رواية عشق المومنين(أبناء الساده) الفصل التاسع وثمانون 89 - بقلم نازك الحمراني

السلام عليكم...
........

-"مَن اعتزل الناس ، سلم مِن شرّهم."
- علي ابن أبي طالب "ع"

رعد/خليت مريم يم اهلهه ونورة يم ارشد راد يجي ويايه بس ماقبلت كلتله خليك يم عائلتك ونوارة اكدر اخلص شغلتي لوحدي عفت السايبة يم بيت ارشد

توجهت للزياره حتى تنحل مشكلتي زرت
الامام الحسين التفت الابا الفضل العباس
ناديته سبع مرات لان هل ورد عجيب

كررته

(عباس أجعلني تحت درعك ياابا الفضل بعد عني شرار الخلق من الجن وا ألانس
وقرب لي كل صادق محب لي غير متصنع الود)

ودعت الامام صعدت(سيارات للناصريه ) افكر بالشيخ شراح يحچي علينة واحنة عائلة عود صدك فشلة بس لازم اخطي هيج خطووة

و عندي بمكان الدليل الف علي اذيتهم الي ولاختي نوارة وشسوو بينة بالمنطقة وصلت للناصریه وية الضهر بوجهي لشيخ عشيرتنة اخذت تكسي لبیته لكيت بابة مفتوح ويمة سيارات جديدة اضاهر اصدقاء او عشيرة ثانية ما اعرف...

الباب مفتوحه ودخلت الديوانية سلمت على الموجودين الكل وگفلي لان يعرفوني ووگفاتي وياهم همين مو قليلة عرفت عدهم عزيمة لاگني شيخ عشيرتنة بالترحيب ردت اروح وارجع غير وگت بس ما قبل چلب بية علي الغدة

گلي
- اتفضل انت مو غريب ابننة...

قبل لايصبون الغدة رحت غسلت و توضيت وصليت ورجعت ألمكاني نصبو الغدة وگعدنة نتغدة وسوالف تجر سوالف مرات اشارگهم الحچي ومرات اضل ساكت مستمع الهم تقريبا مر اگثر من ساعتين ونص او تلاثة يلة فضت هالعزيمة والناس طلعو

بقيت متربع بمكاني اجيب سالفتي منا احطهه هنا آشلون احچيهه وية شيخ عشيرتنة شكلة جاي عليك حتى تمنع اهلي مني السالفة واگفة ومتنبلع

المضيف فرغ عدا من الشيخ وولدة وكم حفيد عندة گعد الشيخ ورحب بية مرة ثانية ورديتلة الترحيب...

ـ اشوف بوجهک هواي حجي

ـ اي والله ياشيخ عندي هواي وماعرف مين ابدي

ـ احچي يا وليدي انة اسمعك

بديت احچيلة عن نورة وگتله

-ههي التقارير كلهه ويايه وسفرتها على احسابي ابوي تبرى مني لان مقتلت نواره
بعدها حرمني من الفلوس الوزعهم لخوتي

گال
ـ احنة نعرف بحاله نواره يا ابني اجينة بعرسة وعرسك مشينه

ضميت الاوراق وعدلت گعدتي

-اعرف تعرفون بس جبت التقاریر خاف احد يطالب بيهن

ـ شنو الستجد يا ابني

ـ هواي مصايب استجدت... وكعدت اسولفله عن سوالفهم بعرسي وشسوو

ـ بس الاتذگرة جان الاتفاق وية نسيبگم سيد سلمان اهلك ميوصلون الك

ـ ووصلو واذوني وضربوني وفضحوني انا واختي بالمنطقة اتخيل هسة اهل المنطقة ميريدونة نبقي ابيتنة لان اختي ويه بناتهم داخلات دوره خياطه

-ليش سوى ابوك واخوك هيچ

-حتی اعوف اختي الهم والله اعلم يجوز يقتلوها

-والمنطقه شنو سوت بلضبط

-يريدون يشيلونه مو كلام بس يلمحون بحيث اختي من راجعه وكفوها جوارينه يكلولها(الخنثى)اشوكت تشيلون يسمعونة وانا يااشيخنة والله ماضل فلس احمر بجيبي يادوب مكفي العيشة

-بیع المزرعه

- ميقبلون يدفعون المبلغ الدفعته يريدون ياخذو مني برخص التراب زين شيخنة وين اولي ممين ااجيب وانا بركبتي مرتي واختي وشغلي بالجيش تركته

وهنا گلشي حجيتلة ماضميت شي گل الاوراق كشفتهه حسيت صدك مخنوكين من ابوية بس ميكدرون يطلعو من مضيفهم ومشيختهم بس بعد هالگلام والحجي الحجيتة اتحلفو لهادي ولابويه.

طبطب على رچلي يصبرني وطلع تلفونة خابر ابوية وكله انت وولدك هادي ورشيد صادق ورشاد كلكم تعالو عندي عندي حجي وياگم انتضركم نص ساعه وانتو يمي..

سد تلفونة وراسا حجيت

ـ شيخنة ترة صادق معليه

ـ اي اعرف يا ابني بس لازم يكون موجود ولو جايب ارشد وياك مو احسن

ـ شيخنة وين اعوف اختي ماعدهه مكان تروحله غير بيت اخوهه

ـ اخوك مو مناسب بيت خالتك؟

ـ اي صح بس نورة تخجل تروح يم احد خصوصا بعد الصار اريد منك تكف اذى هادي وابوية عني كلها بچفة هادي وابوية بجفة ثانية جنت عايش ومستقر بعد المشكلة السووهه بالمنطقة كسرو عيني جدام هالناس‌وكسرو ضهري كل العندي صرفتة بین عملية وحتی بعت بيتي منطقه راقيه سددت الديون والبقالي فتافيت اشتريت بي هالمزرعه والبيت خارج الولاية لان ماكفت فلوسي

تالي أجوي بشربة مي خربطولي كلشي شيخنة ابووك يريد حتى ابوي يرتاح ويرضة عني

ـ لا ياوليدي احنة عشيرتك بسدك وبضهرك نحميك ونخليك جوة جناحنة لاتخاف شوف شراح اسوي بيه هذا الكلام كلة محد وصلة اللي

ـ شسوي بيوم عرسي نغصوني بين ماجمعت فلوس جيتي الك هاي مر اكثر من عشر ايام...

وورة نص اجوي دخلو للمضيف وشافوني كاعد اتفاجئو بشوفتي بقيت گاعد ما كمت اسلم عليهم عدا صادق اجى عليه وسلمت عليه

گال

-ماذا تفعل هنا وحدك كأنك عابر سبيل

-والله تعبت من اهلك جيت شكاي عليهم

-هل خنتني والتفت وراء جبل احد لتغدر باخيك المسالم،المهذب،الخلوق،الأنيق

-لاااا انت مويمك

-كيف وقد قال لي ابي الشيخ يرديني
لم أكن اتوقع الغدر (حتى أنت يابروتس)

-خااااب لااااا ماغادرك ومدحتك جدام الشيخ وابو فاضل

-هااا الان ارتحت يااخي

كعدو وحچة الشيخ مظلوميتي وراد منهم يحچون ويبررون السووه حاول ابوية يلوفهه عليه عود عرس ابنة وشلون ميحضر

زمخ بي الشيخ

ـابو ارشد اانت تسوي روحك متفهم لو ماعندك عقلل لوو شنو هذا اتفاااق وتم بينةة شلون تكسر الاتفاق

ـ ترضاهه هالشروط

ـ اي ارضااهه بعد سوايتك الشيينة خجلتنة بين الناس صرت ااخجل اكوول ابو ارشد چان گليط كومة ويمثلني بين هالناس اانت جنت واجهة الي بين الناس وتااالي هيج تتصررف اانت نزلت عگاالي بين العالم ياهو الي يگلي ابو ارشد جان يمثلك العن الساعه الخليتك بيهه گليط

-هیچ الحچي

-اي هيچ هسه شحچي وشكوول
للاسف بعملتك ووية اولادك وعائلتك صخمت وجوهنة ونگست عگولنة خليتهه بالتراب وتالي ماكفاك رحت انت وابنك المستهتر دمررت حياة ابنك الثاني وبنتك

يعني لا التزمت بكلمة لا التزمت بوعد لا احترمت احد من عدنة ولا من اهل سلمان هو هذاا تصررف حكيم تصرف شخص عمرة فوك السبعين سنة تصرف شخص الناس جانت تحچي بحظة وبخته وتثق بي تصرف شخص مسؤؤل مدكلي شنو من بشرر انت

ـ هو سبب فضيحتي بين الناااس شيخنة هو السبب راح سووة عملية لاخووه وخلة راسي بالطين لو ماسوايته الشيينة جااان ااحنة بعدنة بخيرر واحسن عيشة عايشين خلي هو يتحملل رعوونيتة ورعونية تصررفاته

ـ ابنك ماسوة شي يغضب الله ولا سوة شي يغضبنة ابنك تلاحك لاخته

ـ بالموووت عساااهم اثنينهمم شستفادينة من اتلاحك لاخووه غير الفضااايح والعاار وحچي الناس الميسكت هذا واحد ساقط باع اهلة امة وابوة واخوته علمووود مررة واليبيع ااهلة علمود مررة

هذا خنييث وميستاهل يشيل اسم العشيرة اشمرر ورقته من العشيره آشمرخ وانعل ابو لابو شررفة هللادبسززز

نتر الشیخ
ـ رعد ما اشمر ورقته واذا اكو الينشمرر ف راح اشمر ورقتك اانت من العشيرة

رد هادي

ـ لاا لهناا و وييزي عاااد ياشيخنة سكتناالك وكلنة شيخ جبير وحظ البخت يحجي بس توصل تنصر اخوية علينة هاي مامقبوولة منك انت تعرف بالشينة قبل الزينة

منو وكفلك من هجمو عليك هدادة يريدون يدكون بيتك انة وابوي لو رعد؟
منو چان يركض وياك من محافظة لمجافضة بسيارتة حاطك ويغديك باحسن المطاعم احنة لو رعد

منو الچان يوكف بضهرك ويرعب عدوينك احنة لو رعد

منو اليواصلك بافراحك واعراسك واحزانك ااحنة لو رعد

صاح الشیخ
ـ شنو بوية محملني منية لو تريد تلوي ذراعي وترشيني بوكفاتكم الزينة الي اذا تذكرني بسالفة ف انا اذكرك بالف سالفة بس هاي مو اخلاقي ولا ثوبي ولا لبست بشت المشيخة من فراغ حتى احچي بسوالف النسوان ماتسولف بيهه ااااخوك رعد كل الحك وووياه ومامعيووب وماعندة غلطة تجااهكم

رد ابوي
ـ ها هيج ياشيخنة

ـ ااي هيج چلمتي هااي جدام الزلم ااحجية عندك حل من ااثنين ماالهن ثالث
لو تنطيي فلوس حصة رعد واخته نواررة وتعووضة خساااير بيتة ومزرعته وشغلة وتكتب ورقة جداامنة احنة الشيوخ والزلم والكلايط الموجودين

ما ادور على ابنك وما تتعرضلة ولا تفضحة واذا سويتهه تنفرض عليك غرامة مالية متقل عن مية مليون

ـ واذا ما سويت المطلوب؟

ـ تنشمر ورقتك من العشيررررة كلهه واكتب لباقي العشاااير محد منهم يستقبلك واليستقبلك هذاا خصيم عشيررتنة الجبيررة وانت تعرف احنة اامارة جبيرة بالوسط والجنوب والشمال هم يعني ميستهان بيهه فهمت يااا ابو ارشدد لو اعيدد كلاامي

الكل انصدم من كلام شيخ عشيرتنة ابوية وهادي تشاورو بيناتهم وقبلو يسوون ورقة يرقع عليهه الشيوخ والموجودين بعد ميتعرضولي اني واختي بس ماقبل يدفعلي اكثر من اربعه وعشرين مليون حصتنة اني ونورة رغم حصتنة اكثر تطلع بسبب الاراضي اليملكهه ابوية والبيوت والمحلات تطلع اكثر من ستين او خمسة وستين مليون بس الشيخ جبرة يدفع بعد ست ملايين وتصير 30 مليون يعني كل واحد حصته 15 مليون

راسا خابرت على نورة وحجيتلهه وكلتلهه توافقين بهيج سعر مالت انا وياك شتشوي وياك ..
ابوية صاح

-انه راح آحسب نوارة بنت ونیطيهه نص الفلوس سبع ملايين ورعد 14مليون

الشيخ ماقبل وكال

-هسسسه اعتبرتها بنيه موو وتريد تنطيها نص الورث لااااا ابو ارشد جنسية بنتك بعدها تقرا ذكر تاخذ حالهه حال اخوتهه

رد ابوي
ـ ومن تتحول جنسيتهه بنية منو يضمن ترجعلي فلوسي

ـ ااستحي ابو ارشد الكاعد تحجي عنهه طالعه من صلبك مو من صلب غيرك واذا صرفت الهه جم مليون زايدة فماراحت لغريب

گلي شيخ وهو یشاورني

-لهنا وبعد ما اكدر اضغط علا ابوك اكثر من هيج مهما يكون هو ابوك والمشكلة احنة سالفتنة بعشيرة وحدة وعائلة وحدة يعني مو عشيرتين

-براحتك شيخ

مشى الموضوع على اساس صارت بالمراضاة كتبو الورقة الشيوخ ووقعوهه وختموهه بختم عشيرة وتوزعت النسخ علينة والورقة الاصلية يم الشيخ نفسة

گال الشیخ
-هاااي الورقه عندي وبالمستقبل تصير يم الشيخ الياخذ المشيخة لان هيچ اوراق تبقى تنظم يم الشيوخ وتستمر عبر الزمن لان بيها حقن للدم والمشاكل وتفادي للضرر

فرحت لان المكتوب بالورقة التعهد من قبل اهلي واخوتي وبيهه تنازل عن حصتي وحصة نوار لان بالجنسية ذكر مو انثى لذلك صارت يم كاتب عدل باسم ذكر ..

همس صادق

-انت بطل وشجاع حين اخذت حق اختي
و فعلت شي لم يفعله أحد فينا نعم الاخ انت ياصاحب الظل الطويل

-نعم الله عليك صاحب الظل الطويل اناااا متاكد طولي ضاغط كل العالم

ردت اروح چلب بية الشيخ

-اريد تبقى يمي وباجر نطلع لكربلا سوية

بليل اتصلت على مريم طلع سلمان
گال

-هااا رعد شراید

-درد لسلام

-وعلیگم السلام شترید

-راید اختك

-رعد احترم نفسك

-ماشي رايد مرتي الي هيه اختك وانت تصير خال الجهال

سد التلفون بوجهي ضحكت دزيت مسج اله كتبت

-هسه لوو ماانت مزوج جان كلت تغار من اختك ومني

-دز اليه ايموجي ابو(البصق)تلث مرات

تمددت اجى الشيخ بقينا نحچی اشصار ثاني يوم رحنة ألكربلاء ويانه خمس زلم وشيخ العشيرة خابرت ارشد ياخذ ام ريتاج ونورة ويروح على مريم يجيبهه ويسوك للبيت حتى يطبخون للشيخ والزلم ويرتبون المكان للمزرعه وصلنة واتلاكنة ارشد ضيفهم بس ماقبلو يدخلون بالبيت كعدو بالحديقة

طلعنة حصران وجوت زوالي وفرشناهه بالحديقة مالت بيتي دز الشيخ الزلم على مختار المنطقة وكباريتهه من عرفو اسم عشيرتي واسم شيخ عشيرتي اجوي كلهم والتمو بحديقتنة وزعنا الچاي والكهوه

هنا كال الشيخ للزلم المتجمعه

- الله بالخير
ردو عليه الله بالخير..

سألهم

- شنو المطلوب من رعد

سولفو وانا اسمع كلوله

-منريدهم يبقون هيج سالفة ماصايرة عدنة بالناحیه وضلو يحچن

گالهم الشیخ

ـ وبشكد تريديون المزرعة؟

گالو
ـ هي دونم والدونم بالهلمكان يسوة عشر ملايين

راسا طفرت من سمعت

ـ بس انا ماشتريتهه بعشر ملايين اخذتهه ب 28 مليون وصاحبهه موجوود والعقد موجود بي السعر بحظ بخت تريديون تاخذوهه بعشر ملايين مني

ـ هو هذا سعرهه بالمنطقة يخوي البيع مو مثل الشرة

ـ ليش هي بس ارض بيهه بيت غرفتين وهول وحمام وبناء جديد انا رممته وارض سيراميك والسكف جان جينكو سويته بناء وبيهه محل فيترية وتكدرون تتصرفون بي اي شي تسوو والارض مو بوور لا مزروعه نخل واشجار وهاي الحديقة كدامكم

حرام كلامکم بحقي لاتنسون قول الله
(فلما نسوا ماذكروا به أنجينا الذين ينهون عن السوء وأخذنا الذين ظلموا)
باستثناء من كان ينهى عن المنكر الله سبحانه جعل ألكل بمثابة ظالمين وظلام الفاعل والساكت

رد المختار
ـعاشت ايدك ابني رعد ونعم من كلامك وانا وياك بس متنباع باكثر

رد شيخ عشيرتنة
ـ ولا يهمك يا اابن اخوي ابشر انا شراي منك

رد مختار المنطقة
ـ على العين والراس بس هالكاع صايرة بين الكياعين والبيوت واغلب البيوت عدهم نثاية ونسوان يفلحن بعد الصار منريد غريب بهالمنطقة

رد الشيخ

ـ اكو قانون دولة لو قانون عشاير مكتوب بهالشي التحجي مازال القران مو بعينكم؟

ـبس الصار مو سهل ينسكت عليه

ـ اسمع وانا خوك..انا مو جدید ع المشيخة ولا انا ابن البارحه حتى اطلعلي قوانين من جوة الگاع(المشیخه حظ وبخت)واذا تكول مانريد غربة عن المنطقة ف من البداية ليش بعتوو الرعد هم غريب؟

زين ليش ماتقاسمتو الگاع بينگم لو حك دفع الفلوس الكل ساكت وحك الحساب الكل فاتح ايدة ..

انا شراي هالگاع والماعاجبة من جيران هالكااع ييبيعني اارضة ومزرعته وانا شرااي وبالسعرر الانة احددة

رد المختار
ـ هاي شلون صايرة انوب تريد تحدد السعر ياشيخ انت شيخ جبير كومك بيك حظ وبخت

ـ چا انت من حددت عشر ملايين لكاع تسوالهه ثلاثين مليون اشو ماحجيت بالحظ والبخت؟ ا
شو ماكلت ميصير ؟!

شوفو ياناسنه الطيبه بيوم القيامه ربك من يوگفنا(يودالانسان يفتدي يومئذ من عذاب الله ببنيه،وصاحبته وأخيه فصيلته التي تؤيه) فلاااا‌تصیر دغش ولا تتحزب لشخص أو جماعة أو حزب لان بلنهاية ما ينفعك أحد بس عملك

وعلى العموم هالكاع من اليوم ارضي انا شيخ ابو (ابو جبر)) امارتنة معروفة بالوسط والجنوب والشمال همين العندة حجاية لايجي لررعد

لان رعد ابن ابوو ارشد طلع من كاعة وارضة وباعهه الي انا المالك الجديد الهه واااي شي يصير على البيت او المزرعه او المحل او علي رعد واهله حتى لو قدر من الله صار راح ابليكم بييي واكول هالقدر تدبير من عبدالله وكلكم تتفاصلون جدامي...

،،، المختار وزلم المنطقة اتصدمو من شيخ عشيرتنة كل ضنهم جاي عليهم حتى يلم السالفة ويتراضون بس انصدمو من شافو شيخنة قوي وداخل بزود عبالهم يغلبو وتالي غلبهم

اشترة الشيخ المزرعه مني بسعرهه 28 مليون وية ال30 مليون الاخذتهه من ابوية وكلت ابيع سيارتي حتي يصير عندي تقريبا 65 مليون او اكثر اكدر اشوفلي بيت بمنطقة سكنية بيهه ناس ومدارس ومستشفيات مو هنا مكان مكطوع..

اهل المنطقة شافو وكفة شيخ عشيرتي والزلم بضهري كفو اذاهم وكلامهم عني بس انا بقيت اسلم عليهم حتى لا يبقى ابالهم مهما يكون انا عايش بنصهم ومكان مكطوع وويايه اثنين نسوان

وصيت اصدقائي وسلمان على بيت صغير على كد فلوسي
وانا هم جنت ادور اريد بيت بمنطقة سكنية خاف نورة ومريم يريدن يشتغلن حتى يصير كلشي قريب عليهن وبالمستقبل من يصير عندي اطفال ضروري اكون قريب من مستشفى او مستوصف ومدارس وجيران جنة بدون ناس متنداس

نوارة/// خابرتني مريم ورجعت من بيت ارشد ورة عرس رعد جنت كلش مشتاقة لكعداتنة وسوالفنه هي الوحيدة الجانت تشجعني اواجه حياتي وعدهه اسلوب يقويني

ام ريتاج همين حبابة بس ملتهية باطفالهه ماحسهه تفهمني كلش رغم ابد ممبينة الي شي كلش زينة ويايه بس مريم غير شكل تماما علمتني طبخ وانا علمتهه مكياج

چن يمشي يومنه بضحكة وونسة رغم كل الوجع الشفناه بس عشنة حياتنة قانعين وراضين خلتني التزم بصلاتي وادعيتي وقراني اكثر جنة نتاسبق على ختم اجزاء من القران وفهم تفاسيرهه مو بس قراتهه

خلتني احب مولاي الغائب ومن يظهر شنو يصير كالتلي مره

حين يظهر الامام
لن يبقى العالم اليابسُ هڪذا
لن تڪون القلوبُ جافّة ولن يڪون الڪونُ مُظلما بل ستصبُّ "الرحمة" صبّا
وسيمتلئ الوجودُ بوجوده حبّا
ولن يڪون بَعدُ للظلم والظالمين موطنًا وموطئا وللمؤمنين يومئذ المسرّة والبُشرى..

علمتني اشلون أكون من انصاره واتباعه
اشلون اهيء نفسي للظهور بوقت علامات
الظهور..واشلون ابواب الله مفتوحه النه

جمعتنه ماطولت ولا فرحتنه ورى العرس بفترة راح رعد لشيخ العشيرة واخذ زوجته يم اهله واني يم ارشد...

رجع وهو منتصر چنت اني ومريم هواي نلزم اله ختمات قران حتى الله نصرة على ابوه واخوه وفعلا الله جبر بخاطرنة وماكسرنة

بقينة فترة ابيت المزرعه ندور بيت بمكان زين خابرونه حتى نروح نستلم مكاين خياطة لان جنت متفوقة بالدورة واني وويايه تلاثة يريدون يسلمونه مكاين گهدية..

رعد چان ملتزم يروح يشوف بيت ديبيعوه وضروري اليوم يروح لان حسب المواصفات سعرة مناسب وخوش مكان وهواي رايدي

اخذت ويايه مريم و كلتلة احنة نروح نفرات او تكسي بس هو يوصلنة لمكان بي سيارات ويروح

هو ماقبل نروح نفرات انطانه فلوس تكسي روحه ورجعه انطانة خمسة وعشرين الف وفعلا نزلنة وهو راح

ـ اكلج تصعدين نفرات

ردت مريم
ـ امشي بعد احسن خلي نوفر فلوس ليش ننطي ثمنتالاف خليهه الفين ديينار والباقي بجيبنة

ـ نروح ناكل بيهه بالمطعم لفات فلافل وقواطي ببسي وتبقالنة كروة نرجع بيهه

ـ ههههه يلة امشي....

،، صعدنة كية وبطريقنة للمعهد وكفنة لان ازدحام بالشارع هواي سيارات
شفت جهال يضربون بولد بالحجار هدومة كلش وصخة واكع بالكاع وكل شوي يندفر على مكان

گالت مریم
ـ استغفرر الله ادري اهل هذول الجهاال وووين مديشوفون جهالهم شديسوون شيعملون

ـ محد يفكر بالتربية والاخلاق بس خلف واشمر

ـ الناس بالكية صارت تحجي على الجهال نزل رجال من سيارة صغيرة لونهه ابيض وطرد الجهال بالحزام البيدة كومة الرجال ونطاه بطل مي بيدة وشوي شوي تمشي السيارة ركزت علي هالولد انصدمت شفته بصعوبة يلزم البطل باوعت لوجهه صار واضح كدامي وصحت..

ـ ااحمد

ـ ولج نورة شبيچ صوتچ‌ عیببب

لزمت نواره ایدي تتوسل
ـ مرريم هذاا ااحمدد..

اووكف ناازل ناازل خووية

نزلت من الكيه تركض وانا وراهه

گتلها

-ووچ همزين دافعين الكروة چان گالو انهزمن من دفع الاجرة

رکضت نوارة بين السيارات ووصلت للولد وانا وراهه مگدرت تلزمة ايده لان حرمه
دخلت ايدهه بالعباية ولزمتة تحاچي

ـ احمد عزاااةة بعين ابليس شصااير بيك ليش جاي لهنا شووصلك انت بيتگم من ذااك الصووب

ـ تئ تئ تئ نؤ نؤ نواؤرة

ـ لاتحچي لاتحچي بس اهدأ

ـ ولچ نوارة هذا منو يمعوودة

ـ هذا احمدد مريم شوفي شصاير بي هدومة ملخة وجهه وصخ ملابسة وصخه بس فهمني شجابك لهنا

ـ امشي میگدر يوكف ولا يحچي هسه

-لیش

-من یتعرض للعنف تزيد الحاله عنده امشي ناخذة لاي مطعم يغسل نوگلة لكمة خطية

ـ امشي امشي احمد

ـ وكفنة سيارة تكسي گلت للسایق اقرب مطعم نزلنة حاولت احاچي يفر براسه ويطقطق من الخوف والتمنر

نزلنه وهو ويانه راح غسل وجهه وايده وكعدنة ننتضرة طلبنة اله نص نفر كباب ومقبلاتهه كعد ياكل خطية كأنو صارلة سنين مماكل..

گالت مریم

-وچ نوارة راح تتاخرين ویجوز مخلصین المكينات

ـ مو مهم غير يوم عود نجیبهم

ـ منو يكول اكو هيچ شي يجوز مينطوهه الچ بعد راح اطلع برة اخابرهم

ـ اي روحي خابري حتي اذا مينطوهه نرجع للبيت ليش نروح الهم

طلعت برة المطعم ووكفت على جهه واتصلت بالمؤسسة عرفت منهم اذا متجي نورة تستلم المكينة ف راح تروح للمتسابقه التالية

نورة رفضت تروح للمؤسسه وبقت كاعدة يم احمد رغم شكد رعد تعب حتى يقنع مديرة الدورة بنور لان هويتهه تقرة ذكر ودالهه التقارير وبقية العلاجات يلة اقنتعت..

گالت برود

-لا اضوجين يلة ممقسومة لنورة

كعدنة اثنينه ننتضر احمد يخلص اكل جان ياكل بصعوبة ايدة ميسيطر عليهه حركات جسمة وراسه شي كلش مؤلم هالمتلازمة توريت خطية هواي متقدمة عندة

بالكوة هداء وخلص اكل گعدو يسولفون احمد ونورة عرفته عليه بس هو ضل متجبجب مني هي تسألة وهو ميقبل ينطي جواب ك سؤال

ف كلت اعوفهم واكعد بغير طاولة خلي يحچون براحتهم ردت اكوم ولزمت ايدي نورة
ـ وين رايحه

ـ اروح لغير ميز خلي ياخذ راحته بالحچي

ـ لا اكعدي لازم يتعود عليچ
احجي احمد شنو وصلك لهنا وين امك

ـ امي ماتت قبل تلث شهور

ـ شنووو مااتت

ـ اي من را رااسلتج گ گ كلتلج اريد احـ احـ احچي وياچ جانت مئ مئ ميته وبالفاتحه مالتهه ووو وانتي مقبلتي تـحـ تحـ تحچين ويايه

ـ انت مگلتلي امك توفت(الله یرحمها)

ـ چنت ار ار ارريد اكلچ بس بس بس عبالي انتي مـتـ متـ متريدين تعرفين شي عنيييييي

ـ لااااااا طبعا مو هييچ استغفر الله هسة گلي ششجاابك للشارع ليش هيچ حالك

ـ أ أ أخذو أل أل ألبيت مني

ـ شنوو منووو

ـ ايجار ماكد مااكدرر ادفع

ـ وابوك ووين

ـ طرر طرردني هو ومر مر مرته من ززز زم ااااا ان

ـ يعني ماعندك مكان تروحلة

راسا كام يبچي ویسلچ یگسر الخاطري يكول

-صا..ااا...صارلي شهر أااانا ااام بالشارع ومحد يقبل يشغلني م م مر يييي ييض وابوو وو وو ي ميريدني ولاعم ااا ااا م ير ررررريدو ومااعندة خوال هي امة وحيدة اهله

گالت مریم

-وشبیها امه

جاوبت بدال احمد لان تعب من للحچي

-شوفي امه غنيه وورثت املاك عن ابوهه بس چانت عدهه نفس متلازمة توريت بس اخف من حالة احمد ازوجها ابو احمد علمود افلوسها فمن حبلت وجابت احمد

أخذ كلشي من ام احمد وقعهه على اوراق فارغه وسوة لنفسة بيع وشرراء وطلك زوجته وشمر ابنه واخذ كل أملاكهم وبقو كاعدين ايجار ام احمد من دلال صارت تشتغل خياطة حياتة قهر بقهر هللولد

-زين هسه احنه شراح نسوي نور منككدر ناخذة ويانه

ـأحمد ماعوفة هنا مريم

ـ عزة بعينچ شراح تسوين وین نودي

ـلو رعد يقبل ياخذة ويانه لو احلق شعري وارجع نوار واعيش وياه وشتغل وعيشه

ـ لللج ااانتي مخبلة

ـ ماعوف احمد بهالمنضرر مستحييل انتي شفتي شلون يضربون بي هالخبثااء وابو طاردة عمامة ميريدو خوال ماعندة ووين يروح وهو عندة متلازمة توريت ميدبر يحچي حچاية ع بعضهه..

ـ نوارة عقلي

ـ اصبري لحضة...

عفت مریم وطلعت برة المطعم خابرت رعد ماعرف شحچت وياه .. بقيت كاعدة اباوع لاحمد هو يخجل يخلي عينة بعيني بالاخير خلة ايدة على وجهه ویباع من بین اصابعه رجع وغمض حتي ماشوف عليه بالضبط مثل الاطفال تصرفاته

بقينة گاعدين بالمطعم جعنة طلبنة لفات فلافل وطلبنة لاحمد همين ويانه بس استحى ياكل لان قبل شوي اكل بس نورة قنعته

رجعت نواره یمنه کعدنا نسولف وشوي حالة احمد احسن صارت ويحچي مرتبأ

تقريبا ساعه وربع اجى رعد دخل للمطعم شافنه كاعدين وية احمد. عيونه صارت بالطول اجى طاير علينة

ـ منووووو هذا الگاعدين وياه

احمد خطی وجهه بثنین ایده خایف

ردت نوارة
ـ اول شي اهداء واكعد لاتخلي الناس تباوع علينه

سحب کرسي وگال

ـ هااااااي كعدت منو هالولد ؟

ـهووو هذا احمد صديقي من چنت ولد

ـ وشجابه يمگم

ـ انا خابرتك حتي تشوف حالته بعينك يارعد..

،كعدت نورة تسولف لرعد عن احمد كلشي حچتله وهو هم صار يحچي وياهه

-وشسووي نوره

-انا ما اكدر اعوفه بهالحال رعد سامحني

ـ يعني شنوو

ـ يعني ماعوفة لو ناخذة ويانه لو انا اضل وياه احلق شعري وارجع نوار واشتغل واجر بيت واكعد وياه

ـانتي مخبلة حتي تحچين هيج لاتخبليني

ـ مقدرة كل وكفتك ويايه وصراعك وية ابوية علمودي بس محد يحس باحمد غيري فمستحيل اعوفة بالشارع مستحيل

وکف رعد سحب السویچ والنقال‌‌

گال
كومو ميفيد الحچي هنا زحمه گلش امشو نرجع للبيت

ـ ويانه احمد

ـ اوووف استغفر الله .. خلي يكوم ويانه وهناك نحچي براحتنة ويصير خير

،رجعنة للبيت كعد احمد بالصدر يم رعد واحنة ورة وصلنة نزلنة چان احمد مرتبك وخايف ورعد شرار يطافر من عيونه

نتر
ـ ااانتي كل عقلللج جايبتلچ‌ شااب تريدين تكعدي ابييتي ووية مررتي لو انتي تكعدين ويااه وووين بووية وين بتكساس عاييشة ترة انتي بالعررااق حبابة

ـ ماكو داعي لصيااااحك كلتلك ااخذة
واطلع انا وياه طالما جنسيتي تقررة ذكرر احمد ماعووفة ماعووفة رعدد ماعووفة محد يحس بينة ومستحيل تحس بمعناته بس انا الوحيد الاحس بيه لان عشت معاناته لا تعضمهه وهي متستاهل

ـشنو متستاهل انتي بالعشيررة االكل عرف صرتي بنية ومسؤلة منييي وهاي حصتچ من الفلوس ويايه تريدين بعد هاللطم والعراك وية اهلچ اكلهم ووالله راحت وية صاحبهة

ـ لاتحچي هيج رعد عييب

ـ اانتي خلييتي عييب صخاام بعدين هالولد ماورااه عماام خواال عشيرة يطالبون بي

ـ ماچان شمرووه بالشاارع لو اكو رعد هذا اخر كلام عندي لو تتقبل احمد خلي ينام فوك السطح او بالمحل مالتك ااي مكان تريدة تريد ينام بالحديقة

ـ الوقت برد ياحديقة ينام بيهه

ـ الله يخليك افهمني هذا صديقي الوحيد ماكدر ارجعه للشارع فدووه والله یموت ویجوز یاخذون اعضائه

،مريم/ادخلت بين نورة ورعد من صار صياحهم قوي وبين على احمد الخوف خلي ايدة

گالت‌‌مریم

ـ اااوكفو شوي الولد خاف من عدگم .. جديات رعد الولد ميخوف اصلا مثل الطفل والله خطية ترجعه للشارع

ـوووالله اعررف بس لاااااااا اعرافنه ولا تقاليدنة تسمح بهالشي شلون من يعرفون اهل المنطقة شلون من يعرفون اهلي واهلچ...وچ المصایب علی رعد گامت تتشاگف یمنی یسری

زین و اانتي يامريم شراح يحچون صعبة اجيب رجال غريب ابيتي محد راح يتقبل هالفكررة حتى لو چان مريض محد راح يفهم مرضة كل اليفهمو هو رجل وعايش وية اثنين بنات

گالت مریم
ـ مو شرط ابيتنة خلي بالمحل بين منشيل

ردت نورة
ـ وين يروح من نشيل

رد رعد
ـ اخذه من هسة لاهلة وعشيرته صعب ابقي هنا

ردت نورة
ـ زين واذا اخذته ومارادو شسوي

ـ الله كريم

-بوية احمد تندل اهلك

ـ أ أ أي منـ منـ منااك

ـ يعني اذا اخذك بالسيارة تندلتم

ـ أيي

ـ امشي اصعد اخذك لاهلك...
رغم نورة مقابلة بس اخذته لاهله طول الطريق مكدر يحچيلة جملة على بعضهه حالته تقهر لكن صعب يبقى يمي ..

دلاني ابيت ابوه بيت چبير ركن شارع بنائة حديث طابكة يمة سيارتين دبل جديدات بعدنة مانزلنة وطلع ولد شاب تقريبا بعمر احمد صعد السيارة كال احمد

ـ شفـ شفـ شفـت هذاا شـا شا شاب اخوية

ـ هذا اخوك من ابوك تقصد

ـ أي أي

ـ هذا أخـ أخـ أخوية (عيسى) ابوية يحبة اكثر مني ی ححححححبه م اااا یح بببني

ـ انقهرت عليه اخوه شلون لابس اخر مودة ونضارات شمسية وسيارته موديل 2018 وجيبة راح يطك من المحفظة الشايلهه مبينه متروسة فلوس

وهذا نايم بالشارع وكل هالفلوس املاك امة يعني اله بس هو وحدة وتالي ابوه هيچ يسوي بس شفت ابويه شكد قاسي وعندة نذاله بس ماسوة هيچ بينة صح شمرنة بالشارع بس احنة ناس صاحين مو مثل احمد كوة يحچي لا اله الا الله..
انزل خوية وان شالله خير

ـ خأ خأ خأف يضر يضربني

ـ لاتخاف محد يضربك وانا يمك انزل خلي نشوف تاليهه ويه ابوك وهو بقیت بس علمودک مانضربت اسويها صدقه الوجه الله تعالى ونضرب

ضحك احمد وبقى يصفك بيده

گتله

-بویه صیر عاقل فرحان وتصفك راح انضرب من انضرب صدك شتسوي..

نزلنة من السيارة ووكفنة اباب البيت دكينه الجرس وتوجهت علينه الكاميرات اجاني صوت من يم الباب

ـ انت منو

ـ انا اسمي رعد وجبتلگم ابنگم احمدوهو كال هذا بيت ابوية

ـ مسمعناك دوس الدكمة اليمك وقرب راسك واحچي

ـ دست الدكمة وقربت راسي ورديت عدت الحجي

جاوب
ـ ماعدنة احد اسمه احمد

ـ قربته للكاميرة.. هذا مووووو
احمد يكول هذا بيت ابوية

ـ وانت ياهو اليكول هذا بيت ابوية تصدك
شبیك مثوول لانعرفة ولا شايفي قبل امشو منا لانخبر عنكم اشرطة ونگول تهجمو على بيتنة

گام يبچي احمد ويحلف هذا بيت ابوه ..

-ووو ااا لله ااااانت ب اااا بااا

رجعت سالت احمد

زين انت شسمك الكامل

ـ احمد (ستار عودة)

ـ رحت للجوارين اتمشى شفت رجال شايب جبير سألته وين بيت(ستار عودة)) دلاني على نفس البيت طلع..

ـ ها ابني احمد شصاير بيك

گتله
ـ انت تعرفة حجي

جاوب

ـ اي شلون ماعرفة هذا ابن ام احمد الله يرحمهه المرة الخيرة الطيبة الماشفنة منهه اذيه بس الشيطان يتخفى ويضهر على شكل بشر

ـ يعني هالولد احمد ابو بهالبيت

ـ اي هذا بيت ابوه بس من فلوس امه الله يرحمهه

ـ زين ليش نكر وگال ماعندي ابن

ـ هو ناقص وارعن وتالي صار امرة بيد مرته من خلته يتنازل الهه عن الاملاك من زمان ناكر احمد مو اليوم والبارحه

ـ زين حجي من ياعشيرة همة... .
انطاني اسم عشيرته والفخذ ورحت ادور عن شيخ عشيرتهم..

مهما يكون البشر بهالوكت مسؤليه يجوز اخذة يمي ويسوولي مشكلة بحجة خطف او شي من هالقبيل

بقيت اكثر من ساعتين ادور عن شيخ عشيرته الي ان لكيته دخلنة لمضيفة انا واحمد وچان عامر الديوان بهواي زلم ..

سلمت وبديت الحچي عن هالولد ووصفلتة حاله شلون بالشارع چانو يضربون بي الصغار ومن رحت سألت ابيت ابو نكرو معرفتهم بي واصلا مقبلو يفتحون الباب...

خجلو مني عمامة وشيخ عشيرته گالو ابوه حسابة يمنه...

ـ شيخ ما اكدر اعوف احمد لازم أئمن عليه

ـ لاتخاف هو بنص عمامة

ـ اتمني ماشوفة بالشارع مرة ثانيه

ـ لا خوية هو يطلع يشتغل ومن تجي الحاله يتيه

ـ سكتت من هيچ‌ حچو انا همين ما اعرف بحالته بس احمد چانت حالته متأزمة وكوة يحچي هواي يمتمت مكدرت افهم منة كلمة اضطريت اتركة لان شيخ عشيرته وعمامة وولد عم ابوه اتكفلو بي ..

من شفته هيج حالته اتقربت عليه..

ـ احمد عندك رقم تلفون

ـ لـ لـ لأ

ـ هسة اشتريلك تلفون ورقم واخزن بي رقمي وانا اخذ رقمك

رد شيخ عشيرته

ـ لا خوية انا اتكفل بهالشي

ماحسيت صادق بكلامة ویحچي مرتبك
قررت ابقى وشيصير خل يصير

كلتله
ـ خوووش ااانا كاعد انتضر تجيبولة رقم حتى ااخذة منه وانطي رقمي

ـ اخذ تلفوني وانطيني رقمك وانا بعدين ادزلك رقم احمد

ـ ماعافلي طريق الشيخ كلت ميخالف باجر احرجة واخابرة واشوف الولد جابولة لو لا...

سلمت عليهم و اطلعت للسيارة وياية الزلم واحمد وياهم جريت دفتر وقلم من السياره كتبت رقمي وجواه كتبت اسمي طبكت الورقة

تقربت على احمدوخليتهه بجيبه

ـ احمد هذا رقمي من تحتاجني شوف اي زلمة خير وانطي الرقم ويخابرني

ـ أن أن أن ان شالله

ـ صعدت السيارة ورجعت للبيت من عرفت نوره الصار زعلت مني

مريم /جانت نورة كلش متأثرة على احمد من رجع رعد بدون احمة. وحچالهه بالصار انهارت وكامت تصيح على اخوهه مادخلت بيناتهم هاشي وحقهه صدك لو عمامة وشيخ عشيرته يريدو چان بقو يمهم دخلت غرفتهه وقفلتهه ركضت وراهه بس ماخلاني رعد كلي عوفيهه تهدتء

عرفت رعد رايح اليوم للحلة شايف بيت باقضية ونواحي الحلة يكول بيت كلش زين وموقعه قريب على مدارس وسوك واطباء وهو عاجبة يكعد بعيد عن كربلاء......

صار ثاني يوم واتصل رعد بشيخ عشيرة احمد وكله دزيت الشباب يشترولة تلفون نص ساعه ونتصل عليك من رقمة...

وفعلا صار عندة رقم وتلفون لان من يوم وفاه امة اخذو تلفونه منه وبقى بدون تلفون
صارت نورة تتصل دائما باحمد لان تلفونه عادي صرصر مو ابو اشاشة فميكنك...

رحت ودعت اهلي وشلنة للحلة البيت حلو ومرتب نضفناه اني ونورة وفتحنة بي قرأن وسوينه صينية بيتناهه بالبيت اداين رعد فوك الفلوس العندة لان مكفت... .

مرت الايام وكعدنة بهالبيت واجوي اهلي زاروني وشافو موقعه جنة راضين وفرحانين بي رغم بعيد شوي عن اهلي بس اهم شي محد يعرفنة هنا...

فتح رعد بلبراني مال بيت سوبر ماركت رتباه وسواله سقف ثانوي لان چانت غرفه متروكه من اساله اشلون دبرت عیشتنه
وسددت الدیون بضرف اشهر

یجاوب بثقه

-من چنت بلعدادیه دائما اقراء ورد بيه اثر عجيب لرﺯﻕ ﻭحل ﺍﻟﻤﺸﺎﻛﻞ ودﻳﻮﻥ
وبﻛﻞ ﺧﻤﻴﺲ ولا اترکه..اردد

ﻳَﺎ ﻭَﺍﺣِﺪُ ‏ ﻳﺎ ﺃﺣَﺪُ، ﻳﺎﻣﺎﺟِﺪُ ﻳﺎﺟَﻮﺍﺩُ، ﻳﺎ ﺣَﻠِﻴﻢُ ﻳﺎﺣَﻨّﺎﻥُ، ﻳﺎ ﻣَﻨّﺎﻥُ ﻳﺎﻛﺮِﻳﻢُ ﺃﺳﺄﻟُﻚَ ﺗُﺤْﻔَﺔً ﻣِﻦ ﺗُﺤَﻔﺎﺗِﻚَ ﺗَﻠُﻢُّ ﺑِﻬﺎ ﺷَﻌﺜِﻲ، ﻭﺗَﻘْﻀِﻲ ﺑِﻬﺎ ﺩَﻳْﻨِﻲ ﻭﺗُﺼﻠِﺢُ ﺑﻬﺎ ﺷَﺄﻧﻲ ﺑِﺮَﺣْﻤَﺘِﻚَ ﻳﺎﺳَﻴِّﺪﻱ .

اﻟﻠّﻬﻢَ ﺍِﻥ ﻛﺎﻥ ﺭِﺯْﻗِﻲ ﻓﻲ ﺍﻟﺴﻤﺎﺀِ ﻓَﺄﻧﺰِﻟﻪُ، ﻭﺍﻥ ﻛﺎﻥَ ﻓِﻲ ﺍﻷﺭﺽِﻓَﺄﺧْﺮِﺟْﻪُ، ﻭﺍﻥ ﻛﺎﻥَ ﺑﻌﻴﺪﺍً ﻓَﻘَﺮِّﺑﻪُ، ﻭﺍِﻥْ ﻛﺎﻥَ ﻗَﺮِﻳﺒﺎً ﻓَﻴَﺴَﺮﻩُ، ﻭﺍِﻥ ﻛﺎﻥ ﻗِﻠﻴﻼً ﻓَﻜَﺜَﺮﻩُ، ﻭﺍِﻥ ﻛﺎﻥ ﻛِﺜﻴﺮﺍً ﻓَﺒِﺎﺭِﻙ ﻟﻲ ﻓﻴﻪ، ﻭَ ﺃﺭﺳِﻠﻪُ ﻋﻠﻰ ﺃﻳﺪِﻱ ﺧِﻴﺎﺭِ ﺧَﻠْﻘِﻚَ، ﻭﻻﺗُﺤﻮﺟﻨِﻲ ﺍﻟﻰ ﺷِﺮﺍر ﺧَﻠْﻘِﻚَ، ﻭﺍِﻥ ﻟَﻢْ ﻳَﻜُﻦْ ﻓَﻜَﻮَّﻧﻪْ ﺑﻜﻴﻨُﻮﻧِﻴّﺘِﻚَ، ﻭﻭﺣﺪَﺍﻧِﻴَّﺘِﻚ.

ﺍﻟﻠّﻬﻢَّ ﺍﻧْﻘُﻠﻪُ ﺍِﻟﻰَّ ﺣَﻴْﺚَ ﺃﻛﻮﻥُ، ﻭﻻ ﺗَﻨﻘُﻠْﻨِﻲ ﺍﻟﻴﻪِ ﺣَﻴﺚُ ﻳﻜﻮﻥُ، ﺍِﻧَّﻚ ﻋﻠﻰ ﻛﻞَّ ﺷَﻲْﺀ ﻗَﺪِﻳﺮٌ ‏( ﻳَﺎ ﺣﻲُّ ﻳَﺎ ﻗَﻴّﻮﻡُ، ﻳﺎ ﻭﺍﺣِﺪُ ﻳﺎ ﻣَﺠِﻴﺪ، ﻳﺎﺑَﺮُّ، ﻳﺎ ﻛَﺮِﻳﻢُ‏) ﻳﺎﺭَﺣِﻴﻢُ ﻳﺎﻏَﻨِﻲُّ.

ﺻَﻞَّ ﻋﻠﻰ ﻣُﺤَﻤّﺪٍ ﻭﺁﻝِ ﻣُﺤﻤّﺪٍ، ﻭﺗَﻤِﻢّ ﻋَﻠَﻴْﻨﺎ ﻧِﻌﻤَﺘَﻚَ ﻭﻫَﻨّﺌِﻨﺎ ﻛﺮﺍﻣَﺘَﻚ، ﻭﺃﻟﺒِﺴﻨﺎ ﻋَﺎﻓِﻴَﺘَﻚ.َ

-الله ینطیك على كد نيتك

-انطاني احلى حبيبه بدنيا شنو اريد بعد

بهل فتره رعد دائما يراجع المحكمة علمود اوراق اخته نورة ميقبلون يحولوهه لانثى وباقية ذكر هالشي كلش تعب نفسية نورة ..

طول هالفترة رعد ونوارة يتواصلون وية امهم صوت وصورة ويسولفون ويتواصلون وية صادق

لم چم فلس رعد وراح سوة جنسية گلگ لان نورة تريد تفتح بالبيت صالون للنسوان

بس خافت تخلي الصالون باسمهه او ان تنعرف هي بي فخلته باسمي لكن هي تشتغل بي وهويتهه الگلك وياهه تحسبا اذا احد راد هوية

ام رعد طلعلهه ورث من اهلهه فخابرت علي رعد وكلتله تعال اخذ حصتك انت واختك نورة...

ما اتأخر رعد وراح لاهله يم خواله شاف امه واخذ حصته وحصة نورة من الورث تقريبا 12 مليون طلعتلة

السيارة ماباعهه وبقى على السايبة كلش معتز بيهه ودائما يصلحهه ويعمرهه يكول شفت عليهه الخير

اشتغلت انا ونورة بالصالون شغل الصالون شوي متعب بس فلوسه اكثر من الخياطة وصارت امورنه خير من الله...

ورة شهر من شيلتنه للحلة اتصل احمد على رعد وهو يبجي يكلة رجعت للشارع ..
نطاه العنوان وكلة كول لعمامك وتعال يمي عندي(سوبر مارگت اشتغل ويايه))
واسويلك بي مكان ونام واكعد بي واشتغل وطلع مصرفك وانا وياك ماعوفك...

علاقة نوارة واحمد كلش قوية بس نورة ابد متفكر بي گ زوج او شي بالعكس تلعب نفسهه من اذكر هالشي كدامهه

ترد عليه
ـ مستحيل هو صديقي من چنت ولد وبعدة نفس الاحساس احسة تجاهه ولا تتخيلين يا مريم راح اشوف على رجل واحبة واتخيل نفسي مرة ومتزوجه‌او‌ احمل واجيب اطفال

-لیش نواره

-بعدني تعبانه نفسيا وهالشي جدا بعيد واقعي ومستحيل احد يتقبلني مستحييل اذا صار زواجي اولادي راح يتقبلوني

ـ ليش هيج تحچين احمد مبي شي صح هالمتلازمة عندة بس رجال شاغول

ـ مسألتي نفسج اذا تزوجت شلون؟ جنستي ولد ذكر شلون اعقد محكمة ؟
واصلاا يا مريم شايلة هالشي من بالي فلاتحاولين..

خلص الشتة واجى الصيف واحنة بتطور من حياتنه الحمد لله هالبيت خير عتبته علينة وكلشي بحياتنة استقر وصار احسن حتى احمد زادت ثقته بنفسه رغم المتلازمة بعدهه قوية عندة بس صار شخص ثاني مينقصة شي ...

الشي الوحيد الچان منغص حياتنة او حياتي خصوصا اني ما حبلت ولا صار بررحمي طفل من رعد

چنت دائما افكر بهالشي خاف انا عاگر وميصير عندي ورعد يضحك عليه يگولي خواتچ واخوج عدهم اطفال مين تصيين عاگر وبعدين احنة نريد نتونس بجياتنة ممستعجلين على الاطفال...

شكد ميحچي وشگد میصبرني گأني ماسمعت گلبي محترك اريد طفل صرت الوب اخذت نوره ورحت للطبيبة وطلبت مني تحاليل الي ولرعد

رجع من الشغل چنت منتظرته ماستقبلته مثل كل مره مجرد كعدت على السرير اجى يمي كعد على ركبته لزم اايديه نصى راسه يبوس ايدي يواسيني

-ليش ضايجه مريومتي ليش يعمري

-تعبتك البارحه علاج السكر غالي

-بلعكس انا تعبتچ گل یوم مکان بس اوعدچ‌ وعدي تعرفين وعد زلمه اخليچ اسعد انسانه واي شخص من اهلي بعد متشوفينه لان اقراء خوف بعيونچ

مسحت علی راسه اتلاعب بشعره الناعم الثخین بسته

-لا تاسیه اهلك بس رید اروح للدگتوره
اکتفی بصمت كانما ماسمع الكلت اله لان يرتاح من العب بشعره يكلي من احط راسي بحضنچ وتلعبين بشعري
انسى كل اهمومي

كررت عليه الحچي گام وکفني اخذني الصدره

-احبچ ومامستعجل علی الجهال‌. وهم اخاف عليچ من الحمل

حاولت احچي بس مثل كل مره يسكتني بكلامه الحلوه بحبه القوي،ومثل كل مره اترك نفسي اله لان انقهر عليه
تعبان وتعبته الدنيا..يكفي مداري تلاثه مرضى وعلاجاتنا غاليه انه ونواره واحمد
استسلم اله بفضل قوة حبه وحنانه الي اكبر ابنيه متكدر تقاوم حنية گلبه رغم ظاهره القوي

حنية رعد تحسسني بقوه تحاوطني بأمان لاخوف وراه ولا تعب ولاجل

ابتعدت منه گتله..

-لاااا هذا اخر حچي عندي اريد اروح

گال

-ررراحت ام الحظه انتي منين اطلعين هاي السوالف لتجيب تعب

-من گلبي

-زين گلبچ مایتناوع الگلبي شگد یحبچ ویموت علیچ وراحته بس یمچ..

-لاااا گلبي مايرتاح اله من اروح للدكتوره

-دهر صابچ بعد نگت نگیگچن یلنسوان ماله حد عمي امري الله..

-يعني قبلت انروح

-لااااا

-شگلت؟

-اقصد یامریومتي ياراحت روحي گلامچ وطلابتچ اومررر وبقی ثانتین اذا مااااااا تتفاعلين تروح الحظه

حضنته فرحانه رغم ماقبل يسوي تحاليل وممستعجلة مثلي على الجهال بس من شافني اصريت وتقريبا زعلت قبل نروح نسوي تحاليل...

سوينة تحاليل وانتضرنة النتائج ايام مرة عليه اسود من سواد الليل اشكال الافكار السوداوية اجتي براسي...

صار يوم نروح للطبيبة حتى نشوف التحاليل وكلتلنة الطبيبة

-ابني انت مابیك شي ومتعاني من اي مرض التأخير كلشي عندك كامل وتام ومستعد تكون اب باي لحظه..بس السبب بزوجتك عدهاا تگيس قوي وهرموناته مخربطه والمبيض كلش ضعيف يراد الهة علاج ستة شهور
يلة ترجع اشوفه أگو تحسن لولااا

ولــَي عِنـد العبـاسُ أمُنـية
السـلام عليـك يا صـاحب الـزمان اينـما كُنـت))

...
سيد سلمان/الايام الراحت بين وكفتي بعزاء عديلي وبين رجوع اختي مريم الرعد..رجعت من الفاتحه تعبان مهدود
لان عديلي شخص راقي يدخل القلب بلا استئذان

رجعت للبيت مشتاق الحضن غفران تلث ايام ملتهيه ويه امها واختها والعزا

وصلت للغرفه كاعده تنيم دره ايست منها

سلمت
-السلام عليكم

-وعليكم السلام

-شلوونچ

-زينه بس مااگدر اسگتها تگسر الگلب بس تبچي متكدر تنام طفله امها مو يمها

-فاجعه غفورتي فاجعه جيبها انا أنيمها وانتي روحي ارتاحي

-لااااا متسگت عیفها یمی

-روووحي بابا تمددي موزين على ظهرچ
مديت ايدي اخذتها من حضن غفران نيمتها على چتفي

وبديت اقرالها بصوت ناصي
عليٌ أميري ونعم الأمير...نصير النبي وخير النصير
أبو الحسنين وزوج البتول...ووارث طه وأعلى وزير
عليٌ أميري بأمر الإله... العظيم الذي لا إله سواه
لقد هام قلبي بعطر سناه...فأحيا فؤادي ذاك العبير
عليٌ عليٌ عليٌ عليٌ... ظهور خفي خفاءٌ جلي
وللمؤمنين بحق ولي...وللحق قطب رحاه يدير

خلصت الانشوده غفت غفران
ودره بقت كاعده تتناوع اليه تضحك كعدت على واهسها

مديت السجاده طلعت دعاء العهد اقرا بيه بصوت مسموع احس الطفله تغير مزاجها وتذكرت غفران تكول متعلمين من ينامون ابوهم يقرالهم ادعيه وايات قرانيه
ويرتلهن ترتيل

كملت الدعاء صليت صلاة الليل،وهي تحرك بيدها تهومش عليه.اذن الفجر صحت على غفران تكعد تصلي
كعدت ضايجه دردم

-مووگتلك كعدني الصلاة الليله هاي ثاني يوم ليش سلمان

-شفتچ تعبانه یاعینی

-اي وذااا قلاها كعدني على الشفع والوتر
‏يعني السيده فاطمه علیها السلام چانت توگف للعبادة ليلا حتى تورمت رجلیها
وصلاة‌ الليل شرف المؤمن
والسیده الزهراءقدوتنا وانت حرمتني من شرف المؤمن والاقتداء صار لليلتين

-يله حبيبي لا تگلبين وجهچ عليه

-اخررر مره اذا متكعدني مااكعدك انه هم

-اتفقنه حبيبي

-يله روح نام تعبت انه الزم دره

-ابد روحي ارتاحي يقلبي بس ناوشيني اشربها مي

نطتني الماي وبديت اشرب دره اشوي اشوي متأسي أن الماء ثمين وبشرب ألماء تعامل معه كأنه أغلى ما تملك....
إشرب ببطء...تمهل....ثواني أغمض عينيك توجه نحو كربلاء.. السلام عليك يا ابا عبد الله

گالت غفران

-شووف اشلون تاخذ كلامك

-ياريت خالتها تاخذ كلامي وتنام اريدها ترتاح.. ابتسمت اليه صلت ونامت

وانا خليت دره على رجليه اهز بيها غفت وانا بقيت بلكاع على كعدتي فزيت على صوت غفران فتحت الباب نزلت دره من رجليها للكاع غطيتها كملت نومتي على السرير

هيچ خلص وقتنا دره صارت جزء من عدنا حتى امي وابوي ومريم،يحبوها زواج مريم رغم بلا اي دك ولا موسيقى بس غير مود البيت...

بعدها الامور رجعت مثل ماهي غفران مو مثل قبل مكسوره على اختها ورجل اختها..شكد احاول اطلعها امشيها مصار

بليل نايم واشوفهة كعدت من نومها راحت للحمام رحت وراها شفتها توضأت رجعت مددت السجاده تصلي

تناوعت للساعه هسه وقت اصلي..توضيت ومدد السجاده صليت..من خلصت رفعت ايدي ادعي واسمع غفران

-يارب ارحمني ولرحم شدة اشتياقي الحبيبتي الجميله...مشتاق الروحهه الحلوهد..

يارب اجمعنه للخير اجعل نصيبي هاي
الليله يمها...حتى يستريح قلبي الهرم من شدة الإشتياق وما عاد اله القدرة علي الإنتظار

نزعت أسدال صلاتها وراحت يم الچربایه گالت

-شووف عيني لاااا تبعل ولا تبتل الحمل صایر بخشمي...ومالي خلك تدعي ما تدعي بيا حال انه

انتفض جسمي وكفت احاجيها

-ترى خطيه انااا

-سلمان اتعوذ من الشيطان وخلي الليله تمشي بسلام الله يخليك

-امم قلبچ مایحن علیه

-قابل زعلانین حتی أحن اشوو عبالك طيور الحب نجنن

-اي اطيور اخوه..

-عوووووف هذا الحچي ترى الاسم تفقناا عليه الاريده لان اني احب هذا الاسم سمانه واذا تريد أنسميه سمانه نرجس

- لا إله إلا الله واعيد غلطة ابويه وامي بمهجة مريم حتى صارت بيه عقدة من الاسم كلمن يصيح اله بأسم لااا حبيبتي انسمي مثل مااختاريتي سمانه

--الله يخليك

-احبچ

-حبتك العافيه

-اموت عليچ

-الموت العدویك

-مشتاق الچ

-مکه تشتاقك

-ووچ غفران انتي مرتي

-وانت زوجي الاحبه

تنهدت من برودها أالحد هل الحظه مارفعت راية الاستسلام رغم انهياري جدامها ضجت من مشاعرها لغير مباليه وهنا كتلها

-الحمد الله بس مشتاااق الچ یاصبر گلبي
تقربت عليها لزمت خدها ردت احضنها وكفتهتا غمضت عينها مبتسمه جيت اتقرب صرخت بوجع وعاطت بيه

-وووين جاااي رااااح اجيب

-هوو هذا حظي بعد هذااا الجفاف يطيح عليه ماااي الحمل

-لااااا تتشاقاااا

-اخذني لطبيبببببب
بسرعه ركضت ادور السويچ وادور القمیص واخذت تربه وعفته بجيبي وهی غفران بعد تصرخ وصيحح

- الحگلي راااح امووت

تخردلت من الصياح اخذت جنطة الولاده
سدیت باب الغرفه ونزلت ركض صاحت غفران

-وين عااااايفني افتح الباب رجعت للغرفه طلعت عبايتها وهي جانت تلبس اجواريبها ولابسه الحجاب..

لبستها نزلنه وهي تكض بسرعه للسياره صعدت يمي امي اجت وخابرت ام غفران وصلنا للمستشفى دخلوها للصاله..طلعت الدكتوره
كالت
-عمليه لان ماعدها مايه ونخاف على الطفله والام

جاوبت ام غفران

-ليش عمليه

-مااااكو توسع ابد

ام غفران وامي تناوعن عليه..درت وجهي وهن مايدرن صار شهر مقاطعتني

گتلهن

-تری شعلیه اناااا هی السبب

بسرعه وقعت على العمليه وكعدت متوتر
خايف عليها متوتر فد مره

دعیت دعاء سيدنا الخضر عليه السلام
لان هذا الدعاء بيه معجزات قريت

((بسم الله ماشاء الله لا يسوق الخير الا الله
بسم الله ماشاء الله لا يصرف السوء الا الله
بسم الله ماشاء الله ماكان من نعمة فمن الله
بسم الله ماشاء الله لاحول ولا قوة الا بالله)).تلث مرات كررت

طلعت حرز التاج من جيبي وقريته كله من الغلاف للغلاف

مرت ساعتين ماكوو بقيت اردد
الحمدلله الذي على ف قهر
الحمدلله الذي بطن ف خبر
الحمدلله الذي ملك فقدر
الحمدلله الذي يحي الموتى ويميت الاحياء وهو على كل شيء قدير

الى ان طلعوها من الصاله نايمه

سالت الدكتوره

-اشلونها مرتي

-الحمد الله والف مبروك بنیه ورده

اخذت الطفله گالت امي

-ابنيه موو

-اي يمه بنت وجود البنت بركه بالبيت.
عن النبي (ص): ما من بيت فيه البنات الا نزلت كل يوم عليه اثنتا عشر بركة ورحمة من السماء ولا ينقطع زيارة الملائكة من ذلك البيت يكتبون
لأبيهن كل يوم وليلة عبادة سنة "

-الله يحفظها الك

بيدي كبرت بأذنها ونطقت أسمه سمانه
طلعت التربه من جيبي حنكتها تحنيك
(محمد وال بيت محمد صل الله عليهم)
اامي كالت

-ياااااع يمه توكل الفرخه تربه مايصير

-مو اوكلها انما تحنيك يمه الحديث يكول(حنكوا أولادكم بتربة الحسين عليه السلام فإنها أمان )
بعدها أذنت باذنها اليمنى وقيام باذنها اليسرى...

وبين التحاليل وستمر عدها اوجاع بصدرها خفت عليهة بس امها طمنتني كالت

-لان ماترضع بنتها

مر يومين وخايف على مرتي وبنتي من المستشفى الى ان كالت الدكتوره عادي تطلع مرتك وبنتك صحتهم زينه

دخلت السياره للمستشفى،گالت ام غفران

-خاله اخذها البيتنه

-لاااااا خاله وين عقيله عدگم وانتي مريضه عدنه انااااا والبنات منخليها تحتاج شي

-والكماط والرضاعه

-امي يمها
وخواتي موجودات واني موجود أطمئني

غفران //چنت اقراء بسورة مريم تسهيل للولاده بس خوفتني ايناس من الاجياب الطبيعي

صرت أكوم واكعد كون اجيب طبيعي
صرت ارضع سمانه رضاعه طبيعيه وقبل كل ارضاع اتوضى وانا ارضع اقراء ايات

بس بعد فتره الالم زاد عندي رغم بقيت يم عيالي دارتني عمتي والبنات احسن مايكون..

علمني اشلون اكمط بعد عشرة ايام فتحت خياطاتي وصعدت لغرفتي
سيد سلمان شالني على گفوف الراحة مااحسسني بتعب..يداري سمانه أكثر مني

من اتعب هو يستلم سمانه ساعة يهزهزه بكاروكه ساعة شايله ويفتر ويقراا بصوته ناصي قران او دعاء لحد ماتنام
خطيه ينام اله كم ساعة ويروح للداوام

مشت ايامنا هيچ معاون ویجوز هو یتعب اگثر مني بطفله

من طلعت الاربعين رجعت اداوم مؤسسة
أعوف سمانه يم عمتي ونروح يوصلني ويروح شغله واخذ ساعه امر على عقيله
لان دره من جبت اخذتها العلويه زينه

كل اسبوع اروح أطمأن على عقيلة واهلي واموت قهر على حالها تگعد ورة صلاة ب
بساعات تحچي تسولف عبالك سيد گباله متعايشه وياه بعده موجود اي شئ يصير اله تسولفه

تگعد تلزم الحایط وتشكيله على عمامه شلون رافعين قضيه شلون ام عامر أذته وتشيع عليه حچي و ساعة سولفله على سيد علي يسال عليك ساعة سولف على درة شلون بدت تنطق بكلمه باه بلاه تحاجي على سيد مجتبى قايم بواجبهم وسيد علي متعلق بيه

اخر شئ ضل دموعه صب على خده وتكله أشتاقيتلك اريدك ضعت بلياك سيد اريدك هسة تعبت انت حبيبي وروحي
معلگة بيك

ترجع الواقعه وضل تبچي بلا صوت عليه وتبجينه گلنه ‌وهاي هيج كاضيه ايامه عقيله

اجة عليه سيد سلمان اخذ مني جنطة وخله وری بسيارة واخذ مني سمانه باسها وصعدنه سيارة والبنيه بحضنه تبقى يطيه الي ايد على استرن وايد حاضن ايدي وكلامه عن اشتياقة النه البكم ساعة

طلعنا شفت بطريقنا اخو الشهيد عباس
رادتني امه اله يمشي وياهة بنيه يمكن زوجته لن شايله طلفله وجنطه مال طفله بچتفه يمشون ويصيح عليها بشارع وبصوت عالي وهية تمسح بعيونه تبچي

حمدت الله وشكرته على زوجي وحبيبي وسندي النعم عليه بي
صدگ صبرت ونلت احسن وافضل انسان بعيني

مديت ايدي على ايده وشبكت اصابيعي بصابيعه حيل تبسم وضحك وهز راسه معنى شكوو
وتبسمت اله وكتلك أحبك يااا ابو سمانه رد عليه
واني اعشكشچ ياصبر گلبي

رجعنااا للبيت الهج بلحمد والشگر

بعد ولادة بنتي بثلث اشهر رحت للدكتورة مراجعة علمود عمليتي واخذ مانع مااريد اطفال هسة

وعندي يصير وجع بصدري وبزة يمكن لن مااجاي تاخذه سمانه رضاعة

رحنا للدكتورة اني وسيد سلمان وعفت بنتي يم عمتي دخلت دكتورة سلمان منتظرني بغرفه الانتظار قبل لاندخل كالي سيد سلمان خل نقراء دعاء الحجه

اَللّهُمَّ کُنْ لِوَلِیِّکَ الْحُجَّةِ بْنِ الْحَسَنِ
صَلَواتُکَ عَلَیْهِ وَعَلی آبائِهِ فی هذِهِ السّاعَه وَفی کُلِّ ساعة وَلِیّاً وَحافِظاً وَقائِداً وَناصِراً وَدَلیلاً وَعَیْناً حَتّی تُسْکِنَهُ أَرْضَکَ
طَوْعاً وَتُمَتِّعَهُ فیها طَویلا
السلام عليك يا صاحب يلزمان

دخلنا للفحص عمليه طمئنتني مابيه شي وناشف جرح بس گالت راح اكتبلچ مانع حاليا ورة متقبط بنتچ سنه تجيني

-دگتوره وجع صدري ونغز مالته اذتني

رجعت فحصت صدري مرة ومرتين ضلت تسال وجاوابها
رجعت كعدت ورة مكتب وكالت

_جايه وحدچ لو احد وياچ

_لااا زوجي ينتظرني برة ليش دكتورة أكو شئ خوفتني

_لاا بنتي بس روحي صيحي زوجچ منتظرتگم

طلعت ارجف من خوف رحت السلمان

كتله

- الدكتورة تريدك تعجب وضل يسال بيه بس مااعندي جواب اله

صارن كم خطوة عبالك دهر امشي اريد بس اوصل واعرف شكوو حتى سيد لونه نخطف وضل يستغفر بسبحته

دخلنا للدكتورة واشرت نكعد گالت

_بلا خوف اول شئ اني شاگة والطب طور مو مثل قبل

رد عليه السيد

_شگو دكتوره گلوبناه وگعت
بس بيدي المسبحة واستغفر ومدنكه وخايفه و شاكه بلي راح تكوله

حجت دكتورة بعد تنهيدة قوية

_صحتك علمود تكون واكف وساند زوجتك بهيچ موقف؛ بعد الفحص لصدره تبين اكو غدد واني شاگة من خلال لمسي الهن غدد سرطانيه...

لن تكسرك الحياة إذا أتقنت فن الصبر ..
#يتبع