رواية عشق وليد الانتقام الفصل الأربعون 40 - بقلم سماء فؤاد

بسم الله الرحمن الرحيم
الفصل 39
........................................................................

رأي الحارس سيارة ادم تدلف من بوابة القصر العملاقة فوقف سريعا حتى يقوم بفتحها وهو يؤدي له التحية مرحبا به:
حمد الله علي السلام يا ادم بيه

اشار له ادم بيده قائلا :
الله يسلمك يا عم عوض

ثم دلف الي داخل القصر متجها الي الجراج الخاص بالسيارات ليقوم بصفها استغرب من صمتها المفجأ كل تلك المسافة فا نظر اليها قائلاً :
- احم !مالك انتي تعبانة؟

نظرت اليه ودموعها تنساب علي خدها با تلقئياً  كادت ان تجيبه ولكنه قاطعها بلهفة واضحة في نبرته :
-مالك

ثم مد يده بحنو ورقة بالغة باتجاه خديها لكي يمسح دموعها المتساقطة كألامطار في فصل الشتاء ..

شعرت بخشونة يديه علي خديها  فا شعرت بقشعريرة تسري بكامل جسدها فأردفت  :
انا خايفة

لم يدري بنفسه منذ ان رأيتساقط دموعها شعر انه يريد ان يضمها لصدره كان ينتابه ذلك الاحساس عندما يراها حزينة ولكنه بالكاد  يسيطر علي افعاله ..

قال بحنان بالغ:
خايفة من ايه وبعدين مانا معاكي في اية بقي

هزت رأسها نفيا كالاطفال ثم اردفت :
بس لما ندخل القصر المشؤوم دا الامير هيرجع وحش تاني

ابتسم ادم لها ثم اردف بمزاح لا يجيده:
قاصدك ايه يعني انا وحش

لم تهتم بكلماته واضافت قائلة:
توعدني انك متحاولش تأذيني او تخلي حد يجرحني ويذلني

ادم:
طب حد يستجرأ يجي جنبك وشوفي انا هعمل ايه

سيرين:
اي حد

ادم:
اي حد

سيرين:
حتي لو والدتك

ادم:
اوعدك اني هحميكي من اي حاجة تضرك

ثم مد يده تجاهها يالا ننزل طيب

ابتسمت ابتسامة صغيرة ثم اردفت
:يالا
............................................

استمعت عايدة الي صوت بواق سيارة ادم فألتفتت لشاهي الجالسة بجانبها واردفت بتحذير :
خلاص فهمتي هتعملي ايه هتحاولي علي قد متقدري تحقري من شأنها ومش هواصيكي بقي

اضائت عين شاهي بوميض خبيث ثم ابتسمت بمكر
:فهمت يا انطي فهمت
عايدة بتشجيع
:طب يالا نخرج عشان نستقبلهم

..........................

كانت متشبثة بيده كالطفل المذعور نعم عندما دلفت الي ذلك القصر منذ قليل تذكرت ذكرياتها البائسة به  وكيف تم اجبارها علي دخولة وعلي تلك الزيجة التي لا تعرف سبب رغبته بأتممها ..وفجأه وجدت شابه في غاية الجمال والاناقة  ملابسها تظهر اكثر مما تخفي ذات ملامح جذابة تأتي بأتجاههم
تتبخطر بغنج وفجأه وبدون اي انظار وجدتها ترتمي بداخل احضان ادم قائلة
:دومي يا بيبي وحشتني اوي يا حبيبي كل دا غياب

استشاط غضبا من فعلتها تلك فهو لا يحب تلك الطريقة الساسجة  بالمره كاد ان يوبخها ولكنه وجد سرين تشدها  بقوة من بين احضانه هاتفة بغضب
:ايه يا ملزقة في ايه يا حبيبتي ماشية تتلزقي زي الغرا في خلق الله كدا ليه

نظرت اليها شاهي بتعالي واشارت اليها بأستحقار واردفت بغل
:وانتي مين يا لوكل "بيئة"عشان تكلمي شاهي هانم كدا

كان هناك نار تأكل بقلبها بسبب اقترابها منه فهي لا يحق لها ان تنظر اليه حتي

فأردفت بأبتسامة صفراء و بدون تردد
:انا ابقي مدام ادم ناجي العامري وبنت عمه يا ملزقة انتي

كادت شاهي ان تجيبها الا انهم استمعوا الي صوت

ادم الحاد
:شاهي اتكلمي بطريقة احسن من كدا سيرين تبقي مراتي يعني كرامتها من كرامتي ودا بيتها فمش حلوه يعني انك جايه بيتها تهينيها ولا ايه كادت ان تجيبه فا شاور اليها بيده بمعني ان تصمت واردف : خلاص ولا كلمة

ثم اتجه الي عايدة ونظر اليها نظره ذات مغذي قائلا
:انا هطلع بقي يا امي استريح شوية من السفر

ابتسمت اليه بود ثم اردفت
:طب ماشي يا حبيبي وانا وشاهي هنستناك اعذرها هي اول ما عرفت انك جاي انهاردة نزلت مخصوص عشانك

تجاهل حديث والدته عن شاهي واحاط سرين ثم ضمها اليه وقال وهو ينظر اليها
: يالا يا حبيبتي نطلع نستريح

ابتسمت سرين ثم نظرت لشاهي بتعالي :
يالا يا دومي

...........................................

اغلق ادم باب الغرفة خلفة ثم نظر اليها
:يا لا ادخلي نامي عشان بليل هنقابل خالد وهنظبط الدنيا عشان نشوف حل للموضوع دا كمان

اومأت برأسها ثم اضافت
: تمام بس ممكن انت تروح تقابله وتيجي تفهمني اتفقتوا علي ايه افضل يعني .

صمت قليلا ثم قال :
خالاص تمام..بس حاولي علي قد متقضري متخرجيش بره الأوضة

....................................

بعد مرور مدة ليست بالقصيرة ..

خرج ادم لكي يري رفيقه ورأي شاهي مع والدتة بالاسفل فلم يعايرها اي اهتمام فهو لم يرغب بوجودها من الاساس بينما سرين قررت استغلال فرصة ذهاب ادم وانشغال عايدة عنها بوجود شاهي والذهاب لجدة ادم لكي تحاول معها ان تسرد لها ما يحدث وما حدث بالماضي فهي واثقة ان هناك حلقة مفقودة بالموضوع وهي  بالتأكيد ستحاول ايجادها

......................................

تسحبت علي اطراف اصابعها وخرجت من الغرفة متجه الي الدور الخاص بجدة ادم

طرقت الباب بخفوت فأستمعت الي صوتها من الداخل تسمح للطارق بالدخول

رأتها سرين تجلس علي السرير وبايديها كتاب الله القرأن الكريم

رفعت فريدة نظرها بأتجاه الباب فوجدتها سرين فأردفت با ابتسامة حنونة
:اهلا اهلا بمرات الغالي

ابتسمت لها بشكر ثم اردفت بتوتر
:تسلمي يا نينا

فريدة بأبتسامة
:قربي يا حبيبتي واقفة بعيد ليه

سيرين بتوتر
:هاا لا ابدا بس انا كنت عاوزة حضرتك في موضوع مهم

فريدة
:خير قولي يا حببتي

سيرين
:-بصراحة كدا ومن غير اي مقدمات انا عاوزة اعرف ايه فكره الانتقام الي مسيطرة علي ادم وليه مدام عايدة بتكرهني انا وعائلتي كدا وهو ليه اتجوزني من الاصل انا مبقتش فاهمة ولا عارفة حاجة ارجوكي ساعديني وانصحيني متسبنيش كدا

تنهدت فريدة تنهيده حاره  فيبدو انه ان الاوان لكي تقص لها ما حدث كما انها رأت في عيناها نظره اصرار فأشارت لها بأتجه المقعد  المجاور لها وقالت
:تعالي يابنتي اقعدي جنبي وانا هفهمك كل حاجة
انا هقولك علي كل حاجة يمكن انتي الي تعرفي توقفي المهزلة اللي بتحصل دي

ابتسمت لها بسعادة واردفت سريعا
:-وانا اوعدك اني هحاول علي قد ماقدر اكون عند ثقتك دي

فكرت فريدة مرارا قبل ان تسرد لها كل ما حدث بالماضي ولكنها حسمت الامر وقررت ان تسرد لها وبالفعل قصت لها حب عايدة لأبيها"احمد"ومحاولتها لتخريب حياة ابويها وانها اهملت زوجها ناجي  كثيرا فبعد عشقه لها اصبح ناقم عليها وعلي حياتهما معاً وبعد علمه بما فعلته مع اخيه لتخريب حياتهم  وسعيها الي ان تخرب حياتهم وحرمانهم من الانجاب كان يريد الانفصال عنها ولكنه علم بحملها بأبنه ادم  فقرر ان يتحامل لأجل ابنه وبالفعل صارت  حياته لأجل ابنه وعمله فقط كما سردت لها  ان عايدة  اوهمت ادم  ان سبب قتل والده هو عمه  احمد العامري  من اجل الميراث ..ومع مرور الايام بدأت السموم التي تبخها في فكر ادم تعمل فأصبح ادم متيقن ان سبب مقتل ابيه هو عمه وكان كل همه الانتقام ..الانتقام فقط

شهقت سرين شهقة عالية تدل علي تفاجئها بكل تلك الاسرار ثم اردفت
: ياااه كل دا حصل وكل دي اكاذيب وخدع طب ليه كدا !!! طب هو حضرتك سكتي علي المهزلة دي ازاي ؟!

نظرت اليها بحزن واردفت
:وفي حاجة كمان عاوزة اقولهالك وانتي لازم تكشفي لأدم الحقيقة كاملة خلاص معدش ينفع اخبي اكتر من كدا عمايل عايدة مبقاش يتسكت عليها تصدقي يابنتي انها هدديتني بالقتل لو اتكلمت ثم اشارت علي ارجلها وواصلت حديثها قائلة
:وزي ما انتي شايفة انا حتي مبقدرش اقف علي رجلي ولو هي شمت خبر يبقي مش هيحصل خير ابدا وكمان مكنش معايا حد يساعدني بس دلوقتي انتي موجودة

سيرين
:-هو لسة في تاني هي دي ام دي ولا حتي ابنه ازاي عندها قلب انا مش مستوعبة بجد

-انا عازراكي اصلك متعرفيش عايدة حبه اقولك ان ادم عندة اخت بس مش شقيقتة لا هي اختة من ابوه بس وهو ميعرفش عنها حاجة

سيرين
: -ايه مش معقول

فريدة
:-زي ما بقولك كدا مذكرات ناجي مكتوب فيها كل حاجة وكاتب معلومات عن البنت دي بس عايدة خفت المذكرات في مكتب ناجي الي هي بتقول عليه بدروم القصر  حاولي توصلي للمذكرات دي ودي هتسهل عليكي حاجات كتير اوي

نهضت سرين من علي مقعدها  ثم اردفت بتوتر
:طب انا هضطر انزل بسرعة عشان محدش يشك في حاجة وهبقي اجي لحضرتك تاني سلام دلوقت

تابعت عايدة انصرافها بحزن ثم اجابت عليها بأسي:
سلام يبنتي

............................