رواية عشق المومنين(أبناء الساده) الفصل السابع وأربعون 47 - بقلم نازك الحمراني

..مساء الخير.....
...نازك الحمراني...الشكر موصول لكل من عزا لوفاة عمي'واخص بذكر گروب ام عبدو للطبخات وكروب ألگاتبه زهراء محمد السراي وعذرٱ للذي ذكرني ولم اعرف...
.........

ابني جِسرًا من الإستغفَار فُوق بُحيرة من الذنُوب ".

ضلت عقيله تتأوة وتبجي ومااعرف بس تأشر على بطنهة بهاي لحضة اصبرها اصبر روحي من اشوفه هيج واني مابيدي شي

مديت ايدي هلى ضهره واقرا عليه قران

على صوت بجيهة واهاتها ضلت تعت بقميصي تأشر على رجليه كلت تريد امرغل رجلها تناوعت والكاها نازفة ونازل الدم
على رجليه دغد

‏"لا يليق بالمؤمن في تقلُّب أحواله؛ إلا أن يُحسن بربِّه الظنّ، ولو كانت النوازل تفتكُ به فتكا

رفعت رجلها مددتها علی الچربایه ايدي أنملت دم وهي بس تتلوى بلا صوت،تتلوى وتون مثل خرسه تريد تحچي متگدر

تريد تكول عن اليوجعهة بس تأشر على بطنه وضهرهة

گعدت یمها على الچربايه حاضنها وا اولول عليها دخلت امي شافتني اشلون حاضنها وابچي
تقربت اليه خايفه

_سيد ليشش ايدك بيدها دم شكو صاير بيك شي

رفعت راسي وحاضن راس عقيله

_يمه اي أكووو اكووووووو أنتي وجدي گلگم السبب بلي يصير أبمريتي يمممممممممه راح تروح منييييي شنو سوته وهيج جازيتوهااااا

_يمه انا شعلي سيد

_رووووحيي يمة صيحي الدكتوررر ووووچ يممممه أبنچ مایگدر یروووح حيله رااااااااااااااااااااااااح

"هي فتاتي، امرأتي,قارورتي أقاسمها تسبيحي ودعائي وأستودعـها الله في كل وقت وحــين

طلعت امي وعيوني لعيون عقيله الزركهن الي يحيط ذبول هالاتها ،والدموعها تنزل عشره عشره تحرك اشفافها وتناشغ بقهر يتيم يكسر ألخاطر الف مره رجعت حضنتها وهي حاضنتني،واتوسل

يا اللهُ يا أَعَزَّ مَذْكُورٍ وأَقْدَمَهُ قِدَماً في العِزَّةِ والجَبَروتِ. يا اللهُ يا رَحِيمَ كُلِّ مُسْتَرْحِمٍ ومَفْزَعَ كُلِّ مَلْهُوفٍ. يا اللهُ يا راحِمَ كُلِّ حَزِينٍ يَشْكُو بَثَّهُ وَحُزْنَهُ إِلَيْهِ. يا اللهُ يا خَيْرَ مَنْ طُلِبَ المَعْرُوفُ مِنْهُ وأَسْرَعَهُ إعْطَاءً. يا اللهُ يا مَنْ تَخَافُ المَلائِكَةُ المُتَوَقِّدَةُ بِالنُّورِ مِنْهُ.
أَسْأَلُكَ بِالأَسْمَاءِ الَّتي يَدْعوكَ بِها حَمَلَةُ عَرْشِكَ ومن حَوْلَ عرشِكَ يُسَبِّحُونَ بِها شَفَقَةً مِنْ خَوْفِ عَذابِكَ، وبِالأَسْماءِ الَّتِي يَدْعُوكَ بِها جَبْرَئِيلُ ومِيكائِيلُ وإِسْرافِيلُ إلَّا أَجَبْتَني وكَشَفْتَ يا إلَهي كُرْبَتِي وسَتَرْتَ ذُنُوبِي.
يَا مَنْ يَأْمُرُ بِالصَّيْحَةِ فِي خَلْقِهِ فَإذا هُمْ بِالسَّاهِرَةِ، أَسْأَلُكَ بِذَلِكَ الاسْمِ الَّذي تُحْيِي بِهِ العِظَامَ وَهِيَ رَميمٌ، أنْ تُحيِي قَلْبِي وَتَشْرَحَ صَدْري وَتُصْلِحَ شَأْنِي.
يا مَنْ خَصَّ نَفْسَهُ بِالبَقَاءِ وَخَلَقَ لِبَرِيَّتِهِ المَوْتَ والحَياةَ، يَا مَنْ فِعْلُهُ قَوْلٌ وَقَوْلُهُ أَمْرٌ وَأَمْرُهُ مَاضٍ علَى ما يَشَ

دخلت دكتورة سحر وياها ممرضه تدفع بجهاز السونار ثبتو يم عقيله،گالت

-گوم سید مهدي گوم منها خلينه نفحصها زين
مددت راس عقیله علی المخده وگملت اقراء الدعاء

وأَسْأَلُكَ باسْمِكَ الَّذي دَعاكَ بِهِ خَلِيلُكَ حينَ أُلْقِيَ في النَّارِ فاسْتَجَبْتَ لَهُ وقُلْتَ يا نارُ كُونِي بَرْداً وَسَلاماً عَلَى إِبْرَاهِيمَ، وبِالاسْمِ الَّذي دَعَاكَ بِهِ مُوسَى مِنْ جَانِبِ الطُّورِ الأَيْمَنِ فاسْتَجَبْتَ لَهُ دُعَاءَهُ، وبالاسْمِ الَّذِي كَشَفْتَ بِهِ عَنْ أَيُّوبَ الضُرَّ، وَتُبْتَ عَلى دَاوُدَ، وسَخَّرْتَ لِسُلَيْمانَ الرِّيحَ تَجْرِي بِأَمْرِهِ والشَّيَاطِينَ، وعَلّمْتَهُ مَنْطِقَ الطَّيْرِ، وبِالاسِمِ الَّذِي وَهَبْتَ لِزَكَرِيَّا يَحْيَى، وخَلَقْتَ بِهِ عِيسَى مِنْ رُوحِ القُدسِ مِنْ َغْيِر أَبٍ، وبِالاسْمِ الَّذِي خَلَقْتَ بِهِ العَرْشَ والكُرْسِيّ، وبِالاسْمِ الَّذِي خَلَقْتَ بِهِ الرَّوْحانِيّينَ، وبِالاسْمِ الَّذي خَلَقْتَ بِهِ الجِنَّ والإِنْسَ، وبِالاِسْمِ الَّذِي خَلَقْتَ بِهِ جَمِيعَ الخَلْقِ وَجَمِيعَ مَا أَرَدْتَ مِنْ شَيْءٍ، وبِالاسْمِ الَّذِي قَدرْتَ بِهِ عَلَى كُلِّ شَيْءٍ، أَسْأَلُكَ بِهَذِهِ الأَسْماءِ لَمَّا أَعْطَيْتَني سُؤْلي وَقَضَيْتَ بِهَا حَوَائِجِي احفظ زوجتي

بقت تفحص وانا واگف على صفحه,اندب جدي الامام الحسين(ع)ونخاه

وجهه الدگتوره طمئني تاشر للمرضه تطلع وتاخذ الجهاز قياس النبض

تقربت الدگتوره لزمت ايد عقيله تحاچيها

-ام علي مايصير اضغطين على نفسچ وتحچین گوه هذا الشي ياثر عل صحتچ والجنین اعرف صعب عليچ تفقدين صوتچ بس لاااا تضغطين أكثر على نفسچ ميصير

دارت عقيله وجهه اليه والدگتوره گالت

_أطلع دكتووور خليني أكشف عليها أكثرررر

طلعت من الغرفه

بقيت واگف ادعي رب العالمين ينجدني يساعدني على المحنه بس احس نعبت من نظرات عقيله اليه نظراتها گلها عتاب وحزن حسسني بضعف روحي كعدت للگاع محتار كان الدنيا بهل وقت ضغطت عليه وتعذبني بأعز ماأملك أبني وزوجته

,,‏ربِّي أسألك في هذا الوقت سؤال الواثق بك، الطامع في كرمك، المقصِّر في حقِّك، الراجي لرحمتك، هب لنا من لدنك عفوًا وتوفيقا وفرجا وتيسيرا لحال زوجتي"

أجت امي وعمتي زينه وام عقيله چانن بلگافتریا
لان شافني گاعد بلگاع وحاضن راسي بين ايدي

ام غفران صاحت

-اشبيهاااا بنيتي اشبيهاااا بنتي أحچووووو شبیهاااااا ليييييش تبچي سيد اليتيمه شبيهاااااا

وگفت اهدیها

-عمه لا تصيحين لا تسمعچ وتنقهرررر ترى مابیهااا شي بس انا مااتحمل منظرهااا انا ماااأااتحمل أناااااا زوجهاااا وسندها وظهرهاااا ماحميتها من الوحوش العدناااااا

أناااا أبو أبنها ماگدرت أرد گل واحد ياذيهااااا انا انا السبب أسمع كلاااامهااااا واسگت السگوتهاااا چااان ماصاررر هيچ ولا جرى الجرى

أنتم تعرررفون الي بلغرفه تصيرر حبيبتي مو بس او ام أبنييي الي بلغرفه أماااااانه حجي ابو سلااااام کلي حفيدتي مظلومه وتخاف من صوت ألبزازين أذاااا تعارگن لأن تعذبت بطفولتهااااا بچت هوواي بطفولتهااااااا جاااعت هووواي خاااافت هوووواي أريدگ تعوضها وتحميها تكسب ثووووواب واجررر

وهاااي النتيجه ماحميتهاااا ولااا ساعدتهاااااااا الحد ماصارت خررررسه من الظلم اي مرتي خرررررسسسه

ألگل واگف منتظرين الدكتوره تطلع بلخبر بلربع ساعة طلعت انا على الكرسي لازم سبحتي عافتهن
الدكتوره واجت علیه

گالت

-سيد تری هل رعب والخوف مایصیر انت خوفك زايد عليها ياثر على صحتك وهي جاي تضغط
على نفسها حتى تحچي تفتح حلگها ترید تصیح هل شي ينطي ايعازات للرحم مثل الطلق،وهل شي نفسه سبب نزول الطفل والنزف

تناوعت للطبيب رافع راسي الها ماگمت

_والخطوره دگتوره

_ماااكو أي خطوره مجرد ترتاح وياهن ابر مثبت
تصير زينه وابر گتبتهن من برى راح يجيبهن الطبيب مجتبى

وگفت تقربت گلش للدگتوره بلهفه وفرحه

-یعني مرتي ماعليها شي

-لاااا ابد يمعووود ماعليها شي هل مجرد يومين ترتاح وهمين انت اخذها غيرو جو اهم شي حالته النفسية تعايشو ويه وضعها بدون كلام وتقبلو هي ماراح تحچي لاااا تحچون بلموضوع على انو هو شي خطرر

_يعني تطلع سلامات متاكده

_اي متأكده مررىتك زينخ

سجدت للگاع اشكر ربي

وگفت واشوف وحده لابسه بوشي من مشيتها عرفت هاي مرت عمي وياها چناینها آثنیهن اول ماشفتها تعصبت منها آجت اتسلم على ام غفران

تقربت الها بسرعه المن جاية هذا ردتيه عقيله تتأذى وصار التردي هسة ارتاحي هل تشوفيني متعذب على زوجتي وحيلي مهدود الله يهد حيييلچ

تقدمت وحاجتني عليه جاية اعتذر ....

_ساااامحني انا امقام أمك

تعصبت واحس نار حركتني كل هذا وتكول اعتذر على يامصيبة تعذر تدنيت عليهة ومن ورة البوشيه ورفعت ايدي على حلگهاااا دفعت جسمها حيييييل على حايط ورفعت اصبعي بوجهه

_ااااااشششش اششسششش ماكو اعتذار يشفعلج
ماااريد اسمع صوووتچ ولاااا تبريرچ ررروحي منا

رفعت ايدهة وزاحت ايدي

-شني ياسيد نسيت انة مرت عمك وجاية عليك

-لااا ماناسي وتف على هيچ مرت عمممم لأن لكلشي حدود وخط

_ليش ليش يمه

بغضب وحس وجهي صار حار من سمعت صوتها
فقدت و دفعتها مره ثانيه للحايط وايدي تخنگ بیها و انتر

_شجااابچ حسااااابي بعده وياچ كلشييي ماشايفه
الحد الان (من الحليم اذ غضب)

روووووحي من يمي لااااا تخليني افقد ديني بسببچ
دنیت جسمي عليها اريد اموتهااا جرتني امي وعمتي

_رااااح تموت بيدك عووفهاااا رااااح تمووت

امي وعمتي يبچن وهي چنتها وبنتها وابنها الزغير معمر سحبوهاااا وگفوها بعید مني

عدلت عبایتها تبچي وتكح مشحوطة لازمه بلعومها تتوسل

-سيييييد مهدي والله مامتقصده ام منگوبه وماعرف شنوه احچي والله وعتذر اعتذر منك ومن ام علي اعتذررررر جايتك اني وتوسلك تقبل اعتذاري ماريد ادخل بخطيتك

عطت بصوت عالي

-اي اعتذار منچ ومن زوجچ ذاااااااااااك مرررفوض

ام غفران جرتني من ايدي گالت

-عوفها يمه عقیله تریدك

رن نقالي رقم ابو ذكرى وتذكرت هذا اخو ام عامر اول ما فتحت خط سلم گال

-شلونك سيد مهدي اني حيل
خجلان منك من دريت بسواية ام عامر وعرفت بيك زعلان سيد كلشي ولازعلك
بس وحق الحسين اخذت حقك وحق زوجتك منهة مااريد سولفلك شسوت الهة
وداعتك سيد خليتهاااااا تندم على يوم حاچتكم بيه
ودزيتها تتعذر منك وتبوس ايد مريتك

-انت عم ابوية وتعرف مقامك وخاطرك محفوظ بس السوته ام عامر مايشفع اله

-شتريد اني حاضر واحنة بس تطلع مرتك جاين البيتك نستسمح منك وشنو تريدة يجرالك وحق هو علي خجلان منك والسموحه صدك ياسيد حتى طلاك أذا تريد أطلگها من عمك وأدبهاااا ماننسى وگفتك ويه اخويه تبرعت اله بدم وانت مريض ماانسى فضلك من ساعدتني بفصل أبني وهل دزيته الك تطلب سماح

-لا عمي السويته هل شي من باب القرب لله والمحبه بس أعتذر مامقبول أعتذارهااااا ومايفيد طلاك وية هيچ ناس وانا مااظلم بختي واهجم بيت أشكبره
وترى أم عامر ماتتعض هية بحاله واحنه بحالنه
وتجي تتبلى وتتهم

أني ومرتي شنو الجرمناه وياها وهيچ تحارب گل مره أغلس وأسكت أكول مگسوره بس هج تتبلى علينه راح اعرف اصرف وشلون راح أغيضهاااااا
خليهة لا أطول سماء ولاكاااااااع
مع احترامي الك

-حگك أوليدي وانة أعرف أصرف بعد وياها هل مجنونه

قفلت الخط وياوعت الام عامر وأكفه يمي مسويه نفسها تبچي

_روحي يامرة عمي رووووحيييي ابد مااگدر انساا وجع مريتي هل ذيچ مشموره بلغرفه تتوجع وماتگدر تحچي وتشگي اشلون اسامچ

عفتهم ودخلت ألغرفة عقيلة وطبكت الباب

متممده رغم ألوجع تسبح بس شفايفها تتحرك

دنكت عليهات وبستها بكصتها وعلى عيونها

_قارورتي ألاااااااااااا اخذ حگج واخليهم يتمنون
يصيرون مثلچ ويتحسرون بعد هاهية وصل حدها
انتي چنتي تگولين اليه أسگت وهاي نهاية سگوتچ

أشرت بيدها على روحها وبعدين رفعتها فوك لسماء
معنى ربي ياخذ الحق أحسن لااااتسوي شي انت

جاوبتها

-يصير خير حبيبه ونعم باالله ربچ يأخذ حكچ وانة هم مااقصر بس كومي أنتي بسلامة لأن ألدگتوره كالت انت تعرف تحقن أبر طلعها أفضل ألبيتها يعني
ورة صلاة ألظهر نطلع للبيت والعلاج اني يمچ وانا من قبل رمضان ماخذ أجازه صحيه علمود رجليه ورجعت جددتها وراح أبقى يمچ ياانضر عيني

تبسمتلي وهزت راسهة بس أحسه غصة بلعومه
ادري بيهة تخاف عليه انقهر بزايد وتخربط حتى وهية مريضة تفكر بيه

ترکتها وطلعت دخلت أم غفران وگلت الأمي

-يمه لملمي الغراض راح نطلع ورة صلاة ألظهر عفتها ومشيت

-سيد يمة مهدي أحاجيك

-يمة تعبان

-شبيك يمة شيوجعك

-أشرت على گلبي گتلها هذا يوجعني يمة عقيلة اذا صاير بيهة شي يعني أموت وراهة
والي يأذيها يئذيني واحترامها من احترامي وأگولها ألچ مهدي بلايه عقيله معناها موت حتمي

-اسم الله يمه عليكم

عفتها ومشيت حست امي عليه مثكل عليهااااا عرفت لو مامطيه وجه ألام عامر ماكدرت تجاوز على عقيلة
اووف ياقهري كعدت بلحديقة مستشفى
وسبحة بيدي استغفر ضايج من روحي شلون تماديت على مراة

اعرف رب العالمين يخلي البشر دائما باختبار

‏أولئك الّذين يتركون كُلّ شيء في يدِ الله،
سوف يرون في النّهاية، أيدي الله في كُلّ شيء.

بس مگدرت هلگد أصبر والمفروض أصبر ردت بحزن

,عُسرت أم يُسرت، الحمدلله بِكل الأحَوال،

طلعت نقالي لان يرن خابرتني امي

_يله سيد گملنا

رجعت الهم بيدي الكرسي المتحرك لعقيله خليت ايدي جوه ايدها اهمس الها

طفلتي ألحبيبه
مدللتي المعذبه
اوتعلمين أنتي
تملكين ايسّري
يا زهرتي
يا وردتي التي اسقيها
قطرات من ماء قلبي

يا قصيدتي هاشميه
ولحنها كروان علويٱ.

يا امرأه حتى نظراتها
كانها الهة النساء تراودني
كل يوم عن نفسها.

تبسمت كعدته على المرسي عدلت اله العبأ والبوشية
أدفع بيه وامي وامها وعمتي وراي يمشن

وصلنه للبيت نزلنه من سيارة واني ساند عقيلة وامهة من جهة ثانية

دخلت ولگيت جدي جاي يذبح خروف السلامتنا اول مادخلنا ذبحو جوه رجلنا گال جدي

_سيد مهدي ولك بويه اشتريك بروحي ولا يصير بيك شي بعد جدك

تحاضنه ابتعدت

_تعيش جدي تعيش ليش مگلف نفسك

_اهم شي سلامتك بعد ابوك

_اروح اخذ مريتي وارد...تمشينا الغرفتنه مددت عقيله غطيته وامهة بقت يمه جبت الها سيد علي طول ماشايله شبع وجهي بوس خليته يم عقيله وطلعت

تمشيت للاستقبال سلمت على جدي تكترت على صفحة

-شلونك سيد مهدي عقيلة مااحسن هسة

-لاا ياجدي عقيلة قطعت الكلام نهائي لان صار عندها انهيار عصبي
ردت اكوم اشرلي

-أكعد منتظرك هاي عمامك ولد عمامك جاين عليك

-موكته جدي تعبان

-أكعد بين مايجهز الفطور وارتاح وكلشي تريده يصير

سمعت هوسه برى ماگمت بس دخلت أمي علينا گالت

_عمي شووووف هااااي أم عاااامر لگيتها واگفه يم الثلاجه بحجة تريد تشرب مي خليتهة تشرب وطردتها موو. تزعل

_ليش ماااصايمه شساالفه

_معلي بيها تصوم لاااا اهم شي ولدي وچنتي بعد اپد
وهي مشربت مي اظن صايمه بس حجه حتى تدخل

تمددت على الطخم ومنتظر الفطور حتى اشرب علاجي لان الالم اذاني ورى ساعه صبوو الفطور

وكعدنة وكلهة ملتمة ماعدا عمي ابو عامر وزوجته واولاده ماجاييين وهذا الاحسن مااريد اشوفهم

اخذت للبن وتمر العقيل,شفتها اجت هي وامها كعدت يمي على الكرسي اشرت الزنان تجيب علاجي من الثلاجه

فطرت بشربت للبن واگلت تمره اخذت من شيشة العلاج قبقين لان كلش محتاجه وطعمه مرر رجعت شربت للبن ناوشت عقيله للبن تاشر بيدها الامها ومنطلقه فرحانه رغم متحچي بس تفهم عليها يمها سيد علي متوسطنا

بديت أكل اول لگمه من شوربة الس ثاني لگمه بدى مخص يروح ويجي لزمت بطني گال جدي

_ياسيد بطل هاي العاده تشرب للبن هواي تتاذى

_ماااكو شي لان جوعان ترى ممسحر اكيد اتمغص

تبسمت عقيله اليه ناوشتني قطعت دجاجه اكلت جاي اشرب نومي بصره اول ماشربت أختنگت فد مره و اااكح وشحطت

اشرت ألهم لا يگومون طلعت للحديقه لازم بطني
كلهة وراي اجتي وجدي يصيح وليدي شبيك شجاك

خلت ايدي على صدري وافرك اتقيئ بكثرة ويوكع مني القيء بي سواد ماشفت بس عقيله تمتمت

_ابا ابا ابااااااا

وگان حال عقيله ومصائبها بعد كُلِّ الاعتراف والطَّلب والتَّرجِّي يختتم كميل بن زيادٍ دُعاءهُ بأروعِ الجُمَل

وافعَل بي ما أنتَ أهلُه ..

.........
يابعد روحيّ انتي وبعد كُل اليمرگون
يابعد گل الناس واهلي واليمرون

انا الي وَياچ جَرح عاشك
شوگنه فاضح لليسألون
وجوهنه تِضيج ألخلگ
تتبسم من تتلاگه العيون

والدي يريد يبعدني گد میگدر من نوار واعرف ليش طلعت من الغرفه بقيت اباوع عيني بعيون ابوي ومانزلتهه للكاع

ماعرف ليش احس روحي اختلفت عن قبل ايام
ولا كأني رعد اليحترم ويقدر ويهاب ويخاف الله ويفكر بالعقوق الوالدين بكل لحضة.

اخذت تنهيدة جبيرة ورفعتلة حاحبي بخزرة عين وبعيوني نضرة اشمئزاز لان غدرني عدلت ملابسي و واتقربت عليه واكف يم باب الغرفة رديت تنهدت ورفعت راسي عليه رغم گلبي مگسور قربت راسي عليه و اهمست بأذنه

-أتحمل نتيجة عنادك وحرماني من من احلى شي بحياتي وخسرته بسبب جبروتك

انتفض عليه وجرني من ايدي بخطوة وحدة وصلنة لباب غرفتي وهمسلي..

ـ احتررم نفسك ولا تصير مستهتر

نفضت ايدي منة وابتسمتلة بخبث

_أذن انت والد اتحمل نتيجة كذبك على أبنك يا شيخ يااااا كليط قومك..

_أشگد ازماااال

_اقصد ياحجي متگدر تمنع نوار عني ولا تمنع نوار مني لأن تعرف نوار شعني اله انااا

ـمطي اكدرر وانت الممنون

ـزين اذا منتعنه وهذا من عاشر المستحيلات طعشات ألمستحيل تكدررر تمنع گلبي من حبه گلبي ألي انت وراح يضل گلبي يحبهه وينبض باسمهه ووااي حرام راح ارتبكة نضرري اووو.... اممممم لاااا ماأکمل زحمه

شحب لون وجهه وطعج عينة عليه ينتر بين اسنانه

_ولك يل بغل شگاعد تمسلت ولك تدخل بالحرام

خليت ايدي بجيب السروال

ـ الذنب ذنبك فاتحمل اي ذنب نضري او عملي يصير برگبتك ياشيخنة يالكلك حظ وبخت والناس تجي تتباخت بيك وتتنخاك وتاخذ بشورتك لو يعرفون هالناس شسويت وشرتگبت من ذنب فلا ينترس ديوانك بعد

ـ انت مالك مكان بهالبيت

ـ قبل نص ساعه جنت احچي مثلك واكول مالي مكان بهالبيت وعندي بيت ثاني

بس هسة لااااااا غيرت رايي وباقي على گلبك حتى كلما تشوفني تتذكر جهنم الراح تنفتح عليك بسببي
رفعت راسي وگتله هذاااا البيت الي شايل اسمگ وسمعتگ يتهدم على أيدي اناااااا

ـ ولك بوية انت العاقل رعيد انت السند انت الضهر شجاك وهيج تغيرت ماچان هيج حالك جنت تعرف الحلال من الحرام

ـاي أعرفهن والحمد الله بفضلك نسيتهن

ـ عوف نوار وليدي ابتعد عنة

ـ تعرف كلش زين نوار مايگدر یستغنى عني ولا انة اكدر استغني عنة
يعني من يصيحني تتوقع مااااجي وانا طووووووووووووول عمري وياه شراكه بگلشي نومتنة كعدتنة اگلتنة ضحگتنه ونستنه سوية بگلشي مشترگين سواء قبل أو هسسسه

ـ تأدب عاد الا مرررته يا رعد الا هالشي ولك يامصخم

ـالله كريم ياشيخنة..بس گون مرت نوار ماتضعف بين أيدي خصوص أبنك مادبرهااااا وياهااا مو لو مو

هاااا حجي أهلك ينتضروك جوة تبشرهم برجولة ابنك الزغيررر وذا تحب اساعد نوار لا تتفشل سمعتك

صم ايده وطك صدري حيل بحيث تاذيت بس كابرت ورد بصوت ناصي حتى محد يسمعه

-لااااا تنسى عيني عليك وعلى مرت اخوك وذا وصلت تتعدى على شرف اخوك أگتلك وگطعك وذب لحمك للچلاب السایبه

-ومنووووو گلك انا هسه عايش ترى المضيع حبيبه ميت بلايه روح شحال انة شايفهه بحضن اخوي
اصلا الموت التهددني بي ارحم من هالعيشة ياشيخ

ـ شخبصتني ياشيخ ياشيخ شبيك يول

ـ لان كلش زين تعرف الشيخ مايكذب واذا انطاوعد يوفي واذا أنطة كلمة يسويهه على گص رگبته

،ـ انت تريد وانا اريد والله يفعل مايريد

ـ صكيت سنوني وصميت ايدي وححيت بنبرة حادة..
اي هذا كلام شيوخ تالي وگت
لا گلمة ولا وعد يوفيهن..

بعدني ماخلصت كلامي وضربني بوكس بوجهي كلشي قوي
ضليت واكف جدامه بدون أن أوگع متماسك مسحت شفتي بابهامي اتلف دم مصيته وعيني بعينة بنضرة حقد سبحان الي گلب گلبي چنت أخاف من الله ومن عقوق الوالدين لهل درجه انتفضت

حسيت رجع راد يطگني لزمت ايده

_گااااافي تضرب ميت ترى ماااحس بأي ووووووجع فاااااااهم
عفته ودخلت للغرفه رگعت الباب بوجهه ونهاريت حتى وگفة مبية اوگف على حيلي نزلت دمعتي رغم ابد متمنيت تنزل
أحساس الضعف قاتل گعدت بالگاع و خليت راسي على فراشي اغمض عيوني اتخيلهه بحضن نوار ويسوي وياهه الگاان مفروض اني اسوووي عقلي أانجن واتهسترت افتح عيني واغمضها ورد
افتح عيوني يتراولي وجه مريم هعلى مخدتي خصوصا اليوم شفت شعرهه المبلل اااااااااه ياناااااري
اااه ياحركتيي
ربي لو تااخذ نوار لو تاخذني لاتخليني هيييييچ أمتحان صعب بحياتي متخيلت بنت تفرقني عن ااخووي
بحياتي متصورت راح ادعي على اخوي بالموت بسبب بنت
بحياتي ماوگفت بوجهه ابوي بسبب بنت

بس مو بيدي مو بيدي كاتم بجيتي وغصتي بين فراشي والمخدة

ماريد احد يسمع أنيني وبچيتي اختنگت حسيت شي طابك على صدري گد الحسره گمت افتحت الشبااك اشتم هوى رغم البرد بس مجمر من البركان الجواية
صورتهه متروح من بالي شعرهه خلاني اتسودن هذا حلالي والله يا ربي حلالي
حراام يروح لأخووي ربي ليش هالاختبار ليش هالامتحان ادخلني بي
ااخوي ه هسة كاعد ويلعب بشعرهه يتلمسها مكشوفة عليه بجسمهه وبياضهه ورقتهه ودلعهه

صاار اله حق شرعي يتمتع بحلالي يتمتع بسوالفهه ولسانهه الي ينكط عسل ورقه كلامهه وشفافهة الوردية

جريت كرسي وبقيت أدخن جگاره ورى چكاره باكيتين جكاير باقل من ساعتين ونص بس ماكو نتيجه
احاول انخمد ماگو فايدة احس روحي بنص الغرفة وياهم ويتراوالي الي يسووه سوية واشب بناري ومحد يطفيني..

طلعت من غرفتي ماعرف شنو أريد لكيت بابهم مسدودة والبيت كله هدوء

الكل نايم ومتهني الا العبد لله محترك شيب الخلفوه
وصلت يم المغاسل فوكاهه معلگين صيدلية فتحتهه وكمت ابحوش بيهه بلکب الكة شي لراسي ويهداء

طلعت ريليف وبندول اعرف بريليف اقوى من الثاني اخذت الشريط ودخلت للحمام غسلت وجهي وتوضيت بلكي اهدء..

رحت للمطبخ اخذت كلاص مي وطبكت اربع حبايات سوية وبلعتهن عساني لاكعدت

مريم// نزعت جادر الصلاة وكعدت صافنه على حالي
من طلع رعد من الغرفة حسيت بقهر وبنفس الوكت ارتاحيت
لأن حتى نضراتنه حرام خلص هو اخوي واني اختة ميفيد بعد شي

كعد نوار يسولف ويايه عن المكياج والشسوار وفرش الشسوار واني مرة ووياه ومرة اصفن بغير سوالفه ويروح بالي يم رعد

بس الي عرفته نوار محترف بالمكياج والتسريحات ويعرف يدمج الوان الميك اب..

گلي

_عوفي الصلاة تعاي يمي

اجيت يمه ملي

ـ تردين شنو حلمي

ـ شنو

ـ يصير عندي محل كوافير

ـ اي عادي شكو بيهه غير حلاقة رجالية

ـ شبيج مريم يا حلاق اگلج كواافير صالون نساائي يعني يعجبني هيج مشروع لان افهم بخلط الالوان واعرف بالتسريحات هواي جنت اتابع على النت واتعلمت

صفنت عليه باستغراب..

_كوافير نسوان

ـ اي ليش شكو بيهه.. اسالي نسوان اخوتي مرات احطلهن الميك اب من تصير عدهن مناسبات ومرات العب بشعر بنات اخوتي والله تضبط التسريحه وتصير حلوة

ـ شنو هاي صدك واهلك شلون

ـ شنو اهلي شلون.. شعليهم!

قابل راح افتح ملهى حتى ميقبلون
مريم انت انسانه مثقفة وواعية ترة هسة هواي اكو كوافيرات شباب جدا طبيعي صار هالشي وخصوصا ابغداد اصلا الزلم ثبتو جدارة بهالمجال اكثر من النسوان ههههه شفتي نغلبكم

ـ ما ادري بصراحه يعني

ـ لا يعني ولا شي المشروع براسي صار فترة طويلة بس فلوس يراد واني ما امون على ابويه بهيج امور لان تفكيرة منغلق ومحدود ردت ادين من رعد بس خطية ذب فلوسه بقطعه الكاع مالته ويريد يبنيهه فماحجيت..

بس سهلة تدبر اذا احط عقلي امي وعدهه ذهب واكدر اتصرف بي بس احس مو هسة وقته فساكت عن تحقيق حلمي..

ـ ان شالله يتحقق

ـ تدرين انت اول وحدة تعرف بحلمي ابد محاجي بهالشي قبل

ـ ابد؟

ـ ابد والله.. حتى لرعد شكد علاقتي بي قوية بس ماعرف ليش ماحجيتلة كلما اريد احجيلة جان لساني ينعكد..

ـ سهلة ان شالله تكدر تحقق حلمك وتنجح بي...
جر ايدي وكلي
بوجودج ان شالله..
متت خجل منه وسحبت ايدي وغطيت نفسي..

اتقرب عليه وأخذ شعري شمني من رگبتي حسيت بنفور منه مو طبيعي ما اعرف شبية من شافني هيچ نافرته عصب وگام من الفراش راح للثلاجه طلع القوطية وكعد يشرب ويتافاف ويگلب بشعره يمنه ويسرة..

صاح

ـ كومي جيبلي الكرزات..

ـ اي..اي

كمت اركض من مكاني وجبتلة الكرزات جانت على ميز المراية حاطيهه بداخلي لأن نوار يشرب يارب يعني رعد الصايم المصلي ميصير قسمتي اخوه اليشرب يصير نصيبي..

لا اعتراض على حكمك ربي.. اخذت الكرزات ودروح لنوار بهالاثناء نوار گام من مكانة واعثرت بي ووكعت القوطية البيدة عليه ريحتهه جانت تلعب النفس..

ـ أاااسف ااسف مو قصدي..

يتعذر مني وينفض بدشداشتي..

_وخر ايدك ليش كمت مو ردت الكرزات..

ـ اي ردت اطلع برة مادري شبية..

ـنوار اروح اسبح لان هذا منگر وكع عليه

ـ اي اخذي راحتج

ـ اخذت البرنص وطلعت للحمام صار بوجهي رعد..
اجتي عيني بعينه ضل واكف يباوعلي وعيونه تحجي كلشي

مبين من نضرة عينه البيهه غصة عبالة جنت وية اخوه وهسة طالعه اسبح..

خليته بنارة يشتعل
ودرت عيني عنة دخلت للحمام سديت الباب وروحي مسلوبة من الخجل ما اعرف مين اجتني هالجرائة وهيج اتصرفت كدامه جان لازم ارجع لغرفتي

رعد//شفته راحت للحمام سبحت مرتين مريم..
نيال المي الي يلامس جسمج
نيال الليفة والشامبو والصابون والدووش
نيال حايط الحمام اليتمتع بشوفتج نيال المنشفة الحاضنتج
اااخ ربي.. لو خالقني جماد بهالبيت ولا هالتعذيب
مرتين ياانذل..

مرتين يا جلب هايه نازکه يانوار داريهه ياسافل مو هج وياهه..

ااستغفر الله ولك شبيك رعد شبييك شهالحجي.. رجعت بيدي شريط للريليف اخذت بعد حبايتين ودخلت غرفتي ربي صارن ست حبايات حتى ما اكعد يكولون هالحبوب قوية

اعرف الاسوي كفر وحرام بس مو بيدي الاني بي همين حرام..
رغم جنت دايخ دخنت جكارتين بالثالثة ماعرف شلون نمت يمكن اغمى علية ....

فزيت مسطور وراسي يوجعني وعيوني مرمدة من البجيزاسمع صوت لعب جهال وناس تروح وتجي من يم باب غرفتي، هوسة كلش قوية

سحبت ساعتي من الگومدي شفتها ساعه، ٣الظهر
مسطور وراسي مصدع يامن اليجرني من الفراش
عيوني مغوشة كوة افتحهه

ورثتلي جگاره، وكعدت اتصفن شوي.. ولا عبالك نايم ابيت عبالك نايم بسوك هرج..

اخذت خاولي وطلعت اسبح وول ماطلعت صار ابن اخوي عمرة سنتين كدامي يركض وفرحان بعرس عمة اريد اطلع واجوي كل جهال اخوتي وراه مثل البطات ييركضون..

النسوان عدنه ياهي التحبل يحبلن البقية وياهه على الواهس سباق منو التحبل اسرع اللهم لا حسد يحفظهم بس فلك الصابچن يمتى حبلتن وجبتن هلكثر قروده

ملت اريد چاي قبل لا اسبح حتى اعدل راسي شفت نسوان اخوتي گلهن بالمطبخ مالي خلك احجي وية احد مو دور هنه

دخلت سبحت بمي حار يسمط بلكي راسي يهود من هالوجع
اصفن على الحمام و افكار شيطانية تجي براسي.. هنا نزعت ملابسهه هنا دخلت جوة الدوش بمكاني هذا لزمت هالحايط لزمت هالحنفية تعبت من عقلي احجي هالحجي واستغفر

واعرف استغفاري ممقبول گد ما اكرر نشفت وطلعت لاف المنشفة على راسي والتراك السحاب مالته خرب شافني نسوان اخوتي وسلمن عليه رديتلهن السلام

لمحت وياهن مريم واگفة يم امي ماباوعت عليه ولا سلمت اتقصدت ادخل للمطبخ صارت كبالي اخذت كلاص مي وشربته حجت ويايه امي

ـ ولك كم مرررة كلتلك لاتطلع هييج كدام نسوان اخووك

ـ كلهن خواتي

ـ وابووك شدكلةةة خواتيي

حجت من مرة اخوية ام رتاج وية امي

ـ يمعودة خاله شبيج عادي حلال الرجال يطلع هالجزء من جسمه

ـ عفية مرة اخوية عفية

ـ اعجبك من ادافع عنك لاتخاف

لمحت مريم تنكت واتنرفزت من ضحگت وية مرة اخوية.. معقولة بعدهه تفكر بيه
حسيت الروح ردت بية

ثواني واجه نوار لابس شماغ ودشداشة ونضارة شمسية جان طالع اضاهر ااجة على مريم مدري شنو شاورهه وابتسمو

احس روحي أحترگت دنت مريم عليه وگامت تنفض بدشداشته وتعدلة الشماغ جسمي صار ينتفض ماعرف شبيه.. عفتهم ورحت لغرفتي وامي حجت وراية

ـ ااي امشي ولك لا يجي ابوك يصخمنه ويعزينه روح روح بسرعه وجيب أنا اسوي السحاب

دخلت ولبست قميص وبنطلون واني طالعه الدنية من عيني جوعان بس ابد مامشتهي مشطت شعري وشمرت المشط على الچربایه غرفتي وصخهة وهوسة مگلوبة گلاب..

امي اجتني گالت

-ها رعودي اجى اخوك ارشد تتغدى وياه

-لا يمه ما اشتهي واذا اجوع أكل برى

-يمه اللأكل هواي ليش تروح برى

-ماگدر ابقی هواي هنا وتعرفين ليش لان انتي ويه ابوي مشتركين بجريمه سووية

-يمه رعيد شهالححيي ولك اسكت عييب صارت حرام عليك مرة ااخوك

ـ ذنبي برگابگم

ـ تعاااال ررعيدد ووين راييح. اوووكف

-شتردين من صخيم عوفني رحمه الخيل الحمزه عوفوني بس الي مخلفتني ذول ولدچ

طلعت من الگلدور لاگتني ام ريتاج مرت اخوي رشاد الوسطاني بيدها صينية الأكل گالتلي

-اي رعد الله جابك كلت ماخليك تطلع الا نتغدى انا وياك ورتوجه سوية

-ما مشتهي خويه أگلي الف عافيه

-وك شبيك صاير مزاجك على تكة ستوك جنت تضحك..

ـ مابية شي خوية اكلي انتي والطفلة الف عافية...
خلت ريتاج تجرتني من ايدي

ـ الله عليك اكعد ويانه اخوك اگل ويه ابوك دتعال عود من تزوج لا تاكل ويانه واثكل علينه هههه

باوعت لمريم نضراتها ألأم رتاج بنضرة حقد من گلتلي من تتزوج لا تكعد ويانه..
همست.. هم يعني هالسالفة تضوجچ احرگ گلب مريم گلت الأم ريتاج

_اااااي يمرة اخوية ليش لا بقيت بس انا الاعزب بينكم..

ـ اني الكالك المرة عليه وداعتك اذا ما اخذلك فلعه الكمر فلا ام رتاج اني

خطفت عيني على مريم ورديت باوعت لام رتاج وكلت

_ كدهه وگدود
تناوعت للصينيه بيها للحم شوي وچبده شوي وتمر وللبن وزلاطه وخضرة ومتعلم دائما أكل ويه أم ريتاج هي مو بس مرت اخوي بنت خالتي ونصير أخوان برضاعه انا وياهة فلا استحي منهه ولا تستحي مني..

كعدت يمها وگمت اجر كل خبزه اسويها نصين واحط الزلاطه وطرشي والحم والچبده واگل فطنت علی نفسي أكلت كرصتين ونص گتلها

-عاشت ايدچ همزین مسویه هواي لحم لان كاتلني الجوع بس ماجنت اشتهي

-الف عافيه اي والله الحجي ينطي العافيه جايب عجل چبیر لصباحية نوار وذابحه من الفجر اباب البيت بحیث وگلنا الناس گلها والمجمده انترست

-اي بعد اخوچ سویلي كص بليل مو بس الرجلچ ابو حلك ..
اجى رشاد عاط بيه يشاقى

-هااااا ولك رعيد بسيطه اتگول ابو حلك عليه بعد تتحلم اخلي رتوجه بنتي تمرغل رجليك

اخذت ريتاج من ايده وكلتلة حچي يفيدك قنع روحك..
منوو حبيبة عمو
أني
منو حياة عموو
أني
منو الحلوة
اني
تختاريني لو تختارين بابا
بقت ساكته الكلاوچيه ماحجت شي
طلعت خمستالاف گتلها

-هاااا عمو وهسة تاخذين حچي بابا لو عمو..
رغم عمرها ست سنوات گالت بضحكه

-لااا حچي عمو

صاح ابوها
-يابنت الگلب ولچ بعتیني
ضحگنا سوی فاتت امي تعبر مريم ودخله للاستقبال لان اجو نسوان يهربنها ... ووياهه نوار لازمهه من ايدهه بقى يمنه نوار ودخلت مريم يم النسوان واشتغلت الهلاهل

غصيت بلگمه لا كدرت ابلعهه ولا كدرت اطلعهه وكفت بزردومي اخوي رشاد ناوشني كلاص للبن شربته بس بعدني غاص باللكمه...گام وبقی یضربني بظهري گل طگه اطير العافيه بس لان غصيت ما اگدر احچي من ارتاحیت عطت بیه

-خاااااااب شبیك فلشت الفقرات يتيم اهلك هيچ اطك وصمخ

عاط بضحگه

- انا صووجي يالاثول لو عايفك تموت احسن..

جاوب نوار

ـ ولك المطي والعار مايموت

ـ جاوبته.. بعدني ماصرت مثلك مطي يالعار ضحكو اخوتي اثنينهم الا اني
كمت منهم ردت اطلع بس ابوي صار بوجهي..

ـ رعد روح للحديقة الورة البيت وجيب الجدر الچبير اريد استو هاللحم واوزعه للعشة..

ـ مو هذا طبخ المن بعد تطبخ

ـ لاتناقش.. روح جيب الجدر بالمخزن اللي بالحديقة وجيب البريمز الجبير

هزيت راسي ورحت بقيت واكف شوي بالحديقة ورثتلي جكارة وصافن على الخضار اريد انسى اسلوبة وكلامه وياية اريد انسى.. كلشي

مريم//جنت كاعدة بنص النسوان كل شوي وحدة تسالني اتاذيتي خو مانزفتي هو ما اذاج هواي طلع دم عندج بياض وجه

حسيت نفسي راح انجن ماعرف شنو اجاوب وعمتي ام رعد تجاوب بمكاني شافتني ام ريتاج ممرتاحه اجتي عليه واخذتني من بين النسوان..

ـ شفتج ما مرتاحه

ـ اي والله ابد ممرتاحه

ـ هنة ذني النسوان الكبار ماعدهن غير سالفة هسه نصهن مريضات بوكت عرسي. لعبن فلك هههههههه يسون هيچ يحنن الشبابهن لان راحت عليهن

ردت اجاملهه واضحك بس مكدرت كلش مرتبكة..

ـ اوو انت شغلتچ عاوية الحديقة الامامية كلهه زلم جان كلتلج طلعي شوي شمي هوى..

اطلعي بالحديقة الورة البيت اشتمي هوى واهدئي ودخلي

ـ اي والله محتاجه اشتم هوى نقي
طلعت اتمشى لكيت الحديقة مو كلش جبيرة بس تخبل بيهه كم شجرة تفاح صغيرة وكم شجرة رمان ونخلتين صغار ومرجوحه جبيرة لونهه ابيض بيهه مضلة ودوشك مقلم على كدهه بنص البستان الصغير والكاع خضرة كلهه حشيش اخضر كيفت على المرجوحه

رحت اركض عليهه يمهه جانت غرفة جيكنو مو كلش جبيرة اتقربت على المرجوحه حتى اكعد عليهه انفتحت باب الغرفة وطلع منهه رعد مدنج بحلگه چگاره يسحل جدر چبير البعد بيني وبينة متر

وگف ينگت بنطلون سحب ألجكاره شافني صفنة اثنينة بوجه بعض لحضات اخذتنة مشاعرنه المحرمه صوت براسي يصيح حرام حراااام حراااام

دنگت راسي وردت ارجع ماحس الا طبة قوية على الكاع صوت قبق الجدر وكع من ايده

تقرب عليه لزم ايدي وجرني عليه

#يتبع
شكرا للادمن ganah01298631 على الغلاف

البارت من أول البارحه عندي هسه رجعت من الأستخلاف المرحوم وحتى البارت ماابقي عندي نشرته بسبب الحاح الأدمن جنه عليه وهي الي رتبت الاملاء للي يسال عزا ليش ستخلاف لان عزا عمي بغداد(حي الاميرات) اتمنى تقرأون سورة الفاتحه على روحه لانه من الاستاذه القدماء وعم حنون'قل شبيهه بهذا الزمان لروح عمي كاظم مناتي وروح أختي المظلومه سجى نسالكم الدعاء