في كافتيريا الجامعة ....
جوري:هي البت دانا اتاخرت كدة ليه دي بقالها نص ساعة جوه....
ليان بمرح:انا مكشوف عني الحجاب قولتلكوا انها هتنسي نفسها جوه وهي بتظبط الميكاب ههههه ....
زياد:متشغلوش بالكوا يا جماعة تلقيها نسيت حاجة ورجعت تاخدها ....
جوري بشك:معرفش يمكن...
_______________________________
تجلس في غرفتها ضاما قدميها تدعي ربها بان تكون امها بخير ولم يفعل لها شيي ذالك القذر....
دخلت لها الممرضة بالطعام:صباح الخير يا لمي يلا عشان تفطري...""
قالت لها لمي بتردد:ههو..ادم بيه مجاش او كارما...""
نظرت لها الممرضة باستغراب فمن عادتها عندما تحضر لها الطعام لا تحادثها وتتجاهلها او تصرخ في وجهها فقالت....
لا يا لمي محدش جيه هما هيجوا بعد ساعتين زي كل يوم....""
لمي:طب مفيش اي اخبار عن ماما...؟؟
الممرضة باسف:اسفة وللهي يا لمي بس لسة بيدورو ويلا يا حبيبتي عشان تفطري وتاخدي الدوا...""
اخفضت لمي راسها بياس لتقول للممرضة...
طب ممكن اطلب منك طلب ...
الممرضة:اكيد قولي...؟؟
لمي:عايزة ورقة وقلم وتكتبي اسم عنوان ولما الرائد يجي ادهوله وخليه يدخلي...""
الممرضة بتعجب:حاضر بس عنوان ايه دا وهتخليه يدخل عادي من غير متقعدي تصرخي فيه...""
لمي:اه من فضلك ممكن يلاقوها هناك...
الممرضة وهي تاخذ ورقة وقلم:ماشي اديني اسم العنوان...
تنهدت لمي ثم بدات تمليها العنوان وتتمني ان يتحقق ما في بالها...
_________________________________
تفتح عينها بتعب وارهاق لتنهص بجزعها لتري اصدقائها بجانبها وجوري تجلس علي السرير وتنظر لها بزروقاتيها بقلق قالت وهي تفرك راسها بالم...
هو في ايه...؟؟
جوري:انتي مش فاكرة ولا ايه احنا لقيناكي اتاخرتي في التواليت وروحنالك ولما قربنا لقينا علي شايلك وخارج بيكي وقال انه دخل لقاكي اغمي عليكي...""
دانا وتتذكر:اايوة دا كان في حد ورايا في التواليت وبعد كدا مش فاكرة حصل ايه بس هو علي دخل تواليت البنات ليه..."
ليان:منعرفش بس لما سئلنا قالنا انه لمحك اتاخرتي فدخل لقاكي واقعة انتي كويسة وشخص مين دا ...""
دانا:اه كويسة معرفش كان لابس اسود ومغطي نفسه مش فاكرة ...
جوري:اندهلك دكتورة مروة...
دانا وهي تنهض:لا ملوش لازوم انا بقيت كويسة فين كريم...؟؟
زياد:كان واقف برة دلوقتي معرفش يمكن خرج..."
دانا:طب يلا انا كويسة بس خوفت اوي...
جوري:متاكدة ان ملامحه مكانتش باينة...
اؤمنت لها براسها لتدلف مروة الطبيبة المخصة في الجامعة لتقول بابتسامة..
ها عاملة ايه دلوقتي انتي اخدتي ضربة قوية علي دماغك سببتلك فقدان وعي وانا ركبتلك محاليل مين ضربك...
نظرو جميعا لبعض بتعجب لتقول دانا...
معرفش مشوفتش ملحقتش اتكلم حتي...
مروة:الحمدلله انك كويسة ولو احتجتي اي حاجة تعاليلي...
جوري:شكرا اوي يا دكتورة مروة انتي قدوة ليا وللهي..
مروة:انا معملتش حاجة يا جوري شكرا يا حبيبتي وبكرة تبقي اشطر دكتورة ولو صاحبتكوا تعبت ياريت تروح....
ليان بهمس لجوري:شكل حد كان عايز يموتها...
جوري بخضة:يخربيتك اسكتي يابت ايه دا... يلا يا دانا حاضر يا دكتورة مروة عن اذنك ...
_______________________________
في مركز الشرطة....
يجلس سيف بجانب ادم وهو شارد ويبتسم ليقول له ادم...
سيف عملوا تحريات عن تاجر المخدرات الي بيتاجر في الجيزة وجالي عن انه قتل ولد من الي......!!،
توقف عن اكمال جملته لينظر لسيف الذي لا يتابعه ولا منتبه له وشارد فقال وهو يبتسم ليقول ادم بسخرية...
ايه يا عم العاشق تحب اشغلك اغنية كدا عشان تعرف تسرح في ست الحسن ...""
سيف ومازال شارد وقال دون وعي:اه شغل وياريت تبقي اغنية حبيتك بيني وبين نفسي...""
رفع ادم احدي حاجبيه وقال بصرامة وصوت عالي...
:انت هتستعبط فوق وركز في شغلك يالاا مش وقته هيام وحب ....""
افاق سيف علي صوته العالي وقال باحراج...
معلش مخدتش بالي...
ادم:مخدتش بالك بقالك ساعة قاعد وسرحان ومش دريان بالدنيا وتقولي مخدتش بالك اكيد الي واكلة عقلك...
سبف:قصدك مين...؟؟
ادم:هو في غيرها زينة صاحبة كارما...""
سيف:احم وانت عرفت ازاي ...""
ادم بثقة:انا اعرفها وهي طايرة وبعدين بقالك يومين شغال كلام عنها مش محتاجة يعني..."
سيف:بصراحة معاك حق بقالي كتير عمال افكر فيها البت لبستني ولا ايه...
ادم:لبستك !! طب ركز في شغلك ولما تروح ابقي حب براحتك ...
سيف:شوف مين بيتكلم اشحال انت قاعد تحب في كارما وسرحان وعادي ...
رمقه ادم بنظرات نارية وغاضبة وقال:انا مش بفكر غير في انتقامي وبس وعمري ماحب غير فرح ولا قلبي هيتفتح غير ليها و اتعدل يا سيف احسنلك بلاش تخليني اطلع عصبيتي عليك...""
سيف وهو يتنهد ويقول بمرح:ماشي هسكت بكرة تندم يا دومي وتقولي معاك حق ...
ادم:دومي !!شكلك عايز ضربة في نص وشك من بتوع زمان ...
سيف:خلاص يا عم هتطلع جنانك عليا ابو الي يهزر معاك وريني القضية الي معاك دي...
_________________________________
في الاحياء الشعبية...
في منزل ميادة ذهبت الي عملها ثم عادت وجلست في غرفتها فمنذ حوراها الاخير مع خالد واصبحت حياتها سوداء لا تاكل كثيرا لم تعد تضحك او تتكلم حتي توبيخها الدائم لمليكة لم تعد تقوله كانت جالسة شاردة لتسمع رنين جرس منزلها المتهالك لتذهب بتثاقل وتفتح لتري فتاتين يبدو عليهم الثراء انفرجت اسيريرها بفرح وخرجت من حالة اكتئابها....
كارما وزينة وحشتووني اوي...""
دخلت كارما لتعانقها وتقبلها ....
عاملة ايه يا ميمي وحشاني يا حبيبتي...
ميادة:انا كويسة بس زعلانة منكوا كل دي مدة متسائلوش عني فيها...
كارما باسف:ولله مقصدي يا ميادة انتي عارفة ضغط الشغل عامل ازاي وكمان حصلت احداث رهيبة في الفترة الي فاتت وهنقعد نحكي للصبح...."
زينة:ازيك يا بكاشة وحشااني وحشااني اديني جيتلك اهو يستي قوليلي عاملة ايه وفين اختك ام لسان طويل...
ميادة:في الجامعة وزمانها جاية تشربوا ايه بقا...
زينة:اقعدي يا هبلة هو احنا ضيوف مش جاين نتعبك.. احنا جاين نسلم عليكي ونطمن كمان...//
ميادة:لا ميصحش انا هجيب حاجة كدا بسيطة ونقعد نتكلم...
ذهبت ميادة وبعد قليل عادت ومعها صنية المشروبات ووضعتها علي المنضددة الخشبية وجلست ليبدؤن الحديث وتقص لها كارما كل ماحدث في الاونة الاخيرة من مقابلتها لادم وارساله الي المشفي الي الان وبعد الامور اليومية التي تقضيها هي وزينة وظهور والدة زينة ....
ميادة:طول عمرك طيبة يا كارما وقلبك ابيض بس مخوفتيش ...
كارما:لا خوفت من صوت الرصاص بس اهم حاجة كانت قدامي اني اقدر الحقه يلا الحمدلله...
زينة:الا قوليلي يا ميادة انتي مال وشك مصفر كدا وشكلك زعلان في ايه احكيلي بقا عملتي ايه..."
ميادة وبان عليها الحزن من جديد وروت لها كل ماحدث من تحرش مكرم بها في العمل الي تجريح خالد لها....
شهقوا بزهول لتقول زينة....
لا لا دا ميستحقكيش يا بنتي يغور في داهية هو الي هيجري وراكي بعد كدا متقهريش نفسك انتي بس... وكل دا حصلك ومتقوللناش دا احنا صحاب من ايام اعدادي لا انا زعلانة منك بجد ازي متتصليش بينا علي الاقل ندورلك علي شغل كويس تقولي للغريب ومتقوليش لينا...
ميادة:زينة انا عارفة وللهي بس مجاش في دماغي ومكنتش عايزة اتقل عليكوا....
كارما بلوم:عيب الي بتقوليه دا يا ميادة ايه تتقلي علينا دي هو اول مرة بنتعرف احنا اخوات واصحاب من زمان لولا بس انك خرجتي من المدرسة بعدنا شوية ومبقناش زي الاول...
زينة:سيبك من كل دا دلوقتي ازاي تسكتي للي اسمه مكرم دا ...انتي من اول لما عمل كدا كنتي تمشي علطول...
ميادة:اهو الي حصل بقا وربنا يكفينا شره...
كارما:اوعي تقهري نفسك وتزعلي يا ميادة علي خالد انا عارفة انك كنتي بتحبيه اوي ومن زمان بس كل حاجة قسمة ونصيب ومتعرفيش الخير فين يمكن ربنا شايلاك حاجة احسن....
ميادة بدموع:فعلا كل شيي قسمة ونصيب وانا راضية بدا ومش زعلانة بس بجد اتجرحت اوي من اهانتة ليا كان ممكن يقولهالي بطريقة الطف واحسن من كدا بس هو بني ادم معندوش ذوق ولا احترام ومغرور العيب عليا انا...
زينة:يولع بجاز متحطيش في دماغك مهو من ساعة مبقا عنده شركات و Businesses وهو كدا معلش يا ميمي سيبكوا بقا من واصلة معلش ومتعيطيش مش جاين عشان نخليكي تكتئبي ايه رائيك تيجي معانا نفسحك نروح النادي نروح كافيه اي مكان انتي عاوزاه وكمان تشمي هوا ايه رائيك...
ميادة:لا يا زينة ملوش داعي كفاية اني شفتكوا وخلاص....
كارما:مفيش الكلام دا هتخرجي يعني هتخرجي انتي لازم تشوفي ناس وتتفسحي وانسي احنا زمان كنا بناخدك ونتفسح ايه الي جد بقا...
ميادة:مفيش بس...
قاطعتها زينة وهي تجذبها من الكرسي وتقول بألحاح :لا هتيجي روحي البسي يلا هستناكي ....
ميادة بتصميم:ولله معوزاه اخرج صدقوني....
كارما بحب:وحياتي عندك لتيجي هزعل منك هي ساعة واحدة بس وهنرجعك تاني انا واخدة استئذان من بابي بالعافية عشان امشي بدري انهاردة من الشغل واجيلك عشان خاطري يا ميمي...
ميادة باستسلام:حاضر بس هقول ايه لمليكة ....
زينة:مش مشكلة نستناها وناخدها هي كمان مش هتأثر اظن مفيش حجج بقااا...
ميادة بابتسامة:حاضر ...
لتدلف الي الداخل فتجلس كارما وزينة ينتظروها لتقول كارما. ...
:بس لو تقبل تاخد مننا فلوس بس كارمتها عزيزة عليها ...
زينة:هي عندها عزة نفس كبيرة انتي ناسية هي كدا من زمان بس الغلط علينا عشان تجهلناها الفترة الي فاتت وحصلها الف حاجة....
كارما وهي ترتشف العصير:كويس اننا هناخدها نغيرلها جو دي غلبانة اوي وتعبت من ساعة موت بابها الله يرحمه كان طيب اوي وبيعملنا زي بناته...
زينة:الله يرحمه ...بس هي اكيد هتبقي عاوزة تدفع في المكان الي هنروحه وهي مش معاها يكفي ومش هتسمح لحد يدفعلها....
كارما بابتسامة ثقة:متخافيش انا عاملة حسابي ومظبطة كله ....""
[ملحوظة:كارما وزينة وميادة صحاب من اعدادي طبعا هتقولوا ازي وهي من احياء شعبية وكارما وزينة من حي راقي هقولكوا ان ميادة ابوها كان بيحبها اوي وكان نفسه يدخلها مدرسة خاصة ومش من منطقته وكان معاه فلوس تساعده وقتها كان مقتدر ودخلها مدرسة كارما وزينة في اعدادي الي هي مدرسة الحي الراقي والغني وفضلت لحد تانية ثانوي وبعدين ابوها وامها توفوا ومقدرتش هي تدفع المصاريف وسابت المدرسة وزينة وكارما حاولوا كتير انهم يدفعلوها المصاريف بس هي رفضت عشان عزة نفسها وكبريائها بس دا ممنعش انهم فضلوا اصحاب بعد مخرجت من التعليم ...]
بعد دقائق دخلت مليكة متافف لتلقي اشيائها باهمال وقالت متذمرة وهي لم تلاحظ وجود زينة وكارما...
يا ميادة اووف الجو حر والمواصلات تتعب وحاجة يعني عذاب ومواد ملهاش لازمة بنذكرها شكل حد جيه غلط في حتة عربية ركنة برة ان...."
صمتت لانها راتهم وكارما تضحك كثيرا علي كلامها وشكلها الذي لم يتغير منذ ان كانت صغيرة....
مليكة بفرحة:ايه دا انتوا جيتوا ايه الفرحة والسعادة الي انا فيها دي لا لا انا بحلم كل دا متسائلوش اربع شهور بحالهم انا قولت انكوا نفضتولنا...''
زينة:نفضنالك !! لا يا مليكة احنا كنا مشغلين بس ادينا جينا يستي وفي مفاجاة هنخرجك كمان....
اتسعت حدقتيها بفرح وقفزت من السعادة وقالت...
اخييرا حد حس بيا وبوحدتي المملة هلبس بسرعة واجيلكوا يااا هخرج اخيرا برة الحتة النيلة دي. ....
كارما:هي هي عمرها مهتتغير ...
ارتدت مليكة وميادة ثم خرجوا واستقلوا سيارة كارما وبدأت في القيادة ومليكة تطير من الفرح وتتمني ان لا تعود الي الحي مجددا...
______________________________
في الجامعة ....
في الجهة الاحري يمسكه من تلابيب قميصه وينظر لعينه بغضب والثاني لا يبالي ووضعه يده في جيوبه ليقول له
اسمع يا كريم اقسم بالله لو مبعدت عنها هنسا انك صاحب عمري وهتشوف وش هتندم عليه المرة دي لحقتها منك لولا اني اخدت بالي انك بتتسحب ودخلت وراها بس صدقني لو قربت تاني انا هوريك.....
كان كريم نظراته جامدة ينظر له ببرود ومازال واضعا يده في جيوبه وقال بسخرية...
:هدي نفسك كدا يا ابو علي هي اول مرة هنخسر بعض عشان شوية**** ميستحقوش وبعدين انت حبيتها ولا ايه....
علي وغلق عينه بغضب ثم قال له بوعيد وتهديد...
:بطل تاخد كلامي بهزار يا حيوان انا بتكلم جد المرة دي غير كل مرة لو قربت منها صدقني يا كريم موتك هيبقي علي ايدي المرة دي انا مش هسكت واطنش فاهم....""
كريم بتحدي:موتي !! هاا دا انت حبيتها بقا وبعدين مش هسكت يا علي انت بوظت الي كنت بعمله انهاردة ودخلت وخدتها بالعافية بس المرة الجاية هعرف اشوف شغلي معاها ومحدش هينجدها مني ولا انت حتي...""
علي بغضب وقد صفعه علي وجه وقال له بحزن عليه ولكن بغضب ...
فووق يا غبي من الي انت بتعمله دا حياتك بتضيع انسي الي حصل زمان مش كل البنات زي مانت فاهم في الوحش وفي الكويس وكفاية الي بتعمله فيهم دا انا عايزك ترجع صاحبي بتاع زمان الي لما يشوفني بعمل حاجة غلط يحزرني ويقولي ورحمة ابوك يا شيخ انسي الي بتعمله دا خالص ....""
كريم ونظر له بغضب وقال بحزن مكبوت:انسي انسي ايه لا بقا وكلهم *** وعمري مهبطل لانهم يستحقوا كدا بسببهم انا خسرت حياتي وخسرت ابويا بسببهم هما ومستحيل انسي ولو معرفتش انتقم منهم هما هنتقم منهم في البنات التانية ومش هسكت انت فااهم مفيش واحدة فيهم كويسة انا عاارف وانت ابعد عن الي بعمله خالص وملكش دعوة وهي الي جاتلي برجليها....
ليتركه ويذهب لينظر له علي بغضب وحزن وشفقة عليه ايضا ليتنهد ويذهب وهو في باله بانه سوف يراقب علي ودانا جيدا حتي لا يصيبها بمكروه....
________________________________
في احد المولات الشهيرة...
في كافيه ...
تجلس كارما وزينة وبجانبهم ميادة ومليكة التي تطير فرحا ....
قالت ميادة بخجل:علي فكرة يا كارما مكنش له لازوم لكل الي اشترتيه ليا ولمليكة دا وانا مكنتش هقبل الحاجة دي لولا انك حلفتي انك هتزعلي....
كارما:يا حبيبتي انتي صحبتي واختي وبعدين انا حلفت لو مقبلتيش الهدايا دي هيبقي اخر كلام بينا انتي نسيتي انك كنتي كل لما تيجي المدرسة بتجبيلنا سندوتشات نوتلاي وبتجبلنا علي حسابك من الكانتين....
ميادة:دا مختلف ودا مختلف ايش جاب كل الهدايا دي لسندوتشات وكيكية بجد انتي عارفة اني مش بقبل كل دا ...دا غير الفسحة الجميلة والغالية الي وادتهالي انهاردة دي....
زينة بمرح:مخلاص بقا ياست ميادة دا النبي قبل الهدية واحنا صحااب مش جيران عيب ولله...
مليكة بحنق:خلاص بقا يا ميادة انتي عندك كبرياء رخم اوي مجتش من هديتين وفسحة دول صحابك مش حد غريب...
ميادة بابتسامة:ربنا يخليكوا ليا يا حبايبي ...
وظلوا يتحدثون ويتفاكهون لتلمح ميادة مكرم في احد مقاعد الكافيه يجلس عاقدا يده علي المنضددة ويدخن بشراهة ووجه يرتسم عليه ابتسامة سخرية وتوعد وهو يراقبها لترتعد رعبا وينتفض جسدها لتعلم انه يراقبها ويتتبعها ونوياه لا تبشر بالخير وتحاول تجاهله وتتصنع عدم رؤيتها له لتلاحظ زينة وتقول...
:مالك يا ميادة مرتبكة كدا ليه في حاجة....؟؟
:ميادة بتوتر:لا لا مفيش بس مش يلا بقا احنا بقالنا كتير ....
مليكة بسرعة:ايه هو احنا لحقنا مستعجلة اوي علي الحارة خلينا شوية بس...""
ميادة بتوتر وغضب:قولت لا يا مليكة قومي يلا ...
كارما:خلاص يا ميمي يلا بينا نوصلك...
خرجوا من المول وميادة تلتفت يمينا ويسارا بخوف ليرتعد قلبها عندما راته يصعد سيارته ذاهبا ورأهم كادت تبكي ولكن تماسكت وظلت تتلو بعض ايات القران. لعلها تقلل من توترها وقلقها الظاهر...
--------------------------------------------------
يجلس كريم في منزله واضعا قدمه علي المنضددة ويدخن وهو يتذكر ماضيه الاليم بغضب ويجز علي اسنانه بشر....
فلااااش باك....
يقف ذالك الطفل الذي لم يتعدا عمره ال 7 اعوام يلعب مع شقيقته التي تصغره بسنتين لياتي والده وقد تجهز للذهاب الي العمل ركض اليه بحزن طفولي وقال....
بابي انت هتروح الشغل تاني..؟
حمله والده وقال:اه يا حبيبي هروح الشغل عشان اجبلك الي انت عايزه...
كريم:بس انا عاوزك تقعد معايا...
والده:اوعدك مش هتاخر يحبيبي خد بالك من اختك وامك كويس وخليك راجل البيت في غيابي...
كريم بطفولة:متخافش انا راجل...
اتت امراة من الداخل وقالت لكريم ..
انزل من علي دراع بابا يا كريم ويلا روح عشان تفطر...
كريم بطاعة:حاضر يا مامي...
السيدة بدلع وهي تتشبت في قميص زوجها..
هتوحشني يا حبيبي هتتاخر انهاردة...
زوجها:اه يا حبيبتي بس متخافيش كيمو راجل وهياخد باله منكوا يلا سلام..
قبلها في راسها ثم انصرف الي عمله بينما انهي كريم فطوره وكانت امه تتحدث في الهاتف وبعدها بدقائق ادخلت اولادها الي غرفتهم وقالت ..
اقعد هنا يا كريم وخد بالك من اختك...
كريم بفضول طفولي:ليه يا مامي انتي خارجة...
امه:لا يا حبيبي بس اقعد هنا هادي ومؤدب عشان اوديك الملاهي...
قفز كريم بفرحة طفوليه...
حاضر يا مامي هسمع الكلام. .
امه برضا:ايوة كدا شطور هجبلك اكل واحطه هنا عشان لو جوعت انت واختك...
ذهبت الام وجلبت له بعض السندوتشات ثم خرجت مرة اخري واغلقت باب غرفته بالمفتاح ليجلس كريم ويتابع اللعب مع اخته وبعد دقائق سمع همهمات وهمسات في الخارج ليذهب ويضع اذنه علي الباب ليعلم ما تلك الهمهمات ليسمع ضحكات عاليه ورقيعة ولكن لم يفهم الصغير شيي ليعود الي اخته ويكمل اللعب غير مهتم بما يحدث في الخارج حتي لا تغضب امه منه ...
تكررت تلك المرات بعد خروج الاب الي العمل يذهب كريم واخته الي الغرفة وتغلق امهم عليهم الباب بالمفتاح ويسمع كريم تلك الاصوات من جديد ولكن لم يفهم في احد المرات ادخلتهم كعادتها ولكن نسيت ان تغلق باب الغرفة لانشغالها في التكلم علي الهاتف واعتقدتت انها اغلقته ..جلس كريم في غرفته كالمعتاد بعد ذهاب ابيه الي العمل ليسمع تلك الهمهمات والضحكات من جديد ليتغلب عليه فضوله تلك المرة لتقول له اخته الصغري...
رايح فين يا كليم (كريم)..؟؟
كريم:متخافيش يا سما خليكي هنا هحاول افتح الباب واعرف في ايه برة..
سما بخوف:لا لا لحسن مامي تضلبك(تضربك)...؟؟
كريم:متخافيش...
ذهب الصغير وهو معتقد ان الباب مغلق باحكام مثل كل مرة ولكن تفجاة بانه مفتوح وليس مغلق سعد كثيرا ثم خرج وهو يتتبع تلك الاصوات الي ان وصل الي غرفة امه وابيه ليجد الباب مواربا وليس مغلق اقترب من الفتحة ليجد اقذر وافظع مشهد لطفل صغير بكي رعبا عندما وجد امه شبه عارية باحضان رجل غريب ويضحكون ويتغازلون ليقف الطفل يراقبهم بذهول لتلمحه امه من طرف عينها بان ابنها يراقبها من خلف الباب لتبعد الرجل بسرعة وخوف عنها ليقول لها بغلظة...
في ايه محنا كنا حلوين...؟؟
والدة كريم بخوف:ككريم واقف برة يالهوووي اتفضحت انا ازي مقفلتش الباب ...
الرجل بغضب وهو يقبض علي خصلات شعرها:انتي يا *** مش قولتي انك قفلتي عليه الباب كويس اهو هيروح يقول لابوه بكل الي شافه..تعالي هنا ياااالا...
نظر له كريم برعب وخوف وجسده يرتجف وركض ولكن امسك به الرجل وخلع حزامه وظل يضربه بوحشية وحيوانية ولا يراعي انه طفل وجسده ضعيف وكريم يصرخ متالما ببكاء وهو يستنجد بامه...
ماا..مي...خلي..يه..يسبني الحقيني يا مامي ...
نهضت امه وامسكت زراع الرجل وقالت بخوف....
خلاص سيبه يا رشوان هيموت في ايدك دا صغير...
رشوان ومازال يضربه بهمجية:اخرسي يا ولية كله بسببك وانت ياااالا اقسم بالله لو فتحت بوقك دا لابوك وقولتله لاكون قطعلك لسانك....
الصغير ببكاء وخوف:لا هقول لبابي عليك انت وحش وهو هيضربك...
اصبحت عيناه تحمر بلهيب الغضب وقال بتوعد...
كدة ماااشي ...
ثم تركه وذهب وبعد دقائق عاد ومعه سكين ويلوحه امامه وقال بتهديد...
اسمع يا روح امك لو اتكلمت همشي السكينة المولعة نار دي علي لسانك فاهم...""
نظر له كريم بهلع وبلل ملابسه من شده خوفه وقال بخوف وهو يرتجف ويمسك زراع امه...
حححاضر..ممش..هقوله..//
امه:بس يا رشوان انت عايز تحرق لسان ابني مش كدا بالهداوة...اسمع يا حبيبي الي شوفته انهاردة دا متقولش عليه لبابي عشان عمو. ميزعلش منك ويضربك تاني وانا هزعل منك ماشي....
كريم ببكاء طفولي وخوف:ححاضر ببس خليه يسبني يا مامي انا خخايف...
امه:متخافش لو عملت الي قولت عليه مش هخليه يعملك حاجة يلا روح علي اوضتك واوعي تقوله فاهم...
ركض الصغير الي غرفته وهو يؤمي براسه بخوف واقفل الباب وذهب وجلس في زوايا من الغرف وضم قدميه وظل يبكي بخوف وجسده الصغير يؤلمه من ضرب رشوان له...
عادو الي الغرفة وارتدو ملابسهم ثم قال رشوان لها بسخرية:وانتي تعرفي منين انه مش هيقوله وهيسمع كلامك...
امه بثقة:متقلقش الي شافه انهاردة كفيل يخليه يترعب ينطق بس انت زودتها شوية يا رشوان مش كدة دا بردو طفل انت كنت بتضربه بغباء وجامد...
رشوان:هو الي نرفزني عيل جزمة زي امه وانتي يا ولية بعد كدة ابقي اتاكدي كويس من الباب فاهمة ...
:طيب امشي بقا بسرعة عشان رامزي زمانه علي وصول...
بينما دخلت الطفلة سما الي غرفة اخيها وهي منهارة في البكاء بعدما سمعت كل ماحدث في الخارج وصراخات اخيها المتألمة وجلست بجانبه ليضمها كريم في حضنه ويبكون سويا برعب وخوف وكريم جسده مليئ بالكدمات الزرقاء من قسوة الضربات وكانت تتكرر تلك المرات لخاينة امه لابيه وهو لا يقوي علي ان يقول لابيه خاشيا من ضربه مجددا ويجلس كريم في غرفة يضع يده علي اذنيه بقوة ويغمض عينه وهو يبكي لانه يستمع لصوت الرجل عديم الرحمة .....
باااااااااك...
قطع شرده رنين هاتفه ليمسح دمعه هاربة من عينه ويقبض علي قبضة يده وقال بقسوة وشر والم...
كلهم *** كلهم وانا مش هحرحم حد فيهم انا مش ضعيف زي زمان انا مش ضعيف...
ثم اعدل من معالم وجه واجاب بصوت مرح ورخيم مصتنتع وابتسم بسخرية للاسم ....
ايوة يا دودي يا قلبي ...
_________________________________
بعدما اقتنع سامي والد زينة ببقاء ماجدة في المنزل قال لادهم...
ماشي موافق تقعد بس مش هنا في البيت برة مع الشغالين عشان لو لمحتها بس ممكن اقتلها وواحد غيري كان عملها من زمان بس اكتفيت اني اطلقها واهتم ببنتي وموسخش ايدي من واحدة قذرة زيها....
ادهم:ماشي يا سامي اهم حاجة تبقي قريبة من زينة ...ها يا زينة كدا ابوكي عدا العيب وزيادة...
زينة:شكرا يا اونكل ادهم اوعدك يا بابي مش هتلمح خيالها بس هروح اكلمها بقا...
ذهبت زينة بينما قال سامي بسخرية
:شايف لسة خايفة وقلقانة عليها رغم الي عملته فيها...
ادهم:قلبها طيب زي كارما متنساش بس انها امها ...
ضغطت زينة علي ارقام هاتفها لياتيها صوت امها المتفاجاة...
الو زينة انتي بتتصلي بيا بجد...؟؟
زينة بقوة:اسمعي لمي هدومك وتعالي عشان هتقعدي معانا ....
شهقت ماجدة بفرح وقالت...
بجد اخيرا سامحتيني ...
زينة بسخرية:سامحتك ! هاا متنسيش انتي عملتي ايه انا بعمل كدا بس عشان مرضك...
ماجدة:مرض ايه..؟
زينة باستغراب:مش انتي جالك المرض الوحش ومحتاجة رعاية وعلاج...؟؟
ماجدة وقد تذكرت لتلعن غبائها وقالت ببكاء مصتنع...
ااه يا زينة متعرفيش بتوجع ازاي وانا مفيش حد جمبي انا بموت كل يوم وانتي قاسية عليا ومعيش عشرة جنية حتي عشان اتعالج...""
اغمضت زينة عينها محاولة الا تضعف وقالت:ملوش لازمة الكلام دا لمي هدومك وتعالي ولما تيجي هنبقي نتكلم واوعي تفتكري اني بعمل كدا من حبي فيكي انا بعمل كدا عشان انسانيتي واني شفقت عليكي...
جزت ماجدة علي شفتيها بغيظ وقالت بحنان مصتنتع...
ربنا يخليكي ليا يا حبيبتي انا عارفة اني مهما عملت مش ههون عليكي يلا سلام بقا عشان الحق اجهز...
قالتها واغلقت لتنظر زينة برماديتها في شاشة هاتفها بحنق واستغراب وقالت في عقلها....
دي مصدقت وقفلت في وشي دي الي عايزاني اسامحها اوف...
كانت ماجدة تشعر ان الدنيا ملكها فسوف ينول غراضها الان لتتذكر شيي ثم تتحدث علي الهاتف لياتي صوته الغليظ والخشن لتبعد الهاتف عن اذنها قليلا وتمط شفتيها بقرف وشتمته في سرها ثم وضعته مرة اخري علي اذنيها وقالت بلطافة مصتنعة...
االو ايوة يا معلم شملول...
شملول:عايزة ايه منا قولتلك هنفذ انهاردة بليل...
ماجدة بتافف ولكن قالت بلطف:لا خلاص منا رجعت في رائي ومش هعمل كدا دي مهما كان بنتي بردو...
شملول بغضب وصوت عالي:انتي بتقولي ايه يا ست انتي ..انتي مجنونة هو انتي بتكلمي عيل صغير ضميرك جاي يصحا دلوقتي انا محدش يقولي علي حاجة وبعدين يرجع في كلامه جرا ايه هو انتي متعرفيش انا مين انا المعلم شملول بسيوني الي كل اجدعها شاب بيترعب مني....
ماجدة بخوف وتوتر:لا حضرتك انا عارفة غني عن التعريف بس انا بجد لقيت ان الي كنت هعمله دا غلط بس انا هديك الخاتم السولتير الي كنا متفقين عليه...
حك طرف ذقنه بتفكير ليقول بمكر:لو كان كدا ماشي بس مش هيبقي خاتم بس هيبقي فوقيها 30 الف جنيه كمان متنسيش اني ضبرت ورتبت كل حاجة والرجالة دي حرام تكسب منين دا اكل عيشهم ولا ايه يا هانم....
ماجدة بزهول:اييه 30 الف كمان انا سبق وقولتلك ان الخاتم السولتير دا هو كل الي معايا انا حتي معيش دهب غيره اجبلك منين...
شملول بغضب:وللهي بقا معرفش لتجبيلي فلوسي علي داير المليم لاما بقا هنفذ فيكي انتي الي كنا هنفذه في بنتك واهو نتسلي برضوا....
ماجدة بخوف:ايه لا لا خلاص حاضر اديني بس يومين وهجبلك فلوسك...
اغلقت الخط لتتنهد بغضب وتقول...
هو انا مواريش غير اني اطلع فلوس مش كفاية الزفت رفعت دا بس مش مشكلة كله هيتحل لما انول غرضي واعيش في الفيلا الكبيرة مع زينة واتظاهر باني باخد كماوي ومعايش فلوس واخد منها ايوة هو كدة وكدة ابقي خلصت كل الي عليا وعشت كمان في الفيلا الكبيرة دي كلها هانت يا ماجدة خلااص ....
_________________________________
نائم في غرفته ويتصبب عرقا ويبدو بانه يراوضه كابوس ليفتح عينه ويفزع وينهض بصدمة وهو يري فرح واقفة امامه بثيابها المحروقة التي قتلها بها ووجهها المشوه المحروق وتقف تبتسم بشر وحقد ليقول بهلع...
ااايه..ددا ..اانتي عايشة ازاي انا قتلتك وشوفتك ميتة في المشفي جيتي هنا ازاي ..
ضحكت فرح بسخرية لتقول:جدع يا فيومي فاكر انك هتخلص مني دا في احلامك...
ادهم:انتي عايشة ااازاي انا قتلتك لا انا مش بحلم اكيد...
فرح بهمس مخيف:مبتحلمش يا فيومي انت فعلا قتلتني وفاكر انك خلصت مني بس انا مش هسيبك وهفضل اجيلك لحد ماموتك زي ماموتني مش هتخلص مني برضوا مش هسيبك...
ثم ظلت تضحك ضحكات عالية ومخيفة وسخرية لينظر لها ادهم بخوف لتقترب منه وهي تقبض علي عنقه بقوة وتقول بشر...
هقتلك يا فيومي فرحان مش كدا قولي اضربك الاول ولا اجلدك ولا اولع فيك فكر معايا كدا عشان نلقيلك موتة تليق بوضعك الاجتماعي يا ادهم هاااا فكرت ....
كان يختنق وعيناه تتسعان بصدمة ولا يستطيع التنفس لتبتسم له وتقول بصوت مخيف وهامس...
انا رائي احرقك عشان تبقي زي كدا وبعديها اخنقك حلوة صح وتليق بوضعك الاجتماعي يا باشا ههههههه....
ظلت تضحك وادهم وجه شديد الاحمرار ويحاول بعد يداها عنه وهي تمسكه بقوة شديدة وتضحك بشكلها المشوه..
شهق بقوة وهو ينهض ويشغل ضوء الغرفة الخافت ويلهس بقوة ويبحث عنها بعينه في الغرفة ليجد ان الغرفة خاليه ولا يوجد احد غيره ويقول...
لا ...لا..ددا كابوس اكيد فرح ماتت ماتت انا موتها من سبع سنين شوفتها ميتة في المشرحة ايوة دا كابوس ببس لاازم اتاكد ...مش ناوية تسبني انا حظرتك ساعتها مش هخلص منك يا فرح الزفت لازم اتاكد...
نهض وغسل وجه ثم ارتدي ملابسه علي عجله وذهب يطمئن علي بناته ليجدهم نائمين. ثم استقل سيارته في وقت متاخر من الليل...
وبعد مدة وصل الي المكان المطلوب ليذهب ويفتح البوابة ليدخل ويتاكد من كل شيي اتي رجل من خلفه وهو يقول...
انت مين يا سعات البيه...؟؟
استدار له ادهم وهو يقول بجدية:القبر دا الجثه لسه فيه ولا طلعت...""
الغفير باستغراب وخوف:الجثة طلعت اللهم اما احفظنا سلاما قولا من رب الرحيم ايه الي بتجوله ديه يا سعات البيه وهو في جثة بتطلع من الجبر عاد بينك ببتتهئ ولا ايه...
ادهم بصرامة:متنساش نفسك والزم حدودك..قصدي يعني حد جيه طلعها سمعت حاجة هنا...
الغفير:لا حول ولا قوة الا بالله مين هيطلعها بس يا سعات البيه دي مدفونة يجيلها كتيير جوي يعني خلاص مبقتش غير عبارة عن ترااب شكلك تعبان يا بيه انا واجف اهنيه وبراجب ومحدش.. هيجي عاد جثة ايه دي يا خلج (خلق) هتخوفني ولا ايه (انا واقف هنا وبراقب ومحدش جيه )....
ادهم:خلاص اكتم كنت بتاكد من حاجة يلا غور من وشي...
ذهب ادهم ليقول الغفير...
الناس اتچننت ولا ايه جثه ايه دي اللي هتطلع من الجبر االلهم اما احفظنا...
ركب ادهم سيارته وقال بداخل عقله...
ايه الي بتعمله دا يا ادهم انت اتجننت فرح خلاص لحست عقلك وخلتك تروح تتاكد انها في القبر في نصاص الليالي بطل عبط هي ماتت خلاص دي كوابيس مزعجة متضيعش هيبتك ووضعك علي كلام فارغ هي يعني اول مرة تقتل فيها ...
ظل يقول لنفسه ذالك الكلام وذهب عائدا الي منزله.....
_________________________________
في الصباح في الاحياء الشعبية...
في منزل امل ...
عبدلله:ياما عايزك في حاجة...
احسان:خير يابني قول...
عبدلله:انا كنت عاوز اتجوز ياما...
احسان بفرحة واطلقت زغروطة:يا ساعدي يا هنايا ابني البكري هشوفه عريس مين هي يا حبيبي شاور بس وانا اروح اخطبهالك وقتي...
امل:مين بيزغرط في ايه يا عبدلله...
عبدلله:مفيش يا امل امك محبكاها شوية ..الي عايزها ياما وبعشقها من وانا صغير فيروز اخت حسن...
تلاشت امه ابتسامتها ولوت فمها بامعتاض:هي دي ملقتش غيرها انت نسيت انها كانت مخطوبة وفسخت خطوبتها ولا ايه يعني فيها حاجة خلت خطيبها يسيبها....
عبدلله بضيق:ايه ياما الي بتقوليه دا فيروز ست البنات بس حصلت مشاكل بين العلتين ومتفاقوش انتي نسيتي ان خطيبها كان دكتور في الجامعه .....
احسان:ايوة يابني بس دي يعني...
عبدلله:هي دي الي عايزها ياما وقلبي اختارها وعايزك تكلمي ابويا عشان نروح نخطبها من حسن ومفيش نقاش يلا سلام انا رايح الشغل....؟؟
احسان:سلام يابني ربنا يجعلك في كل خطوة سلامة...
جلست امل وقالت بامعتاض:مالها فيروز مش عجباكي ليه يا ماما بنت حتيتنا وعارفين اخلاقها كويس وتربيتك ولله بتفكريني يالمنيلة مليكة...!!
احسان:اسكتي يابت انتي مش فاهمة حاجة اخواتك كلهم قربوا يفتحوا بيت منقصش الي انتي يا اخرة صبري...
امل وهي تنهض وتقول بغرور ومرح:لاااا انا مش هتجوز الا لما ابقي البشمهندسة امل واضمن مستقبلي ...
لوت احسان فمها بخيبة وقالت:بشمنهدسة جتك نيلة ولا فالحة.. التعليم هينفعك في ايه روحي يلا وضبي المطبخ دا وانفعيلك في حاجة عدلة يمكن تبقي ست بيت وشوفي ابوكي خلص صلاة ولا لسة....
امل بتافف:دايما يا ماما بتسممني بكلامك فينك يا اميرة كنتي شايلة حمل التهزيق دا عني بلا قرف....
احسان بتهديد:شكل الشبشب وحشك صح....
امل وهي تركض للمطبخ:لا شبشب ايه هروح اوضب المطبخ احسن...
_________________________________
كانت مليكة تتجهز للذهاب الي الجامعة ..لتري ميادة تجلس ومعالم التوتر علي وجهها...
مالك يا ميادة...؟
ميادة:ها لا مفيش روحي انتي جمعتك يلا عشان متتاخريش
مليكة:اما كانت خروجة امبارح دي خروجة ايه بهوات وملوكي كدا معرفش كنتي مستعجلة علي المرواح ليه..؟
ميادة بنفاذ صبر:يلا يا مليكة علي جامعتك عشان متتاخريش... انا شوية ونزلة رايحة المحل...
مليكة:ماشي بس هعدي علي امل يلاا سلام...
ذهبت مليكة لتجلس ميادة وهي تدمع ...
ياربي بقا انا مش هخلص من الزفت مكرم دا كان بيرقبني ليه يارب احميني منه ومن شره انا مش قده امتي هرتاح من العذاب دا بقا...
___________________________
في مستشفي الامراض العصبية والنفسية...
كان كارما وادم متجهين الي غرفة امل لتستوقفهم الممرضة وهي تقول
ادم باشا لمي كانت عايزة تقابل حضرتك...
ادم باستغراب:تقابلني ليه...
الممرضة:وللهي معرفش واديتني الورقة دي وفيها عنوان وقالت اسلمها لحضرتك....
لتبتسم كارما بنصر وثقة لانها علمت بان لمي ستقص قصتها له ليقول ادم..
طيب خلاص انا دخلاها روحي انتي...""
ذهبت الممرضة ليقرا ادم العنوان المكتوب علي الورقة وتنظر كارما ايضا وتقراه العنوان ليقول لها...
يلا تعالي ندخلها ..وصحيح قبل اي حاحة بعتذر عن اسلوبي معاكي المرة اللي فاتت كنت متعصب شوية...
كارما بابتسامة:لا محصلش حاجة انا مزعلتش اصلا انا عارفة ان شغلك متعب وبيخرج الانسان عن شعوره ...
ادم وابتسم:كويس طيب يلا ...
دخلوا الي لمي التي ما ان راتهم حتي سعدت كثيرا وقالت لكارما ...
مجتيش امبارح ليه يا كارما انا استنيتك كتير....
كارما وهي تحتضنها:معلش ولله يا لمي اعذوريني كان عندي ظروف بس هعوضهالك يستي وهقعد معاكي كتير انهاردة...
لمي:ماشي...ادم بيه انا كنت عايزة اتكلم مع حضرتك....
ادم:اكيد يا لمي دا شي يسعدني قولي وايه العنوان دا....
لمي وبدات تقص لادم كل قصتها وهو يتابعها باهتمام وتجلس كارما تتابعهم...
ليقول ادم:الي انتي حكتيه دا يا لمي مهم جدا ولازم نفتح فيه محضر وتاكدي اني هبعت قوة للبيت دا ونشوف ايه المكان دا بس انتي. عارفة البيت دا ازاي ......
لمي بدموع:كان بيحبسنا فيه انا وماما بعد سعات عشان يعرف يجيب ستات براحته في بيتنا التاني....
ادم:خلاص اوعدك اني مش هتجاهل الموضوع ودا الي كنت عايزه من شهرين .......
لمي ببكاء:ارجوك يا ادم بيه وحيات جوري عندك ترجعلي ماما انا مليش. غيرها والفترة الي فاتت كنت في صدمة ومش عارفة اتكلم...
ادم بحنان:متقلقيش يا لمي اوعدك اني هرجعهالك انتي عندي زي جوري بالظبط وكمان عايزك تهتمي باكلك وانا هعمل كل الي اقدر عليه وارجعهالك وهكلم مدير المستشفي عشان نعرف انتي هتطلعي امتي انتي بقيتي. بخير والحمدلله والفضل لربنا ثم كارما....
قالها وهو ينظر لكارما وكارما تبتسم من حنانه علي لمي...
وبعد فترة من التحدث والتكلم مع لمي نهضوا وذهبوا وهم يعدوها بانهم سياتون مجددا وعندما كانوا ذاهبين قال ادم...
ممكن اخد من وقتك دقيقة...
كارما:خير في حاجة...
ادم:لا مفيش بس كنت عايزك في حاجة هي عشر دقايق بس ...
كارما:خلاص اوك ...
ذهبوا وجلسوا في كازينو يطل علي مياه النيل ومظرها جميل ومريح للنفس شردت كارما في المكان وكانت تتطاير خصلات شعرها الذهبية بجانبها وعينها الخضراء تظهر بشكل ساحر مع اشاعة الشمس بعد شرود ادم بها حمحم ثم قال
انا كنت جايبك هنا عشان كنت عايز اقولك حاجة...
كارما بابتسامة:قول..
اعتدل في جلسته وراح بظهره اللي الوراء وقال بابتسامة ماكرة وسخرية وبوجه جامد...
كارما انا من ساعة مشوفتك وانا معجب. بيكي بشكل مش طبيعي واتمني اكمل بقيت حياتي معاكي...
تلاشت ابتسامتها روايدا ونظرت له بصدمة وارتباك ولكن كانت من داخلها. سعيدة كثيرا وقالت بتوتر......
________؟؟
&&&&&&&&&&&&&&&&&&&&
استوووووب...
خلص البارت متنسوش الفوت يا عسلات وتعلقتكوا بجد بتفرحني وبتديني تشجيع اكمل تسلمولي معادنا يوم الجمعة باذن الله وتخمنكوا بقا...
#عشقت _ ابنة _ عدوي
بقلم:سلمي ناصر...
دمتم سالمين ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!