيج شكوو باقي تعاال

ـ يلة هسة اجي بس اسلم على ابوه واخوته

ـ شگاعد تحجي ابو منوووو

ـ شنو شحجيت

ـ  ابو منو واخوة منو

ـ شي طبيعي ابو رعد واخوته هنا غير عرس ابنهم شبيك تعصبت

ـ  عرررس ابنهم شنووو

ـ سلامات شبيك

ـ ااابو رعد واخوتة اابيت ررررعد

ـ اي من الطبيعي يگونون ابيت رعد غير ابنهم..

ـ الانذال يگسرون الاتفااق جااايگ ثواااني وانا يمگ

ـ شون يعني ثواني راح اطير
الوو الوو يمعوود ووگ يمعود شگو يا اتفاق شنو صاير

سلمان/سديت التلفون صعدت السيارة شخطت بيهه ورحت لبيت رعد العفاريت تطافر كدامي والنار تتجدح من عيوني
وصلت البيت لكيت سياراتهم موجودة

ماهمني انا لوحدي وبنصهم جريت توثية من جوة كشن سيارتي وطبگت السيارة ونزلت اتلاگني گميل وارشد وصادق يريديون يوكفوني

نوارة/صديق رعد وسلمان اسمة گميل عرفنة منه سلمان جاي بالطريق لان گايلة هنا اوية واخوتي ميدري بالاتفاق وگلشي ميدري من الصار من شافنة نتصايح وية ابوية اني وارشد وصادق افتهم الموضوع

حاولنة وياهم حتي يروحون من بيت رعد ماگو فايدة عرفت بيهم جايين على شر امي گامت تبچي  صبر علیها تگول

- بس ردت اشوف عرس ابني ماردت شي

-یمه موو هو نطاگم خبر لاتجون وری چم
یوم یجي عليچ یشوفچ لان رعد یحبچ

-وهسه یمه شنوو الدبره

-ننتضر رعد

بقت ام تلوب واحنا ننتضر رعد وبعدة ما اجى  همزين راح يجي علمود سلمان ما اگدر اتوقع الراح يصير ماخايفة من ابوية ولا هادي خايفة على زواج رعد ومريم هواي اتعذبو يلة صارو لبعض وهسة اجوي يخربوهه…

سمعنه صوت  سلمان باوعت من الشباك شفته بيدة توثية راد يطلعله هادي دفعته

-لاااأ تطلع ابقى الله عليك

-ووك عوفني هذااا حصتي

-هاااادي خويه

-خوه تخوك خنيث

دفعته من الباب بقيت اصرخ عليه وهو يستهزء بية يگلي

-خاااااب ول لانت رجال لا مرة شنييييي صنفج ..
دفعني  لزموه رشيد ورشاد وابوه وگعدو
وسلمان راح اله يهدو گميل وارشد وصادق

اهل المنطقة گلهم موجودين يحبون رعد ولخاطرة اجوي لعرسة يفرحولة وگفاته وياهم حلوة جان يصلحلهم سياراتهم اذا  بس ممفتهمين على شنو الهوسة الصارت
سمعت صوت سلمان يصيح

ـ عوووفني گُميييل خليني ااادخل عليهم هذووول معناهه ميحترمووووني

رد ارشد

ـ لاخووية لا مو هيج ماعاش الميحترمگ صار سؤ فهم مو اگثر

ـ اااهلگ گسروو الاتفاق يا اااررشد وجااين اااابييت اااختي

رد هادي من بعيد

ـ بيت ااخوتي الاثنينن ولك  لاتصددگ روحكك بيت رضيعتك

عاط سلمان

ـ ووولك هادي لو انت زلمةة تطلعللي حتي اشووفگ الزلم شتسوووي

رد هادي بصراخ

ـ عوووفوني لاتلزززمووني خلووني اطلع هلحشررة اعرفة مقاامة

ـ اااذا زلمة ااطلعلي واشووفگ الحشررة شسوي بيگ الا اخليگ تبجي و تصيح اناا مررة

نورة/بقي يدفع بينه هادي يريد يطلع وانا ورشيد نجر  دفع رشيد وانا بقيت مچلبة بايدة نتر ايدي وصرخ

ـ وووولگ نواااار عوووووفني خلييني ااطلع آلهلگللللب وووخر عنننننني ..

امي ماسگتت گامت ترگض ودفعته بالبيت ماخلته يطلع

ـ يمة عرس اخوك لاتگلبوه عزة گافي گلبي خلصص من مشااگلگللم طول طريق حلف بيك لاتخرب عرس اخوك
ومن خباثتك سيارتك عطلت
وابوك حاير وياك وشايل الدرنفيس يصلح وياك  ومن وة كلشي مايعرف
الله يطي العالم سوهة الك
ومااتعضت حمد الله مااصار حادث بينه وانت بعدگ طاغي ودور مشاكل

،من صرخ هادي الله يحبني وﻧجاني و هذا بيت اخوتي

ورد صرخ بية ويحچي ويايه بصيغة رجل اهل المنطقة اتبهو آستغربو من الديسمعو رغم خطية ماگعدو وحاولو يهدأون الوضع انقسمو

الجوارین دخلت شي تحچي وية هادي وشي وية سلمان ميدرون شنو السالف من امي دفعت هادي جوة وجفتنة شرة گعدت بررت الجارتنه ورجلها

-ترى اخوية عصبي ويخربط من يعصب

-بس يحاچیچ مثل الولد غير نفهم يانوره

-عصبي اخوي والله

-ماعرف شگول الچ...منا وجاي

-شنو خاله منا وجاي شكوو

ماحچت شي راحت يم رجلها النسوان الچانت تساعدني انه وام ريتاج يباوعن

من الفشله حاولت اصرفهم واگلهم انلغة العرس بس ماگو فايدة 

صادق  گال الهم

-حفل الزفاف انتهی نرجو من حضراتكم ان تذهبووو لقد انتهئ

ارشد گال

-المشگله عائلیه اتمنی تتفهمون

گمل صادق

-نشگر سعیکم وفرحکم لزواج اخي لكن الوضع خرج عن السيطره اخي هااااادي
مجنون وبيده اداة حاده انجو بانفسگم يااقوم

اخوية ارشد حاول يفهمهم گلشي خلص
بس ماراحو ضلو باقين يفازعون لسلمان ووهادي

بهالاثناء سمعت صوت رعد طلعت ارگض شفته جاي لوحدة  طفر من بيناته هادي بيدة درنفيس  ورگضنة وراهم

رعد/ وصلت لگيت الجو محترگ واتلگاني سلمان ..يعيط

ـ شنو القصة ررعد وووين ااتفاقنة

ـوحك ابو راس الحار حالي حالگ ما ادري بيهم راح يجوون

ـ ااعتبر الاتفااااق انلغى ووگلشيي انلغى ووين اختي

ـ اذگر الله خبز العباس وجابو الك عصريه مااصدگت
سلمان انت عاقل لا تخلي لحضة عصبية تدمر گلشي بالله الگريم ماجنت اعرف بجيتهم

ـ ووووين ااختي وين ذبيتهه

ـ اذبهه شسالفه ترى اجرتلهه غرفة بفندق يم الامام واجييت اشوف شصاير

صرخ هادي

ـووووولگ هااا ياا عااااااار هسة يلةة اجيت ياعار اخوتك

سمعتة هيج يحجي رگضت وگمزت بوجهه وصرخت

ـوووك شتررريدوون منييي فگ يااخة عنيييي عاااد

رد ابوية

ـ شلون نطاگ گلبگ تتزوج واحنة مو يمگ وولگ لهلدرجة بعت ااهلگ علموود مررة
چنها عصت بیبیتك

گاله رعد

ـ اااانت اااخر واحد تحچي ااااااخر واحد مسموحلة يحچي بالبيع والشری اانا اذا بعتگم علمود مررة فهااي مرتي الانت بجبرووتگ دمرتهه

ولااتنسسسى انت بعتنه گلنةةة علموود مگانتتك بين عشيرررتك دمرت ااختي ودمرتني وياهه ودمرت بنت غررريبة عنگ ودمرت عائلة گاملة بسبب لئمگ وانانيتگ

-چلب وذيل الچلب ماینعدل

-گلتها یابه  ذيل چلب المن جاي عليه وانا نبهت عليگم ماتجوون

صارت مشادة گلامية چبييرة بين ابوية ورعد وهادي

سلمان بعدة لازمة سید گميل وشوي بعيد عنهم بس يسمع الحچي تخزينة جدم اهل المنطقة الگل يتفرج على اخوتي وابوية وهمة يتعارگون يردون یفهمون شنو الموضوع

اتقدم شخص جيرانة من بين الزلم چبير مختار المنطقه گل الرعد

ـ انصدمت بيگ يا ابني شلون هيچ تحچي وية ابوگ وتنتر بيه وتصرخ بوجهه ولگ القرأن يگول ولا تقل لهما إأأأف وانت تعيط بوجهه‌لا يارعد ابد مامرجية منگ
وانا الچنت  خابص ولدي اگللهم شوفو رعد شگد مؤدب ويحترم

شوفو رعد شلون راقي اريدگم تصيرون مثلة تالي تصرخ بوجه اهلك هيچ تسوي بابوگ علمود مرة غريبة؟

يا ابني ماگو شي يستحق تعوف ابوگ واخوتك وامگ علمودة

جاوب رعد
ـ عيوني عمي حچايتگ على الراس بس لاتدخل بيناتنة انت مافاهم السالفة گلهه وما اگدر احچي شي لااان اگو سوووالف متنحچي وماريد احجي بيهه اصلا…

انصدم من هيچ رديت عليه واعتبرهه قلة ادب مني بس اگره الناس التدخل وتصير مصلح براسي وهمة گلشي ميعرفون اگعدو على جهه واسگتو…

ـ ما اتخيلتگ هيچ ترد علية والمگان الميحفظ گرامتي مالي مجان بي .. اودعناگم

ـراح اللزلمة ووياه ولدة ماخذين علي خاطرهم مني استغفرت الله ورديت التفتت لابوية

-يا ابوية واخوتي اطلعوو من البيتت ماريدگم توصلوون لبيتي بعددد فهمتگمم دزيتلگم رساايل وگلام بيد ارشد وصادق
چنت محتاج فلوس زواجي وگلت الکم محد اهتم

علاج نوره ردت محد انطاني شمرتووني انا ونوارة هسة جايين ذاگرين عدگم اابن

رد ابوية
ـ هااااا رعيد يعني تطردنة من بيتگ

ـليش صعبه مثل ماطردتني من حياتگم انا واختي وفلس احمر مانطيتني وعفتني حاير بروحي وبأختيي ااطلع من حيااتي واعتبرر ابنگ رعد مااات ودفنتةة گافي تخررب بحياتي ترة تعبت منگگ حتى النبي يگول(الله والدين حملا ولدهما على عقوقهما)

-وووشلون‌ بله

-اسال نفسك ابنك بلا بيت بلا راتب عنده اخت مريضه يراد الها علاجات ودورات طبيه نفسيه شنووو سويت..

عوفك زواج وراسلتك گلت ا ذا حن عليه
ارد الها وارجع ابنك البار الك والنتيجه سديته بوجهي انت وحتى امي

گالت امي

-ليش وليدي

-يمه  بس تبچي ومچلبه بگلمة الخاطري والخاطري...وانتي اذا تردين خاطرچ یمنا چان فگرتي ببنيتچ خطیه

رد هادي
ـلااااا تگبرون راسه هذااا واحد نااقص وطاايح حظظ عمة عيينگ يالاغمم گل هذااا علموود مراااه چانت مزوجه اختك وولك ماتلعب نفسك الله ياخذك

سلمان/عووفني سيد كميل هذا هادي واحد مجررم

-اي وانت تريد تلووث نفسك بلاجرام عليك بصاحبنا رعد مايصير لخاطره

- احچي ويه كميل سمعت هادي يفشر على مريم دفعت گُميل ورگضت على هادي

اتلازمنا انا وياه بيناتنا الولد والمعازيم گلهم رگضو حتى يفازعون بيناتنا  صحت مثل المجنون

-ووولگم عوفوني انا وياه رجال لرجال لاتدخلوون
حاول رعد يمنعني گلي

-انااا احاااسبه  اختك مررتي وعرضي ول يدوووس عرضي ادووسه

صحت

-لااااا والله هذذاااا المجررم لااااازم انه ادبه وعلمه اشلون يصير رجال بس عوفوني الخااااطرر الله 

هادي عاد

-هااااة ادافع الاختك المزوجه بنيه مثلهااا هاااي مكان ماتكتلها ولك انت حاااااسب نفسك خذيت ثارك والعيب راگبك هاااااي لووو اختي اأكسرر رجلهااااا وعلمها الزلم شجاااابت

سلمان صاح بيه

-هااااي الزلم المثلك ترسوو اشوارع حقك بس تعاال يمي

-هووو جايك بس المخانيث مايخلوني

دفعنا سلمان حيل وصل يم هادي زنخه ولزمة دمرة ضرب علي وجهه رغم گل الزلم تگابلو عليهم حتي يبعدوهم بس سلمان جان محلب بهادي بأيد والايد الثانية نازل دك ضرب على وجه هادي بحيث خشمة طك دم

هادي رفس سلمان گلبه علی ظهره وهنا رجع سلمان بكله هادي اخوتي وگفو حدى ولا فزعو بالعگس رعد وارشد وصادق وية سلمان ورشيد رشاد جانو واگفين بعيد عنهم

ابوية راد يروح يفزع لهادي بس انا لزمتة…

ـالله يخليك بةيه اذا تقدمت راح تنضرب ومحد من اخوتي حيقبل على ضربتك فمعناهه راح تصير دم للررگب عوفهم بينهم يتعارگون

ـ وووخرر عني يانوارالعاار لاتلزمني

صكيت سنوني وهمست بصوت حاااااد

-لااااااتصيح وتگلي عاار گدام النااس خلي المصيبة مستورة لاتگشفهه وتفضحنة

رد ابويه
ـ يعني تعرررف نفسگ عااار وفضييحة وبعدددگ عااايش ما موتت روحگ يالخنييث

ابتعدت من ابوي اهل الممطقة التمو على حچاية ابوية من گلي خنيث وعار

بحیث گالو

-شوو يحچي وياها بصيغة ولد مو بنت شنو القصة وليش هيچ ابوها يحچي

حسيت نفسي بورطة معرفت شلون اتصرف حتي ماعرف شلون عرگة سلمان وهادي فضت سمعت صوت هادي يصيح بعالي صوتة

ـ هية هاااي خوتگم يا گواويدد ولگم خوة الگواويد احسن منگم على الاقل بيهم فزعه مو مثلگمم شدددة زلم محد منهم فزعليي بالعرگة تتتتفووو عليييگم

گلللگلمم بس شتررجة منگمم اذا انگلبتو مخاانيثث مثل نواااار وتالي لبس عبااااية

صرخ رعد
ـ وولگ هاادي اسگت الله یفضحك ويهدك

ـ شعبالك علييية وعلى ااعدائي ياااسفللة اتعاونتو عليية وووية الغررريب وانا ااخووگم ووگفت وية ااخو مررتگ ضدد اخووگ الطالعين من نفس الضهرر عمت عييينگم وهاي بعااالي الصووووووت احچيييةة هذااا التحسبوو ااااادمييييي وخوش انساان وخييير وجاااين لعرررسة خلةة اخوووه نواار ينگلللب بنيييييية

اي بنييييييية ساااقطة مثل الساقطات النشووفهن وشجعهة اخووه ررعد الگواااد واذاا ممصدگييين طلعووو جنسييية نووورة خليي تشوووفگمم شمگتوووب

دموعي لا اردي نزلت ادمرت من هيچ حچی هادي حسيت الدنية انتهت بعيوني
الناس انصدمت من السمعته الگل صار يباوعلي بنضرات غريبة

رکضت بسد رعد ختلت بظهره التفت شافتي ابچي گالي

-ووچ مو گتلچ محد یگدر یطخچ اموته

-ررعد فضحني

مسح على راسي وراح الهادي جر قميصه تلازمو دخل رجال بينه يسمو چبير المنطقة  وگف بيناتنة وزمخ

ـ اااوووگفوو شنوو هذااا الحچي لسمعنااه

ضل رعد ساگت ميعرف شيحچي الگل هنا هداء وبس صوت الرجال هو العالي بينهم

راسا صاح هادي بنصنة

ـ طلع جنسيتة اذا ممصدك كلاميي هااااي
وولد

رد صادق.

-تبت يداك تبت يداك ثگلتک امك

صاح ارشد

ـ شگد ناقص يوويل وولگ بحياتي گلهه ماشفت ااخ مثلگ نذل وناقص وعارر

الناس التمت على فضيحتنة وصار الحجي ثگيل بين اهل المنطقة ورعد وارشد ابوية اخذ هادي عود يريد يعالجة لان خشمة نزف دم وانهزم وعافنة بنص هالمعمعه رشيد ورشاد همين انسحبو

وضل رعد وصادق وارشد وسلمان وگميل صديقهم واجهو الموقف وية اهل المنطقة بس للاسف اهل المنطقة ماتقبلوني وماصدكو جنت مريض وهاي حالتي مرضية مو انا عجبني اتحول ف نطو رعد شهر يشيل من المنطقة

فگللهم ماشيل الا ابيع بالسعر الاريدة لاني ماعندي وحطيت گل الاملگة بهالمزرعه والبيت تريديون اشترو المزرعه بسعر يرضي الله ويرضيني واذا متريدون ف خلص انا باقي هنا…

حسيت نفسي عبيء علة اخوية وين ما اروح اخرب ما اعمر قفلنة البيت ورحت وية ارشد وسلمان رجع لبيتة ورعد راح لزوجتة

رعد// قبل لا ارجع لمريم دخلت للبيت سبحت ولبست غير قميص لان تلف هالقميص من التجرجر والعرگة قميص العرس ازرك واللبستة ابيض واخذت ملابس لمريم لان مجنة محسبين راح نبقى بفندق عبالنة بالبيت فما اخذنة شي ويانه بالسيارة خليت الملابس بالسيارة ورجعت للفندق ..
بعدني ماصعدت للغرفة واتذگرت انا  من طلعت منهه گلتلهه اريد اسويلج مفاجئة نزلت ارگض ولاقرب محل گيگ اشتريت منة گيگة وشموع المدورات بقاعدتهن وورد ومن هالسوالف وجبت نفاخات وصعدت ارگض للفندق

دخلت للغرفة شفتهه نازعة البدلة ولابسة الدشداشة القصيرة ومتمددة نايمة
خليت الگيگة علي الطبلة الصغيرة وشغلت الشموع بالگاع ونثرت الورد  وخليت النفاخ على الفراش

اتقربت عليهه وگعدت يمهه غافية بس التسريحه والمگياج هو هو ممغسول ..
اتقربت من اذنهه وهمست

ـ عفية حبيبتي مالعبتي بشعرج ولااااااا المگياج وانتضريني

مريم/طلع رعد چنت ممطمنة خابرت غفران ردت اسحب حجي منهه بس ماحجت شي سألتهه وين سلمان  گالت طلع وية صديقة گميل

رديت خابرت نواره بس متجاوب ورة عشر دقايق دزتلي رساله

ـ حبيبتي مسمعت التلفون ملتهية اعشي المعازيم بعدين اخابرج
گلت خطية ملتهية مو مال اسألهه..

نزعت البدلة لبست الدشداشة  محافضة على وضوئي لبست العباية وصليت وطلعت القران وگعدت شوي اقرة..

حسيت بتعب ردت افتح شعري بس گلش زين اتذگر من چان رعد يگلي امنيتي افتح شعرچ بلیلة العرس

اتحملت الدوخه ووجع الراس وتمددت انتضرة بس هواي اتأخر  تالي نمت وحسيت عليه يهمس بادني راسا گعدت شفت الگيگة والشموع والنفاخ والورد

ابتسمت بس گلبي ممطمن يعني هالتأخير گلة على هالجم شغلة

ـ شنو هاي الابتسامة بلدين

ـ ترة هالسوالف الجايبهن ميستوجب هالتأخير گله

ـ كمت من الفراش وعفتهه أشتغلت المخابرات الجواپ

ـ لاجديات رعد وين رحت شنو القصة

ـ ما اتاأخرت بس انتي نمتي

ـ نمت؟ ترة هسة ساعه ثمانية ونص وخمسة وانت طلعت وعفتني من ساعه ستة وعشررة..

ـ التفتت عليهه حضنتهه حبيبتي خلينة نتونس اليوم وننسى گل شي ولج اليوم شگدد انتضررنناه

ـ عزةةةة بعييني وووين قميصگ هذااك جان سمااائي وهذااا ابييض ليش غيررت ملابسسسك

ـ ليش عزة بعينچ حبيبتي القميص يعني هو تلف وغيرتة

ـ ووين غيييرته وووين رررحت وشلون غيررتة وبیت منووو

ـ رجعت للبيت

ـ للبيتت شنووو اانت تگذببب عليية گووول خنتنيي بيووم عرررسي رااسلت نواره مااگاالت انتت هنااگ واصلاا ليش ترووح ومتاخذنيي

ـ أهديي

ـ مو على اساس ترريد تبتعدد عن البييت وهوسته وجبتني للفندق على اي اساس تروح للبيت ومتتاخذني شگالوو بلةة گرايبي من ما لگووني

ـ بعدين افهمچ

ـ لاتفهمني ولا شي اعترررف وگوول جنت تخوووني طالما مبدل ملابسسگ يعني عندگ سالفة

ـ ولچ لا من چنت وولد ولا بعد طلاگج ولا بحياتي دورت حرام لو خيانة انوب بيوم عرسي اخونج شهالعقل

ـ شتفسرر قميصگ وتأخيررگ وغموضگ وفوگ القهر متعترف

ـ اگعدي

ـ ما

ـ اگعدي مريم حتي افهمچ

ـ شتريد مني عوفني واگفة واحجي قابل واگفة على لسانگ

ـ ههههه ولچ والله لو ما احبچ وانتي عزيزة عليه چان هالنتر الصياح گلة طلعته من خشمچ اااگعديي

ـ اووف گعدتت

ـ جيت يمهه وگعدت على الفراش
جانت اگو مشگلة وحليتهه

ـ حلال المشاگل رجلي..

اي بلة ويامن المشگلة شسمهه المشگلة شطولهه شعرضهه حلوة لو لا هالمشگلة

ـ هههههههههههههه اي تخبل وجسمهه مربرب دمار

ـ وعلييي اليووم اامووتگ

هجمت عليه عود تريد تضربني لزمت ايدهه ونيمتهه على الفراش وصرت فوگاهه

ـ لاتبقين تحوسين ترة تخسرين

ـ ووخر وخررر مو تريد مربربة شكو جييت عليه

ـ انعمييت شسوي

ـ وووخرر والله العظيم اسويلگ طلابة هنا

ـ يلة وانا شاري الطلابة سويهه

ـ وخرر عني جنگ لووري فوگاية وخرر

ـ شفتي انا لوري وانتي سايبة  اعقچ بيد وحدة اذا تبقين تحوسين

ـ لا جديات رعد خنگتني

ـ اسم الله عليج يحرگة گلبي..   اهاا عدلت گعدتي

ـ گذاب حرگة گلبببك وعفتني ومدرري وين رحت

ـ ولج لااااااتگولين گذاب

ـ لاتگوولي وولچ افتهمتت

ـ مررريم صيري عاقلة لاتخليني من صدگ اعقجج

ـ شنوو خوفتنيي يمة يمة

ـ هههه
شو عيدديهه بدااعتي

ـ وحق الله الا اعضگ..  ذراعه قريبة مني دنكت عليه وعضيته من گل گلبي طلعت حرگة گلبي بي

ـ ووچ ااااخ فلك صابچ..هاي گل قوتچ ولچ

ـ لعد شگو گلت اااااااااخ

ـ اضحك عليچ

ـ لاااتستفزني

ـ ههههه باوعت ايدي مطبوعه طبع من العضة صارت مثل الختم بيدي شسويلهه گابلتهه وگعدت اضحك

ـ استفزني اگثر من ضحك اريد اعرف ليش هيج انگلب عليه وليش يعاملني هيچ
بعد ما اتحمل رعد گوم وديني لاهلي

ـ اگلچ نلعب بيت بيوت احنة اخوچ شافني وگلي العرس انلغى رجعلي اختي
وهسة انتي تگولين رجعني لاهلي شسالفتگم

ـ اخوية سلمان ليش شنوو صاير ليش هيج حجة اهااااا اضاهر شااافگ وانت تخوووني

ـ والله عقلچ يدررس بالمدراس من الذگاء الشايلته

ـ لاتصنف رعد ترة طلعت روحي

ـ اگعدي مثل البنات الحبابات خلي افهمج شصار

ـ يلة گعدت ااحچي عاد

ـ گوة لزمت نفسي وماضحگت عليهه وگعدت احجيلهه شنووصار بالتفصيل

ـ شنووو

ـ هذا گل الصار..

ـ سوددة عليهه اخوية خو متئذة

ـ لاتخافين گلنة جنة بضهرة هادي هو النخبز

ـ يطبة مرض هادي

ـ شوفي مريم صح هو نذل وجبان بس يبقى اخوية ف احتراما الي على الاقل لاتحجين گدامي

ـ اسفة من حرگة گلبي على اخوية

ـ خابري واطمني عليه وخاف متصدگين وتگولين اهلي يطمطمولي هذا اخوج يحجيلج گلشي

ـ لحضة  اخذت التلفوت وراسا خابرت سلمان.. ها  خوية سلمان شلونك عفية خو متأذيت

ـ لاتخافين مبية شي ولا يبقى بالچ

ـ حسبي الله عليهم دمرو فرحتي

ـ ماعاش ولاچان اليدمر فرحة اختي..  اليوم اگدر اگول اخذت شوي من حقي.. 
مريم انسي گلشي وافرحي حبيبتي ترة رعد خوش رعد

ـ يعني صدك ممتأذي زين دزلي صورتك اشوفك

ـ ادزلج يمعودة بس لاتبقين تبچین خيتي حبيبتي

ـ انتضرك

ـ هسة اخذ صورة…

ـ سديت التلفون وانا اسمح بدمع عيني ثواني ودزلي سلمان صورتة شايل ذراعه ونافخة مثل هذول گمال الاجسام وگاتبلي
(اخوج الهرقل )

ضحگت ومسحت دمعي ورعد همين ضحك وياية
زين ليش اجوي ابوك واخوك

ـ مادري مريم ما اعرف شنو غايتهم رغم انا دزيت بيد صادق وارشد گل الحجي بس…  اووف استغفر الله  بعد جم يوم اسافرلهم وادخل شيخ عشيرتي بالموضوع

ـ يعني شتريد شيسوي شيخ عشيرتك مسألة عائلية

ـ لا مو عائلية بعد طالما فضحني وفضح اختي نور بالمنطقة ماعادت عائلية وصار بيهه اذية وتشويه سمعه وانوب اهل المنطقة يريدون يشيلونه فماعادت عائلية..

ـ عزة بعينگ يهادي ليش هيج ديسوي ميگف يشوف اخوتة مرتاحين

ـ اتربة على الانانية ونفخة الراس ابوية جان هواي يگبر راسة بيناتنة لان هو گلش مطيع لابوية فصارت گلمته بالبيت تتنفذ
فميگدر يتحمل احنة اخوته نطلع من شورة ونتمرد عليه

ـ لا اله الا الله..  زين منو يگول اذا شلنة لغير مگان ميلحكونة ويسوولنة هالمشاگل

ـ كلتلچ ادخل ادخل شيوخ عشيرتي واذا اضطر اسوي ورقة من العشيرة بيني وبينهم

ـ ورقة شنو

ـ كافي يامريم ترة والعباس اليوم عرسي

ـ غير افتهم

ـ عود لگل حادث حديث وبوكتهه نسولف للصبح.. بس مو اليوم

ـ لا تخلي ابالك شي ترة جوعانة ميتة جوع

ـ اي هذا گيگ

ـ تريد تموتني ياحلو مو تدري بية سگرر

ـ ااااخ والله نسيت..  ههههههه عمي اسف هسة اطلع اجيبلج عشة

ـ شنوو لا عيني لا اريد اطلع اتعشى بمطعمم اريد افتر بالسوك اريد اعيش وياگ هاللحضات الحلمت بيهه

ـ لگ مو تدلل گومي بدلي

ـ صدك شلبس واحنة مجايبين شي ويانة غير هالدشداشة

ـ جبتلج هاي العلاگة بيهه هدوم

ـ شنو شجبتلي

ـ دروحي فتحيهه هالشفته معلگ كدامي خليته وهاي عباية راس طلعتي بيهه من البيت وحذاء العرس وصرتي تخبلين وصاگة

ـ امم صاكة مووستوك تگول مربربة

ـ يبو شراح يخلصني ..

ـ گمت من الفراش وفتحت العلاگة شفت جايب تنورة سودة وقميصي الوردي وشالي البيجي
عزااا هااي شنوو مشگل يالووز اطلع وبعدين القميص والتنورة ثنينهن مستعملات مالاتي قديمات مو  ملاابسي الجديدة..

ـ حبيبتي هو انتي هيج هيج راح تلبسين فوكاهه عبااية ماراح يبين شي منج

ـ اووووووف بيوم عرسي البس مخررربط

ـ عمي تريدين اطلع اشتريلج امشي اشتريلج التريدي ونرجع بدلي ونروح للمطعم

ـ لا ميحتاج شدعوة هالگد نصرف

ـ اهم شي متضوجين

ـ هم صدك راح البس عباية فوكاه والف روحي بيهه يبقى بس الشال طالع هو حلو جديد

ـ الله يگملج بعقلج حبيبتي

ـ نروح نتعشى ونطلع لمدينة الالعاب

ـ لا خلي مدينة الالعاب باجر نروحلهه العصر

ـ زين هسة بس افتحلي شعري لان اذاني..

ـ اوك تعالي…
كعدت على الفراش وشلت الماشات من شعرهه زين مابي هواي ماشات فتحتة راح ادخل اسبح من هذا السبري لبشعري

ـ اجي وياج

ـ لااااا وين تجي

ـ بداعتي مرريم

ـ لا داعتي ولا شيي الله عليك لاتنغصني اريد اسبح واطلع اتونس

ـ ولج ماحصلت شي

ـ ماحصللت شنوو عييني ليش يمة نسييت سوايتك

ـ اضاهر راح تذلييني بسوايتي

ـ اي راضيني ومن اقبل عليك گلشي راح تحصل..  ضحكت ودخلت للحمام ارگض وقفلت الباب

ـ لج مرررريم صايرة لووتية وج ماجنتي هيج

ـ غير انتو اسطة واتعلمت منگمم

ـ بسيطة يابة نراضيج وامرنة ال الله

،، دخلت الحمام غسلت شعري وسبحت المكياج ماراح گلة بقى اثر منه نشفت ولبست ملابسي وطلعت باوعت ماعندي مشط يلة شعري سرح ميحتاج تمشيط

لميته وقرصته ولبست الحجاب لخذت الكحلة عود اريد اصير مثل باقي البنات واتمگيج بقيت صافنة على وجهي شلون يخطوهه للگحلة على طول عينهن تسويهة  نورة يمي جان مگيجتني.. 

تالي ضجت من الصفنة وخفت لا اخربط عيوني واصير مضحگة خليت گحلة داخل عيني وحمرة وهاي هية هو هذا الاعرفة لبست حذاء العرس كعب سبعه سانتيم ولبست العباية …
خلصت حبيبي يلة نطلع

ـ حبيبي وتريديني اطلع غير صار شلل برجلي وبعد ما اگدر اتحرگ

ـ هم صدك انت مو وجه نعمة

ـ  ولج منو مووجه نعمةة بس اليووم عرررسي اافتهميي

ـ لاتصدك روحك ترة عررسنة تم من شهوور طويلة بس اليوم زفة واشهاار يعني لاتحلم تحصل شي اذا ماترااضيني تماااماااااا وبمزااجي تصيير

ـ مرريم حرام علييج هو انتي حااسبة هذااك الييوم تم بيه زواجنة

ـ اي طبعا تم بيهه زواجنة شنو تغشم روحك

ـ  اغشم روحي شنو ولج حتى ماحبلتي على گد ماا جاننت رررگض ررگض مو زواج مصاارعة تتذگررين

ـ ومنو گلك نسيييت..  يلة گووم عووضني عن گل لحضة الم ونسيني گل ثانية وجع واذية حصلتهه منگم

ـ خاف ابقى طول عمري ادفع وماوفي

ـ لاتخاف توفي وتگفي.. 
بس لاتتعامل وياية على ان هالسالفة لازم تصير…
افهمني رعد اريد تم برغبة مني مو واجب لازم يتنفذ وتذگرني بذيج الليلة ومأساتهه

ـ لزمتهه من جتفهه وحضنتهه مستعد اصبر عليج شكد متريدين بس اهم شي تنسين اذيتي الج وتنسين هذيج الليلة

ـ يلة متت من الجووع ترة

ـ خرب حظ الرمانسية جفصتي ابطنهه .. امشي يابة امشي… طفينة الشموع ورجعنة الگيگة لباگيتهه ولمية الورد والنفاخ على جهه وطلعنه صعدنة السيارة وطلعت بيهه

لمطعم البيت الدمشقي ..
مطعم فخم وحلو مرتب عائلي طلبنة اگل واگلنة انتبهت على مريم مو مثل قبل جانت هواي تخجل  وتتجبجب مني اتعشينة وطلعنة نفتر بالشوارع بالسيارة طبكت السيارة يم شارع الامین

وقفلتهه ونزلنة نتمشى الهوى گلش حلو اشتريت جبس وذرة مسلوكة ومشوية وحب وگعدنة ناگل..  فرحانة مريومتي

ـ تدري گل شوي اكول انا بحلم لو حقيقة

ـ بعدج ممصدگة مثلي

ـ لان الضروف المرينة بيهه جانت من سابع المستحيلات تجمعنة..

ـ بس اتخيلي لو نوار طلع كلشي مابي واستمر زواجكم جان شصار بية جنت يومية اگعد على گابوس اطفالچ يصيحولي عمو وانا اتعارك واگول انتو المفروض اولادي مو ولد اخوي…

  سبحان الله مريومة شگد الله يحبنة و رحم بينة وسخر الضروف لصالحنة

ـ ختمت القرأن مرتين لهل سبب

ـ ما اگذب عليچ واگلچ ختمت القران بس جانت زياراتي  للائمة وصلاة الشگر مسمترة ماترگتهه بيوم.. 

رغم يأذيني الصار لنورة بس هذا واقع وانفرض علينة

ـ بعدك تريد تسمي اول طفل(( يعسوب)

ـ اي طبعا وهذا ندر لازم اوفي

ـ هههه  واذا اجتي بنية

ـ الج حرية اختيار اسمهه

ـ هههه الله كريم 

ـ والنعم بالله بس الله گال ياعبدي اسعى وانا اعينك

ـ ههههه شتقصدت

ـ الحل والررربط يمج يااحرگة گلبي  وتسامحيني حتي يجي ولي العهد

ـ والله انت وشطارتك بعد

ـ اولي ربي دخيلك شاسوي بعد وترضين عليه

ـ لا بلة عبالك هالچم لگمة بمطعم فخم وطلعه على الگورنيش اررضى لا عيني رضاية صعب

ـ وانا گدهه

ـ نشووف

احلى ايام هي ايام عرسنة ثاني يوم طلعنة انزور مناك مرينه على مدينة العاب احس روحي رجعت طفلة

صح سلمان ممقصرين عليه بشي وجان سلمان ياخذنة لمدينة الالعاب بس جنت استحي اصعد اي لعبة اعتبر نفسي جبيرة بس وية رعد اختلف هالشعور رجعت طفلة بعمر عشر سنين…

الگيگة ما اكلنة منهه شي بس قسمناهه واكلت منهه فتفوته ورعد قسمهه وبقاله قطعه ووزع الباقي على العاملين بالفندق

بقينة يومين ايام بالفندق وهو ممحصل شي بهاي ليلة النا بهالفندق ماحبيت اگسر بخاطرة خطية صارلة تلث ايام مابقة شي ماسوالياه حتي يونسني..

لبست ملابس نوم  قصيرة كلش وتمگيجت هالاعرفه

رجعت تعبان افكر ليش هلكد ماتريدني معقوله احجز الها يم دكتورة نواره..حتى تنسى الصار دخلت للغرفه بيدي حلويات
شفتها متجهزه اليه مثل مااحب واريد..طلعت باكيت الحلويات لان كل مره تلعب عليه

خليت الطاطلي،وزلابيه على حدى وطلعت عصاير اجت يمي گالت
-رعد
انداريت عليه

-گلبه الرعد گولي يامرتي
وجهي صار احمر كلشي بداخلي اشتعل لان سمعت كلمة مرتي ومقتنعه حسيت نفسي اسعد انسانه غمضت عيوني استغل ذوبان روحي بغزل جديد ماسامعته

واقترب مني بطوله الفارع يهمس وشفافه تلمس اول وانبل قبلات الحلال ابتعدت وخجلت من نفسي لان هيچ استسلنت فتحت عیوني گال

-انه اجیت من الحسینیه متوضي انتي روحي توضي

فتحت عيوني اتسال

-ليش

-لازم لليلة الدخله بيها طقوس مباركة وديمومة الزواج اذا منبدي بيهم اول حياتنا تكون من دون رضا الله
ابتسمت وراحت للحمام غيرت ملابسها وكوه مصبر نفسي لان وعدت ربي التزم وكون كد مشروع الزواج وهو ترويض النفس
مددت السجاده وكفت وراي...صليت اول ماخلصت الركعتين رفعت ايدي ادعي بصوت

((لِلَّهِ الَّذِي حَمِدَ فِي الْكِتَابِ نَفْسَهُ ،وَ افْتَتَحَ بِالْحَمْدِ كِتَابَهُ ،وَ جَعَلَ الْحَمْدَ أَوَّلَ جَزَاءِ مَحَلِّ نِعْمَتِهِ وَ آخِرَ دَعْوَى أَهْلِ جَنَّتِهِ ، وَ أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ شَهَادَةً أُخْلِصُهَا لَهُ وَ أَدَّخِرُهَا عِنْدَهُ ، وَ صَلَّى اللَّهُ عَلَى مُحَمَّدٍ خَاتَمِ النُّبُوَّةِ وَ خَيْرِ الْبَرِيَّةِ ، وَ عَلَى آلِهِ آلِ الرَّحْمَةِ وَ شَجَرَةِ النِّعْمَةِ وَ مَعْدِنِ الرِّسَالَةِ وَ مُخْتَلَفِ الْمَلَائِكَةِ ، وَ الْحَمْدُ لِلَّهِ الَّذِي كَانَ فِي عِلْمِهِ السَّابِقِ وَ كِتَابِهِ النَّاطِقِ وَ بَيَانِهِ الصَّادِقِ أَنَّ أَحَقَّ الْأَسْبَابِ بِالصِّلَةِ وَ الْأَثَرَةِ وَ أَوْلَى الْأُمُورِ بِالرَّغْبَةِ فِيهِ سَبَبٌ أَوْجَبَ سَبَباً ))
درت عليها وهي على السجاده..
گالت

-لیش هیچ سوینه

-مو گتلچ حتی ربي يبارك النه

-زين اذا برگه لیش مخاسیر وعزایم والله حتى میحب التبذير
ابتسمت الها

-شوفي حبيبتي يگول النبي( صلى الله عليه وآله ) إِنَّ مِنْ سُنَنِ الْمُرْسَلِين الْإِطْعَام عِنْدَ التزْوِيجِ "
وهم گال  الإمام جعفر بن محمد الصادق ( عليه السَّلام ) أنه قال" زُفُّوا عَرَائِسَكُمْ لَيْلًا وَ أَطْعِمُوا ضُحًى "

-هاااا يعني اكول الناس تعشي المعازيم قبل الليل

-اي لهذا السبب لان الليل للعرسان(زُفُّوا عَرَائِسَكُمْ لَيْلًا)

-شمعنى بليل

-سُّنّةِ التزوِيج بِالليْلِ لِان الله جَعَلَ اللَّيْلَ سَكَنا وَ النِّسَاء إِنمَا هن سَكَن " .

گمت نزعت چادر الصلاة وبقيت ملابسي الخفيفات مخصص أليلتنه سبقتها للحمام اغسل وجهي زين اريد اهداء لتزم اقترب الها بهدوء حتى  تنسى السويته ييها

طلعت من الحمام واكفه تمشط شعرها اقتربت عليها اخذتها بين ايدي وجهه مقابيلي حضنتها بقوه وبكل ما أملك وكان اعوض سنين الحرمان العشتها بقهر وحزن
وگل الگلبي
الچنت حبیبها صرت حماها
بس ربك رجعها وصرت خيالها

بست راسها وبطراف اصابعي امسح دمعها اطمئنها  قبللا أطمئن روحي هي صارت اليه ومالتي ومرتي وحلالي

وانتهى كلشي ينغص حياتنا وبدا وكت السعاده والحب
وقت بذخ العشق

مريم/بقيت داخل صدره مااريد مستسلمه بكل كياني وجوارحي شگد چنت حاقده علیه من عملته بس هسه طمئنان راحه استقرار وطن بعد منفی
همس بصوت ناصی

-الحد هل لحظه ممصدك صرتي بين ايدي

-صار النه ثالث يوم

-ماعرف مريم يجوز كثر مااحبچ

-وانه هم احبک

-مبروك علينا حبنا مريومتي

-الله يبارك بيك رعد

صافن علىها من نطقت اسمي كل كياني تشنج لان حلمي تحقق من هي بغرفتي وتحچي باسمي رفعت راسها وعيني بعيونها وشفافي تحتضن شفافها بلقاء ابدي ازلي نروي عطش ونشبع جوع بعضنا

بين ايدي صارت وهنا أستسلم شهريار لجمال شهرزاد وسكتت شهرزاد عن البوح وعن الكلام  المباح..

ثاني يوم رجعنة للبيت خطية رعد من يشوف اهل المنطقة يسلم ويرفع ايدة بس الجوارين مايردوله السلام انهضمت عليه خطية كلة بسبب ابو واخو حسبي الله عليهم

راسا خابرت نواره حتى تجي يمي بالبيت

ـ لا اخذو راحتكم خليني ابيت ارشد بعدين اجيكم والله

ـ هاي شبيج نوارة ياراحة يمعودة تعاالي مشتاقتلچ والله العظيم

-مااااا شي راح اجي بس خن اوصي ام ريتاج على الاكل لان طبخت الغدا انه

-اممم مشتاقه الطبخچ

-جااايه جاايه

وكفت مقابيل الشباك اباوع على رعد فاتح باب الطرمه..وانه منتظره نواره على نار..

من بعيد اجتي تمشي لاغفه عبايتها بس  وكفت لان جارتنه وزوجها يحچون وياها بخشونه

(فلما نسوا ماذكروا به أنجينا الذين ينهون عن السوء وأخذنا الذين ظلموا)

باستثناء من كان ينهى عن المنكر جعل الله الكل ظالمين .. الفاعل والساكت

#يتبع