رواية أفلا تغفري الفصل السادس 6 - بقلم مريم السعدي

بارت ٦

#افلا_تغفري

#مريم_السعدي

مساء الورد والياسمين
.
.
.

نور ....

بعد ما راح ايسر طلعت للحديقه بحجه داشيل الكوابه اخذت الجيس الاحمر وطبيت للبيت للحمام فتحته شفت كومه نساتل وجيس ( m&m ) مره شتريت منهم اول مره اشوفه ومادري بهالسوبر ماركت مالتهم
ضميتهم بكنتوري زين لكيت رضوى تدرس لزمت الكتاب توني اراجع ودز رساله رضوى باوعتلي كالت
منو هاي كلسا مراسل

- هيج صديقتي
مسحت الرسايل وسجلت اسمه باسم رؤى حتى تتاكد انها صديقتي دز رساله كال

- ليش هيج هاي جيف كتلج هالحجايتين تكبرتي وضميتي روحج عليه
- لا والله خجلت من عمو
- راح اخابرج

- لا ايسر والله اختك كاعده

سكت مرسل شي بعد وره وين كتب
- ب١ اخابر لتنامين

ماشي مسحت الرسايل وتمددت طبيعتي من العشره نايمه بس من وراه طار النوم من عيني وبدت ايامي وياه كام ميتغزل بس نسولف هواي هو طبيعته ميحجي بس اني واغلب كلامه كان يسال عن اخته وعن حياتها وعن سلوى اختها

- زين سلوى هسه شنو فصخت
- اي فصخت مدتقبل وابن عمها توسل بيها لحد الان يراسل يعتذر وهي متقبل
- ممم ورضوى
- شبيها رضاوي
- متحب احد ممخليه تحد ببالها
- لا طبعا متدور هالسوالف
- ليش مو حلوه هالسوالف
- اكيد موحلوه
- لعد احنا مو دنسوي هالسوالف
- اانت ممحاجي حجي موحلو ارتبكت
- ههههههاي شبيج كمتي تعتعتين

- لا عادي بس دافهمك ااني لو سمعت منك حجي موحلو يعني مااقبل تره ااني متربايه
- والنعم من تربايه الخاله

سكتت مدري يستهزا مدري يصدك بس اني بنات خالتي بينت صفحتهم البيضه كدامه وعرفهم شنو من الشي فاكيد يقصد فعلا تربيتها نظيفه سكتت وهو هم سكت شوي جر نفس كال

- ذاك اليوم رحت لمطعم

كيفت سكتت اسمعه قليل يحجي دائما يسال ويسمع جوابي كتله اي

- ف طلبت صاج لحم صديقي كال هذا مزين مالته
كتله ريحته مطيبه يعني مبين كالي لاا موهيج بس هو معروف لحمه موزين اطلب دجاج كتله الا اجرب معليه بالحجي المهم ماطول عليج طلبت واكلته جان اي ريحه مبيه وطيب كلش كملت ورجعت للبيت لليل وبطني كلبت وتخربطت وتاذيت حيل اسبوع يله نضفت معدتي من اللحم الجايف

بقيت ساكته كتله سلامتك تالي

- التالي ريحته طيبه الكص ومبين يخبل ويشهي بس هو اصله لحم جايف بداخله بكتريا اذت معدتي

استغربت بقيت ساكته اريد افهم كال
- فهمتي نور
- لا
- يعني اقصد مو ضروري اني مااحجي حجي موزين المهم داخلي يريد الحجي هذا المهم النيه موجوده
سكتت صافنه كال

- فهمتيني
- مادري

همست وغمضت عيني تكلبت بالفراش ذبيت حسره كال
- يعني مثلا هسه من تكلبتي بفراشج اني --
جريت حسره وكملت كلام
اني تخيلتج بفراشي

بقيت ساكته ضجت حيل كال
- فلتكوليلي انت مؤدب ما مؤدب البنيه مجرد نطت مجال وفتحت تلفون وي ولد معناها تريد هالحجي حتى لو منحجي بس بداخلها تريد والولد هم مومعقول ديخابر وصارف رصيد ووكت وسهران ويفكر وتالي ميفكر بهيج شي مو بدينا لو شتكولين

سكتت غمضت عيني حسيت روحي اقلل من قيمتي تكلبت بالفراش وغطيت روحي كال
- يعني مثلا هاي التكلب مالتج بفراشج جريت نفس وكملت -- دااتخيلج يمي بفراشي

- صفنت هذا شديحجي جاوبت بهدوء يعني انت شنو شايفني يعني اني -- قاطعني

- لا موقضيه شايفج زينه او موزينه لا بس داكولج المغزى مو معناها انه اني مدااحجي يعني ماريد اني اريد بس ضامها بداخلي ومدامج طيتيني مجال معناها انتي هم تردين اذا مو اكثر مني صح لو لا

- سكتت معرفت شكوله
- همس -- نور صح لو لا

- ااني ماريد احجي هيج حجي وياك ااا
- اي عادي هاهي
جريت نفس
بس اني يكفيني اتخيل وانتي مالج دخل بتفكيري

- اريد اروح انام
- زعلتي ليش تحبين تعيشين بداخل قوقعه خل نكون صريحين واضحين

- ايسر
همست حسيت روحي حبجي ماريد يشوفني ممربايه جاوب

- عيني انتي
- يعني انت تشوفني مو خوش بنيه
- اني مكلت هيج اني وضحت الفكره البداخلنا ونحاول نضمها نواره

- تصبح على خير
- وين رايحه زعلتي
- لا بس نعست
- اوك زين باجر ابدي اني اوصلكم محضرلج مفاجأه عبالي افاجاج بيها باجر بس بما انه شوي ضجتي كتلج

- صدك باجر انت تجي علينا
- ايي لان محمد عينه وكحه وكايل لابويه عليج ينطوها اهلها واني تعاركت وياه

سكتت كلبي انترس فرح كال
- لان متحملت يباوعلج
- ليش
- لان اغار عليج لان انتي الي وبس ممكن اكول البداخلي لو ممنوع

سكتت ابتسم كال
- باجر الصبح اشوفج
- اوك انتظرك ههه بباي
- اريد ريوك من ايدج
- عزه شسوي
- والله مادري اريد لفه وانتبهي لتشوفج رضوى
- اوك
- اكولج صدك تذكرت هي شبيها رضوى البارحه ابويه كال مصخنه
- مو ابن خالتي مات خطيه
- ياهو هاذ الضربته بالشارع فكيت عيني

- اي سوده عليه مو هو مسوي عمليه مال كله وفشلت وسفرو من شفتهم بالشارع جان ديودعها تره هذا اخونا بالرضاعه
- اي اعرف كالت رضوى بوكتها بقيت ساكت كالت
تصبح على خير باي

- هلو نواره سديته ندمت حيل لان ضربته وانقهرت بعد صغير بس ابويه مكال ولا حتى نور انتبهت عليها انها متكولي شي مو حلو خبر موزين متحجي واني وين ماكو شغله تعبانه كلتلها عليها لان خلص الحجي واحنا نكضي ساعات نسولف

نور تراجعت دراستها واني هالشي فرحني مقهرني مثل محرمو اختي من دراستها لااحرمهم دراستهم خليها تكول تربيتي صح وتربايتكم غلط اني ماانكر غلط اختي بس مراعوا حقدها واحتياجها لابوها وجلبولها بالرايحه والجايه انها مسويه علاقه وي الضابط حتى بعد زواجها اللي ملكيت على هالشي اي اثبات حتى عاركت ابويه كتله اتهامهم افتراء وهالحجي عليه كص ركاب وكعده عشاير كال

- بابا اسكت ولتصغرني اكثر كافي فضايح

انلصمت شي بيه خايف تطلع صدك وننفضح وشي الثاني يصدك دموع اختي اللي من يومها حتى لابويه مقبلت تشوفه بعد

ثاني يوم الصبح جنت مكشخ عالاخر ومتعطر وغاسل السياره شي البداخلي يكبر حقد كلبي وامنيتي بشوفه عين مرت ابويه منكسره. يوم عن يوم يزيد

وصلت لباب بيت ابويه دكيت هورن طلعو البنات صعدت رضوى ليكدام ونور ليوره جانت لابسه قميص ابيض وصدريه ابتسمت باوعتلها بالمرايه دزيت رضوى

- رضوى بس بطل مي ريكي ناشف فدوه
جاوبت تبتسم رضوى كانت تتمنى مني اي اهتمام لان فعلا تموت عليه تباوع بعيني من احجي تتاملني من اكعد وي ابويه وتباوع لحركاتي احسها تريد تحفظني بس مو بديه اكرهه واكره امها حقد بحقد وكلتنا وشربتنا امي يوميه بحجي ودعوه من الگلب

نزلت رضوى ورفعت عيني باوعت لنور

- ها ولج وين لفتي
- ههيانها سويتلك جبن وزعتر
- عاشت ايدج

طتنياها والتفتت عليها اخذها لزمت ايدها تررجف وباوعت لركبتها لك عيني شكد بيضه مجيسه اللفه ارتبكت من لزمت ايدها عصرت قوي وجتي رضوى راساً كعدت عدل وضميت اللفه بالجكمجه وشمرت ليوره نستله راساً وطبت رضوى اخذت البطل رفعت راسي اشرب وعيوني بالمرايه ابتسمت نور خجلانه وطلعنا وصلتهم نزلوا فاتت من يمي نور التفتت باوعتلي تبتسم ونصت راسها

رجعت لشغلي التهيت حد ما كمل دوامهم مكدرت اسوي شي بعد لان رضوى تنتبه رجعتهم ورجعت للبيت جانت سنا عدنا كيفت بيها

بس جانت متعاركه وي رجلها
- شكو شبيكم
- يمعود بخيل كتلني كتل
- سنا احواله متوسطه رجلج خطيه توه متخرج طي مجال ولو يتعين

- ضجت طكت روحي اريد اطلع اطب اركب سيارات راقيه اريد اعيش ماريد اضل مثل المكادي
- موعده سياره لج شبيج تخبلتيي
- سيارتيش هاي ياموديل بله ايسر اني متعلمه عالدلال مدااكدر

- يعني مداصدك هالحجي منج بعدين اني مو داانطيج شهريه
- عيني اكوله امشي نكعد مطعم يكولي كومه يرادلنا. ناكل بالبيت شتريدين اجيبلج اكوله على حسابي يكولي فلوس ابوج خليها الج مااصرف من عدهم

- اي معناها الولد عصامي ومو يستغل سنا تره رجلج ذهب لتخسري
- اي طكتتت روحي كلها تطلع وتطب وتسافر بس اني كاعده

- استغفر الله ربي واتوب اليه بابا شتررردين انتي هاااا

- ايسر اريد اتطلك
- تخبلتي وينج يووووم يوووم
- هاا يمه شكو

- عقلي بتج تره قبغ راسي طاررر عففت البييت وطلعت وامي من رجعت بالليل جانت معقلتها وراجعه وي زوجها

تمددت وافكر باليوم الصار الصبح لزمه ايدها الناعمه ودفوها لزمت التلفون طبيعتها اذا ماراسل متخابر لو تموت دزيت رساله

- نور
راساً ردت
- هلو
- هلو عيني شونج
- زينه ها نتخابر

- اوكفي ههه خل اسبح اتعشى شنو نعسانه
- لا
- لعد شبيج شتاقيتيلي
سكتت
- ساعه واتصل اوك انتظريني موتنامين
- اوك

وفعلا تخابرنا ردت روحي بس سمعت صوته من لزم ايدي لحد الان كلما اباوع لايدي اذوب كمت بس انام ومن اتذكره

بيومها بليل تخابرنا ورديت راساً

- الو
- هلاو
- تاخرت
- مو سبحت والله حتى راساً خابرتج بس لبست الشورت وتمددت خابرتج خوما جنتي نايمه
- لا داانتضرك
- همم نامت رضوى
- اي بس دتتكلب باوع حنصي صوتي خاف تكعد
- اي ماشي
غطيت راسي جو اللحاف طبيت وهمست
- الو
سكت
- ايسر
- ها عيني
كالها بصوت خافت

- شبيك
- صوتج
- شبي
- يخبل ااوف نواره شدتسوين بيه

غمضت عيني كال
- ايديج دافيه تخبل عبالك كطن
بقيت ساكته غمضت عيني كال

- شون بيه اريد اشوفج نور
- مو شفتني الصبح
- نور وحدنا اريد
- عزه لاوين اكدر اطلع
- زين شلابسه هسه انتي
- تراكسودي
- فوتي للحمام طكي صوره بي

- لا مترهم ممستر
- ارييد اشوفج نور
- اني حروح ايسر باي
- ها هيج يعني
- يعني شنو تريد ادز صوره هيج ششايفني

سكت وجررحسره كال
- حقج اعتذر
سكتت كال

- نواره زعلتي
-لا

- نور شصار بيج من لزمت ايدج
سكتت كال
- احجي
كلبي دك بسرعه ووخفت

- ليش خفتي ياعيني ليش
-ايسر عبالك مو انت شو تغيرت

- شنو ليش
- مادري صوتك وحجيك
- من سمعت صوتج بهالنعومه وعلى كيفج تاثرت طلع البداخلي

- اني داضوج
- بس دااحس بيج متواصله ويايه
سكتت
- ماحب الكذب نور وانتي بيضه لتكذبين وتشوهين صورتج احجي الصدك
- ااني دااتاثر بس ماريد اتاثر الله يخليك
- ههه هاهي حسكت احمم اي شكو ماكو

- ماكو شي تنهدت
- درستي
- اليوم كلشي مكدرت اقره
- ليش
- مادري مدري شبيه
- همم براحتج
- اي باجر اعوض

- اليوم اكلت اطيب لفه بحياتي
- هههه بالعافيه اني هم اكلت نستله تخبل

- نستله تاكل نستله اووف ربي
- ههه

- تدرين شكد احب شعرج
- امم
- ليش هلكد ناعم وسرح يخبل
- متثبت بي قراصه ولا طاك مخبلني
- يايابه هذا يتزحلك بيدي مثل المي اذا لزمته

- ايسر شبيك
- تخبلت اني متخبل بيج نور
سكتت كلبي فرحان بس عقلي مراضي هاي غللط غللط كال

- لتسكتين
- شتريد اكول
- ماكو شي هاهي

جريت نفس وذبيته
- اي نور بعد شكو ماكو البنات شونهم رضوى وسلوى

- زينات الحمد لله
- رحتو للفاتحه
- اي خاله راحت ورضوى وسلوى وياهم رحت اني
- زين امه شونها خطيه
- امه ميته بس خاله ام رضوى من خالاتي عايشه

- صددك شنو بعدهم صغار ويموتون شنو السالفه ههه نسوان ميموتن شو ذنه بسع يوقعن معاملتهن ويتوكلن

سكتت بلعت ريك جنه نسه امي اختهم وهم ماتت صغيره
- اا نور موقصدي

بقيت ساكته

كال
- ولا مره حاجيتلي عنها
- جريت نفس اختنكت. عادي تغير الموضوع حباب

سكتتت شوي وسمعت نفسها تغير شهكه بس بعيده. غمضت كلبي انعصر

- شكد جان عمرج بوكتها احجيلي
- صف رابع اعدادي
كالتها وشهكت بجي

- استغفر الله الله يرحمها. شون توفت
- مريضه جانت ووتوفت

- كافي نور فدوه كطعتيني كافي حبابه لتبجين

- تصبح على خير
- اوكفي داحاجيج
- باي حسده اسفه

نور نور سدته بوجهي رجعت خابرت ماكو عدها نت عرفت طفت الواي فاي ذبيت الجهاز كلبي وجعني اني شداسوي بالبنيه صدك احجي من صدك يعني داريد ااذي بنيه يتيمه لا متفيد السالفه ماريد عيني هي مال حقد وانتقام انعل ابوهم لابو

غمضت ونمت والصبح رحت اوديهم رفعت عيني موبيدي قلق عليها شفت عينها وارمه من البجي مكدرت احجي رضوى يمي طلعنا وصلتهم وراحو ملتفتت عليه ابد
للضهر رحت اجيبهم جتي دتصعد بالسياره قبل رضوى كعدت وسكتت تباوع عالشباك

- بشش
التفتت باوعتلي بالمرايه ابتسمتلها ضحكت ونصت
- فدوه لليخجل شونج اليوم
هزيت راسي بله صوت

- باعي شجايبلج شلت بيدي جيس السميري ( m&m ) كريات الككو الصغيره رفعت راسها ونصت تبتسم

- هاج اخذي
اخذتها وفتحتها واني اراقب وجهه بالمرايه خلت بحلكها كم وحده ولمت حلكها تاكل وتبتسم روحي ذابت درت وجهي مبتسم وتمعصرت

- نعسان شو
- من وراج غير مخليتيني انام

نزلت عيني جتي رضوى

صعدت ووصلتهم لليل كملت شغل ورجعت للبيت مخابرت بعد كلت انتزع شوي شوي منها

بس شنو الفايده داانام ودكت رديت
- الو
- هلو
- هلو نور
- شنو شعجب مخابرت
- نعسان والله
- ها اوك باي
- هلاو سديته منها اريد انام مدااكدر رجعت خابرت راساً ردت

- الو
- مكدرت تعلمت
- ههه اني جنت شايله هم شون حنام
- انتي هم تعلمتي
- اي
- زين فد صوره اقلها اتصبر بيها اشوفج شلابسه لو هم ممستر

- ماريد ايسر
- ملازم هاهي
بقينا ساكتين تقريب الدقايق الحجي خلص واني ماريد احجي حجي موزين اله هو بطارف لساني كالت

- و ماعدك اصدقاء
- عدي يمعوده قيامه الله بس الشغل مانعني وهمه ملو كلما يخابرون اكولهم مااكدر اطلع عيني اذا الماركت سجن بس اعوفه الكه مخربطين كل النضام

- يووو
- اي
- انت هم عدك حبيبات
- هههه لا ماعدي حبيبات جان عدي وتزوجن ههه رجلي خضره

- صدك وشصار بيك
- عادي موكلش علاقه بس عالهامش بس بالجامعه والله جنت احب وحده وسافرت وملحكت اكوللها احبج

- صدك ليش مكتلها
- لان مصادقه صديقي ههههه
- عززه
- اي والله مادري بيهم طلعو علاقه واني ايام وليالي اتحلم بيها

- خطيه انت
- لاعادي نسيت فتره وراحت
- هازين وبعد
- بعدهاا بله هاي بنيه جيراننه جانت تجي للاسواق وحبتني هواي اكبر مني سنتين جانت وسويت وياها علاقه وكمت اصعدها فوك للمكتب الفوك الماركت وناخذ راحتنا وراها تزوجت مو داكولج رجلي خضره

- ههه زين بالمكتب اخذتو راحتكم وهي شنو عادي
- اي ماتت عليه وتقبل عادي

- عزززه هاي شون تربيه
- اي معوده اشكال تنهدت وانتي
- اني شنو اني جنت حايره بمرض ماما هسه يله صفيت وتصالحت وي روحي بانه هي بمكان احسن
- اي والله صح
- يله كدرت اعيش

- متعلقه بيها جنتي
- اي هواي
- الله يرحمها ويصبرج زين شبيج وي مرت ابوج

- متحبني وتريدني بس اني اشتغل واني عدي دراسه ومتقبل بابا يصرف عليه هواي مقبلت يدخلني دروس خصوصيه لان غاليه تكوله خلي هي تقره تالي تعاركت وياها وضربتني وانركع راسي عالمغسله

اني كالت هيج لو روحي فرفحت. راساً كلت
- انكسرت ايدها البت المصموط ابوج وين
- بابا حار بيني وبينها تالي عفت البيت ورحت يم خالتي اقلها ريحه ماما وهو دائما يجي يشوفني ينطيني مصرف ومحاضره بالاخلاق ويهددني قبل ليطلع

تره اذا غلطتي تنسين المدرسه ولتتوقعين مراح اعرف عيوني عليج

- ها هيج فد مره
- واكثر بعد
- هاي لو يدري تحاجيني شيسوي يمكن يذبحج
- ليش اني شمسويه حاجين حجي مو حلو
- النيه موجوده بس طيني مجال ووادخل بالغميج

- ايسر ازعل وبعد مااحجي وياك والله
- باعي اولي وتاليتي راح اجيبج للدرب لتكعدين ازعل ماازعل

سكتت صافنه على لهجته كال
- نور هي هاي غريزه تره موجوده بينا هسه تكدرين تكوليلي ليش دتحاجيني

صفنت ساكته
- شفتي لان انتي هم محتاجه لهالحجي
- ايسر حروح
- روحي واذا متردين هيج حجي لتحجين ويايه بعد يله الله وياج

سديته منه بجيت بكد مابيه حيل لحد ماغفيت ثاني يوم اريد اشيل راسي مااكدر جتي خاله تكعدنا شافتني مصخنه راحت رضوى وعافتني

الصبح صعدت رضوى جنت مرتاح لان راحت كلت بعد ماحاجيها جتي من يمها صعدت رضوى وهي ماكو
كالت
- يله اطلع متجي نور
- ليش
عكدت حاجبي متفاجأ كالت
- مو مصخنه كلش

حسيت بقلق مو طبيعي وصلت رضوى ورجعت لشغلي اتصلت بيها اكثر من مره ماكو رد حاولت ارسل رسايل متوصل طافيه الواي فاي عدها

لليل هم اتصلت ماكو رد تركتها حاولت حاولت انام ماكو لحد مااذن واني كل موقف وياها تذكرته وتاثرت بي ورحت اوديهم وهم لكيتها ممداومه زاد قلقي رضوى كالت
- مصخنه ومتكدر تداوم

وخلص الاسبوع مر خمس ايام مشايفها من بينها العطل هالفتره كولها احاول اتصل ماكو نت وعالرصيد مترد وديت المسواك وهم مشفتها ولالمحتها واجه الاحد واخيرا ولكيتها تطلع وي رضوى صعدت نحلانه ومتباوع للمرايه كلشي بيه رجف شتاقيتلها حيل وصلتهم وطلعت واني ببالي محفوره صورتها رجعت الضهر اخذهم

شفتها جتي لناحيه السياره ضفيرتها وراه شمرتها ولمحت القراصه وكعت تذكرت من كالت متثبت بي قراصه ولد فات من يمها وانتبه القراصه وكعت شالها وصاح يبنيه جان الحجي كدامي ببعد اربع امتار التفتت هي مستغربه كالت

- ويايه نعم تفضل
- هاي قراصتج وكعت

كالها وابتسم وفتحت الباب اني داانزل ختمها من كال من فدوه لهالخلقه ودارت وجهه نور وجتي للسياره لمحت بعيني غضب واني كمزت لحكت الولد نار صرت وجييت وج صحت

- تعال تعااال
التفت
- العفو ويايه
- اي وياك شكتلها
- شكتلها كلشي مكلت
لزمته من زيكه وعتيته لعندي نترت
- متتتاكد مكايللها شييي مكتلها من فدوه لهالخلقه
- وانت شعليك

كالها ولخمته ببوكس وكع والعالم التمت كوه فرقونا صحت اذا لمحتك مندك بيها الا اسويك تراب

ورجعت للسياره اعصابي ترجف باوعتلها ميته بجي صحت بيها
- علييمن تعوين هااا

سكتت ودارت وجهه جتي رضوى وطلعت بيهم وصلتهم البيت ورجعت

نور : سالتني رضوى
- شبيج نور ليش تبجين

ايسر : رفعت عيني اباوعلها رافع تك حاجب مردت شوي وكالت
نور : مابيه شوي راسي

رضوى : حبيبتي هسه نوصل وناخذ حبايه تصحصحين

سكتت حدما وصلت طبيت للبيت فعلا كلامه صح اني الوش دااحجي وياه غير لان احبه وبعدين حيكوم يحجي هيج هاي صديقاتي كلهم هيج اليحبون قررت انهزم هو منا عده نظره موحلوه على سلوى مالي خلكه بعد ودراستي متراجعه كومه كعدت اقره اعوض ليل نهار ومن اصفن الكه روحي مشخبطه اسمه بكتبي وارجع احن اله ولصوته والهي روحي بالدراسه حدما اغفى
مر اسبوع هو مستمر يحاول يتصل اني اقفل الجهاز ومن يوصلنا اصلا ماباوع بوجهه مره شمرلي نستله اخذتها وبقيتها بالسياره كمت مااطلع قبل رضوى ابقى انتظرها حدما فد يوم صار انفجار يم الاسواق عمو رجل خالتي جان كاعد يم خالتي ديشربون كهوه وصارت طبه كمز صاح

- يارب دخيلك الولد
وخاله تهدي بي يريد يلبس شحاطته ميكدر كوه ركض للشارع ورجع يلطم على راسه
- ولج لحكيلي الدخان من ناحيه السوبر ماركت جيبولي السووويج

ركضت رضوى جابتله السويج وطلع ركض خاله واني ورضوى نردد يارب ادفع البلاء خاله شفتها راساً طلعت صدقه وطبيت للغرفه فتحت دخلي اني هم طلعت صدقه ربي دخيلك بس طلعه سالم هو واخو يارب وره ساعه خابرنا عمي كال

- بالمستشفى هو والولد وياه وثنينهم متصوبين بس خفيف طشار شضايا وزجاج مال جام السوبر ماركت

اني روحي طلعت طبيت للغرفه وابجي واندعي رغم مااني ماالبس حجاب بس اصلي صليت وهديتها. للرسول بس كون يطلعهم من محنتهم مابيهم شي كمت اكلب بكلامنا وابجي روحي طلعت الا شوي

لليل اجه عمو وحضنته خاله تخفف عنه كاللها
- جان راحو والله ستر
كالتله همه وينهم هسه كال

رجعو للبيت رجعتهم واطمنت عليهم.

- تالي الاسواق خوما متاذي
- الجام نصه واكع باجر من الصبح نطلع نصلحه
- الله كريم

نور...
طبيت راساً رضوى انتبهت عليه هديت روحي سويتها عادي بس ردت تنام وفعلا نامت ودزيت رساله اله

- الحمد لله عالسلامه شوي وشافها بس مرد بقيت اباوع عالشاشه ماكو رجعت رسلت

- ضل بالي كلش

طلع مراي راساً وانكتب جاري الكتابه كلبي راح كتب
- اهمج يعني اذا متت تتاذين

غمضت عيني كتبت
- لتجيب طاري الموت الله يوفقك

- راساً دك رديت ساكته وهو ساكت شوي وكال
- احجي
- الو

جر نفس وذبه كال
- شتاقيتلج

بقيت ساكته
- احتاجيتج هواي
غمضت عيني ونزلت دموعي

- ردت اسولف وياج ملكييتج حاولت هواي وانتي رافضتني

- مترهم ايسر بجيت
- لعد ليش تبجين ياعيني ليش البجي

- لان مااتقبلها على نفسي نظره مو حلوه
- ولااني الاكدر انظرلج هالنظره نور رجعيلي كافي تعلقت بيج مدااكدر متوقعتج بهالقساوه

- اخاف تجيني حجايه
- اني اخاف اكثر منج بس مدااكدر ينطيج كلبج تعوفيني كدرتي عادي
كمت اشهك كال
- كافي بسس همس كافي فدوه مااتحمل

سكتت جر نفس كال
- حجيكم الباجر
- مو تعبان انت خاف متاذي
- لاعيني انتي لا مو قوي بزندي وطلعوها الشضايه بس خل اشوف عيونج من تخجل

- اوك
- مو متباوعيلي اريد عيونج نور
- اي اوك

- مشتاقيتيلي شون كضيتيها لج الليل كوه يمر
- اني هم نفس الشي
- شكد قاسيه
- مو بقساوتك كلتها وندمت
كال
- فعلا اني قاسي ولتأمنين بيه

سكتت حايره ضحك وجر نفس وبده يحجيلي عن الايام الفاتت المواقف الصارت بالاسواق الناس التسوكو شصار وياهم مصار واني حجيتله عن المدرسه وصديقاتي ونفسي كلشي صار بهالايام حجينا بي حدما غفينا سوه عالتلفون بدون منسده والصبح خاله من دتكعدني بس فتحت الباب فزيت
ضميت الفون راساً وكمت سويت شعري ذيل حصان عالي وفليته ونزلت خصلتين طبت رضوى كالت

- متضفري لعد
- لا بالمدرسه يله تاخرنا
- ديله دابدل.

طلعت سويت لفه اله وجيستها مبتسمه ودك هورن طلعت راساً قبل رضوى وصعدت بس شافني ابتسم وشفت ايده ملفوفه راحت ضحكتي كعدت طيته اللفه ضمها بالجكمجه وعيونه بعيوني
- شبيج نور شو صفنتي وج الحايرين
- ايدك متاذيه توجعك
- شوي

- لعد ليش اجيت
- اجيت حتى اطيب

ابتسمتله وهو يباوعلي وايده على راسه مبتسم جر نفس طلعت رضوى صعدت تقربت منه بخجل هو عكد حاجبه كال

- شبيج رضوى
تقربت اكثر حضنته تفاجا
كامت تبجي وتكوله خفت عليك كلش انت وقيصر خفت لاصاير بيكم شي والله

ربت على ضهرها عاكد حاجبه كال
- لامابيه شي
كعد عدل وجر نفس رفع تك حاجب ساعات اشوفه يضم حبه الها بعصبيته وحقده على خالتي بس رضوى متكدر اذا متنطي حنان مثل خاله بالضبط نزلت ذبيت شعري وره ضهري الرايح والجاي يباوع لشعري لان ثخين وجوزي وسرح التفتت شفته يباوع ضايج

وبالرجعه اخذنا هم بعده ضايج توقعت جايبلي شي مجاب وحتى مباوعلي شبي هذا بالساعه ميت مزاج وصلنا للبيت نزلت شفت رضوى باسته من مكان اللفاف وكالتله

- حباب ديرو بالكم على نفسكم اليوم بابا يجيبني اشوف قيصر عادي لو متقبلون
بقه صافن عليها كال

- لا ميحتاج هو اليوم يجيب المسواك والاجارات وشوفي
- اوكي بس دير بالك على روحك حباب
هز راسه ودار وجهه

.
.
.
.

يتبع
.
.
.
.

هذه الصور أقرب شبه للأبطال بنسبة ٧٠ %
من ناحية الهيئة الشكل العام
وسبب اختيار صور اجانب لان الصور الأقرب من الشخصيات العراقيه ممكن تتعرض للمضايقات من البعض وتسبب احراج للكاتب

.
.

اكثر واحد نسبة الشبه كبيره هو ايسر 🌚🌚

قصير بالحقيقه عنده خصل شيب بجانب راسه 😍😍

مواصفات علي طويل واشكر وشعره خفيف

نوارة القصه 🥰🥰

.
.
.
.
.
⭐
⭐