تحميل رواية «عشق الرفاعي 🤍🌸» PDF

اعتذر عن التاخير في النشر تاخرت عليكم هذه المرة وان شاء الله مش هتاخر تاني  🫶🏻

شكرا لدعمكم وكلامكم الحلو في التعليقات ده شجعني جدا   🤍

الفصل 3000 كلمة واحداث نارررر اوعدكم هتستمعوا  🔥🔥

اتمني ليكم قراءة ممتعة.

في السيارة استيقظت جواهر لتجد يداها مكبلتان 

وأعينها مغممة حاولت ان تسمع اي شئ من قولهم حتى تعرف لماذا قاموا باختطافها .

مجهول: شكلها مهمة اوي عند البيه.

مجهول ثاني: بس لو جوزها عرف هنجول على نفسنا يا رحمان يا رحيم ده مبيرحمش حد يجرب من عيلته واصل.

مجهول ثالث: وايه اللي هيخليه يعرف يا غبي انت احنا نقبض الجرشين ونسلم الامانة وملناش دعوة

قاطع كلامهم حركة جواهر التي تسببت في اصوات بحقيبة العربية.

المجهول الاول: شوف لتكون صحيت عاد؟

المجهول الثاني: ذهب ليتفقد اذا كانت قد استيقظت.

جواهر: انتوا مين وعايزين ايه فكونيي.

المجهول الثالث: اسكتي بجى كلامك كتير مش كفاية البطحة اللي يطحتهالك  في راسك عايزه واحدة كمان.

جواهر: طيب انتوا مغميين عيني ليه فكها طيب.

المجهول الاول: اقترب وحقنها بحقنة مخدرة قائلا: اباييي عليكي رغاية ولتاتة.

عند زين كان قلبه يتخبط وهو يستمع لتسجيلات الفيديو التي اظهرت ضرب احد الرجال لها اقسم انه سيجعله يندم على مس احد ممتلكاته الخاصة.

زين: جلال جهز العربيات حالا هنتحرك على طريق الجبل.

بعد ثماني ساعات.

في مكان مظلم باعلى الجبال •

استيقظت لتجد نفسها مكبلة على كرسي نظرت امامها لتجد رجل مقنع ذو هيئة راتها من قبل.

الرجل: اممم اهلا وسهلا اهلا وسهلا.

جواهر: انت مين وعايز ايه؟

الرجل: مش انا اللي عايزه ده جوز حضرتك اللي عايز يخلص منك!

جواهر بعدم فهم: انت بتقول ايه؟

الرجل: زي ما قلت كلفنا باننا نخلص منك.

جواهر: انت اكيد بتكدب!

الرجل: انتي حرة بس مصلحتي ايه اني اكدب عليكي انا معرفكيش اصلا يا روح امك.

خرج ذلك المقنع تاركها بقلب مكسور هل من الممكن ان يكون زين فعل  هذا بها ولكن ما لا تعلمه ان زين سيفقد عقله من شدة قلقه عليها.

بعد نصف ساعة دخل عليها رجل ذو بنية ضخمة.

جواهر:لو سمحت عايزه اخش التويلت.

الرجل:ممنوع.

جواهر:عشان خاطري مش هقدر استحمل اكتر من كده فكني من ايدي بس واقف ليا على الباب.

الرجل: طيب اما نشوف اخرتها.

في الحمام كانت تحل عقد رجليها ومن ثم تسلقت وخرجت من خلال شباك الحمام نزلت ولامست قدميها ارضا خارج ذلك المبني المهجور اخيرا

اسرعت في الجري بسرعه والدموع منهمرة علي وجنتيها وتتخالط مع دمائها الموجودة اثر جرحها في راسها.

دخل راكان الغرفة وهو يضع ذلك القناع ليتفقدها  ولكن لم يجدها.

راكان بغضب للحارس: انت يا متخلف هى فين؟

والله يا بيه في الحمام قالت هدخل الحمام.

راكان: وانت يا غبي مش معاها ليه؟

الحارس: انا وقفت ليها شوية يا بيه بس جيت عشان اجيب حاجة من هنا وهى لسه مطلعتش!

راكان: طيب غور يا متخلف اكسر الباب  وانا هروح انا والرجالة ندور عليها بره وانت عارف لو ملقيتهاش هيحصل فيا ايه لو هو لقاها قبلي غور ربنا ياخذك بغباءك.

كانت مستمرة في الجري حتى اوقفها صوت خشن ادارت وجها لتجد المقنع

راكان: اقفي عندك احسن لك متخلنيش اقتلك حالا ومن ثم اخرج مسدسه من جنبه وثبته ناحيتها.

جواهر: دب الرعب قلبها واخذت الدموع تنهمر

نزلت على الارض معلنة استسلامها.

راكان: كده احسن ليكي برضوا.

مرت ثماني ساعات وهو يبحث عنها كالمجنون كاد ان يفقد عقله هل انشقت الارض وابتلعتها.

بينما في مكان اخر.

راكان: كان يتكلم في هاتفه مع ام ناهد.

راكان: احنا محتاجين نخلص منها عشان مترجعش ليه  وكده كده ده افضل لينا عشان بنتك يفضالها الجو.

ناهد: بس متوصلش للقتل يا راكان.

راكان: ميخصكيش قتل ولا ايه انا هخلص منها بطريقتي مش مستعد انا زين يعرف ويخلص عليا.

ناهد: بس.

راكان: مبسش لو زين عرف حاجة والله لاقوله عنك انتي وبنتك متعمليش فيها الشريفة الطاهرة وحياتك مش لايق عليكي الدور.

في منزل جواهر•

الام: هى لسه مردتش؟

جوري: لا يا ماما لسه!

الام: هى كل شوية هتقلقني عليها انا خايفة اوي يكون حصلها حاجة.

جوري: ربنا يستر ان شاء الله.

في أحد شواطئ الإسكندرية  تحديدا في بيت مهجور تقريباً.

استيقظت لتجده بالغرفة ينظر ناحيتها باستفزاز.

جواهر: عايز ايه مني انت مين موصيك عليا تخلص مني زين؟  سيبني وانا مش هرجع الصعيد تاني وهخليه يطلقني.

راكان: مش ده الحل!

امسك بها ساحبها خلفه ويداها مكبلتان.

راكان: اقفي هنا كده ايوه.

جواهر: انت جايبني البحر ليه هترميني فيه؟؟

راكان: متوقعتش انك ذكية كده بس انا مش غبي ارميكي بس.

اخرج مسدسه وخرجت منه رصاصة سكنت في جسد جواهر ومن ثم دفعها لتقع في البحر.

فعل كل هذا وهو لا يرى ذلك اللذي يصوره.

راكان: من النهاردة هخلص من كل اللي بتحبهم يا زين عشان انا اخذ مكانك لانك مستحقهوش.

♕♕♕♕♕♕♕♕♕♕♕♕♕♕♕♕♕♕♕♕♕

مكبلة ومصابة ولكنها لا تزال واعية بنسبة قليلة حاولت انت تعوم كي لا تغرق في الاعماق  ولكن عندما اقتربت من الشاطئ فقدت كل طاقتها.

♕♕♕♕♕♕♕♕♕♕♕♕♕♕♕♕♕♕♕♕♕

بينما على نفس الشاطئ كان يوجد شاب في اواخر العشرين من عمره ذو جسد طويل وشعر اسود وعيون رمادية كان يتمشي محاولا التخفيف عن نفسه بعد يوم شاق في عمله حتى استقر ناظرة على فتاة في هيئة يرثي لها اتجه ناحيتها بسرعه ليجدها مصابة ومكبلة  تفقد نبضها ليجدها مازالت على قيد الحياة حملها بسرعة متجها لمنزله.

في المنزل •

كان يفعل الاسعافات الاولية لها بسرعة وبحكم كونه طبيبا كان ذلك سهلا لحسن حظها اتت الرصاصة في ذراعها وسبب خدشا بسيطا قام باخراج الرصاصة وعالجها وانتظر حتى تفيق.

بعد ساعتين أفاقت الاخرى واخذت تنظر حولها هى بغرفة اشبه بالمستشفى مُعدة بكل شي.

شردت ولكن قبل ان تنهض اوقفها صوت رجولي بنبرة ناعمة قائلا: متستقويش على نفسك مش هتعرفي تقومي انتي نجيتي من الموت بأعجوبة.

جواهر: وقعت عينيها عليه شاب اقل ما يقال عنه وسيم حد اللعنة نظرت له بتساؤل ثم قالت: انا ايه اللي جابني هنا؟

عُدي: انتي مش فاكرة اي حاجة؟

جواهر:(رجعت بها ذاكرتها لما حدث)  انهمرت دموعها وتعالت شهقاتها مما جعله يقترب ليهديها.

عُدي: اهدي بس عشان متتاثريش انتي حالتك الصحية صعبة؟

عُدي: هو في حد عمل فيكي كده اصل اكيد مضربتيش نفسك بالنار صح؟

جواهر: اه  في حد صوب عليا.

عُدي: يعني هدفه كان يقتلك؟

جواهر: انا مش عارفة مبقتش فاهمة اي حاجة!

عُدي: ولا يهمك بعدين تبقي تفهمي انا هخرج اجيب اجيب جدتي واجي لاحسن هى هاتطق وتشوفك.

ملاحظات*

عُدي الألفي: طبيب ماهر للغاية يعمل بالاسكندرية ويسكن مع جدته من جهة والدته والديه متوفيان  وله اصول صعيدية من جهة ابيه

لا يحب ان يسيطر عليه احد لذلك ترك الصعيد لان جده مسيطر.

جدته: مسنة طيبة تحب حفيدها للغاية وتسكن معه  وهو مُعد غرفة كاملة من اجل رعايتها صحياً ان تدهورت احوالها.

دخلت الجدة ومعها وعاء به حساء اعدت خصيصا لجواهر.

عدي(بمرح ليخفف من حزنها): والعة معاكي ستي عملتلك شوربة انما ايه تحفة.

جواهر(بضحكة خفيفة):  هى فعلا والعة معايا.

الجدة: اسكت يا واد يا بكاش خليها تعرف تاكل.

بعد قليل نهضت الجدة لتاخذ الاطباق للمطبخ.

بينما سالت جواهر عدي بوضوح"صح محكتليش انت انقذتني ازاي وليه مودتنيش مستشفى"

عدي: بصي الصراحة انتي كنت على الشط ومضروبة بالرصاص وايدك مربوطة وحالتك حالة فانا جبتك هنا وعالجتك.

وجبتك ليه امم عشان متسالش مليون سؤال انا مش عارف اجابته زي مين دي وايه اللي حصلها وكده واديكي شايفة انا حتى معرفش اسمك وانتي متعرفيش اسمي

  عامةً: أنا دكتور عدي الألفي.

جواهر: اتشرفنا انا جواهر.

عدي: هسيبك بقى ترتاحي شوية.

جواهر: شكرا يا عدي لولاك من بعد ربنا كان زماني ميتة. جميلك مش هنساه طول عمري.

عدي غمز قائلا: في اي وقت يا جواهر مستعد اساعدك.

خرج من غرفتها وعلى وجهه بسمة لا يعرف سببها هو دوماً قليل التحدث مع النساء مثل زميلاته في العمل ولكن هى اول من يتحدث معها براحة  قاطع افكاره  صوت جدته .

وهى تقول: اممم سرحان في ايه؟ 

عدي: ولا حاجة!

جدته: ولا حاجة برضوا بس عندك حق البنت قمر.

عدي: لا يا ستي انا مبفكرش في الموضوع ده وانتي عارفة.

جدته: هنشوف.

في فيلا إياد الشرقاوي•

استيقظ اثر اتصال من ابيه  ليرد بنعاس: الو؟

صبري:  إياد جهز نفسك انتي ومرام معزومين على العشاء النهاردة عايز اتكلم في موضوع مهم!

إياد: حاضر يا صبري بيه انت تؤمر!

استيقظت الاخرى بنعاس وقالت: صباح الخير يا إياد.

إياد: صباح الخير يا روح قلب إياد.

إياد: ايه الحلاوة دي ها؟

مرام: اياد قوم يلا عندك شغل.

إياد: الشغل يستنى يا دكتورة أنتي لأ!

مرام: صح مين كان بيكلمك؟

إياد: بابا بيقول معزومين على العشاء عندهم هاجي اخذك بالليل عشان نروح سوا.

مرام: تمام هخلص شغل واجي اجهز.

في مكتب إياد بقسم الشرطة•

دخل عليه زين كالصاعقة.

إياد: في ايه يا ابني مش تقول احمم او دستور حتى.

زين: جواهر اتخطفت وملهاش اثر وقلبت عليها الدنيا مش لاقيها.

إياد: اهدى طيب وان شاء الله هنلاقيها انا هكفل فريق يبحث عنها في المستشفيات هنا وانت دور في الصعيد اصل هتروح فين غير كده.

زين (بغضب): بقلك اتخطفت مش هربت انا قلقان يكون حصلها حاجة اوي.

إياد: توترك مش هيفيد وبعدين طالما بتحبها رايح تتجوز ناهد ليه.

زين: يوههه ناهد ناهد كان يوم مهبب يوم ما فكرت اتجوزها.

في فيلا إياد •

كانت تضع اللمسات الاخيرة على نفسها ورشت من عطرها لتتناثر رائحته التي يعشقها في الغرفة.

إياد: كان يراقبها باستمتاع وهى تستعد للعشاء.

ومن ثم ردف قائلا: مش عيب الشياكة دي كلها الناس تفتكرك مدلعاني وانا لسه منولتش الرضا.

مرام: لما اتطمن يا إياد انك اتربيت.

إياد: امتى بقالنا كتير متجوزين وولا كأننا اتجوزنا.

مرام(بتوتر): متقنعنيش انك اتجوزتني عشان كده انت اتجوزتني عشان ترضي غرورك لما احس بغير كده ابقى اشوف ويلا عشان اتاخرنا على العشاء ولا ايه.

إياد: اقترب منها حتى احست بانفاسه الساخنة ثم هتف قائلا:  انا لو متجوزك عشان ارضي غروري كنت طلقتك من زمان يا مرام.

اسرعت الاخرى خارج الغرفة حتى تهرب من كلماته.

في فيلا صبري الشرقاوي.

كانت يجلس على مائدة الطعام يترأسها وبجانبه زوجته وابنته والعديد من الاقارب.

دخل إيام ممسكا مرام من يديها.

ليهتف ابيه قائلا: اقعد يا إياد.

نظرات متتالية من مها تحمل الحقد لهما كان من المفترض ان تنال هى بنعيم هذه الحياة ليست مرام.

صبري: احم انا جمعتكم عشان اقول اني قررت اعمل فرح لمرام واياد بما ان هما اتجوزوا ببساطة اوي ومعظم الناس متعرفش ف قررت اعمل فرح كبير وجايبك هنا عشان اعرفكم ان الفرح اول يوم في الشهر الجاي  وبما انكم اهلي لازم تكونوا اول من يعلم.

نظرت ام اياد ناحيته نظرات فهمها جيدا(وكانها تقول ما اللذي تفعله يا صبري بحق الجحيم)

بينما مها وامها ظهرت عليها ملامح التوتر.

نهى(اخت إياد):  ألف مبروك يا إياد وهو كده احسن عشان محدش يفكر يفرق بينكم.

مرام نظرت بفرح لإياد وسعادة لم تستطع هي  ان تفهمها.

بينما إياد نهض ممسكا يديها قائلا شكرا يا حاج على الاخبار الحلوة دي استاذنكم بقى  انا ومرام عندنا موضوع مهم نتكلم فيه.

في المطبخ•

إياد: متوقعتش فرح يفرحك او كده.

مرام: وليه لا كده هضمن اني مراتك قدام الكل.

إياد: اقترب منها حتى التصقت في احد رخامات المطبخ ثم قال: لو كنت عارف ان ده هيفرحك كنت عملته من زمان يا دكتورة.

ومن ثم طبع قبلة خفيفة على خدها.

نظرت مرام في عيونه بخجل واضح.بينما الاخر كان سيقبلها مره اخرى حتى قاطعهم دخول  ام إياد.

دفعته مرام بعيدا وحمحمت بحرج.

الام: بتعملوا ايه؟

إياد: ولا حاجة ولا حاجة يا امي.

خرجت الام وهى تكتم ضحكتها من الخروج: فقد ادركت اخيرا ان ابنها يعشق هذه الفتاة. وربما تكون انسب له من مها.

في إحدى الكافيهات بالقاهرة•

كان ينتظر زايد وصول ملاكه بفارغ الصبر. حتى دخلت للكافية بطلتها المعتادة.

جوري: اتاخرت عليك معلش عندنا ظروف في البيت وقلت يمكن انت تعرف حد يقدر يساعدنا.

زايد: لا براحتك انا اول مقلتيلي اقاباك مصدقتش نفسي.

جوري: هو يعني اختي بقالها يومين مش ظاهرة واحنا قلقانين عليها.

زايد: متقلقيش انا عارف ناس كتير ظباط اخويا ذات نفسه ظابط ويقدر يساعدني اديني بس مواصفاتها واسمها او كده

جوري: دي المواصفات وشكرا يا زايد اوي.

زايد: قوليها تاني كده؟

جوري: شكرا؟

زايد: لا زايد!

جوري(بحرج): احمم انا همشي بقى.

في مكتب زين الرفاعي•

ها يا زايد عايز ايه مش فاضي؟

زايد: كنت عايز ابلغ عن اختفاء واحدة.

زين: واحدة مين؟

زايد: هى مواصفاتها....

لم يكمل كلامه حتى قاطعه رنين هاتف زين.

زين: الو؟

جلال: يا بيه احنا لقينا اللي عملوا كده في ست جواهر.

زين: طيب انا جاي يا جلال سلام.

خرج سريعا تاركا اخيه في حيره من امره.

في بيت عدي.

دخلت غرفة جواهر ليطمئن عليها.

جواهر: ياه اخيرا افتكرت ان في عيانة هنا.

عدي: اليوم كان مليان شغل اعذريني بقى.

جواهر: عايزه فون اكلم ماما اطمنها اني بخير لو تقدر.

عدي: متقلقيش انا اصلا مبلغ عن اني لقيتك ومواصفاتك وكل حاجة في القسم عشان مالبسش مصيبة هههههه.

جواهر: اه يا ندل انا مصيبة عامةً شكرا مقبولة منك انت انقذتني بقى.

عدي: المهم ده فون جديد جبته ليكي خدي كلمي اللي تعوزيه بهزر معاكي.

جواهر: تمام شكرا يا عدي هردلك كل ده بس افوق الاول.

عدي: احمم هو يعني محتاج اغيرلك على الجرح.

جواهر:  اهه تمام شوف شغلك.

اخذت تراقبه وهو يحضر ادواته.

ومن ثم اقترب ناحيته واخذ كرسي ليجدد ضمادة جرحها.

توترت قليلا من قربه شعرت وكأن دقاب قلبها تتسارع ولكن حاولت الا تظهر ذلك.

عدى: اهو خلصنا يا ستي.

في بيت جواهر•

جوري: ماما بصي بسرعة جواهر بعتتلي رسالة بتقول انها انتقلت لفرع الشركة في الصعيد وهتقعد شوية وهترجع.

الام: الف شكر ليك يارب احميها واحفظها.

جوري ذهبت لغرفتها سريعا واتصلت على زايد لتخبره بان يوقف البحث عن اختها.

زايد: تمام يا جوري  انا هخليهم يبطلوا كل حاجة قال كلماته تلك وهو يضحك بداخله ف اخيه لم يستمع له حتى.

في الصعيد باحد المخازن المهجورة •

زين: هتتكلموا ولا اخلي الرجالة تشوف شغلها معاكوا.

احد الرجال: يا زين باشا احنا عبد المامور  خطفناها واديناها لباشا منعرفش اسمه ولا شكله وهو اللي عمل كل حاجة بعد كده

زين: وانت بقى اللي ضربتها صح؟

الرجل بخوف: ايوووه.

زين:لم يرد بكلمه ولكنه رد بيديه التي نزلت ضربا في ذلك الرجل حتى جعل وجهه خريطة تقريباً.

خرج من المخزن مردفا: جلال العيال دي تتربي لحد ما تقول مين اللي وراهم انت فاهم.

جلال: حاضر يا بيه.

في ثرايا الرفاعي•

ناهد: بس يا ماما لو زين عرف اني اللي ولعت بيها الاوضه.

الام: وهو هيعرف منين ادعي بس انه ميعرفش اللي راكان عمله لان راكان لو وقع هنقع كلنا.

ناهد بخوف واضح: ربنا يستر.

وصل زين للثرايا ودخل وتظهر عليه كل ملامح التعب.

الجد: كنت فين كل ده محتاجينك في تجهيزات فرحك!

زين: مفيش فرح!

الجد: ايه الكلام الماسخ اللي بتقوله ده؟

زين: زي ما قلتلك مفيش فرح غير لما الاقي جواهر وترجع.

الجد: وهي ست جواهر فين ان شاء الله.

زين: اتخطفت وقريب اوي هعرف مين ورا الموضوع ده ومش هرحمه.

زينة(بخوف): الكلام ده صح يا زين اتخطفت بجد؟

زين: ايوه وياريت تسيبوني بقى انا تعبان منمتش بقالي يومين.

الجدة: اطلع ارتاح يا حبيبي وان شاء الله  تلاقيها.

في غرفة زينة •

عثمان: مالك يا زينة بس؟

زينة: خايفة اوي على اخويا انت متعرفش بيحبها ازاي!

عثمان: متزعليش روحك ان شاء الله هيلاقيها انت كلي واتغذي عشان اللي في بطنك.

زينة: مليش نفس يا عثمان مليش نفس.

عثمان: ازاي بس انا خليتهم يحضروا الاكل ليا وليكي وانا مش هاكل لوحدي يرضيكي اكل لوحدي؟

زينة: خلاص هاكل معاك متزعلش انت كمان.

عثمان: انتي عارفة ساعات بغير من زين لان بتحبيه اوي.

زينة: ههههه متقلقش بحبك زيه ويمكن اكتر كمان.

في غرفة راكان استيقظ على وصول رسالة من رقم غريب فتحهها ووجد فيها ما لم يتوقعه

نهض بسرعة واخذ يفرك عينيه غير مصدق.

رسالة من مجهول"تفتكر الفيديو ده لو نزلته على النت يجيب كام مشاهدة او تفتكر لو بعتته لزين بيه ويعرف ان ابن عمته هو اللي قتل مراته! ".

راكان: انت مين؟

المجهول: ههههه انت متعرفنيش فكر شوية كده يمكن تعرف.

في غرفة زين •

استيقظت على رنين هاتفه.

زين: الو رافت بيه وصلت لحاجة؟

رافت: انت محظوظ يا زين ان انا صاحبك حقيقي فخور بنفسي تخيل في حد مبلغ عن نفس مواصفاتك دي في القسم بتاعنا في اسكندرية ف تعالى باسرع وقت وانا هديك عنوانه وكل حاجة.

زين: حقيقي شكرا يا رافت وانا مسافة السكة وهكون عندك.

في منزل عدي•

دخل المنزل وسمع ضحكات عالية بين جواهر وجدته  دخل الغرفة عليهم وهو يتأمل جواهر فقد اعتاد وجودها يريد لو انه لم يبلغ عن اختفائها ماذا لو عثرت عليها عائلتها هل ستتركه إذا كأنهم لم يروا بعضهم.

جواهر: تعالي يا عدي كنت لسه بقول لتيته تخرجني البحر شوية عيب اكون في اسكندرية ومخرجش

عدي: بس ده خطر عليك لانك لسه ماتحسنتيش.

جواهر: متحسسنتيش اني ميتة يعني بالله عليكم عايزه اخرج للبحر.

عدي: طالما انت مصرة طيب هيجب ليكي لبس من عند ستي بقى.

جواهر: تمام.

بعد قليل خرجت و هى ترتدي ملابس جدته التي كانت كبيرة عليها.

عدي نظر لها ولم يستطح كبح نفسه من الضحك.

جواهر يلا بقى متضحكش انا شكلي مش وحش للدرجة.

عدي: بنبرة ناعمة: مين قال وحش ده اجمل وحش بقى!

على الشاطئ•

جواهر: تفتكر اقدر اسافر امتى بالنسبة لحالتي الصحية؟

عدي: انتي عايزه تمشي اصلا  ليه طيب؟

جواهر: هههه اكيد هعوز امشي اهلي قلقانين وقلتلهم اني بشتغل عشان ماما متقلقش زيادة.

عدي: مش عارفة مكنتش عايزك تمشي.

جواهر(توترت من نبرته تلك): متقلقش يا دكتور لما امشي هفتكرك وبعدين هنفضل صحاب مش انت معتبرني صحبتك؟

عدي: ليا الشرف يا سنيوريتا.

جواهر: هههههههههه

جواهر: البحر جميل اوي وحياتك جميلة عايش رايق بيتك على البحر على طول.

عدي: احسديني بقى!

قاطعهم وصول عربيات كثير واصطفافها اماهم.

جواهر: ده ايه ده؟

عدي: هنشوف دلوقتي تعالي بس خليكي ورايا لاحسن يكونوا عصابة ويخطفوكي ههههه.

نزل جلال وبمجرد ان راته جواهر حتى اختفت الدماء من وجهها.

جلال تقدم نحو عدي قائلا: انت عدي؟

عدي: ايوه في حاجة.

جلال: مش هقدر اقولك هو هيقولك.

عدي: هو مين؟

حاولت جواهر اخفاء نفسها وراء عدي.

بينما نزل الاخر من سيارته بغرور لا يليق الا به تقدم قائلا: انت بلغت عن واحدة اسمها جواهر بالمواصفات دي وقلت انها عندك صح؟

عدي: ايوه حضرتك مين وعايز ايه؟

زين: انا اكون سيادة المقدم زين الرفاعي.

عدي: الرفاعي؟

زين: ايوه وانتي بقى عدى الألفي صح؟

عدي: ايوه ومتوقعتش اشوفك هنا يعني.

زين: لا توقع لاني جاي اخذ مراتي!

عدي (بعدم فهم): مراتك مين يا زين انت اتجوزت؟

جواهر: خرجت من خلف عدي قائلة: مراته دي تبقى انا يا عدي.

عدى (بصدمة): ازاااي.

زين(رفع حاجبيه محاولا امساك اعصابه فهى تنطق اسمه رجل اخر الان): انتي كنتي فين يا جواهر وايه اللي جابك اسكندرية؟

جواهر: شئ ميخصكش جاي ليه عايز تتاكد اني متت؟

زين: وانا هكون عايزك تموتي ليه؟

عدي: طيب تعالوا نتكلم جوا اظن الكلام هنا مش مناسب.

زين: اسكت يا عدي ومتدخلش بيني وبين مراتي.

عدي:والله مراتك دي تكون مريضة عندي ومسؤل عن سلامتها ومينفعش تقف هنا في البرد كتير بعد ما اتضربت بالرصاص واترمت في البحر.

زين(بقلق):مين عمل كده وانت عرفت منين؟

جواهر: يا راجل مين عمل كده على اساس ان مش انت اللي مدي الاوامر  انهم يقتلوني؟

زين: اوامر مين وايه دخل القتل؟

سحب عدي جواهر من يديها امام ناظري زين واتجه بها نحو منزله بينما زين تبعه ووراءه رجاله.

زين: استني عندك يا عدي قلتلك متدخلش بيننا؟

عدي: انت عايزني اسيبها ليك بعد ما انت اللي كنت عايز تقتلها؟

زين: وانت مين قالك ان انا انا معملتش كده عشان دي مراتي وعمري ما هافكر اني ااذيها.

جواهر: وايه اللي يثبتلي ابعد عني يا زين وطلقني!

زين: لو سمحت يا عدي سيبني انا وجواهر لوحدنا شوية.

عدي: لا مش هسيبها معاك لوحدكم.

زين: اخرج مسدسه ووجه في وجه.

جواهر(بخوف): وقفت بينهم قائلة زين اوعي تعملها ومن ثم التفتت لعدي وقالت: خلاص يا عدي سيبنا هشوف اخرتها معاه ومتقلقش انا بخير.

زين: انت مين قالك اني انا اللي مدي اوامر انا كنت بدور عليكي زي المجنون في كل حتة وكل ثانية خايف تضيعي مني.

جواهر: وايه اللي يثبتلي ده.

زين: عشان اثبتلك تيجي معايا الصعيد!

جواهر: ليه؟

زين: منغير ليه هتيجي معايا وخلاص وملكيش دعوة بعدي تاني.

جواهر: اللي انت بتقلي مليش دعوة بيه ده كنت هموت لولاه هو اللي انقذني واوعي تتكلم عنه كده تاني.

زين: جواهر متتعديش حدودك!

جواهر: انت اتعديتها ليه مينفعش انا اتعديها كمان ولا عشان انت ابن الرفاعي الراجل وكده.

زين: لم يرد عليها ولكنه حملها وخرج بها تحت انظار عدي.

عدي: زين سيب جواهر رايح بيها فين؟

زين: اظن ميخصكش دي مراتي واه ابقي روح لجدك الصعيد في مرة وعقله عشان جدي اخر ما هيزهق هيوريه وش مش حلو.

عدي حاول منعه من الخروج بها ولكن رجال زين وجهوا اسلحتهم نحوه.

جواهر: خلاص يا زين هاجي معاك  وانا اسفه يا عدي على المشاكل دي كلها وانت يا زين قوليهم ينزلوا الاسلحة.

زين: اشار لجلال وخرج بها خارج المنزل

يتبع........

مين اكثر كابل حبيتوهم سيبولي رايكم في كومنت!

ويا ترى ايه السر بين عيلة الألفي وعيلة الرفاعي؟

وهل جواهر هتصدق زين فعلا؟

وهل فرح إياد هيتم بسلام ولا هيحصل مشاكل؟

سيبولي توقعاتكم في التعليقات ولو عجبكم الفصل متنسوش تصوتوا ليه!

اعتذر عن التأخير بالنشر سأحاول أن أنشر بانتظام ولكن كنت مشغولة في الآونة الأخيرة عسلاتي. ❤

بارت 3000 كلمة مدمر😍😍😍😍

الفصل ملئ بالأحداث المهمة🔥 تابعوه للنهاية حتى تفهموا أحداث القصة جيدا واتمني لكم قراءة ممتعة 💚

في سيارته •

كانت تجلس وعلى وجهها كل معالم العبوس وعدم الرضاء  والاخر يجلس بجانبها في المقعد الخلفي من السيارة.

زين: مين قالك ان ممكن اعمل كده فيكي اكيد عايزين يقنعوكي بكده عشان تبعدي ويجوزوني ناهد.

جواهر: انت اللي قلت انك هتتجوز ناهد محدش غصبك وبعدين انا مبقتش بثق فيك انا بقيت مقروفة منك ومن عيلتك.

زين: جواهر إلزامي حدودك!

جواهر: ده كان زمان اما أنا هتطلق منك يا زين وهتشوف.

زين: وأنتي عايزه تطلقي عشان تتجوزي عدي؟

جواهر: إيه اللي أنت بتقوله ده أنت مجنون؟

عدي أنقذ حياتي.  ثم إنه إزاي تشك فيا كده.  وبعدين انت مالك مش انت هتتجوز ناهد.

زين: جوازي من ناهد شئ وأنتِ شئ تاني!

جواهر: على جثتي أفضل على زمتك وأنت هتتجوزها.

زين: هنشوف يا جواهر هنشوف. قال أخر كلماته ومن ثم أمسك بيدها بقوة رغماً عنها.

في سرايا الرفاعي •

اصطفت السيارة معلنة عن وصول الحفيد المفضل.

كانت نائمة تقريباً لذلك حملها بين يديه  .  وهبط من سيارته  .

في ذلك الوقت كانت تنظر لهم من شباك غرفتها وعيناها مليئة بالحقد أقسمت أنها ستأخذه منها  ولكن جزء من قلبها قد ارتاح لان تلك الفتاة لم تمت

خرجت أمها قائلة: جواهر طلعت عايشة يا ناهد.

ناهد: كويس ياما عشان أنا هوريها النجوم في عز الظهر.

أما في الاسفل •

نزلت زينة مسرعة لتطمئن على أخيها اللذي بدا وجهه شاحباً.

زينة: ألف حمدالله على سلامة جواهر وسلامتك يا زين أطلع أرتاح شوية.

الجد: ايوه يا زين يا ابني اطلع ارتاح  وخلي جواهر هتنام في اوضة الضيوف وانا هخلي بالي منها.

زين (بحزم): تنام في أوضة الضيوف ليه يا جدي هى مش مراتي يبقى تنام معايا في اوضتي.

رسيل(بضحكة حاولت منعها): ايوه عندك حق يا اخوي.

زين: انا تعبان ومش عايز نقاش  وهطلع انام.

في غرفته بجناحه الخاص •

وضعها برفق على السرير وذهب ليغير ملابسه لينام.

في صباح اليوم التالي •

كانت نائمة تحتضنه وبين وجهها ووجه سنتيمترات حتى أصبحت أنفاسهما واحدة تقريبا.

استيقظ الاخر لينظر اليها غارقاً في تأمل معالمها.

بينما الاخر قد استيقظت ودفعته بعيدا عندما رات قربهما.

زين: الناس بتقول صباح الخير.

جواهر: انا ايه اللي جابني هنا.

زين: اقترب ناحيتها وهمس "دي اوضة جوزك يعني اوضتك يا جواهر".

جواهر(بخجل حاولت إخفاءه): لا دي هتكون اوضة ناهد يا حضرة الظابط انا وانت مش هنكمل صدقني.

زين(بتحدي): بلاش تقولي كلام انتي مش قده يا حرمي لاني على جستي اطلقك.

ثم ردف قائلا" جهزي نفسك الفرح بكره وطالما انتي مش فارق معاكي اعتقد مش هتزعلي"

جواهر (بدموع حاولت حبسها): انت مقلتش ايه اللي يثبتك انك محاولتش تقتلني؟

زين: اخرج هاتفه وفتحه على فيديو ظهر فيه كلامهم وبحثه عنها.

زين: تقدري تسالي زينة انا قلقت عليكي قد ايه؟

جواهر: وتقلق عليا ليه مش انت هتتجوز ناهد وفر قلقك ليها يا زين بيه.

قاطع حديثهما طرقات على الباب معلنة وصول زينة.

خرجت جواهر لتفتح بسرعه.

زينة: صباح الخير يا حبيبتي.

جواهر: صباح النور يا زينة.

زينة: الفطور جاهز تحت يلا عشان تفطروا.

جواهر: خمس دقايق ونازلين يا زينة.

دخلت لتغير ملابسها وخرجت بفستان طويل ابيض مزركش ومحدد من ناحية الخصر برز معالمها بشكل فاتن.

أما الاخر فأخذ ينظر لها مسحوراً ثم تنحنح وقال انتي لابسه ايه يا جواهر؟

جواهر: فستان طويل فيه مشكلة كمان؟

سحبها الاخر من خصرها قائلا"انتي هتستهبلي يا جواهر وهو ضيق كده ليه. انتي فاكره نفسك متجوزة مين. فوقي انا زين الرفاعي"

حاولت نزع يديه من على خصرها مما جعله يمسك بيديها باحكام ويحصرها بينه وبين الحائط.

تسارعت أنفاسها من قربه الملحوظ وحاولت ان تخفي توترها.

زين: امممم هتغيري الفستان ده يا جواهر ولا؟

جواهر(بعناد):ولا إيه؟

زين: نظر لها نظرة طويلة متفحصة جعلتها تشعر وانها مكشوفة ثم في حركة غير متوقعة

باغتها بقبلة قاسية أفقدتها توازنها.

ولكن سرعان ما حاوت ابعاده عنها ثم اخذت تلتقط انفاسها.

جواهر: انت مين سمحلك تعمل كده؟

زين: هو لازم استاذن وانا ببوس مراتي؟

جواهر: متستهبلش يا زين.!

زين: انا هنزل وعايز ابقى اشوفك لابسه الفستان ده وصحيح ابقى فكريني اقطعلك لبسك ده.

في الأسفل على مائدة الطعام •

كان الجميع متجمعون  والاصوات تتعالى ولكن صمت الجميع بمجرد نزوله بهيئته المعتادة متزامنا مع نزول جده.

الجدة: صباح الخير يا زينة الرجال.

زين: صباح النور يا احلى واحدة في الصعيد كلاتها.

عثمان: خلاص بقى يا زين عشان جدك بيطلع دخان من ودانه.

كان يتكلم مع عثمان حتى شعر وكأن الطعام وقف بحلقه فقد نزلت هذه المرة ولكن بفستان اقصر من الاخر باللون الأزرق القاتم اللذي لائم بشرتها

شعر بالدماء تتصاعد في رأسه وحاول كبح غضبه ولكن بدون فائدة.

بينما الاخرى نزلت بخطوات ثابتة وبهدوء مصطنع وبداخلها الخوف يأكل قلبها.

نظرت زينة بصدمة ثم التفتت لاخيها فهى تعلمه جيدا  وتقسم انها لم تراه بهذه الحالة من قبل.

جواهر: صباح الخير.

ناهد: وهيجي منين الخير بلبسك ده؟

جواهر: كانت سترد ولكن قاطعها وهو ينهض ساحبها ورائه خارجا.

جواهر لم تتكلم فهى تعلم جيدا ماذا فعلت!

فتح باب سيارته بعنف والقى بها داخلها  ومن ثم قاد سيارته بجنون.

جواهر: زين هدى السرعة شوية كده هنموت زين زينننن.

زين: لم يرد عليها ولكنه زاد من سرعة سيارته

أوقف سيارته أخيراً أمام بيت  يملكه في قريته.

جواهر: انت هتعمل ايه يا زين؟

زين: انا قلت الفستان ميتلبسش روحتي لبستي اقصر منه واضيق؟

جواهر: أ. أن.. اا.

زين سحبها بعنف من السيارة مما جعل يديها تُجرح  ودخل بها البيت اغلق الباب والقى بها على الارض.

زين: انا احترمت رغبتك وملمستكيش رغم انه حقي ودورت عليكي زي المجنون  ووقفت ضد كله عشانك بس من النهاردة هتشوفي وش تاني يا جواهر بكره هتجوز ناهد وانتي اول الحاضرين ولو فكرتي تخلصي على نفسك هلحقك عشان تموتي مليون مرة وانتي عايشة من قهرك 

انتي بتعملي كل ده عشان بحبك يعني؟

انا بقى هوريكي الحب ده ممكن يعمل فيكي ايه.

تركها وذهب للداخل اما الاخرى فكانت تبكي على الأرض فقد انهمرت دموعها واحدة تلو الاخرى (تعلم ان ما فعلته خطأ ولكن فات الاوان)

خرج الاخر باحد الجلابيب وسحبها لتنهض والبسها ذلك الجلباب.

جواهر مسحت دموعهابسرعة وقالت (بعناد): ايه ده

زين: كلمة كمان وشايفه المسدس ده هيسلم على راسك.

خرجوا من المنزل

وهى ترتدي ذلك الجلباب.

مما جعل أنظار الناس تلتف حولها.

زين: اللي هيبص هفرغ العيار كله في رأسه.

سرعان ما ذهبت معظم الناس من أمامهم فهم يعلمون جيدا من هو زين الرفاعي.

في الإسكندرية تحديدا بمنزل عُدي الألفي•

الجدة: مالك يا عُدي من ساعة ما جواهر مشيت وحالك مش عاجبني.

عُدي: أصل دي مش أول واحدة أحبها وزين ياخذها.

الجدة: انسى اللي فات انت عارف ان ناهد مكانتش مناسبة ليك غير انها طماعة وامك موافقتش عليها وبعدين انسى الصعيد كلها اللي طردتك انت وامك عشان هى مش منهم

عُدي: أنا هنزل الصعيد يا جدتي.

الجدة: وتنزل ليه فاكر نلهد هتستناك.

عُدي: ناهد هى كمان باعتني انا هنزل عشان اخذ منه جواهر هو ميستحقهاش.

الجدة: متلعبش مع زين يا عُدي وافتكر جدك زمان لما حاول يقف ضد الرفاعي ايه اللي حصل

*flash back

الرفاعي كان لسه في شبابه معروف انه قوي وكلمته سيف  وحصل نزاع بينه وبين الالفي على ارض وحصل خصومة كبيرة وده اللي خلاه يجبر شريف ينفصل عن بنته.

بس بنته مقدرتش تمنع حبها وهربت هى وشريف واسسوا اسرة وبعد كده العيلتين اتبروا من البنت وشريف.

*back

الجدة: من ساعتها وعمرنا ما سمعما عن عمك او عن مراته  واديك شوفت جدك عمل ايه لما ابوك جه ومعاه امك قاله ان الست دي متقعدش في بيته وعايز يتجوزها يتجوزها برا مش هنا.

عدي: عشان كده انا بكرهه وعمري ما هسامحه عشان ذل أمي كتير.

الجدة: المكتوب مكتوب يا عدي واللي حصل حصل وامك وابوك ربنا افتكرههم وجدك حاول كذا مرة انك تسامحه وتغفر ليه وترجع بحكم انك اول حفيد ولد للعيلة بس انتي رفضت  كذا مرة جاي دلوقتي وتقول عايز ترجع؟

عدي: كده كده هرجع يا جدتي لازم ارجع البيت اللي  امي اتزلت فيه لازم يعرفوا ان ابنها هو اللي هيكون كبيرهم.

في القاهرة تحديدا في ڤيلا إياد الشرقاي•

في غرفته •

كانت تتململ في احضانه وتتقلب  وهو يحتضنها بقوة كادت تكسر ضلوعها.

فتحت عينها لتجد نفسها بداخل احضانه وهو يناظرها بأعين عاشقة.

مرام: صباح الخير يا حضرة الظابط.

إياد: صباح النور يا أحلى دكتورة في الدنيا فاضل أيام يا مرام.

مرام:احمم ايوه.  بس أنا قلقانة من اللي جاي يا إياد خايفة.

إياد: طول ما أنا معاكي أوعي تخافي يا مرام.

مرام: مش هعرف اصدق من غير افعال يا إياد انت مش فاكر شكيت فيا ازاي؟

إياد: إنسي يا مرام اللي فات ونبدأ صفحة جديدة.

مرام:هحاول بس موعدكش.

في أحد اشهر متاجر تصميم فساتين الزفاف.

كانت مرام بالبروفة تجرب الفستان الذي اختارت تصميمه فقد تعلق قلبها به.

خرجت بالفستان الذي جعلها كالاميرة..

إياد: اقترب منها مسحورا ثم قال قمر كالعادة يا مرام.

مرام: احم كده اتعود على دلعك يا حضرة الظابط.

بينما في القاهرة في أحد الأحياء البسيطة.

تحديدا بغرفتها كانت في حلم اشبه بالحقيقة بل هو حقيقتها.

"أترضين بشريف الالفي زوجاً لك على سنة الله ورسوله"

"نعم أقبل"

"عثمان هيفضل هنا ومتفكريش تاخديه معاكي"

"أنا مش هقدر استغني عنك تعالي نهرب ونسيبهم"

"ليه ندفع تمن غلطة مش غلطتنا"

"عمرهم ما هيفرقونا"

"لو خرجتي من هنا معاه تبقي لا بنتي ولا اعرفك"

"لو اخترت بنت الرفاعي تنسى ان عندك اب وليك نسب وحسب"

استيقظت بفزعة  واخذت تهدئ نفسها ف ها هو الحلم يتكرر كل يوم.

سألت نفسها هل سامحها والدها؟

ولكن ما الذنب الذي ارتكبته؟

هى دافعت عن حبها وزواجها وقدمت تضحيات من اجل ذلك تركت قطعة منها اول فرحة لها لهم لا تدري هل كبُر هل يتذكرها؟ هل يحبها؟ هل نبذوه؟

وهل قبلته عائلة والده؟

توقفت عن التفكير عندما دخلت عليها ابنتها بسرعة..

جوري: ماما انتي بخير؟

طول الليل عمالة تهلوسي باسم بابا انتي كويسة؟

الام: انا بخير متقلقيش.

حمزة: هو مين عثمان؟

الام: صمتت وكأن القط اكل لسانها هل تقول له انه أخيه الذي تركته وهو لم يكمل السنتين؟!

جوري: بلاش اسئلة يا حمزة كتير  ماما تعبانة.

الأم: جواهر لسه مرجعتش أنا مش عاجبني شغلها في الصعيد مصر واسعة ومخلصتش يعني.

جوري: بلاش قلق زايد هى بخير لسه متطمنة عليها وبعدين هى بتشتغل يا ست الحبايب مش بتلعب ولو عايزه تروحيلها تعالي.

الام: لا ومحدش هيروح وهى هترجع.

جوري(بعدم فهم): ان شاء الله خير اهدي انتي بس

في اليوم التالي•

تحديداً في الصعيد كانت السرايا مزدحمة بالعمال يجهزون هنا وهناك والجد يتابعهم باهتمام

بينما في بيت خالة زين كانت ناهد في غاية الفرحة ترتدي فستان زفاف وتلف شريطة حمراء على خصرها والفتيات يداعبونها وهم يضعون لها زينة وجهها.

أما عند جواهر •

كانت في غرفتها عيناها منتفخة من بكاءها فرغم ما تبديه من قوة هى تدري أنها مجروحة وبقوة.

لم تجف وسادتها من دمائها حتى نظرت ليديها ونزعت خاتم زواجها منها وهى تقسم انها سوف تندمه اشد ندم.

اما عند زين

كانت امه بجواره تظبط ملابسه وتبخره قائله: خمسة في عين الحاسود طالع جمر يا زينة الرجال.

زين(التفت نحو زينة قائلا): جواهر مخرجتش من اوضتها؟

زين:(بتردد): لا يا زين كانت نايمة ولما صحيت قالت هتندلى كمان شوية.

زين(بغضب): روحيلها يا زينة وفهميها انها مش بتلوي دراعي وان لو منزلتش بالزوق انا هطلع انزلها.

الام(بضيق): متشغلش بالك بيها عايزاك تركز مع ناهد وبس الليلة.

زين: حاضر ياما حاضر.

الام: مجهزالك ليلة عسل معاها.

زين: لما الفرح يعدي الأول ياما.

في غرفة جواهر•

نهضت من على السرير وذهبت ناحية الخزانة اخرجت منها عباية بدون اهتمام وارتدتها قاصدة اخفاء نفسها تود لو انها رفضت ان تاتي منذ البداية.

كانت تضع بعض اللمسات على وجهها حتى قاطعتها طرقات زينة لتأذن لها بالدخول.

جواهر: أدخل.

زينة: يارب ماكونش قاطعتك

جواهر: لا ولا يهمك كده كده هنزل دلوقتي.

زينة: كويس زين على اعصابه وعايزك تنزلي.

جواهر: ايه الجديد من ساعة ما عرفته وهو كده مُصر يكسرني.

زينة: تقدري تنهي كل ده هاتيله عيل وجدي هيرضى وزين بيحبك وهيسيب ناهد.

جواهر: وضعنا مختلف يا زينة وزين واخد ناهد عند فيا.

زينة: خايفة عندكم يوصلكم لحاجة وحشة.

جواهر: هو بيحب ناهد  بجد يعني كان عايز يتجوزها؟

زينة: لا بس من زمان وناهد بانية كل امالها عليه بحكم انه  هيكون كبيرنا وكلمته سيف على الكل.

نزلت جواهر وذهبت للاسفل.

الجد: مو ان راها بالعباية الصعيدبة حتى تذكر ابنته فقد كانت تشبهها كثيرا ثم نفص هذه الافكار من راسه بسرعة وقال: اطلع يا راكان شوف زين انت والشباب يكون محتاج حاجة كده ولا كده.

بعد ساعة كانت الزفة من اول بين ناهد لبيت زين 

تعالت اصوات الطبول والمزامير وناهد وزين على أحصنه.

حتى وصلت الزفة لسرايا الرفاعي.

نزل زين من على حصانه ومد يده لناهد التي امسكت يده باحكام وقلبها يرفرف.

بينما الاخري حاولت منع دمعة اخرى من ان تنسدل على وجنتيها

رسيل: مالك يا جواهر.

جواهر: مش قادره انا بموت مية مرة يا رسيل خديني من هنا.

صعدت رسيل بجواهر للاعلى وذهبت جواهر لغرفتها لتغير ملابسها او هذا ما اقنعت به نفسها فقد ذهبت لتبكي وحدها دون ان يراها احد.

اما بالاسفل •

الجد: اقترب من زين: خد عروستك واطلعوا يا زين.

زين (بعقل مشوش): حاضر يا جدي

في الطابق الخاص ب زين الرفاعي.

دخلوا الغرفة وجلست ناهد تنتظر منه ان ينزع الطرحة من على وجهها.

زين (بهلوسة): كان يحاول التقاط انفاسه وظبط نفسه فهو لا يدري ولكن يشعر ان به شيئ خاطئ.

جلس بجانب ناهد وهو يتذكر كلام جده.

"الجوازة لازم تتم"

نزع الطرحة من على وجهها بينما الاخرى نظرت له بانتصار فاخيرا حصلت عليه.

لسبب ما غريب.

اقترب الاخر منها وامسك براسها وتلامست شفتيهما وهو يهمس غير واعي "جواهر"

نهضت ناهد وهى تعلم ان مفعول المهلوس قد بدأ هى لا تهتم ان كان يلفظ اسم جواهر حتى في حالته تلك  هى تهتم فقط لمخططتها

ذهبت للحمام وبدلت ملابسها لقميص جرئ يظهر اكثر مما يخفي وخرجت لتجده على السرير غير واعي تماما

اقتربت منه وهى تحل ربطة عنقة وتساعده على نزع بدلته وو......

بينما الاخرى خرجت من غرفتها للتو لتراها ام ناهد

لتقول: تعالي يا جواهر طلعي الصينية للعروسين.

جواهر (بغضب مكتوم):  وليه انا في مليون غيري.

ام ناهد: ده طلب زين بنفسه هترفضيه؟

جواهر(بنفاذ صبر): تمام هطلعها.

صعدت للاعلى ودخلت الجناح بحكم ان بابه مفتوح وهى تسمع اصواتا حاولت تكذيبها

دخلت للغرفة ورات مالم تتوقعه

"اصوات تحطيم الاطباق وهى تسقط من يديها "

(عقلها رافض لتصديق هذه الفكرة)

هل تخلى عنها لهذه الدرجة.

ناهد (بخبث): نهضت من جانب زين اللذي كان ملتصق بها تقريباً وهو غير واعي.

ناهد: انت اتجننتي ازاي تدخلي علينا كده برا يلا ووقعتي الاكل كمان بره.

جواهر: وجدت نفسها خارج الجناح وناهد تغلق الباب بوجهها.

شعرت وكأن أحدهم سكب ماء بارد عليها.

نزلت للاسفل تمنع دموعها من النزول لن تحزن من اجله بعد اليوم.

بالاسفل •

وصل ما لم يتوقع احد ان يراه الان

زينة: هو مش ده عدي يا عثمان.

عثمان (بعبس): اه هو ايه اللي جابه ده..

اقترب منه قائلا: خير يا عدي ايه اللي نزلك الصعيد؟

عدي: ده سلامك لابن عمك؟

عثمان: هو احنا بنشوفك وبعدين انا ابن عمك بالاسم بس ولا ناسي ان جدك اتبري منك ونبذني في الاول وبعدين رجعني بس عمري ما حسيت اني منكم.

عدي: جدي عمل حاجات كتير غلط ومش موضوعي حاليا انا منزلتش عليه انا نازل اسال على زين

عثمان: زين عقبالك النهاردة فرحه على ناهد!

عدي: ناهد؟!!

عثمان: ايوه وهو فوق مش هيعرف ينزلك الليلة ليلته زي ما بيقولوا ولا قعدتك في اسكندرية نستك الاصول؟

عدي: طيب فين جواهر؟

عثمان: وانت تعرف جواهر منين؟!

عدي: انا اللي انقذتها ونسيت حاجة عندي وجاي ارجعها ليها هى فين! 

عثمان: اديني الحاجة وانا اوصلها ليها.

عدي: لا لازم هى.

عثمان: مش هينفع ادخلك بس عشان اعمل حساب للقرابة هخلي زينة تناديها ليك.

بعد ربع ساعة •

نزلت جواهر (وكانت تبدو مطفية لم يراها عدي كذلك حتى يوم اختطافها)

عدي: جوااهر!  مالك؟

جواهر: مش هعرف اتكلم هنا انا مخنوقة.

عدي: طيب انا عربيتي بره تحبي نروح مكان هادي.

جواهر: تمام.

في سيارته •

عدي: اكيد زين هو مش اتجوز ناهد.

جواهر: مش قادرة اتكلم يا عدي انا تعبت عايزه امشي عايزه اشوف امي انا عايزه اتطلق تقدر تساعدني؟

عدي: اكيد.

جواهر: انت اكيد حالتك صعبة مش كنت بتحب ناهد؟

عدي: مين قالك؟

جواهر: زينة حكتلها عنك كنت بحاول افهم ليه زين بيكرهك؟

عدي: كنت زمان ايام ما كنت فاكرها بريئة بس طلعت طماعة للفلوس بس كانت طماعة للي مركزه اعلى من وهى صغيرة حلمها توصل لزين وانا بحكم اني كنت بحبها مقدرتش اصارحها مشيت مع امي وابويا من وانا صغير وروحنا اسكندرية.

جواهر: يعني مبتحبهاش؟

عدي: دلوقتي متاكد اني بحب واحدة بس!

جواهر: هى مين؟

عدي: انتي بس حتى دي زين خدها مني.

جواهر: احمم انت اكيد متلغبط يا عدي انا هنزل هنا  مش لازم نروح كافية.

عدي: اهربي يا جواهر براحتك بس اول ما اسمك يتشال من على اسمه انا هتقدملك

جواهر: بلاش شغل عيال يا عدي انت بتحاول تنتقم من زين فيا عشان ناهد؟

عدي: لا يا جواهر والله أبداً.

لم ترد الاخرى  وقالت: طيب رجعني للسرايا.

في السرايا •

الجد: يعني ايه تمشي مع ابن الألفي هى معندهاش راجل يحكمها

قاطع حديثه نزول جواهر من سيارة عدي.

صعدت سلالم السرايا حتى وصلت للباب.

الجد: اهلا بست جواهر اللي فاكره انها في مصر وراكبة مع راجل غريب العربية في انصاص الليالي.

جواهر: انا مش راكبة اعمل حاحة غلط وبعدين ده مش غريب ده اللي انقذ...

قاطع كلامها.

كف من الجد نزل على وجنتيها  بقوة.

ثم ردف قائلا: اخرسي يا قليلة الحياء على اخر الزمن واحدة زيك هتعرفنا الاصول.

زينة: خلاص يا جدي وانتي يا جواهر تعالي فوق في اوضتك.

جواهر: ذهبت دون كلمة  فهي تشعر وكأن مشاعرها قد فسدت  .

في غرفتها •

زينة: جواهر انتي كويسة؟ تقدري تعيطي لو عايزه.

جواهر: لم ترد ولكن اصوات شهقاتها كانت مفيلة بالرد

"شفتهم بعيني يا زينة"

زينة: هما مين؟

جواهر: زين وناهد شفتهم مع مع بعض.

زينة: خلاص اهدي يا جواهر وان شاء الله خير انا معرفش زين بيتعب قلبك وقلبه ليه؟ 

جواهر: انا قلم جدك موجعنيش قد وجع قلبي انا بتقطع مليون مرة.

مرت ساعتين كانتا اشبه بالكابوس فقدت فيهما جواهر اعصابها واعطتها زينة حبوب مهدئة حتى تنام وتهدئ.

رسيل: حالتها صعبة اوي بس زين هيعمل فيها كده ليه اكيد في انه.

زينة: يا خبر النهاردة بفلوس بكره ببلاش. ان شاء الله خير.

في صباح اليوم التالي •

استيقظ وهو يشعر بثقل على صدره وصداع في راسه  نظر حوله ليجد ناهد بملابس فاضحة تنام على صدره العاري  نهض سريعا وذهب للحمام

اخذ شاور سريعا يحاول تذكر اي شي منه.

زين: ايه اللي حصل ايه اللي هببته ده

ثواني انا كنت فاكر كل حاجة لحد ما خالتي ادتني عصير بعدها فاكر طناش كده.

يعني هى حطتلي مهلوس!!

خرج سريعا من جناحه وهبط للطابق الثالث قاصدا غرفة جواهر.

طرق الباب عدة مرات

وفتحت له رسيل.

زين: فين جواهر؟

رسيل: ابيه زين؟  جواهر جوه ادخل.

كانت الاخرى بالحمام وعندما خرجت وجدته بالغرفة لتقول بصوت عالي: انت ايه اللي جابك اخرج بره انا بكرهك بره.

زين: في ايه يا جواهر ايه اللي حصل.

رسيل: انا هسيبكم على انفراد.

جواهر (بضحكة مجنونة): في إيه بتسالني في إيه أسال ناهد.

زين: انتي بتعامليني كده ليه؟

جواهر: انت عايز تقنعني انك مش فاكر ومش عارف اقولهالك انا؟

"انت وناهد كنتوا مع بعض امبارح يا سيادة المقدم" وانا تعبت انا رفعت قضية خلع ومن النهاردة مش هتشوف وشي..

زين: مع بعض مع بعض ازاي؟؟؟؟

يتبع....

تفتكروا ايه اللي هيحصل لزين وجواهر؟

وهل لو عرفت الحقيقة هترجع؟

وتفتكروا ام جواهر فعلا من عيلة الرفاعي.؟

وهل عدي بينتقم ولا فعلا حب جواهر.؟

سيبولي توقعاتكم في الكومنتات.

ومتنسوش لو عجبكم الفصل تعملوا ڤوت.

ولو كملتوا لهنا شكرا ليكم 🫶🏽

السلام عليكم ورحمة الله وبركاته.

كنت حابة أعرف رأيكم في شئ.

عايزين ننزل البارت الجديد 14الأيام الجاية ولا تستنوا عشان تكونوا قراتوا البارت 13

وده لأن أحيانا بنزل بارتين ورا بعض في ناس بتنسى تقرأ البارت اللي نزل الاول وده بيخلي القصة تتلخبط عند البعض.

يهمني رأيكم بشده حبيباتي.

أخبروني برأيكم في التعليقات.

وتحبوا البارت القادم  نركز على أنهي كوبل؟

استعدوا لان اللي جاي دمااار🔥🔥🔥🔥

فصل بعنوان.( بين الحب والكرامة)

بناءاً على طلبكم. قررت انزل البارت الثاني بنفس الاسبوع تقريباً  استمتعوا.

زين: مع بعض مع بعض إزاي؟! 

جواهر( بانهيار): روح و أسال حبيبة القلب يا زين.

زين: جواهر في حاجة غلط صدقيني.

جواهر(بعناد): أنا مش عايزه اصدقك انت اكبر انسان مخادع عرفته في حياتي.

زين: جواهر إهدي وخلينا نتفاهم.

جواهر(بقوة لم تظهرها من قبل):  طلقني لو مش خايف على الفضيحة يا زين  وإلا مضمنش انا هعمل إيه..

زين: بلاش تتعبي نفسك عشان انتي عارفة ردي.

جواهر: ردك تمام كويس.

تركته وذهبت واخرجت حقيبة سفرها من الخزانة وضعت بها الملابس( غير مكترثة)  بما تضع.

زين: أنتي بتعملي ايه؟

جواهر: هو انا مقولتش اصلي هسافر.

زين: من امتى من غير اذني؟

جواهر: اه جواهر بتاعت زمان تنساها وحوار انك تهددني بعيلتي اعمل اللي انت عايزه انا اصلا بفكر اقولهم عشان تعبت منك ومن عيلتك.

زين: الزمي حدودك يا  جواهر واعرفي ان اللي يتكتب اسمها على اسم زين الرفاعي متمشيش الا باذن منه وبمزاجه.

جواهر: وأنا أهو وأنت أهو يا زين وهنشوف مين فينا هيطلع كسبان.

زين(أغمض عينيه يحاول كبح غضبه): وهو ينظر ناحيتها.

كانت تغادر الغرفة ساحبة حقيبتها خلفها.

جواهر: اوعى تيجي ورايا يا زين والا هقتل نفسي وانا عملتها قبل كده.

تركته وذهبت والنيران تشتعل في قلبه وعقله لم يراها هكذا إطلاقا تباً ماذا فعلت ناهد بحق الجحيم

اتجه ناحية جناحه بالاعلى ليفتحه بغضب.

زين: ايه اللي حصل امبارح يا ناهد؟

ناهد: اللي بيحصل بين اي اتنين متجوزين يا حبيبي.

زين: متستهبليش يا روح امك حصل ازاي وانا اصلا مش فاكر  انتي وامك حطيتولي حاجة بس وربي ما هعديها على خير.

ناهد: وانت متعصب ليه ولا تكون زعلان على الست جواهر اللي كانت ماشية مع عدى في انصاص الليالي بس الحمدلله جدي اداها قلم معتبر.

زين: ايه اللي بتقوليه ده؟؟

ناهد: والله السرايا كلها بتتكلم عن كده واسال اخواتك وابقى اعرف مين بتحبك بجد ومين بتحب غيرك.

زين(شعر بالنيران ترتفع لراسه): هل ركبت مع ذلك السيارة سحقاً هل سمحت لجده بان يلمسها  حتى وان كان لتاديبها.

نزل للاسفل بسرعة متجها لمجلس جده.

الجد: انا عارف انت هتقول ايه يا زين ملوش لازمه الحديث وهى هملتك ومشيت. شوف حياتك وطلقها وخلصنا من الموال ده.

زين: انا مسمحش لحد يمد ايده على حاجة تخصني حتى لو انت يا جدي جواهر خط احمر ومش هطلقها.

الجد: بتدافع عنها كمان بعد اللي هببته؟!

زين(مظهرا التمالك): دي حاجة بيني وبينها وانا هعرفها غلطها بس اي حد يمد ايده عليها في غيابي تاني مش هتشوفوا مني وش حلو أبداً.

الجد: انت بتتحداني.

زين: لا أبداً  انا بس بنصحكم.

خرج من السرايا تحت انظار الجميع فهو الوحيد الذي يستطيع الوقوف بوجه جده.

ركب سيارته وادارها بسرعة وهو يجري اتصالا.

جلال: الو زين بيه؟

زين: جلال تجيبلي جواهر من تحت الارض لو مرضيتش تيجي بالزوق يبقى بالعافية على ڤيلا القاهرة.

جلال: أوامرك يا زين بيه.

اغلق الخط ثم قال مردفا.

(ماشي يا جواهر اما نشوف اخرتها معاكي) 

في مكان أول مرة نروحه في سرايا الألفي•

طلقات نارية ضُربت ليخرج الجميع بمن فيهم عدى ينظرون.

الالفي: زين ايه اللي جابك؟

زين: بترحب بضيوفك كده برضوا ده احنا نسايب ولا نسيت ابنك عامةً مش فاضي لكلامك الماسخ فين عدي.

عدى(باستفزاز): أنا هنا يا زين بيه.

زين لم يرد ولكن لكمة لكمات متتالية على وجهه وهو يهمس (متفكرش تقرب لجواهر اوعى تفتكرها زي ناهد دي اغلى من الكل عندي واعرف انك فكرت بس فيها وشوف هعمل ايه)

عدى: رد اللكمات عليه وهو يقول(لما تبقى تعرف تحافظ عليها ابقى تعالى اتفلسف وبعدين انا مش بفكر ف ناهد تعرف ليه لانها رخيصة وجواهر شئ مختلف ومش هبعد عنها يا زين واعلى ما في خيلك اركبه..

زين وجه سلاحه نحو رأي عدى.

الجدة: خلاص يا زين احب على ايدك سيبه حصل ايه لكل ده.

زين: تحب تحرق قلبها عليك ولا ايه يا عدى.

الالفي: خلاص يا زين انت مش هتعمل حساب ليا.

زين: انا هسيبه احتراماً لسنك يا ألفي بس وربي وما أعبد يفكر يقرب من حاجة تخصني وهحرق السرايا باللي فيها.

الالفي: حصل ايه لكل ده.

زين: مش مهم تعرف عقل حفيدك يا الفي عشان معملهوش عبرة.

عدي: عمرك ما هتقدر يا زين تصلح اللي كسرته واتاكد اني مش هسيبها.

في القاهرة تحديدا في ڤيلا إياد الشرقاوي

كانت اصواتهما متعالية على غير العادة في الآونة الأخيرة.

إياد: متجننيش يا مرام يبعتلك رسالة ليه الساعة ثلاثة الفجر جوزك وانا معرفش!

مرام: انا معرفش يا إياد حقيقي وانت بتتكلم كده ليه انت مش واثق فيا.

إياد: أنا لو وثقت فيكي عمري ما اثق في رائف.

مرام: إياد متنساش اني موظفة عنده.

إياد: من بكره يا مرام ولا هتحتكي بيه نهائي وانا هصفي حسابك معاه  وهدفع فلوس  فسخ العقد.

مرام: إياد مسمحلكش تدخل في شغلي.

إياد(بغضب مكبوت): ده مش تدخل لما اكون بحمي مراتي.

في كافية تحديدا في القاهرة.

كانوا يجلسون يتبادلون الأحاديث وهو مغرم بها كلياًّ.

جوري: احمم مقولتليش نزلتني ليه قلت حاجة مهمة!

زايد: الصراحة يعني بدون سبب عايز اشوفك وبس.

جوري: هههههه طيب كلمني عن نفسك قلتلي عندك اخ واختين؟

زايد: ايوه استني هوريكى صورة ليه واخواتي من فرحه.

نظرت للصورة لتجد زين الرفاعي المعروف بجانبه مرأة تبدو كالأفعي هى ناهد بالطبع وفتاتان تظهر عليهما الرقة ولكن مهلا بالخلفية من هذه الوجه هذا يبدو مألوفاً نظرت لتلك الفتاة بحيرة تحاول استيعاب ما ترى.

تسارعت دقات قلبها ونطقت اخيرا: انت اخو زين الرفاعي؟

زايد: ايوه متوقعتيهاش؟

جوري: مين دي واشارت ناحية الفتاة بالخلفية وهى تحاول تكذيب ما تراه.

زايد: دي مرات اخويا الاولى بنت طيبة بس جوازهم مش معلن اوي يعني  وتخيلي ساعات بحسها شبهك.

جوري(جف حلقها وهى تنظر نحوه بعدم فهم): هل يعقل أن تكون هى؟

زايد: مالك يا بنتي؟

جوري: هى اسمها إيه مرات اخوك؟

زايد: أسمها.. قاطعهم رنين هاتفه ليرد: ألو؟

زين(بحده): زايد أنت فين؟

زايد: إيه يا عريس متضايق ليه؟

زين: اخلص يا زايد ساعة والاقيك قدامي عايز اعرف حصل ايه امبارح يالتفصيل.

زايد: ساعة ازاي انا في القاهرة.

زين: تتصرف يا زايد وتيجي حالا.

زايد: انا اسف يا جوري محتاج امشي ضروري.

جوري: ولا يهمك اصلا كده كده عندي محاضرة.

في منزل بسيط بالقاهرة •

الأم: جواهر متعمليش كده متحرقيش قلب ماما عليكي.

جواهر (بتبلد): مفيش حل غير ده.

ثم امسكت بقطعة من الزجاج وجرحت يديها بشده محاولة أن تنتحر.

استيقظت الاخرى وهى تحمد الله أنه كابوساً ليس إلا.  واول ما فعلته هو أن حاولت الإتصال بابنتها.

في سرايا الرفاعي تحديدا في مدخل السرايا•

زين: يعني إيه مش لايقينها الأرض بلعتها؟

جلال: والله يا باشا ملقينهاش حتى روحنا بيتها في القاهرة ومش هناك  الواضح ان في حد تقيل مخبيها يا باشا!

زين: اخفي من وشي يا جلال وتدور عليها ان شاء الله تقلب الدنيا فوقاني تحتاني.

كانت تنظر له من شباك الغرفة وقلبها ملئ بالحقد •

لماذا تلك الفتاة تحديداً من امتلكت قلبه وليست هى.

قاطع تفكيرها دخول امها.

الام: حصل اللي عايزينه امبارح يا بت؟

ناهد: لا ياما محصلش كان مش في وعيه بس انا نمت جاره كأن حصل بيننا حاجة وهو فاكر إن حصل حاجة وجواهر فاكره كده عشان شافتنا.

الام: براڤو عليكي يا ناهد وان شاء الله هيحصل.

ناهد: مش مهم ياما أنا كده كده اتجوزته عشان ارضيكي بس عارفة اللي فيها هو مش بيحبني وانا بحب حد تاني.

الام: وانا من وانتي صغيرة قلتلك زين وبس فاهمة زين هو اللي يعمل منك ست الكل هنا.