رواية عــز الــدليم و(بنت الشيوخ) الفصل السادس 6 - بقلم ﮼ميم﮼الُِ﮼فُرج

عـــزالــدلــيم "

الكاتبه ..." ميم ال فرج"

user38998647

...........................********ً.........................

ويَن أطَوفك ؟
الدَم نِياشنَة بُقة لِسة بِچفوفَك
والشَوارِع تَفتر ويَّ نَاس غُربة
كَلها مِشتاگة تِشوفَك
وتَنطِفي الألوَان كِلهة ..
ويَضل نِيشانَك عَلى چَفوني حِلم
يَبدي يِرسم ذَكرى
ذَكرى مَتروكةَ وعَليهة أثَار دَم
والحَزن مِن ينطفي ينَام ٱعلى صَدري
والخَمر ياخِذني يَمك وانسَة عَمري
ٱنَة أريدَك مارَدت انَطيك ضَهري
رَدت گّمرة تفَيض بيةَ
وكَل شَمِس غِنوة لنَهارَك
حتَ اگلك يَابَعد شَوفي
أخَذني الشوك صِدفة
والعَمر مِن يَمي تَغفة

..............
عند الشيخ ابو الاكبر

نايم بغرفتي براحه قطع صفوت نومتي العميقه ... صوت الجهاز يرن گلبت نفسي ونمت على وجهي .... مديت ايدي واخذته بملل وروحي طاگه اني من وين لو ين يلا انام نومه هنيه مثل هذي ... رديت بدون مااشوف الاسم

الشيخ بصوت مبحوح ... "الوووو تفضلوو "

الطرف الاخر ..." سيادت الضابط المحترم نايم واليوم الحكم بالقضيه المستلمها انت شنو هل تهاون بشغلك"

طفرت واني استوعب منو جاي يحجي وياي

اليشخ ..." اعتذر منك سيادت العقيد لكن صارتلي ضروف مو من عوايدي اتهاون بشغلي "

العقيد ... "سيادته الضابط تعال بسرعه للمحكمه"

الشيخ .. "حاضر سيدي "

نهيت الاتصال .... وگمت مشلوش طلعت شلون نسيت المحكمه طلعت ملابس داخليه ودخلت اسبح

سبحت سرعه وطلعت واني انشف راسي طلعت بدلتي واني جاي البس بيها بسرعه طگت دگمه من دگمها

الشيخ .... ""اهووووو هاي شلون قصه ياابو الاكبر تحمحمنا والله ""
اخذتها وحدرت ركض لجدتي بلكي اشوفلي دبره شهل اليوم الاگشر من اولو

دحكت جدتي كاعده بالصاله

ابو الاكبر ... " جده شوفيلو دبره عندي شغل ماضلو وكت ""

الجده ...وهي تشيل البدله وتشوفها " شبلاك يبوالاكبر يااا هذي تبا اخياط وانه عيوني مايعينوني يمه خلي اشوفلك ارجيسه تخيطها الك"

ابو الاكبر ... "يلا جده استعجلي"

الجده ..." ولج ارجيسه ارجيسه وصمخ "

نرجس .. "امري جده خيرج"

الجده .. تعالي اخذي لبس الشيخ خيطي بلعجل مستعجل المعثور"

نرجس ... "تامرين جده "

اخذتها نرجس وراحت وانه حدرت انتضرها يم.جدتي

الجده ... "اكولن شيخ جدك ينشد عليك "

ابو الاكبر ..... "ياامر جدي شيبغى "

الجده .." يبغى يكولك على زواجك من ارجيسه "

الشيخ كمت وانه روحي فايره جده سكري هل سيره ما سمعت شكالت رحت تااشوف شصار بالبدله
دخلت المطبخ لكيت نرجس كاعده وبيدها البدله اول مادخلت كامت مرتبكه

نرجس وهي تمد ايدها اله شايله البدله .." تفضل شيخ كملتو "

الشيخ ... اخذتها منها

"مشكوره بنت عمتي عذبتج معاي "

تركتها صعدت فوگ تاااغير خلاگيني واطلعت طاير للشغل ...... بوجهي للمحكمه

بعد مده رجعت للمركز الساعه ٢:٣٥ جنت كاعده وره المكتب رن تليفوني الارضي تبع المكتب

الشيخ .."الو"

ضياء ... " الو منو وياي "

الشيخ .." انت الي منو "

ضياء .. "" هااا ""

الشيخ "" تستغبي ""

ضياء ... " هلا والله ابوالاكبر والله انصدمت فقدت الامل اتصل وتكون موجود بالمكتب "

الشيخ ..." انه مالي فارغ مثلك امور المركز وطلابات العشاير ويني وين تفاهتك ياخوي ""

ضياء.. " افا افا انه صرت تافه الحين "

الشيخ .."ههههههههاي هاي صاير تتكلم مثلي شنو تقلد""

ضياء .." ههههه لا والله بس اشكل فيشه "

الشيخ ..."باين هههههه "

ضياء ... " اني جاي عازمني انت على ستكين جوي موش هههههاي"

الشيخ .."لاعز الله انك صاير بدوي هههههه" تعال تفضل ياكل الهلا احلا جوي

الشيخ .... صحت الشرطي الي بالباب وصيته على جاي .....

لفت نضري ملف على المكتب شكله مئلوف الي .. فتحته ولگيت اخر اسم اتمنى اشوفه شجابك هنا .... رجعت ليوره تجيت ضهري على الكرسي ... جان ينضر بنضره عداوه للملف كأن صاحب الاسم موجود كدامه ....

جان صوت عقلي يستنجد .. من افكار الماضي الي داهمته من دون استئذان ... ساد الصمت كأنو عقلي يعلن الاستسلام لاافعى الماضي الملتفه حول رگبتي ... ماجان مسموع غير صوت اصابيعي وهي تضرب بخفه على المكتب ...

طلعني من هاي الاجواء ... صوت دگت الباب ودخول ضياء الي جان مثل حبل النجاه المنقذ الي من حالتي

دخل شافني وين صافن شاف الملف اخذه وقره الاسم ... غمض اعيونه بقلت صبر ...

ضياء .. " وتالي وياك ابوالاكبر يمته تنسى وتحاول اتعيش بعيد عن الماضي "

ابو الاكبر ...تنهدت وياتنهيده تطلع من روحي

""مو بيدي ياضياء موبيدي اذا مااخذ حگي من الضلمني ماارتاح ولاهيد "

ضياء ... انسى يمعود من المات وخذها وياه عيش حياتك يخوي لااضل حبيس الماضي"

ابوالاكبر ..." ضياء انت مانك حاسس بالداخل جوفي من نار انه عتمت الليل اهون من عتمت گلبي وحقده على الي دمرو حياتي ... انه حرمت على جفوني نوم الليل اذا مااخذ ثاري وبرد ناري"

ضياء .." اوف يخوي الله يبرد گلبك "

ابوالاكبر ... بيأس " امين"

ضياء ... شفت ابو الاكبر حيل اتأذه حاولت اغير الموضوع ...

"اكول شيخ وين الجاي شيخ وشيخ لاجاي لاماي شنوهاااي الله عليك مو نفس الوزن والقافيه"

ابوالاكبر ... "هههههه ولاتجوز من تفاهتك "

ضياء ..."لاماجوز وين الجاي "

ابوالاكبر .." يول شصرعتني بااجاي بعثت الشرطي تايجيب. جاي "

بعد مده راح ضياء بعد ماشرب الجاي ... وخلاني وحدي ويه افكاري وهجمت ذكريات الماضي غمت عيني واني اذكر ذاك اليوم الاسود ..

.... ١٩٩٧ .....

العصر مناهل لحت الا تمشي الاهلها بحجت امها مريضه

عماد اخذ مناهل وراح يوديها الاهلها واخذني ويااه

بقت ليلى وحدها بالبيت جان الطريق طويل بين بيت اهل مناهل وبيتنه ... ابوي عماد ماقبل يبقى ابيت اهل مناهل ...

مناهل بقت يم اهلها ورجعنه انه وابوي بالليل

بعد طريق طويل وصلنه للبيت تقريب ١١ونص بالليل

دخلنه ليلى ما موجوده

عماد .. دخل الغرفته هو وليلى .. لگه رجال متمدد على سريره

كله لابس اسود بس عيون مبينات ........ ...... منضره كان مرعب لدرجه ماراح انسى الخوف الي اعتلاني بذيج الحظه طول عمري ...........

صرخ عماد ... لككككك انتتتت منوووووووووو .....

هو كام مرعوب .... بسرعة اتجهه الباب مال الغرفه لكن سد طريقه عماد تلاوه هو وعماد ...

بس عماد جانت قوته ضعيفه امام عصابجي مثله متمرس انطى ضربه وطيحه على السرير وطلع يركض ..... .....

كام عماد .. مرعوب يصرخ بعلو صوته ... ليالييييييي وينننججج حبيبتي ليالييييي ويننننججج
جان كل ضن عماد انو هذا جان حرامي واذه حبيبته ليالي

.....لكن لمن طلعت ليلى من الحمام مرعوبه .. والخاولي على راسها .... اجت تركض تريد تعرف شصاير

صفن عليها عماد .... بنضرات شك .... وقطع الشك باليقين

وتحول خوفه الى غضب وسرعان ماوزله الشيطان وتهمها بالخيانه وبده يضرب بيها

كرفصت عل نفسي وحطيت اديه على اذاني ماريد اسمع الجاي يصير .... اجه ابويه عماد وسحلني من ايدي ويسب بيه بكلمات ماعرفت معنها الالمن كبرت ابوي الجنت اشوفه مصدر اماني صار رعبي وخوفي سحلني بره اني وامي بذيج الحضه كرهته وكرهت امي وحقدت على الدنيا كلها

من هاي الليل تغيرت حياتي وتغيرت اني
وعشت حياة اليتميم المشرد المنبوذ المذلول

صحاني من ذكرياتي .... صوت الجهاز كان المتصل جدي

ابو الاكبر .... الوو

الجد ... الو ابو الاكبر شعلومك

ابو الاكبر .. من الله بخير يجدي

الجد ... شيخ اباك بسالفه

ابو الاكبر ... امر جدي

الجد .. ميامر عليك عدو يجدي اكو عشيرتين متخاصمين وواصلين لهدر الدم والناس الخيره ادخلو الحل النزاع طلبونه نكون وسيط بلكن الله يگدرنه وننهي الخلاف

ابو الاكبر ... تامر يجدي معاك على موت

الجد ... يحفظك الباري يولدي تعال تانتكلم بالموضوع وافهمك السالفه ...

ابو الاكبر ... صار جدي ساعه وانه عندك

رجعت للبيت ... وفهمت منوو الموضوع ... وقررنه نطلع باجر لان دربهم طويل وراح نتعنه الله يكدرنه على فعل الخير

ثاني يوم الصبح طلعنه من غبشه واخذنه الطريق للجنوب جنوب العراق الحبيب

بعد وقت طويل واحنه على طريق الناصريه .... وصلنه المكان المطلوب .... اني وجدي وبعض الشيوخ من غير مناطق
.... تالگونه بالدله والفنجان والياهلا ماقصروو دخلنه الديوان

وصار كلام ناس اجر عرض ناس اجر طول جانت المشكله على كاع كلش جبيره معمرين مصنع ويتاجرون باانتاج هاي الگاع من خضره وفاكهه وياهم شريك واحد من طرف الشريك هابد ملايين من حصتهم وطافر وصايره من الروس
الطرف الثاني جان طالب الصلح لان المبلغ البايگينه يساوي حصتهم بالمصنع وفوگها اضعاف يلا يسدونه مايردون يخسرون

ابوالاكبر ... "احم ..الله بالخير يابه "

الشيوخ الموجودة... "الله بالخير والعافيه"

ابو الاكبر ..."عمي احنه جايين واسطت خير وطالبين الصلح مهما كان تبقون اهل اصل. وتصونون الخبز والملح البينكم حتى وان همه ماصاونو "

شيخ ميثاق ..." شيخ ابو الاكبر انتم على العين والراس بس الصلح صعب اخذو حگنه واليسكت على حگه قليل حيله وانه مو قليل حيله "

ابو الاكبر ... " حشه من كال گليل حيله بس بالتهدي والتريث كل شي ينحل "

شيخ ميثاق .. " امر شيخ "

ابو الاكبر ... "" مايمر عليك عدو يابو جاسم احنه نريد نجمعكم تاانگطع راس الحيه الي تبي تبث سمها بگلوبكم وتخربكم """

الشيخ ميثاق ..."" والله تطلب روحي ترخص بس مال امشي وادوس ابساطه لاوالف لا ولاهو يدوس عتبت بيتي ""

الشيخ ابو الاكبر ... " افا عليك ابوجاسم جيتنه وعنوتنه هانن """

الشيخ ميثاق ... " على راسي والله

ابو الاكبر ... " عجل الكعده اصير عندي بديواني لاادوس بيته ولايدوس بيتك واذا ماقبلت يا ابو جاسم
اعتبرها اهانه الي وتفرقه لان موش من ملتكم الشيخ

ميثاق ... " هذا هو تامر ابو الاكبر عندك عندك "

ابو الاكبر ... " والنعم منك يالله ارخصنه "

الشيخ ميثاق .." لا والله ماتتطلع لاانت ولا الافاضل الي وياك الا نقوم بواجبكم "

ابو الاكبر ..." سالم سالم خيرك ابو جاسم "

بعد الغده طلعنه منهم وتوجهنه لبيتنه ... واكو شيوخ ويانه من الناصريه راحت تبلغ الطرف الثاني بالصار واحنه دربنه طويل لذالك رحنه

ثاني يوم صارت الگعده بيتنه ...

وحضرنه الضيافه وحضرنه كعده اصير مفتوحه على الطرمه بره جان الجوحلو وشته وحضرنه الذبايح ....

كاعدين بالديوان منتضرين صار صوت سيارات بره وكالو اجوو

طلعنه نستقبلهم ... وسمعت صوت رجف گلبي وكفني حسيت رجليه ماعد تحملني ...

.... السلام عليكم ...

رفعت راسي ..... اجت عيني بعينه هنا حسيت
الدنيا فترت وطاحت على راسي اي هذا هووو هوو نفسه سبب كل المريت بي سبب دماري سبب خراب بيتنه .....

-

لو برد جَرحي وانة المالوم
اشِگ جرحي إعلى طولة

شتدري بيه ..بيه سَولة

يـــتبــــــــــــــــــــــــــــــــــــــــــــــــــــع ......

هلاو حبايب هذا بارت من القصه اتمنى يعجبكم ... راح تحسون اكو احداث مفقوده بالقصه خاصه بالمشكله العشائريه .... ماكدرت اسردها بالتفصيل بطلب من قبل ابطال القصه والحفاظ على بعض معالمها ....

اتمنى ادعمون القصه وتنشرونها عند اصدقائكم وتصوتون وتنطوني رئيكم بالتعاليق القصه عاجبتكم او لا وتوقعاتكم للبارت الجاي

* تصبحون على خير *

هاا موتنسون اتابعون حسابي ☹️😒