رواية عشق وإبتلاء الفصل الثامن عشر 18 - بقلم الكاتبة شمس السعدي

البارت الثامن عشر
#عشق_وإبتلاء💔
#بقلمي_شمس

هذا شديحجي . شنو موبنيه .
وشنو شرفي انتي واستر عليج .

اگلك احمد . اولا عيب هذا الحجي
احنا كنا اطفال ومانفهم شي .
واي شي نسويه بالماضي من جهلنا وطفولتنا .
وانت الي كنت تتصرف تصرفات محلوه .
واذا تتذكر كنت دايما اتهرب منك بسبب تصرفاتك
ونسيت كلشي واعتبرتك اخ .
ومحجيت لاي احد لحد الان .
بس هذا مو معناه تستغلني وتهددني حتى اقبل بيك.

باعي اگلج قبل متحجين اي شي .
روحي اسألي عمتي احلام مرت عمي معتز .
انتي علاقتج قويه بيها وهي متزوجه وتفهمج .

انت شدتحجي .. هو مو صوجك صوجي اني الي واكفه واسمع تفاهاتك .
تركته ودخلت .

بس الخوف موتني . ياربي شلون
كلما اريد اسأل استحي ..
بله شنو اگلها . وستگول عليه هسا

بقيت كم يوم متردده .
بس الشك اكلني والتفكير دمرني .
ومااگدر احجي واسولف الاحد ..

وبيوم گاعدين العصريات اني ومرت خالو نسوي كليجه .
ثواب الجدو حلمانه بي بيبي .
لان هو كان يحب الكليجه كلش الله يرحمه ..

اتجرأت .
اگلج باجي اريد اسألج سؤال بس مستحيه .

اسألي حبيبتي .

اليوم اكو بنات يسولفن على بنيه متزوجه وطلعت مو بنيه يعني شنو مو بنيه .

عزااا اسم الله . الله يستر اعراضنا ان شاء الله

من گالت هيج احس ولاقطرة دم بقت بيه .

احلام .. هاي اكيد مصخمه وي واحد .

لا البنيه فقيره. بس مت جانت صغيره تلعب وي ابن عمها وهو يسوي سوالف مو حلوه .

يمه اسم الله . هو كله من الاهل مايتابعون اولادهم
بس معقوله هذا عمرج ومتعرفين شي .
باجر عگبه تزوجتي شلون .

هههههه لا والله مااعرف .

باعي حبيبتي . انتي بعمر لازم تعرفين كلشي حتى تنتبهين ع نفسج وتاخذين حذرج .
اكو غشاء عند البنيه اسمه غشاء البكاره .
هذا ينعرف بي اذا البينه بعدهي بنيه لو لا

يعني شنو😲😲

يعني اذا انفتح بأي طريقه سواء انجرحت او ماتدري بروحها او احد ضحك عليها .
يعتبروها مو شريفه وتنفضح واحتمال يقتلوها .
وخو اذا متدري بنفسها وتزوجت وكشفها زوجها الله اليستر شيسوي بيها .

بس هو شلون راح يعرف .

اذا مفتوح ميطلع دم من يتقربلها .
واذا ممفتوح يطلع دم .

يعني هو يأذي .

يمه يموت اني بيومها متت الا شويه هههههه .
كافي ولج لاتجي امج تسمعنا وعبالها اعلمج سوالف موزينه .

هي تحجي واني قطرة دم مبقت بيه .
گمت اخبط الوان . ومااعرف شأحجي .
احس الدنيا تدور بيه .
حاولت ماابين الها .
لاتكشفني .
الله لينطيك يااحمد هسا شلون اعرف روحي بنيه لو لا
وحتى مااتذكر اذا طلع دم لو لا .

حاولت اغير الموضوع بأي طريقه . ابتسمتلها وگمت للفرن اطلع كليجه .
وگمت اشيلهن بيدي ومااحس بحرارتهن .
من التفكير .

خلصنا .
اندگ التلفون .
راحت باجي احلام ردت .
وگالت هاي حلا . بقت تسولف وياها .

لاول مره مرف گلبي لو ركضت للتلفون .
لان حتى صوته ماانتبهت عليه من التفكير

مصطفى صح يحبني . بس هو ابن شيوخ وعشاير
اذا عرف اني مو بنيه شراح يسوي
مستحيل يتستر عليه
يفضحني . وخاصه اذا درى بحمودي مسويها

رحت توضيت وگعدت ع سجادتي ابجي وادعي .
ربي استرني .
لاتخليني بحيره .

لليل اتصلت حلا .
رفعته سلمت واخذه مصطفى منها بسرعه .
شوكت مقرره تگوليلي .

شكو .(بقلمي شمس)

ع خطبتج من احمد

باجي گلتلك .

يعني ماناويه تگليلي .

لان اصلا رفضته بعد ليش اگلك واحرگ روحك وباجي تدري روح اسألها .

لاتعلين صوتج ماسه اني روحي فايره .
من گتلج خلي اخطبج ماقبلتي .
وهسا هذا اجه ع الجاهز وخطبج .

مصطفى انت هسا عصبي واني مالي خلگ
وماما منا تفتر . غير مره واخابرك وافهمك

ولج شتفهميني شيصبرني . راح اموت
هسا رايح الخالي وافاتحه بالموضوع وشيصير خلي يصير
مصطفى افهمني . الو الو

اوووف ياربي شلون بيه .
هذا عصبي واكيد راح يسوي مشكله .

اجه احمد .
سلم ع ماما وبيبي .

رحت للمطبخ ماسلمت عليه .

اجه ورايه . ها شقررتي

باوعتله . الله لينطيك فرحان لان خربت حياتي .
ها لازم سألتي .
انت شنو.  العن اليوم الي عرفتك بي ولعبت وياك .
كنت طفله وانت استغليتني .
بس مراح اخليك تستغلني هسا ولو اعرف ابقى بلا زواج .

حسيت كلشي اظلم بحياتي .
فرحتي وايامي الحلوه راحت .
مصطفى كلشي بحياتي . ومااگدر اتركه
احبه واموت عليه وحياتي بدونه سراب ..

بقيت ايام اتصل ع مصطفى .
وهو ماكو ميرد زعلان مااعرف شبي .
وبيوم الي رد .
گال ماسه اذا تردين تموتيني تركيني .
اني اموت بلياج .
لاتفكرين يوم تصيرين الغيري .

گتله والله احبك مصطفى ولو اعرف ابقى بلا زواج ومااصير الغيرك .

بيوم كان عندي امتحان وكنت مشغوله اقرأ بالاستقبال
وغالقه الباب
بس لمحت صوت بابا .

معقوله شعنده هنا . عبالي اتوهم .
بس طلعت وسمعت مشاحنات بينهم .
هو وماما .
وماما تگله . تحلم بنتي انطيها لهناك .
شحصلت اني ودور هي تحصل .

بابا .. ادري بيج تردين تنتقمين مني . بس بنتنا مالها ذنب تحطميها .. ولو يبقى بس ابن اخوج المهتلف ماازوجه ماسه .
تعرفين شنو ماسه وتنطيها الواحد لاشهاده ولا شغله .

وشحصلت امها من ابو الشهاده حتى هي تحصل .
العياط بينهم زاد والمشاحنات واجو خوالي وصارت عركه بينهم .
وماحسينا الا ماما وگعت وجمدت بمكانها ..
#بقلمي_شمس
يتبع….