رواية عشق المومنين(أبناء الساده) الفصل الثامن وأربعون 48 - بقلم نازك الحمراني

صباح الخير

سيد سلمان //

أكثر شيء يدعو للرعب,والخوف أن قلوبنا دائمٱ
ماتصدر صوت من تنگسر...ماتنطي. أيعاز للگسر

رغم گلشي حوالينه ينطي صوت..الجرح بصدر صاحب صوت ويصرخ
القنبله من تنفجر تنطي صوت عميييق مرعب

بينما هذا القلب النابض من ينكسررر محد يعرف كسرتها محد يعرف جرحه لان القلوب اوعيه تحوي داخلها همومنا يعجز الكون عن حملها

ست غفران اريد اكونين على بينه وتعرفين كلشي يخصني ومأراح اضم عليج شئ وبعد تبقى يمج ان قبلتي او رفضتي
بس أتمنى تتفهمني وتفكرين زين

-تمام استاذ حاجته ودنكت حست نضرته ربكتني وهوة يترجأني.. رجع يسولف ويتمشى لشباك

وصلت وين

هااا كمت من الأكل جاي اطلع الصاله صارت فناء بوجهي وبيدها صينية الجأي عيونه عليه وتبچي وتناشغ

أنا انسان عملي,وصريح جدٱ وهل شي يخليني أحجي بتفاصيل ألچ ربما أتشوفيها ممله,ربما أتشوفيها متستحق هلگد تفصيل..

لگن هل شي أفضل ألچ واليه لأن الي يبدي بحقيقه
تگون النهايه واضحه

وحتى أتگونين على بينه من أطلب منچ ألشي الي ردتچ تجين هسه للمكتب علموده أضافه وگفتي هاي يم الشباك وجهي مو جدامچ راح ينطيچ مساحه واسعه من ألتفكير وعدم الخجل

وعدم مواجهة وجهي القدك ألمياس ينطي حرية التعبير,والگلام

‏"نحن بحاجة لأشباهنا ليس بالملامح، بل أشباهنا بالطيبة والوضوح، بطريقة التفكير والتعامل."

بذيچ ألفتره تقرر کلشي نيابه عني!!
موغصب لكن تماشيي مع الموجه ارضاء الوالدين ثم

أرضاء العم الفاضل عني بحگم أقدس عمي لأن هو معلمي الأگبر,والمؤمن حقٱ

أيماني بعمي بسب گولشي صادر منه بسبب حبه الاسرته وقوفه بسراء والضراء مع زوجته وعائلته
رجل قل مثيله بزمن أنعدمت الانسانيه

أب ونعم الأب بحيث بناته اسعد بنات طلباتهن مجابه
شعاره بلدنيا(ألأب والحبيب الوفي والرجل الصدوق)
مااذكر فد مره صاح بيهن خاصه من فناء وحبه ألفناء

احترامه حبه البناته أنعكس على الناس اجمع بحيث
أنتي ذاتيٱ من أول ماتشوفيهن راح ذاتيٱ تحترميهن لأن القوه'الطاقه تنقل من الأباء للابناء

ولذا مشت الامور بحگم فناء أنسانه هادئه,لطيفه صاحبة ضحكه وترحيب وبحگم الأفراد الأكبر عمر هم أصحاب القرار الصح والبديهي مشيت ويه قرارها

أهلي يجوز بذاك ألوگت فرحانين أكثر من فناء نفسها لأن هي هم تحبهم..بيت عمي فرحانين بيه إكثر من ماإهلي فرحانين لأن يحبوني أليه

تنهدت تهيدت بجع من الماضي گملت سردي ألملخص
حياتي السابقه للجميله,والمبهره

فيا أنسه غفران تم التوافق والتجهزت حتى أخطب فناء وكلشي ترتب ومر بسهوله،وهدوء ,وكشخه وتحضيرات مخمليه

الاهل الأقارب ألگوول فرحان بلخطوبه والأكثر فرح فرحت فناء متتوصف لأن أخذت فارس أحلامها والشخص الي عاشت وگبرت حتى يگون الها زوج
وهل شي هي گالت نصٱ

بهيچ وضع أيجابي والخطوبه الي مشت امورها وأنا أحاول أن أگون آیجا‌بي ومااتوقع الأسوء لأن الضحك والفرحه بوجه عمي والدي تخليني فرحان....

رغم بعد چنت بذاك الوقت أخر أيام امتحانات ألكورس الاخير للمرحله الرابع گملت وتخرجت
وصار تخرجي أحلى مايكون، لان فناء جهزت أبيت اهلي أحتفاليه چبيره...

أضافه حفله جمعت قسمنا لابد بعقلچ تسألين كيف أنا أختصاص علم نفس وقانون..هذا تالي نسولف بيه

لأن تبقى للجامعه شي خاص عندي وذكرى ماتنسي ابد خاصه اليه لان دخلت الجامعه وانا شاب ناضج تاخري وتاجيلي للدراسه بسبب شغلي بشرگة عمي..
بحيت الخمس سنوات من تخرجي من السادس
هي سبب تاخري للدخول للجامعه

رغم چان حالي متعب گلش،بسبب ساعات العمل بس قلقي على مقعدي بلجامعه لايضيع وهم انا تعبت فد مره حتى أوگف الشرگه من جدید

وهنا بعد حفل التخرج استلمت شهادتي الجامعيه صار یوم تخرجي هو يوم الخطوبه و العقد

بعدها أسبوعين تجهزت للزواج الساده والمشايخ رواديد حسينيين حضرو زواجي

وتمت الزفه لحظات ماانساها لان بيها اصدقائي ألبعض منهم استشهد والبعض سافر الغير محافظه

الزواج صار مثل مارادت فناء...لان والدها يعزها معزه خاصه وكلشي تريده يصير بضعفه مرتين....ألقاعه الصارت بيها زواجنا من الجمال أجمله..قاعه للرجال وللنساء والحضور وحتى قاريء ابتهالات حسيني جاب للقاعه حتى يتبارك الزواج

اشتغلت الابتهالات الدينبه،الضيافه والترحيب ودخل علينا احد اعمامنا سيد معمم عقد ألنا وصارت زوجتي قانونآ شرعآ

خلص كلشي والفرحه ماليه الوجوه ماانكر انا هم فرحان واضحك متونس...لان البهجه انتشرت مثل عدوى..

اخذت فناءالبيتنا...وشفتها احلى عروس شفتها بنيه طفله قاصر لكن لا لا هي امرأه بس عقلي چان یگلي طفله...وانقل الچ نصٱ الصار

صلينا صلاة لليلة العرس اول ماخلصنا صلاة التفت الها شفتها تضحك

-ليش الحلو يضحك

-ممصدكه اصير زوجتك،وانت زوجي

جاوبتها اطمأنها

-انا مو بس زوجچ انا سند الچ ورفیق وحبیب

-یعني ماراح تضوج مني في يوم

-لا ابد وحتى لو صار خلاف بينا احاول نوجد حل للخلاف ونرجع من جديد

-اي منو يكدر للباحث الاسري

اخذتها الحظني وبدينا باحلا ايام زواج...سافرنا الاربيل شهر گامل،حسن تبعلها ادبها افضله تثاب عليه

من رجعنا هنا فناء رغم التزامها الديني والاخلاقي اذا اتاخر عليها خارج نطاق الدوام تتعصب ...وتتنرفز وتبقى تسال

وين رحت ويامن سولفت ومنو الخابرتك عدها شك وغيره مالها حدود

ومثل گل مره بسبب انو أنا الزوج وأنا(القوام)من منطلق(الرجال قوامون)أخذ الحدود والوظيفه الي امرني بيها رب العالمين واحاول اهديها حتى ماإكون
مئثوم متعدي حدود الله

وهمين انقهر على حالة الغيره والشك الي تعانيها لان تبقى ترجف ومكدر أتسيطر على روحه واحس المي منها بسبب لأن

"‏الأَلمُ يُهذّب النفس أَكثر أَيِّ نصيحةٍ علىٰ وجهِ الأَرض"✨

التعب,والقهر دائما أسباب للتزكيّةِ أكثر،
وَللتقرّبِ إلىٰ اللهِ سُبحانه،
وَلساداتنا الأطهار (صلوات الله عليهم)

المهم مرت شهر شهرين تلاثه سنه دخلنا للسنه الثانيه وهي ألحاله عدها زادت مانقصت لان يزيد حبها اليه
صارت غيرتها فضيعه،وتوترها،ورجفان جسمها

رغم جهد العمل ارجع للبيت احاول أضغط ع نفسي ومااطلع اي مشوار خارج شغلي ودراستي الحوزويه بس بقت نفس الشي تغار

تحقق ويايه بعصبيه وتسال

-انت هسه چم وحده حبیت، چم وحده حاجيت
على منو تباوع

أحلف ماباوعت على البنات، احلف ماسلمت على موظفه،انت لا تكشخ،لا تلبس بعد أي قاط رسمي ألبس بنطلون عادي ولونه اسود رمادي لا تلبس أسود حجري بعد لا تلبس قمصان البس شي

غير هل تفاصيل تستزف طاقتي تعبت والكل يعرف انا عصبي وجاي ادوس على نفسي الاجلها ولاجل ربي
ادوس على نفسي لان وصية ابوي وعمي،وهمينه هي نعم الزوجه الخدومه،المطيعه المحبه العطوفه

ولا أكثر جعل شكها وغيرتها اكثر من سابقتها خلال هل سنتين ونص مأصار عدنه طفل بقت أتلح ليش مايصير عدنه

رجعت تعاتبني وتبچي وتگرر((ادري بيك هسة تزوج عليه وتحب غيري ويمك الموظفات حلوات ويردن منك أشاره)

ورجع أصبر عليها متناسي نفسي واگلها( أنتي بعدچ صغيرة ومااصير عدنه وانا شلي بلاطفال انتي حبي وحبيبتي وطفلتي المدللة

هناك أيام بِحياتك كنت تَظنها لن تَمُر كانَت هَمك الكبير مَرت ولعلكَ نَسيتَها والآن أيضاً سَيمُر لاتقلَق!

زاد عنادها وبچيها وهنا راجعنا الطبيب للمره الخمسين والدكتورة وانشوف شبينه وليش ماكو طفل هم رحنه دكتورة وسوت فحوصات وسوت سونارات طلعن نظيفات

وانو هية بعدهي صغيرة ماداخلة بسبعطش سنة ومبنيتها ضعيفة يراد الها فتره وتحمل

نطتها فيتامينات'مقويات,وجلسات علاجيه خاصه
هم مافاد وبسبب الحاحها ابوها صار ياخذها لدكتوره
حتى يخليها هادئه

بعد فتره رادت تسوق سياره وبلا ماتلح عليه فرحت لان عسى تلگى شي يخليها تتلتهي وهنا مقبلت تدخل دوره سياقه انا بنفسي علمتهة تسوق السياره

وقررت بعيد ميلاد زواجنه من ندخل السنه الثالثه اشتري ألها سياره...وهت الها(( بعد الچ هواي يله تتعلمين ومجرد ماتعرفين انا اشتري سياره ألچ.....

اوووف ياغفران ودي أدير وجهي حتى أعرف ملامح وجهچ اشلون تصير ردت فعلچ على الي أسولفه
شنو انطباعچ على جرئتي

هواي بالي اسوالف اسولفهن الغفران بس خليني أ گتمهن بگلبي اله من يصير النصيب يله أحچي
نفضت راسي وبعدني عيوني للحديقه سگوت غفران وعدم مشارگتها خلاني أدير وجهي ألها

ابتعدت عن الجام وعيوني للموضفين اليدخلون ولي يطلعون نزلت البرده السلايت التفت الها بعدها غفران گاعده ومنصیه راسها وبايدها بأصبع ألبنصر سبحتها الآلگترونیه تقربت حتى أشوف الرقم
وشگد دايسه كعدت على الگرسي مقابيلها ماشفت شگد العدد

بس فرحت لان گلشي الأريده ذكرته وگلته الها همزين سمعته نصٱ مو مجرد حدیث نفس بیني وبين نفسي شفتها لساها منصيه راسها وخجوله گمت ايدي بجيوبي وگفت تمشيت على الكرسي المقابيلهة

گتلها
-ست غفران الاشياء الي سولفتها هي واجب ولازم تعرفيها عني وعن زواجي وانو انا زوجت بنت عمي وصار بزواجي..

ردت بحنق

-اي وين زوجتك وشلون تقبل تزوج عليها وصار ساعه انت واكف ومعطل شغلك وشغلي

التفت عليها متعصب من هجومها تنهدت امسح وجهي واستغفر

غفران//بقى يسولف عن حياتها ودي أگوم أتگافش وياه يحچيلي بزواجه وبگل ثقه مايخاف على مرته لااااا وفوگها. امبين يريد يتقدم أليه وهنا طلعت سبحتي الگترونيه استغفر ربي حتى اهداء وماأحچي اي چفصه

عاد طگت حوصلتي وگتله زوجتك مسگينه أشلون تزوج عليها بس خجلت من شفته تعصب وضل يستغفر

هو ادري ليش ماسد حلگي مثل هاي الناس واخليه يگمل سالفته ونشوف تالي أعلق لو أتعارك
حطيت أيدي على حلگي من شفته تعصب. وأباوع عليه بنضرة ورفعة حاجب مستغرب هجومي

گلي برود
-حقج يابة اي ازوجت رغم گانت أصعب فتره عندي وأكثر مرحله بحياتي متعبه ورغم حسن التبعل عند زوجتي الله يرحمها

-يااااا لاااا ياخويه(علي)يعني الله يرحمها هاااا يعني ماتت انت ليش لااا اقصد عيد سعيد اسفه والنبي والله انا اسفه والبقيه بحياتك

بقيت أمسلت مگان ما أكله البقيه بحياتك گتله عيد سعيد خشيت بنص عبايتي هو عرف توتري
وتخردلت وضلت عايفة ايدي على حلكي

گال
-توفت بسبب حبها الي فوق الحد الله يرحمها
تعدى الحدود وگلشي يزيد عن الحد ينقلب بضد ونقلب عليه وعليها

-ليش وشلون

-لان لكلِ شيءٌ زكاة وزكاة القلبِ حُزنه بيومها رجعت سافرت للأردن برحلت عمل وگوه قنعتها الوفد ويانا گلهم رجال وفعلا ماگو نساء لأن أستيراد وتصدير
بس وحده صديقة وصاحبة بزار سجاد

رجعت بعد سفر طياره مانايمه واصلا بلأردن مانمت خلال اليومين گل أشوي تتصل گلما أريد أغفى ترد تتصل عليه افز حتى صورت ألها الفندق ألگعدت بيه

رجعت مرهق الكربلاء حتى مابتت ابفندق بغداد بالي گلت اوفر عليها تعب ألشك وماانطيها مجال تتعب

وهنا دخلت على الخط ويانه ألعميله صاحبة ألبزار ونسيت هناك أسيف رقمها وعلى حظي اتصلت بيه اول مادخلت البيتنا

ولإن چنت ناسي اسيف رقمها بسرعه فتحت خط الها
وگل ظني عميل جديد نسيت هي عميله لان اذا امراه احول الرقم ألسكرتير الشركه يجاوب نيابه عني

أول ما فتحت خط وسلمت بقيت أنطيها اولويات الشغل كتلها گملي بقيت المعلومات ويه السكرتيره اول مسديت الموبايل هستوني أدخل للصاله مال بيتنا
صارت بوجهي فناء تعصبت انهارت وتبچي

واجتها الحاله جسمها يرجف متگدر تحچي لزمتها افرك أيدها امسح وجهه كعدت للگاع وراسها بحضني اهديها طلعت الها هديه جبتها من صايغ صديقي مناك وهي بعدها مهدأت عاطت بصوت عالي

-اي اي بين على وجهك سيد سلمان گول انت باقي ومبقيني وياك لان والدي يترجاك وتريد بسر تزوج عليه

وتخلفلك من زوجتگ ولد عرفت عرفت هاي الغيبه
وهذا السفره مووو خاليه وراها
زواج

گومتها اختي مريم شمرت علبة ألحجل مال ألذهب عفتها يم مريم وگعدت على تخم اعصابي تغلي من عدها فاض ألگیل

وانا امنيتي وبنفسي تگبر وتعقل تگبر وتصیر فاهمه وتبطل غيره المرضيه الي مخربة حياتنا

ألگل یستحي يجادلني أو يطلب مني شي من اهلي واقربائي اله هي تعلي صوتها واسكت لان ابوي وعمي يترجوني واما أگدر اردهم ولا اقبل اشوفهم یتوسلون

گمت من التخم نزعت الساعه لطشتها حیل بلگاع
شمرت الموبایل، طشرته بلکاع شگو تحفیه سحبتها من المعرض صرت اشمرهن بلا وعي من الغضب واحچي وياها

-فنااااااء كافيي كااافي شك انا انسان مااخون مو الاجلچ ولا الآجل ابوي ولا ألأجل وعمي انااا مااخون الاجل نفسي
مااخون الاجل وكرامتي
لان كرامة الرجل من يحافظ على نفسه ومبدائه كااافي وووولچ گااافي ماتعبين ماتعقلين

شلت نفاضه اخيره وشمرتها بلگاع واجت کزازه
منها بیدي
اول شافت الدم واشلون هيچ نجرحت و عصبي رجعت الحالتها الطبيعيه مثل طفله تبچي تترجاني وترجف من خوف

-اسفه ساااامحني سامحني واربي ماقصد أذيك جيب ايدك اعالجهااا جيبها

سحبت ايدها منها بسرعه،

_لاااا تلزميني وخري من طريقي لاااا امد أيدييييي وخرررري مني

أمي واكفه تهدي بيه ومره تهدي بيها

_صلو على محمد يمه سلمان فدوه لطولك گول يارب
أذگر ربك يمه تحبك ومن حبها هيچ تسوي

عطت بحرگه

_يمه حب الأكشر عليه حب ألمصخم هيييچ حب بس قهر وعذأب ونگيك مااريده

مريم تبچي گاعده على تخم گامت اليه كعدت على رجلها تتوسل بيه

-حبيبي احبك والله بس مااكدر اغار اريدك بس الي

لزمت ايدها حيل وگفتها احاچیها

-اي حب هذا التحچین بیه شوووفي هااااي الناس الاحبها امي اختي باعي وضعهن تناوعي زين الهن شلون
حالهن امي تتوسل بيچ تهدآین وتگلچ رجلچ تعبان من السفر واختي تبچي خايفه لان هل مشاكل تتكرر كل يوم وزيد

هذا البيت إحبه صرت أگره أدخل اله أگلچ ماااريد جهال فد يوم سمعتچ اريد جاهل أبقي هناااأ وانا رايح لان تعبت

نكتت ايدها حيلل ودفعتها للطخم حييل

صاحت

_بس ترووووح أحرگ روووووحي

_وحرگتهم مللليت من شك والغيرة

لملمت موبليلي المكسر ونفسها جنطتي خذتها جاي اطلع

من الباب امي صاحت

-ووووين رايح يمه

-رايح الفارس الحجاز أشگي همي هناك ديربالچ علی فناء ومريم

اجت فناء تريد تاخذ الجنطه

گتلها

-راجعي نفسچ وانا راح اراجع نفسي وتوعديني ماتشگین بعد بیه يله أرجع

رگبت سیارت صديقي گتله انطلق وبوجهنا السامراء
فعلا انا الطریق گله نایم لان سهران چنت وسفر وهسه رجعت سفر...

اول ماوصلت بوجهي للسرداب بعد مانزعت ألحذاء
.نزلت بخطوات بطيئه داخل سرداب الحجه عجل الله فرجه..

لازم بيدي مفاتيح ألجنان
كل خطوه أخطوها ريحة ألمسك،والعنبر تزكم روحي قبل أنفي..وانسى كل مشاكلي وهمي اردد ورد تعلمته
‏"يا صاحِب الزَّمان
" كُلما تعثرتَ في طُرق الحياة المُزدحمةانادي ياصاحب الزمان أدركني يافارس الحجاز أنجدني"

وصلت للمكان المنشود لمعت دمعه بعيني نزلت على خدي هناااا أمامي المظلوم هنا كانت الغيبه من ظلم ألظالمين
اي وجع،أي حزن بقلبك من عدنه أحنه المأثومين
،المذنبين
قريت عن ظهر قلب الزيارة المُختصرة لصاحب الأمر خليت أيدي على گلبی آتمعن بکل حرف...و بحزن أرتل
بسم الله الرحمن الرحيم
السلام عليك يا صاحب الزمان السلام عليك يا خليفة الرحمـٰن السلام عليك يا شريك القران السلام عليك يا قاطع البرهان السلام عليك يا امام الانس والجان السلام عليك وعلى ابائك الطيبين واجدادك الطاهرين المعصومين ورحمة الله وبركاته
اللهم صل على محمد وآل محمد وعجل الفرج والعافية والنصر والتمكين والتأييد لهم

گملت طقوس الزیاره،والتسبیحات..رجفه سرت بگل جسمي وانه اطلع السرداب واحس گلبی یوجعني،وعصرني عصره قويه،يجوز مشتاق الها ولان زوجتي وعشرت عمر واحبها

اي انا بديت احبها لان الحياة من دون حبّ جحيم، وحتى من نعيش بلوهم والهوىٰ .. عرّفنا الله علىٰ نفسه، ثمّ محمّدٍ وآله؛ "لا حبيبَ إلّا هوَ وأهله"وبعدين أهلنه وناسنه

ألحظه خفت،ليكون صار شي على أحبابي،وناسي لان تركتهم وطلعت أي عصره بگلبي قويه مثل الي يحس يفقد أله واحد"التفت يمنى يسرى ليش گلبی وجعنی

ألزوار هواي،وصوت الجهال الي تركض،والنسوان الي تصيح بصوت عالي وعدها حوائج
خطوات قليله مشيت،مشتت اقل من ثانيه

لثانیه وحده انه وحيد بهل مكان..هوسة الزوار والوفود الجايه من كل الدول تعلن الولاء المطلق لصاحب الحق لفارس الحجاز

وكفت خلاص لازم أتصل بأمي أريد أتاكد من أهلي محد بيهم صار شي..لاااا انه بحضرت صاحب الأمان ليش خايف والامان كله هنا
ليش أقلق،والاطمئنان كله هنااااا

مديت ايدي طلعت موبايلي،من جيبي چنت غالقه، لان ضايج من مشاكل البيت،وحچي القال والقلت،
الي تكررهن گل يوم فناء

الموبايل بيدي منتظره يشتغل كأنما الحظات الانتظار صارت طويله رغم قصرها...أول ما انفتح موبايلي وضوة الشاشه لكيت مكالمات أمي أربعه مكالمات لم يرد عليها
نقبض گلبي وبسرعه وبأيد راجفه،رجعت اتصلت بأمي مشالت ألخط ولا ردت عليه أكيد مشغوله بس أمي متتصل أله بسبب وانا طلعت الصبح وهسه العصريه ليش امي هلكثر تتصل

جاي ارجع موبايلي بجيبي سير ساعتي اليدويه أنفك وحده وطاحت الساعه من معصم ايدي للكاع نكسرت الجام وتبعثر الكزاز بلكاع صفنت شلون تبعثر،هاي الساعه تمتاز بلقوه والمتانه وجابتهة اليه مبلغ چبیر لیش نگسرت

دنجت مقهور أشيل بقايا الساعه اي مقهور هاي ألساعه هديه من مريتي جابتها اليه وما انسى تقاسيم وجهه وضحكته من طلعتها اليه وهي تگلي ((كل عام وانت زوجي وحبيبي وبس الي))

لازم اصلحها ماريدها تعرف،هديتها تكسرت بقيت الملم بقايا الكزاز،لسسى ماوكفت على رجلي رجع موبايلي رن من جديد...مديت ايدي وكفت فتحت خط وايد الثانيه بقايا الساعه اول ماسمعت صوت أمي تصرخ بچي وقهرررى

-أااااااالحك مولاااااااااااي مرتك ااااااحترگت؟

على وجهه السرعه اجرت سياره وحدي حتى نسيت انا جاي ويه صديقي ليش احترگت وشلون وانا نطيتها مهله اتفكر بنفسها وعصبيتها مو تحترك موو
يصير بيها شي

اتصلت ماگو محد يرد كل شوي أرن محد يشيله ولا احد يجاوبني بس مسج واحد من موبايل امي

مكتوب (انا مريم تعال للمستسفى)گلت للسایق یاخذنا للمستشفی الآهلي..وهناك وصلت ورة المغرب
أركض ودور وينهم وشنو صار أهلي وييين وشلون احترگت

وصلت وشوف ابوية واگف وعمي گاعد بلكاع ومدد رجليه ويصرخ ويبجي ويصيح ياعزيزتي
وام فناء مكابلته وتنوح

تلگاني ابويه
گتله
_بويه شلون أحترگت وهية يمكم.

رد عليه

_بويه راحت لهلهة هي خابرت ابوهااا واجة اخذها

امهة أتصيح وتصرخ

_أااااشلون عفتج وطلعت شلون قسيت عليج ردتج تگبرين وتبطلين دلال اجي الكاج محروكة شلون احترگتي

مثل الکاعد بديلاب الهوى اريد افهم عطت بيهم

_فهموني أاااااشلون احترگت

حجت امهة بقهر

_أجت منگم تبچي وسولفت ألصار بينگم واني المته
ليش تصرف هيچ وياك وگتبها أشوكت تكبرين
وضليت أنبهه وحاجيه على تصرفاتهة أفهمه انو انت تحبهااا وماتستغنى عنهة ومن ورى حچيچ صدگ راح مايصير جهال..

وراح يفگر ويسويها ويجيب مرأه عليچ عاد ذاك ألوکت خل تفيدچ غيرتچ

تعصبت زادت مانقصت عافت الحجي گله سوده عليه وصارت تصرخ وتبچي ودك على وجهه

سلمااااان راح يعوفني ويزوج ويجيه طفل لعد حقي حقي مايريدني بعد مايحبني ووووووين يالة هدئت ونامت أجيتها ورة صلاة ظهر تكعد أتصلي
لن تدري بيهة ماتحب تتأخر على فرض من صلاة

گعدتهة گامت توضت وصلت ورجعت بفراشها
اجيتها گتلها گومي تغدي گالت ماشتهي ماما خليني أريد انام تعبانه

تحچي والنشغة بعدهي بصدرها عفتهاااا ورى ساعة رحت كعدته ااكتلها
گومي روحي وياي للدكتوره اريد اشوف سكري صاعد وهم اطلعچ للسوك نفتر واشتريلچ ألي ترديه
گالت روحي واخذي افنان مااريد اروح اريد انام

گتلها ماما زعلانه مني
گالت لااا مازعلانه بس اريد انام
وهاا روحي للسوك وجيبلي فستان الوردي ردته ذاك اليوم من عندچ

كتله تدللين ورحت للدكتورة
ساعة وحدة تاخرت عفتها بلثنتين ونص خابرني ابوها بتلاثة ونص الحگي البنتچ احتركت

امها بقت أتسولف وتبچي وانا بعد مااگدرت اوگف كعدت بلگاع يم عمي
وبالي يجيب ويودي معقولة احترگت لو هي حرگت روحهاااا

لاااا هي مؤمنه معقوله باعت اخرتهاا لاااا مستحيل
أصلا تخاف اذا تتأخر على الصلاة لو يروح عليها فرض
بملشي نلتزمه صومها صلاتها
حتى صلاة اليل حجابها عبايتها

رفعت راسي صارت عيني بعين عمي
گتله عمي انت لحگت عليهااااا ماحچت ولا گالت أشلون احترگت
بچى عمي بصوت عالي

-سلمان ابني لحگت عليهااااا ونار شابهه بيهاا ومعالم وجهه رايحهه نص جسمه محترك

وصلت للبيت واشوف نار ودخانه من مطبخ واني ادري بناتي وزوجتي بلبيت نزلت من سيارة ركض وجوارينه شكم واحد يدكون بلباب

گالو سيد صارت طبه قويه بيتكم
وجاي تطلع نار ودخان من الممر خابرنه المطافي هم اجووو وفتحو الباب الخارجيه لان قريبين علينا

وهنا من وصلت اشوف نار تطلع من مطبخ وجام متكسر نصه
فتحنه الباب ودخلت والكاهاااا تتبرغث بلكاع ونار مشتعلة من شعره لحد جوة صدرهاا

نزعت سترتي وطفي بيه شلتهااا وطلعت بلحديقة
تتنفس من كوه مختنكة من دخان
بس شحاله وردتي

ضل يصرخ ويبچي راحت ضحگتي راحت عزيزتي بويه سلمان ماچنها تطلع سلامات لأن طباخ طاك عليها لكيتها الجامه مكسر وكاكات مفتحه شافوها الجيران

امهة حجت تجاوب عمي

_سيييييد اني مطفته طباخ من قنينه الغاز وكلشي طافيه شكومه شوداه اصلا هية متوصل للطباخ
صرررخ ابوهاااا مامعقولة سوته

حضنت عمي وكتله

_ لاااا ماسويه فناء تخاف على بزونه ماتنشه تسخطيه وتكول عوفوه مو نوب روحه تحركها

طلعت دكتورة وركضت عليه البقية بحياتكم.

سيد سلمان يسولف كأنما اول مره يفتح صدره الأحد
رأسن جاوبته

-البقيه بحياتك استاذ سلمان

رد

-حياتج الباقيه هاي قصتي ويه زوجتي الله يرحمه
ردت تعرفين گلشي عني وبوضوح

جاوبته

- زين مااعرفتوه شلون أحترگت

-لااا للاسف مااعرفنه يمكن طاك طباخ بس فكرة الانتحار استبعدهاا

-الله يرحمها ويصبرك

-المهم غفران بعد مرور تلث سنوات شمرت نفسي للشغل أو اي أحد يفتح مشروع الزواج أرفض لأن زواجي الأول ما موفق مااريد استعجل

وهسه من شفتچ حسيت لکيت النصف الثاني والوعد الي واعدني ياه رب العالمين

_ياوعد

_وعد بعدين تعرفي هسه أريد منچ تفكرين وتردين اليه الجواب

- اعتذر منك انا لاغيه فكرت الزواج

-ليش لأن ارمل ومزوج سابقااا

-لااا استاذ موبالي هيچ سالفة بس اني مااريد ازوج نهائيا واعتذر منك عندي اسبابي

-أعرف اسبابچ واعرف شنو المريتي بيه فكري ست غفران وراح انتظرج الوقت كله الج

رفعت راسي اله ومتعجبة يعرف يعرف كلشي

_شنو قصدك تعرف

حجيتها بضوجه لغفت گمت من الگرسي متنرفزه

_ اعتذر أستاذ شوف وحدة غيري اني مافيدك

لزمت عبايتي احكم سترها زين حتى أطلع اجيت أعثر بطرف العبائه بس وازنت نفسي

عندما تتعذّرين عن لبسّ العباءة الزينببة قائلة: (انها تعيق حركتكِ) تذكّري بأنّ السّيّدة زينب كانت لها كل الأعذار باستبدال العباءة لمسؤولياتها الكثيرة وتجوّلها بين النيران لجمع الايتام وتهدئة النِّساء لكنّها بقيَت متمسّكة بإرث أمها الزَّهراء (عَليْها السّلام)

مشيت اول ما وصلت للباب فتحته
وصوت سيد سلمان

_انسه غفران اني رايد الج انتي وراح ابقى انتضرچ وماأمل من الأنتظار؟

‏وحدك أنتِ أينما ذهبتِ،
‏تتبعُكِ الفَراشَاتْ تَمتص رحيق خطواتُكِ.

...........
........................
اصـبحـنـا في هذا العصر المخيف لا نـلـوم الـغـربـاء ، ولا نعاتبهم ابدٱ..لأن ـ الـمقـربـيـن فـعـلـوا الأسـوأ

سيد مجتبى////
رگبت سیارتي وصوت سيد مهدي يصيح هو وامي وحتى جدي الي ضربني يصيح أسمي...

ليش سوى هيچ بیه على شنو یضرب حتى ماتصير مشاكل
وانا شنو الحايط النصيص.ي لو لان الزغير يتحمل كلشي..چنت زغير ماضاربني بهذا عمري يجاوز

اسوق واضرب الستيرن بحرگه حتى عيوني تناوعت للمرايه صايرات حمر فد مره ..

وين اطفي نار گلبي،أخابر ولد عمومتي لااا ماخابرهم
هسه يلومون عليه لان ضربت مرت عمي.. صويحبي عامر الله يرحمه ...الوحيد الي مايرضى على سوالف أمه ويوگف بوجهه

مابقى اله عضيدي أو أخوي أخابره رفعت نقالي قبل لا اوصل البغداد رنيت على سيد مهدي ماشالاه..وين هو هسه بيا حال الله يعينه على بلواه

رگنت السياره على طريق عام نزلت من السياره اتوجيت على السياره
امي رنت عليه..فتحت خط

_يمه مجتبى وينك

_مالگم علاقه بيه..

_لاتخليني أخاف عليك

_لاااا لاتخافين عليه خااافو مني

_شتريد تسوي يمه جدك وضربك وهو يحبك تعرف يمه ارجع للبيت

_لاااا ماارجع لان اذا ابقى يمگم ارتگب جريمه بگل واحد حرک گلبي خليني ارتاح

_وين أنت يمه

_رايح ألبغداد

_شعندك هناك منو يطبخ الك منو عينه عليك يمه

_يمه سدي ولا تبچين رحمه الأهلچ

_اشلون ولك يمه ماريدتگ ولگم انتم تعبي وشبابي انتم عارك الدنيا علمودگم

_خلاااص خليني اهداء وارجع

_يمه سيد مجتبى

_الله وياچ يمه

غلقته روحي تلوب اريد أدور شي يبرد گلبي من عمي الي لازم سچين يريد يغدرني بظهري..لو دم سيد مهدي من شفت ايده تنزف كرر عليه مشهد الحادث من شفته بين الحياة والموت..خوفي على سيد مهدي اكثرر شي احس بيه هسه

أي هذا عضيدي'اشلون مااضوج عليه أتحمل الوجع والدم الينزف وتمزق شريان أيده حتى متجي سچين
عمي بظهري...

أخ ياااامهدي ياخويه يبن أمي وأبويه قهرك ودمك وكزت أسنانك من الوجع من شفتها مثل طعنت سکين بنص گلبي لو مخلي عمي طاعني ولا أشوفك بهاي الشوفه

نار تسعر بجسمي وشنوه الي يهمدها نصيت على المرايه الجانبيه..ركزت على وجهي شفت اثر الراشدي تارس وجهي..

ماأگدر انسى ولا راح أنسى هذا اليوم طول ماحييت
الدنيا بدت أتشير الوقت العصريه گلش يعني الفطور راح يصير..

وصلت للبيت فتحت گناتيري للملمت ملابسي صحت على العامله زنان

_زنااان

اجت تركض

_نعم بابا

_طلعيلي الحذاء الرياضي الأبيض والحذاء البلدوزر

_صار بابا

سديت جنطتي فتحت المجر ومقرر ارجع البغداد لو اروح الايران لو للشمال فتحت المجر للحتياط اخذت جواز سفري..

اخذت أحذيتي بجنطتهن...عمه زينه شافتني...

_هاااا سيد وين رايح وهيج عصبي

_الجهنم الحمره

_اهوو زعلان من ابوي

_لااااا أبد قابل شمسوي

_جاوبني انا صاحبتك مو بس عمتك

_مابيه شي...عمه بست راسها واجن بنات عمي قاسم....وحده منهن أسمها شهد تقنع بعمتي أخطبها وجدي هم هيج أباله..اذا غفران ماقبلت بس لا مو أنا الي أمشي بمرامهم خصوص خالتها تصير أم عامر

جاي أطلع صاحت سماهر

_سيد محتاج شي....

ألتفت الها مقترب گتلها بحرگه

_لااااااا ممحتاج بس رساله وصليها الخالتچ الحيه مجتبى ثاره وياچ بعده حااااار مايبرد أله بنوتها وهم گليلها من سحلتها بلگاع من ياختها وطکيتها راشدي هاي تفاليس الثار...لأن الجاي أمررررر وأقبح للكل

_سيد ليش تگول هيچ

_مااا أكووول أنا أفعل عرفتي...يا علويه سماهرررر أفعل واطبق لأن ألحچي للنسوان..

فتحت الباب طلعت سديته حييل رگبت السياره خابرتني أمي فتحته

_هااا يمه مو گتلچ البغداد

_لااااايمه سيد مهدي منهار لاااا تعوفه وحده

_شنووو الصار يمه

_مااعرف متخربط يم جماعته

رجعت لفت السياره گبل وجهي للمستشفى أول مادخلت شفته بلاستشاريه متمدد على سدية الفحص وجهه تعبان ونفسه يجره كوه،دنجت بست راسه أخوي وعضيدي ولا ارتاح اشلون اسكت وسگت نفسي على عمايلهم وياه...

من الحرگه طلعت نقالي اتصلت على عمي ابو عامر شال الخط كال

-هاااا ناقص ألك عين وتتصل

_أي أتصل وتفتح خط غصب ماعنك

_ولك مجتبى ضرب مرت عمك

-اي واهينها هي وليتفزع الها

_هااااا نذل

_اليحچي الغلط تنطبق عليه

_هااااا وتجاوز وترد فوگ عملتك السوده

_أي وهددك يااااعمي يااا أخو أبويه خلي أبالك هل حچي الدور اجى عليك

_ولك زعاطيط الشارع تحچي ويه الأگبر منگ هيچ

_أي وازيدك من الشعر بيت قسم برب القسم اخوي اذا صااار أعليه شي مايفگني لاموتك ولا موت مرتك الحيه ام راسين

وحق الله بسماه اسحلكم بشوارع كربلاء...اذا اخوي وحيدي صار بيه شيي

الله واكبر عليك انت ومرتك ام راسين بس هو عندي حاسديني عليه ولكم شبيگم ویاااه شبیگم ویه‌اخوي
أشبيگم ویه اخوي ياااظلااااام ياااحقوووودين
سديته بوجه

أخذت غطى من مخزن المستشفى واجيت غطيت سيد مهدي،

رحت للصاله أدور على أمي'لان بطيت يم سيد مهدي تمشيت شفت عمتي یمها واگفه ام غفران ومنتظر اخو غفران

سلمت

گتلهم

_شنو ليش محتارين

جاوب منتظر أخ غفران

_يردون ابر المانيه من جوه بلمستشفى

_جيبها أنا اروح بسيارتي

رد

_رااح اجي وياك..

طلعنه اخذت الراجيته..طلع ويايه منتظر..افترينه وكملت گل شغلات اليحتاجوه واشتريت الأبر جاي اروح السيد مهدي شفت جدي رايح اله..

بقيت واكف منتظر جدي يروح ماراح...بقيت أفتر أگمل تحاليل وفحوصات سيد مهدي وعقيله...أذن الفجر وانا افتر بطبلات من ألمگان لأخررر...الى أن گملت کلشي..تمددت على كرسي لگيت نفسي غافي من التعب الحد مافزيت على صريخ جهال مرضى

تناوعت الساعتي أذان الظهر مخلص مسحت وجهي بيدي وگمت للحمام غسلت وجهي ورتبت شعري
رحت سلمت على سيد مهدي

_شلونك خويه

_الحمد الله صحتك أشلونها

_زين يخوي

_دومك يارب زين لان تعرف مالي غيرك بهاي الدنيا

_لاااا تخوفني عليك

_لااااا ماكو شي

تقربت حضنته بست راسه

_رايح البغداد لان اذا ابقى اتعارك وسوي مشاگل

_الله يسهلك ديربالك على نفسك

_انشاء الله وذا حتاجيتني اجيك بسرعه

_بلا شك خويه بلا شك أتوكل خويه

رجعت حضنته وطلعت تبعت مشاعري أورح البغداد طول الطريق، افكر بطريقه انتقم من الگل اقصد من الي أذاني وأذى سيد مهدي

بقيت افتر بسيارتي أسوگت فواكه وخفايف الى ان صار اذن المغرب واني بعدني افتر فتحت بطل مي شربته افطر مالي نفس أگل أي شي...مريت على جامع صليت المغرب...

طلعت محتار بين اروح الأربيل لو ابقى بغداد بس شفت نفسي وصلت يم المجمع، تنهدت تعبان صعدت الدرج حتى أوصل ألشقتي ،

طلعت مفاتيحي فتحت ألباب اول مادخلت شمرت جنطتي,على التخم الي يصير بلوجه

شمرت مفاتيحي كعدت وتذكرت الباب مفتوح جاي أگوم اسده معصب من نفسي واسمع خطوات على الدرج نركض منو الغثیث،الجاي ينزل ودي اتعارك
وياه وادبه يثگل

مديت راسي صارت بوجهي ميسم، وعيونها مدمعه
منطتني مجال أسألها راسن لزمت ايدي دخلت وسدت الباب متنرفزه

-انت وييين چنت لیش تتاخررر لیشش تبتعد هاااااااا
مااااتفگررر بيه

باوعت الایدها،شلون لازمتني توترت من حرگتها الجريئه متفأجأ من تصرفها ولهفته معقولة تحبني

_أفگرر بيچ بيا مناسبه

_شتقصد

سحبت أيدي منها حيبال نترت بيها

_أترجاچ خلي بيني وبينچ فاصل لاتتعدي

_سألتك وييين

-ترى مامجبور أجاوب بس ميخالف چنت يم اهلي اكو شي صاير بصيدليه

-لاا ماكو شي وشغل تمام
بس انت تأخرت ووو
دنكت حست على روحها من جرئتها

-ان شاء الله انا تعبان وجاي من سفر اريد ارتاح وباجر ورة ثلاثة نلتقي بصيدليه

_دكتورنا انت مقهور چنگ

_أنا گل يوم أنقهر بس اليوم ماعندي طاقه الأخفاء انتهت

_سلامتگ

_الله يسلمك

- انت فطرت

انتبهت روحي بعدني بلا فطور

استغفرت ربي ومسحت على وجهي رديت

_لابعدني هسة راح افطر

-لاعليك الله هسة جيبلك فطور
شلون كبة تخبل فتحت باب وصعدت تركض
واني بقيت واكف مدري اضحك مدري اتقدم خطوة وافضها وهاي سالفة اذا صارت عمامي ينجنون ونوب بغداديه شعواطهم يوصل
للمريخ

رجعت للحمام سبحت غيرت ملابسي نشفت شعري مشطته

أندك الباب فتحته اشوفها ميسم شايله صينيه
وريحة الگبه السلك بخشمي

_ ليش هذا تعب

-تعب ومن وراك حلو يا دكتور

تبسمت ودنكت راسي وحتى مااوگع بلحرام لازم ميسم تگون زوجتي تذكرت حجي سيد مهدي من گالي انا وصديقي

أشترِطوا في الزَّواج الدِّينَ أوّلًا..
ابحثوا عن أزواجٍ وزوجاتٍ يتَّقين الله؛ البيتُ القائم علىٰ أُصول الدِّين بيتٌ أعمدتُه صلبةٌ لا تتأثَّر بالعوامل الخارجيَّة، قدِّموا الدِّين علىٰ كلِّ أمور الدُّنيا، فأمورُ الدُّنيا لا تأتي بالدِّين، ويأتي الدِّين بكلِّ شيء

نسيت گلامه الحظه حسيت بفضول تجاه ميسم وتمنيت المس الخصلات السود الي نازله على وجهه الشاحب من الصيام
خصلات اتمردت من الشال الي شامرته بعشوائيه صافن ونفسي تردد أه ثم أه لو مااخاف من ربي چان تخلیت عن گلشي والثم شفافها الورديه الخايفه

كلشي بميسم يجذبني يحرك رجولتي بس لاااا مو انا المس شي مو بأسمي ولا حلالي...بقت النظرات بينا هي محور وكفتنه وحتى احمي نفسي صحت بهدوء

-ميسم

_بلي

_ارید اخطبچ ابوچ وین

ارتبگت ودخلت خلت الصينيه على الطبليه الكزاز

اجتني تفرگ بيدها مدنگه راسها وضايجه گالت

-بابا ماموجود يمنا منفصل عن ماما

-اي وين اروحله مامعقولة اخطبچ من امچ بس وابوچ موجود

-ماتكدر تروح البابا

_ليش وين عايش هو قابل

_بابا بلسجن ؟؟

.....
..

سيد مهدي//

فطرت بشربت للبن واگلت تمره اخذت من شيشة العلاج قبقين لان كلش محتاجه وطعمه مرر رجعت شربت للبن ناوشت عقيله للبن تاشر بيدها الامها ومنطلقه فرحانه رغم متحچي بس تفهم عليها يمها سيد علي متوسطنا

بديت أكل اول لگمه من شوربة الس ثاني لگمه بدى مخص يروح ويجي لزمت بطني گال جدي

_ياسيد بطل هاي العاده تشرب للبن هواي تتاذى

_ماااكو شي لان جوعان ترى ممسحر اكيد اتمغص

تبسمت عقيله اليه ناوشتني قطعت دجاجه اكلت جاي اشرب نومي بصره اول ماشربت أختنگت فد مره و اااكح وشحطت

اشرت ألهم لا يگومون طلعت للحديقه لازم بطني
كلهة وراي اجتي وجدي يصيح وليدي شبيك شجاك

خلت ايدي على صدري وافرك اتقيئ بكثرة ويوكع مني القيء بي سواد ماشفت بس عقيله تمتمت

_ابا ابا ابااااااا

وگان حال عقيله ومصائبها بعد كُلِّ الاعتراف والطَّلب والتَّرجِّي يختتم كميل بن زيادٍ دُعاءهُ بأروعِ الجُمَل

وافعَل بي ما أنتَ أهلُه ..

الوجع بطني زاد مستند على رجليه بس اتحرك أتقيء مثل سچاچین بطني تتگطع...أكز على شفافي حتى مااثغب مثل النسوان بس اندب

‏"يَـا حُـسَـيـن.. وَ الأَيَام تَحتَاج إلىٰ قوّة
وَ أَنَا قَوي بِك.. ضَعِيفٌ دونك.

ألگل دایر علیه وانا أختنگت منهم صدري مايستوعب هلگثر ضغط اختنك أكثر
أخذني جدي والسايق مالته وامي،وعيوني على عقيله
قبل لا اروح جيت عليهة لازم بطني ايدي الثانيه لزمت خدها وامسح دموعها

كالورد احيا فيكِ
انت نبضب'روحي يا گل امنياتي وا أنتمائي

-لااااا يضل بالچ روحي ارتاحي بأذن الله أرجع الصبح
‏وإنكِ كُل ماتراه عيناي وتخطو إليه روحي ويحبه قلبي..

ارجع بس اشوف شنووو مشگلتي اجت تحچي متحملت وجع رحت ويه جدي مره استغيث بربي مره اصيح يمه بطنني
وصلنا للمستشفى،جدي شاف دكتور صاحبنه صاحه

-تعااال بويه شوف اخوك
تمددت على السرير بدى الطبيب يفحص بطني،وانا ابالي شك بسبب الأوجاع البطني من ايام..ضغط على بطني من جوه ورفع ايده صحت من الوجع بصوت عالي
صاح للاطباء وبدو يفحصون بيه واحد منهم اجى عليه مبتسم وكال

-رب ضاره نافعه عندك نسبة تسمم قليله..هي الي خلتك تتقيء..بس نفسه التسمم نقذك
جدي جاوب

-تسمم منو يسمم وليدي
رد الدكتور

-المفروض الي سممه تروح تشكره هاي اذا مو تسمم غذائي او متعمد

-انشكررره وليش فوك ماراد يگتل ولیدي

-اي سيد ابصرلحه سويت فحص الدكتورنا واخذت السيرة المرضية للمريض الخاصه بلمريض علميآ انسميها patient history ومن فحصته جدامگم سريريآ clinical examination ضغطت مكان الألم، على مكان الالم طلبت فحوصات الدم وهسه فحصته باستخدام الأشعة فوق الصوتية ultrasound.دكتورنا سيد مهدي يعرف شنو اقصد...تبين عدنا هو مصاب بألتهاب الزائدة الدودية
صاح جدي

-بوووويه خطر مووو

-لا يحتاج عمليه وباسرع وقت

امي چانت ساگته گامت تبچي گالت للطبیب

-لیش یمه

_العلاج لابد یگون جراحي لان دكتور مهدي همين يعرف ليش لازم عمليه هسه متوجع ميگدر یگلگم بس انا راح اجاوب
العملیه لازم نستئصال الزائدة

لأن بقائه بجسم وهو ملتهب يشكل خطراً على حياة المريض لان جائز وحتمآ أن ينتشر الالتهاب داخل تجويفات الجسم
الطبيب يحچي وبالي افگر بعقیله اشلون راح تسمع بوضعي وشنو راح تسوي

قارورتي لكِ فالقلب مكان عجز غيرك عن وصوله.
يا أجمل من في بالحياة فا انا اعمل كل شي من اجلك حتى تبقي بخير دائما

جهزوني بعد عدت تحاليل حتى أدخل للعمليه لبست البدله الزرگه وگاب العمليات دخلوني

عقيله//
تعلقي بـِ رجل وليس بـِ حبيب !
آلحبيب يخذل متحجج بشيء اسمه الظروف ،
اما الرجل لايؤمن بالظروف سيبقى يحبكِ ويحبگِ
سيواجه كل شيء ليبقى قربكِ

جدي خابرني گال سيد مهدي يراد اله فحوصات اطول اهوي...رغم ماحچيت بس من همهماتي فهم شقصد

كعدت للكاع ماتحملت الخبر حضنت ابني سيد علي اندعي ربي يحفظ سيد مهدي اليه...الى ان نام
گمت واعصابي تالفه بس استغفر بقلبي وافگر بسید مهد
مین یجي التسمم معقوله لان شرب هواي عصاير معدته متحملت.

وحتى من اجى جده وامه وانا كوه قنعته يشرب وشرب كلاصين بس كل مره يشرب اكثر ليش تسمم وعمتي سوت العصاير..

ما أگدر...گمت اروح العمه زينه لان قلقت على سيد مهدي..حاولت احاچيها مطلع صوتي جبت ورقه گتبت الها((خابري سيد مهدي))

اول مادخلت صرخت عمه زينه

_معقوووله مهدي

#يتبع
‏
شكرا للادمن ganah01298631