رواية أفلا تغفري الفصل الثالث عشر 13 - بقلم مريم السعدي

بارت ١٣

#افلا_تغفري

#مريم_السعدي
.
.
.
.
.

ام رضوى : يمه ايسر فدوه لعينك اني ماكدرر وحدي وابوك تعبان ورغم هاي معافني يوميه اخذه واجيبه يرضيك اني مره اوكف بالمكتب وارشد العمال مترهم غيرتك تقبلها

ايسر : بقيت ساكت منصي محجيت
قيصر : والله اني بغير شغلي مااشتغل لاحد بعد
ام رضوى : ماما يعني اني احد غريب بعدين هو نفس شغلكم قبل ونفس راتبكم ونفس كلشي يبقى على حاله يعني هيج تكرهون اختكم مهاين عليكم شي باسمها هيج وصلت حد

ايسر : لا موشغله كره باوعت لابويه غطه وجهه وبجه بقيت مصدوم كمز قيصر عليه
قيصر : يابه شبيك عيني انت ليش تبجي

ابو ايسر : حقكم تحقدون من ورايه اني الخليتكم هيج من ورايه اختك ماتت شكد حاولت اوخر الحقد مكدرت مكدرت بابا شنو الاسوي ماريد بعدي تتفرقون اختكم ماالها غيركم

بقيت اباوعله بعتب جريت نفس فهم نظرتي كال
- احجي بابا ليضل حقد بكلبك احجيها انظف من حقدك
جريت نفس

- بابا شحجي ميبرد كلبي اختي سنا اختي بنت امي وابوي لحد ماموت ذنبها بهالركبه وضربت على ركبتي

اني اللي نص الذنب عليه وعليك النص الثاني الوش اذت سلوى الوش اذتها ليش سوت كل هاي تعرف ليش
لانك اهملتها

شكد حاولنا اني وقيصر نكفيها بس مكتفت رادتك ايام تكولي بابا ميسال عليه بابا هم يكولك سنا كبرانه لو لا ميكولك نجحت لولا

وتنصدم من اعيط بيها واكولها كاافي عاد شنو زعطوطه انتي

ايام المضت اقسى فتره حياتي البيت فرغ من صوتها اني الجنت اكولها من اسمع صوتج اتنرفز تدري شكاتبتلي كاتبه حتخلص من صوتي متسمعه بعد

اي وامي تدور بهدوما قطعه الاخيره الجانت لابستها تببببجي تريد ترتاح والدمعه نار شون تريدني انسى كلشي واسويها عادي ماكولك مغلطت لاغلطت بس احنا فوك هذا عاندناها جان مفروض ياابويه الحنين مثل متعامل رضوى تعاملها

ابو ايسر : حاولت بابا حاولت مقبلت رفضتني
ايسر : اي تضل تلح هدايا مثل رضوى حب وحنان مثل رضوى تتعنالها للبيت مو تكولها تعالي والنوبه جبرتها تتقبل وضع احد اخذك منها يابه اني شاب وورجال واغار عليك منهم شتريد من بنيه مراهقه ماتت وياخوفي الله مرحمها وراحت للنار بالقران ذنبها بركبتي خايف اقابل وجه ربي الكريم واني بهالذنب

ابويه انهار  يبجي ومرته هم قيصر غطا وجهه وطلع للطرمه شوي وطبت رضوى يمي بقت ساكته واني نار تغلي بيه مرت ابويه اخذت ابويه من يمي والتفتت رضوى عليه

همست ودموعها بعينها

- انت تكرهني ؟

هزيت راسي بالرفض واباوع بعينها.

- والله جنت اتمنى سنا تصادقنا وتحبنا بس هي مكدرت

جريت حسرة
- شويه سكتي

سكتت بقت تباوع بعيني ودموعها تنزل

- اني اريدك تلزم كلشي من املاك بابا مااثق بس بيكم

تنهدت وكفت وكفت ويايه حضنتني كالت
- الله يخليك ايسر لتعوفنا بابا مريض

دفعتها وطلعت مشاعر مزدحمه مخربطه صاعد نازل حقد وحب كراهيه وانتماء مادري شحس

رجعنا للبيت وقيصر صعد فوك وحور لحكته حمدت الله وشكرته انها وياه

قيصر لكه المحتويته واني ضيعتها بانتقام وحقد
امي نايمه نمت يمها لزمت ايدها بستها ولفيتها على جسمي اريد احس بالامان اريد ارتاح من تفكيري بسنا وبعذاب الضمير لزمت التلفون اكلب بي
رقم رضوى كدامي دزيت رساله الها

- باجر شون ترحين
ردت بسرعه
- وين للجامعه
- اي لعد وين للمكبره

كتبت

- وي محمد السايق
- لا اني امر عليج خاف يتعرضلج بالجامعه هذا

- صدك ايسر عليك القران

مجاوبت ذبيت الجهاز ونمت حسيت الصبح على فتحه باب المطبخ حور دتطلع كمت لبست ورحت لرضوى اخذتها جانت طايره من الفرح واني ماباوع بوجهه

الموقف رجعني كم سنه لوره
نفس المكان
نفس الوقت تحديدا
بس مو اني نفسي اني
ولا كلبي هو هو
ومكانها فارغ كمت كلسا اتخيلها ورايه تبتسم من تباوع للمرايه والنفس يتكسر بصدري
اريد بس كلبي يدك مثل كبل
اريد هالقشعريره تسري بجسمي
اريد هالابتسامه الماسيطر عليها وتغير ملامح وجههي العصبيه الصبح الى لطافه وحنان ماكو راحتتت وي الراحو

وصلت لدرجه اخجل اسال عنها ورضوى تشوف بعيوني اساله هواي وتتهرب منها لااعرف وين راحت ياجامعه تداوم ومنو بحياتها
منو بحياتها شنو؟

مجرد التفكير شوه شكو صوره حلوه تحولت وحش مني وبيه تعصبت ردت اضرب السياره الكدامي رضوى كالت همس
- حباب على كيفك

حسيت على روحي مالي عين اسال عنها مالي عين والله

وصلتها للجامعه نزلت وتتلفت خايفه
- باعيني هييي
- هاه
- انزل وياج
-اي اي حباب

استغفر الله نزلت واحجي وياها وتمشي ويايه

- قوي روحج لتصيرين جبانه صيري سبعه محد يلويج مو ياهو اليجي يكففخ بيج ويكدرلج

- ومنو اليكدرلي و اني اخت ايسر
كالتها وانترست عينها دمع ومبتسمه عدلت شعرها وره اذنها درت وجهي جريت نفس تلفتت داير مدايري الشباب تاكل بيها اكل من تمشي لبسها بي كصف وسفور وحلوه تخبل

نترت بيها
- شوكت ناويه تتحجبين مشبعتي شوف العالم اكلوا وشربوا بيج

سكتت ونصت
- يله رايح اني فوتي كدامي اشو واي شي يصير عيطي صيحي وليكون يهدد اي شي خابري
- اوك
- ديله فوتي

- باي
- هله

طبت كدامي ورجعت طلعت رحت للاسواق مالتي ومال قيصر لكيت قيصر صافن
- هاه شبيك
-

البارحه الليل كله منايم

- ليش يابه شكو

- باوع ايسر واحد من عدنا يرجع لاسواق ابويه لان مو مال بعد هالتعب كله تالي ميرضى علينا يروح يصير عليه شي وهو مقهور من عدنا تره الدنيا تافهه

غمضت وفركت وجهي صعبه عليه ارفضله طلب واني كوه متهزم من الموضوع تالي كملها قيصر التفتت عليه دفرت سطله الخل بقوتي تفلشت صاح

- شبييك انتتت شبييك

- ادري شسسسوي من اشوفه احتررك بناار اختك ومدااكدر اكوله لاااا

- هاي تربايته ايسر هاي ابوك الحنين شبعنا حنان من عده وهو متاذي من امي حيل بس دايس على روحه سنين لخاطرنا

- وتالي اختك اكلتها
-

من ايدها حاول الرجال شيصير وصبر وياها هواي هي ماقبلت مو كل الحجي الك يابه فكر بعقل هذا ابونا العلمنا الحلال والحرام والعزه والكرامه

تنهدت ولزمت راسي وكف
قيصر  : اني رايحله واخذ علي ويايه

نترت
ايسر : لااع اني متعلم على شغل السوبر ماركت ابقى انت وعلي هنا
- شوكت تروح كالها مبتسم
- اليوم العصر لتاكل راسي

- لاعمي هااها
ضرب على حلكه بخفيه ايده رتبنا الامور كلها وعلي يلزم الشغل من ال٣ وفوك من يرجع من جامعته بينما قيصر يفتر عالاجارات

وللعصر ورحت للسوبر ماركت تلكوني البنكلادش والعمال وجماعتي بالاحضان واحد منهم كال

- بابا عمو فوك وي ماما وزوجتك
ابتسمت وصفنت
زوجتي منو بقيت صافن عليه كال
مره اجه هو وانت كلت خطيبي

جسمي قشعرر جايه لخالتها تشوفها رخت رجلي. صعدت طابق ومكدرت بعد رحت يم المصعد شفته ينزل دست عالصعود انتظرت صعدت بالمصعد لاول طابق طابق المكتب كلت بس اشوفها وهاذ هو ولو من بعيد طبيت المصعد واردد لالا بس اسمع صوتها من وره الباب

انفتح المصعد وتوجهت للمكتب وجمدت اصابعي اريد ادك الباب مااكدر بيا عين شكوللها اذا سالت ليش شبرر وشون اعتذر وشنو عذري بقيت اسمع سنطه دكيت الباب برهاوه اصابعي مرت ابويه كالت تفضل

فتحت الباب على كيفي وعيوني تدور وكفت مرت ابويه تضحك فرحانه وابويه ابتهج صاح

- هللله براعي الشغل وتقرب بعربانته نصيت على راسه بسته وبست ايده التفتت مرت ابويه واكفه ورايه تفاجأت من شفتها حضنتني خجلت ابادلها مشاعري ناحيتها احس متقلصه

ابتعدت كالت
- والله ماما مدااكدر وحدي اكعد اكعد بمكانك

بقيت اباوع عالكرسي والميز والطبله والقنفه اي شييي من اثرها ابويه همس

انطي الخبز لخبازه محد يلزم الشغله غير راعي اكعد بابا هالكرسي بس الك يلوك

كعدت وعيوني تفتر عالمكتب ومرت ابويه مخبوصه جابت الحسابات كلها ووحجت نقاط الضعف الخساره والربح وبديت اناقش وهي ترد وتتجاوب وابويه يبتسم راضي ومفتخر جريت نفس وانشغلت بالشغل

صادق وينه
مرت ابويه ردت

اااراح يوصل جماعه خطاري يعني
كلبي دك بضيق والم صار بي نصيت راسي مغمض عرفت هي اللي نزلت من المصعد مرت ابويه كالت

- هاهي ايسر بعد مااجي خطيه ابوك تعب
هزيت راسي
- هاهي خاله اخذي راحتج وريحي الحجي

والله عده تمارين تاخرنا عليها والله البارحه قبل لينام كال هسه تشوفين باجر يمر ويكولي بابا مثل متريد

ايسر- جريت نفس باوعتلها بنظره اتوسل صفنت عليه احس فهمت كالت
اترخص يله حبيبي نروح

واخذت ابويه وراحت فتريت بالمكتب باوعت للحايط مكان الحصرتها بي وردت اتقرب منها ومكدرت برائتها منعتني ودموعها عفتها وادبها تمنع اكبر واحد يضحك عليها افتر واباوع هنا تريكنا سوه وطكينا صور وهنا حضنتني بعفويه طفل وهنا سولفنا وضحكنا ضحكه من الكلب

حتى الحيطان. احسدها لان شافتها كعدت بمكان اليكعدون بي الضيوف الكريي المقابل الميز لكيت بالنفاضه كلينس وماعدنا احد يدخن فالنفاضه نضيفه تلمسته وشلته بي وردي اثر احمر شفاه قربته من انفاسي عطرها هذا عطرها يااابوييه شصار بيه يابويه يااصبر كلبي وعذاببي

عطررج هذا نورررر

وكفت مكدرت بعد ورجعت اخذت السياره ورحت لبيتهم اللي يبعد عننا فروع طويله. وسدو فرعين عنهم صار ابعد ومترهمله سياره ذبيت السياره براس الفرع لان فرعهم مسدود ومشيت وصلت وانصدم البيت مفلش للكاع وديبنون بي عماله

كلشي بيه تعب مادري شسوي

رجعت للسوبر ماركت توني اطب ودك فوني رضوى
رديت راسا

- ها رضوى
- ايسر تعال عليه هذا كلبها للدنيا خزاني بالكليه
- انتتي ويين
نزلت ركض عبرت القواطع بكمزه بله مااحس خايف عليها كالت

- بالحمامات وقافله الباب حباب تعال
- جايج لتطلعين اله ادك عليج

- اي اي والله بس لتتاخر
- لالا

وطلعت طاير رحت للكليه كبل عالعميد والامن وبلغت عنه باسمه وطلعو ويايه امن دورو عليه ولكو وخابرت رضوى طلعتلي وكدامه كتله
- شوف اكولك احرركك ورب الكعبه اذا وصلت بعد متر عنها دااحجي هدوء وهو كام يصيح

- مرتتي
- لامرتك ولا خطيبتك قبل يومين انتهى كلشي انت مجيت وتطلكت غيابي واريد من الله توصل يمها لو تحاجيها فاهم

وهجم عليه الامن ديجرو مينجر ماشوف روحي اله ساحله من ركبته وراكعه على ضهر سياره واركع براسه عالبنيد

- شوف اكولك هالمره مقدرك ومخلي راسك هنا المره الجايه ادووسه بسيارتي والله

والتمت الجامعه وااشر لرضوى اوكفي على صفحه جماعته جرو ميفيد لسانه زفر واني عقل مبقه براسي اريداجنزه ويلزموني تالي سحلو الامن وحتى عالعميد غلط وانفصل طلعنا من الجامعه واعدل بهدومي وهاي تبجي ورايه نترت بيها

- بس انجبي عاد
وكفت اغسل ببوري الحديقه مالتهم بس اغسل وجهي الجامعه كلها تتفرج علينا تمشي وتكول شكد عيب انفضحت منصي اغسل وابتعدت يم صديقاتها يحاجوها ويصبروها واجه ولد نتر بيها

- ليش هيج رضوى ليش عمر يحبج من وراج مستقبله ضاع علمود البنيه قبل شهر تركها والرجال من يتزوج يتوب

ايسر- رفعت راسي شفت ضهر وحده تحجي بهدوء ورضوى وكفت وراها وهي استلمت الولد حاصل فاصل وجماعته اجوي هم يحجون بعصبيه سكتتهم بس بهدوء ورضوى واكفه وراها خجلانه اجيت لناحيه رضوى صارت لغوه زايده جريتها من ايدها

- امشي رضوى دنروح

داامشي واجر بيها انجريت من قميصي

- اووكف انت منو بعد
انصدمت من حركتها والتفتت رافع تك حاجب بعصبيه واشوفها مدري شبيه فز وعرفت منو البنيه الرزلت جماعه عمر فكيت حلكي وعيوني هي رجعت خطوه ليوره مصدومه وانلوت رجلها ب الكعب مال حذاء عيونها هجم عليها الدمع فاكتها كلها مستغربه

- نور هاي انتي
احجي وياها بوجداني

نور هاي انتي
كبرانه يعمري
طولانه طفلتي
قزومتي ضعفان وجهه
انيقه مرتبه ومستتتره
بس نفس العيون الحايره

بلعت ريك وماريد ارمش
لتعتب عيييونج لتعتب

ساكت وهي ساكته بس سكون نااطق بكومه عتب والم وجرح ميتضمد ولايطيب رجف حنكها ودارت وجههه مشت سريع
رضوى كالت

ايسر ايسر

باوعتلها ورجعت باوعت لمشيه نور
ايسر بس باوعلي

ها رضوى همست واني عيوني على نور

اني اسفه شكد ردت ميصير لقاء بينكم بس ربك راد

باوعتلها لرضوى بتوسل

بجامعتج تداوم؟

اي كالتها وايدها على حلكها ترجف خايفه من رده فعلنا اثنينا

مشيت بكلب موجوع ورضوى ورايه كلسا تباوع بوجهي واني منصي راسي وكلسا التفت ورايه ماهي اختفت صعدت بالسياره ورضوى صعدت وسدت الباب بقيت ساكت ومشغلت السياره جسمي اعصابي كلها ترجف

اووكف وين ماخذها انت
يايمههه سباعيه حبيبتي سباعيه وتدافع عن بنت خالتها

احجي وي روحي صافن عالشارع وممشغل السياره فززني صوت رضوى همست بتوسل
ايسر خل نروح

ها اي

طلعت وصلتها لبيتهم ووكفت اباوع عالشارع منزلت هي حست بحاجتي الها بقت ساكته تنتظر اكولها روحي

مكتلها اخذت وكت اقريب الربع ساعه بالباب مطفي السياره يله كدرت احجيها بعدما الهدوء ساد بيننا

- ساعديني
كلتها وعيوني عالفرع

كالت
- اسفه اعذرني باي ايسر

ونزلت من السياره

طلعت الملم بروحي الوم بنفسي واكول من ايدي وارجع واكول لا مترجع لو اني بمكانها مترجع وروحي تحترك حرك

لليل داانام وطيفها مفارك مخيلتي رغم بيومها شكد اشتغلت بالسوبر ماركت مال ابويه لهيت روحي كومه وهي ببالي مفاركته دقيقه نظرتها وصلابتها قويه صايره سبعه

توني اغفه ودزتلي رضوى رساله

زعلان مني؟
رديت

لا

اوك تصبح على خير

هلو

وعفت الموبايل سمعت ضحكة قيصر فوك وصياحه وخربان ضحك علي يمهم

علي بعد معافنه سكن بيتنا الا شوي يبات اربع خمس ايام ويرجع يبات يومين ببيته ويرد يرجع يمنا قيصر متعلق بي واخته هم كم مره كتله يابه ابقى ميقبل

غمضت عيني واسمع اخويه يحجي وي مرته جان الشي الحلو بالموضوع انه قيصر والف الحمد لله مرتاح واني ارتاح من اشوفه مرتاح

اريد اغفى مكدرت النوبه الصور مالتها كلها ممسوحه شتاقيت لوجهه كلش دزيت رساله لرضوى مالي غيرها

نمتي؟
لا كاعده يم بابا
ها
تجي يمنا مسوين مقبلات وحب وكرزات دنتفرج فلم

ابتسمت وكمت جريت تيشرتي ولبسته كتبتلها
جاي
كالت كذاب صدك
اي والله
تبات عدنا

اي

كتبت واني بس اريد اطلع من سجني طلعت من البيت خابرني قيصر

شنو طلعت وين رايح
بيت ابويه حبات هناك عينك عالوالده
بسيطه روح بس خو ماكو شي
لا شوي ضايج
جان صعدت يمي

لا مو رضوى خابرت
ديله روح شكو منها

وصلت للبيت رضوى فتحت باب البيت طببت السياره ونزلت جنت خجلان ورضوى مكيفه حيل طبيت مرت ابويه فتحت الباب بوجه يضحك تهللي

ابتسمت مدري شداسوي هنا اني ابويه كاعد ينتظر من شافني شال ايده مرحب بيه

- اكعد اكعد شون فلم حربي يفوتك
كعدت يمه واخذنا الفلم. واني كلسا اخذلي فره بعيوني باركان البيت واتخيل من جانت كاعده هنا يجوز حتى بيوم من الايام جانت كاعده بمكاني الكاعد بي

كرزات ومقبلات وعصاير وكلسا جايبه شي رضوى ونناقش بالفلم حدما خلص مرت ابويه فرشت ضغط عالي بالصاله مندر باوعتلي كالت يمه اذا نعست فرشتلك خاف تعبان وهاي رضوى تلح عالواحد ادري بيها

لا خاله والله اني بس كلتلي جيت باوعت لرضوى تبتسم.

كالت بيتك هذا يمه شوكت متجي اني خطار وانت ابو البيت يله اني حاخذ ابوك وانت ارتاح

خوش

بقيت بمكاني عالقنفه مال هول كبال التلفزيون ابويه فات نام واشرلي يضحك كال

باجر اروح وياك للسوبر ماركت عدي عقود مال عمام سلوى اخلصهن وصادق يرجعني
- اي يابه صار

فاتو نامو ورضوى تروح وترجع من طبت امها رجعت ركض يمي بالهول تضحك

لج روحي نامي ب٢ وراج دوام
ماه ماه ديره خل نتفرج فلم لخ

كومي نامي رضوى وراج دراسه صيدله هاي مو لعب

اي والله شلععان كلب بس هم ماروح اي شنو بس اليوم اتاخر

كيفج كلتها وارتجيت عيني عالتلفزيون وصلتلها رساله عالفون فتحتها ابتسمت ورفعت عينها تباوعلي ونصت جريت نفس بقيت اباوعلها باستفهام وحيره كالت
شبيك

منو هاي
نصت راسها

هي مو

هزت راسها ساكته

اخ ربي
كلتها بحسره بدون ماحس بروحي
شونها شخبارها

زينه
كالتها ودارت وجهه عالتلفزيون

ابوها شونه وياها؟

زين

بيتهم ديبنون بي وين كاعدين لعد
التفتت عليه متفاجئه
شمدريك ؟

جاوبيني وين كاعدين

ماجرين بيت بينما يكمل هذا البيت
هممم
تنهدت بقيت اباوع لرضوى وهي تتهرب بعيونها

اكو احد بحياتها؟

بقت رضوى صافنه بوجهي

كولي عادي
هزت راسها بالرفض وعيونها بعيني تباوعلي بحيرة وحزن

مدري هيج شكلي يقهر كالت

انساها معليك منها

بقيت اباوع بعينها مجاوبت بس صافن بعينها دارت وجهه عني

سالتها وكل تعب الدنيا بيه

متسال عني متجيب سيرتي تحجيلها عني من اسالج

لا اجيب سيرتها كدامك ولا شتكول ولااجيب سيرتك كدامها واكولها شكلت احسن

شتكول عني رضوى الله عليج شتكول

متكول شي
نصت راسها تلعب باضافرها

احجي ماضوج

لا متحجي عليك

لتكذبين احجي ميلت راسي متوسل وباوعت على باب غرفه امها خاف تجي همست

احجيلي شكالت

والله مكالت شي
زين شوفيلي مراسلتكم الله يخليج اليوم شكالت من شافتني

باوعت لرضوى جرت نفس ودارت وجهه تمسح عيونها لزمت التلفون وكعدت بصفي طبت عالرسايل الفايبر نزلت نزلت ووكفت واني كلبي يدك سريع قريت المكتوب

( شجابه بطريقي اليوم شجابه تمنيت حد ماموت ماشوفه )
ورضوى راده عليها

اسفه نور اني الدزيت عليه خفت من عمر

راده عليها

من خرب حظي لج من شفته ليهسه ارجف اكرررهه اكرهه وارجف من يمر طاري مو عاد اشوفه

نور ايسر مو نفسه ايسر قبل متندم اكثر من مره سالني عنج

شششششش لتحجيلي الله يخليج خليني على اخر ذكرى منه خليني حتى ماارجع وافكر بي الله يخليج سكتي وغيري الموضوع

حيجي يبات عدنا

شعجب
ضايج

الله يخلي لابوج والج

شكرا

واخر رساله

يمج هو
ورضوى دازه
اي

ايسر....
نفسي تخربط اقبض بايدي وافكها باوعت لرضوى بصفي التفتت عينها التقت بعيني

خابريها وفتحي الصوت خل اسمعها
كلتها بتوسل حتاجيت حيل كالت
خاف نامت

حتلو هي ونايمه ترد بس اسمع صوتها

نفذت رضوى ودكت عليها دك دك دك ردت وصوتها ذاك الصوت الجنت اخابر عليه والكاها نايمه واعرس عليها ليش عفتيني ونمتي مو كتلج انتظريني وترد بطفوله

لا مكدرت نعست
وازعل وتتوسل تراضيني اخذتني الذكريات عبالك مو سنتين مرت عبالك دقيقتين

- الو رضوى شبيج

- اا هلو نور اكولج

لزكت اذني بالسماعه من تحجي تعلس جاوبت

- ها شكو

- اكولج ااباجر لتتريكين نتريك سوه

- اي ماشي دروحي طيرتي النومه من عيني راح اخوج
- لا بات يمنا
-

همم بس ليش هيج تعبان وجهه

رضوى...
باوعت لايسر ابتسم صافن عالسكف وعيونه مدمعه جاوبتها
- مر بضروف صعبه وانتي تعرفين

نور : تاذيت حيل اليوم
رضوى : اسفه من ورايه
نور : لا عادي يله روحي نامي باعي صدك
رضوى :  هاه نور

نور : بس شوفي ديخابر وحده اكو رسايل تجي
فكيت عيني شفت ايسر ضحك وغمض عينه وغطه وجهه يضحك بس وجهه كله الم

جاوبتها
- لا كلشي ماعده
- عايش على ذكرى مرته يمكن جان يحبها

التفتت على ايسر باوعلي عاكد حاجبه وهز ايده مبتسم
- مادري جاوبتها كالت
- ديله .. تنهدت ديله يابه تصبحين على خير باجر اشوفج

- اوك باي
- هلاو

سديته منها وهو سالني

- شنو عبالها جنت احب زينب قبل

- اي
هزيت راسي عيني عالتلفون كال وهو يلم غراضه يروح للصاله

- بطرانه هاي

رحت لفراشي مكتفي بصوتها واسالتها عني كافيني كلش غفيت بررراحه وحسيت عالمنبه كمت هدومي جايبهن ويايه لبست

وطلعت لكيتهم يتريكون رضوى مكيفه راحت جابت فرشه اسنان جديده ابتسمت غسلت ورحت تريكت وياهم الكعده وي مرت ابويه ورضوى متنمل تصنيف وابويه مكيف بالحديقه تريكنا والجو جان كلش طيب كملت باوعت لرضوى

اوديج صفنت بعيني راحت ضحكتها كالت
- محمد يجي
- لالا امشي اني اوديج مرت ابويه صفنت كالت
- ماما موعدك شغل
- خاله اوديها وارجع يله رضوى

وكفت عدلت هدومي واخذتها الطريق كله كلسا تلتفت تباوعلي واني براسي موال قريب مدنوصل كالت

- ايسر تره نور متقبل تحجي وياك عفيه لتسوي شي

- لا ابتسمت بمكر باوعتلها غمزتله

- ايسر عفيه
- شبيج ماسوي شي
- اهوو

- وجعو للج

وصلتها نزلت
-

هاذ هو روح

- امشي كدامي مالج شغل

مشت كدامي وتتلفت واني هم اتلفت ولمحتها من بعيد من شافت رضوى تقربت ناحيتها ووكفت من شافتني بدلت ودارت وجهه سرعت مشيتي تجاههه وعفت رضوى وصلتلها وكلبي يدك سريع التفتت شافتني وراها انصدمت نترت

- انتت شتررريد مني
عصبيه نار ووجهه احمر واني ضايع بملامحها مبتسم لوجودي كدامها

شرايد جاي ورايه

بقيت ابتسم فركت وجهي رفعت حواجبي اركز النظر عليها صفنت بوجهي عاكده حاجبها همست

- دقيقتين بس

- ولاااهفوووه
نترت يصوت ناصي مليان عصبيه امشي روح ابتعد

- دقيقه وحده زين
تلزمني الضحكه من اشوف عصبيتها التخبل والخوف نفس الوكت

- داكولك ولاهفوه تسوه اضيعها علمودك عافتني وطبت ركض للقاعه كعدت جتي يمي رضوى

- ايسر تره مستحيل ترجعلك

- اريدها غمضت عيني رضوى ساعديني اريدها

- متقبل بعد انجرحت منك

- حاجيها كوليلها بس يحاجيج وهذا هو بس اكعد وياها واحجي وخلص

هزيت راسي
- هسه احاجيها
- يله حروح اني ماوصيج
- لالا هسه احاجيها واردلك خبر

- اوك انتظر

طلعت من الجامعه واتلفت ورايه يجوز دتشوفني اطلع

رجعت للسوبر ماركت وبقيت اشتغل تخابرت وي قيصر وعلي هم كتلهم اليجيبلنا البضاعه نفسه يجهزكم وكيفو بالاقتراح
.

.
.
.
يتبع

.
.
.
.حمد وصل لكروب مريم السعدي

.
.اجاه الرد بالقطار السريع 😂😂

.
.

الادمن الناقل للقصة ( ام ايه ) 🙂🙂

.
.
.