رواية عشق المومنين(أبناء الساده) الفصل الثاني وأربعون 42 - بقلم نازك الحمراني

السلام عليكم

هيهات أن يرتقي القمر الى سماء حسنك
يا صولجان تشتاق ضرباته حتى كرة الأرض
{ يارسول الله }

سيد مهدي//طلعت اعوفهم بالسويت واروح اجيب التحاليل... بعدني ماطلعت علاوي اتخربط فد مرة وعقيلة لبست عباتهه ودكت رجل الا ناخذة لطبيب اخذتهم وطلعت لمجمع الاطباء بي طبيبة عقيلة وبي طبيب اخصائي يشوف علاوي شبي...عقيله كل اشوي تردد ياامي يازهراء مره اخاف عليها مره على سيد علي باوعتلي بنظره خوفتني وهي تردد يازهراء

سَلامٌ عَلىٰ الطُمَأنينة التي تجتَاحُ قُلوبُنا
بمُجردِ قَولنا يا مَولاتِي يا فَاطِمَة .

لزمت ايد عقيله صعدنا السياره وصلنا ابو رضا للمستشفى التخصصي عقيله مگدرت تمشي

كعدتها على ألكرسي دخلت على طبيب علي رأسن صاح للمرضه ياخذه الغرفه خاصه راحت عقيله وياه
وانا افتر بين التحاليل،والسونارات العقيله وابني

رغم چنت شاك عند عقيله جرثومة المعده طلع توقعي أبمحله وهنا بقى الطبيب الايراني يشرح اليه اشلون أساعدها تتخلص من المرض..

رغم حزني على عقيله ألي مشافت الراحه من يوم مازوجتها بسبب أهلي هسه طلع مرض أبني ومرضها
نادم بيني وبين نفسي أشلون أسعدها أشلون أخلي الفرحه تزين حياتها أحس فشلت لان مهمتي كزوج ألها،وسند لازم اسعدها قبل لا أكوم الدگتور تبسم آلیه وگال

-_تری آگو خبر ثانی غير هاي الاخبار
تناوعت اله بیئس من آلی راح یگوله وبآمل من رب العالمین أن ماراح يترگني بموقف أصعب من الموقف الثاني

-شوف سيدنه أيها الرجل الهاشمي أبنك حاليآ عنده فتحه بلقلب
چنت واکف کعد جسمي وحده من الحزن زوجتي وابني بدقيقه وحده(صبرآ من الله وهو المستعان)

- گمل دگتور

-انت تعرف أكثر من عدنا يجوز شنو فتحه بلقلب يعني مرات تجي الشغله بسيطه بظرف تلث اربع سنين تنغلق لان ولاديه وبعض الأحيان تكون اله اجراء عمليه وتعرف التبعات بلعمليه

مسحت دمعتي وجاوبته
-وابني سيد علي شنو وضعه

-الحد الان زين ماعتقد يحتاج عمليه هاي حسب كلام زميلي يگول سنه سنتین وحدها الفتحه تروح

-الحمد الله والشگر یارب..واشگرگ دکتور بس شدگول ابعث التقاریر الطبیبنا الهندي

-أيكون افضل اذا بعثتهم ومازال أحنا بلايام الشعبانيه
نلتجاء الله سبحانه بلوسيله الي بينه وبين ان تگون صحة ابنك أفضل واحسن

-يارب ببرگة صاحب الشهر الحبيب محمد صل الله عليه واله يتلطف بحال أبني لان أم أبني متتحمل تسمع خبر موزين عن ضناها

ضحك
-يعني خايف على أم ابنك أكثر من أبنك ياهنيالها

-وصية ألنبي صل الله عليه واله(أشلون ماخاف عليها والمريض هو أبنها للوحيد

-الله يطمنگم علیه

-اشگرگ

گمت آروح

،گال

-اشلون بساده ألهواشم دخيل بخت جدك أستريح ترى ماطايرين

_موترگت ام الساده وحدها

_يمها طبيبه محترفه المهم أكو خبر ثالث ونسیت أكولك

-خير بارب

-الخانم حامل

_الخانم منو

_ألخانم أم السيد صارت أم الساده على رئيك

فرحه ملت عيني وجهي وذكرت ان ربي رحمني

-الحمد الله والشكر يارب بس دكتور خوما يأثر الحمل على صحة زوجتي

-لااا ميأثر لان الحمل يراداله راحه نفسيه والمرض كذالك طالما نفسيه ألخانم زينه ماراح ياثر المرض بيها
-زين دكتور وابني

-أبنك ننتظر الطبيب الهندي بس اذا تحب واحنا بلايام الشعبانيه وانت باقي بايران روح الجامع جمكران روح للسيده معصومه أمام الرضا عليه السلام اوو

-او شني

-روح القرية المنتظرين للحجة(عجل الله فرجه الشريف)

-القريه ألي مدينة طالقان

-اي همه

_يعني مو أشاعه أو كذب وجودهم

_لا مو أشاعه بس تعتيم اعلامي أضافه همه ميقبلون أي تصوير أو أي شي يخص ألحداثه

_وشلون أروح ألهم

_مايدخلون أي أحد للقريه فقط ألي سيماهم في وجوههم

_يعني ميقبلون بلغرباء

-أنت روح وشوفهم هي مو مسالت ميقبلون بس مجتمعهم متقوقع على نفسه يعني سياره،او دراجه ناريه او ي شي من الاجهزه الحدبثه ميردون تدخل بقريتهم

-معناها اروح وحدي الها لان عقيله حامل وسيد علي مايتحمل تعب

-أي ممكن تروح وحدك هذول كد ماأنقياء وطاهرين راح تشوف الأطمئنان عدهم وهمه أذا أطمئنو الك راح يدخلوك تناجي الامام معاهم

-تنصحني

-براحتك عسى ولعل دعائهم يستجاب أو اقضي يوم ولليله بجامع جمكران راح ترتاح وتحصل أجابه هاي الايام أيام أمامنا المنتظر ولازم مستغلهن

گمت مدیت ایدي اسلم

-اشكرك دكتور واذا رب العالمين كاتب عمر النه انتظرك بوفاة امير المؤمنين بشهر رمضان

-انشاء الله هو بستشهاد الامير اجي للعراق
طلعت من الغرفه افگر صدك اروح الشمال ايران حتى اشوف سكان مدينة طالقان ودعواتهم المستجابه بعد ان اخلص زيارتي مشهد وقم لو اعقيله تتعب من السفر
.
معندي مجال للتفگیر،عقلي بين الفرحه وخوفي عليها
وخوفي على سيد علي

وصلت ألباب الغرفة البيها عقيله فتحته لساها متمدده متلحفه بعبائتها ولسان حالي يرتجل حبٱ

وكأن ألعبائه زهره تظهر رونق قارورتي
فتسقيها بالعفة النقية

أعلم انها ليست من نسل أل محمدٱ
بلخلق والأدب قارورة محمديه

لاتحمل نسبٱ من أل فاطم
لكن بعبائتها صارت فاطميه
بصبرها وثباتها حسينيه

أولادها أبنائي من نطفه هاشميه
وجهها ألطهور تجمل بتلاوة القرآن
ودعاء ألظهور وزيارات عاشوراء ألمرويه

أحببتها بحراره عشق ألمؤمنين
كل لذي ذاق شربه ماء كوثريه

فيارب أحمي قارورتي بكتابگ
فهو سلاحها وسلاحي

ترتيل ياقائم أل محمد درعنا
ونداء لبيك يازهراء وسليتنا
ومظهر ألعجائب ياعلي وردنا

عقيلتي,السمحاء النجيبه
صافيه مثل سماء الربيع
مقدسه عندي مثل الصلاة

كاظمة ألغيض قربٱ لله حبٱ لي
فكيف لا أقدس من تداري قلبي
واحمي روح من بسترها زينبيه

فلا أعلم كيفَ اجتمعت بگِ أو من منّا ذَهب نحو الآخر لكنني حينَما فوَّضتُ أمرَ قلبي لله
التَقيت بحليلتي ذات الأخلاق ألعلويه

بقيت واكف أتناوع الها أشلون متمدده ومنييمه يمها سيد علي راسه على ايدهة خمس دقايق واكف أنا
رجليه صلت عليه تموهت حست بيه واكف التفت اليه فتحت عيونها الزرك

وكيف لا أحبك ياصاحبة العين الزرقاء
وقد خلط الله روحي بروحكِ
مخالط العسل بشمعه

بشفافها همست

-اسسسسس
تقربت عليها اهمس حتى ميكعد سيد علي

-أشلونها مرتي

-بفضل الله الحمد الله...بس خف على نفسك هواي متخوف علينا اذا يصير عليك شي منو النا
سحبت كرسي كعدت قريب عليها كلش

-روحي فداء أرواحكم ربي لايحرمني من هاي العيون

-أشوكت أنروح ألجامع جمكران

-تدللين بس أخاف عليچ من الطریق

-والله صرت زینه

-آخاف علی ابني

-سيد علي

-لاااا الي بعده ابطنچ

فتحت عیونها فرحانه تتلفت العلي واليه

-هاااا وخاشه عليه هيچ خبررر یگلبي
لزمت ايدي

-لااا ابد بس تاخرت الدوره وگلت اگید من العلاج الجاي اخذه ممتأكده چنت والتهیت بسید علي

-فرحان وفرحتي چبیره ارید عائلتی تگبر وتصيرين أم الهواشم واريدها ابنيه هاشميه شايله جمال وخلق أمها

-وانا ارید ربي يحفظكم اليه واكبر سيد علي قبل لايصير بيهه شي شو گل یوم سالفه طالعه الیه وتعبتگ والله وانا اموت ولا اشوفك تعبان

-حبیبتي لاتحچين بطاري الموت گم مره آگولچ یاعمري

أحس روحي تنسحب مني عوفي الحچي هذا وخلينه بلبشاره الي جبتها الج

-اكثر من خبر حملي

-اي نبقى بايران اخذچ المگان ممتوقعته بحیاتچ

-وهو

-قریة المنتظرين

-يعني فعلا أكو هيچ مگان

-اي أكو ولان حبيبتي وزوجتي راح أطيب فشنو الي أتريد اتشوفه! امرها مجاب
نزلت ادموعها تفاجأت

-ليش البچي ياعيني

-أحبك

-واليحب يبچي

-تعبتك اشوكت تلتفت الصحتك

-انا تعبتچ وانتي تتحملين وضع نفسيات نسوان عمي بس ثقي باالله ماخلي كائن من يكون يأذيچ

-اشلون

-یعني مااخليج مكان تتاذين بيه

-اشلون

-الكاع جاي نجهزها

-مو كلت مجرد أخوف امي ونسوان عمي

-أي بس اظاهر منقش ولساهم يحاولون ياذون حبي

-يعني تترك والدتك

-انا بحيره ولا تتوقعين الموضوع سهل لان والدتي مو اي والده فنت عمرها وحياتها الاجلنا وتحبنه حب تملك
وعمرها غلطت بينا متاكل اله احنا وياها ماتسافر اله احنا نسافر سوه

-وشلون تجازف بكل هاي التضحيه

-مااجازف كتلها الامي من ارجع نتفاهم عسى ولعل نوصل النتيجه مرضيه
عدلت كعدتها وشمرت نفسها عليه

-لاااا تاخذ هيچ قرار

-حبيبتي ماعرف هل أكو نساء مثلچ حنینات لو اني رب العالمین‌ استجاب دعواتي
بعدت من حضني رفعت ايدي اعدل حجابها

-شوفي نسيتيني انا شنو جبت الچ
مدیت ایدي بجيبي طلعت چیس مکبوس فتحته

-شوف حبیبتي جان نسيت شنو جايب الچ
فتحت طلعت خمس انواع من الاحجار الگریمه الزغيره
تناوعت عقيله متعجبه على الاحجار على جمالهن ولمعتهن ولونهن الحلو

-شلون جمال هذا حجر الفيروز والعقيق وياه

-أي اي وكلهن ألچ

-الیه كلهن یعني حجر حقيقي
توجيت على الكرسي چتفت ایدي

-حبيبتي طبعا لااااا منو اليجيب حجر حقيقي واقل واحد سعره فوك الميتين الف واربع ميت الف

-المهم اشكرك شيجي منك اموت عليه واضمه بگلبي
همزين مو حقيقي الحجر كولشي يصير اصوغه محبس وكعت الشذره يبووو يجوز اموت انا وغفران من القهر والصدمه وتبقى غفران تحفر الكاع بخاشوگه لین تلگاه وذا ماتلگاه تذبه على سميره هي بايگتها

فرحت لان عبرت عن احساسها العفوي وبنفس الوقت
كاتم ضحكتي گوه بحیث دمعت عیني گالت بهدوء

-سيد ليش تضحك

--اضحك لان قارورتي تعتقد انا اجيب حجر مو اصلي
يعني زحمه دكتور وحفيد سيد باقر يجيب احجار مو حقيقيه شوفي هذا حجر النيشابو،،ر والفيروز الكرماني اريد اصوغهن بلعراق يم صاحبنه الصايغ حتى احميچ‌ من الحساد

-ياااا ليش كلفت نفسك

_ماگو شي يغلى عليچ

_اشگرك حبيبي

-أني الي اشكرچ لان آنتي يمي...وعتني بعد بصحتچ ببسي ماگو،أكل مطعم ماگو‌ و١٤يوم ونعيد التحليل وگافي تأذيني باعز شي عندي
عدلت كعدتها متفاجأه

-أنا ومئذيتك بأعز شي عليك منو أعز شي

-أكيد أنتي الأعز لذالك أعتني بصحتچ
دنیت علیها بست جبینها
گالت

-وسید علي شنو أخباره

-سيد علي عنده فتحه بس زغيره كلش وعلاجات وابر حنلگاها مختفیه بعمر اربع سنین
ضحكت فرحانه وشاگه

-متآگد سید لان حلگه صار آزرك اخر مره واختنك
رغم منطيتها حالة سيد علي بس عند أمل يطيب وهمات
ننتظر تققيم الطبيب الهندي
جاوبتها

-متاكد حبيبه وهسه وين تردين أروح الجامع جمكران لو القرية المنتظرين لو للسيده معصومه عليها السلام

-الفندق قريب على الامام الرضا عليه السلام،اروح اشبعه
من زيارته ونوب جامع جمكران وقرية ألمنتظرين اريد أشوف أشلون عايشين وشلون يلهجون بذكر مولاي أريد.أجلس وياهم جلسه حتى لو نص ساعه اشوف نسائهم كيف حالهم وهم منتظرين مولاي أكثر من عدنه
گومتها عدلت العبایه الها،دنگت یم رجلها لبستها الحذاء

لو كان يُهدى للمرء قيمته ..
لأهديتك الدنيا و ما فيها

وگفت جدامها
لفت اخذت سيد على فتح عيونه اول ماشلته باسني بخدي

-ياروح أبوك ،ياگلبه یاعزوته بعد آخوه

-احبك بابا بس شعر وجهك يبزز

ضحكنه انا وعقيله طلعنه المستشفى السياره الي مأجره
گالت
_يعني مو سايق اجره لان نفسه وصلنا انا وياك

جاوبتها

_حبيبتي هذا الشيبه ألمباركه احوازي اسمه أبو رضا صديق جدي،اتشوفي دائمٱ يلبس سداره على راسه وسروال عريض

_ليش هذا لبسه

_هو زي دارج عند الاحوازيين هسه من تقتربين منه راح تشوفين على جبهته اثر تربه،ولحيته بيضه

_اي سبحان الله وجهه نقي

فتح النا باب السياره كعدنه انا وعقيله سلمت

-السلام عليك أبو رضا راح نتعبك هل يومين ويانا

-وعليكم السلام وليدي لاااا ابني ماكو تعب،وانتم تنطوني ضعف شغلي ربي يرزقكم وين الطريق

-الأنيس النفوس،غريب طوس

-سلام الله عليه...صار
أنطلقت السياره سديت الجام الجو بارد بدايه الرابع والجو هنا بارد..النشرات بكل مكان احتفالا بولادة الامام (المنتظر عليه السلام)الشوارع طول ماتمشي،الضحكه ماليه وجوهم لزمت ايد عقيله والايد الثانيه بحضني سيد علي..وصلنه البرد قوي فد مره سديت سحاب سيد علي

گالت‌ عقیله
-جنه في الشتا وربيع بلصيف شگد حلو المقام مولاي
-
طلعنا ركبنه السياره،حسيتهم جاعو نزلنه المطعم طلبنه أكل بلمطعم مصلى عقيله راحت المصلى النساء وابورضا وانا وسيد علي المصلى الرجال صلينا..التدفئه والنظافه تجذب النظر...مددت رجليه وهل فتره كلش صدري يخنگني ومااگدر اخذ نفس..
اثار ظلعي المكسور رجعت عليه من التهيت امرض عقيله وابني انسى العلاج گلما اتاذى أتاسى بأمي السيده الزهراء عليها السلام واردد(صبرآ من الله وهو المستعان)

گمنا نتوجه الجامه جمگران،الطریق اله ،وقبل لاتوصل بدقائق‌ تروح الغير عالم قشعريره تخمش گل جسمگ
وصلنا ونسیت عقیله یمي وهي نستني أتناسينا أجسادنا وارواحنا أدور على أثر المولاي
الامام الانيس الرفيق والوالد الشفيق والاخ الشقيق والام البره بالولد الصغير

عقيله تبچي وابو رضا گتلهم
سمعو ماسمعت عن جدي الامام الرضا يقول عندما يظهر الامام الحجه يخاطبرشيعته وهو يلتفت هنا وهناك ينظر الى عيونهم ثم يبدا بلبكاء وهم يبدأون بلبكاء وهنا الامام يبداء العتاب بين العاشق ومعشوقهم يقولون له
"لماذا تركتنا
ويرد عليهم "لماذا أخرجتوني من قلوبكم"

بچينا بعدها قبل لاندخل توضينا ودخلنا انصلي احس عقيله نفسيتها تغيرت ومثل ماگال الدگتور الامراض اكثرها من القهر...
هسه وجهه ورد وهي على صفحه تقراء قران

عقيله//
( يُدَبِّرُ الأَمْرَ مِنَ السَّماء إِلَى الأَرْضِ)
إن لهذا الكون إلهٌ عظيم !
تكفيك عظمَته كل الهموم .
كم مرة أرضاك تدبيره ، وأدهشك عطاؤه ؟
يروى عطش روحُك بذكره ، وبحبّه
قل لحزنك وهمّك بصوتٍ مطمئن
أن اللهَ( يُدَبِّر الأَمْرَ) وأنه لم يخلق عبدًا ليُترَك تائهًا

"وصلت الجامع جمگران وگفت آتنفس عبق المرقد الي ينعش القلب ويزيل ألم روحي...
جامع جمگران حیث
آلهرب من مرارة الحياة،
من ظلم البشر
جامع جمگران یصلح مافسده المجتمع بقلبي

دموعي نزلت بلا وقف بسبب قسوة الناس حولي وجهي الشاحب من قهر الدنيا تلون بجمال جمگران
یامولاي ننتظرك لتزيل الحزن من قلوبنا
تعيد البسمات على ثغرنا

وكفت ورى سيد مهدي وقرا النا زياره جامعة جمگران وصوته الحلو بحیث التفت لگینا آیرانیین ورانا یسمعون ویبچون..
گملنا الزیاه ولازم نرتاح بفندق یله ننطلق القریة طالقان حيث العشق المهدوي والناس المنتظرين هناك نمنه ليلتنه لان تعب الصبح أتريگنا بمطعم الفندق

رگبنا السياره

گالي أبو رضا

_أحنا هسه حاليا نروح الطالقان بيهاهواي قرى وگل قريه بيها قريه أزغر من سابقتها..أنت تريد قرية المنتظرين

قبل لا نوصل لان مبقى شي من تدخل ألهم لازم ماتگون شايل لا گامرا ولا نقال'هاي السياره أللعبه بد أبنگ تبقى هنا... ساعتك اليدويه تنزعها

ومايستقبلون اي شخص اله بحالات نادره أنا البارحه من وصلنه بليل چان واحد منهم هنا يم الفندق وگتلهم أجاگم زائر من العراق سيد هاشمي وافقو

_فهمتگ عم ابو رضا..وبعد

_راح تبقى يمهم فترة العصر لان هاي الأيام تعتبر أيام التقرب لله والدعاء للحجه المنتظر

وگفت سيارة عم أبو رضا..نزعت ساعتي وعقيله گذالك نزعت الحذاء الجلد..ولبسنا أحذيه عاديه

تمشينا حقول ومزارع وصلنا البستان چبير شفنا
أراضي زراعيه چبيره ...تمشينا الاشجار الطويله صار جدامنا سياج عائلتي تقريب اربع خمس امتار وبوابه خشبيه دخلنه منه هي هنا القريه الهدوء من تمشي داخلها ماگو اصوات ولا ضوضاء بس صوت ديچ من بعيد ىصوت الحمام

نمشي بداخل القريه والزرع الي يشد الروح الاشجار الخضار شدني بستان مزروع بيه بيتجان'وشجر
بزاوية البستان مجموعة خشب مرصوص خشب من اشجار الشجر

انا وعقيله ساگتين هادئين بهدوء القريه فاتو جموعن
لابسين ملابس غريبه الصايه وفوگاها گافيه على راسهم وصلنا الوحده من غرفة البستان، تناوعت
واشوفهم يحيگون سجاد'وهواي شغلات يدويه الي يستخدموها للعيشه اليوميه

عبرنا البستان دخلنا جواه شفنا حقل خاص تربية الخيول عبرنا حقل الخيول عشر خطوات دخلنا ألبيتهم الباب خشبي مابيه قفل..

ألصاله مفروشه سجاد يدوي والمقاعد من اتوجيت عليهن مصنوعات من ريش الطيور

صدري بقى بضغط على گلبي أشوي راح الزاهد رجع جاب صينيه. قدمها النا بيها ماي وقوري شاي ورکيه وخبز دّم أكلنه ولأن الگاع بلا سماد طعم الرکي مينشبع منه ...

تجمعو بعض من الرجال الكبيري ألسن يجيدو اشويه من أللغه العربيه يسولفون وهم منزلين روسهم بتواضع وذا نذگر أسم الامام الحجه يبچون بشوق ويحطون أيدهم على قلبهم تواضعٱ
ويصيح أكبرهم

الامام غاب بأمر الله ويضهر بأمر الله اما نحن فواجبنا التهيؤ لضهوره على أتم الاستعداد
والدعاء له بالفرج لانه روحي له الفداء يقول اكثروا لي بالدعاء بالفرج لان بفرجي فرجكم
اللهم كن لوليك الحجةابن الحسن صلواتك عليه وعلى ابائه في هذه الساعه وفي كل ساعه وليا وحافظا وقائدا وناصرا ودليلا وعينا حتى تسكنه ارضك طوعا وتمتعه فيها طويلا برحمتك يا ارحم الراحمين

أنتهى البگاء صار المجلس هاديء أنتهت ألساعه ونص ورغم وجع صدري ودي أبقى هنا وأدي

إلهي لا أدّعي أنني عشت مخلصًا وعشقًا لك فقط، ولكنّ سعيي كان أن أكون كذلك، وأن يكون رضاك نصب عيني في جميع أعمالي..

وگفت وگلت اله

_أدعي الزوجتي وأبني ...مد ايده أليه وتناوع بعيوني وگال (قربت)أبتسم اليه گمنا مديت أيدي أگوم عقيله عيونها من ورى النقاب راحت من البچي

ودي أبقى گد ماشفت التواضع وألزهد بوجوهم
الاخلاق العاليه عدهم ودعناهم ومقبلو ياخذون أفلوس..كالي أبو رضا

-لا تعب نفسك ماياخذون فلس من أي شخص لأن يعتبرونالاموال تسوي مفسده.كلت الجدي

_ليش اختارو طالقان

_كال((نحن إنما اخترنا طالقان لأنّا سمعنا بأنّ عدداً من أصحاب الإمام الحجة(عجل الله فرجه الشريف) يخرجون من هذه القرية)).

.............

سلمان//

الحبّ هو حاجة إنسانيّة هامّة
كالطعام والماء والهواء ؛
الطعام يغذّي المعدة والفمّ،
و الحبّ يغذّي الروح والعقل والقلب!

-ترى ماكو مولده بهاي ألمنطقة ست

رفعت رأسي لهجته حدية وكلمة ست احسه تطلع من بين اسنانه لواني متوهمة وخايفة
اريد احاجي بس احس الساني نبلع

هاي اني الما أسكت ليش هسه ساکته..اي لازم اسكت لان حتى أسايسه واشرد منه ركض،والشارع أظلم مارح يشوفوني انا وعباتي السوده

غميت كصتي ادري حتى لو لابسه عبائه قابل هي عبائة الاختفاء..تلفتت يمنى يسرى وشفت من بعيد باب بيت مفتوح مديت ايدي بدون مايحس بيه وهو يخابر أمه مدري أخته جاي أفتح الباب گال

-وییییین
رجفت من الخوف و گلبي خرط يم رجليه،شگول علیچ یامریمه انا وین وانتم لااااا حموت علی مود خطوبه
امي لحت عليه غيري جو وطلعي،
عقيله تضحك عليه گالت ولچ روحي شوفي الناس مايدرن حتى الخطبه الرحت الها طلع أخو صاحبتي رئيس عصابه،متخفي بغطاء الدين
رجع فززني

-ها ااااا وین

-شنو وين اروح البيت أهل غير

-أي وينهم حتى أمن ونزلچ

بصوت ناصي من كوة يطلع بسبب حضوره عمي ياحضور أنا خايفه وخلاني أنخلس منه وحتى افكاري تضارب اباوع و يدور بالي الكلام واريد اجاوبه وهوة صافن عليه بلمراية منتضر ردي وانا صافنه عليه منتظرته يطلع اسلاحه ويگلي ولااااا نفس وذا صرختي احط طلقه براسچ
كطع صفنتي

-شنو ست غفران بيج شي وين صار بيتكم وين فرعكم
وين ألمولده
جاوبته بصوت غساله عطلانه وترجف

-يامولده

تنهد ورجع گال

-مولده كلتي عليه
آرتبگت آگثر

-استاذ اعتقد انته دخلت بغير منطقه

-شنوو يعني مو هاي المنطقة

-هسة شنولاضيعني الله يخليك لا تيهني وين مااخذني

رفعت نقالي قريب عليه اراويه گتله بربك شوف شوف أمي شگد متصله علیه وهسه قلقه ماتتحمل فراگي رفعت نقالي بوجهه تناوع للنقال مبتعد

دار وجهه گاتم الضحكه
وانا درت للجام ياربي ضحك شعجب ضحك على اتصال أمي رجعت النقال أتناوع للشاشه اريد اشوف شنو ليضحك ولن أشوف صورتي كصتها ايناس اليه وانا اعايب عليها وماده أللساني ضيعت موضوع الصوره التفشل

-اي امي راح يضل باله ويصعد ضغطها خرطت كلام مرة وحدة
اشو هذا باوع عليه وتبسم لااا مو يضحك كاض روحه
گوه دار وجه على شباك ورفع ايده ومسح وجه وضل يستغفر
حرگ السیاره وبعده مبتسم رجع وكفها على صفحها
والتف جسمه عليه
واني راستن أرديت اليورى وكاضة عباتي من يم حنكي خاف توكع وهوة من شافني هيج أبتعدت وخفت
راحت منه الابتسامه ونگلب وجه جاد وگال...

-ست غفران على كيفچ ليش هيج خايفة هسة راح نوصل ومتتأخرين
شغل سيارة وضل يستغفر صادفه واحد بدراجة اشر الة
وكف سيارة وسألة بلازحمة مولدة الجبيرة صير هنا
كدامنا لوتعديناهة
رد عليه ابو دراجة

- لااا عمي ‌انته هسة بحي السلام ومولدة جبيرة تقصد عليه هاي بحي العباس مولد خضرر

بعد كدامك الاستدارة بشارعين بذيج صفحة موهاي
رد عليه مشكور اخي
شغل سيارة وحچى صحيح هاي مو شوارعكم بس شلون تيهت ذاك الیوم وصلت مريم الكم
باوعت عليه واحجي بسري
هسة رجال تعبان اني شبية مانتبهت لطريق بس من ورة افكاري مخربطة شجاني منتبهت حايرة راح يخطفني شحالني ويخطفني استغفر الله اخذت ذنبه هاي افلام الطفوله مأثرة عليه فزت على صوته وهوة يحاجيني

-وهاي مولد جبيرة وصلناهة

-اي استاذ جدامك‌ذاك الفرع بيتنه
رد عليه

-اي والله حفضته وبعد ماتيهة
نضره اليجدام عبالي يباوع عليه
ويحجي

-يمك استاذ هذا الفرع هنا انزل

-لاا ميصير اوصلج للبيت وقت تأخر وشوارع ضلمة ساعة بثمانيه ومضلمة منطقة
درت وجهي على جامه هاي جنه وطني طكت فيوز كابينه
عضيت اصبعي اوف خضوررري الكرع خبث ومشغل المولدة احجي على كيفي فكري يم امي هسه شتسوي
وماسمع قهقه ضحك تناوعت اله ومغمضة عيوني
بس لاسمعني وانتبه عليه يااربي الليلة شخلصه فتحت عيوني وصارت عيني بعينه رفع ايده ومسح عيونه مدمعة كد ماكاتكم وضحكته...

وانه انتبهت على نفسي متعوده كل مااركب سياره وحتى لو خط الدوام وحتى ماالتهي ولا انطي مجال الأحد يسولف ويايه اطلع مسبحتي الكترونيه واسبح بيه هنا دار وجهه بقيت أسبح لمت نفسي ليش أنا نسيت هذا الورد المهم..

رديت عليه مشكور استاذ هذا بيته يمك هنا وكفت سيارة كلش قريب ألبيتنه فتحت الباب نزلت منتضرته يرد طبكت باب السياره وتمشيت ألبيتنه بابنه والفرع اضلم دگیت باب التفتت بعده يدور بسيارة يريد يطلع

درت وجهي لباب منتضرة ينفتح لان عيب منه اسوي فعالياتي وصيح لو آدك حيل خل اصير رقيقة بهل لحضة آشتغلت آلمولده دكیت ألجرس اجاني صوته خفيف خضوررري الاكرع شغله الحمد الله

واني ضليت واگفه متصنمه مادرت وجهي ضهري الة نقذتني امي من فتحت الباب ودخلت بسرعه سدیت آلباب ومتوجيه بظهري عليه
استلمتني امي

-خايبه شبيچ هیچ واگفه تعاآااي
تريد اتجرني من ألباب وانا بعدني بظهري أحمي صاحت

-أتحرررگي منو الراگض وراچ
انتبهت

-هااآاا یمه لا هیچ

-زین شنو ولیش آأخرتي ضل بالي عليج

-ابو آلخط عطلت سيارته واخو مريم وصلنه اني وام دنيا

-لو رايحه وياچ خالتچ ماجتني ولا رحنا للسوك

-اي والله لو جايه ويايه ولا هل بهذله

-تعشي

-تعشيت أكشن أقصد أگلت گیك هواي

-ماشي يمه انا مجهزه بورك اذا ردتي تحميهم نصي الطاوه كلش وحميهن

-صار يمه نزعت العبايه بيدي وكبل فتت غرفتي ذبيت عباتي وملابسي ودردم لو بس ابطل حچي وية روحي ولاهاي فشلة من سمعني واني اجرر أسم خضووري الاكرع شلون باجر راح شوفه بلعرس
مااروح احسن
رن نقال واسم ام دنيا فتحت خط
ها وصلتي غفورة
ردت عليه

-اي وصلت بس ليش خلتيه
يوصلج اول

- غفورة انتي مثل بنتي واعزج

-تسلمين ام دنيا

-راح اكلج شيء بس لاضوجين
بنيتي فكري بزواج العمر يمشي

-شجاب موضوع الزواج هسة
شذكرج

-ذكرني بي شفت سيد سلمان
خوش ولد ومؤدب ويوالمج بفكارج واهلة خوش ناس بسيطين ألسيد يلوك يصير الج
من نصيبج

-خالة شنو جاي تخططين أتصيدلي عريس

-وج غفورة مااحجت ولاصرفت ألاا من شفته عينه عليج ودايما يسال عنج وهل خليته يوصلني قبلج
حتى تختلون خلوه شرعيه

-خلوه شرعيه گولي رعبيه،تفشليه'خوفيه ألفلم الصار بيه وياه لاصار ولا استوه مثله وحتى لو نسبة عشره بلميه مفگر یخطبني هسه بعد مايفگر ابد

-شدولبتي

-بعد فعالياتي التعرفيها

-يبووو وهو اشلون واحد

-المهم خاله خوش خلوه شرعيه الساعه بثماتيه اله ربع شتائا يعني ظلمه،وليل

-والشيطان ثالثكم

-على وضعي الجن الاثول ثالثنه

-ألمهم وتبقون على راحتكم

-يااا شنو عود سيد سلمان عينه عليه شدكولين ام دنيا وين زلمه مباوع
يايوم اشوفه مسود من فوك ليجوة وجه حزين ومغضب ومامنتبه عليه بيوم رحمة لهلج
ردت عليه وبضحكة

-لاا عيني انتي مطفيه وجهج بلكاع ماشوفين الاشوفة

-لا خاله ابد مااقبل

-ليش

-هو مزوج شنو ذنب زوجته

-اي صح هو مزوج

.......

لا تسمح لأحد أنّ يقلل من شأن هدفك، ذاتك، أحلامك ، اجعل كل ما يخصك عظيما

نوار

أفرك بأيدي متوتر حاس انو العرس مالازم يصير لا اليوم ولا أي يوم
ولا أني لازم أصير العريس المرتقب لأن هل شي ضد الأحسه أني

خوفي من أبويه وألحاحه عليه خلاني أصير بهيچ موقف..

قبل لا آدخل للقاعه وقبل لاتنزل آلعروس
نزلت علی صوت أبوي وصياحه
رحت الزاوية القاعه أخواني خمستهم واكفين بطولهم أله أخوي ماگو

جای آروح لزمني أبويه من ياخة القاط
دفعني حيل عل حايط يصيح بيه

-أني عندي سبع ولد،فاهم سبع ولد أليوم
زواجك لازم يتم وذا مااتم أعتبر روحك مدفون يم گبر،أختك
وجهه عصبي خوفني أكثر بخنگه جاوبت

-صار بویه....
ألتفت لخواني ينطيهم أوامر...مثل ضابط
عسكري يأمر جنوده

-شوفو أنتم خمستكم أخوكم يخاف يسلم ويحس مرتبك أريدكم گلگم تصیرون بداله

-صار بویه...جاوبو بصوت واحد گلهم
ترکتهم رحت للعروس فتحت باب السياره نزلت ساعدتها بدلتها چبیره
وگفت العلویه مهجة يمي لابسه فستانها الأبيض الي ابيض من الثلج

أمووت على بدلات العرس من چنت لساتني طفل وحتى چنت اسوي بدلات بجواريب القديمه
ركزت بلعلويه هذا ظلم ليش اسوي هيج بروحي وبيها ولو هو ابويه السبب گله منه جبرني أزوجها
قبل لا ندخل لزمت ايدها ترجف حاولت أهديها دنیت علیها"اهدأي شسالفه

ردت بشفاف ترجف "لا مخايفه والله خجلانه بس
مشينا خطوات للقاعه والهلاهل،بكل مكان وصلنه النص القاعه سكتت هلاهل
هنا امي وخالاتي،واقربائنه وخواني،وابوي مفتقد اخوي رعد
ادوره بين اخواني وينه اشرت الامي تجي يمي دنت عليه

-ها يمه گول شبیک ليش ضايج

-اخوي رعد ليش مااجى مو كلتوه خابرنه ياخذ اجازة ويجي

-يمه عوف أخوك بحاله ماادري شبيه الولد مو رعد الاولي تغيرر كلش

-مو گلتوو ياخذ اجازه

-يمه خوانك الخمسه مو بعينك اله هو بس هو اخوك

-هو يفهمني اريدة اليوم محتاجه
راحت امي من يمي خلتني بحيره اشتغلت الأبتهالات والاناشيد الدينيه طول هل لحظات اتنوع للعلويه مهجه
لحظات اجت ام العلويه مهجة حضنت بنتها تبارك الها

-الله يهنيج ويسعدج حبيبتي يارب ايامج كلها خير وحلوه وبيضه مثل بدلتج

-يمه غير تجين وياي

-لا حبيبتي أنتي سباعيه مينخاف عليج ولا تبجين مگياجج يخرب حبيبتي

-يمه وين أخوي سيد أبو الأشبال

-يمه أخوج سلمان هناك برى القاعه ميصير يدخل منتظرني أودعچ يله
وثانيه عيب تبجين

-اووف يمه سلميلي علي ابو الاشبال

-صار یمه هو سلمان هم يسلم عليچ
أتناوع الها ودموعها الماوكفت اجت الناس تسلم واحد ورى الثاني واني متلبك من الخوف حتى مااكدر اسلم
لا على الشباب ولا على اقربائنه اشرت الاخوي الجبير يتعذر منهم
وهو ويسلم بدل عني،لان اي شاب او رجال يسلم عليه يكزبر جسمي واكش منه
اخ اخ يارب شكد أبوي ظالم شكثر طاغي خاسر عل عرس شيريد يثبت كوه هيه
اشويه وطلعنه للسيارات المركونه يم القاعه
سياراتنه بصدر راكب أخوي هادي فتحت الباب دخلت العلويه مهجة مريم اول مره
واني وراها

اتناوع للبدله يربي حلوه معقوله حبي لبدلات من چنت طفل رجع نشط هسه
حاولت الهي بنفسي بلفون حتى مااباوع
للبدله ولا أسمع بچي العلويه على اهلها
درت وجهي عليها "كافي بجي شسالفه ردت عليه
-"حفارك امي شلون ماابجي

-مو أني يمچ مکافي
-لا عفيه عوفني الله يخليك..وصلنه البيتنه اخذتنه أمي للغرفه،
اجى أبوي عليه گلي "تعال سلم على الناس
گله من آمک خبلتك ودللتك وسوتك خنثه
يله اطلع سلم.. ردیت""فدوه بویه مااکدر
گتلگ هل زواجه ماااریدها
اني مو مال زواج

-أي أنت مال سوالف،وضحك وي بنات الناس عود گلت مره ضبك روح نذل
هسه تدخل وتجيب بياض مرتك
-بويه ماأگدر والله

رفع ایده ضربني راشدي ويصيح
-امدااااك امد اشواربك لااا وفوكهاااااااااا لحيتك جاي يربيها ماتستحي مطي وتكول ماأگدر ولك تجيب البياض تجيبه بيدك تجيبه وشوفه بعيني صير رجال مرة وحدة وفرحني

-يمه لحگي علیه یمه

-وغمه ولك
أجى يمد ايده اجو خواني حجزوني منه دخلوني للغرفه صاح ارشد

-ادددخل ولا سوينه مشاكل خرب حظك أدخل مو بزعت رواحنه
دخلت لغرفه سديت ألباب العلويه واكفه يم زاوية الملابس دموعها تصب عشره عشره
اجيت عليها رادت تصرخ تقربت سديت حلگها بیدی
"عفيه اسكتي لا تبچین مارح اسوی الچ شی
حرگت اعیونها لآن ساد حلگها بقووووه بعدت ایدي منها گالت

-أحلف ماتسوي شي ولا تدنى سمعت أبوك يگلك اله هسه

-والقران مااسوي شي ولا أدنى عليچ
فكت عيونها لان حلفت جرت سبحتها من المیز القريب تسبح وتستغفر ردت

-شو حلفت متخاف من القران باچر عگبه ولادگول گفاره تدفع
آلگفاره الها شروط،والها طقوس خاصه
-لا علويه مااخاف من القران أبدددددد

-هاااااا شلون وليششش أنت ملحد

-لا والله

-کافر

-ابد والله

-زين ليش تگول مااخاف من حلف القرآن

-لان بلقران مااتقرب الچ

-هاااااا أقصد ليييييييیش متقترب ابد
کعدت علی الچربایه منطیها ظهري وهي لسى واگفه
گتلها واني افتح الرباط من رگبتي

-علويه حلفت بلقرأن مااوصل الچ لأن أني

-أنت شنو أحچي أنت حلفت تعرف شنو قسم بلقرأن چذب

-علويه مامچذب ولا عمري حالف بلقرأن چذب گتلچ عمری ماأوصل ألچ هاي حقيقه لأن اني مو رجال
أني مره مثلي مثلچ؟؟

-اشلون مره

اجيت احچي أندك ألباب عدلت الستره وگفت یم المرایه
رتبت گذلتي،ورحت أفتح ألباب أبوي بلباب گلي

-هاااا بويه بشر
رتبت شعري كز أسنانه وهمس

-موتتتني بگذلتك أبن ألقندره گتلك رتب شعرك چنك مستخنث

-شعري أگصره‌ بس مااا اسوي ولادي بيرچم‌ ،،گاري هاي تسريحاتي
سحب أيدي وصاح

-هاااااادي أرشد،،اريد عصير بسرعه
أجو يمي يضحگون، وأخويه طارق قميصه مزك چنه هستوه طالع من عرگه ابوي يغمز اله راح من يمنا هادي جاب بطل عصير

-هذااا بويه العصير

-بعد أبووك
طلع من جيبه شريط سحب منه حبايه،

-هااك أشربها بهاي ألعصير وبيض وجهي .

-شنهاي

-اشربها بعد أبوك خوالك عمامك منتظرين..تناوعت من بعيد أبن عمي غمز أليه وطلع شگد آگرهه من زمان هاي حرگاته
اخذت الحبايه وبطل العصير بلعتها وشربت العصير كله
صديقي أحمد متردد يريد يسلم عليه وأكف من بعيد يحك راسه بين ضايج،وبين مقهور اعرف بيه ليش مقهور وانا مثله هم مقهور
لزم ابوي ايدي برجاء

-لااااازم تجيب البياض وترفع راس أبوووك يابويه بعد ابوك لاااااتفشلنه ويه الناس

-بس اروح اسلم على احمد

-عووفه خمس عشر دقايق يبدي مفعول الحبايه شوف بياضه اريد شوفه بعيني

-بويه مااكدر شلون
-لاتخليني اصيح وهينك اكثر باي طريقة اريد بياض افتهمت لو افهمك

-ميخالف بويه تأمر بسرعه
فتحت ايدي أحضن أحمد تشابگنا

-لاااااا تضوج صاحبي

-أشلون مااضوج وانا

بعدت منه طبطبت على چتفه
-آنت کدها ضلع گل واحد بینا بگلبه موال صیر مثلي وتوگل وتالي نسولف
مسح دمعته رجع حضني وحضنته بست خده

-اروح المرتي أندعيلي

-الله وياك نوار

هزيت راسي الابويه عيني على طارق منو مفلش وجهه
ردت اسأل عرف ابويه شنو اريد أحچي هز راسه بتكرار

-روح روح تالي تعرف

آم مریم طلعت من عندها مدري شوگت داخله گالت الیه
-یمه نوار فدوه اغديلك عينك أعليها وشوي شوي عليه

-ماشي خاله واني حاجيها روحي اخذي راحتج

واني راح شسويله وتكلي شوي شوي راح ابسطه وتخاف عليه هزيت ايدي
دخلت للغرف لگیت مریم نازعه البدله فارشه السجاده
اتصلي وكأن مطمئنه لان حلفت الها

نزعت حذائي تمشيت للحمام فتحت الباب،استحي اغير يم مريم خليها تصلي اعاين للمرايه بدى جسمي يتعرق وجهي صار احمر دگات قلبي زادت وجسمي بيه شعور ماعرفته شنو بس شي خلاني مثل اليريد شي ثاني ويريده بقوه

مريم//رغم الزفه صارت بس افكر من خلصت الحنه گل المعازيم طلعو وضلينة احنة الاهل وانا اصابعي ملطخةبالحنةاصبعي الصغير واصبع الاخلي بي الحلقة ماقبلت اخلي حنة بأيدي يادوب باصابعي..

وتذكر من دخلت للغرفة بدلت هدومي وغسلت وتوضيت وكعدت اصلي تايهه بين هالناس

اخس هل مكان مو اليه لا انتمي اله ولاهو ينتمي اليه وحتى الحفلة اتناوع بالوجوه بلكي يطلع كابوس واكعد منه بلكن انه هسه بغيبوبة ويكعدني منة رعد ويطلع كل هذا مجرد كابوس.. شگد تمنيته كابوس

خواتي اقربائنه البيت كلهم فرحانين ومخبوصين يعزلون وينضفون ويتحضرون للزفة واني عازلة نفسي على سجادتي عيني على التلفون..
بس شنو اريد وشانتضر؟

انتضر كذبة ثانية من رعد تخليني اعيش هالكم ساعه بحلم وردي مثل قبل كم يوم من گلي گولشي خلص وماتزوجين نوار
رعد چذب عليه وخدعني،وباعني برخص ،وستهتر بمشاعري بعد خلص انا وياه ماكو امل استسلم ألنصيبي وسكت ووكل امري لأ الله..

اريد انسى البارحه ابد مانمت مو خوف من العرس لأني اصلا محاسة بروحي عروس... بس من القهر مانمت توجهت للقلبله اصلي صلاة ألليل گملتها بخشوع وسجدت ماحس اله ضوه الصبح طالع وانا على سجاده
أختي اجت

-يله گومي ام الصالون تريدنه هسه عدها هواي عرايس
جدامچ
گمت ومااحس بشي حواليه لبست العبائه ،وحتى ماردت
ريوك رحنه للصالون،واختي منى جابت اليه كيمر عرب وعسل صمون اتصل على غفران مغلق وهي وعدتني تجي ويايه عاد تصبر عليه
مگیجتني ام الصالون،تعجبت بشگلي طالع غير حتى منى بقت تاخذلي صور الكل حركه رجعنه البيتنه،ابوي واخوي سلمان متفاجئين ييه،دمعاتهم بطرف عينهم
الركص والهوسات أجو اهل نوار
گالت منی

-خایفه شبیچ

-شويه متوتره
اصوات الهواسات والهلاهن العاليه تقرب نوار كعد يمي
القاط السود المرتب وشكله حلو
وكذلته كل شوية نازلة على عيونه ويصعده بيده شكد ماشعره سرررح كعد يمي كالى

-الف مبروك طالعة حلوة وبدلتج حلوة
مد ايده حتى نگوم طلعنا للباب قبل لانطلع ابوي وكفنا

-ممبروك بنتي

.-اشكرك يابة
گلتها بقهر

اخذ بابا ايد نوار وايدي گال

-بنتي امانه عندكم ابو ارشد كالي

-هي بعد بنتي يابو سلمان
ركبنا ااسياره ونطلقنا..بين خوفي من نوار..ومن هل اليلة شلون راح تكمل
ونوار يسالني شبيج لن جسمي يرجف واني تفكير موتني
شلون راح شوفني واشوفه وصلنا للقاعة ودخلنا واني عيوني دور عليه اريد شوفه بس لو لمحة منه اتلفت وماكو
بس لمحت ابوهم واخوته واكفين كدام ابوهم جنهم جنود
اجة عليه نوار ونزلني ودخلنا
بلقاعة كعدنة شوف نوار حاير واشر الامة وسأل على رعد
واسمع امه أصبر بيه ضلينه عيون للباب هوة منتظر اخوه وانة منتظرة حبيب بعد حرام اكوله منتظرة الحل بعد هاهية
ماكو حل

دنكت وختنكت حيل ردت ابجي وردت طلع صوت بس العبرة تكسرت بلعومي شحجي وشكول
رعد وعدني وراح وخلف وعده

وهاي نتيجة اني هسة عروس الاخوه وبعد دقايق انزف لخوه ماافكّر عافني بورطتي والتحق
التفتت على ايد على ايدي

نوار يحاجيني واني بالي مويمه
رجعنا البيتهم وزفوني للغرفة دخلت امي تطمئن عليه وطلعت واسمع ابوه يكله اليلة
اريد بياض واني جسمي رجف
وردد يارب سهله عليه يارب شغله عني مااريدة شلون يتقرب
واني كل لحضة رعد على بالي
دخل عليه واني ابجچي وصل يمي اجيت اصرخ مااحس ايده على حلكي حاجني
اسكتي ماراح سوي الج شي
وابتعد مني

رديت عليه كتله احلف مااسوي شي سمعت ابوك يملك هسة
وهنا طمأنيت بعد مااحلف بلقران وتعهد مايوصلني بس
حرت ويا شنو يكول اني مرة مثلج شبيه هذا عافني بحيرة اندكت الباب واسمع ابو واخوته يلحون عليه بس طمئنت
نوار ميوصل اليه بس ضلت احجايته ترن بذاني هذا راد يسكتني لوياخذني على كد عقلي

فرشت سجاده اصلي اشكر ربي
احست نوار دخل للغرفة وراح للحمام خلصت لملمت السجاده

فزيت من صفنتي جاي أوگف اندفع باب الحمام‌بقوه
ونوار یمشي بتوتر وغضب

يتناوعلي بحقد وعيونه حمر وانا طرشه بزفه شمر الستره بدا ينزع الرباط ويفتح دكم القميص
بسرعة وايديه ترجف ضل بفنيلته تعلاكة بيضة نفسه صار سريع جنه واحد يركض فحطان

يتقرب عليه واني ارجع ليورى وماعرف شبي وليش هييچ صار بیه وتحول من هادئ الى جنه وحش مو ذاك نوار شفته قبل شوية خفت منه من وجهه من حرگاته حتی ماستحی من نزع لان عیوني صاده العينه من الخوف
اجى عليه وانا ابتعد وصلت الحافة الچربایه
گتله

-نوار شبیگ وشنو ترید موحلفت
ماتوصلني ليش غيرت رايك

-لاا مااكدر بعد اريدچ وهسة نكمل ابوية بلباب منتظرر يريد البياض بأي طريقة لازم اجيبه
واخلص

دفعني على جرباية ورفع كلبيتي
واني اتوسل لاحباب انت حلفت وعدت وضلت ابجي
صار فوگاي وايده على حلگي وايد ثانية كاض ايدية ثنهن اليفوك
ويرد عليه اشششش ثبتي خليني أكمل

كأنّها تعوّدَت أن تُخفي ما بها حتى نسيت كيف تُعبّر عن نفسها، كأنّ الكلام بداخلِها عجزَ عن الكلام ..

.........

گملت صلاة ألفجر الجو بيه بروده لساه...تمشيت ألملم خشب،أسوي چاي مااروح هناك يم الجنود لان يسولفون ويغنون ومالي خلك أشوف واحچي ويه أي شخص....
رتبت الخشب طلعت من جيبي الجداحه شعلته بديت أنفخ حتى تشتعل نار ورثة جگاره آدخن بطن خاویه
كعدت على طابوكه أبلوكه فرغت بطل المي ب آلقوري وخليته على گانون النار ألحسره ماتطلع من صدري تنهدت وشكد ماضايج أكول الحسره هسه لان هسه الامور هينه و الجايات أصعب
هسه مريم أكيد أنفسخت خطوبتها...بس الأصعب من ماإ گدر أخطبها وعدت أبويه بعد مايزوج نوار أخوي

هسه الامور هينه الصعوبه بعد الفسخه مااشوف مريم
ومارح تصير أليه بعد
وراح أتعذب وكان العذاب صار جزء من حياتي من أول يوم شفت بيه بيه مريم..
عذاب التفكير بيها واشلون احارب نفسي ماافكر بشي سيء وهسه عذاب أفراكها عني..أي أفراك أهون من فراك بس لسى كلبي عاصرني أبويه أشلون راح يفسخ الخطوبه وشلون يوفي وعده اليه خاف يغدرني
استغفرت ربي
ليش أقلق ابويه وعدني ودائما ابويه صاحب كلمه. ..التفكير مسوي عندي أرق اشلون اتخلص من لتفكير أبمريم مثل جنيه تلعب بعقلي كطع صفنتي صوت واحد من الجنود اسمه أدعيچ الجنود یصیحون علیه دعیچ
خوش ولد من کرکوك گال

-هااااأ شييك كاعد وحدك وشاعل نار بعيد علينا ماتخاف وحدك تكعد تنعجب بيك جنيه وتتلبسك یرگب راسك جني اعور

تنهدت ضايج مااحب أحد يحاجيني

-عوفني بحالي وروح منا

-انتصدك تحجي

-اي صدك قابل چذب وخر من يمي

-خاب گوم ویانه

تنهدت مغمض عيني مااريد احچي ويه اي شخص وخاصه هنا بجيش لان ألكل يريد يعرف شكو وشنو
من بعید ووشوف الجنود كلهم يتناوعون ونظراتهم الفضوليه وهم‌دزو دعیچ
ٍصحت بيهم

-لحد يتناوع اليه كلمن عليه بروحه
دعیچ گال

-حتی آنا

شلت طابوك اشمر عليه

-خاب انت اول واحد يله روح منا رووووح
مرت الايام مثل بعضها متشابهه بقيت طول سبع أيام متوتر،بحيث گلما یصیر انذار حتى انروح نهجم على وگر..اشر الزمیلی دعيچ

-آنا مگانك

آلسبع أيام انا اروح مكانه ثامن يوم جاي أطلع واجب بداله گالي دعيچ

-ليش رعد غير افهم أنت حتى لليل متنامه اشوفك تصلي،لو تقراء قران وتسجد تبچي سولف اليه بلكن ترتاح ترى اسبوع گامل منتظرك تحچي اسبوع گامل گلما یصیر انذار تلبس لثامي وتنطلق،تريد تموت نفسك
گول یخویه
لبست آللثام الاسود والخوذه العسگریه عدلت الفلاش المرگب بلخوذه

-من تسوي سحور جهزلي بيضه نص استاوه اسحر وياك
البيت الي بيه الاسلحه قريب بهاي القريه

-لااااتغلس رعد اسبوع كامل صايم،وصلاة الليل،وادعيه وسجود واكل قليل هم لو قاتل الك واحد قتل متعمد ماهلكثر تسوي بنفسك وتستغفر

-اريد الچاي ثخين بعد اخوك

-رعد لااااااااااا تغير الحچي،شنو البيك
هل گلمه اثرت بیه هوايه ليش الناس تسال مو حد ذاته السؤال وجع(شنو بيك) دمعتين نزلن على أللثام عفته تمشيت اروح للباب صوته خطواته يركض عليه راسن صار جدام ألباب

-مازال ماحسبني صاحبك ماتاخذ الواجب مالتي وانت سوي سحور الك واليه والاحسن لاتسوي سحور اليه انا مااصوم اله على واهسك واتشجع ورمضان جاي مابقى والحك على الصيام
نزعت الخوذه وأللثام مالته والچفوف وارید انزع البسطال گتله

-هااآاك اطلع للواجب وانا اسوي سحور قابل سحورك على حوره حتى مابي حظ والچاي ليگول تحلف علیه مابیه للطعم ولا لون ولي من يمني لاتگنگن فووگ راسي

-هيچ رعد

-اي هييچ وحق الحسين الشهيد اذا ماوخرت مني لكون موخر راسك من جسمك

-خاب درروح مو صوچك صوچي جاي يمك دضل وحدك
چنك عمود كهرباء مزنجر
شلت طابوكه د شمرتها عليه ركض صحتله

-وچفن احلى منك مطي
سحبت اسلاحي من التراب أگوم حتی ادخل للغرفه رن، نقالي فرحت اجت الشبگه هنا تناوعت واشوفه سيد سلمان المتصل
تمشيت بعید حتی اصعد التل والشبگه تتوضح وهميه خجلان اذا افتح المكالمة واسمع اعتابة بفسخ خطوبة مريم..

شنو من عذر او كلام ليكفر عن ذنبنه ضل بيدي نقال رن مااكدرت افتح خط رجعت حاير
افكر شحجي وابرر الة شكلة شنو اخوي وليش فسخ
خليت ايدي على راسي من تفكير راح يطك يمكن صعد ضغطي خليت السلاح على چتفي بيد نقال وبيد ادك بيدي على جبهتي شگد عیب وشگولن اله
رجع رن نقالي وهذا ثالث مره وهمين أتصال من السيد
فتحت خط أجاني صوته

-سلام عليكم

-وعليكم السلام

- وين مختفي ياخوية لاخابرت لاسالت

-وعليكم السلام هلا أبو الاشبال تدري انذار وشبكة تضعف شلونكم

-زينين الحمد الله انت شلونك وضعك بالي يمك لن ماكو مختفي لا اتصال وحتى ماشفتك حاضر وية اهلك
والحيرة موتتني شكولة اجي احضر بفسخ خطوبة وضيم اخوية لو قهري
جاوبته...

- ابوالاشبال انذار ومااكدر انزل اعذرني على الي صار لان أنتم أهلنا
قاطعني سيد سلمان

-رعد تسمعني صوتك أنقطع اني من وافقت على خطبة
مو لأن والدك صديق والدي

-اي والله اعرف وسامحني سيد لان ابوي

-رعد رعد الو ولك خليني أكمل لان نت ضعيف

وافقت على خطوبة أخوك الاختي لأن انت صديق ورفيق
ونعرفكم شنو واخوكم مايقل عنكم وهل أنا مطمئن

-اسمعك سيد بس اعتذر منك هواي
وخرت نقال شوية اتنفس وارهم كلام الكولة الة وهوة جاي يعاتب

-لااا مايفيد العذر لازم تحضر حتى لو يوم واحد هاي فرحتنه وفرحة اخوك لازم تحضر دبرلك بس باجر يوم واحد حق العرس
-شتكول سيد ياعرس الووو تسمعني
أنقطع الخط بقيت الوب شنو عرس شنو مو ابوية كال راح افسخ
ابتعدت من المقر امشي وأشرب جكاير وكفت بعيد عن مقر اريد بس تجي شبكة اريد اتصل بأبوية
ويفهمني ماكو
شبكة طارت وين هسة اروح والمن اطي وجهي كعدت على الترابه اصرخ بحرگه

-اااااااااااااخ اااااااااااااخ يا بوية كسرتني كسرت وعدك اليه احس دموعي تنزل امسحهن ويرجعن ينزلن والكم شلللللون اشوفها جدامي بوية ماافكرت بيه من شوفه
ماافكرت ينطبك الباب عليهم ثنينهم
اصرخ ويرجع صدى عليه مكان خالي بس صوت عوي الچلاب گمت ورجعت كعدت بلكاع مددت رجليه مااكدر اوكف شلون يااربي
بعد بيمن أمن اذا ابوية ضحك عليه وخلف وعده آلیه
بفیت كاعد شسوي والمن اروح وين الحك وشكول وحتى لو احجي مااايفيد باجر عرسهم
كمت على حيلي حتى أشوف الامر بلكن يطيني اجازه امشي وكلما أمشي وماواصل لعد شكد ماشي وماادري بروحي هيج اني تايه
مسحت وجهي بايدي رجعت اعيد الاتصال وانا اشهك بلكي احصلهم ماكو الشبگه طارت خرب حضي ليش هيج تنسد بوجهي مو تنازلت على كلشي يابويه مو حتى تنازلت عن گلبي
بس حتى ماتصير عروس الأخويه وأكبالي
لازم أخذ أجازه انا مجروح ومفارگ ارید اعرف لیش آنطعنت من آبوي وصلت المقر الضابط دكيت تحيه
-سيدي أريد أجازه
-اهلا أبني طبعا أنا أريد أگلك اخذ أجازه لان جاي تشمر نفسك بتهلگه واعرف عندگ مشگله واگید عاطفیه
سگتت مجاوبت هلگثر امبینه‌ متعذب من حبها حتى الاامر حس عليه هزيت راسي اله امعنى أي
رجع گال
-یله ابني روح اتوگل والجیش شرف وشرف آلمهنه آنو نحافظ على ارواحنا من العدو منو نشمرها للعدو هاي اسبوع أجازن ألك وربي يوفقك
دگیت تحیه
- اشگرگ سیدي
رحت مستعجل ألملم واحضر اغراضي حتى بلا مااودع اي شخص أنطلقت بهذا ألليل ألبارد واريد الله ياخذ عمري ولا هذا الوجع البگلبي بچیت ودموعي ماوگفت
اعرف انا خذلتها
واعرف ماحميتها
واعرف هي رادتني بگد ما أني ردتها..بس لااا لازم ألحك وساعدها مسحت ادموعي لمن وصلت للكراج
اول ماصعدت السياره وگد مابچیت غفيت مافزيت اله وجهه الصبح وانا بگراج بغداد..
فركت وجهي السياره فارغه ألكل نازل شلت جنطتي والقمصله الچنت متغطي بيها السايق صعد بسياره كتله
-صباح الخير
-صباح النور ترى ماگعدتك شفتك تعبان وتشخر فد مره
الگل نزل وانه تریگت
مسحت عیوني
-رحم الله والديك مشگور
-الشگر لله
نزلت اروح الگراج کربلاء...ولان تعبان اجرت سياره خاصه اليه دفعت احساب أربع نفرات حتى أبقى بيها وحدي...تمددت ورى وجنطتي يم السايق
هم غفيت من الجوع وتعب الجيش والقتال..كل اشوي اتفزز والسايق يتفاجأ من نومتي قبل لا نوصل فزيت
گتله
-خویه منا اخذني
رد
-الله يساعدك كل فزه تفزها تخليني أحس الجنود شگد تعبانین
-الحمد الله
وصلاني ألقطعتي گتله
-نازل هنا ..دفعت حسابي وتمشيت البيتي لساه هيكل يعني شبه كامل طلعت المفتاح فتحت الباب.. سحبت غطا سيارتي صوندت ألماي تجري الهوى بارد سحبت الصونده وخليتها تجري على راسي وجسمي سحبت بطل الزاهي الاغسل بيه سيارتي غسلت شعري بيه وجهي
سبحت بطارمه أبملابسي كملت دخلت الصاله نزعتهم أمبللات وعصرتهم الكاع والسقف والصبغ كاملات بس الشبابيك بلا جام..
غيرت ملابسي الداخليه من جنطتي العسكريه طلعت تراك شتوي نشفت جسمي بردت فد مره بدلت...ملابسي شطفتهن وشريتهن
رگبت السیاره...وطلعت بهداي،اريد اهداء قبل لا اروح البيت أهلي،شو حتى من سبحت نفس الشي،النار تاكل گلبي،أكل قفلت البوب ونطلقت البيت أهلي
وصلت ألبيت أهلي
،ويه وصلتي ،لبست كاسكيته وخليت گلاو الدريس فوك الكاسكيته لبست مناظر نزلت اريد أچذب عيني
هاي الهوسه اليمنا ألمن
..لاااااممعقوله لاااااه مااصدك وگفت سیاره عالیه نزل أخوي نوار بقاط العریس وهندام الزوج نزلت وراه بثواني عروس
آمشي ورافع راسي أدعي
-يارب مو هيه يارب مو هيه يارب موهيه
صرت ورى اقربائناواشوف أخواني ولد عموتي يهوسون هاي أمي تهوس بعبائتها،هاي عمتي،وخالتي
أكو مدرجات موزائيك مسويهن للسيارات حتى يدخلن السيارات للبيت
وهنا من صعدتهن العروس وكع ألبرنص ركضت اختها عدلته تمشیت مثل سگران مضيع گلبي واريده،
دخلت ويه الداخلين ذبحو على رجلها خروف تبعتهم امشي بعدني مامصدگه وارید آچذب نفسي وصلت للصاله كعدو العروس وكعد نوار يم العروس
أايد على چتفي وطسحبتني واعرف هاي ايد ابوي عيوني للعروس
الى ان اجت ام سيد سلمان شالت البرنص واشوفها الاميره الكاعده يم اخوي مهجة گلبي گلبي عصرني عطت بحزن
-لااااا
آید نخلت علی حلگي..دفعني ابويه الغرفته حضني يضيع عملته السوده
-شلونك وانا ابوك
نزعت منظرتي اراوي عيوني شلون وارمه گتله
-هذا لوني اذا يهمك بس ترى انا هم أبنك وقبل الگل رایدها وشاریها واحبها لیش گسرت گلبي تعرفني وعرفتك اشگد احبها ومااگدر دونها
-عیب هذا الحچي
-العيب تستغفلني وتچذب عليه وتغدرني
-شگد صلف‌ صایر جدامي وتحچي هيچ وثانیآ علمود گلبك الخايس تريد سمعتنه بلطين تصير وهسه صارت حرمة اخوك عيب تحچي هيچ
-عيب تحچي عيب،تگول،عیب أتشهر عاااأيفك واشوفك
شنووو تريد تسوي
طلعت وابوي يصيح عليه ونقالي يرن مامصدگ حبیبتي راحت من ايدي ضاعت من ايدي الاحبها ليش يصير بيه هيچ
خطواتي بعد ماشفتها طارق لزم متني،

-تعال نذل مووو ابوي يصيح عليك

انداريت عليه طكيته بوكس بخشمه زنخت ياخته حيل
-لاااااا تغلط فاهم
-اشاقى وياك هذا شقانا شلون
مخليته يسلم طلعت امشي بسرعه حتى خطواتي مااشوفها ومااعرف وين اروح رگبت سیارتي اسوقها سقت بسرعه جنونيه سقت واضرب الستيرن لو اضرب الكرسي نقالي يرن مااجاوب
مره ابويه يتصلون مره اخواني مره سلمان ماافاتح خط كلشي بيه يفور والغيره براسي...وصلت جوه المجسر واشوف سيارة سلمان وراي ماهتميت نزلت يم الشط
صاح سلمان
-السلام عليكم
مارديت
-أشبيييك رعد انا صاحبك
ألتفت اله وگتله
-لو انت صاحبي اريدها منك انت

_شنووو گول؟

وشكر للادمن HH___arzعلى الغلاف