رواية ابتعد عني 🔞🔞 الفصل الرابع عشر 14 - بقلم زينب علي

اول ما طب للغرفه محسن شافني دموعي مغرغره بعيني ...
حمد الله ع السلامه ....
الله يسلمك ....
شعجب جيتو ....
مشتاقتلك ....
ليش تبجين ....
ما كالولك شعجب ....
لا ما كالولي خير ....
بيه بنيه ....
شبكني وباسني شتتوقعين تطلع تشبهج لو تشبهني .....
اني خايفه ....
من شنو ....
من جدي . من الناس ....
اني بضهرج وانتي تخافين .....
مو تزوجتني علحساب الولد . هم تزوج غيري .....
لج انتي مخبله تزوجتج لان حبيتج . لو الله قاسملي بنات لو اخذ الف مره يجيني بس بنات شبيج انتي ....
طلعني بيت على كتر ما اريد اسمع حجيهم .....
بس عقلي وركدي ....
اني هيج مخبله بنضرك ....
تعاي كعدي . شنو نسمي الصغيره .....
اسميهن مو اسميها ....
ليش توم ....
اي ....
الف الحمد لله والشكر خل نشوف الله شراح يرزقني علحسابهن .....
تفكر بس بلفلوس ....
لا افكر بيجن بجمع التأنيث الي عندي انتي وام سمر وبناتي افكر بيجن مستقبلجن ورايه وايه بتي .....
ليش هيج تحجي . هسه مرتك تحبل بولد على شنو خايف ....
مراح يفرق ليش هذا وحد ....
اي وحد راح يشيل اسمك هذا .....
شوفي اني عندي ايمان انو البنيه احسن من الولد . وهيه حبيبه ابوها فلتخلين هلشي ابالج ....
.
طلعنه من الغرفه واني اتلفت شغت مرته وهيه شافتني كالت علخير انشاااء الله تتربه بعزج ....
اني سويت روحي ممهتمه اان ادري ساره شهرتني . كوتلها يتربن حبيبتي توووم ثنين ....
ياااا صلوات ....
يلا بلكي مني الوليد ....
انشششاء الله . بكلبي كلت عسااج لا تتهنين ولا تشوفينه ....
اجتي يمي كالتلي حلوه مخابراتج البارحه بلليل .....
اني رفعتلها حاجبي . زوجي واخابره حرام .....
اي بس لتنسين جان يومي هذا ....
واذا شنو يعني ....
بس اني هم راح احرك كلبج بسيطه ...
.
طبيت للغرفه كلت خل اتمدد اجه بصفي . تمدد ضلينه نسولف ندار عليه واني احجي ويا اباوع لايده
محسن هاي شنوووو ....
شنو كلبي ....
لا اله الا الله . انت شوعدتني ....
ما سوينه شي وداعه عافيتي وداعه بناتي ما سوينه شي ....
لعد هاي ايدك منين فهمنيييي منين ...
كمت من يمه وكعدت بلكاااع حسيت روحي راح اموت من القهر اباوع لرجليه مورمات وجسمي مورم كامن يصبن دموعي قهر . ...
اباوعله هو داير وجهه كأنو يكلي شبيدي عليج واقع لازم تتقبلينه غصبا عليج .
ليش محسن تريد ادمرني . ليش تريد تموتني . والله حبيتك وكلبي بعد ميتحمل والله كلبي خلص ....
واني هم احبج واموت عليج . وهاي اخر مره بعد اذا صار مثل هيج مره ثانيه حقج عليه واني معتب ....
لخاطري محسن خليني بمكانك ترضه تشوفني بحظن ثاني ....
اشششش كااافي اسكتي بلا حجي فارغ .....
بس اريدك تحس بيه .....
كافي ياعيوني انتي ....
اكووووول تكلي راح احرك كلبج اثاري محظره المفاجئه . وهيه شمدريها اغار عليك . لو انت كايللها ....
ليش هو اكو واحد يشوفج يكول غير هلحجي . عمري مكايل الج عنها ولا كايل الها عنج . كل وحده والها خصوصيتها .
.
محسن اذا جابت ولد شلون ....
واذا جابت قندره . والله خبلتيني . تره اني كوه لازم روحي والله العظيم اكول حامل وخطيه ....
خطيه ليش لان عندي بنات .....
انتي الحجي وياج مثل الحجي وي الحايط ....
محسن بس اجيب احبل مره ثانيه ....
دجيبي هسه دجيييبي خرب يومج خرب عيشتج مو زهكتيني شبيييج . دولي ....
اخذ مرته وراح . اني ضليت وحدي ...
.
.
طبعا هاي اصعب فتره مريت بيها بحيااااتي كلها فقدت كلشي . حته صرت مثل الهيكل من الضعف . ولا كأنو حامل بتوم جسمي كله ضعيف صار . وعيوني طبن بنكره . نسيت اني شنو شنو وضعي . الغيره غلبت عليه . ايام من عمري ما اتمناها لعدوي ...
.
.
مرت الايام تركض ركض واني على هذا طبعي محسن زهك واني بليوم الي يروح لهناك اموووت الف موت جان بلنسبه اليه زواجي من محسن اسمه الموووت البطيء ....
.
وصلت للشهر التاسع ومرته بلسادس مرته تخبل صارت واني صرت سوووده وحته بطنها اكبر من بطني كامت افكار تتخيل انو هيه حامل بتوم . علة كد الضيم ...
محسن كام يجي بلليل كلش وبسرعه ينام حته يتحاشه نغطي ونكي ....
.
.
.

جان محسن كلش دقيق وياي ويخاااف عليه من الهوه الطاير . وضل يراقبني بس من بعيد يعني يوصي بيبتي وعماتي بس هو ساكت ميحجي ...
.
.
وصار موعد ولاتي اله عمليه لان جسمي ميتحمل التعب كلش تعبانه وضغطي مرتفع ....
.
رحت لبغداد جانت وحده من المستشفيات تعود للمسيح . حته الممرضات والدكاتره مسيحيات . طبعا اهليه هيه . داروني مداره اخر حبه يعني ... وياي محسن . غمضت عيوني وطبيت وكل فكري بمرة محسن ....
بنجوني وسولي العمليه من طلعت لكيت الوجوه مكلبه . امي ساكته ومحسن ضايج بس اخر شي كلي حمد الله ع السلامه . وراح للخدج ....
ماما شكووو شبيكم ....
هو هيج تخبلتي ....
شكو ....
اشكال حجيتي . شجاج متضمين سالفه ..
تفشرين وتغلطين ودعين على مرته وتصيحن يا ربي تموت وتغلطين على رجلج تصيحين يوميه جايني جسمه ازرك شجااااج ....
شمدريني قابل اني احس . شلونهن بناتي . ....
زينات يشبهن ابوهن ....
يشابهن ....
اي ...
جيبوهن ....
اجه محسن كال يلا نطلع ....
طلعنه من المستشفى ومحسن يسوق وحده يمي و وحده بحظن امي ...
شسميتهن محسن ....
وحده رحمه وحده حياة .....
اسماء قديمه شنو هاي ....
انتي رحمه لو ذيج . اباوع الها عيونها بيها لون خفيييف . فديت العيون الحلوه . هههههه
.
اي طلع ايده من السياره محسن .. يا ربي بجاه هذا اليوم عقل امهن على عينهن ....
.
وشبيه اني داده .....
ههههه . ما بيج شي . بس وصيني مره ثانيه اكص لسانج قبل لتجيبين ....
صار من عيوني ....
.
طبيت للبيت وديت ارضع بيهن . ماما اشو ماكو حليب ...
ينزل بس صبري ....
ينزل بس ماده صمغ . ارضعهن واخلي صدري على حلكهن يدورن وجوهن ههههه يمه بعد امجن وعشيرتها تخبلن . ضليت ارضع بيهن وماكووو . محسن يباوعلي ويفر بلسبحه وورافع حاجبه . طلع من جيبه ايه الكرسي ذهب ثنين وخلاهن الهن بلكماط ....
نووورتن الدنيا باباتي .....
.
.
حسيت حياتي تغيرت وذيج الفتره الي جنت بيها انتهت من حياتي يمكن الحب الي جنت احبه لمحسن تحوله كوووووله لبناتي ....
.
محسن اكولك شي بس متضوج ....
كولي يا ستار ...
بعد ما احبك ....
خوش بعد احسن ههههه ....
فرحان ....
تردين الصدك . جنتي مثل المجنونه وما اعؤف شلون اتصرف وياج كل ساع تتخربطين وحته شكلج بده يخوف . واني احبج ما اريد اخسرج ....
مدري ليش ارتاحيت من هيج حجه . وشكلت من بالي فكره مرته شويه ....
.
.
محسن اريد اطلب منك طلب . وتحلفلي بلكاظم متنكث بي ابد .....
كولي ....
احلفلي بلاول .....
غير اعرف شنو هو حته احلف ....
متزوج بناتي صغار واله برضاتهن ....
ماشي ....
احلفلي ....
كفيلج موسى ابن جعفر محد يزوج بناتج اله برضاتهن .....
جان ابالي كولت ما ازوجهن نفس زواجي لو اعرف تصير مكااااتل والدم للركاب وما انطيهن لرجال ماخذ مره لو هسه مدري شيصير ابدددد مستحسل هلشي ....
.
رجعت ارضع بيهن حبيباتي اباوع الهن واكيس جسمهن شكد حلو يمه فديتجن شكد احبجن ...
.
.
.
*غيره المرأه من الكفر وغيره الرجل من الايمان *
.
احلى شي شعور الامومه ههه شعور لا يوصف .

.
توقعاتكم للقادم تحيه لكل وحده غشت وخلتني اكتب بارت يهلك هههههههه الله وياكم وتصبحون ع خير بعد كلمه ما اكتب هههه باجر نلتقي ابارت جديد
زينب علي