رواية عــز الــدليم و(بنت الشيوخ) الفصل الخامس 5 - بقلم ﮼ميم﮼الُِ﮼فُرج

"عــزالدلــيم "

  للكاتبه : " ميم ال فرج"

user38998647

........................................

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه

........١٩٩٧ المـــاضي

جنت راجع من المدرسه

..... اول مادخلت ابتسمت واني اسمع اغاني قبل الطرب الاصيل
صوت حميد منصور يخترق مسامعي ويداعب احساسي جان الصوت مالي البيت

دخلت واني فرحان اعرف هاي الاجواء مايسويها غير ابوي

دحكت على عماد وهو بالمطبخ يساعد ليلى بالطبخ ويغني بصوته العذب ويه حميد منصور بكل حنيه
كان الحب  واضح بنضرات عماد الي مركزه بكل حركات وتفاصيل ليلى الي يحس تأسره بنضره

حسيته طاير ويه كلمات الاغنيه كأنها مكتوبه اله والقصته هو وليلى

يلومون خلي يلومون
اني بغرامك مفتون
الشاف حسنك يهواك
لكن يولفي وعيناك
العذال ماعدها اعيون
يلومون خلي يلومون
يلومون شيفيد الوم طيفك
يمر يقضه ونوم
غيرك ما عندي
شلون اجافيك شلون

كملت طريقي متوجه الغرفتي لكن وكفني صوت مناهل وهي تحجي بالتليفون الارضي بشكل اشبه للهمس

مناهل ... ""اي وشكد تريد افلوس انطيك بس خلصني ""

سكتت تسمع الطرف المتلقي

مناهل ..."" اي اليوم مثل ماتفقنه اني راح افرغ البيت وانت تعال لاتخلي واحد يتعرف على شكلك وبسرعه اختفي ""

ماجنت فاهم على شنو ناويه جان عقلي اصغر من انو افهم المبتغى والنيه  وراء هذي المكالمه  .....

كعدنه على الغده من عده مناهل جانت واكفه تناضر النه وتكول ماشتهي

وكل عاده عماد يسوي لفات وينطي ليلى كانها طفلته المدلله

ليلى ... ""عماد حبيبي اكل انت اني عندي ادين يا عمري ""

عماد ..."" ليالي من تاكلين اني اكل والله لمن اوكلج باايدي اتأكد اكلتي وشبعتي اني ارتاح مااضل قلق خاف ماكلتي زين ""

ليلى ... ""هههههه حبيبي فدوه العمرك ... الله يحفظك النه """

كان هذا الحديث تحت انضار  مناهل الي جانت تباوع بغيره وحقد ... كانها نضراتها جانت تقسم وتتحلف انو هي راح تفرقهم لو كلفها الثمن غالي

..........

.......٢٠١٨

قطع تفكيري ...  صوت العصافير الفجريه  وهي تعلن عن قدوم  الشمس وبدء يوم جديد

استغفرت ربي وكمت دخلت للبيت توضيت حتى اصلي مادري شلون فاتتني ماسمعت الاذان

كنت صاعد الغرفتي ستوقفني صوت جدتي خاتون وهي طالعه من الحمام مصعده ارداناتها واديها تنگط ماي ماي الوضوء الي مبلل جلدها الشاخ واعلن الهرم والعجز تقدمت علي وهي تتعكز على العوجيه مالتها

رفعت راسها وبتسمتلي بسمتها ترد الروحي العافيه

جده خاتون ... """ها يجده تناك جويعد ماكعدتي للصلاه فاتتني""

الشيخ .. ""حتى انه فاتتني يجده ""

جده خاتون ... ""شبلاك يبوالاكبر اشوفك ذبلان ""

الشيخ ... ""لاحجيه مابيه شي بس لان ما نمت جان عندي قضي سهران عليها بعدين كعدت يه سلطان وهاي دخلتي""

جده خاتون ... ""الله يعطيك العافية جده ... حاجيت ولد خالك يعگل ويرد عن الي معزم يسوي ""

الشيخ .. ""وهو شنو يجده يريد يزوج على سنه الله  ورسول لاناهب ولازاني وانه وعدته اروح بنفسي اخطبها اله ""

جده ... ""يمصگوع يسلطان فر عگلك وخلاك توافق ... شلون تخطب وخالك مهو راضي شلون تعاونه على الغلط""

الشيخ .. "" مهو غلط يجده وخالي يرضه اليوم باجر يقبل ليش يلوع گلب ابنه طول العمر العشگ مر يجده مر""

جده خاتون وهي تبتسم ... ""تناك عاشگ يمه ""

الشيخ ..""هههههه لاجده الله يبعد عني انه موحمل الحب ""

جده خاتون ..."" ليش ماتخلي انيشلك بنت عمتك فضه يايمه يتيمه تكسب اجر""

الشيخ ..."" جده فكيني من هل موضوع دخليج اروح اصلي انه""

صعدت لغرفتي وانه موطايگ نفسي ويلي همي الي مغيم على صدري ويلي جدتي ومواضيعها كل ماتشوفني ازوجك ازوجك زواج مهو لعب لازم اتخلص من حالتي هذي يلا ابدي افكر ابتدي حياه صافيه

دخلت غرفتي صليت وبوجهي على المخده واني ادعي ربي كون انام ومااتيهه بسراديب الماضي غمضت عيوني وستسلمت للنعاس الي غلبني

سلطان ....

بعد ماحاجيت ابوالاكبر وعدني يخطبلي هيام واني الفرح طير النوم من عيني اتصلت على الي سحرت عگلي

سلطان ..."" هيامي حبيبتي اليوم كلمت الشيخ ابو الاكبر وعدني يجي وياي خطابه""

هيام ... ""كون كلامك فعل  سلطان مو بس كلام ""

سلطان .."" شقصدج هيام شقصدج انه بس كلام ولج نوم مانام وانه افكر شلون اخطبج من ابوج وانه وحدي لا ابو ولاام شلون اقنعه ماصدكت الشيخ يجي وياي اجيت فرحان وحتى افرحج هيج تردين علي وتموتين الفرحه بصدري""

هيام .. ""سلطان موهيج قصدي بس ماعرف انت تكول ابوك ماقابل شلون ترهم ""

سلطان .... ""ترهم ترهم بيت علي انه هذا الاسبوع جاي خطابه وجايب جبير الشيوخ واهيبها ابو الاكبر اسمه معروف ومااضن اكو  ابن ديوان ميعرفه واكون سويت العلي والباقي على الله""

مع السلامه

..سديت الخط يوجهه نرفزني كلامها لشوكت تبقى تشمر حجي وماتثمن الكلام اليطلع من لسانها اخخخخ لوماااحبها مااصبر على لسانها ولاطبعها

هيام ... "" سلطان حبيبي الو الوو وخرت الجهاز من اذني لكيته فاصل الخط ""

... عزززا شسويتي لطام ليش. هيج زعلتي اهووو هو زعله كل شويه خلي يرضه وحده اووف

يتبــــــع ....