رواية عشق وإبتلاء الفصل السابع عشر 17 - بقلم الكاتبة شمس السعدي

البارت السابع عشر
#عشق_وإبتلاء💔
#بقلمي_شمس

بيوم اجتني رنا تبجي ..

شبيج رناوي ليش تبجين ..
اگلج مرتضى حجى وياي . وگلي انتي مثل اختي ومااحس بأي مشاعر اتجاهج ..

اوووف رناوي انطيه مجال .. اكيد يجي يوم الي يعرف قدرج ومكانتج عنده .
لج لو يدور الدنيا كلها مايلگه وحده تحبه مثلج .

اي والله من اني صغيره نزرع حبة بگلبي .
وماشفت غيره .. تتذكرين من نلعب بيت بيوت .
وهو عود زوجي .
اوووف ياليت اللعب يصير حقيقه ويصير زوجي .

اي ههههه خلي اللعب مالتكم يتحقق ..
اني مااريدة يتحقق واتزوج اخوج المزعج .

هههههه وفوگاها ابويه يگول نزوجهم اثنينهم بنفس اليوم ونفرح بيهم . على مرتضى وحمودي .

الله ليگولها .. الا مخبله واتزوجه .
عندي مصطفى يسواه ويسوه عشيرته ..

هههههه غير احنه نفس العشيره ..

اي صدگ ههههه ..

مر كم يوم اجه احمد .
گال اريد احجي وياج ماسه .

گتله شكو .. الي ببالك انساه .

اسمعيني بالاول ..

يوووه شگد لزگه . گلتلك انسى .
الي ببالك مستحيل يصير .

لا ماسه الي ببالج مستحيل يصير .

من گال هيج استغربت .. وشنو الي ببالي ..

تعرفين كلش زين . اني اريد مصلحتج .
لاعبالج اذا تزوجج يرحمج .

شتقصد ..
اني احبج ماسه . ومن احنه صغار انتي الي .
والدنيا كلها تدري .
حتى من نلعب . انتي مرتي . يعني مكتوبه الي .

ههههه لعب اطفال .

فرك وجهه .. وبهذا لعب الاطفال . يمكن سوينا اشياء مانعرف شنو ولشنو راح اتأدي ..

شتقصد انت ..

مااگدر افهمج . بس لان انتي تهميني وخايف عليج هيج احجي . غيري مااهتم وگال شعليه واستمر بحياته .

انت تريد تخبلني . احجي شكو .

تتذكرين او لا ماادري ..
احنه من نلعب كنا نمثل دور المتزوجين بكل شي .
واني كنت اشوف اهلي يسووها وكنت اجي اسويها وياج تتذكرين لو لا ..

اششش مااعرف شتقصد ولا اريد اعرف ولي عني دفعته ورحت .
خربطت حياتي . هذا شيقصد وشنو مثل المتزوجين .

تذكرت من كنا نلعب . كان عمري تسعه ماادري عشره بوقتها .
بس شيأثر هذا .. هو غير جاي نلعب .
يعني معقوله صرت مرته وبعد مايصير اتزوج .

المن اسأل ياربي .

استحي اسأل ماما . اوووف ياالهي . نور طريقي
وريح گلبي ..

(طبعا بوقتها ماكو نت ولا اي مصدر نگدر نستدل عليه بهيج امور .. ومستحيل نگدر نسأل احد اكبر منا بخصوص هيج مواضيع )

سكتت ومااهتميت . وگلت هذا يمخرط وبطران عباله عود يحجزني من يحجي هيج ..
فقررت اصارحه واگوله اني مااريده واريد مصطفى بلكي يتركني بحالي ..

لا بس اخاف يفضحني ويروح يگول الماما ..

حسبه تاخذني وحسبه تجيبني ..

خلصت العطله وبدأ  الدوام ..
وانشغلت بالدراسه وهذا خامس لازم ادرس زين .
ومصطفى دايما يشجعني ويحثني ع الدراسه ..

وبيوم رجعت من المدرسه ..
سمعت ماما دا تحجي .

ابو احمد البنيه تگول اريد اكمل ومااگدر اجبرها ..
لاخويه اخاف لگيتي احسن منه وتردين تنطيها ..

المن انطيها ياخويه ..

والله احمد گالي . هذا ابن افراح اخت عادل .
يحوم على البنيه . واخاف يضحك عليها وتدرين بماسه فطيره وتتقشمر .
واحنه ربيناها وتعبنا ومانريد يصير مصيرها مثلج

هنا وگفت الدنيا بعيني وبعد مااشوف احس گلبي يريد يوگف .
هذا شملوص بالحجي وشگايل الخالو الله اعلم .
بس خلي يجي واني اطگها بوجها وارتاح ..

سلمت على بيبي . خالو طلع ..
صاحتني ماما ورحنا للاستقبال ..

ها ماما شكو .#شمس

شعندج وي مصطفى .

شعندي يوم غير ابن عمتي شكو شبيج ..

شوفي ماسه اني وصلني حجي وماصدگت .
خاف عندج نيه بمصطفى .
لاتعرفيني ولااعرفج . مستحيل اخلي مصيرج مثل مصيري ..

يوم هاي شبيج . مااتوقعت هيج تفكيرج يعني اذا بابا خطأ بحقج فمصطفى شنو ذنبه .
مصطفى انسان واعي ومثقف ..

يعني الحجي صحيح ماسه . وتضحكين عليه من وراي
بس خليها ترجيه بأذنج للناصريه متصيرين ..

يوم معقوله هيج تكرهيهم لان بابا ..

اششش لج لتكملين . ابوج ميهمني ولا راح يهمني الي تهمني مصلحتج وبس .
وهذا اخر كلام عندي ..

وتركتني وطلعت .

لبست حجابي وطلعت البيت خالو .
طلعت رنا .
گلتلها احمد موجود . گالت اي .

گلتلها گوليله ماسه تريده .

شكو

ماكو شي بعدين افهمج .

طلعت واني فايره وميته قهر منه .
بقيت منتضره بالطرمه .

دخل . يبتسم . ها ماسه خير .

خيريش احمد . انت شتريد مني

شكو شبيج

يااخي اني مااريدك . بعد ليش تطلع دعايات عليه وحجي اني ومصطفى ..

هههههه ترى اني مو غبي من اول يوم رجعتوا من الناصريه بعد السقوط .
شفتكم ورى المطبخ ويسولف وياج .

اصفر وجهي وحسيت حراره بجسمي واختنگت .
معقوله شافنا وبقى مخبي كل هذي الفتره .

واذا شفتنا ليش خطبتني . يعني تدري عندي شي وياه

لان احبج ياثوله . ومااگدر بلاج

بس اني مااحبك ولا راح احبك .

بعد الزواج تحبيني . وصدگيني مصطفى ميفيدج
وبس يعرف انتي مو بنيه يفضحج واحتمال يكتلج .

😲😲 شنو مو بنيه يعني شنو .
اني مااگدر اوضح اكثر . بس بغلطه من عدنا واحنه نلعب وبلا وعي كنا نسوي اشياء مانعرفها .
وبالصدفه اني عرفتها شنو وفهمتها من جماعتي .
وتذكرت كلشي قبل سويناه .
ومن خوفي عليج ردت استرج وماتنفضحين .
وهم ماتلگين احد يحبج بگدي .
اني حبي الج من الطفوله .
مو هذا الي عرفتي يومين .
عبالج يستر عليج .

هو يحجي واني مصدومه . واصلا مااعرف شيقصد
بس لازم اسأل احد ثقه وافهم كلشي ..
#بقلمي_الكاتبه_شمس
يتبع…