رواية أفلا تغفري الفصل الثاني 2 - بقلم مريم السعدي

 بارت ٢

#افلا_تغفري

#مريم_السعدي

ايسر....
مر اسبوع ثاني وبده الدوام سنا هالسنه سادس  خلينالها مدرسين  المصادفه الصارت سلوى بنت مرت ابويه ويه سنا بالخصوصي فالتقو هناك جانت وحده متجنبه اللخ

وبدت المدارس واني الاودي واجيب البنات       
اختي سنا حجابها مضبوط لان منقبل
بس رضوى وسلوى وبنت خالتهم سفور

واني على اعصابي  تربيتنا تختلف ومفتخر باختي  ورغم هالشي مشفت عليهم شي بس داقيني دق وامر والدي اربعتهم اوديهم اني واجيبهم ورضيت على مضض

ومشت الايام سنا تكعد بصفي والبنات ليوره كم مره شفت نور وعرفت وين لامحها جانت البنيه اللي جتي للسوبر  ماركت وطردت مهند من وراها

من تصعد سلوى ونور ميحجون بس رضوى راسا تكول
هلاوو ايسر

واني كالعاده ماجاوب  ومن نرجع للبيت وي سنا اختي تضل تحجي عليهم  تكول عدهم علاقات وي ولد وموخوش بنات واني اتخبل النوبه مصعدهم وي اختي لحد مافد مره  صعدت سنا وراها  رضوى وسلوى باوعت لرضوى بعصبيه نترت

- لج وينها هاي القزمه

رضوى : نور مجتي لعد شنو.
سلوى :  هسه تجي انتظروا
سنا : متواعده سمعتها تكول لصديقتها حطلع وي صاحبي

فكيت عيني ورضوى راساً نكرت

رضوى : كذابه نور ماعدها صاحب انتي تكذبين حرام عليج
سلوى : بيج خير ديربالج على روحج حبيبتي احنا مربايات احسن تربيه

ايسر : بسسسس شنو هاي شنو قصدج بدير بالج على روحج اختي تشرفج وتشرف عشيرتج العايفتج عايشه وي رجل غريب بفد بيت لو بيج خير اهل ابوج ميعوووفووج فاهمههه

سلوى : لا لا انت هواي تعديت الحدود اليوم مااسكتلك

رضوى : نزلت سلوى واخذت جنطتها واني اتوسل اصعدي بابا ميقبل ماما ترزلج وهي تجرها بعصبيه وجتي نور بيدها كتبها صعدت وتباوع على سلوى

نور : هاي شكو

ايسر : تصعدين لو اطلع

سلوى : اطلع روح
ايسر : بسيطه اني اعلمج

وصلت للبيت والطريق كله اصيح   على نور انتي وين جنتي 

نور : بالمدرسه عدي كتب نواقص انتظرت ام المكتبة

ايسر : يعني مطالعه باوعت لاختي دارت وجهه عالشباك
نور : يعني وين اطلع انت على شنو دتلمح

سكتت شفتها برطمت حتبجي باوعتلها بالمرايه  شعرها لونه جوزي على حمار وسرح  وعيونها جوزيه مدوره ووجهه ناعم صغير ملامح ناعمه وهي اصلا كلها ناعمه وجسم مرتب سنفوره بس تنحب

بس موبيدي من احقد راضع من امي سم

نزلو البنات وصاحني ابويه من شاف سلوى ماكو

ابو ايسر : وينها سلوى يابه

ايسر : مقبلت تصعد شمدريني وين راحت شمدريني شعدها ماعدها  يابه من الاخير اني ذنه البنات ماصعدهن وي اختي بعد يأثرن  على سمعتها

جنت احجي صوت عالي بباب الهول طبت مرت ابويه وسلوى  وراها وسنا ورايه ردت مرت ابويه بهدوء
- عيب ابني احترم بناتي مربايات

- ايي صحيح بدليل الللبس اليخزي وبله حجاب

ابويه صاح

- بس ايسر الزم حدودك

- يابه شوفلهم غير خط خلصني

- بابا انت المسوول قبلت ولا ماقبلت

سكتت وجاوبت سلوى

سلوى : عمي اني من اليوم اروح لبيت جدي اني مو ماورايه احد واتحمل هالاهاين اني متربايه على احسن تربيه مو ياهو اليجي يسمعني كلمه مااتحمل بعد

ابو ايسر : لا يابه ليش تاذيني لك ايسر تاللي وياك ولك بالقران اطردك واخلص من مشاكلك ومن سمها لامك شون وياااك

ايسر : سكتت واباوعها بغضب ختمتها مرت ابويه

- ابني حبيبي انت انتبه على اختك. واني بناتي اني اعرف اربيهم واذا طلعت منهم العيبه ذاك الوكت الك حق تحجي

عفت البيت وطلعت وسنا ورايه والطريق كله تحجي عليهم  وتكول عدهم علاقات وي فلان وعلان وي اخو فلانه واني ساكت

مرت ايام هواي وفجأة جانو طلاب السادس ممداومين بس الخوامس رضوى ونور بس بهالفتره نور اصلا متباوع بوجهي ولا تحاجيني حتى سلام وعايشه بيت خالتها  متروح بيت ابوها يوميه اوديها واجيبها وي رضوى وسنا وهي موجوده

وصلت رضوى للبيت ونزلت وياها دتنزل ذبيتلها حجايه صار هواي ممبرد  كلبي

- متنزلين كونتيسه
- بس دالم اوراقي والله

- نزلي نزلي هي بقت عليج هو صار دار ايتام 

جانت منصيه تلم الاوراق وكفت وبقت على نصيتها بقيت اباوع من الجامه  عليها لزمت جنطتها بهدوء ونزلت مجاوبت كملت كلام

- خوش بنات لام ابويه هاي هم يتونس وياكم لو بس وي خالتج  الله يستر على اختي باوعتها وكفت مفاتت وعدلت جنطتها على ضهرها وعافت البيت وطلعت كبل بقيت صافن وين ولت هاي

بقيت كاعد بالسياره صافن دقايق وجتي مرت ابويه كالت
- ايسر نور وينها
- راحت كبل طلعت منا
كالت
- عززه بعيني ابوها مسافر متدري هاي لك عيني شكتلها وراحت

شغلت السياره وطلعت لبستها لمرت ابويه مشيت بطريق الطلعته نور مدري شبيه وخفت ليصيبها شي ظهريه والشارع يصفر

شفتها تمشي سريع ومنصيه بالكع والشعر نازل على عيونها ثكلت من يمها

- اصعدي خاتون
مردت كملت مشيها باسرع من قبل

رجعت مشيت وي مشيتها وصلت لبيتهم يمكن فتحت الباب من جوه ودفعتها وطبت دتسد الباب لزمتها بيدي

- امشي ارجعج  بيت خالتج
كلتها بعصبيه مجاوبتني وجهه احمر دم 

كملت مشيتها لطرمه بيتهم وصلت لباب البيت الداخليه دكتها بقوه باوعت عالبيت طرمه وحديقه مرتب كتلها
- تره مسافر ابوج
جانت ناطيتني ضهرها  وتمسح بوجهها مترد وتدك الباب قوي

- امشي اوديج لتبليني بيج

- ماريد ارجع روح ابقى هنا

تقربت منها باوعت بعينها حمر حيل من البجي  متباوع لعيني وتشهك بقهر

- امشي ارجعج كلتها بهدوء

ردت بعصبيه
- ماررروح رووح هذا بيتنا
-

والله ابوج مسافر توها خالتج كالت
حجيتها بهدوء كسرت كلبي يتيمه وتبجي  اذتني دمعتها

- روح اطلع خاف يجي احد

- مااطلع اذا مو انتي ويايه شلت جنطتها يله امشي 

بقت تباوع بوجهي  والشهكه رغم وكفت بجي بس مجلبه بنفسها

كالت

- انت ششايف روحك  ها ششايف نفسك متخبل جيف عمو الحجي ديصرف علينا اصلا سلوى من فلوس ابوها عايشه واني  بابا نطاني قبل لااجي بيت خالتي انت شعليك شنو شايف علينا شيي

بقيت اباوع بعينها جريت نفس هزيت راسي بهدوء
- ميخالف هسه امشي اوديج بيت خالتج

-

اني ارجع ماريد

- اخاف يصيرلج شي بروح امج امشي اخرتيني على شغلي

بجت بقهر وكعدت على دجه الحديقه   باوعت على باب البيت المفتوحه وكعدت بصفها ساكت خلصت بجي وشالت شعرها واني صافن بملامحها الناعمه باوعتلي ودارت وجهه كالت

- تره اني مو ادبسز والله
ابتسمت هزيت راسي
- اعرف اعرف  

وكفت شالت جنطتها وطلعت مشيت وراها سديت الباب وفتحت باب السياره باوعتلي ونزلت راسها طبت للسياره وصعدت وطلعت كعدت ليوره باوعتلها بالمرايه ابتسمت ودارت وجهه بخجل

- اسف  
مدري ليش كلتها يمكن لان يتيمه واذيتها

هزت راسها تبتسم وعينها عالشباك كالت
- صرت حباب شو
- انت تختلفين انتي مالج ذنب

سكتت وتباوع عالشباك  وصلتها بيت خالتها وطبت اشرتلي باي
ضحكت وطلعت طبيت للسوبر ماركت وكلسا تجي ببالي دمعتها وابتسامتها وكلبي يدك مدري شبي 

مرت يومين  واوديهم واجيبهم جنت اباوعها بالمرايه وهي تبتسم تباوع عالشباك  عباك تعرف اباوعلها وابد متباوع

كمت ليل نهار افكر بيها ملامح وجهه شعرها الناعم قصرها ونعومتها 

نور....
ليش كلما يشوفني يبتسم ويذب حجي للكل الا اني ابد ميغثني سلوى انتبهت كالت
- ديري بالج منه تره هذا حقير تربيه امه وسمها

ماانكر خفت وقررت ابد مافكر بي

ايسر....
مرت كم يوم وهي متباوع ابد ومره جيت اوكت شافتني صعدت جانوا البنات بعدهم مجايين جان عدي نستله بالجكمجه فتحتها

باوعتلها بالمرايه مبتسم

بسس رفعت راسها تضم الضحكه  رحت فدوه

- بعدج زعلانه ؟
هزت راسها لا ودارت وجهه عالشباك

- زين
مديت ايدي ليوره
- هاج هاي النستله

- لالا شكرا ماريد

التفتت كلي ووجهي صار قريب عليها  كلتها بصوت هادئ

- اذا مقبلتي تاخذيها معناها زعلانه
اباوع معانيها ذبلت  وجهه عبالك نحلت اخذتها وتباوع بعيني منداريت بقيت اباوع لشفافها وعيونها وخدودها انتبهت يم اذنها اكو زراك بين الحمار والبياض مبين بصوره واضحه

- هاي شنو يم اذنج ؟
عكدت حاجبي مستغرب
كالت
- هاي لالا هيج ونزلت شعرها غطته
شفت سنا ورضوى جوي ديتناكرون صعدت سنا كعدت عدل ورضوى هم وراها

- شبيكم ياستار

رضوى : الا اكول لبابا بعد مااسكت لان انتي تدوسين بالبطن

- اني مكلت شي غللط جاوبت سنا

ايسر :  شكوووو احجي

رضوى : سنا ...
قاطعتها

ايسر : اني كلت لسنا تحجي

سنا : وحده سالتني شتصير منج نفس اسم الاب كتله اختي من غير ام

رضوى : كذابه كلتي امها باكت ابويهه والبنات كاموا يضحكون عليه  وتكولي خطيه امها مو حرام على امج

سنا : اي موحرام عليها شتردين سوي امج ام رياجيل وسحوره سنتين مكعدت وره مترملت متكدر  بله رجال

- امي اشرف امم
ايسر : لالا واضح بسس عاددد  شوفي لج رضوى اذا متحترمين نفسج متعرفين شسوي بيج وانتي سنا شنو هالحجي مو عيييب

رضوى : سنا هي الحجت
سنا : انتي شعليج صديقتي ودااشكيلها
- وصديقتج جتي حجت للكل حتى المدرسات جوي سالوني

ايسر...
بجت رضوى ومهتميت شوي وجتي سلوى  بقت ساكته بس مزنبره وصلنا لبعد فرعين كالت بنتره

- نزلتي هنا ايسر
- وين موليه خاتون

- هذا بيت جدي رضوى كولي لماما  ماارجع بعد لو تنزل ايه  بذاك البيت ماارجعله

طبت لبيت جدها ورضوى   تبجي باوعت لنور ساكته خانسه وصلتهم لبيتهم وطلعت لبيتنا نص ساعه وخابر ابويه  كال

- جيب اختك وتعال
مقبلت سنا تروح وكتله كام  يصيح واني ساكت قيصر صافن عليه من داحاجي بالفون سده بوجهي وهو يغلط عليه ساعه وطب ابويه لبيتنا

قيصر كال
- لك هذا ابويه لك شمسوي هاي جاي فاير

- عساه محترك
وكفت شفته طب لباب الهول دك الباب قوي امي لبست شي ع راسها وطب للبيت وراسن صاح

- سنااااا
وسنا وكفت ورايه اجه جرها من ورايه وسحل شعرها وهاي تصيح
امي كامت تدعي عليه وركضنا اني وقيصر وهو يصيح عوفوني اادبها

ايسر : اختي مادبه حجي روح ربي بنات العالم وعوف اختنا احنا نربيها

- اذا ملزمت حدودها  وتعذرت وسدت حلكها والله العظيم  حتى اتبره منهاااا كافي تعبتيني دمرتيني بسسس

قيصر : يابه انت بس عليها كادر روح لذنيج  شو فاتحلك دار ايتام وارامل رووح

ابويه بلحظة غضب مد ايده على قيصر ضربه راشدي وكفت الدنيا احس
وقيصر طلع من البيت يركض وامي  تصيح وتدعي على ابويه واني فقدت شلت السويج مالتي ومفاتيح الاسواق وخليتها بيده

- من اليوم انساني من صدك حجي الله وياك عدك ذاك بيتك وطيهم ورثك

بالعافيه عليك وعليهم منريدك منريييدك مثل مشمرتنا ورحت ودورت روحك احنا هم منريدك

قيصر....
طلعت من البيت  فاير اخذت سياره ايسر وطلعت بسرعتي جانت ليله عيد والشارع مكتظ واني احس روحي نار وراسي طبك وعيوني غوشت اغمضها قوي وافتحها  اشوف عيون اختي من بجت وايدها على خدها صافنه بوجه ابويه

مركزت زين وصار ولد كدامي دادوس بريك ودست بانزين النوب دسته وانشمر  شفته طار واني صعدت عالرصيف وعيوني عليه وانضربت بعامود وانتهى وعيي محسيت على شي بعد

ايسر...
طلع ابويه من البيت واني بس صافن على سنا ودموعها وامي التتحسب وتدعي عليهم بدعوه تكزبر الجلد

سالتها
- سنا شمسويه وابويه هيج اجه طاير

- ممسويه شي لان كلت على امهم متزوجه ابويه  تحجي وتبجي وجهه مصبوغ وشعرها مكفش

حضنتها وبالي على قيصر تلفوني دك وره نص ساعه  جان قيصر ديدك  رديت

- وييينك هي ابن ال---
- الو سلام عليكم
- تفضل منو حضرتك
صاحب هذا التلفون سوه حادث واخذو لمستشفى ال...

وكف كلبي
- اخويه بي شي عليك القران بي شي
- والله مادري اخذو واني تلفونه دك جيت عليه لكيته بالكع وملحكت وخابرت عالرقم الدك عليه الولد

يحجي واني كمت اطك رجل برجل وكفه مبيه بعد
وامي تدعي فاكه صدرها وتدعي عليهم صحتت
يووووم كافي رحمه لاهلج كافي الدعوه رجعت على اخويييه

طلعت طاير للمستشفى لكيتها عالكه مليانه ناس من المنطقه كلهم صاحو من شافوني واشرو عليه
- هاذ اخو هاذ اخو

- عايش لو لا كولولي عاايش لو لا بس فهموني

- حالته خطره والولد الضربه كلبه وكف وهسه ديسووله صدمه كهربائيه.

نشف دمي شرطه تارسه المكان واكو بنيه بالزويه مال طواريء تبجي بهدوء

مثل الحلم مثل الحلم طبيت ركض للطواريء قيصر منزعي هدومه وخياطات لجسمه ومو بوعيه والولد بصفه راسه مشكوك من الطول للطول ومخيطي ودينزف ردت اموت اله شوي

اباوع لقيصر حسيت روحي وحدي ماعدي اخ حسيت الدنيا فرغت اخاف اجي يمه يحجون ماجاوب طلعو من الطواريء واخذو للردهه شوي وودو الولد وراحت البنيه وياه ووياهم  رجال  يطلع ب٦٠ خلو بصف قاووش قيصر امشي عبالك طاير بله عقل هذا اخويه النايم  هناك عالسديه

هذا اخويه المضروب ومشكك جسمه هذا قيصر الكشاخ شككو هدومه عليه هذا حزام ضهري واكع

شدوله مغذي وكلسا ضاربين بي شي واحد من الشرطه سالني
- اخوك هذا
هزيت راسي واباوع لجسم قيصر كال

- حضروا روحكم وراه فصل لو سجن يكوم بسلامه

التفتت اباوع للبنيه الدكتور  يحجي وهي تبجي جانت كلش حلوه وملتزمه حيل بعبايتها وهدوئها حتى من تبجي حضنت الرجال الجبير وبقت كاعده يم الولد البيننا برده بس واباوعلهم من فتحه البرده واباوع لاخويه وسمعت ونته واخيرا
- ااخ اخخ يمه اخخخ رجلي

يحجي بنومه سديت حلكه خفت عليه يجون يستجوبوا واريد اتفاهم ويه اهل الولد الضربه يله خاف ياخذوللسجن يومين اني بايت مستشفى امي تخبلت

وابويه اجاني يركض واباوع عيونه من يشوفه نايم ومشدشد بجه بجي بحياتي مشفته وكلسا رايح على البنيه اللي انضرب ابنهم طلعت اخته كلسا رايح عليها ويكولها وين اهلج وين ابوج شتريدون حاضر

والبنيه تسكت ويروح ويجي عالاطباء يكولهم
انقله لمستشفى خاص والدكاتره يردون ميحتاج بس يفيق وهو فايق بس اني شاورته كتله دير بالك تفتح عينك خل  نخلص السالفه ويتنازلون يله
وانحجز وهو بالسديه  شرطه على راسه

قيصر...
اسمع  حجي ايسر واخاف احجي بس اريد اشوف الولد عايش يمكن اذا مات انتحر شون اعيش بتانيب الضمير هذا  اخر شي بليل نايم يمي سالته ضغطت على ايده تقرب مني وخله اذنه يم شفتي كتله

- الولد عايش شاورني 
- اي اي لتخاف  بس يمكن تسكط  وبعده بغيبوبه مديصحه

- خرب .. اهله جوي شو ماكو صوتهم
- اششش كافي قيصر اسكت اخته بصفنه نايمه يمه تروح تسمعك  نام حروح اجيب مي واجي

طلع واسمع شهكات قريبه عليه صوت بنيه يهمس

- حبيبي قوي نفسك  لخاطري ترضاها ابقى وحدي  انت رجال البيت كوم

بقيت صافن شنو شكبره اتذكر الولد الضربته قبل لاطب بالعمود يطلع مراهق

كطعت گلبي بتوسلها بي والله ردت ابجي

دعيت من گلبي يكوم على حيله وشيريد حاضر

.
.
.
.
يتبع