رواية ابتعد عني 🔞🔞 الفصل الخامس عشر 15 - بقلم زينب علي

على كد فرحتي بجهالي نسسسيت كلشي ونسيت همي وتعبي وغيرتي وضليت افكر بس بيهن اباوع لتفاصيلهن جان ستووووه نازل موبايل الدمعه جنت اخذلهن صور هووووواي .
.
١٠ ايام رجعني محسن للبيت . رجعت جدي اصلا ما حاجاني بس انطاني بس شنو هيج كطف من طرف وجهه وراح . انيوما اهتميت لان بناتي صارن قطعه من روحي . بس لزمتو الفلوس وضميتهن على كتر
. كلت ذني راح يضلن لمن اجيب الولد . بعووون الله
.
.
كبرن بنياتي وصارن يخبل وكامن يتلفتن وينتبهن بلليل صار الصياح وصل للستار  اسمع صوت عمتي زينب وختام يتصايحن ويبجن ويدكن ويلطمن طلعت ابجي يا ربي دخيل شكوووو
وعرفت بيبتي ام ادم توفت ... طبعا جان الليل والدنيا والعالمين كوووولها اجت ونكلبت كلاااب حته اقربائنه ومعارفنه اجو وبدت النسوووان لطم ودك ومواجهه . شغلات اصلا اووول مره اشوفها . بيبتي ام ادم جانت حنينه كلش عليه من راحت حسيت الامان انفقد من البيت بجيت عليها كلش بنفس هذا اليوم جابت مره محسن ولد
.
طبعا زاد الهم همين وكلش انقهرت كمت ما اعرف عليمن ابجي على قهرتي لو على بيبتي وبنياتي تبهذلت بيهن لمن اجتي امي خطيه تولت هيه مهامهن ولزمتهن وذني ما متعودات عليها  وامي هم مو كلش وي الجهال لان ناسيه من زمان ....
.
صعدت فوك بلسطح ربي ارزقني ولد مثل ما رزقت ام سمر . بهذا اليوم حسيت روحي هاهيه محسن بعد مو الي وخسرته للاخير .
.
بدت الفاتحه وصارت فاتحتها اسبوع كامل محسن ما لفه للبيت ولا شفت وجهه . حته من اشوفه يطارد لو جيبي فلوسي لو ملابسه لو اكويله دشداشه ركض ركض . اني جانت ستوها عمليتي مصارلها زمن هيه ٣ اشهر . اسأل ليوثي وين محسن يكلي بلديوان .....
.
.
خلصت الفاتحه وضلت سبوع بحيث رجلينه تكسرت . وبدت الناس تروح لاهلها وكلمن طلع وخطيه عماتي وعمامي كاتلين رواحهم وابويه اجه يموووت وضل يصيح يمه ما شبعت منج . خطيه كلش انقهرت عليه ....
.
هاي الاجواء والضغط النفسي الي جان عليه جان تفكيري بس بمحسن وبأبن محسن وشسمووو . وشكال جدي عليه . صح جنت ضايجه من هلطفل وغيرانه بس بنفس الوقت فرحانه لان اجه بهيج وكت يعني ع الاقل يوم مو مفرح جان هسه الطفل يلفت الانظار واضل اني كاتلني القهر ...
.
وره الاسبوع بدت الناس كامت تحجي بولد محسن بعد ما يقارب اكثر من ٢٠ سنه زواج ومن ٣ نسوان وكلها كامت تحجي يخبل ويجنن وبعد امه ومسوات انفسهن مقهورات على محسن والله قر عينه بوليد ومن امر اني يضلن يكولن يوم لالج انشاء الله ويترس بطنج بولد . كأنو اني عاكر وما احبل ولا جني جايبه توم قبل ٣ اشهر ......
ضلت ماما تصبر بيه بس اني فقدت اعصاااابي كلها وما ضل عندي عقل يشيلني بس كدام الناس ابين انو اني ما مهتمه . بهذا اليوم حسيت بلشماته الي عندي اااااخ شصار يا ربي لو خليت وحده ولد من هلتوووم حته فرحتي راحت كمت ما اطيق اشووف جهالي ...
.
والي عرفته مسمي ابنه ادم .... ياااابه شكد بجيت بيومها . ادم محسن ادم .. الطفل الي شال اسم ابو .
.
كمت انام بحظن امي ودموعي تنزل على دشداشتها وامي تصبر بيه ...
.
.
اخر شي شرف محسن ابو ادم للبيت .
.
شلونج ام حياه ....
هلاااا نورت ابو ادم ...
خير انشاء الله . اضاهر رجعن الج مو ....
شنو هنه بلا ....
صفا اذا حابه تتعاركين اروح اني ....
ليش لازم مشتاقله ....
شنو هو ....
ابنك ...
اي وليش ما اشتاقله ....
وبناتك اشو متسأل عنهن ....
وليش اني المن اجيت اشو بس خلصت الفاتحه اجيتج ما رحت الهاااا ....
هاااا يعني ما شفته للمولود ....
شفته وسميته وكبرت بأذانه وبوسته بس مو معناتها انسه بناتي .....
شنو تريد تحرك كلبي شفته وسميته .....
صفاااااء هذا ابني شنو اذبه بلشارع لان حظرتج مقابله بي . وليش مقاابله مثلا ؟؟؟
.
منو كلك ما قابله بس لا بلعكس ردت اباركلك ...
الله يبارك بيج ..
.
راح نام ع الجربايه واني رحت ورا . حسيته نام غفه ضليت اباوع لجسمه وجهه عيونه ...
الحمد لله حصلت ولد وهاهيه بعد مو بحالي . كمت احبس بروحي ومخايه البطانيه على حلكي حته ما اطلع صوت واحجي بكلبي .
ما حسيت بي اندار عليه . مو كافي هلبجي . والله عرفتج راح تموتين وراح تضلين تفكرين واني جاي اكلج واللله ماوعندي فرق بينهم ابددد والله ...
منو اعز جهالك ....
والله اعز جهالي ايه والبقيه كووولهم نفس المعزه . كافي راح تموتين واذا ماوجبتي الولد تجيبي والله اني متأكد ...
واذا ما جبت ولد ...
يعني انتي شتتوقعين المعزه متعلقه بلولد لو بلبنيه هسه انتي لو ما عندج طفل هم اضل احبج .
.
اريد طفل اني ....
مو ستوج جايبه ....
ميخالف اريد احبل ....
حبلي عيني من لازم . اني وجاهز وفلوس موجوده وانتي حاظره والبقيه على الله . ...
.
دتعاي خل نفكر شلون تحبلين . اني ناسي اول مره شلون جانت ...
ها ناسي مو . انت كل حباله تنساها بس حبالت الولد تذكرها ...
ها شمدريج . يلا ذكريني حته اتحبلين بولد ....
لزمني باسني وشبكني حييييل عصرني عصر  بين ايده ...
ولك اووووي ...
شو كولي اوووي مره ثانيه ....
اووووي ....
ههههه يحتاجلج كتله ....
ههههه  كتلني .....
طلبتيها بلسانج .....
.
لزم ثنين اديه ونيمني وضل يضرب راشديات اخر شي كام عليه عضني بشفتي . الجوه وما هدها لمن زوركت . هاااي عضه مال ٨ ايام ....
ههههه ....
حسيت روحي ذااايبه بين اديه وبين احظانه
.
من هو يمي انسه حياتي و وضعي واحسه ملكي اليه لوحدي . بس يرروح احسه اخذ روحي ويا
.
.
مرت الايام كام كلما يجي هم نفس طبعه احبج واموت عليج . مره اجه لكيته مخلي صوره ابنه خلفيه اني حسيت واحد وشعل جسمي شعل حرك روحي حررك وحرتها بسرعه وخليت صوره رحمه . هو شافها متغيره بس ما حجه حس بيه اني  خليتها ع العمداً
. كام كلما يروح يجي صوره ادم  مخليها . واني اغيرها ...
اخر شي كتله ليش عود ايش يعني مخلي صوره ادم شنو تكول حاله حال البقيه ....
مو اني ها ام ادم خلته ....
ام ادددم امممممم اددددم . والله وصارت ام سمر ام ادم .....
يبووووووو . كلي لا هذا ولا هذا ثنينهن اغيرهن وارتاح واخلص ....
.
وره يوم لكيته مغيره ومخلي صوره مزهريه ومخلي رمز . اني كمت افووور .
.
طبعا هسه تكولون شلون هيج تصرف بس والله كل هذا الحجي صدك وحقيقه صدك جان احساسي بلموت والله جنت احس روحي مختنكه دائماااا
.
.
.
طلع اربعين بيبتي . وشرف ست ام ادم لابسه اسود وحاطه ادم بحظنها وتمشي على كيف . وكل ساع وكالت دير بالجن .
ولج سمرررر دير بالج على اخوج
ولج خاله ايه دير بالج على اخوج ...
.
ها حبايب شلونجن ولجن اليوم ابو ادم يمشي ويوصيني على ابنه دير بالج ودير بالج ..
.
اني كمت اشووووط وانطفي . يا ربي سترك ساع وكمت الها ملختها صبرني على عقلي لا افقده وافشله روحي ...
جنت كاعده ع التخم اجتي يمي . اكلج خيه الزمي وليدي اريد اتوضه .
اي . لزمتها اله ...
نزعت ربطتها وكامت تتلفت اباوع ركبتها مزوووركه ...
.
ااااخ يا محسن يا كلب يا ابن الكلب . بسيطه .
هاج لزمي ابنج . عفتها وكمت طبيت لغرفتي دمعه وحده ما بجيت ولا رفلي جفن ولا ابد . خلاااص هاي نقطه النهايه اني بعد ما اتحمل اعيش هذاااا فراق بيني وبينك
.
.
.

* الحب كلقهوه ... مره حلوه وتاره مره *
عذاب فراق شوووق ... ملخ البارت القادم
.
يلا هذا اول بارت حته انزل البارت الثاني ساعدوني بلتعليقات .
احبكم
زينب علي
اني وعدت و عد الحر دين جاي اكتب بيهن لتخافووون انطن مجال