رواية اغلال القدر الفصل الرابع والعشرون 24 - بقلم الكاتبة ديانا

احيي كل المتابعين الكرام و اتمنى اليقرا يصوت للبارت و اكون ممنونه منكم حبايبي🌹🌹🌹

البارت الرابع و العشرون
اغلال القدر

امير ...نزلنه من القطار و عسل كاعدة على نار ... تنتظر وصول علي و زينب ... للولاية الي احنه بيها هسة ...
كتلها لازم ننزل بفندق منبقة بالمحطة هيج كاعدين جسمي ملخني لازم اسبح و امدد .. و همه ترة يتاخرون ع الاقل ١٠ ساعات بعدلهم ..
كالت ... روح انت اني ما اكدر اجي ...
اني ادري شنو الصاير... شنو اليربطها بينها و بين هاي الوية علي مدا افتهم ...
كتلها باعي هاي سوالف العناد ترة متفيدج ... امشي و لا تعاندين ترة دايخ ..
كالت انت تعرف الي بداخلي شنو .. بداخلي مو بس نيران بداخلي بركان و الماضي ديمزقني بسچاچينه ... فرجاءا. لا تلح وياية ...
كتلها يا ماضي و يا خريط شنو السالفة ......

اسيل ...:
هذا شلون افهمه هالقطعة الحجارة ... لا گلب و لا احاسيس مبين ...
كتله رجاءاً لا تستهزء ... ترة البية كافيني ...
گلي عيني اليسا احاسيسج و مشاعرج عوفيها بعدين خلي نروح نستراح ولو ساعتين و نجي نكمل الفديو كليب ....
هذا ليش لازكة بي اني ... اني ليش ما اعوفه و ارجع وية زينب و طبه مرض ...
كتله اكلك شوف ... المبلغ الي كتلك عليه هسة رح انطيكياه مو بغداد ... و هنا طلگني ... خليني ارجع و ية علي ...
هذا تخبل ... و انگلب ثور هائج ...اتقرب مني و گلي مو بكيفج تخلفين وعد ... اتفاقنه ببغداد نفذه ..يعني هناك نفذه ...
اني من قرب وجه يمي گلبي گام يدك سريع .... ما ادري من الخوف ... ما ادري احساس ثاني .... شنووو ..؟ شنو احساس ثاني ... وجعه اسيل هو هذا شكول واحد يحبه ... اووووووع شواربه شثخنها و متغطرس ... و شايف روحه ،.... لا عيني لا .... هذا شنووو عشتوووو ...
سمعت كلامه و رحنه لفندق ... فندق بسيط ... و الغرفة صغيرة و بيها سرير اسمه ابو نفرين ... كلش صغير .. و ما بيها غير بس خزانه هدوم بابين و تلفزيون معلك بالحايط ... لا كرسي و لا قنفة ...
طب هو للحمام غسل و طلع ... استغفر الله هذا جن لو شنوووو طلع لاف المنشفة على خصره ... كلت بگلبي افتهمنه عيني تلعب حديد و اسمر بس مو تطلعلي هيج ... احم سويت روحي ما اباوعله ...
هو استعاد حيويته و يبتسم بخبث و يباوعلي .. لا هذا مو صاحي يراد اعلمه اسيل منو ... عباله عجبني هالاستعراض بالعضلات و الجسم الاسمر ... 😒😒
درت وجهي و جان يكول جسمي تعبان و رح انام و اني ترة بية طبع ما البس شي من انام عدا القطعة التحتانية ... اني انصدمت 😳هذا شارب شي ..؟
كتله اوك بس اتغطه رجاءاً ..
گلي حارة ميعجبني اتغطه .. كتله اوك براحتك رح ارجع للمحطة اني .. كلي عسل ان طلعتي تعرفين شاسوي ...
وهاي رح اتغطه و امري لله اريد اشوف سوالفج وين حتوصلنه.
دخلت للحمام سبحت و طلعت .. امير نايم ... و متغطي ... مطلع بس وجهه ... اني ضحكت هذا الولد ساعه احسه رجال و ساعه احسه طفل ...
كعدت بالگع و انتچيت بالسرير و الشباك گدامي ...
شلت عيني و باوعت كلت يا ربي ... مالي صبر بعد ... اريد اشم ريحة زينب كل اهلي .. اريد احضنها و ااغفى على چتفها زينب اني خنتها و انهزمت .. اي خنتها .. اختي جانت تفدينه بروحها و اني رحت انهزمت و خليتها
وحدها ....
حسيت روحي تعبانة و لازم امدد ..
صعدت ع السرير و مددت .. وجه امير جان قريب من وجهي درت وجهي و غفيت راساً ....

بعد ثلاث ساعات نوم متواصلة ............

اسيل ..
حسيت بدفو .. بس اني نايمة منو غطاني .. عيني معاندة تفتح .. ريحة طيبة .. هاي شنو اكو هوة دافي ...؟
فتحت عيني و جان انصدمتتت😱😱😱😱😱
هذا امير  حاظني و انفاسه بوجهي .... شنووو هاااي ... وخرت ايده و صحت بي كتله هييييييييه شنو هذا ... ليش حاضني هيج .... منو الصرحلك ... انت ليش بلا خجل و حياء ... عود هاي انت استأمنتك على نفسي ... جان يحط شفافه على شفافي  و لزم راسي ... و ايده حاوطت خصري و تعمق بالبوسة .... اني صرت  ادفره  بس هو اقوى مني و بايده مكبلني من خصري و بشفافه هم ... كدرت ادفعه حيل ... جان يعوفني و ينزل من السرير و اني مصدومة ... كلي من يطول لسانج هذا عقابج ...
و ترة للعلم ... حضنتج بنومي ما ادري .... و لو صاحي   ما احضنج...  ليش عود ما شايف نسوان ....

امير ...
عسل .. صفحة تختلف عن كل صفحات حياتي   ما اعرف ليش احس اعرفها من زمان .. احس عندها شي الي ... ما ادري شنو جان احساسي من حضنتها و هي نايمة ... دفو ما لمس جسمي قبل ... امان و راحة ... هي مرتي .. مو حرام السويته .. بس اني اتعمدت الاشيها و اكولها بنومي ما ادري ... و زيدت جرعة الاستفزاز و كتلها   لو صاحي ما احضنج ليش ما شايف نسوان..؟ 🙈
بس الحقيقة صدك ما شايف مثلها ... حتى طعم شفافها غير ... عسل على اسمها ..
دخلت للحمام و عفتها ضايجة .. غسلت وجهي و طلعت .. لكيتها متحضرة و كالت ياله صار اربع ساعات هنا .. امشي نروح للمحطة ...
كتلها امشي امري لالله .. لو بس افتهم شنو سالفتج وية حبيبة علي جان ارتاح گلبي ..

اسيل ...
فزيت من كال امير (حبيبة علي ) قصد زينب .. كتله شنووو علي يحب زينب..؟ دمعت عيني ... گلي يووو مريض بيها الله وكيلج ... ينام و يكعد يحجي بيها .. حتى مرة لكيته يبچي عليها جان نايم و فاز من نومته ...
اني كمت ابجي ... كتله اختي  جانت هم يمكن تحبه ..
نزلن دموعي لا ارادياً و صرت ابجي بصوت ...

امير ..
مفتهمت ليش تبجي بس يمكن زينب الي يحبها علي هي اخت اسيل  ... كتلها هي اختج ... انهارت و كعدت بالكع وكالت  والله شكد محتاجة اشوفها بس شكد مستحية منها ... اني عفت زينب و هي بأمس الحاجة الي ..
كامت تضرب على صدرها ... و دكول البية مو بس بچي و حچي .. البية جروح رطبة عمرها سنين ما يوم طابت  ... عشت العذاب الوان و عشت الظلم اشكال بس صورة بخيالي وحدة هي التنزف وجع و صرخات خرسة .. صورة اختي و من كعدت ما لكتني ... شلون جان حالها ... شكالت من ما لكتني ... منو الحضنها و طبطب على جتافها ... منو الكالها اني يمج اسكتي ...
اختي عاشت وحيدة ... و اني الي ذنب جبير بهالشي ...
گلبي افتت من شفتها كاعدة و تبجي و بصوت عالي و تضرب على صدرها .. جيت كعدت كبالها ... كتلها .. اسيل ميصير تاذين نفسج .. زينب اختج لكيتيها اني واو الموضوع ما اعرفه كامل ... بس انت تكدرين تطلبين منها السماح ...
جان تباوعلي و بنظرة عاجزة باوعتلي و دموعها عشرة عشرة .. كالتلي انت تعتقد  رح تسامحني ..؟
كتلها اي اكيد .. اختج ما طول علي عاشكها،، و  وية النفس مسميها... يعني عرفتها قبل ما شاوفها طيبة و حنينة .. و اني اعرف علي طبعه مو سهل و مو ياهو الجان حبه ... فاني اظمنلج زينب رح تسامحج .. مديت ايدي و مسحت دموعها من على خدودها .. كتلها كومي خلي نروح حتى تشوفين اختج .. و اريدج تسولفيلي .. شنو القصة ...
اسيل قهرتني حييل جانت وديعه .. و ما عاندت .. بشي حتى نظراتها جانت خايفة و مرتقبة... جانت محتاجة مساندة ...
كالت من بين دموعها و ملامحها  الحزينة  فتت گلبي ..انت  شدكول ... ما راح تفشلني ..؟
وكفتها و صارت كبالي و مسحت دموعها بيدي كتلها لا ما رح تفشلج و اذا طلع كلامي صحيح اخسرج شي ..
كالت شتخسرني ..؟ كتلها ما ادري اذا جنت جوعان اخسرج غدة ... ابتسمت جان دكلي هههه انت ابو ثرب ... كتلها اي لج عيني مشتهي باجة من ايد الحجية .. بوياي اجتي ريحتها بخشمي يابة شوكت اوصل لبغداد اول شغلة اكلها لامي تسويلي باجة و الا اضوكلجباها ... يااابة عسل عسل مو باجة ...
كالت دعوف الباجة و الطليان امشي نروح گلبي تعب من الانتظار .. كتلها  اوك .. بس لا تنسين الرهان ... كالت اي والله بس يطلع حجيك صدك و اختي ما زعلانة و مسامحتني شتريد اسوي ...
كتلها اهاااا تذكري زين الرهان و هذا الكلتي حتى ما علية عتب من اطلب وجبة دسمة ... كالت لا ما انسة امشي عااد........

علي ....
صار كم ساعه احنه بالقطار اباوع لزينب لازم اكللها ... حبيبتي و بت گلبي وجهها شاحب و هالات جوة عينها تعبها السهر و المرض ... لازم امهدلها حتى من تشوف اختها لا تنصدم و تجيها الحالة ... (حالة الصرع)
هي كاعدة بالمقعد المقابيلي ...
تقدمت بكعدتي و مديت ايدي لزمت ايدها .. باوعت بعينها هي انصدمت رادت تجر ايدها بس اني عصرتها حييل .. كتلها زينب اريدج توعديني بشغلة ... كالت شنو .. كتلها اولاً انت الي و يرجع المال لاصحابه .. ابتسمت و غرگن عيونها ببحر المستحة .. دنگت خجلانه و ايديها بردت ...
اني ضحكت .. و ردت   ابوس عينها و اضوك من هالبحر رشفة تروي عطش سنين ..
كتلهة باوعي زينب .. انت مندليتي خواتج مووو ؟؟
هي انمسحت الابتسامة من ثغرها و صارت شاحبة اكثر .. طكت دمعة بعينها و نزلت دمعتها .. كالت لا و يومية اموت الف موتة احسب وينهم و شلوننهم .. عايشين لو ميتين .. كتلها لا .. ان شاءالله بخير .. كتلها زينب .. و بهالاثناء وكف القطار ..
كالت يمكن وصلنه .. اني حجايتي انكطعت ..و كلت علي عوف لكل حادث حديث ..
نزلته من اقطار و صرنه بالمحطة اني دكيت على امير .. و امير شاله ...كلي هااا علي انت وين ..؟
كتله اني بالمحطة وينك ...؟ كلي تعال اطلع للباب الرئيسية ..
اني هم اتوجهت بزينب للباب الخارجي .. كالتلي علي باردة اشو ... كتلها صدك .. كو قبل شوية جنتي غافية هاج يروحي هذا كوتي البسي .. نزعت الكوت و لبسته الها ... هي ابتسمت خجلانه .. كتلها كافي ترة ما اضمنلج روحي و انت تبثين هالنظرات الي گطعت شراييني ... كالت علي ..😳 شجاك اني متزوجة .. كتلها وروح امي ادري انت متزوجة .. بس ترة اعرف زواجج صوري و زوجج حجالي كلشي ..
كالت و ان يكن .. اني بذمته .. و اتمنى تحترم هالشي لخاطري ...، كتلها و لا يهمج رح اصبر بس انت متدرين بيه شقاسيت بغيابج ... الهجر موتني زينب ... انام و الكاج بالحلم  سراب اكعد و طيفج محاوطني .... و تريديني من لكيتج الزم حدودي ... زينب ما اضمنلج علي العاشگ شكد رح يصبر ... لان ملني الصبر و غادرني ...
كالت لا علي عفية .. مؤنس كرس جزء جبير من حياته الي .. و تعب عليه و ما اخونه بلحظة ... اني اوعدك بس يتحسن رح اطلب منه الطلاك و ان شاءالله تبدي حياتنه بالحلال اني و وياك ..
ابتسمت و الفرحة البية ما توازيها حجم جبال .. كتلها اوك و هسة رح اكلج شغلة ... بس اريدج قوية ..
كالت شنو .. علي ... خوفتني .. خابروك من المستشفى ..؟ مؤنس بي شي ...؟
اني ضجت .. كتلها زينب .. انسي مؤنس و خليج  وية علي .. لا تخليني اضوج .. كالت لا علي الرجال مثل ابوية و هو مريض ...
كتلها لا ما خابروني ... بس ... و بهالاثناء جان اسمع صوت بنية وراية  تصيح ززززززييينننننب .... اني وخرت زينب ظلت باهتة تدور الصوت .. انداريت لكيت امير واكف و عينه مليانه دمع ... جتي اسيل و كفت كبال زينب ...
اسيل ..: زينب اني اسيل .. اختج ... لا لا ظناج اني بنت زينب مو اختها ..
زينب انهارت .. بجي و كامت تصرخ اسيييييييل .. اسيل انت اسيييل .. اختي و بنت امي اسيل وينج ..؟ ليش عفتيني
تحاضنوا و صارت دموعهم انهار .. اني على هالمنظر طكت دمعتي و صرت ابجي ..

زينب ..:
اسيل ليش هيج ما نشفت دمعتي .. عليج .. ظلت تصرخ اسمج كل ليلة .. ما ضكت النوم و العافية هجرتني .. ليش خيتي ليش ... النفس كوة اجره .. و انت بليلة هان عليج تعوفيني .. جنت عايشة لاجلكم .. و من غبتوا صارت مرة الحياة ... ليش اسيل رحتي و ما كلتي اختي ما الهة احد .. عفتيني بسهولة .. مسحت دموعي و باوعتلها متغيرة اختي هواية ..

اسيل ..
فتت گلبي زينب من كعدت تكلي ليش عفتيني و صارت تشهك بواچي و اني شهگاتي تجاوبها بحسرات و ندم ... صرت ابوس بيها كلشي .. عينها ... و راسها .. و خدها و ايدها و حتى نزلت لرجلها .. كتلها سامحيني يا امي .. انت امي و عامو خيمتنه ... انت روح بيتنه الملونه بالوان الربيع ... انت شمة من عطر امي الغافية جوة التراب ... سامحي رعونتي الي ودتني للتهلكة بلياج ... اني تهت زينب و ضعت بلياج .. تيمت مرة ثانية .. هي تبجي بانين و اني شهكاتي تجاوبها .. تحاضنه واحنه كاعدين بالكع ... وظليت اشمهة بكل كتر ما مليت .. هاي اختي ردتلي الروح اليوم من شفتها ... كتلها اففيييييييش بيج ريحة امي ... زينب انت امي والله انت امي ...

زينب ...
ما مصدگة اسيل عايشة فدوة لريحتها و فدوة لعمرها اختي سودة علية وين جانت و شافت دكلي تيمت من عفتج ... بوستها و ظلت تطلب السماح ... كتلها روحي انت شلون تريديني ما اسامحج حبيبتي و اختي و كل هلي .............