رواية أفلا تغفري الفصل الثالث 3 - بقلم مريم السعدي

بارت ٣

#افلا_تغفري

#مريم_السعدي

.
.

ايسر....
مر سبوعين والولد افاق ساكتين اهله شو
وقيصر مكدر يبقى بعد طلعوا والحمد لله زين ابويه مخله شي مسواه  
يوميه كام يجي عدنا وامي تتعارك  وياه وهو ساكت يكولها بس

- ميهم ميخالف بس خل ابني يطيب ويوكف على حيله

يومين وجوي على قيصر  الامن رادو ياخذو ورحت وياه ودزيت على ابويه اجانا للمركز كالو مقدمين بلاغ اهل الولد ابويه كام يكمز كال

لا قبلوا فلوس لا رادو كعده فصل  لا حجي فاد وياهم بس ساكتين شيردوون امشي دليني عليهم وين بيتهم

- اي يابه صار

اخذته ورحت لبيتهم دكينا  الباب  طلعتنا اخته الجانت بالمستشفى ابويه كلها

- اريد اتفاهم يابه عدكم احد كالت
- دقيقه عمي اخابر خالي يجي

- يتاخر
- لالا هنا بيتهم قريب  ورانا

بقينا ملطوعين ننتظر حتى تفضلو مكالت واجه خالها  رجال جبير كوه يمشي وصل ينهد وسلم وكال تفضلوا انصدمنا من كال

ابوها وامها متوفين وماعدهم عمام وبس خالها الها والمصيبه ماعده جهال يعني بس بيت عمتها اللي تعاركت وياهم علمود سالفه الميراث

طبينا شفنا حاله الولد مسكط  لدرجه حفاظ ملبسي وهي تقيم بي اخته

تشتغل معلمه مدرسه ابتدائيه والولد سادس علمي بكد اختي سنا  خطيه السنه راحت  عليه   تفاهم والدي كاللهم

- حاضرين بالتردو
- احنا مناخذ فديه بس ماعدنا لعلاجه  
- اني المسؤول وشتردون حاضر

خاله رد عليه
- اني خايف باجر عكبه يضل سكط منو تقبل بي بعد كالها وبجه واخته هم جانت منصيه راسها ومسحت دموعها ابويه كالها بحيل صدر

- عمي اني انطي مره ولا يهمه ولا ينكسر خاطره بس خلي يكوم بسلامه وتتنازلون تره قيصر ابني مريض مو حمل سجون والله واني السبب بيها لان طلع معصب من يمي لان متعارك وياه

بقو ساكتين واني اباوع عالخال والاخت من اهل الله بساطه بيتهم الصغير يبين الحاله مالتهم  العايشين بيها  فهمت انه عيشته على راتب اخته والتقاعد مال ابو

وحتى الخال عايش عليهم ووالدي تكفل وطلع الخال ويانا تنازل واخذنا اخويه ورجعنا الطريق كله والدي يحجي وي الخال وقيصر ساكت  كلشي محجه ووجهه تعبان مو تعب جسد لا تعب نفسي. 

ورجع والدي تصالح ويانا ورجعنا لزمنا شغلنا وهالمره نطانا شروط نلتزم بيها ونلزم اختي والا حتى من البيت يطلعنا جننا ساكتين عرفنا غلط اختي وفهمنا انها متعديه عليها لان مدتقبل ترجع  لامها وابويه صاير كبره ومرت ابويه متخربطه

اني مهامني كلشي بسس
اختي من كذبت قهرتني وهم ارجع واكول
حقها الحقد ماليها  لراسها

كعدت وي قيصر وسنا تفاهمت وياهم وحتى امي هم كعدتها

- عيني  سناوي بعد متحجين حجايه وحده ابوج حاليا هو البنك ليش نخلي ذيج تاخذه هو وفلوسه اقلها نعيش بخيره واحنا اولى بيها

سكتت سنا بس وجهه ميبشر بخير جانت ترجف عصبيه ومتشمته كونها  عافت امها وسوت مشكله بين ابويه وزوجته

قيصر : يابه شعدي وياهم بس هو من ضربها روحي فرفحت
امي : والله بعد اليوصل لهل البيت احركه حررك سمعتوووا خلي وي بنات ال--  هلي همه يفيدوا وبنته مو خوشش

ايسر : يمه على بختج خلينا نقوقع روحنا ونعيش براحه بله مشاكل شعلينا منهم وابويه ميوصل واذا راد يشوفنا احنا كل اسبوع نروح للبيت سنا نطت

- مااروح اني بعد
جريت نفس فركت وجهي تعبت هزيت راسي
- ماشي هاهي
امي نترت
- وانتو هم متطبون لذاك البيت متروحون اذا رحتو ماارضى عليكم

ايسر : يابه منولي عود اذا راد يشوفنا يمر للسوبر ماركت

وانسد الموضوع وانسى ورجعت لزمت حسابات السوبر ماركت وقيصر بس يطيب يبقى  لازم الاجارات

رجعت اتسوك اسبوعيا لبيته الثاني
نور بعد مشفتها  لان رجعت عد ابوها ومرته وره هالهوسه اخذها ابوها
كمت اودي بس سنا  ورضوى بالسياره
وسلوى عمامها خلولها خط يوديها ويجيبها لبيت امها  بعدما قبلت ترجع بالكوه لان شافت امها مريضه

سنا ورضوى انقطع الكلام بينهم رضوى حتى ويايه متحجي  ضل بالي على نور سالتها

- رضوى ؟
- نعم
- اكولج نور منو يوديها ويجيبها
- هي تروح وتجي ابوها ميقبل بعد ويانا

- هااا .. يعني ترجع لبيت ابوها
- اممم
- زين 

بقت ببالي مدري ليش نعومتها ولطافتها وي خشونتي وطولي ابد منتوالم  ابسط شي اذا ضحكت هي جانت تفز اذا نترت برضوى تفتح عينها كلها تباوعلي بخوف عبالها حضربها

ومر شهر ونور ماكو مدا المحها بدت عطله السادس البنات عطلوا  وفد مره مريت من يم المدرسه وكت الطلعه ولمحت نور جنطتها على كتفها دتمشي ومنصيه شعرها نازل وتهف بالمشي سريع ابتسمت بس شفتها ثكلت من يمها صحت

- نورر
التفتت متفاجاه عاكده حاجبها وخدودها حمر اثر  الشمس غاب الاستغراب بس شافتني ابتسمت

- وينج اختفيتي

- ههه
ابتسمت ونزلت عيونها  تمشي واني وي مشيتها امشي  ثكيل عبالك ماريد اوخر عيني عنها شنو اللي بكلبي تجاهه مااعرف

- صعدي اوصلج
- لالا بابا ميقبل

- اصعدي بابا اكوله ابويه كال اذا شافنا  عود اصعدي اذبج بيت خالتج

نور...
بقيت اباوعله هو ابتسم تخوصرت واباوع لطريق مدرستي
- هو انت ليش اجيت

عضيت شفتي وضحكت ذبيت المناضر الشمسيه ورفعت حواجبي سوه
- هيج مريت وشفتج تصعدين لو لااا ؟

نور : اوك قابل مصاعده قبل وياك هو انت جنت توصلني

ايسر :  ههه تبرر لروحها الخبله  صعدي صعدي الله يتممج بعقلج

نور....
صعدت كعدت بالصدر مدري ليش احب اكعد يمه من يوم الاعتذر مني كبر بعيني لان متركني خاف عليه من الطريق ارجع وحدي صعدت يمه ابتسم بقه يباوعلي يبتسم جر نفس ويباوع لوجهي وطلع بالسياره جان مبين بعيونه الراحه  عيونه من تتاملني وكانما تتامل ورده مفتحه يتأمل بتعجب وابتسامه

- شبيك هيج تباوعلي همس ويباوع بعيوني احس هدأ صوته 

-  شنو ممنوع اتفرج على خلقة الله

صفنت برمشه الطاخ بحاجبه الللي يخوف عكده يباوع لصفنة عيني درت وجهي راساً هلكد اخاف منه ومن يصير حباب افرح حيل ولا جن هو نفسه العصب قبل شوي  كال بهدوء

- ترحين لخالتج

- لا لبيتنا بس ذبني براس الفرع
- شنو ابوج تعارك وياج
- لا بس لان  ... وسكتت
- كملي كملي لتخافين

-خاف تصير عصبي
باوعتله اتامل ملامح وجهه عصبي لو لا بقيت اتامل ابتسم كال بهدوء
- دحجي  يانور هسه الا اضحك احجي لتخافين اني ادري سنا غلطت بس صارت بعد وحقها

- مادري معليه بس هي من سنا حجت وسلوى رجعت لاهلها بابا كال هي بت خالتج هجت لاهلها انتي شعدج باقيه عدهم
- امم تالي

كلتها واباوع لوجهها  من يرتبك ويعرك واني شديصير ويايه واتخيلها كلسا عركانه وخايفه شبيه واتخيلها بوضعيه مخله بسمعتها درت وجهي رايد اركز وي الطريق رجعت باوعتلها مدا اكدر اصونها من عيوني وكفت السياره غمضت عيني قوي نترت بقوه

نزلي نور روحي لبيتكم

- زعلت  ... كلتها بهدوء
- نووور نزلي
صحت فزت ونزلت ركض وسدت الباب شايله جنطتها بايدها الاثنين حاضنتها وصافنه عليه بقيت واكف فركت وجهي اشرتلها  بعيني امشي روحي

مشت وتتلفت كلساع صدريتها طويله كلساع عاثره وتندار عليه  تباوعلي بحيره  وترجع  تندار تكمل مشيتها   واني بنص الشارع موكف السياره اباوع لمشيتها   المستغربه حتى هي حست الاحسه
احساس ملازمني من عرفت ابويه متزوج لليوم

احس روحي عايش نصين
نص خيير ونص شراني
نص يعطف على اختي رضوى و وماعرف شيضم لنور من مشاعر مخربطه عبالك شفتها يله بردت اعصابي 

جنت بتوتر دائما وافكر
ها اجتي اليوم
ها لا بعدها عد ابوها

ونصي الثاني يكرهها نفس كرهي لمرت ابويه  كونها خالتها

طلعت بالسياره واني صرت بنص النصين مادري ويامن  اصف واطبك

طلعت الفرع الجانت تمشي بي لمحتها تكمل مشيها مدنجه راسها فتت من يمها مباوعت لصفحتها بس باوعت بالمرايه الجانبيه شفت وجهه من رفعت راسها تباوعلي وجهه الاحمر الناعم الطفولي

كملت طريقي وصلت للسوبر ماركت  وكملت شغلي احس روحي دا اتعب اكثر من قبل كثره التفكير والحقد الدفين صار مثل الآهين على كلبي

كله منك يابه
طب قيصر واني مركز  يقوائم الحساب

قيصر : طيني  ورقتين

ايسر :  شنوو  .. نترت  ..  ليش يابه
باوعتله رافع تك حاجب
- انت ويين دتودي فلوسك متكولي البارحه اخذت شهريتك

جر نفس بحسره وفرك وجهه ونتر
- طييينيي هسه واخذها من الشهر اليجي
- لك قيصر شبيك فهمني
صوتي عله وهو عصب جريته جوه بالمخزن حننفضح  كدام العمال طب كدامي وسديت الباب علينا

ايسر : الغي كتهن الي وحده وحده دتشرب لو مستكعد وحده فهمني مو قبغ راسي من مكانه طار

جر نفس وغمض رفع راسه ليفوك كال
- اودي بيت الولد الضربته
- ليش ابويه مو طاهم فلوس العلاج

- ايي فلوس العلاج البنيه الصارلها شهر كاعده باجازه دون راتببب والولد الكاعد من شغلله منين يجيبون  عيشه  متفهمنيييي ابوك الفگري بس يعرف يطشرها على بنات العالم وعايفنا

- قيصر خلي الله بين عيونك مو الشغل كله بدينا
- لااان يعرفنا منمد ايدنا نخاااف من الحررام
-

هسه دنطي مجال اكعد اكعد افهمك وفهمني شنو دتنطيها بيدها

- لااااع هي تقبل مني فلوس بس تشوفني تخزر بيه وتدعي واحلف والله ممتقصد ميفيد النوبه الولد ماعده اخوه اتوسل بيها افوت يمه اساعده اطلعه يفتر اختنك من حبسه البيت متقبل تكولى تريد تسكط اخلاقه

- اهوو هاي شون شغله بابا شكو رايح ودي المصرف بيت خالها وفضها
- ضميري ممرتاح الولد سكطته هالسنه جان مفروض سادس لك رحت لمدرسته درجاته ماعده اقل من ٩٠
- خرب حضك اي والله هسه وين توديها اذا اخذتها
- اوديها لخالها ينطيهيا بس خل تاخذها ارررتااح

- ميهم هاي اربع اوراق تسوك كلشي وانطيها الباقي بيدها كدام خالها وتوسل بخالها هسه خالها يقبل ويخليها تقبل

- مادري بعد دجيب هسه خل اولي
- هاك الله وياك

طلع من يمي بقيت صافن عليه
قيصر من اول سبع مسؤول عن اجارات ابويه يشلعها  منهم شلع ولا ياخذ فلس فوكاني عن حقه
بس طبيعته المو حلوه نسيونجي من وحده لوحده من تكوله طاري الزواج يتكهرب وامي مجلبتله بت خالك وبت خالك وهو يكمز
.

.

قيصر....
اخذت منه الفلوس وطلعت تسوكت كلشي يخطر عالبال رغم مو ابو بيت مثل ايسر بس هالشفته بالسوك كدامي لحوم دجاج سمج مخضر والبان كلشي تذكرته ورجعت لبيتهم دكيت الباب كالعاده كومه كومه يله ردت بصوت كوه ينسمع

- منو

- اني... كلتها بارتباك حسيتها وصلت للباب كالت منو مره لخ

- اني قيصر بس والدي داز المسواك

- انت مو البارحه نطيت لخالو فلوس العلاج المن جاي بعد كل يوم

-يابه جاي اشوف الولد وارجع
- عوفنا بحالنا ميكفي سكطته وراح مستقبله روح واطلع من حياته اجفينا شرك الولد صارعده اكتئاب من وره سوايتك

- اختي بس خليني اكعد وياه ميصير هيج خليني اساعده طيني مجال اكفر عن ذنبي حتى نوم مدانام

حسيتها مقتنعت ورجعت طبت وسمعت سده الباب الداخلي واني واكف بالباب البراني خابرت خالها وطلبت منه يجي وافوت وياه

وفعلا اجه وره شوي ومد ايده فتح الباب وفات قبلي نطاهم خبر وطلعلي كال تفضل نزلت ويايه المسواك وطبيت
بديت اطبب بالغراض بالمطبخ اللي جان بسيط حيل وصغير ومرتب ودافي وريحه الجاي عالطباخ شكد طيبه

خليت المسواك عالميز مجان اكو احد غير خاله للولد كملت وطلبت منه اشوف علي الولد الدعمته كالي تفضل طبيت وراه مشفت اخته وطبيت للغرفه لكيته متمدد عالجربايه وايده على عينه

جنت مليان خجل وفشله اول مره اقابله احس ميريد يشوفني ولد مراهق ضعيف طويل ابيضاني وشعره مرتب مسحوب ليوره على شكار صاير كعدت ببعد مناسب مااعرف شكول خاله كعد يمه وبده الكلام

- شونك خالو شون صحتك
حاوب بهدوء وحسره
- زين خالي مسكط وكاعد مثل النسوان بالبيت واختي تفتر بمكاني بالسوك وتروح وتجي وحدها

انصدمت من رده وبعده مخلي ايده على عينه كانما ميريد يشوفني ولايريدني احاجي واني بلعت لساني رجع خاله ساله

- بابا خوماعدك الم

- لاخالو مسكنات توخر الالم 
اني كمت من مكاني كعدت قريب عليه وبديت اطراف الكلام

قيصر : علي محتاج شي
- لا
جاوب بنتزه

- زين ممكن نسولف شوي
- شسولف ماريد احجي وي احد

بقيت صافن خاله اجاه تلفون وكف كال
- ابني اني طالع ساعه واجي اذا تريد روح شوكت متريد البيت بيتك بس تدري علاوي مريض شوي

قيصر : لا عمي روح مشكور وتعبناك ويانا اني حكعد وي علي شوي واروح راح خاله واني كاعد ساكت وعلي ساكت مرفع ايده من عينه مادري شون ابدي وياه الحجي بس بديت

- علي اني جدا اعتذر يعني ماكو شي يوصف قهر كلبي
- ماكو داعي تعتذر شي صار بعد
- يعني انت مشايل عليه بكلبك

- لا قدر راد يصير وصار اني بس محترك كلبي اختي تفتر بالسوك بمكاني

- فدوه لغيرتك لتخاف ماكو بعد سوك اني التردو يوصللكم ومقصر شماسوي وياكم

جر حسره وبعد ايده عن عينه باوعلي ابتسمت عينه خضر صافيه تخبل
- لك هاي شنو هاي انت صاك ههه اشكراني والعيون خضر

ضحك ودار وجهه ورجع باوعلي
- انت شتريد رايح جاي يوميه ساعه تدك بالباب
- عمي رايد اصادقك دباوع خلقتك ضحكت وهو هم ضحك راد يكوم يكعد مكدر كمت شلته استند عليه كعدته عبس وجهه بالم ورجيت وراه المخاد كال بصوت خجلان

- ممنون
- يابه شمسوي من ورايه صار بيك هيج

- ادري بس اسألك سؤال شعدك طاير متكولي

- ههه محصور جنت ههههه متوازي ضحك من كلبه وسكت بقه يباوعلي مستغرب كال

- لا صدك شعدك جاي
- ياب شنو السالفه متعرفون تكرمون الضيف اكوم اطلع وكفت بالضحك كال
- لا يابه العفو استريح

اشرلي عالجربايه يمه كعدت يمه رجله وبدينا نتبادل اسأله
ياصف
يامواليد
وين شغلك

وبيت منو

وهكذا مرت ساعه او اكثر واندكت باب الهول جاوب بصوت مسموع

- خطار عدي
هدأت الدكه وره شوي جتي رساله لتلفونه اللي كان نوكيا ابيض واسود باوع وكال

- بله زحمه عليك ذاك الجيس طينيا
-

ياهو هاذ الاسود

- اي اي
- صار

كمت من مكاني جبت الجيس شفت بي دوايات خليته بيده باوع يمنه ويسره كال
- بس بله زحمه دك الباب كولهم مي
- خوش.

دكيت الباب شوي وانفتحت ونمدت ايد بيه جان بطلين مي نزلت راسي اخذتهن وانسدت الباب كلي استغراب لرزانتها مع العلم هي معلمه وتروح وتجي بس محبت تنكشف او يمكن لان كارهتني

نطيته البطل واخذ علاجه وبقيت كاعد يمه طلعت فديوات تضحك وكعدنا نضحك وهو صوته عله بالضحك حجيتله عن حياتي لكيت روحي رغم الفرق البيننا اللي تقريب يطلع بال ٦ سنين بس الولد كلش عاقل وعقله جبير وينحط بالكلب.

حجيتله عن عملي وحجالي عن شغله
كان فيترجي ويرجع ب٤ العصر بجي يبقى يقره لل٢ بليل وهسه تأجلت عالسنه التجي دراسته فهمته انه راح اقدمله للتربيه حتى متصير عليه سنه ثانيه وينحسب عليه راسب وتروح عليه الدرجتين شفته ارتاح بقه صافن بوجهي مبتسم كال

.. ابد متخيلتك هيج
.. ليش شون تخيلتني
.. والله توقعتك سكير وابن ماما وبابا وطز بالانزل مني مدام ابويه بضهري

.. ها هههههههه لا ياب شنو السالفه تره السياره الدعمتك بيها مو سيارتي سياره اخويه اني سيارتي شوي اطك منها هههه بس والله يعني مو مثل متتصور اني اشرب ونسوان وكذا بس مااذي احد بسوالفي ماذي روحي اي اني اكولك

- بس والله عمي بسيط مو شايف روحك مثل العدهم
- ليش منو معاشر هيج ماخذ نظره ياب دكول يا الله كلنا ولاد ادم

- انت شايف اليجون بسياراتهم للورشه من يباوعلي مدهن تكول شايف حشره يعكف وجهه ويخاف لااطخ سيارته تتدهن
- اي ذوله مجان عدهم وصارو فخطيه ميتحمل البيه ميخليه صعبه عالماشايف
- ههه اي والله هاي شنوو ب٩ والله الوكت اليوم محسيت بي. طار

- بعد يوميه اجيك ساعه زمان تقبل لو لا
- تعال هله بيك بس لتكلف روحك والله ميحتاج

- لا اني هم ماعدي شي احسن ماكابل امي وتضل تسب بابويه اكابلك واني اسب بي ههههه
- مسكين ابوك
- عمي دكول يا الله انت المسيجين يله فيماللا هسه شون حطلع

- افتح الباب وصيح يا الله
- ماشي

فتحت الباب وباوعتله وصحت يا الله جتني الضحكه ضحكت و باوعت لعلي ضحك كال
- والله انت تصنيف

شلت ايدي سلمت وطلعت احس ثكل من على صدري انزاح وصلت المطبخ لكيت صينيه عالميز بيها طماطا تكلاه وكباب تكلاه وزلاطه وخضره وخبز يابه شكد اشتهيتها مشيت و  عيني ع خطواتي  وطلعت والريحه ضربت براسي كلت بس اوصل اكول لامي تسوي
احساس الحسيته اليوم شكد مريح حسيت روحي دا اساعده واخفف عنه ارتاحيت خيل الثكل اللي على صدري بده ينزاح ونمت بيومها براحه .
.
.
.
.
يتبع