رواية عــز الــدليم و(بنت الشيوخ) الفصل الرابع عشر 14 - بقلم ﮼ميم﮼الُِ﮼فُرج

عــزالدليم

M_meramahmed

الكــاتبـة  ....مـيم ال فــرج  ♡´'♡

ــــــــــــــــــــــــــــــــــــــــــــــــــــــــــ

لا خيرَ في ودٍ توِّدُ لمن قسى
وتجاهل الحبَّ البريئُ سنينا

ومضى كأن الشوق فيه محرماً
وأضاعَ كل لُبابهُ وحنينا

هذا الفؤادَ جرحتهُ وتركتهُ
يروي طقوس اليأس منك أنينا

ــــــــــــــــــــــــــــــــــــــــــــــــــــــــــــــــــــــــــــــــــ
يـ بس انته
يـ أخ أنته
يـ بعد أنه
شكثر ناغيتلك سكته

.
.
.

                      ●●__●●__●●__●●

قمراء صار شهر واني ماكو شي ماسويته من اهتمام ودلع ومياعه على حيدر اي بعد ماصيحله ابو الاكبر بطلب منه عملته مثل الطفل الزغير وجاي اشوف شكد تأثر بهذا الشي وتعلق بيه بس لسه ماكال احبج لكن واضح عليه هذا الشي مو شرط يكول

واگفه باالمطبخ جاي احضرله نمنمات صح ميخلوني اطبخ بس اشياء خفيفه الي او اله

ستوه خلص غده وصعد ليفوك
وبحكم هو ميشرب جاي بس الصبح سويتله حلاوه جكليتيه يحلي بيها

خلصت حمس المواد ضفت الشيره ثخنتها وصبيتها وصفيت عليها فستق ومبروش اخذتها وصعدت

دخلت الغرفه جان متمد على السرير حاط ايده جوه راسه يگلب بالتلفزيون

شافني كام تلگاني

ابوالاكبر ..

" هلا هلا حلا وشايل حلا

اخذت الصحن من يدها وبعدتها باايدي

" يلا خلص دورك الله يسهلك حدري

قمراء ... بزعل

" ها هيج حيدر خوش

ابوالاكبر بضحكه سحبتها من يدها الصدري وقبلت راسها

"  امزح معك انه ياحلاي يلا خلينه ناكل ذي ونبلش نحلي صج

قمراء ... بتعدت عنه بضحكه

" ماكو حلا اليوم

ابوالاكبر ... عگد حواجبه

"  ليه من غير شر

قمراء ... بخجل

" كتلك ماكو من دون ليش

" لاابغى اعرف

" هسه اكل وبعدين تعرف

كعد بالارض وكعدت يمه اوكله بدلع

انفخ على الگمه بدلع عود ابردها واحطها بحلگه وهو مثل المتبنج على حركاتي

اخذ الخاشوگه مني واخذ بيها حلاوه وحطاها بحلگي بسرعه

قمراء ..... اه اه حاره حاره

طاحت نص الگمه حطيت ايدي على حلگي صار على حنجي حلاوه تلغمطت

اباوع الحيدر بعد ايدي عن حلگي وتقرب مني ياكل الحلاوه الي على حنجي وصعد الشفايفي ضل مستمر حسيت ايده بدت تتجول  على جسمي
فزيت بسرعه قبل لايطور الموضوع

حطيت ايدي على صدره ودفعته حيل حتى يصحه ماحس اله طراگ اجه على وجهي من قوته اندار وجهي للجهه الثانيه

ابوالاكبر .... بفحيح وصوت واطي

" ثاني مره لمن اكو هايم فيك ماتبعديني بهل طريگه مهما كان العذر

دفعني وكام دخل للحمام

ضليت بمكاني متفاجئه يعني لسه ما وصلت النتيجه ويه حيدر بعده مثل ماهو وكل هذا جان رغبه موحب

حطيت ايدي على خدي

اخخخ شلون راجدي حل مفاصل رگبتي

طلع من الحمام يباوع صفح لبس ملابسه وطلع

فوگها هو ابو الراهيه

كمت لملمت الهوسه ونمت مادري شكد

ماكعدت الا على صوت جمانه

جمانه ... "گعدي يگمره

قمراء ..." بيش الساعه

جمانه ... "غوربت الدنيا خيه

قمراء ...." هلاجمانه حبيبتي عدنه خيرج

جمانه ..." هاي بدال اهلا وسهلا عود

قمراء ..." لاولج بس اكول مو من عوايدج تجين بالليل

جمانه ... نزلت راسي بخجل

"مو اليوم

" اي شبي اليوم

" اليوم يجي مهيمن

" هاااااااااااا اكول الخدود مورده عمي صدك اعمى مهيمن ميشوف هل جمال كله

" هيووو قمراء حدج لاتحجين عليه

" هههههه صار صار

كمت من السرير

اكول جمانه بس لاتردين تتلكينه بهذا لبسج و تأسرينه وتوگعينه بحبج بكلابيت حبوبتج هذي

جمانه ... باوعت البسي

" شبي ولج

" مابي شي بس موحلو

تعالي البسج من عندي اشوف شي يصير عليج جنج بوري ماي

" زعلتيني منج قمراء

" هههههه لاعمري اشاقه  العود الفرنسي

طلعتلها فستان بينصل لزگ على الجسم بي حزام من الخصر ضبيت الحزام عليها
طلعت صاكه

فوك الفستان يجي تور مثل الروب خفيف
الفستان لونه كحلي وحزامه ابيض والروب ابيض

لبستها حجاب كحلي وخطيت عيونها بالكحله الاموت بيها من مدمع العين
اني اسمييها الغجريه لان مره جنت متابعه مسلسل غجري مدري بدوي  وهيج جانت كحلتهن

عدها شامه اجنن فوك شفتها بالطرف طوختها الها ...

جمانه ... " گمره هذا ضيگ عيب هيج كدام اولاد عمي

قمراء ... خبله يمته لاضيك ولاشي فوكه هذا التور مغطي تخبلين والله ليتسودن مهيمن

جمانه .... ركضت تشوفه تشوفه نفسها بالمرايه مال الكنتور لان طويله

كالت بفرح ...

" عليج الله كمره اعجبه

قمراء .. " اي والله

تركتني ونزلت واني هم بدلت ونزلت وراها ...

لكيتهم ملتهين يحضرون عشه وناس عدهم يكولون مهيمن صار فتره طويله مسافر

بديت اساعدهم بالتحضير والهوسه ناس داخله ناس طالعه وحيدر مكالماته الماتخلص

شويه وكالو وصل مهيمن دخل للديوانيه يسلم عليهم عمامه وكرايبهم

راحت عيني على جمانه ... اشوفها شلون ضيعت اعلومها

حضرنه الغده الزلم بالديوانيه وحدهم واحنه كعدنه بالصاله  بعدنه ناكل وهمه خلصوو وبلشو ينقلون الماعين للمطبخ
مرتاحين الگهوجي مسويلهم جاي

كالو راح يدخلون يكعدون يم الحجيه خاتون كرايبهم راحو بس ولدهم بقو

اشوف جمانه طفرت من السفره

جمانه ... الحمدلله اني شبعت راح احط القوري

.. ضحكت وكمت وراها 
شفتها واكفه على الطباخ ضربتها بخفه

جمانه .... يمه فزعتيني كميره

قمراء ...  هههههه صار ساعه احجي  وين عقلج

جمانه ... وين يعني عقلي بنص جمجمتي

قمراء ...  هههههه غمزتلها

الماخذ عقلك يتهنه

جمانه ....جمانه ... جاي احجي وقاطعني صوت خطف گلبي ودگاته ضيعت عليه النفس

مهيمن

... احم يالله ... السلام عليكم

جان ضهري على الباب عدلت وكفتي ونزلت راسي مايهيلي اباوع بعيني يوگف گلبي

قمراء .... دخل وحد طول بعرض بعضلات  شنو من هيبه شايل دخيل الله لابس بنطرون وقميص وكاف رداناته ولحيته محدده لون جهه القمحي ويه صفار عيونه منطي جمال فوك جماله

اشوف جمانه اصفرت وخضرت يعني هذا مهيمن والله حگها تموت  عليه. على هل شكل الشايله ماشاء الله بس هي وياه فرق فضيع بالشكل على هذا طوله وضخامته تصير بنته حگه يكلها بويه

دخل وراه حيدر وانور

ابوالاكبر ...اشر عليه وكال

"  هذي حرمت عضيدك يالخو

مهيمن ...

" على الراس الشيخ ومرت الشيخ كل الهلا خيتي

" وبيك اكثر الحمدلله على سلامه

"  الله يسلمج

حيدر ... وهذي الجنيه ام الصبيان جمانه خابرها وله نسيتها هههههه

مهين ... ههههه لا كيف انساها شلونج جنيه

جمانه ...بلعت ريگي باارتبارك

"هلابيك ابن عمي الحمدلله على سلامتك

" الله يسلمج بويه

عافونه وراحوو للصاله كمشت ماني جمانه فرحانه

جمانه ... كالت بسرعه

"قمراء قمراء قمراء

.. " شللاج

.." احبج احبج

..." ههههه شكو فصلتي فيشه

...ولج كالي جنيه يعني مطور كل مره ميباوع بخلفتي

" قمراء فحطت ضحك

هههههههههههاي هههههه انعل ابليسج فرحانه كال جنيه لو تغزل بيج شسوين

جمانه بهيام ... اوووف جنيه احلا من الف كلمه غزل

قمراء ... هههههه والله انتي مامنج رجه اروح اكعد  يمهم احسن جيبي الجاي عود موتثوليها

كعدت يمهم جان كلام عادي يسئلون ويستفسرون عن حياته هناك والشغل العرفته صار سنتين مستقر هناك وبهاي السنتين مره وحده جاي وهاي الثانيه وبعد مريد يروح سئله ابو عن السبب ليش ميريد يروح بعد وهو كامش شغلهم هناك كان جوابه مفاجئ للكل وحتى الي

جوابه كان شراره الي خلت نار تكب والحديث يصير صراع موكلام

مهيمن ... " اني اريد اتزوج البنت الي اريدها وتمشون تخطبونها الي

ابومهيمن .. " و منهو هاي الي تريدها

مهيمن .. بنت سامي يبوي

هو كال هيج لو تكول فجر قنبله كلها اصيح لاماتزوجها نتبره منك  ولي يصيح على جثتي وضاع الكلام

من بين كل هل هوسه صاح صوت سكتهم كلهم

ابوالاكبر .... خلاص يا جامعة الخير خلي نسمع منوو بعدين انقررر .. اي مهيمن تكلم

مهيمن ... شتكلم ابو الاكبر عداوه بينكم وبين اهلها اني مامجبور ادفع ثمن هل عداوه

ابوالاكبر ... رص على سنونه وحجه بغضب من بينهن

..."  وكيف مانك مجبور  ودم عمك الي برگابهم كاتلين عمك يولد

مهيمن ... " ابوالاكبر محلفك بالله وانه شنو ذنبي قابل هي كتلت عمي لو ابوها شو واحد من كرابتهم همه شدخلهم وبعدين الموت قضاء وقدر يشيخ

ابو الاكبر ... " لامهو قضاء وقدر يبن خالي ودم عمك برگابهم من كبيرهم لزغيرهم وحتى وان كان الكاتل من خوينهم

مهيمن .... ما يهمني هذا الشي

ابو الاكبر ... "بسك يولد حكاوي مانك فاهمها تبغى تسيطنه بين العربان

مهيمن ... تركتو الفهم الاهلو يشيخ

وگفت على حيلي 

ناضرت الجدي

اسمع يجدي انه جيت ابلغك الك مهو الغيرك عندك من الحين لبكرا تخطبونها ماخطبتوها انه ناهبها ورايح .... ساعتها خلي ثاراتكم تفيدكم

صديت الابوالاكبر ...

"وخلي الدم دمين والثار ثارين يا ابو الاكبر

تركتهم وطلعت خليهم بعقليتهم هاي

قمراء ... مهيمن فجر قنبله الموسم وراح ضلو حايرين انو يطخون راسهم ويخطبونها لو يفضحهم مهيمن

ذكرت جمانه .... عززززا سمعت كلشي

ركضت للمطبخ مالگيتها

دورتها بكل مكان مختفيه اخر شي صعدت لصطح  لكيتها مكرفصه على نفسها و صافنه بالفراغ ودموعها تنزل

تقربت منها حطيت ايدي على ركبها

" جمان حبيبتي لاتستسلمين روحي كوليله انتي تحبي لايسوي هيج بيج بلكي يغير من قراره

باوعتلي ونزلت ادموعها تركتني ونزلت

جمانه ... " نزلت ادور عليه لكيته واگف بالحديقه المتروكه يدخن

تقربت منه اول مره احجي وياه كل مره سلام مااكدر اسلم عليه

طولت نضرتي عليه راد ضهره على جذع شجره يابس وايده بجيبه وايد يدخن بيها اسر كلبي بكل تفاصيله

انتبه عليه ...

مهيمن ... جمانه شبيج

تقربت منه بدون اي مقدمات

"  مهيمن لاتزوج

مهيمن ... كال وهو يطفي الجگاره برجله

" اهووو جمانه الخاطر ربج عوفيني لاتحاولين تقنعيني

انطاني ضهره راد يروح

لتفت اله

"مهيمن اني احبك لاتزوج وتكسرني

وگفت خطواته ضل منطيني ضهره حسيته تبنگ من كلمتي

لتفت عليه بصدمه بلع ريگه وكال

" جمانه هذا كلام اكبر منج انتي طفله وهذا موحب طيش مراهقه

ابتسم وكال ... انتي بنتي واختي الزغيره جمانه

عافني وراح

ضلت ادموعي تنزل وحده وره الثانيه على كف ايدي الي يرجف

شجنتي متوقعه جمانه ياخذج بالحضان وانتي تدرين يحبها وصار سنين يحارب لخاطرها ابو وامه ماخلو يعوفها منو انتي حتى يتركها على مودج

قمراء .... بليلتها البيت كله تكهرب وضل واحد يرگع الثاني ابو الاكبر طول الليل باله مويمي كلشي سويت حتى اخذ استجابه بس باله مووياي ... عفته ونمت

كعدت الصبح مالكيته نزلت جوه الجوه بعده متكهرب والوجهه ماتتفسر

جنت بالمطبخ اعزل بي دخلت جمانه العيون صايرات حمر

طفرت جريتها من ايدها وتجهت لدرج اريد اعرف شصار وياها من حاجت مهيمن وقفنه صوت مهيمن ....

مهيمن ... سلام عليكم جده

الجده خاتون ماردت عليه وجه ثكيل

مهيمن ... السلام لله يجده
هم غلست ماردت

المهم انه جدي بعثلي هل اجيت

بعده ممكمل كلامه اجه صوته

الجد ... " حدر هين يمهيمن

اخذت جمانه وصعدت وهي ذابتها على الصامت

قمراء ... اي شصار شنو كالج مهيمن

جمانه ... شنو كال حضني وكال حبيبتي احبج ومازوج غيرج

قمراء ... بمفاجئه ""صدك

جمانه .... هههه شوف الثوله لج بابا هاي صار يحبها سنين عاف العشيره الخاطرها يعوفها على مودي بطرانه

قمراء .... يلا جمانه خلي شايب تحصلين الاحسن منه

حاولت اطلعها من الجوو بس عبس ماكو اي تفاعل

اخذتها ونزلت اكمل شغلي وهي مثل الصنم واكفه

مره وقت الغده ومحد كال صبوو ولا واحد اجه من الولد ولاالجد

شويه وخلوو كلهم وياهم مهيمن

ابوالاكبر ... دخل گبل للمطبخ مخنز وعاگد حواجبه ... اخذ كلاص بعصبيه وترسه من البراد شربه مره وحده وطلع صعد لفوگ

باوعت الجمانه تباوع بنفس النضرات الاستفهام ...

طلعنه للصاله

الجد ..." انه اليوم مشيت على بنت سامي لمهيمن

ابومهيمن .... " سويت الي براسك يبوي وانه مهو راضي

الجد ... " ان رضيت او لا عجل اعوفها ينهبها ونصير علج بحلگ اليسوه والمايسوه

انه گطعت راس الحيه

ابومهيمن ... دام صار الحديث كذا

دحگ يولد هذي بت كتال اخوي ماتدوس بيتي دام راسي يشم الهوه ولااعتبرها جنه الي

مهيمن ... بس يبوي

الجد ... خلص مهيمن بتسكن عندي

مهيمن ... مهي قصة سكن يجدي

الجد ... كلت خلاص

مهيمن ... تم

الجد ... حضرو نفسكم العرس هذا الاسبوع

قمراء بس كال هل كلمه تلقائيا باوعت لجمانه الي ماضهرت اي ردت فعل تركتنه وراحت للمطبخ

شويه ودخل ورانه مهيمن كان مرتبك وعينه على جمانه يريد يحجي شي

جمانه ماصدت اله ابد شافت ابوها بالطرمه صاحت

جمانه .... اخذني وياك بويه

ابوجمانه ... يلا بيوي

اخذت عباتها وراحت

وعيون مهيمن عليها بيهن حزن اكيد ضميره يأنبه عليها

... تقربت منه

" تره تحبك

فز باوعلي ورجع نضره للارض

" الله يوفقها گلبي ويه غيرها

كال هل كلمه وطلع

مره هل اسبوع بسرعه بين التحضير للعرس والشغل لتهيت عن ابوالاكبر

كلشي صار بسرعه ماصارت خطبت نسوان ولاراحن الهم دزو المهر بيد مهيمن وعقدو عند اهلها بس مهيمن وجده راحو

حتى ابو الاكبر ماراح ولاجدهم طلب منه يروح

اجه يوم العرس ماسوو اي حلفه بس ولد عم مهيمن حبو يفرحونه بحفله زغيره وهوسات على طريقتهم ... مع انو هو كاسر گلوبهم كلهم واولهم گلب جمانه

والجده خاتون رخص دم ابنها .... ونزل هيبه اهله ودم عمه راح برخص

راحو جابو العروس من بيت اهلها وصارت الزفه ... ادور على جمانه ماهي اكيد فوك

صعدت الها الدنيا ليل تخوف بس ضويات البره عاكسه على الصطح مواضلم 

لكيتها لامه اركبها لصدرها وصافنه بالفراغ

تقربت منها حطيت ايدي على ركبها

" جمان حبيبتي

دفعت اديه منها وفزت على حيلها

ضلت تفتر روحه رجعه

جمان حاجيني شبيج لاتخوفيني عليج

توقفت عن المشي صدت الي بنضره كسرت گلبي حطت ايدها على راسها وفترت حول نفسها وطاحت على ركبها

تهمش بااديها مثل الغرگان  ويرد هوه

ركضت الها

" قمراء ... بخوفف

"جمانه شبيج

ماكو اي صوت بس تشهگ بقوه وجهه صار اخضر وشفافها بيض كمت

ارجف من المنضر ماعرف شنو اسوي فتحت حجابها اهفي الها حتى تتنفس هوه ماكو فايده شفتها غارت شويه شويه بدت تهفت وصوتها يختفي وحركتها تقل

تخبلت شلت تليفوني واديه ترجف اريد الگي رقم ابو الاكبر ماكو

حيطت التليفون على اذني واني كلي ارجف مادري على منو دكيت وله شنو حجيت

" بس اذكر حيدر كال لحضات وانه يمج

سمعت خطوات سريعه على الدرج وباب
الصطح نفتح بقوه

حيدر " گمره فينك يگمره

قمراء .. " بصوت يرجف حيدر

"حيدر الحگ جمانه ماتت

ما أرهم لغيرَك
آنه إلك مَرسّوم
خَط بچَف إيديك شلون تمحَيني

.
.
.

يتبـــــــــــــــــــــــــــــــــــع

مسـاء الـخير  .... شلونكم لبت گلبي اسفه جدا على التأخير بس مريت بـ ضروف اتمنى تعذروني

هذا بارت اتمنى يعجبكم

فضلاً

تصويت على القصه
متابعه حسابي
تعليق حلو حتى استمر

تفاعلكم سر نجاحي

تصبحون على خير

احــبكم ❤🕊

الكاتبه ميم ال فرج