رواية عشقت ابنه عدوي(جاري التعديل) الفصل الخامس عشر 15 - بقلم salma naser

《بسم الله الرحمن الرحيم 》

[عٌشٍقِتّ أّبِنِةّ عٌدِوِيّ]

ِبقلمَ:َّسلَمَيِّ نِأّصٌر
_________________________

كانت الصدمة تعلو محياها وتتطالعهم بدهشة وقالت بغرابة..

يعني ايه ؟ كريم يعمل ؛ كدا ازاي وليه

نظر لها بوجه محتقن بالدماء مردفا بسخرية...

ياما قولتلك انه عيل و*** ومش هسيبك في حالك وحطك في دماغه ؛ وانتي الي ماشيه ؛ وراه زي البهيمة

نظر كريم حوله بتوتر وريبة فالكل يشاهد ما يحدث من شباب وبنات وتتعالي هماستهم المشدوهة والغاضبة من كريم ليجز كريم علي اسنانه بغضب لدانا وهو يتواعدها...

هزت دانا راسها بتصميم وقالت محاولة عدم تصديقه ،،،،

لألألأ ؟ انت ..ااكيد..بتكدب الحق يا كريم ؛ بيلزق بلوته فيك !!!

بينما طالعها علي مدهوشا وغير مصدق ليقول بعصبية مخيفة ،،،،

لآ مش ممكن بجد ؟ هو عملك غسيل مخ ؟ انتي ازاي بالغباء والسذاجة دي دا لو حمااار كان فهم عنك ؛ تعرفي خسارة فيكي الكلام بني ادمة غبية مشوفتش في غبائك وكانت عايشة برة كمان! اوعي غوري من قدامي ؛ وحسك عينك تتهميني بحاجة تاني وخليكي لسي كريم ..يكش تولعوا ببعض !!!

كان الجميع ينظرون لهم وينقلون الكلام بين بعضهم وهم ينظرون لدانا وكريم ليقول كريم بحنق ،،،،

خلاص يا جماعة الله ! كل واحد يشوف حاله ؟ مش هتفضله واقفين كدا ؛ كلمتين قولناهم بزعيق ؛ اتفضلوا بقا

قالت احدي الفتيات باستنكار وهي تلوي شفتيها بعدم اكتراث ،،،

يلا يا بنات ؛ ولسة ياما هنشوف ؛ في الجامعة دي !!!

رمقها كريم بغضب ثم ذهب وجذب دانا من زراعيها هاتفآ وقد اشتعل فتيل غضبه ويرمقها بنظرات قاسية ،،،،

ايه الي هببتيه دا !!!!

دانا وهي تنظر له بعدم فهم ""

نعم !! عملت ايه مش كان لازم اعرف هو عمل كدا ليه ؟ بس بينكر ورماها عليك شوفت الندالة ؛

كريم بغضب اكبر وهو يلعنها في نفسه ..

هو انا كنت اشتكتلك ينفع الي حصل دا !!! انتي غبية يا بنتي ؟ هو كان فيه داليل في ايدك عشان تتهميه وتوري العين علينا ...

دانا بنفخ وهي تقول بفتور ،،،

هففف بس بقا يا كريم انا المود بتاعي اتقفل اصلا ؛ من الي حصل انا هروح يلا باي ؛

ذهبت ليقول بغضب وهو يتوعد ،،،

الله يخربيتك ! هتفضح في الجامعة بسببك بت غبية ؛ انا لازم اخلص منك بقا مش هفضل استحمل دلعك ومشاكلك دا كتير !!!!

------------------------------------------------

تجلس في غرفتها متافف وتنظر للمنزل بقرف واضح وتقلب في قنوات التلفاز بضيق وغضب،،،،،

دخلت الخادمة نيرفانا ووضعت صينية الطعام وبعد الشراشف لتجدد شرشف سريرها وخادمة اخري للتنظيف سمعت (ماجدة) ضچيچ في الخارج لتنهض وتتفقد المكان لتجد الخادمات لتقول بغضب عارم ،،،،

انتوا دخلتوا هنا ازي !؟ هي وكالة من غير بواب،،

لم تفهم نيرفانا شيئ لتقول الخادمة الاخري،،،

:احنا معانا نسخة لمفتاح الشقة يا ماجدة هانم ، وجينا عشان ندي لحضرتك الغدا ونضف هنا،،،

احتقن وجه ماجدة بالغضب الكبير لتمسك صنية الطعام وتقذف بها باكملها في الارضية وينثر المكان بفوضي الطعام لتنظر لها الخادمة بزهول لتردف بغضب وتكبر،،،

ولله عال !! اوي الكلام دا مش كفاية اني قاعدة في في عشة فراخ كمان تدخلوا عادي كدا،، انا ليا كلام تاني مع زينة وانتي، هاتي النسخة دي وتاني مرة متدخليش من نفسك مش من بقيت عيلتك البيئة انا ولو احتاجتك هنديلك يلا غوورو من هنا مش طايقة اشوف حد،،،

ارتعبت الخادمتان من حالة ماجدة الغريبة والمخيف لتعطيها المفتاح بايدي مرتعشة لتلتقته منها بغضب وهي في ابهي صورها الغاضبة والمنفعلة ليجمعان ما احدثته ماجدة من فوضي بسرعة ويسرعان الي الخارج تجنبا حالتها الهستيرية والعصبية،،،

جلست ماجدة علي الاريكة بغضب وهستيريا لتقول بنبرة متواعدة،،،

بقا انا يحصل فيا كدة!! بس لأ انا مستحيل اسكت للي بتعمله دا ولله يا زينة لتشوفي وش عمرك مشوفتيه وهتكرهيني اكتر، بس اخلص واخد الفلوس الاول ساعتها هتندمي علي معاملة الخادمين الي بتعامليهالي دي يا ....يا بنت سامي،،،

-------------------------------------------------

باستحياءٍ واضح على تعبيراتها الخجلة نظرت ودقات قلبها تتسارع واحمرت وجنتيها فقد نادها (بحبيبتي) وامسك بيدها مما اخجلها هذا بشكل كبير ابتسم ادم ابتسامة حب مزيفة ليقول وهو يطالعها،،،،

تعرفي ؟ اكتر حاجة حبيتها فيكي خجلك دا ، وانسانيتك ، ورقتك ، بصراحة حبيتك كلك علي بعضك كدا،

اكتفت بابتسامة خجلة فقط ثم قال وهو ياخذ يدها الاثنتين وقبلهم بحب مما زاد رجفتها وتوترها وقال لها،،،

كنت خايف جدا لترفضي بس دلوقتي بجد بقيت مبسوط جدا ولما ناخد علي بعض هاجي اطلبك انا ممكن اجي اطلبك وقتي بس هستني شوية...

قالت له بابتسامة:ان شاء الله ببس يعني بلاش حبيبتي والكلام دا دلوقتي عشان بتكسف اوي دا احنا لسة بنتكلم ...

ادم:ماشي هحاول اصل لما بشوفك بنسي نفسي باتوه في خضار عيونك ...

كارما وابتسمت له وقالت بخجل ...

طيب مش هنروح للمي كدة هنتاخر ؟؟ ،،

ادم:مستعجلة علي ايه هنروح في اي وقت دا انا مصدقت هاا تاكلي ايه ،،

كارما:اكل ! هو ...

قاطعها قائلا:اه هعزمك علي الغدا يا حبيبتي بقولك انا مصدقت وكنت بظبط الكلام بالعافية عشان ابقي رسمي وجاد معاكي خلاص بقيتي مسؤلة مني في كل حاجة،،،

كانت تنظر له فقط ولا اتعرف بماذا تجيبه ولكن من داخلها تطير من الفرح لكلامه هذا وكانت تقول بانها امتلكت الدنيا فكانت كل يوم تفكر به وتتمني لو يصبح من نصيبها فهي احبته من اول نظرة ..فحاولت ان تبادله الحديث تحت خجلها الواضح وارتباكها..

كارما:ماشي خلينا نتغدا مع اني مش باكل دلوقتي بس ماشي،،،

ادم:دي اول عزومة هعزمك فيها يبقي لازم من غير نقاش ...

ابتسمت له بعذوبة:ماشي يا ...يا ادم ..

ادم وابتسم بمكر:ياا اول مرة اعرف ان اسمي حلو كدا...

امسكت خصلة شعرها ووضعتها خلف اذنيها بتوتر وهي تنظر في الارض واصبح وجهها احمر بقوة ليضحك هو بشدة ويقول...

خلاص هتحمري اكتر من كدا ايه ،،

كارما بصوت خافض:منتا بطل تقولي كدا ! قولت بتكسف خلاص بجد انا حسا اني هيغمي عليا من الكسوف مش متعودة علي كدة انا ....

ادم:خلاص ، خلاص ، هنطلب الاكل اهو بس خودي بالك من هنا ورايح مش هنديكي غير بحبيبتي وقلبي وعمري،،

ابتسمت هي وقالت:يااا ، كل دا من كام مقابلة دا انا عارفاك من شهرين بس لحقت تحبني الحب دا كله...

ادم:مش من كام مقابلة ولا كام شهر، من اول لما عيني جات في عينك ، ولمحتك ، وانا كل تفكيري وعقلي فيكي بصراحة انا نفسي استغربت من انجذابي ليكي بالسرعة دي بس بعد كدا عرفت واتاكد اني بقيت بحبك لدرجة كبيرة اوي ..

كانت تتابع كلامه وعلي فاهها ابتسامة فرحة مرسومة فهي ايضا احبته بشدة منذ اول مرة راته بها ....

كان ينظر لها طوال جلستهم بنظرات لم تفهمها وهو يقول في عقله بانتصار وتوعد،،،

خلاص يا فرح هانت كله قرب وهاخدلك حقك ،،،!!!

------------------------------------------------

يارب خدني عشان استريح ويستريحوا !!!

قالتها احسان بفتور ونظرتها تستشيط غضبآ لتقول لها امل بضيق من افعال والدتها...

في ايه يا ماما ؟ عايزني اعمل ايه ؟؟

احسان وهي تلطم علي قدميها بحسرة لتردف بقهر ،،،،

عايزاني اموت يا امل انا عارفة ! اذا كنتي انتي ولا اخوكي الي بيتحداني وراح خطبها عندآ فيا ، ا ااااه يا حسرتك يا احسان في ولاادك الاتنين اروح فين واجي منين،،،

امل وهي تلوي ثغرها بتنهد:ايه لازمته كل دا يا ماما ، هو ايه الي حصل يعني ؟؟

احسان وهي تكمل واصلة العويل ،،

ايه لازمته ! ! مش قولت انك عاوزة تموتيني انتي يابت هتفضلي قاعدة في اربيزي كدا ، هتتجوزي امتي ،،،

امل بملل من حديث امها:يوووه مش هنخلص انهاردة ، كل شوية هتتجوزي امتي هتتجوزي امتي ، هو انتي مخنوقة مني اوي كدة ،،

احسان وهي تلوي فمها بخيبة:شوفوا برضوه ، مخنوقة ايه يا بت انا عاوزة استرك زي اميرة اختك ، والعريس موجود وانتي الي دماغك جزمة قديمة ،،

امل بغضب:وانا قولت مش هتجوز الا لما اخلص جامعتي ، ومش اسامة الي اتجوزه ، دا ابن امه والشورة شورتها والكلمة كلمتها ، وكمان معروف في الحتة ...خنقه !

احسان بعويل مبالغ فيه:ياليلة بختك في عيالك يا احسان ، ياللي مشوفتيش يوم عدل في حياتك ، يا حزني ياااني البت بتعصي كلمتي ، والواد ماشي علي غواه ، ارمي نفسي تحت عربية عشان ترتاحوا اعمل ايه بس !!!

امل بضيق وهي تنهض:ماما انتي مأفورة اوي بجد ، اووف اتخنقت ،،

احسان بصوت عالي:انفخي حلو ، انفخي ان مخليت ايامك اسود من قرن الخروب مبقاش احسان ، البت بتعصيني ، ياربي هو انا عملت ايه في دنيتي عشان يحصلي كدا ، فينك يامه كنتي تديني بالخرزانة اقولك حاضر ونعم جيل ايه دا المهبب ،،!

دخل عثمان في ذالك الوقت الي المنزل وهو يتكأ علي عكازه ليقول لها بخشونة..""

في ايه تاني يا احسان ، صوتك جايب لاخر الشارع ، هو مينفعش اجي الا لما الاقيكي عاملة خناقة في البيت..

احسان وهي تضع يداها علي خديها ،،

اسئل الست هانم بنتك ناوية تموتني ،،

جلس عثمان علي الاريكة وتنهد بتعب ...

انتي برضوه مزوداها يا احسان ، عاملة عقلك بعقلها ، مش كدا خفي عليها شوية ،،

احسان بغيظ:شوف الراجل ، بقا انا الي مزودها ولا بنتك الي خلتني اشد في شعري ، دا بدل متخليها تسمع كلمتي وتدخل تربيها، دا الي باخده منك ولا بتنفعني بنكلة ،،،

عثمان يتنهد:معلش يا احسان خديها علي قد عقلها ، دي لسة صغيرة ومش فاهمة ،

احسان وهي ترفع يداها وتشبكهم ببعض:لو مش فاهمة نعلمها ، لكن لا دي راكبة دماغها ومش موافقة علي اسامة ، اعمل ايه يعني اقطم رقابتها ،،

عثمان بهمس وبنبرة خبث:اهدي انتي بس وانا هلين دماغها وهخليها توافق اسامة لسة نفاتحنيش دا يدوبك بيلمح ،،

احسان بسخرية:اما نشوف يا حاج اخرتها ايه ؟؟

عثمان:اخرتها خير قومي يلا حضريلي الغدا عشان انزل اقعد في الجامع ، واسرح في ملكوت ربنا بدل الدوشة دي ،،،

احسان ونهضت وقالت بمضض:دوشة ! قعدتي بقت دوشة ، خليني ساكتة احسن لاطلع انا الي غلطانة !!!

--------------------------------------------------

تقف وتعدل من ملابسها و حجابها وتلتفت بالجانب لتتاكد من اكتمال ارتداءها لتلتقط محفظة نقودها الرثة والصغيرة وتذهب باتجاه باب المنزل ثم قالت بعلو صوتها لمليكة....

مليكة ، ابقي روحي لعم شكري خدي منه الخضار،،

خرجت مليكة من الداخل ووجهها عبوس كالعادة من طلبات اختها التي تعتبرها همآ ولا يجب عليها تنفيذها وقالت هاتفه بتملق...

هو انتي متعرفيش تمشي من غير متخليني اهد البيت وابنيه ،،

ميادة ساخرة:علي اساس انك بتهديه فعلا ، اوعي تنسي ولله مهعمل الغدا وهسيبك كدا ،،

مليكة وهي تمشط شعرها امام المراء الصغيرة الموضوعة في الخارج وقالت بدون اهتمام...

طيب ، طيب ،،

ذهبت ميادة وفي طريقها قابلت خالد حاولت ان تتجنبه ولكن لم تستيطع ان تبتعد عن سحر عيناه الفيروزية التي تجعلها تحلق في جمالها وكانت عينها تخبره بعتاب داخلها لماذا تعاملني هكذا لماذا لا تبادلني حبك بل بادلتني القسوة والتجريح والاهانة ماذا فعلت لاستحق كل هذا افاقت من خيالها الذي صور لها بانها تقف امامه وتعاتبه وتصرخ به علي الاستهانة بها .. وهو يقول بجمود وسخرية وغروره المعتاد....

هتفضلي تصوريني كدا كتير ؟؟

شعرت ميادة بالحرج الشديد لتحاول وجود مبرر لشرودها به وقالت بتوتر وتعلثم...

اا..انا...كك..نت..يعني مش..،،

قاطعها وهو يدور محرك سيارته وقال متجاهلا اياها ....

هششش ، خلاص اسكتي ،،

ذهب وتجاهلها مثل كل مرة لتوبخ نفسها بشدة علي اهانة نفسها معه بتلك الطريقة وقالت في عقلها بعزيمة ان لا تسمح لنفسها بان تغيب في بحور عينيه وحبه التي تعشقها منذ ان كانت صغيرة وتعهد نفسها بان تحاول عدم التفكير والشرود به فهو رفضها رفضا قاطعآ فيجب ان تحافظ علي كبريائها وكرامتها كآنثي لتذهب الي عملها وعقلها شارد ولا تعلم بان هناك اعين شيطانية تراقبها بخبث وشر كبير ،،

----------------------------------------------

كان ادهم جالس في حديقة الفيلا المحيطة بالازهار والاشجار والعشب الاخضر الذي يريح الذهن ويرتشف قهوته ويقراء الجريدة عندما تنتهي الخدمات من اعداد الطعام ليلفت انتباهه القبض علي عصابة يهربون المخدرات الي خارج البلااد دقق قليلا في اسماء المشتبهين بهم المكتوبة في الجريدة ليحدق بيعينه مدهوشا ويترك الجريدة باهمال وياخذ هاتفه علي عجلة ويطلب رقم ما وبعد قليل ياتيه صوت الرجل ليتكلم ادهم بعصبية مفرتة ،،

ايوة يا زفت ،،

ايوة ياباشا ، جنابك عرفت ؟؟

ادهم بسخرية:لا بجد ، عرفت ؟ ايه الي سمعته دا يا غبي ، وليه مكلمتنيش في ساعتها ؟؟

(عباس):ياباشا غصبا عني ولله ، كل حاجة جات فجاة وبسرعة ، ومعرفتش غير انهاردة الصبح انهم قبضوا علي نص رجالتنا !!!

ادهم بغضب كبير واعين كالجحيم:وازاااي تشتغلوا وتسلموا بضاعة وانا حذرتكوا تستنوا ، هااا ، بتعصي امري يا عباس ، انت عارف الي بيعصي اوامري نهايته ايه ؟!!!

عباس وابتلع ريقه بصعوبة واجابه بخوف وتوتر....!!

وولله يا ادهم باشا ..ااا...انا ممم.مكنتش اعرف انهم بيسلموا بضاعة وبدؤ في الشغل استغفلوني وعملوها من ورايا..،،

ادهم:استغفلوك !! ليه انا مشغل نوسة معايا ، امال انت لازمتك ايييه ، اعمل فيك ايه دلوقتي ، انت حسابك عسير معايا علي تقصيرك دا ، وبسببك ممكن اروح في داهية وسمعتي تتدمر !!!

عباس محاولة تهداته وتهدئت افعاله المريضة والمجنونة التي رأها اكثر من مرة علي كل من قام بممارسة جنونه وساديته عليهم وهو لا يريد ان يخاوض تلك التجربة القاسية فهو زراعه الايمين ويعلم بكل خطوة يخطوها وان اخطأ ولو خطاأ صغير سيكون مصيره مثل باقي غيره....!!!

اهدي بس يا باشا ، انا هتصرف ومتشغلش بال سعاتك ، شافعي و رحيم مش هينطقوا بكلمة عننا او عن شغلنا ،،

ادهم بسخرية:وانت ايه الي مخليك متاكد كده ؟؟

عباس بثقة:لا من الناحية دي اطمن يا باشا ، انا هعرف اخليهم يسكتوا ازاي ، دا انا تلميذك يا ادهم باشا ، ومش ممكن اسيب جنابك تتعرض لخطر ...!!!

ادهم بسخرية وهو يضغط بتحذير علي كلامه....

اما نشوف يا عباس ، لحسن دي فيها تطير رقاب ، وكلام انت مش قده ولا ايه ؟

عباس بتوتر وخوف:ممتق..متقلقش يا باشا كله في السليم ....

ادهم:وبالنسبة للكلام الي كلمتك فيه المرة الي فاتت ، هببت فيه ايه ؟؟

عباس:لا يا باشا الا دا كله تمام وهننفذ زي محضرتك امرت ، وطب وبالنسبة للظابط الي ماشي يدقق ورانا في كل حاجة دا نعمل فيه ايه ؟؟

ادهم ونظر في الفراغ وابتسم ابتسامة شيطانية وقال بريبة....

لااااا ، دا بقا ليه تخطيط تاني معايا ، وليه روقة حلوة عشان هو مش سهل ، وانا كمان مش سهل ، والبادي اظلم !!!!!

-----------------------------------------------------

يجلسان ويثرثران ثرثرتهم العشوائية وتمسك امل بهاتفها ومليكة تنظر لتلك الاشياء التي تريها امل ايها باعجاب ....

مليكة باعجاب: إيه الحاجات الأُبهة دي ؟!

امل:اه شوفتي ، بنت خالتي بعتتهملي وعجابوني اوي وانبهرت بتصاميمهم وديكورتهم ..،،

مليكة بتبرم:شايفة الناس عايشة ازاي فيلل وقصور وعربيات اخر موديل ومتروشين علي الاخر ، وانا يا حسرة بكح تراب ،،

امل بتوبيخ وتهكم:يابت لسانك دا ايه ، انا مش بوريكي الحاجات دي عشان تقري ، انا عجباني الوانهم بس ،،

مليكة:امتي الواحد يطلع من المنفق الي عايش فيه دا بلا هم ازرق ...

نظرت امل لها وتنهدت بيأس لتكمل تصفحها علي هاتفها تدخل ميادة في ذالك الوقت المنزل وتجلس علي اقرب اريكة بتعب وهي تتحس قدميها بارهاق واضح لتقول مليكة بحنق ،،

اتآخرتي ، ليه ؟؟

نظرت لها ميادة بنفاذ صبر لتقول بسخرية...

اصل الوقت سرقني وانا قاعدة علي البحر في الساحل ،،!!

مليكة بتهكم:بتتريئي ، طب انا كنت عاوزة اجيب كتب للجامعة عشان اذاكر منها ،،

ميادة:هو مفيش يوم متطلبيش فيه كتب ايه دي ؟؟

مليكة بتبرم وحنق:خلاص ، لما اسقط متبقيش تزعلي وتقوليلي ضحيت ومضحتش ، براحتك ،،

امل واردفت:طب منا بجبلك الكتب الي عندي وبتصوري المهم منها ، ايه لازمته التكاليف ....

رمقتها مليكة بغضب:بس انتي ! ملكيش دعوة ،،

ميادة مرغمة:خلاص يا امل ، حاضر يا مليكة هديكي فلوس وهاتي الي انتي عوزاه ، البيت بيتك يا امل خدي راحتك ، انا داخلة انام عشان تعبت في الشغل ،،

مليكة وهي تتمتم بتافف:اهو دا الرواتين بتاعنا عيشة زهق انا هقوم اعمل لمون عشان دمي بيغلي عاوزة حاجة ،،

امل وهي تنهض:لا ، تسلمي انا هروح بقا عشان الوقت ميتأخرش عن كده ، وانتي عارفة امي مش هتسكت !!؟

مليكة:ماشي يلا بالسلامة انتي ،،

ذهبت امل بينما دخلت مليكة الي غرفتها وكانت تبحث علي عقدة شعرها في الاغراض ليقع ذالك الكارت لتلتقطته وتقرأه لتبتسم وهي تتحسس ذالك السوار الانيق الذي ترتديه في يدها الذي جلبه لها حسام كهدية اعتذار لتقول بتحلم وهي تقلب الكارت بيدها ....

يااا ، شكل الدنيا هتضحكلك يا مليكة ، بمكلمة التلفون دي !!!!

--------------------------------------------------

هههههههههه مش ممكن ،،،

ضحكت زينة بشدة وهي تهاتف كارما في الهاتف عندما كانت تقص لها مقابلتها مع ادم اليوم وانها موافقة علي الارتباط به....

بقا يا بنتي عمال يغزل فيكي طول منتوا قاعدين ، وانتي عمالة تهزي في راسك بس !؟

كارما:اعمل ايه دا يدوبك لسة قايلة اوك ، ودا مصدق داخل عمال يقول في كلام ومش عارفة ايه ، بس مش مشكلة ، اهم حاجة اني وافقت ، ارتحت اوي بصراحة وحسيت بسعادة ،،

زينة وسعدت كثيرا لصديقة دربها التي تعتبرها اختآ لها وقالت بسعادة بادي في صوتها ومرح:ايوة يا عم مين قدك ، ربنا يسعدك يا حبيبتي ، بصي بقا اي كلمه تتكلميها معاه لازام تيجي تحكيلي ،،

كارما:طبعآ يا زينة امال هرغي مع مين واحكي غير معاكي بس ، في حاجة فيه لفتت نظري وقلقتني !!!!

زينة باستفهام:حاجة ايه ؟؟

كارما بشك:سعات القيه يبصلي نظرات بتكسفني وتوترني ، وسعات يبصلي بنظرات احس انه مش طايق يبص في وشي ، وسعات يبصلي بنظرات كانه بيحفظ حاجة فيا ، او بيفكر في حاجة في دماغه ليها علاقة بيا ، معرفش ،،

زينة: كل دا في ساعة قعدوتها مع بعض دا انتي ولا المحقق كونان ...عادي يابنتي دا ، ظابط ، يعني نظراته اكيد مش هتبقي مفهومه ، هيبقي فيها ريبة وخشونة ، مهو اتعود متحطيش في دماغك ، انتي بس وفكك من دا كله بلاش التشأئم دا !!!

كارما بعدم اقتناع: يمكن وانا بتوهم ....هي طنط ماجدة عاملة ايه ؟؟

زينة بعبوس واستنكار:بينها اتجننت يا كارما ، دخلتلها الخدامة انهاردة بالاكل ، اتجننت ورمته وزعقتلهم ، مش عارفة اعملها ايه اكتر من كده ،،

كارما:معلش يا حبيبتي ربنا يهديها ، اكيد نفسيتها وحشة ، المرض الي عندها مش سهل برضوه !!

زينة:انا عارفة ، عشان كده مستحملة !!!

كارما:ربنا يشفيها يا زيزي ، هتعدي عليا بكرة ، ولا انا الي اعدي ،،

زينة:لا عدي انتي انا احتمال اتاخر...

كارما:اوك يا حبيبتي ، تصبحي علي خير

------------------------------------------------

*في صباح اليوم التالي *

يوووه ، ايه دا يا فيروز ، مش عجباني !!

قالتها قمر الصغيرة بضيق وهي تفك رابطة شعرها من جديد لتقول فيروز وهي تنحني لمستواها...

ليه بس يا قمورة ، مش قولتيلي اعمليلي ديل حصان ، اهي حلوة وجميلة،،

قمر بغضب طفولي:لا يا فيروز ، مش حلوة خالص ، ماما كانت بتعملها احلي ،،

ادمعت عيني فيروز بحزن وتداريه لتردف لها بحنان وهي تجلسها علي قدميها وتعدل من شعرها ...

ربنا يرحمها ، طب ايه رائيك اضفرهولك...

قمر بحماس طفولي:لأ ، انا عايزة اسيبه مفروض علي ضهري ...

فيروز بحنان وقبلتها في مقدمة رأسها:مينفعش يا حبيبتي ، انتي رايحة مدرسة ، لازام تبقي شطورة وبتسمعي الكلام ، عشان المس تحبك ، انا هعملهولك علي الجانبين بالتوكة الحلوة دي ،،

قمر باقتناع:ماشي ، بس في حفلة المدرسة ، هروح وانا مسيبه شعري ، ولبسة الفستان الجديد ،،!

فيروز بابتسامة:يااا ، الحفلة دي بقا مليش ان اتكلم فيها ، اعملي كل الي انتي حباه ، ويلا بقا عشان منتاخرش "!

تجهزت قمر وفيروز لتوصلها الي المدرسة ليخرج حسن من غرفته وهو يبتسم لهم وياخذ قمر في احضانه ويقبلها بحنان اخوى ...

صباح الخير يا قمورة ،،

قمر وهي تعانقه:صباح النور يا حسن ، هتوديني الملاهي انهاردة زي مقولتلي صح؟!

حسن وهو يربت علي شعرها بحنان:طبعآ ، وهو انا عندي كام قمورة ،، خودي يا حبيبتي المصروف دا ، هاتي بيه كل الي نفسك فيه ...

قمر وهي تقفز بفرحة كبيرة وحماس طفولي:هيييييه ، هيييه معايا مصروف هشتري بيه حاجات كتييير اوي ،،

فيروز بحذر:ولله مفي حد مدلعها هنا غيرك بتديها ، مصروف ليه كده مش هتاكل سندوتشاتها وهترجع بيها زي كل مرة وهتجيب شيبسي ، كمان دي مصدقت !!...

حسن:سيبيها يا فيروز متخليهاش نفسها في حاجة ، بس قمورة عشان مزعلش منك تخلصي كل السندوتشات بتاعتك عشان اوديكي الملاهي ؟!!

قمر بطاعة:حاضر يا حسن ، هاكلها كلها...

حسن:شاطرة ، فيروز فكرتي في موضوع انك تعيشي مع اهل عبدلله ؟؟

تنهدت فيروز بتعب وحيرة:معرفش يا حسن ، مش عارفة ارسي علي بر ، وتعبت من كتر التفكير ، بس انا من حقي يبقي ليا شقة خاصة بيا مش عارفة بقا ؟؟!!

حسن بحنان:فيروز ، متجبريش نفسك لو شايفة انه هيبقي امر صعب ، نلغي موضوع الجواز دا !!!

فيروز بابتسامة:ربنا سهل ويقدم الي فيه الخير ،، ويخليك ليا يا احن اخ في الدنيا ،،

لتقول قمر بصوت عالي وضجر:يلااا يا فيروز كدا مش هلحق الطابور !!؟..

فيروز وهي تمسك بيده اختها الصغيرة وتخرج ...

طيب ، يا لمضة ادينا خارجين،، صحيح يا حسن هتروح الجامعة ولا الورشة ؟؟

حسن:هروح الورشة ،، لسة بدري علي محضراتي...

فيروز:ربنا معاك ، حسن متقصرش في كليتك دي كانت وصية ماما الله يرحمها خد بالك من دراستك كويس ،،

حسن:حاضر يا فيروز !!

يلاااا بقاا يا فيروز عايزة الحق ""

قالتها قمر الصغيرة بغضب وهي تددب بقدميها في الارض ....

خلاص اهوو يلا ،،

------------------------------------------

ترتدي حذائها الرياض لتستعد للذهاب الي الجامعة لتاتي ميادة وهي تمسك محفظتها وتخرج منها عدة اوراق من المال وتضعهم علي المنضددة وقالت مردفة لمليكة ....

خودي يا مليكة ، فلوس الكتب الي عاوزها اهيه ....

نهضتت مليكة وامسكت اوراق المال الصغيرة لتبدء بعدهم باهتمام لتضيف بزجر....

يدوبك علي قد الكتب ، طب مفيش حاجة صغيرة ليا كدة ...

ميادة بحدة:لأ مفيش ، وخلي عندك دم انا بجيب الفلوس بالعافية وبحاول علي قد ماقدر مخلكيش ناقصك حاجة في تعليمك ....!!!

مليكة ونظرات لها بنظرات سخط وغضب واردفت غير مراعية لشيئ...

اوووووف ، ارحمني بقا ، من كلمة تعليمك ضحيت معرفش ايه ،؟ انا اصلآ قولت مش عاوزة اتعلم ، وانتي الي اصريتي مالي انا بقا ، انا عاوزة اعيش زي باقي البنات يلبسوا يتمتعوا يعيشوا عيشة تفرح مش عيشة الفقرا الي احنا عايشنها دي !!!!؟

ميادة متجاهلة اياها وقالت بياس وهي تتجه الي المطبخ لاعداد الافطار....

الأحسن اسيبك تولعي في نفسك ، مفيش راجا منك هتفضلي كده مش بتحمدي ربنا علي النعمه الي انتي فيها ، جتك البلاه ...!!"

اكملت مليكة غير مهتمة بتجاهل اختها وقالت بتمني ....

: ياما كان نفسي بابا يكون من الابهات الاغنية دول ، الفلوس عندهم زي الرز ، عشان نصرف كدا براحتنا ، ويبقي عندنا خدامين وشغالين ، يعملوا كل حاجة !!؟

ميادة من داخل المطبخ بحنق...

احمدي ربنا ، غيرك مش لااقي ياكل... وكمان نسيتي المدارس الخاصه الي كنا فيها ؟؟؟ دا كل مدرسة كانت بتاخد في السنة مصاريف قد كده ، وبابا الله يرحمه يا حرام مستخسرش فينا حاجة ؟؟!!

اكملت مليكة غير عابئة واردفت بسخرية وتهكم ....

بطلي الكلام الخايب ده ، تعليم ايه بس الي ضيع فلوسه فيه ، بابا اصلآ كان بخيل بيطلع القرش بالعافية وكل جنيه بسؤال ، هطلعيه لايه ولفين ومعرفش ايه ، بدل الفلوس الي ضياعها من غير منستفاد كان جاب شقة في منطقة عدلة مش تعليم ؟؟!!

خرجت ميادة من المطبخ غاضبة وقالت بتوبيخ ....

اعوزو بالله منك ، فعلا الواحد غلطان انه بيتكلم معاكي ، بكرة ربنا يبتليكي بواحد يطلع عينك ، وساعتها هتعرفي ان الله حق ، ناكرة للمعروف والجميل ،قال كان بخيل قال ، ربنا يرحمك يا بابا ،،!!!

مليكة بثقة وتعالي: لاااا يا حبيبتي ، انا الي هتجوزه هيكون ليه شكل تاني خالص ، غني كده ومز وينغنغني بالفلوس ويستمني رضايا بس !!؟

ميادة بسخرية:دا مين دا ، بتحلمي بكرة تقولي حقي برقبتي ويجيلك الي يندمك علي كلاامك دا ،،،

مليكة بسخرية وهي تقلدها في كلامها ...

:بكرة يجيلك الي يندمك ، اتوكسي ونبي انتي الي بتحلمي والشباب هتموت عليا...

ميادة بريبة: بكرة نشوف !!!!

------------------------------------------------

كانت تجلس في المكان الذي وصفهو لها وتتافف وهي تنظر في ساعة يداها ...

اتي كريم وهو يبتسم لها بمكر ....

ايه يا دودي زعلانة ، ليه دي هي عشر دقايق بس الي اتاخرتهم...

دانا بغضب:عشر دقايق حضرتك عارف العشر دقايق الي بتتكلم عنهم دول عملوا معايا ايه لو مش عارف تلتزم في المواعيد متخلنيش اجي واستناك...

كريم في نفسه بغضب:دة انتي تحمدي ربنا اني جيتلك اصلآ ، بتتئمحي علي ايه مش كفاية الفضايح الي عمالتيها انهاردة الصبح ، بس حلو كلها ساعة واخلص منك ...!!!

كريم بابتسامة مزيفة:خلاص بقا يا دودو ، هتعمليلي محضر يلا تعالي ...

دانا بتسائل:احنا هنروح فين ؟؟؟

كريم بخبث وتلمع عينيه:لا يا دودو دا سر بقا حتتة مكان انما ايه هتتبسطي علي الاخر يلا بينا ...

دانا بشك:طب صممت نتقابل دلوقتي ليه احنا في نص الليل؟؟

كريم بزهق وهو يجز علي اسنانه...

متستعجليش يا بيبي ، هتعرفي دلوقتي مكان هيبهرك يلا بقا....

ذهبت معه دانا وتشعر بشك تجاه ولكن ذهبت بحماس لتري المكان الذي يوصفه لها...!!

------------------------------------------------

بعد مدة ليست بكثيرة وقف كريم بسيارته امام بناء ضخم ويبدو من هيئته انه انه ملكآ لشخص ثري نظر لها وقال ...

يلا يا بيبي انزلي...

دانا وهي تتفحص المكان:انزل فين ؟؟ انت جايبني فين ؟؟

كريم بنظرات غريبة:هتعرفي كل حاجة انزلي بس ...

نزلت دانا وهي مستغربة ولا تعلم ماذا يريد كريم ان يريها...

امسك كف يداها بقوة المت اصابعها بين اصابعه التي تقبض عليها بشكل غريب قالت بقلق...

انت مسكني كده ليه ، هو انا ههرب ؟؟

كريم وهو يتجه للمصعد وقال بتحذير...

اهدي وخليكي حلوة كده ، وكفاية اسئلة ، قولت هتعرفي

شعرت بالريبة والقلق من تصرفه لتصعد وهي تضع يدها علي حقيبتها يدها وتتحسسها تتاكد بانها جلبت معها امانها التي تجلبه معها في كل مكان لتحافظ علي نفسها تحسبآ لاي امر طارق وقف المصعد امام شقة من الشقق لتصمع اصوات صاخبة وغريبة لتفلت يداه وقالت له بحده وقلق....

انا مش مشيا معاك الا لما اعرف جايبني شقة في عمارة زي دي ليه ؟ اوعي تكون بتلعب بيا وفي دماغك حاجة زبالة !!!؟

كريم بابتسامة مزيفة:انا برضوه ؟ لا بجد هزعل منك ، انا مستحيل اعمل حاجة فيكي تضرك يا دودو انا بس محضرلك مفجاة تعالي متخافيش ؟؟

قالت بخوف وقلق حاولت مدراته:لأ ، ملوش لازوم خليها يوم تاني انا مشيا باي ....

كريم وجذب يدها بقوة شديدة وقال بغضب :

ماشيا مين يا روح امك ، هو دخول الحمام زي خروجه انا مستني اللحظة دي من شهرين اتزفتي تعالي ...

نظرت له بصدمة وهلع وقالت بخوف وهي علي وشك البكاء...

كريم بليز ، انا معملتش فيك حاجة وحشة سيبني امشي لو سمحت واوعدك مش هتلمح خيالي بعد كدة من فضلك...

كريم بسخرية ونظرة شيطانية:الله الله ، القطة الشرسه الي بتخربش ، بقت بتتوسلني وبتترجاني اسيبها ووشها جاب الوان ليه يا دودو كنتي فكراني بحبك بجد دا انتي طلعتي هبلة اوي يلا انجري قدامي الا وقسمآ بربي لاكون شقك نصين .....

قالها وهو يخرج سلاح ابيض من جيب بنطاله ويوجه نحو خصرها بتهديد ونظرت هي له بصدمة ورعب كبير وجسدها يرتجف بفزع لتهز رأسها له ليبتسم هو برضا ...

شاطرة يا دودوي ، خليكي مطيعة كده احبك ...

طرق باب المنزل وهو يمسكها جيدا لتنتهز فرصه انه ينشغل برنين جرس المنزل لتفتح حقيبة يداها بحدزر وبطئ وتدخل يداها وتحاول اخراج شيئ...

فتح له رجل تبدو من هيئته بانه سكير ويترنج وجسده ضخم ويقول بصوت خشن ارعبها ....

عايز ايه يا كريم ؟؟

كريم وهو ينقل بصره اليها والي ذالك الرجل وقال بابتسامة خبيثة وهو يدفعها اليه بعنف ...

استلم !!!!

نظر لها الرجل بنظرات متفحصة وشهوة ليرتسم ابتسامة شيطانية علي وجه وهو يقول له

ايه الفورتيكة دي يا يلا يا كريم شكلك بقا عندك زوق في المجايب وهتجبلنا كتير عشان كده هكفائك مكفائلة ايه لوز ....

كريم:تسلم يا معلم نخنوخ انا في الخدمة اطير انا بقا باي باي يا ...يا دودي....

قالها لها وهو يضحك ويذهب بالمصعد وهي تبكي وتترجا ان يبيقي ليأخذها ولا يتركها مع هذا الهلااك ليصحبها الرجل من زراعها بعنف حتي كاد يكسره ....

تعالي يا حلوة احنا هنعمل شغل جامد...

دانا بخوف ودموع:سيب ايدي يا حيوان الحقوووووني استني يا كريم متسبنيش كريييم .....

غضب نخنوخ ليجرها من خصلات شعرها مما المها وادخلها قصرآ لتقع عينها علي الذي ترا وتتذكر ذكريتها التعيسة في مكوثها مع امها....

كانت هناك مجموعة كبيرة من النساء والرجال وهم يجلسون والنساء ملابسها فاضحة بشكل كبير ويتمايلون بجسدهم باغراء ويرقصون ويكتسون الخمر لتنظر لهم برعب وتشعر بانها سوف تفقد الوعي من الخوف الشديد ليقول نخنوخ بصوت عالي جعلها ترتجف خوفآ...

عشررررية ....

اتت امراء في اواخر الثلاثينات تمضغ العلكة وترتدي مثلهم ملابس فاضحة وتمسك السيجارة بيدها وباليد الاخري تكتسي كوب الخمر لتقول بصوت رقيع...

نعمين ، يا نخنوخ ...

نخنوخ وهو يدفع دانا لها:خودي البت الجديدة الي كريم جابها ....

نظرت لها عشرية بنظرات متفحصة وهي تدفن سيجارتها وتتضيق عينها لتبتسم باعجاب وهي تهز راسها ثم تخرج دخان سجارتها في وجه دانا ليلفح وجهها وتشهر بالتقزز والاشمئزاز منها ....

لتقول عشرية بفحيح:حلوة وتجبلني شغل عرف ينقي كريم نورتي يا حلوة تعالي عشان تلبسي لبس الشغل وتبدئي .....

دانا ببكاء وخوف:ممكن يا طنط لو سمحتي تسبيني امشي انا معملتش حاجة كريم الي جابني بالعافية ارجوكي

نظرت لها عشرية باستخفاف وغضب واطلقت ضحكة رقيعة مستهزء بها ...

طنط ؟ هيهيهيهيهي ؟؟ طنط مين يا حلوة يلا يابت انجري قدامي بلا دلع مرئ دي انتي بشكلك دا هتجبلنا كل الزباين الوز....

قال نخنوخ باستهزاء:قال طنط قال متعرفش انها في شغل وهتنفع ومش هتفلت من ايدينا ......

اخرجت دانا الصاعق الكهربائي من حقيبتها بسرعة ووجهته في وجه نخنوخ وعشرية ليطلق بريق قوي في وجههما لينظران لها بذهول وغضب....وقالت بتهديد ولفتت انظار كل من الجالسين وهي تحاول ان تتظاهر بالشجاعة....

لللو...مخرجنتيش ...من شقة الدعارة دي انا هتعامل معاكوا بدي....!!!

.............................................
..............................????

استووووب معادنا يوم الاربعاء باذن الله عارفة ان البارت صغير بس مشغولة اوي ولله بس نزلته عشان متزعلوش متنسوش الفوت بقا ...

#عشقت _ ابنة _ عدوي

بقلم:سلمي ناصر...

دمتم سالمين