رواية عشق وإبتلاء الفصل السابع 7 - بقلم الكاتبة شمس السعدي

البارت السابع
#عشق_وإبتلاء💔
#بقلمي_شمس

ماتگليلي انتي عصفور لفتج صارت لگمه وحده ..

ماما .. هي ماسه من يومها هذا اكلها عبالك عصفور .

بتول .. من مداح العروس… . بقلمي شمس

مصطفى .. خلي اسوي لفه بيدي احسن .. اذا ابقى على لفة ماسه اموت من الجوع ..

الكل هههههه ..

بقى مقرفص ويسوي لفه وياكل من ماعوني ..
اني الخجل ماخذني ومستحيه..

رفعت راسي شفت حنين تخوزر بينا ..

مااهتميت ..

خلص اكل .. گال الحمد لله . دايمة ان شاء الله.

همسلي اذا تحبين تتمشين ع النهر انطيني خبر ..
وگام ..

حسيت الحراره فول عندي ..

احس الكل يباوع .. بس الحمد لله محد منتبه بس حنين مراقبتنا .. بقلمي شمس

خلصت بسرعه .. ولمينا المواعين غسلناهن ..
وكملنا ..

ردت اطلع ..
لزمتني حنين ..
مو عبالج ماحاسه عليج ..

شنو تقصدين ..

ادري تتمايلين وتردين تاخذين عقل مصطفى ..

هو من ثوبج لاتورطيه وياج ..

انتي شبيج .. اني ماعندي شي وي مصطفى ..
واذا تشوفينا نگعد ع النهر فأحنا ندردش ويعرفني ع الناصريه وطباعها .. لااكثر ولااقل ..

حنين .. تراني افهم واعرف كلشي .. واشوف نضرات مصطفى الج ..
والي ماشفتها من قبل ..

واني شنو علاقتي بنضراته . مع انه اشوفه طبيعي مو مثل متگولين .. وهسا عن اذنج ..

لبست جبتي ووحجابي واخذت حلا .. وطلعت گعدت ع النهر ..
گاعدين واجه سجاد ابن عم مصطفى وحلا وعلا ..
گعد يمنا ..
بس حسيت بينهم شي ..
تباوعله بنضرات خجوله وتنصي راسها ..

ابتسمت ..
التفتت .. شفت مصطفى طلع من المضيف واتجه النا ..

اعرفه عصبي وميتحمل .. بقلمي شمس
گرصت حلا .. وگلتلها اجه مصطفى ..

هي خافت وگامت ترجف وسوت نفسها تسولف وياي .

مصطفى .. حلا روحي ادخلي شعندج هنا ..

ماسه .. اني گلتلها تگعد يمي شبيها ..

مابيها شي بس كم مره منبه عليها ماتگعد ع النهر بالليل
بقيت صافنة عليه .
هز براسه الي .. معناها شكو

سجاد بسرعه ترخص وراح ..

اشو انت تحلل النفسك وتحرم ع غيرك ..

شتقصدين ..

تعرف قصدي

من ناحيه شنو . ليش هو بينهم شي

واحنا بينا شي ( گلتله)

اتقرب الي وخله عيونه بعيوني . شتگولين انتي .

ارتبكت واتلعثمت .. اولا اني اقصد ع گعده النهر ماقصدت الي ببالك ..

مصطفى .. وثانيا شنو .. بقلمي شمس

مو عساس تگول اني مو معقد ..

اني مو معقد بس اخاف عليهن .. الوكت ميتأمن وحتى اذا ابن عمي .. مااريدها تتعود تگعد يمه ..

بس اني اگعد وياك .. ليش متخاف عليه لو اني مو اختك

اتقرب .. اي انتي مو اختي .. انتي… .  وسكت

گتله .. شنو

مستحيل أاذيج واكيد اخاف عليج اكثر من نفسي ..

سكتت ..

انتي تفهمين كلشي بس تسوين روحج مو فاهمه .

گتله .. اخاف اتعود ع النهر وهاي الگعدة .. واذا اروح شلون بيه ..

وليش خايفه .. تگدرين تبقين هنا ..

مااعرف .. صعبه

الصعب حلو تحسين بثمرته من تجتازيه ..

انت كلشي عندك سهل ..

اذا اني مؤمن بالشي ونيتي صافيه طبعا كلشي سهل عندي ..

بس اني خوافه .. ومااخطي بسهوله ..

لاتخافين مادام اني موجود ..

انت مو دايما يمي ..

ماسه باعي بعيوني ..

مااگدر استحي ..بقلمي شمس

ولج هي ظلمه شتستحين ..

باوعتله ..

ها تشوفين شي

لا موگلت انت ظلمه ..

بس اني اشوف عيونج يلمعن وهنه يباوعن لعيوني ..

نصيت عيوني ..

ليش تخفيهن ..

شنو هنه ..

نضراتج والحجي الي بيهن ..

اوووه مصطفى اليوم شبيك كلامك كله الغاز .

راح اروح ادخل احسن ..

روحي يبنت خالي .. بس اذا تبادليني نفس الي ببالي انتظرج بتوالي الليل ..
حتى اذا خمس دقايق .
اذا اجيتي .. معناها مكتوبلنا نمشي سوه ..
واذا ماجيتي ..
تكون هاي اخر خطوه النا .

رحت من يمه ومن غير مااحجي ولاكلمه ..
رجل تمشيني
ورجل ترجعني

اخاف التفت . اخاف ارجع ..بقلمي شمس

دخلت لگيتهن يحظرن بالفراشات يردن ينامن ..

نزلت فراشي من البوفيه ..
وجاي افرش بي وماما تحجي وياي ..
واني مااسمع شي ..
اديه يرجفن ..
وبالي مشوش
وحسيت راح يغمى عليه

ياربي شنو الي صارلي
معقوله هويته .. شلون ويمته وشبسرعه ..
ما صارلنه شهر من اجينا ..

اكو شخص يحب بهاي السرعه ..
بعدين اجه كلام حنين ببالي .. من تگلي هو مو من ثوبج

وشنو يعني من ثوبي .. هو الحب اله قاعده ..
الحب شاذ ..
ماكو اي قانون او قاعده توگفه ..بقلمي شمس

ربي انت الاعلم بحالي ..

اذا هذا الشي مابي صالح الي ..
خليهن يسهرن للصبح وماينامن حتى مااروح ..

گعدت اسولف وي بنات عماتي وبنات عمامهم ..
والوكت مايمشي ..
گلبي يريدهن ينامن ..
وعقلي .. يگول كون ماينامن ..

هنه يسولفن ويحجن وبالي مو يمهن ..

لشويه عاطت بيبي ماااسه ..
نامن ولجن شگد تلغن ..
يله كل وحده لفراشها وانطمرن ..

اشو كلهن گامن لفراشهن .. وتغطن ونامن ..
وبقيت اتگلب بفراشي ..

ومااحس الا غفيت ..
وهي غفه وهي طفره ..
طفرت من مكاني ..
الساعه وحده ونص 😲😲😲

اكيد هسا رجع نام .. لان اتأخرت يئس مني وراح ..
گمت ع كيفي ..
وامشي ع اطراف رجليه .
لبست قبوطي وحجاب وطلعت بحجة اروح للحمام ..

شفته مقرفص بالبرد ..

اتقربت عليه ..
طفر من مكانه ..

گتله اتوقعت رايح .

لو للصبح ابقى انتظر ..

بقيت ساكتة وهو ساكت ..
وبس عيونه تحجي ..

وتلاگينه ..
بس شلون ملگه تلاگينه.؟
عيون تحچي .. كلوب تحچي !
وكلشي يحچي وماحچينة ..

#بقلمي_شمس
يتبع….